#ليته يعلم(أحببته منذ الصغر)

البارت ٥٤

البارت ٥٤
ليته يعلم ( أحببته منذ الصغر)
كعدت يم عمو ابراهيم جنت مستحيه كلش وخجلانه
صبتلي جاي عمه فهميه وخلت بيض وجبن يمي
اكلت جبن بس . لان معدتي صايره تلعب بعد مااكل البيض
خلصو ريوك وكلهم كامو لشغلهم.. بقت عمه فهميه والجناين
عمه فهميه حجت ويه هيفاء
فهميه:لفي حجابج ززين رگبتج تبين فضيحه
هيفاء:قابل شسوي.. الحجاب يخنكني
فهميه:تحملي...عيب كل الولد وعمج كاعدين والآثار برگبتج مفضوحه
هيفاء: ماشي ماشي
كمت تااشيل الريوك وياهن
اهميه:عوفي بنتي هس احنه نشيل
رنا:لا عادي
شلت الصينيه وديتها للمطبخ
بقيت وياهن بالمطبخ جانت عمه فهميه وهيفاء يسون ممباراة..
في بيت العم سالم)
اجت صابرين للبيت بعد ماسمعت بالأخبار من الجده
صابرين:هلا يوم شونج
جده:هلا بيج
صابرين: ماشاءالله عليكم هججتو الچنايين من البيت .من وره الشفيه فراسس...وين صادق
جده:بغرفته فوك
صعدت صابرين للغرفة
صابرين:ها خويه.شنو هالسالفه ليش هيج ليش خليتوها تهج من البيت
صادق: استغفر الله.. صابرين راسي يوجعني ومالي خلك
صابرين:لعد بس الكم خلك المشاكل..
صادق:هس شتريدين ترا البيه مكفيني..
صابرين:ماريد شي بس مقهورة عالصار
صادق:بس انتي مقهورة ؟؟هي لسانها طويل
صابرين: والله رنا ماتتعدده على أحد.بس شوف وين وصلت حالتها وهيج حجت
صادق:يعني شمسويلهاااا قابل .معذبها مكعدها ومنومها بكتله
صابرين:مرات الضرب اهووون..اتقو الله بيهااا..بس مايلام عمي من اخذها
صادق:اكككلللج ترااا لاانتيي ولاعمجج احن مني عليهاااا ..هسس صرتو شايلين همها ..
صابرين:موهيج قصدي...
صادق:لعد شنوو قصدج.. كلمن يگطع حلاوة على گد حلگه
انتي تدرين شصار بيه البارحه..صرت ميت وصله ماعرف وين انطي وجهي..صرت بينهاا وبين اخوي وعمي وبين نفسييي ...تحسبين قليله عليه يجي عمي يلومني يكول خابرتني تبچي..عوفج من انو هي خطيبتيي.بس رنا طاگتها بگلبي تختلف عن كلشي ....بس اريد الصبر من الله كلشي ماريد بعد
انقهرت صابرين من سمعت كلام صادق
صابرين:الله يساعدك ويقويك حقك والله....شوف صادق.ترا رنا اخر شي نفسيتها حيل تعبت هي حجتلي كلشي..وانت هم ماقصرت وياها جنت حاد وياها وهالشي ياذيها كلشش ترا هي مالها غيرك.ماتتحمل انو تهملها ابد
صادق:اني سويت هيج عمدا لان قهرتني بتصرفهاا .
