#ليته يعلم(أحببته منذ الصغر)

البارت ٦٩ من الجزء الثالث

البارت ٦٩
ليته يعلم ( أحببته منذ الصغر)
جانت منهاره كلششش انشبطت الكانولا من ايدها وطلع الدم ..
نور:عفيييييه بااااااباااا لاتحرگييييي والله ماسووويت شيي
لاتضربنييييي عفيييييه
صادق:مااضربج بنتيييي ماضربج والله ماضربج..نوب ختلت وره فراس وجده
اخر شي سحبها منهم
صادق:متكليليييي شبيييج
نور:اريد ماما اريدها عفيه
صادق: استغفر الله
بقت تعيط.اخر شي فقدت وغمى عليها
جده:يمااا شبيهاا نورر
كامو يسطرون بيها
راحت صابرين جابت مي..
رشو عليها مي وره شوي صحت
ماعرف ليش تذكرت الصار بيه لمن انهاريت بنص الليل بيت عمي إبراهيم ولمن فقدت من وجع بطني
احس الصار ويايا نفسه ديصير وياها...💔
كعد علاوي وسرى..
علاوي: شاكوو
صابرين:نور تخربطت
علاوي:.......شنو بيها
سرى:لان ماتاكل هيج صار بيها
صابرين:لاموبس هيج صار عدها انهيار هم
بقى صادق يحجي وياها
صادق:تسمعيني
حركت رأسها شوي يعني اي
ماجنت حيل اسمع شنو يحجي وياها لان كلهم يمه وشوي هوسة
صادق:رنااا
رنا:ها
صادق:تعاي شيلي الفراش ..
شلت الفراش لان صاير علي دم
بعدين اخذوها للمغسله
جده غسلت وجها وايدها
باوعت عليها..احس رجعت طبيعيه شوي
رجعوها للغرفة وتمددت بفراش جده
جان صادق يمها..
رحت كعدت باالصاله...اجت صابرين كعدت بفراشها
رنا: يعني كعدت هيج فجأة لو شنو صاير وياها
صابرين: لاحول ولا قوة الا بالله.. اووف
ماحجت شي صابرين بس كالت هيج
عفته ورحت يم الغرفه
جان فراس يخابر على صديقه الصيدلاني
فراس:هاا محمد شونك....نايم مو.....اعذرني داك بهيج وكت ....بنتنا هم رجعت تخربطت وفقدت بس هس صحت
لامااماكله شي.....الكانولا فصخت.....ماشي هس اجيبها ..... لاماريد اعنيك.......تسلم ماتقصر  ....هس يجي يشدلها مغذي
صادق:مايفيد المغذي إذا ماتاكل بنفسها ...
جده:هس اجيبلج شي تاكلينه
نور:ماريد ماريد
بعد شوي اجه الولد خلالها مغذي
علاوي وسرى رجعو لغرفتهم
هم قاس ضغطها الولد..طلع عدها هبوط قوي
راح الولد...صادق بقى وياها
اني جنت واكفه يم الباب الغرفه
جان يحجي وياها بصوت ناصي كلش بس هي تسمعه
جانت تهز راسها وهي هم ردت علي بصوت ناصي.. ماعرف شجاونو يحجون
صعدت فوك لغرفتي
تمددت..احس نفسي نعست اريد أرجع انام
بس بنفس الوكت ارق وتفكير
اخذتني النومه...حسيت بي طب للغرفه وتمدد يمي
باوعت الضوه طالع تقريباً
رجعت كملت نومتي...
كعدت بساعه ٩ تقريباً .. ماجان موجود
نزلت جوة لغرفه جده
جانت صينيه مرميه يم نور بيها اكل قليه وكباب
وهي كاعده تاكل شوي شوي..وهو وجده يمها..الباقي نايمين
شافتني جده
جده: همزين كاعدة بس سوي جاي راسي يوجعني كلش
رنا:هس اسوي
رحت خليت القوري عالنار
رجعت للغرفه
باوعت عليه شوي بعدين غيرت نضرتها
صادق:اكلي زين شبيج
نور:اني اصلا ماريد على مودك اكلت
صادق:اكلي على مود نفسج
رجعت للمطبخ صبيت جاي الهم ووديته للغرفه
عبر الوكت شوي
والكل كعدو
الساعه ١٠ ونص
جنت بالمطبخ... وصادق ويه الولد بالطارمه..بهاي الفتره الجو صار زين يعني راح الحر القوي أجواء زينه
جانو بالطارمه هو والولد اسمعهم يحجون ومتناقشين مره صوت يعلى مره يوطى
طلعت صابرين وياهم
اني جنت بالصالة..ماسكه الموبايل
سمعت صادق يكول
صادق:انتيييي صدددك تحجيين ليششش ماكلتييي بسااعتهااا
طلعت يمهم
صابرين:اميي ماقبلت اكلك مارادتك تضوج
صادق: خررررب..بس لو اعرف امي شبيهااا
صابرين:عساس تاماتقهرك
صادق:هيي لو بسس ماتقبيي علييه مانقهر ابدددد.لاحول ولاقوة الا بالله ....زين شووون شافتهاااا
صابرين:تكول كعدت على صوت حركه الله كعدني..بس همزين لحگت بيها..الله ستر
اباوع على صادق..هم رجع تصعب وبس يفتر مايعرف شيسوي
ماجنت افهم بشنو ديحجوون
صادق:زيييين كولوليييي هسسس شنوو اسوووي
فراس: صادق إني برأيي مرات تصرفاتك غلط وياها
صادق:غلطط مووو. اتمنى بسس تصييير بمكان لو يصير عندك بنت وتسوووي هيييج اريد اشوف شراح تسوي...ترااا حرررت بيهاااا والله حرررت
يعني موحبستهاااا وفوكها طلعت اضرب من قببببل شسويي وياهاا شسوييي.
