#ليته يعلم(أحببته منذ الصغر)

بارت ٥٨

تكمله بارت ٥٨
ليته يعلم أحببته منذ الصغر
صابرين:اخخخخخ يااااربييي  جان يگلييي بسسس لاعجيتييي(بنتي) بسسس لاعجيييتييي الهاا ايييد بالشغله...اكله لاااا موالهالدجه ماتسويهااا..
كمت ارجف ولفيت نفسي بالغطى احس مسكتني الرجافيه
ماعرف شنو صاير واصلا خايفه أسأل شاكو.
صابرين:حسبيييي الله عليييييهننن دمرنوووو
بقى صوت العياط والصراخ...اجت جده للغرفة تنفت وماسكه گلبها وجها شاحب
جده:ياربي عديها على خييررر
صابرين: ياااااخيييير يايمه ياخيييييررر گحااااااب الله ينتقم منهننننننن
اسمع علاوي يكول
علاوي:يلاااا انزلييييييي انززززليي
نور:والله هنااا ورطنييي والله
صادق ماسك نور من شعرهااا وجرها من الدرج
باوعت جان حالتها يرثى لها...يعني فعلاً الإنسان هو يجيب كلشي لنفسه من زين أو شي💔
جان جارها من شعرها وعلاوي يصيح عليهاا
طلعو بره للطارمه
جده:ووووين تاخذوونهااا
علاوي:يوووم مااالج علاقه
سرى:عفيه علاوي ووين تروحون بيهاا
علاوي:روووحيي من گداااميييي
جده:ادررري  ووويين  بسس كوولووو شتاتسووون بيهااا
صادق زج على جده
صادق:فوووتييي وسدددي البااااااااب
نور تبجيي وتعييط
نور:جددددده كوليلهممممم عفيييه .. بابا والله هنا ورطني والله مواني والله هناا
ضربهاااا راشدي يخوف
صادق:اشششششش ولااااااحررف
فراس:صادق بس فهمني شساالفه ووين تروحون بيهااا
ماباوعو على أحد ولااهتمووو
طلعو بره وسدو الباب
سمعت صوت السياره شخطت
جده وصابرين وسرى كلها تعيط وتبچي
جده:الحگهمممممم شوووف ويين اخذوهاااا لايروووح يجرررم بيهااااا
فراس:ووووين الحگهممم بشنوووو..
راح يركض على موبايله ودك عليهم
جده:هاااا
فراس: مايجاااوووبووون
سراب: موبايل بابا فوك
جده:ددددك على علاوووووي دددك
سرى:موبايل علاوي  بالغرفه
طبت صابرين للغرفه وسدت الباب ..خابرت على عمي
صابرين:هلا عمو كاعد....اكلك ترا صادق وعلاوي اخذ نور ماعرف وين..... صارت مشكله چبييية كلشش بعدين تعرف...... مانعرف وين طلعوو.....ماشي بس لاتكول لاحد
سمعنا سرى تعيط
سرى:عمممممى شبييييج
طلعت صابرين
باوعت على جده معد تكدر احس كبرت اكثر من عمرها بهواي بهاي الدقايق
تخربطت ومسكت كلبها
راحت تركض عليها صابرين
صابرين:يوووم شبيييج.سراااب جيبي علاكه العلاج
اجت تركض سراب اخذت العلاكه
أنطتها صابرين العلاج .بس بعدها متخربطه
راح فراس على ولد جيرانه اخذ سيارته واخذ جده وصابرين وراحو
بقينا اني وسرى وسراب بالبيت
رحت على سراب
رنا:اريد اعرف شاكوو وشصار شمسويه نور
سراب:.....