صابرين: ميخالف بس موبهاي الطريقه
صادق:لعد بيا طريقه كليلي...اني ماريد اضربها ولااريد اجرحها بكلام ثگيل ..ترا اني لوغيرها تحجي هيج وتعلي صوتها وتضرب الموبايل بوجهي..وربج اخلص عليها وادزها لأهلها..بس اني مقدر كلشيي
صابرين:الله كريم اني هم راح احجي وياها
صادق:شتحجين وياها.هو انتي الگويتيها عليه
صابرين: اني
صادق:اي انتي.تحسبين ماعرف سوالفج
صابرين: له له له...هههه ماعرف بس اني دايما اصف وياها واحبها وانقهر عليها ماكدر انطي بيها
صادق: ورربج لاانتي ولاغيرج تحبونها بگدي .كل حبكم اللي تحجون بي تجاها.. مايجي يم شعره من حبي الها
صابرين:الله الله ..لعد ليش تعاقبها
صادق:ههه رجعتي لنفس الموضوع... ياصابرين حتى لو احبها وروحي بيها.هذا مايعني ارخيلها الحبل بكلشي واخليها بكيفها تتمادى.لا موهيج الأمور.. لازم اكو حد.على مودها ترا والله
صابرين: صحيح..اني راح ابقه هنا لان البيت مابي احد
في بيت العم إبراهيم) الساعه ١٢ ونص
اذن الجامع..رحت تمسحت وصليت
عمي ابراهيم والولد كلهم جانو بالربعه يصلون
فهميه: يلا هيفاء خلي نحضر الغده
صبن الغده بصياني نواف..
اني مااكل الممبار هيج.يعجبني اگليها واكلها
خلن الاكل باللهول وكعدت يم عمه فهميه
مااكلت بس من طارف الخبز
فهميه:اشو ماتاكلين بس خبز ليش
رنا:......
فهميه:شنو مايعجبج
رنا:لا مو هيج.بسس مااكلهن هيج بس گلي
فهميه:لعد ماتحجين ماتكولين...يلا هس هيفاء تكوم تگليلج
رنا:لالا اني اكوم
فهميه: موجود بالجدريه اخذي منهن وگلي الج ..اكو گلايه عالكهرب بس شكلها وگلي بيها زيت كامل
رحت شغلت الگلايه وكليت الي ..كعدت بالمطبخ واكلت
ابراهيم:وينج بنتييي
رنا:عموو دااكل بالمطبخ
خلصو اكل واجت هيفاء وعمتي شايلات الصياني
فهميه:ليش ماگعدتي ويانا
رنا: عادي..اني ردت هنا
كملت اكل..غسلت ورحت للغرفة
الغرفه بيها مكتبه وفوكها منام للنوم وتخت ابو النفر تنام بي نغم.بنتهم الصغيرة .ومرايا وجرارات
كعدت عالتخت شويه واجت هيفاء وحنان جابلي جاي وكعدن يمي ..
هيفاء:اي اخبارج رنا..كالو صاير مشاكل واجيتي ويه عمي
رنا:اي صحيح
هيفاء: صادق دايما يجي هنا على عمي وعالولد.. ماشاءالله علي مبين اخلاق..شنو سبب المشاكل
اصلا ماعرف شجاوب لان مشكله ابطن مشكله
رنا:والله ماجان اكو شي بس شي تافه يكبر الأمور.واني تعبت وخابرت عمي يجي ياخذني
حنان:ولد خالي زينين.صادق هو يحل المشاكل شعجب هالمره فلتت الشغله من ايده
رنا:هه اني فلتتها
حنان: والله اني ماعرف بضبظ شصار.بس فطومه (تقصد اختها فاطمه) تكول حيل زين عليج.. ماتوقع يتعده على أحد
حسيتها تقصد انو اني اللي ماخوش ومتعديه عليه..
رنا:لامابينه شي احنه.اصلا خلافي مو وياه
ردت اسد السالفه واغير الموضوع
رنا:صدك انتي بيا شهر
حنان:صارلي ٤ ايام من طبيت بشعري
رنا: يعني ماضل شي
حنان:اي والله بأي لحظه اجيب
هيفاء: حاليا احنه بفتره انذار..انتظر العياط مال حنان ههه
حنان:هههه ماعيط اني
هيفاء:اي مبين عليج..وكت جبتي عبودي كومتي الدنيا
رنا:ان شاء الله تجيبين وتگومين بالسلامه
حنان:ان شاء الله
في بيت العم سالم)
مشى الوكت وصارت الدنيا ليل الساعه ٧
في بيت العم سالم)
صابرين:نووور نووور
اجت نور
نور:هااا
صابرين:وينج صار ساعه اصيحج
نور:جنت فوك
صابرين:لاتضليييين فووك عاد...يلا تعاي عاونيني بالعشه..وكت الغده مانزلتي ولامديتي اييدج
نور:اووف ماتكدرين تشتغلين بوحدج ونتي وساكته
صابرين:لااا ماكدرر.تعودتي عالخدم.بس يلا هس ماكو لارنا ولاسرى ..اخذي البطاطا گطعيها
خلصو عشه..
