#ليته يعلم(أحببته منذ الصغر)

البارت ٦٧

البارت ٦٧
ليته يعلم (أحببته منذ الصغر)
قبل البدء بالبارت .. طبعاً احداث هذا الجزء بعد زواجهم صادفت بسنه ٢٠٢١ ..
فراس:يعني هاي تاليهااا
صادق:توكل بالله
فراس:ماتت على أيدي.. على ايد أكثر شخص حبها ورادها وتالي خانتنيي ...اخر مره خابرتني قبل اسبوع توسلت بيه حتى تشوف مصطفى وماقبلت
صادق جان بس يسمعه ومتأثر
فراس:كسرتني كسره چبييره دمرت حياتي..
صادق: الوكت يجبر كلشي
فراس:شيريد يجبر تايجبر خما جاهل اني حتى انتظر اكبر وانسى...
صادق:هي هاي الدنيا ابتلائات.وانت ملزم بالرضى والصبر
كوم فوت جوة كوم
عرفت انو رحاب ماتت بهاليوم .💔
رحت كعدت بالصالة وهما فاتو للاستقبال
بقيت شوي واجه صادق
صادق:هاا أنتي كاعده
رنا:اي ..كعدت مالكيتك موجود ونزلت
صادق:اي خابرني فراس ونزلت
رنا:ماتت مو
صادق:اي
رنا: الله يرحمها
صادق: ويرحم الجميع ...امشي نصعد
رجعنا لغرفتا بس صار عندي أرق
رنا:شلون عرف بيها ماتت
صاك: عمتها مخابرته كايلتله ماتت وهي محسره على شوفت أبنها.ولايمته
رنا: اها ..خطيه فراس الله يساعده شكد صعب اللي ديمر بي
صادق:يعبرها أن شاء الله بس يراد وكت
رنا: وهو خما متندم لأن ماخلاها تشوفه
صادق:هو من جيهه حقه ومن جيهه يلوم نفسه ماعرف وضعه مخربط حالياً ... ترهم ترهم مگضيه .يلا يروحي نامي
اله وجه الصبح تانمنا تقريبا
هو كعد قبلي واني كعدت متأخره شوي
نزلت جوة.. رحت للمطبخ اسويلي ريوك
اجت جده
جده: ماشاءالله ماتكعدين إلى الضحى العالي
رنا:.......
جانت سرى موجوده من طلعت سرى كالتلي
جده:شوي اكعدي من وكت..مو على مود شي.بس سرى بطنها كدامها هالله هالله شوي عاونيها
رنا:والله ياجده كعدت بنص الليل مانمت الى ماطلع الضو وتاخرت
جده:وليش كاعده بنص الليل ماتكملين نومتج
رنا:مو رحاب ماتت وكعدنا
شهگت جده من كتلها هيج
جده:ياستار ياربي انا لله و انا اليه راجعون صدك ماتت
رنا:اي والله
كامت تبجي جده
جده:اخخخخ على حضك ياوليدي..واخخخ على حض ابنك المكرود.. راحت على فراس تبجي
جده:ها وليدي شون حالك شون وضعك
فراس:........
جده:شكد توسلت بيك حتى تشوف ابنها لو مخليها تشوفه مواحسن
فراس:يووم كافي
جده:هي ميته ميته كلنا نعرف ليش ماخليتها تشوفه..ماتت وهي تتحسر عليي..ليش ماالله هداك
فراس: أستغفر الله واتوب الييه... روحي يوم خليني وحدي
طلعت جده مقهوره وتبچي . راحت حضنت مصطفى وتبجي فوكه
طلعت صابرين وسراب
صابرين:خير شاكووو
سرى: رحاب توفت
صابرين:........
اجه فراس متعصب..اخذ مصطفى منها
فراس:لاتنوحيين فوووكه..عساس جان عنده ام بيها خير وماتت ...بجهنننم الله ينجاز بيهااا
جده: والله قهررر اني مفطور كلبي عالولد..
فراس:لاتنقهررين علي ولاشي...موبس هو امه تموت ..واحسن أنها ماتت.عالاقل من يكبر اكله ماتت واحجيله ليشش وعرف شجاوبه مو اسكت واطم راسي
بقت جدة تبجي بصوت ناصي وصابرين تهدي بيها وتبجي بنفس الوكت على مصطفى
صار وكت الغده وجده ماقبلت تاكل.عاد رفتلها بصفحه
خابرت صادق كال اني يم صديقي ماراح اجي
اجت نور تغدت ويانا لان صادق ماموجود
بعد الغده راحت على جده
نور:جده اريد اروح لبيت عمتي منتهى
جده:هاا خلي اخابر ابوج وروحي
نور:لالا تخابرينه ماروح ماروح
جده:ليش..عادي هس اكله وعلاوي يوصلج
نور:ماراح يقبل أعرف
جده:لامايكول شي
رفعت الموبايل جده ودكت علي
جده:هلا وليدي شونك...... الحمد لله.....ردت اكلك نور تريد تروح على عمتها منتهى....... ها ليش......ماشي
نور:ها شكال
جده:ماقبل وكال يمي جماعه هس بعدين وسده
اني جنت بالصالة واسمعهن .كعدت نور بالغرفه
نور: عرفت ماراح يقبل اوووف
جده:عود اني احجي وياه يقبل بعدين
نور: والله مايصير هيج...ترا ماكاعد نطلع لاي مكان ماكافي صار شهر محبوسه نوب حتى على متي مايقبل ارووح
جده:من وره سوالفج..موجنتي بكيفج تروحين على خالاتج مامره منعجن..