رنا:ليشش ماتحجين احجييي
سراب:عود بابا يكلج لاتساليني
رنا:شيكلي ابووووج
ماقبلت تعلمني.وسرى تكول مادري ماعرف شكوو
بعد ساعه هيج اجه فراس وجده...صايبتها ذبحه منطينها علاج وشوي متحسنه
طبت جوة هي وصابرين...تمددت بغرفتها
جانت تحجي بالكوة
جده:هاا ماخابرتوهم
صابرين:اي خابرناهم ماكو شي لاتخافين
جده: لعد ليش ماجو
صابرين:هما يجون لاتديرين بال
رحت سألت صابرين شنو سبب كل هاي العركه وهم ماجاوبتني..ضجت كلش
بس جان كل ضني انو مسكها تخابر ولد..هذا اكثر شي جان بتفكيري
بقينا للسحور ولاشي اذن فجر وهما مااجوو
الكل تلوب ومحد غمض عيونه
تقريبا بدأ الضوه يطلع جان ينفتح الباب قوووي
طب علاوي بوحده
رحنا نركض علي
صابرين:وييين صادق ونور
علاوي:كالي ارجع للبيت واخذها وراح
فراس:ليش وين رحتو بساعتها
علاوي:على بيت خالتها
صابرين:ليششش؟؟
علاوي: قشمرهم  هناك وهم علگت وخلص على نور كدامهن ..كاللهن خطات البنت وشكو شخص تأذى برگبتجن
جده:لاحول ولا قوة الا بالله العلي العظيم ياربي خفف على كلب ولييييدي ..وهسسس ويينه وييين اخذهااا
علاوي: مادري
مافهمت على شنو يحجون..
جده:يفراس يعلاوي عفيه واحد بيكم يسوي شي
فراس:يايمه شنو بيدنا نسوي 
جده اوف ياربي اوف هس اني شيصبرني..شيصبرني ياربي..
بقينا على هاي الحال ننتظر
اني انتهيت من الانتظار اريد بس اشوفه بس يرجع
هم خايفه كلش لان صابرين وجده يكولن لايسوي الها شي
كلت معقوله يسوي شي بيها لان مسكها تحجي ويه ولد.اعرفه يتخبل من هيج شي بس ماتصل انو ياذيها الهالدرجه؟؟؟
اجه عمو ابراهيم
ابراهيم:هاا علاوي وين صادق
علاوي:ماعرف
ابراهيم:ليش مايجاوب
صابرين:موبايله هنا
ابراهيم:وبنته وين
علاوي:وياه
ابراهيم:ادري شسالفه ؟شمسويه هي
صابرين:اني افهمك عمو..
راحت وياه للاستقبال وفراس وجده ويتهم
عرفت زين مايريدوني اعرف شسالفه..حيل ضجت
كلت حتى لو مراسله أو مخابره ولد..يعني ليش يقبون عليه
من صارت كل هاي المشكله الجزيره كدام عيني.. ضلت ع السالفه ماعرفها!!!
المهم اني ماحيل لحيت ثولتها كلت بيكفهم يحجون اولا
اله ماراح اعرف....
بقينا على اعصابنا ننتظره يرجع حلگنا يبسس
ولااكل ولاشرب ولانوم
صارت الدنيا صبح الساعه ٩
سرى جانت بغرفتها متمدده
اني حيل تعبت ..اخر شي رحت لغرفتهاا
سرى:هات مااجه صادق!!
رنا:لا
سرى: تعالي تمددي
ارتجيت عالتخت يمها
سرى:اني عيوني غوشت وضهري حيل وجعني
رنا:اني لي هس جفلانه من صدمه الليل.. كعدت حيل مرعوبه
سرى: اني كعدت على صوت الحركه مال علاوي..ياترى وين اخذها
رنا:اوووف مادري ...طب علاوي للغرفة
واني طلعت
رحت عزلت البيت عالسريع
بعد نص ساعه..اني جنت متمدده بغرفه جدة..
سمعنت صوت السيارة والباب نفتح
طلع عمي ابراهيم والكل للطارمه
طب صادق ونور..