في الصاله جده وصابرين والبنات
صابرين: والله البيت موطيبه ..لا سرى ولارنا
نور:ههه بالعكس
صابرين: بالعكس مووو..يامنحوسه ياصفره..حاطه عليها من دودتج..بس لاتكيفين ترا باجر يرجعهااا هو كال لاحييل تفرحين
نور:عساها مارجعت ان شاء الله
جده:عيييب عليييج شمسويتلج حتى عساها مارجعت.خطيه
صابرين:لوتطكين لو تموتين مايصير اللي تريدينه..ترا يموت عليها خاف ماتدرين
نور:انشوف انشوف
في بيت العم إبراهيم)الساعه ٩ مساء
جنت بالغرفه ويه نغم جانت ماسكه موبايل تلعب بي
سمعت صوت..كلبي لعب مثل صوت صادق اوفراس هيج شي
طلعت من الغرفه..رحت للهول
جانو كاعدين ولد عمي ابراهيم يلعبون دومنا وصوتهم عالي
نبرتهم نفس ولد عمي سالم..مرات من اسمعهم اجفل حسبالي اجو ولد عمي سالم
شافني عمي إبراهيم.اجه عليه
ابراهيم:هات ان شاء الله مرتاحه هنا
رنا:اي الحمد لله..صدك عمو باجر عندي دوام.خابر ابو الخط يجيني من هنا
ابراهيم:اي زين ذكرتني هس اخابره ..
خله ايده بجيبه وطلع فلوس
ابراهيم:اخذيهن
رنا:لا عمو ماريد
ابراهيم:اخذيهن اشوو اخذيهنن يلااا.ترا ازعل عليج
اخذتهن منه..وهم انحرجت كلشش
اوف ياربي گضيتها احراج هنا
رحت على غرفه هيفاء دگيت الباب
هيفاء:منووو
رنا:اني
فتحت الباب
هيفاء:فوتي رنا
طبيت جوة .اول ماشفت الغرفه تذكرت غرفتنا.بس غرفتنا احلى بهواي
رنا:اكلج هيفاء اني باجر عندي دوام..عادي البس شي من يمج
هيفاء:اي عادي ..بس ماعرف إذا يصير على قياسج اولا
فتحت الكنتور..هواي ملابسي عدها
كلما اجرب شي يطلع صغير اوضيك.لان هي موكلش طويله وناعمه ..
هيفاء:دقيقه عندي فستان شوي جبير عليه هس اطلعلج اياه
طلعتلي الفستان..لبتسه
رنا:اي زين هذا على قياسي
حيل حلو صيفي.
هيفاء: واخيرا هههه
رنا:ههههه...زين طلب ثاني
هيفاء:كولي
رنا:اريد افوت اسبح..
هيفاء:اي عندي بدلات ودشاديش يصيرن عليج
رنا:خوش
طلعتلي ملابس ودشداشة بيها خراط من النص على قياسي فيت صارت
احذتهم ورحت للحمام.شافتني عمه فهميه
فهمييه:ها تاتسبحين
رنا:اي
اهميه: اذا تريدين اسبحي بالحمام الفوك..هناك تاخذين راحتج
رنا:ماشي
صعدت فوك وياها وطبيت للحمام
حيل حلو الحمام الفوك.كله سيراميك ومرمر
فتحت الدوشش وسبحت سبحه زينه
طلعت من الحمام ورحت للغرفة ركض
طبيت جوة..جانت حنان كاعده بالغرفه ويه عمتي ونغم
حنان: نعيما
رنا:الله ينعم عليج
حنان:ها صارن عليج هدوم هيفاء
رنا:اي من بعد معاناة
فهميه:المشط بالجرار
طلعت المشط ومشطت شعري..