علاوي:مايفيد والله مايفيد
كام يناافخ
صادق:اووووف منهاااا..نوب سوالف انتحاررر خررررب شنووو من بلوةةة عندي انييي..ياربي انت ارحم الراحمين
فراس:والله جاهل وشغله غيييرة هيج تسوي وتريد تلفت انتباه لااكثر ولااقل
صادق:غيييييرة غيييرة.هيييج تسوووي الغيييرة
يعنيي من رناا يتييمه ومالها احد ومن وراها وره المايخافن الله اخو البنت ماااات وسوتلهاااا اعمال دمرتهااا دمااار
ماكالت خطيييه لو بسسس من تشوف ابوها زين ويه البنت تستچلبببببب.دنعل ابوهااا لابوووو....
صابرين:هي اصلا تكرها ونوب اكو من وزها ورن براسهاا
صادق:شووفووو اني عاقبتها باكثر من طريقه بس ماكوو اي فايييدة..هيي طريقه وحددده بقت ماعندي غيرهااا اسويها وامري لله ...
طب للاستقبال هو والولد
صابرين فاتت جوة..حجيت وياها
رنا: شمسوية نور ليش
صابرين:  تاتنتحر اله امي ماسكتها
رنا:يماااا صدك تحجين
صابرين:اي والله
رنا:بشنو تنتحر
صابرين:فاتحه المكتبه ومطلعه العلاج...امي حست عليها وكعدت اخذته منها بالكوة عاد انهارت
رنا: اهاااا يبووو ياستار ياربي شنو هاي
صابرين:والله ابوها حار بيها خطيه
انصدمت من كالتلي صابرين انو نور رادت تنتحر...الله يعين صادق عليها هاي تخوف والله 💔
المهم صار وكت الغده..
صبيناه اني وسراب
كعدنا نتغده..راح حسن صاح ابوه
اجه صادق. باوع شوي..جان يروح عليها للغرفة
صادق:كومي تغدي
نور:.......
صادق:يلا بنتي كومي
اجت وياه
كعدها يمه
تغدينا
صح كلنا جنه ملتمين بس موكلها متصافيه مع بعض
فراس وصابرين لي هس مايتحاجون ونور مع الاغلب علاقتها خربانه..
خلصنا غده . ورحت سويت جاي وغسلت المواعين
صار البيت هدوء
اجه صادق عليه وكال
صادق:اني راح اطلع هس عندي كم شغله ويه ربعي
رنا:خما تطول ؟
صادق: مامعلوم..اذا تحتاجين شي خابريني
رنا :ماشي
طلع و صابرين وحدها بالصالة ومبينه حيل حيل ضايجه
رنا:امشي وياي فوك نامي
صابرين:لاخليني
رنا:دمشي هناك.. صادق راح..هم نحجي شوي
كامت وياي..
رنا:تمددي عالتخت ارتاحي
صابرين:لا أنام بالكاع
رنا:ليش
صابرين:تاخذين نومتج براحتج
رنا:عساس اني شكبرني لو التخت مايكفيني...مواخوج ينام وياي يوميه
صابرين:لااخوي نومته يمج غير هههه
رنا:هههه اي والله عاد اني كلش كلش تعودت علي يمي
تصدكين مع العلم ماصار هواي مزوجين حتى شهر بعد ماصار.بس مع هيج ماكدر بدونه من يكعد أو يطلع كبل احس علي ويصير عندي أرق...
صابرين:اني تعودت ينام بعيد عني 💔
رنا:...... الهالدرجه
صابرين: هيج صار اخر فتره قبل لا
رنا:اي لان ذيج لعبت بعقله
فرشتلها بالكاع واني تمددت عالتخت واحجي وياها
رنا:اي صبورة وبعد
صابرين:خوش صبورة اني اي صبر ماضل عندي
رنا:شدعواج
صابرين:مشتاكه لجهالي حيل...وصادق لي هس مصمم ومايقبل...واني أعرف رجلي لاذمه ولاضمير.. عنده عادي يروح ويجي ولايهتم بيهم.. يجوز هس مخليهم يم أهله
رنا: معقوله
صابرين:اي والله... ماردي هس شنو وضعهم كلش باللي عندهم
رنا:حقج والله.
صابرين: نفسيتي تحت الصفر
رنا:......