جده:ياربي الف الحمدالله
كبل صعد فوك  .جان جارها من أيدها
بعد دقيقه نزل وعيط
صادق: وووووين مفتااااح الغرفه الفووووك
جده:يمي يمي
صادق:طلعيييي
كامت تدورله جده بالمكتبه مالتها
طلعت كل الغراض ونثرتهن
جده:ياربي وين صارر المفتاح...تعاي رنا دوري وياي
رحت ادور وياها وصابرين هم
صادق:وين صاااااار
صابرين:هس نلگي هس
اخر شي لكيناه ويه مفاتيح قديمه
راحت صابرين انطته اياه ..من انطته باوع عليه
نضره سريعه وراح
صعد فوك..ورد نزل
صاح سراب
صادق:سراااااب
سراب:ها بابا
انطه المفتاح لسراب وحجه وياها بيناتهم
بعدين رجع على جده..وعيونه نارر وحيل معصب
صادق:خوووض تعرفييين تضميييين وتختختييين
جده:على شنووو اختخت
ضرب الباب
صادق: ذاااك اليييوم لكيتي الموبايل بجييييج مووووو
جده تبلهثت حيييل
جده:اي جان بجيبي
صادق:بلااااجذذذذب تقبيييين عليهااااا..اخخخخخ لووووبذاك اليوووم كاشف كلشيييي جان ما...انتي هممم مسؤؤؤله
جده:لاترجع علييه اني شكووو
صادق:لوووو انج جده من صدددك جاان كلتيلي الصحيييح
ضليي ضلييييي
كامت تبجي جده
صابرين: صادق عفيه عوف امي هس.ترا تخربطت وره مارحتو اله اخذنا للشمفى
مارد على صابرين..
علاوي: صادق عمي يصيحك
صادق:هسس جاااي جااااي
طلع وجده بقت تبجي وشحالها
صابرين:كاافيج هسس هم ترجعين تنتكسيين
عبر الوكت وصارت الدنياا ضهر واللبيت هدوء..
اني انتهيت احس نفسي فقدت وراسي دمرني
رحت على جده
رنا:اريد براسيتول
جده:بالعلاكه روحي طلعي
طلعت بندول ورحت للمطبخ تاابلع حبايه..جانو صابرين وعلاوي بالصالة يحجون
صابرين:تتوقع وين اخذ نور
علاوي:والله مادري وماسالته
طبيت للمطبخ
تذكرت اني صايمه...ماكدرت اكمل صيامي فطرت..وبلعته
باوعت من الشباك..جان كاعد ويه عمي بالطارمه .بس مبين حيل تعبان حتى ماله خلك يحجي
اجت صابرين للمطبخ
صابرين:اني اروح هس بس احضر الفطور..العصر لو باليل اجي
رنا:ماشي
راحت صابرين وهم عمي راح ..هوطب جوة
صادق:علاااااوي
طلع علاوي من الغرفه
علاوي :ها خويه
صادق:اني اصعد فوك...اييي واحد يجي كله صادق ماموجود.ماريد اشوف احد خلاص
علاوي: ماشي
صعد فوك..
رحت لغرفه جده.. جانت جده شاده راسها وهم حيل تعبانه
رنا: اسويلج شي جده
جده:اي سويلي (نومي بصره )فوري بمي وصبيلي بكلاص
رحت فورتلها وصبيتلها..كعد حسن ومصطفى
رحت سويت ريوك لمصطفى .حسن جان صايم
ريكت مصطفى واني هم اكلت شوي وياه حتى راسي يهود وانطيتهم موبايل جده يلعبون بي هو وحسن ..
باوعت الساعه ٢ ونص
ماعرف شسوي بقيت احوس.ردت اصعد فوك للغرفه
بس متررده لان هو مايتحاجه ومعصب كلشش..
اخر شي تمددت يم مصطفى وحسن ونمت
كعدت على صوت اذان العصر
رحت صليت..وره شوي كعدت سرى
رنا: اكلج شنو نسوي فطور
سرى:والله مادري..اذا هو البيت شونه اليوم حتى واهس ماكو
رنا:اي والله
المهم سوينا فطور اني وياها..