كعدنا شوي بعدين كامن
تمددت بفراشي..باوعت على نغم تلعب بجهاز
رنا:بس انطيني الموبايل حتى اوقت المنبه
اخذتها منها وقتت المنبه ورجعت نمت
كعدت الصبح..تحضرت ولبست الملابس اللي اخذتهن من هيفاء
سمعت صوت هورن ابو الخط
رحت وياهم
صديقتي:هاا رنا اشو من غير بيت اخذناج
رنا:اي حاليا ابيت عمي اني
رحت للدوام خلصت ورجعت.جان الجو بده يصير حار
طبيت للبيت.. إحساس غريب لان اول مره ارجع من دوامي لغير بيت
طبيت للبيت جانت حنان بالمطبخ بدلت هدومي وغسلت وصليت..
اجت حنان للغرفه
حنان :غداج عالطباخ
رنا:ماشي
رحت للمطبخ اكلت عالطاوله.عدهم طاوله صغيره بصفحه ويمها كراسي ٢ كعدت واكلت ورجعت للغرفة
الكل نايمين وهدوء..رحت للغرفه.جانت نغم نايمه
واني هم نمت
في بيت العم سالم)
الكل كاعدين بالصالة... صادق بالاستقبال وفراس ماموجود
جده:علاوي كافي عاد سرى يم اهلها..كول لصادق حتى نروح اليوم نرجعها
صابرين:الله يساعدك ياصادق.. مايعرف يرجع سرى لو رنا
سراب:ههههه
جده:انتي اليوم راح تروحين.. مايصير البيت يبقى مابي مره..لازم نروح نرجع سرى اليوم .
علاوي:ان شاء الله ان شاء الله
راح علاوي على صادق للاستقبال كعد يمه
علاوي: اكلك خويه
صادق:كول علاوي
علاوي:بلكي نروح اليوم لبيت خالي محمود
صادق:........
علاوي:اذا ماعندك شي يعني
صادق:ان شاء الله
في بيت العم إبراهيم)
كعدت العصر ..طلعت من الغرفه بعد ماغسلت.
صاحني عمو ابراهيم
ابراهيم: تعالي بنتي هنا
رحت يمهم..جانو كاعدين يتعصرون
صبتلي عمه فهميه جاي ولبن
فهميه:شون دوامج اليوم
رنا:زين الحمدلله
عدنان فتح موضوع العركه
عدنان:ولد عمي صايرين نار وشرار... صادق ولايتفاهم ول بويا شكو عليها خليها تجي هنا..مايقبل قفل..بالتواسيل سكت
حنان:وشصار علي
ابراهيم:خلي خلي اني اله..
افرح بداخلي من عمي يصف وياي..اريد بعد وبعد احرگهم
عبر الوكت صارت الدنيا ليل
كلنا كاعدين بالهول عالديوان بس عمي ابراهيم ماموجود
سراج مشغل البلازما على كرة القدم..(مباراة دوري )
حنان كاعده يم عدنان.وسراج وقيصر يلعبون دومنا بالگاع
وهيفاء تخابر امها ..عمه فهميه تخيط بجنطه نغم
فهميه:ليش كاشمتهاا .. حرامات جديده
نغم:چلبت بالسياج مادري بيها
اجه عمو ابراهيم شايل وياه علاگه چبيره بيها حلويات وعصاير وحب شمس وحلقوم ..انطاها لعمه فهميه
فهميه:كومي هيفاء خليهن بصينيه وحضري گلاصات
كامت هيفاء وحضرتهن
ابراهيم:خلي يم رنا..