صابرين:من جيهه اكول اريد ارجع لبيتي ومن جيهه ماريد
رنا:اني اكول اخؤ شي هو راح يجي متندم ويرجعج ماراح يتحمل مسؤولية الجهال
صابرين:ماتوقع منه هالشي.لان مخلي براسه فكرت الزواج
رنا: اكلج هو عنده امكانيه يزوج ويسوي بيت ثاني ؟
صابرين:اي عنده ليش ماعنده...بس مستحيل هالشي يصير لو اموت
رنا: طبعاً مستحيل حتى اخوتج ماراح يقبلون بهالشي ابد
صابرين:......الله كريم يلا لهيتج هم
رنا:لا بالعكس عادي
صابرين:خلي أنام شويه ونكعد ونشوف وين تصل بينا الدنيا
رنا:ان شاء الله
نمنا وكعدنا العصر
نزلنا جوة..سويت عصريه
كعدنا اني وياها وجده وسراب وحسن ومصطفى
بعدين اجه علاوي وسرى
هم نفتح موضوع صابرين والجهال وسالفه تجر سالفه
فراس جان بالحديقه مخلي راسه بالموبايل وماسكه بطريقه مثلما ديراسل اباوع علي مبتسم و..شكيت بداخلي ديحجي ويه مها
المهم صارت الساعه ٥ ونص تقريباً..
اجه صادق..حيل فرحت من شفته...احس اشتاكيتله كلش
رنا: وأخيرا جيت
صادق: فديت اليتلگاني
رنا:حيل تأخرت
صادق:اي صحيح ...تحضرن اريد اخذجن
رنا:وين
صادق:نطلع ونشوف وين نروح
رنا:يعني سياحه
صادق:اي....كولي لصابرين وللبنات هم
رنا:ماشي
راح كال لجده بس ماقبلت كالت ماكدر ومالي خلك
اني كلت لصابرين
صابرين:اي والله خوش اريد اطلع اغير جو ضايجه من البيت
كلت لسراب والنور..سراب كيفت
بس نور سكتت ماكالت شي
لمن سمعتني صابرين كلت لنور ..صاحتني
صابرين:باوعي ماروح اني روحن انتن
رنا:ليش
صابرين:ماريد ماريد قوليها
رنا:لا ليش ماتروحين.هستوج كيفتي
صابرين:لالا  مايحتاج
اني تحضرت عالسريع ونزلت جوة
صادق:وين صابرين
رنا:ماتقبل تجي
صادق:ليش
رحت يمه
رنا: اتوقع ماتريد تروح لان نور راح تجي
صادق:وشدخلها....وينها
رنا: بغرفه علاوي
راح صاحها..طلعت وحجه وياها
صادق:ليش ماتجين...  يلا امشي
صادق:لاخويه بغير مره روحو انتو
صادق:اشوو تجين وغصبا عنج هم
صابرين:ياربي ياربي ماريد ماريد
صادق:يلا يلا عالسريع تحضري ٥ دقايق بس انطيج
ابتمست
صابرين:سويهن ١٠
صادق:يلا لخاطرج ١١
رنا:ههههه
صابرين:ماشي
تحضرت وطلعنا تانصعد بالسيارة
رنا:تعاي صابرين اصعدي من كدام
صابرين:لا انتي اصعدي
رنا:لا والله انتي تصعدين
صادق بالسيارة وصافن علينا
صادق:فضني.ترا اعوفجن
رنا:لابله
صادق:انتي ماعندج غير لابله
رنا:لايضيمي ماعندي
صادق:هههههههه ماتجيبينها مثلي
رنا:اي اني احسن
صادق:مبين عليج
رنا:يلا صابرين اصعدي
صعدت صابرين واني صعدت من وره
جنت من جيهه الشباك ونور من الجيهه الاخرى
اخذنا لمكان بي مي وخضار وناس هواي
جابلنه حلويات وايس كريم جنا نفتر .
صادق جان يمشي ويه نور ويسولف ويضحك وياها
عرفت أنو صادق ديحاول يحتويها بأي طريقه
حسن ومصطفى هم جانو يفترون بوحدهم ويلعبون
صابرين تباوع عليهم
صابرين:لو بس جهالي موجودين جان هس ويانا
رنا: ميخالف هما يم أبوهم ماعليهم شي
صارت الدنيا مغرب
صادق:هااا وين تروحون هس
رنا:انت وين تروح
صادق:بكيفجن ...نروح لمطعم اول شي
رنا:اي نروح نتعشه
اخذنا لمطعم
كعدنا بالطابق الاخير خاص بالعوائل
انطانا القائمه
صادق:اطلبن شنو تريدن
كلمن طلبت شغله
جنه ناكل
نور:بابا ماطيبة هاي الاكله اريد همبرگر
صادق:هس اطلبلج
جان ولد يفتر كاله ضيف هبرگر
جابه وخلاه يمها
كامت تشاور بي وهو مبتسم
صابرين:شوفي شون تتمكر اييه اييه ولاغريبه هالتصرفات عليه سبحان الله
رنا:يمعوده خلي تتمكر اهمشي تجر عدل ويرتاح صادق شوي من مشاكلها..لان حيل تأذى اخر فتره ومشاكلها
خلصنا عشه  وصادق هم طلب اكل لجده ....طلعنا بالسيارة
اخذنا لمول
صادق:باوعن اي شي تردنه اخذنا..وانتي صابرين امانه بركبتج اذا ردتي شي وماخذتي
صابرين: والله ياخوي ماقصرت ويانا ليش هالتكاليف جان رجعتنا للبيت
صادق:ماكو اي تكليف..