صارت الدنيا عصريات
اجت صابرين
صابرين:هاا شونكم
سرى: الحمد لله
صابرين:امي شلونها
رنا:هس احسن
صابرين: صادق وينه
رنا:فوك بغرفته
صعدت صابرين فوك وره نص ساعه نزلت
اني بداخلي بس اريد اعرف شكو.كل شوي اكول بكيفهم يحجون اولا..ومرات انحمس يزيد الفضول
عبر الوكت وقرب يأذن مغرب
بدينا نحضر الأكل عالسفره
اجه فراس وعلاوي وجده
اذن الجامع.اني جنت واكفه عالسنك اذن احضر باقي الاكل
اجت سراب حضرت اكل بصينه وصعدت فوك
شفت صادق من الشباك طلع من البيت
رحت وديت الاكل
رنا:وين راح صادق ..تفطر لولا
عادي:بس.شرب مي وراح
رنا:وين
علاوي:يجوز راح للجامع
جده:اني اله انجلط واموت حتى يرتاحون..رحت رفعتله اكل..
كعدنا كلنا ناكل ..اكلنا شوي وكمنا.. محد اله نفس
انتظرته يرجع بس تأخر
غسلت المواعين ونضفت المطبخ كامل.. رحت للصاله
ماكو احد بس فراس والجهال وجده تقره قرآن بغرفتها
حسيت بيها فوك
صعدت فوك سمعت صوتهن من غرفتنا ردت افوت وماردت
حسيت ديحجن بنفس الموضوع بوحدهن كلت يجوز مايريدني اعرف..اثناء مااني واكفه سمعت طاري اسمي
اكثر من مره اسمع اسمي ينذكرر.. لعب كلبي هواي حسيت اكو شي يخصني
اخر شي طبيت للغرفة جانن صابرين وسراب بالغرفه من شافني سكتن
رنا:شكووو سكتن من طبيت
صابرين:لا شبيج ماسكتنا
رنا:ترا اني موغشيمه...ليش ماتريدين اعرف السالفة.. ترا اني مو غريبه ولاتخافن ماراح اعيير نور بعدين
صابرين:موهيج موهيج
رنا:لعد شنوو
صابرين:سراب احجيلها انتي احسن
سراب باوعت علر صابرين
صابرين: عادي احجي. هي اول وتالي راح تعرف
كعدت عالتخت مقابيلهن
رنا:ترا خوفتني شاكو
صابرين:سمعي رنا راح تحجيليج كلشي سراب هس..طولي خلكج وفهمي
رنا:ماشي بس اريد تحجيلي كلشي ياسراب عفيه لاتضمين عليه
بدت تحجي سراب
سراب:من جنتي بيت عمي إبراهيم..صادفت بيوم بابا اجه متاخر بوكتها سمع نور تحجي بالغرفه..شك بيها دتحجي بموبايل هي نكرت.. اجه يدور موبايل جده مالكاه كلب الغرفه الفوك والجوة كلاب بس مالكاه..المهم من وكتها هو كالي راقبي اختج ولاتخلينها تنام وحدها.بديت اراقبها وانام وياها.. فعلاً جنت دايما اسمعها تحجي جوا الفراش بصوت ناصي ..مره من سمعتها تحجي رحت ادور لموبايل جده..لكيته موجود.. عرفت انو هي عدها موبايل اخر ...جانت تضل تريد تنام وحدها واني ماقبل ابد لان بابا وصاني
رنا:اي
سراب:المهم بعد فتره لاحضت جده انو هي نازعه تراجيها الذهب.ثاني يوم اللي هو صادف اول يوم برمضان رحنا عالفطور يم بيت خالتي.علاوي وصلنا
صابرين:الله ينعلنهن ان شاء الله
جنت اسمع سراب تحجي وكلبي يدك عالسريع هواي وخايفه كلش
رنا:كملي
سراب:رحنا يم خالتي..وره الفطور جانن مجتمعات بغرفه
اني جنت اعاون خيريه (بنت خالتها) بالمواعين
رحت ادور على نور مالكيتها.بعدين رحت يم الغرفه جان الباب مفتوح سمعتهم يحجن.......
سكتت سراب شوي بعدينكالت
سراب:جانت تكول لخالتي انطيها التراجي هس بس اذا بقت الشغله هيج واكفه لاهما مطلكين ولامنتهيه شغلتهم ترا مانقبل
من كالت هيج سراب فهمت زين انو تقصد علينا بسالفه الطلاك..