طبعا عمامي كلهم زينين. عمي سالم الله يرحمه جان حيل زين وياي..وهس عمي ابراهيم هم حيل زين..وولدهم هم زينين..يعني اني ابد ماانسى ولاانكر فضل صادق عليه قبل ماخطبني..بس فراس هو اللي جان مازين خصوصا بعد الحادثه ويه مرته..بس للأسف البعض البعض من نسوانهم موزينات
في بيت الخال محمود)
اجه صادق والجده وعلاوي حتى يرجعون سرى
سلم عليهم خالي محمود وفاتو جوة
بعد سوالف هواي وناقاشات حاده ولينه مع الخال محمود وسرى
سرى: اني راح ارجع لخاطر صادق وماارده
علاوي ساكت ومدنگ راسه
صادق:تسلمين
سرى:بس اذا صارت مره ثانيه ومد ايدو عليه ابد مارجع
صادق: اشحدو يمد ايدو بعد..يلا ياسرى كومي تحضري
سرى:وفراس ماحجي وياه..ومااقبل نهائيااا يتجاوز بعد
صادق:ها هيه ياسرى ها هيه
رجعت سرى وياهم..كل الطريق سرى مطنگره على علاوي
وصلو البيت وطبت كبل لغرفتها..طب علاوي وراها
علاوي:شلونج سرى
سرى:زينه
علاوي:شكو ماكو
سرى.......
علاوي: كافيج عاد سراوي
سرى :.......
علاوي:وشون يعني تضلين زعلانه
سرى:لامااضل عوفني عود اني لحالي ارضى
علاوي:اكييد
سرى:ايي
علاوي:ماشي على راحتج
فرغت هدومها من الجنطه وعزلتهن بالكنتور
طلعت من الغرفه وراحت للصاله
سرى:وين رنا
جده:بيت عمها ابراهيم
سرى:هاا عجب
جده:اول البارحه گبت العيطه وخابرت عمها وراحت
سرى:صدك تحجين
جده:اي والله
سرى:زين ليشش
حجتلها السالفة بالكامل
سرى:ياربيي هم من وراها اوووف..ماتستاهل رنا
سراب:صدك انتي ماشفتي غرفه صادق ورنا
سرى:لا ماشفت
سراب:امشي خلي نصعد
صعدت فوك للغرفه
سرى: ماشاءالله ماشاءالله تخبل
سراب:اي حيل حلوة
سرى:حتى مجهزينها ... احلى من غرفتي
سراب:اي جهزوها كامل
سرى: وتالي ماتهنت بيها
سراب:اي والله
في بيت العم إبراهيم)
جنت كاعده وياهم
عدنان شغل جگاره
حنان:عفيه لاتدخن
كبل طفه جگارته ...
عدنان:شوكت تجيبين وارتاح
حنان:ههه انت ترتاح لو اني ارتاح
عدنان:اني اكثر منج ارتاح.... عبودي وينه
حنان:نايم
تأخر الوكت حسيت نفسي نعست
رحت للغرفه وكعدت بمكاني
اجت نغم وعمه فهميه للغرفه
فهميه: تعالي خلي امشطلج حتى من تكعدين الصبح تروحين للمدرسه.ماامشط شعرج
مشطت شعرها..اجه عمو ابراهيم كام يدلع نغومه ويلاعبها
وعمه فهميه تضحك
فهميه:هااي المدلله هناا ماينام اذا مايجي يلعب شوي وياها
طلعو من الغرفه وطفو الضوه.تذكرت السواه وياي وشكد جان قاسي ومن وراه اني حيل تأزمت نفسيتي وصرت هيج.يعني بغض النضر عن فراس أو نور وكل البيت..بس لو جان موصاد عني ماجان وصلت الهالمرحله وبهاالوضع اللي اني بي حالياً 💔
ثاني يوم داومت ورجعت جان الوضع طبيعي
شوي بديت اتعود عليهم..
تعشينا ورحت خدرت چاي وصبيت الهم
عمو ابراهيم:عاشت ايدج حيل طيب
عدنان:اي والله
هيفاء:لازم الجاي يوميه مايعجبكم
حجتها بشقه
ابراهيم:ههههه
واحنه كاعد نحجي دك الموبايل على عدنان
عدنان:هلا.....ماشي جاي
سد الموبايل وكال
عدنان:صادق وعلاوي عالباب
كلبي كام يدك سريع
كام عمي ابراهيم وعدنان
طبو جوة بالربعه....جان هدوء الوضع
اني متوتره كلشش
بعد شوي اجه عمو ابراهيم وحجه وياي
ابراهيم:اكلج بنتي.صادق يريد يرجعج
من كال هيج.احس نفسي اختنكت بعد مومتهياة انو ارجع للبيت وهم اشوف نور وفراس ..