رحنا نفتر بالمول أني وصابرين وحد ونور وسراب وحد.. ماعرف شنو اشتري لان كلشي عندي تقريباً اصلا الكنتور مليان حتى اذا اخذت ماعرف وين اخليهن..بس عجبني اكسسوارات ناعمه حبيتهم..كلادة وسوار ومحبس
أخذتهم وكبل لبستهم
البنات اخذن شغلات بس ماعرف شنو بضبظ لان ماجانن ويانا
حسن ومصطفى جانو ويه صادق
خلصنا وطلعنا تانصعد بالسيارة
نور كبل راحت صعدت من كدام.... حسيته متعمده
واحنه صعدنا من وره
صابرين شاورتني
صابرين:شفتي شون راحت سبقتنا تابس تكعد من كدام
رنا:اي شفت
صابرين:ولاتبطل سوالفها ابد
بعد شوي مصطفى نام بحضن صابرين
وصلنا البيت..تلكتنا سرى
سرى:هلا هلا خوش طلعه الى تالي الليل راجعين
رنا:اي والله بس تكسرت رجلينا
صابرين:اني هلكت اريد أنام
رنا:اني هم
سرى:هس كمتن تتشكونن سبحان الله ...روحن نامن
طبيت جوة وكبل صعدت فوك...طلعت هدوم  ونزلت سبحت
طلعت من الحمام..جانت نور تشوف جده شنو اشترت
ونطتها العشه اللي اخذه الها صادق
جده:اي عفيه اهمشي تونستن وماصارت مشكله
من شافتني جان تكول
نور:عليش تصير مشكله مدام اني وبابا متصالحين ماكو اي مشكلة
عفته وصعدت فوك...هو جان بالغرفه
صادق:ها يروحي كملتي
رنا:اي كملت
صادق:دتعاي بحضني مشتاكلج كلش
رحت يمه
بادرت وياه بالقبلات لان حسيت نفسي كلش مشتاكتله
كعدت الصبح..هو جان بدوام
موبايلي جان عالشحن اول مامسكته لكيت اكثر من رساله من مها من بارحه دازتهن
مها: هلا شونج....وينج..... اشو موفاتحه شعجب
رديت عليها
رنا:هلا بارحه ماكدرت افتح...بخير انتي شونج
من قرت رسايلي كبل دكت عليه
مها:هلو حب اخبارج
رنا:زينه هس كعدت ترا ..انتي اخبارج
مها:اخباري هواي والله
رنا:احجي احجي عرفت عندج اخبار كومه
مها:رديت على فراس وجاوبته
رنا:اي شكالج
مها:اول شي اعتذر مني عالمشكله الصارت وكت اجيت اني وكرم اخوي
رنا:اهات وبعد
مها:وكالي......
رنا:شكاااال
مها:هههه.كال اني صار فتره افكر بيج
رنا:والله
مها:كتله شنو يعني تفكر بيه ...كال شعجب مافهمتي الي اعرفه انتي ذكيه...خجلني من كال هيج...كتله اريد تحجي بوضوح أكثر
رنا:اي وشكال
مها:كال احس عندي مشاعر تجاهج
اول شي تلخبطت حيل من كال هيج... كتله شنو يعني احس ...كال مواحس متأكد
رنا:اويلي عليك فراس هههههه
مها:ولي هس مارديت علي من كال هيج...كتب جاوبي ليش صفنتي بس ماجاوبت بعدني مصدومه
رنا:هههههه ماتوقعتها من فراس ابد ابد... يعني معقوله بعد الصار كله يصير عنده مشاعر يمج..
مها:اي والله انصدمت اني هم..