رنا: يعني المنو تنطي التراجي
صابرين:للسحاره يعيني
احس شعر جسمي كش من حجت هيج صابرين..
سراب: عرفت سالفه التراجي موخاليه...ردت خالتي كالتلها
اول وتالي يعوفها خما يبقى ينتظرها اكيد ماراح يصبر عليها ..اني لحد الان جنت اسمع بس موكلش فاهمه الوضعيه.بس عرفت انو هالحجي عليج وعلى بابا
دمعت عيونني من سمعت هالحجي
رنا:انتن صدك تحجن.يعني نور الهالدرجه تكرهنيي
زين شنو صار بعدين شون عرفتي وتاكدتي
سراب:من طلعت من الغرفه سألتها بساعتهاا نكرت كلشي
بس اني جنت متاكده اكو شي...
من رجعنا للبيت ردت اكول لبابا.بس هم خفت اكله لان بابا جان ملتهي بيج وحيل شايل همج.. ماعرف ليش ترردت بساعتها اكله
عبر كم يوم بوكتها انتي جيتي يم صابرين وبابا جابج هنا وكت تفطرتي
رنا:ايي
بعد يوم بعد مارجعتي لبيت صابرين ..هم جنت اسمعها تخابر هواي..وهم شفتها فاتت لغرفتكم وطولت بقيت يم الباب انتظرها تطلع من طلعت وشافتني جفلت.. سألتها شجنتي تسوين ماعلمت...  عاد انتي جيتي هنا..هم شفتها طبت للغرفه وكت بابا جان بصلاة التراويح ووكت انتي جنت تغسلين المواعين..ا انتظرت بابا يرجع اخر شي رحت كلت لبابا كلشي.كتله ترا دايما اسمع نور تحجي بالموبايل..بس مو موبايل جده
وهم كتله  شفتها اكثر من مره تفوت للغرفة وتتاخر بيها .حجيتله ع سالفه التراجي أبيت خالتي كلشي حجيتله
تخبل من حجيتله بالبدايه رزلني كالي ليش ماحجيتي كلشي بساع اني شوصيتج ومدري شنو
راد بساعتها يصيحها ويكتلها بس صفن شوي  وكام يفكر
صادق:خلي بس ينامون ...صبري صبري
بقي يحوس ويفكر وينتظر البيت ينامون...جنت مستغربه ليش منتظر البيت ينامون يعني ليش ؟؟
وكت نمتو صاحني وصعدت وياه فوك لغرفتكم
صادق:دوري وياي اي شي تشوفينه غريب انطيني اياه
دورت وياه بالغرفه..مادور هواي كالي
حسيت سراب تعبت وهي تحجي
صابرين:هاي من شافني رجعتي للبيت والامور تمام..معد يعرفن شيسون نوب كامن يلعبن لعبتهن بالغرفه
بهذا الحجي اني جنت خايفه بداخلي واني اسمع التفاصيل
رنا:اي كملي
سراب: كالي: شوفي تروحين تنامين وياها بالغرفه الفوك.راح اخلي موبايلي يمج..واني اخذ موبايل علاوي..سوي نفسج نايمه بس تسمعينها تحجي دكي على رقم علاوي بدون ماتحس
سراب:ماشي
جان يحجي بس ابد موطبيعي..نزل جوة وصاح علاوي بقى يحجي وياه
علاوي:ماشي..زين مو سراب حجتلك كل هاي الادله ليش ماتروح هس تنعل يومها
صادق:لا اريد اعرف مع منو تحجي ويه منو اتفقت ومنو علمها على هذا الشي
اجه انطاني موبايله وخله موبايله وموبايل علاوي صامت
اني جنت فارشه الي والها بغرفه جدة.من كالي هيج بابا رحت فوك للغرفه كتلها بابا يكول عادي نامن فوك اليوم لان وكت صارت المشكله هو ماقبل انام فوك من قبل ٤ ايام هيج .هي كيفت
بابا جان بغير عالم بس يفتر ومتوتر هو وعلاوي
رحت للغرفة وسويت نفسي نايمه..هم هي مثل كل مره كامت تحجي بالموبايل..دكيت على رقم علاوي..ثواني وبابا طب للغرفة..اجه سحب الموبايل منها وخلاه على أذنه رجع باوع للرقم باوع رقم خاله سعاد
صادق:اني ألجن اذا ما اخليجن تندمن عاللحظه الفكرتن بيها بيه..اله اخليجن تكرهنيي وتكرهن طاري اسمي
غلط عليهن هواي
نور جانت ترجف .. سحب نور من أيدها وضربها راشدي اله رجعت وكعت بالكاع
صادق:شنووو اني عندددي مگوده هنااا انتي وخالاتج.......