ضجت كلش
ابراهيم:شوفي اذا ماتريدين ترجعين كولي اللي أمانه
هزيت راسي يعني لا ماريد أرجع
ابراهيم:هاي هيه بنتي مدام ماتردين ترجعين.بكيفج لاتخافين ماخلي ياخذج
رجع عمو ابراهيم للربعه
بعد شوي بدأ الصوت يعلي
رحت يم الباب اني وعمه فهميه وحنان حتى نسمع
بهذا الوكت اني كلش قلقه
ابراهيم:اذا ماهي تريد ترجع اني ماخليك تأخذها
صادق:على ياااااساس هي ماتقبل ترجع شنووو بكيفهااا
ابراهيم:اي بكيفهاا
صادق: استغفررررالله..انيي احل الأمور اذا هي ضايجه من البيت ضايجه من فراس ضايجه منيي انيي انجاااز
تعصب عمي إبراهيم
ابراهيم:شتتتحل ياصادق شتتتحل..اخوووك لاعب بالبيت طوبه وانت موحاجي وياه حتى ..ملتهييين تحلوون مشاكل الناس.ومشاكل بيتكم موحالينهااا
صادق:ماااايخص احد هالشيييي..السالفه ومابيهااا فراااس مدمر نفسياً ومتعصب ..ماصار شي
ابراهيم:على نفسوو يتعصببب..علا كلا مدام رنا ماترضى ترجع اني ماخليها تطلع من البيت
صادق: ترررررا موبكيفهااا
انحمست كلشش من طريقته وعصبيته
صادق:ويننههاا هي
ابراهيم:شنوو مامصدك انو هي ماتبقل ..هسس اصيحهاا بنفسي
معد اعرف شسوي...رجعت فتت للمطبخ
انفتح الباب
ابراهيم: تعالي بنتيي
طبيت وياه للربعه
ابراهيم:بنتيي كدامو اسألج تريدين ترجعين لولاا
هو چان كاعد وعلاوي يمه وعدنان مقابيلهم
باوعت علي چان مخوزر كلشش
رنا:لا ماريد ارجع
صادق:وليش بله
رنا:تعرف زين مايحتاج
صادق: ميخالف.. ترجعين والله كريم
رنا:لا ماررجع وياك
صادق: ترجعيييييين وغصبااااا عننننج
رنا: ماكو شي غصبا عنيييي.ماريد ارجع خما گوووة
صادق:يرنااااااا
علاوي اجه يمي .وطلعني بره
علاوي: ليش ما الله يهداج وترجعين ويانا
رنا:ياعلاوي والله بعدني تعبانه نفسيا.مصارلي ٣ ايام هنا.خلوني ارتاح.ماريد أشوف فراس ولاالي خلك للبيت
علاوي:اوووف
صوت عمي وصادق صار عالي كلش
رجع علاوي للربعه
صادق:يلاا خلي تجييي
علاوي:ماتقبل
اجه عليه وعيونه نارر
صادق:اذا ماتجين بالرضا..اخذج شحطط والله
ابراهيم:تاااحذ منوو شحططط..عيب عليك عاد
صادق:عميي ماريد نتخاااارب بيناتنا لخااااطر الله لاتدخل .
انفعل عمي هواي....وتصادموو بالكلام
ابراهيم:ياااباااا بالعظيم لوانت موعاقد عليهاا وعندي ولد چبيير اله اخذهاااا اله
من كال هيج عميي.صادق تخببببل وعلاوي هم كلشش ضااج
صادق:هيييييج مووووووو..والله لو ما عميي وچبيييير اله اسووي شيئ بالقرررررچ موصاااااايررر
عدنان:عمك جبير ويحجي هييج لاتاخذ بكلامه
علاوي:عيييب هييج يحجيي
اجه صادق عليه وجرني من ايدي
رنا:وخرررر عنيييي ماارجع
علاوي:والله عيببب عليج تبقييين هناااا بعد هالحجيي
صادق عااف ايدي بقوووة...وباوع عليه بنضرات تخوف
صادق: يصير خير يارنا يصير خيير
طلعو وشخطو السياره......يتببببع