رنا:زين انتي شنو ردج شراح تجاوبينه
مها:مادري شكلج بس احسه خربطني وخربط تفكيري كلش
هذول ولد عمج شون أسلوب وجاذبية عدهم ..هس عرفت ليش متي على صادق هههه
رنا:هههههههههه.. بالمناسبة جاذبيه صادق مالها مثيل ابددددد
مها:اي واضح من هذا فاقده علي
رنا:اي طبعاً .. تصدكين من اخذته وكل شعور الوحده والحزن والفراغ راح مني ..صح جنا مخطوبين بس مومثل هس.جنت بأوقات هواي احزن واحس نفسي وحيده اما هس لاابد
مها:الف الحمدالله ياربي.. يعني دتقنعيني على فراس مو
رنا:لا والله مو هيج.دحجيلج اللي صاير وياي ...المهم شراح تجاوبينه
مها :ماعرف ماعرف...يعني اشوفها ماترهم ابد من كل النواحي...هو عنده ولد
رنا:اي بس مرته ميته واذا
مها:صدك مرته ماتت
رنا:اي والله نسيت اكلج..قبل كم يوم هيج توفت
مها:اهااا
رنا:اي
مها:ماعرف بس صعبه حيل صعبه..واني عندي تردد وخوف هم
رنا:شوفي مهاوي هاي مومال قرار وجواب بسرعه اخذي وكتج بالتفكير وانتي حرة
مها: أن شاء الله
رنا: الساعه راح تصير ١٠ واني مانزلت يلا نحجي بعدين
مها: ماشي ماشي
سديته منها ونزلت جوة
عزلت البيت ونضفته وشطفت الطارمه..واجيت اسوي الغده
لكيت سرى مخليته عالنار
بعد شوي اجه عثمان ومسرة ولد صابرين
تخبلت صابرين من شافتهم..مسكتهم حضن وبوس
صابرين:شونكم شخباركم شجابكم...بابا يدري بيكم جيتو
مسره:اي هو كال روحو
صابرين:صدك
عثمان:ايي
صابرين:شون جان وضعكم بالبيت منو يسويلكم اكل
عثمان:بابا اخذنا لبيت أجدادي صار ٣ايام هناك
صابرين: ماشاءالله عرفت
مسره:ماما مانريد نروح نريد نبقى وياج...نرجس البارحه ضربتني
صابرين:ليشش تضربج هاي المنحوسه الله ياخذها
رنا:مني نرجس
صابرين:حماتي
رنا:خطيه
صابرين:ماتروحون تبقون هنا
مسره:اي اني اريد ابقى يمج
اجت جده وشافتهم..هم حضنتهم وبوستهم
صابرين جانت تحجي على محسن وأهله وتكول بعد مايرجعون يبقون وياي
المهم تغدينا..وبعد الغده اجه صادق.
طب للصاله وشافهم موجودين يلعبون ويه حسن ومصطفى
صادق:هلا خالو شونكم
عثمان ومسره حيل يحبون صادق لان متعودين علي دايما يروح يمهم..اجو علي يحضنون بي
بعد شوي طلعو يلعبون
باوع على صابرين
صادق: هااا منو جابهم
جده: هما اجو لحالهم
صابرين: ..يكولون بابا كال روحو
صادق: شفتي شفتي شلون حجيي صحيح...ماكدر يتحملهم اخر شي دزهم عليج ايابا شگووواد يريد يخلص من مسؤوليتهم
صابرين:حتى لو اني ماريدهم يرجعون بعد
صادق:شوفي صابرين واسمعي واخذي بنصيحتي...خليهم هنا لليل اشبعي منهم ودزيهم علي
صابرين: لاابد
صادق:بس خل اكمل كلامي...دوسي على كلبج ودزيهم علي
خلي بعد يكسرون ضهره حتى من بعدها يبطل يتعيوج وياج ويجي يتوسل حتى ترجعين اله
صابرين:اصلا هو دازهم لبيت اهله ومسره تكول نرجس ضربتها
صادق:اي خسيس ونذل مايتحمل جهاله لعد شيتحمل
جده:شلون اب ماشاءالله علي
على كلا اسمعي كلامي وسوي الكتلج عليي
صابرين:لا ياخوي عفيه ترا والقرآن كلبي ور عليهم..من اجو كبال عيني تارتاحيت...شوفهم حتى ضعفانين
صادق:زينين مابيهم شي تتخيلين
صابرين:ماريد ادزهم ابد
صادق:بكيفج بكيفج لاتاخذين بحجيي براحتج
شافها مصره على كلامها تركها
رنا:اصبلك غده
صادق:لامتغدي...بس اريد اتغده بيج فوك
رنا:.........
صادق:لاتباوعين هيج
بعد شوي صعدت فوك
وهو لحگني
رنا:ليش تحجي هيج كدام البيت
صادق:هو منو موجود بس امي وصابرين
رنا:اي واذا ماريد تحجي هيج كدامهم
صادق:ماشي ماشي....حيل مشتاكلج والله
رنا: صاير تشتاك هواي
صادق:اي والله..شسوي ياروحي شعندي غيرج بعد
انتي احلى شي بحياتي ❤️
حضنته
رنا:موبحلاتك والله....
بقى يسمعني كلام رومانسي وحلو.خلاني اتهدون واني اباوع بنظراته الي ...عنده قدرة يخليني انسى كلشي حواليه.
بعد مانمنا كعدت العصر
راد يسبح كالي
صادق:تعاي سبحي وياي
رنا:لا روح انت اول شي
صادق:ليش تضلين ماتقبلين تسبحين وياي
رنا:...... مادري بعد ما متعودة
صادق:هههه صدك تحجين يعني تعودتي على كلشي بس ع هاي ماتعودتي
رنا:اي والله ههههه
صادق: خير ان شاء الله..اله ماتتعودين
نزل سبح وطلع.. وراها سبحت اني
طلعت من الحمام... صابرين دزت جهالها حتى يجيبون هدومهم ويجون تاتسبحهم
كملت شغلي بالبيت ورحت خليت سماعات وافتر بالحديقة
بعد شوي اجه فراس لي يمي
فراس:اكلج.....