غلط وفشرن عليهن
جر نور من شعرها لغرفته..جانت تبجي وتعيط
صادق:هسس تكليلي شجنتي تسوين هنااا بالغرفه
نور: والله ماعندي شي بالغرفه
ضربها دفرره كل قوته..كامت تصرررخ
صادق:تحجيييييين لااااااابلششش بيييج هسسس والله
ماحجت شي جانت بس تبجي....شال الطبله وضربها بيها كل قوته
نور:هس احجي والله بس عفيه لاتضربني
صادق:يلااااااا
نور:مو اني والله مواني هنا ورطني
كفخها براسها اله صار بالحايط وطلع الدم من خشمها..اني حيل خفت رحت كعدت جده
صعدت اني وجده فوك ..جان يضرب بيهااا قوي وهو بكامل عصبيته
جده: شاكوو ياربيي سترررك شاكووو
صيح عليه
صادق:ليشششش كعدتيهااااا
راد يضربني اله ختلت وره جده
جده:بسس كولي شاكووو عفيه
صادق:بنتي ال ....... تشتغل ويه خالاتها بالسحر والشعوذه حتى ابنج مايزوج المگروه رنا
لطمت على وجها جده
جده:يااايماااا ياييمااا
صادق: شعندددج بغرفتنااا شجنتييي تشسسوووين احجيييي
رجع يضرب بيها ..
نور:بوجه المخده بوجه المهمه
صادق:شنوووو بوجه المخدره شنووو...امشيي طلعي كدامييي
راحت طلعته وانطيته اله..جانت ورقه بيها كتابه..صفن عليها شوي
صادق:شنوو هاي
نور:هنا انطني اياها كاالي خليها بغرفتهم
جده:يووولي يامسووده الوجه شووون هييييج تسووووين
ماباوعت اله بابا مسك نور من شعرها ويضرب براسها بالحايط وجده تعيط... ماكو شي ماضربها بي وكسروا عليها
جنت اباوع..
بعدين اجت صابرين
صدك صابرين انتي شون اجيتي للبيت
صابرين:اني جنت محتاجه ابوج بشغله دكيت علي ميت مره ماجاوب..اجيت عليكم كلت احجي وياه واتسحر يمكم وارجع ...صدك الورقه وينها
سراب:يم بابا.. اي المهم بعدين علاوي كعد واني صحت فراس..وانتي هم كعدتي .....جنت اسمع الحجي ومصدومه ومضروبه براسي..شكد ابوها ضربها وخلص عليها..بس جان بمدي اني بنفسي اروح اضربها وبرد كلبي..لان المريت بي ابيت عمي إبراهيم ابد مو قليل ولا ينسي..كظيت إيام طويله اعاني اني وياه بسببهن..كامت تبجي سراب
سراب:ابد ماانسى هاليوم ابد حيل مرعب....بابا جان فاقد أعصابه تماما منهار كلش..ولاانسى موقف اختي وهي تنضرب بطريقه وحشيه...نوب خالاتي ماتوقعت هيج يسون ابد
رنا:وخالاتج ليش هيج سون
سراب:اني من قبل جنت اشوف خالتي (نهال)مخليه عينها على بابا.. يعني اقصد من يعد ماتوفت ماما...من نروح دايما تسأل علي.. واذا موجود ويانا... تضل تلح علي حتى بس ينزل من السيارة ويكعد وياها
رنا:نهال؟؟؟نهال مومزوجه
صابرين:اي عيني نهال مزوجه وعدها بنت شبيج
رنا:اي اعرف..هي مو عدها رجال ليش مخليه عينها علي
صابرين:تعرفين شرادن..من زمان يريدن نهال تطلك من زلمتهاا
سراب:اي تضل بينهم مشاكل...رادت تطلك منه بس هو مايقبل يطلگها
صابرين:ترا حتى لمن صادق تزوج ولاء..بوكتها ماجن سلمن..بس وره فتره اجت سعاد..هاي سعاد هي راس الحيه
بوكتها كالتله:ليش مانتظرت نفض شغله نهال..ليش استعجلت ...مارد عليها بوكتها ..ترا صادق كلشي يعرف يدري بيهن شنو يريدن من زمان
جنت متفاجئه واني اسمع كل هاي السوالف لان ولا مره حسيت أو سمعت بهيج شي.