رنا: كول
فراس:حجيت ويه صديقتج..بس بعده ماجاوبتني
رنا:انت موكلت بس احجيلها شنو اريد وراها بكيفها ترد اولا
كام يفرك براسه
فراس:اي صحيح.بس شوفيها انتي شوفي شتكول
رنا:فراس انت معجب بيها لوشنو .هي حجتلي ترا
فراس: ماتكدر اذا ماتكلج كلشي.... صراحه اني مومعحب بيها وهاي.بس دافكر بيها هواي وكلبي مرتاح لي يمها كلش
رنا:اهمم
فراس:اي والله...بس المشكله ماردت علي ابد
رنا: لا تستعجل اصبر...هي بعده ماخذة موقف من الصار اخر مره
فراس:اي صحيح.. اعتذرت منها
رنا: ميخالف اني برأيي لاحيل تلح عليها خليها براحتها
فراس:ماشي بس انتي هم احجي وياها من دون ماتكوليلها انو اني كتلج احجي...حتى ماتنحسب عليه انو طاير وراها وهاي وخاف تضوج
رنا:اعرف اعرف ان شاء الله
طب جوة..واني بقيت افتر شوي
بعدين طبيت جوة
المغرب جنت بالمطبخ اسوي عشه
والجهاال يلعبون كلهم ويه ولد صابرين بالصالة
جانت حيل متونسه صابرين لان اجو جهالها يمها
بعد مااذن مغرب اجه صادق
طب للمطبخ
صادق:ها ياحلو
رنا:هلا بحياتي
صادق:وين علاوي
رنا: موجود جوة
طب صاح علاوي
صادق:اكو شغلات بالسيارة نزلهم
راح علاوي واجه شايل  .كراتين حلويات وجايب قطعه قماش لجدة
جده:تعيش وليدي
انطاني كارتون
صادق:هذا صعدي فوك
صعدته فوك باوعت بي هواي شغلات
خليته بالكنتور ورجعت اكمل العشه
الجهال مطلعين حلويات وياكلون..
جيت أصب العشه اني وسراب..الصاله كلها ورق وهوسه
كنستها وعزلتها بعدين صبيت العشه
الجهال مااكلو لان جانو شبعانين حلويات
وره العشه جنه كاعدين نشرب جاي . صادق والولد بالاستقبال ..واحنه بالصالة ونور وسراب ويانا
التلفزيون شغال
حسن:عمه عمه شوفي مويشبه بابا
باوعت جان طالع برنامج لاحمد البشير
باوعت..نفس الهيئه من ناحيه الشعر والبشرة بس مايشبهه
صابرين:يعني موكلش
بعد شوي اجه صادق كعد يمي خليت راسي على كتفه
اجه علاوي
علاوي: صادق
صادق:ها
علاوي:وين السويج
طلع السويج وانطاه
صادق:وين تروح
علاوي:اوصل المحروسه سرى لأهلها
جانت متحضره وشايله جنطه وياها
صادق: جنطتج مال اشهر
سرى: اريد اطول هالمره
علاوي:الله يصبرني
صادق:شحلاة العندي لاتروح ولاشي تبقى يمي
من كال هيج حزت بداخلي..لان جنت اتمنى عندي اهل واروح واجي عليهم
رنا:........
علاوي:هههه اي والله انت متهني خلصان من هاي الشغله
صادق:اي والله الحمد لله
ذب السويج على علاوي وطلعو
رنا: ياريت جان عندي ياريت💔💔
باوع عليه
صادق: شبيج
رنا:مابيه شي
صادق:ضجتي يروحي
رنا:لاعادي هالموضوع غصه بگلبي من سنين عايش بداخلي مايروح..اخذ كفايته من اذيتي
صادق:....... كولي الحمد لله
رنا: الحمد لله
تقرب مني كلش
صادق:وداعت عيونج اصيرلج كلهم..اصير كل اهلج والله واعبرهم هم بس لاتضوجين ولاتنغثين .......ترا بالقران ضوجتيني.......
شفته كلش ضاج عليه
صادق: والله حجيتها بشقه موقصدي والله
رنا: أعرف أعرف
صادق:هس ليش غورگت عيونج ليشش
رنا:ماغورگت ولاشي هيج عادي مابيه شي
صادق:اسحلج هس هنا اذا تضوجين بعد
رنا:هههه لابله
صادق:لابله مو شو تعاي
ماحسيت اله شالني على ضهره...ومچتف اديه
الجهال يضحكون
رنا:هههه شكاعد تسوي نزلني
صادق:ولاكلمه لابله مووو..تعيدينها بعد
رنا:اييي
عضني من اذني
رنا:هههه لااااااا
صابرين:هههههه
صادق: اذا انتي مرة عيديها
رنا:............لابله
صادق:يووووولييي
نوب عكسني تايوكعني كمت اعيط
رنا:لااااااا يماااااي
صادق:هااا تكولين
رنا:لالاماكول
صادق:اكييد
رنا:اي
صادق: ماشي
نزلني وعافني
اباوع على نور احسها هم ضاجت...والله هاي مايفيد حاطه عليه
رنا: شوف ايدي حمره
صادق:سهله بس هيج
رنا:لابله
صادق هههههه يولي
رنا:هههههه والله نسيت
شاورني من اذني
صادق:هالمره فوك اني اعلمج
رنا: سهله بس هيج
صادق:هههههههه
رنا:ههههه
صادق: تقلدين سوالفي مو
رنا:اي احبهن واقلدهن
صادق: إني احبج كلج
المهم بعد عبر الوكت
صعدت فوك لغرفتي....فتحت الكارتون الي جابه...اكو باكيت بي ككو بارد
شربته حيل حيل حبيته..خلصت ٣ منه
بعدين كمت اكلب بالجهاز..شفت مها وفراس اثنينهم نشطين
شكيت بيهم يتراسلون
دزيت رساله لمها
رنا:شكاعدتسوين 🙂
مها:ماسوي شي 🫤
رنا:بلي دتراسلين حماي موعيب 🙄
مها:هههه منو كال
رنا:اي شفتكم تتراسلون
مها:عوفج من الشقه صحيح داحجي وياه
رنا:دزيلي سكرين
مها:لاامادز
رنا: هلا هلا.... متطورة الأمور بينكم
مها:بعد بعد
رنا:امممم ماشي كملي عيني كملي مراسله
بقيت اكلب بالجهاز واشوف فيديوهات
بقيت هيج لحد مااجه صادق
طفه الضوة وتمدد يمي
صادق: صاير اشتاكلج هواي
رنا:ياعمري
جنه متحاضنين ونباوع للسقف هم نفس الحركات كام يلعب بأديه..