رنا: معقوله يريدن يطلكن اختهن من رجلها حتى يزوجنها غير رجال
صابرين:اي يسونها والله ...
سراب: خالاتي موهينات اني اعرفهم
صابرين:واختج طالعه عليهن نسسخه منهن..بس اخخخ اخخخ مع الاسف صادق تصير هيج بنته..اخووي الرزن والثكيل والأخلاق يطلع كل هذا من بنته
بس اني اموووت واعرف وين اخذها اليوم وخله علاوي يرجع للبيت ..وهي هي مقفول عليها بالغرفه مو
سراب:اي كالي ممنوع تطلع تصعدين اكل وشرب وبس وكت الحاجه تطلع
صابرين:دوة بيها خلي تعرف انو هاي الشغلات تخوف حتى بعد اتوب تسوي أو حتى تفكر تتگلط لهيج شغلات
يلاا نكول الف الحمدالله انتي صرتي زينه ورجعتي طبيعيه..
رنا: الحمد لله....هس صادق وينه اريد اشوفه ..
صابرين:ماعرف طلع
رنا:كلشي مااكل ..من فطور البارحه مااكل شي
صابرين: الله كريم بلكي هس  يجي والله صادق تحمل شغلات مواي رجال يتحملها....يلا امشن ننزل هس امي تدور علينا
نزلنا جوة..عبر الوكت وصادق مارجع .. جنت انتظره على نار...اعرف شكد وضعه النفسي صعب هس لان هو مايتحمل هيج أفعال قذرة ونوب بنته.ابد موقليله ابد.سبحان الله يمكن لان شكد مو حريص هيج يصير وياه 💔
صابرين رجعت لبيتها وكلمن بمكانه..
دكيت علي مغلق ...
رحت فرشت فراش لجده وللجهال..بقيت انتظره مارجع اخر شي نمت ..كعدت على صوت سرى
سرى: رنا كومي سوي وياي سحور .اني حيل تعبانه بالگوة گمت
رنا:هس گايمه..
كمت على حيلي غسلت واخذت صفنه علما صحصحت..
رحت وياها للمطبخ اعاونها.. تذكرت صادق ماعرف اجه لوبعد..طلعت تباوعت من الباب تاشوف السياره موجوده لولا..باوعت موجوده
رجعت للمطبخ
سرى:اجه صادق متأخر..دك باب الغرفه طلع علي علاوي.بعدين صعد فوك
رنا:اها مادري اني نمت انتظرته تاخر ..انتي تعرفين سبب المشكله مو
سرى:هلا
رنا:عرفت اني مايحتاج تقبين
سكتت
سرى:والله اني علاوي كالي بس ماكتلج لان كلت ماكدر احجي هيج شي الج..ترا اني چنه هنا ماكدر بكيفي احجي
كلها بجفه واهم شي انتي بخير ... اكلج خلي نستعجل مابقى هواي عالاذان
كملنا السحور وصبيناه.رحت كعدت جده وسراب.. وسرى كعدت علاوي....
صعدت فوك تااكعد صادق عالسحور..فتحت الباب الغرفه ضلمه....يتبببببع
انتظرو بارت اخر