رنا: يعني شنو هاي الحركات
صادق:مادري يجوز مشتاك لطفل..اريد العب ويه الطفل
رنا:اهااا طفل
صادق:اي والله أبالي طفل منج كلش والله.اريد اخ لحسن
رنا:اني هم رايدة هالشي كلش ومن زمان هم
صادق:شون يعني من زمان هم
رنا:من قبل مانزوج
صفن عليه
صادق:بيج شي
رنا:ومن قبل ماتخطبني هم
ضل يضرب صفنات
صادق: تحجين صدك لوشقه
رنا:صدك احجي ..من قبل ماتحبني حتى.... اني اريد منك طفل
خبلته بزايد
صادق:زين شون يعني من قبل حتى ماحبج تريدين طفل مني..هاي شون
سكتت...اني من جنت احبه جنت دايما اتخيل شغلات..ومره كتلكم جنت عايشه شغلات بخيالي وياه...هيج بداخلي جنت احب يكون عندي طفل منه وبذات ولد ويكون هيج يشبهه ومثله..هاي شي اني بيني وبين نفسي جنت اتخبله واتمناه وأحبه..بس ماحاجيتله هالشي
حجيتله كلشي
صادق:اهااا..بس مامره جنت حاس عليج انو انتي تحبيني..
رنا:لامابينت ابد..اخجل حيل وانحرج
صادق:حبج الي نضيف حيل.جنتي كاتمه هالحب مع العلم جان حيل عميق 💔
رنا:كتمت هواي وهواي وتأذيت كلش..
تعدلت وصرت فوكاه قربت وجهي علي
رنا:بس الحمد لله هس انت يمي
صادق:اي يمج يروحي الاحبها ....
رنا:من صدك حابه يكون عندي ولد منك...
صادق:وليش موبنت
رنا:لااريد ولد... هيج يكون مثلك سند ثاني الي
صادق :اسويلج ولد.شتردين اسويلج
رنا:بس المشكله ويه دوامي ..خلي نأجل شوي
صادق: بالعكس هس وقت مناسب. حتى بدايه عطلتج تجيبين
رنا:شنو حاسبها
صادق:اي مبينه محسوبة
رنا: هي لو ترهم اخلص دوامي بعدين عود
صادق:لااا طويله حيل مانتظر لاا..اني بمدي هس والله
رنا:الله كريم حياتي
بعد مانمنا
ثاني يوم الصبح جنت هستوني نازله من الدرج
صااادق:والله عاااد موسالفه هااي..لا فلان يضوج لا يزعل تعال لاسوي هيج وهيج.... شوفي رنا عندي خططط أحمر مامستعد خلاااص اقصر وياها بذررة لخاطر فلان تايرضى...
جده:ماكلتلك قصر..بس كتلك انتبه حتى ماتغار منها
صادق:مامسوي شي حتى انتبه.. يعني لو اني ادلل بنتي واشاقيها والعب وياها اوشي ..راح تدخل رنا مثلا لا والف لا.مدام رنا ماجايه يمها هاي هيه
جده:هالله هالله على كيفك تريد تتخبل عليها
صادق:اتخبل ماتخبل لنفسي...بس من الأخير اكلكم اياها كلكم..رنا نهائيا خلاص لحد يجي حولها ابد.
دك موبايله وطلع
اني جنت بعدني واكفه عالدرج..وره ماطلع نزلت..غسلت ورحت للصاله
جانت جده وصابرين كاعدات
كعدت يم صابرين
رنا :شكو شبيكم ليش صادق جان يحجي
صابرين :ماكو شي بس امي كالتله هالله هالله بتصرفاتك ويه رنا كدام نور وهو تعصب
رنا:بس ترا صادق مامسوي شي كدامها
صابرين:تعرفين على مود البارحه وكت تشاقيتو وهاي
رنا:يبووو عاد ترا موقف عادي
صابرين:اي اعرف عادي بس امي تكول حتى ما الصفره تغار
رنا:شمدريني بس مالها داعي تغار
صابرين:اي صحيح عاد هو ضاج..ماينطي بيج عيني ابد ماينطي بيج
رنا:وعلى يااساس ينطي بيه
العصر جنه هستونا كاعدين.وصادق بالغرفه ديصلي عصر
اجت هي
نور:وين بابا
رنا:ديصلي
نور: تمام
نزلت جوة واني هم نزلت
جنت بالصاله وصادق نزل..صاحته لغرفه جده
اسمع جده هم تحجي وياه
جده: ميخالف خليها تروح تغير جو
وره شوي طلع
صادق:ماشي ماشي تحضري ...
رجع صاح سراب
سراب:ها بابا
اجت يمه
صادق:تحضري حتى تروحين ويه اختج على عمتج منتهى
سراب:والله بابا مالي خلك اروح
حجه بصوت ناصي
صادق:ماتروح اختج وحدها تروحين وياها
سراب:ماشي
تحضرن واخذهن ...رجع وياهن بعد صلاة العشه
ثاني يوم
جنه كاعدين عالقنفات كلنا
اجت نور
نور:بابا
صادق:ها
نور:تعال
راح لي عدها وره شوي رجع
بعدين اجت كعدت يمنا وكامت تسولف وياي
نور:رنا هس انتي على يامرحله نجحتي
رنا:ثانيه
نور:شوكت يبدي دوامج
رنا: تقريبا شهر هيج ويبلش
نور:حلوة الجامعه مو
رنا:اي حلوة
جنت مستغربه من تقربها ليه..وصادق يمي هم جان شوي متفاجئ
اكول بكلبي ان شاء الله يكون تغيير حقيقي ومومزيف💔
بهاي الفتره الامور هاديه..يعني علاقتي بصادق من تزوجنا لي هس الحمد لله فول...ونور مادتسوي اي مشكله وأبوها هم صار قريب شوي عليها وديستخدم اسلوب التعاطف والاحتواء وياها
بعد يومين اجت عمى منى  وزوجها وفاطمه وجنتهم وجهالها
جان البيت هوسه جهال صابرين وحسن ومصطفى يلعبون ويه أحفاد عمى منى ..كل شوي صاعدين نازلين يلعبون
اني وصابرين جنه نسوي العشه بالمطبخ
رنا:هذا محسن شو لافطن لاشي
صابرين: طبعاً مايفطن خلصان منه هس بغير عالم
رنا:شلون عنده گلب قاسي
صابرين: اصلا گلب ماعنده
صبينا العشه بالاستقبال وحد والنا وحد
عمى منى:اخبارج رنا ويه صادق شونكم
رنا: ماشاءالله حيل زينين
عمى منى:اي خوش
خلصنا عشه ورحت اني وفاطمه وسراب نغسل المواعين
خلصناهن...وكبل فتت سبحت
طلعت حضرت عصير وببسي
كعدنا بغرفه جدة كلنا..جنه ناكل ونشرب ومتونسين ماكو شي
نور:عجب مااجت عمى منتهى وياكم
منى:ماهيرتها جينا كبل
فاطمه:صدك سرى وينها
صابرين:يم اهلها
جده:شوي تعبانه وراحت
منى:بيا شهر هس
صابرين:راح تطب بالسابع
منى:راح تجيب بدايه البرد
جده:اي بدايه الشته
فجأة صار صوت عياط قووي
صوت الجهال يصيحون.عموووو عمووو
منى:شاكو شبيهم
صابرين:مابيهم شي مستهترين بس يصيحون
اجه حسن وجهو ينطي الوان
حسن:مسسره مسسره
صابرين:شبيها مسره
حسن:وكعت
طلعت صابرين تركض.وطلعنا وراها
جان فراس شايل مسره وهي مغمى عليها وصادق يمه .وزوج عمى منى يم الباب واكف
صابرين:شبيييهاااا
فراس: علاوووي بسرررررعه
صادق:يلااااااا
صابرين راحت على مسره
صابرين:بسسس فهموني شبيهااا
حسن:وكعت من السطح
كامت تضرب على رجليها وتعيط وتلطم
فراس شايلها ومخلي ايده جوة راسها..رفع ايده كلها دم.المنظر يفطر الگلب💔
صابرين:بنتيييي يووووم بنتيييي
صادق:شبيييج مابيهااااا شييي
صابرين:شلوووون مابيهاااا ماتتحرررررك شوووفهاا ماتتتحرك
جده:دخيييلك ربييي
طلع علاوي عالسريع انطه السويج لصادق
فراس شايلها ومخلي ايده جوة راسها..رفع ايده كلها دم.المنظر يفطر الگلب💔
تايطلعون وصابرين صارت بوجه صادق
صابرين:بسس اجي وياكم
صادق:مووهسس موهسس
صابرين:عفيييه صادق بنتييي بنتيييي
طلعو عالسريع وشغلو السياره
جده:ياااارب الطف بهالبنت يارب
منى:ياربي انت ارحم الراحمين
صابرين:وين رجلج خليييي يودييينيي
سراب:راح وياهم
نوب صابرين انهارت تطلم على وجها
صابرين:كااالي لاتخليينهم هنااااا كاااالي خلييي يبقووون يم ابوووهممم  .....يتبببببع