كامت تبجي
نور:راح تضلون تعيروني بالسالفه طول عمري...كتلكم هنا ضحكن عليه وورطني اني شمعرفني بهاي الأمور .و بابا راح يضل معاقبني ويكرهني .نوب هي يمه وتحشي براسه
جده:محد يحشي براسه هو موصغير...على كلا بغير مره عود اني احجي وياه
ماعبرت كلامها رغم أنو زعجني.. عساس ابوها لحاله عاقبها تهي بهي
صعدت فوك..نمت وكعدت على صوت الباب انفتح
هستوه اجه
باوعت الساعه ٣
رنا:شدعوة هالغيبه خوش عريس
صادق:ههه حقج..ولو اني متعرس عليه هي مال عريس
رنا:ليش متعرس عليك
صادق:وين ماروح مشاكل..جنت يم صديقي هم فايت بمشكله وقضيه مال كفاله مدري شنو وواكع بيها ضجت علي ....اني اروح اسبح كملي نومتج
طلع واني رجعت نمت
العصر طلعت للحديقه اني وصابرين وجده
صابرين:ها رنا ماحجيتي ويه صادق
هزيت راسي
صابرين:وشيكول
رنا: يكول هس خليهم يمه أحسن على مودج يعني حتى زوجج مابكيفه يسرح ويمررح وكلامه صحيح والله
جده:هو هذا الصحيح قوي كلبج والله كريم
بقت ساكته بس ضايجه بنفس الوكت
بالليل وكت النوم جنت اني وصادق بالغرفه
جنت اعزل الجرارات.وهو مرتجي عالتخت يباوع للبلازما
خابر صديقه
صادق:هلا شونك اكلك شنو اسم الفلم....... ماشي....اي هس راح اشوفه......دقيقه ٤٣ تمام هههههه يعني على هاي الدقيقه خوش متفقين لالا شاهد الله ماغشك...خنشوف يلا
سده وكنك عالبلازما وبحث بإسم الفلم
رنا:هاا شنو دتابع
صادق: هذا صديقي كالي على اسم فلم بي الغاز وكذا كالي شوفه وتعمن بي حد الدقيقة ٤٣ توقفه اذا حليت اللغز قبل نهايه الفلم..اني بعد ماجادلك بشي.لان مرات اني وياه نتجادل على أمور بيناتنا..
رنا:اهاا حلوو
شغل الفلم وبده يتابعه بتركيز
اني رجعت اكمل تعزيل المرايا  خلصت..وغيرت ملابسي لبست بجامه مثل برموده وتيشرت .وطفيت الضوه
وكعدت اتابع وياه
جان فلم اجنبي..لاهو اكشن ولاهو دارما يعني مثل سياسي وبي غموض ..هو جان مركز كلش
لحد دقيقه ٣٩ وقفه ودك على صديقه
صادق:هااا سييد تعرف على يادقيقه عرفت اللغز اللي خبصتني بي.....ع الدقيقه ٣٩ ......اي والله....هههههه
شرحله الفكره ماعرف شنو...
اندك الباب...سد الخط
صادق:منووو
جده:انيي
كام فتح الباب
صادق:فوتي يوم
فاتت جده وشغل الضوة
صادق:اكعدي
كعدت مقابيله عالتخت
جده:كلت خاف نايمين
صادق:لا كاعدين
جده:اي زين...ردت اكلك على مود نور
صادق:شبيها
جده:اكول خليها تروح على عمتها لاتمنعها
صادق:ماكو روحه تكعد وتسكت
جده:موزين هيج عاد فد مره...هس ماعدها أحد تروح علي
صادق:اي أحسن
جده: خليها تروح خطيه..هي شي اكيد تربت بعد الصار وماتسوي بعد شي موزين
صادق:يووم اترجاج لاتحيرين بيها ابد اني اصرف ...وهي عليش تجي تكلج ليش ماتجي تكلي اني هااا
جده: مو شغله احير بس ترا هم حفيدتي يعني واذا اكلك أو انبهك..انت هم لاحيل تكون قاسي..القساوة ماتفيد ولاتنسى هي بعدها صغيره ترا موبكامل وعيهااا
صادق: الله كريم بس حالياً ماكو طلعه
جده:........
كامت جده وصلت يم الباب اندارت علي وكالت
جده:ماتخليلي اي خاطر  ايييه ايييه الله كريم
كالت هيج وسدت الباب
انغث كلش من سالفتها وتعصب
صادق:انييي مامخليي خاطرر مومن وراج طلعتهااا من الغرفه لان لحيتييي..
يعنييي تعال خليها تروح وتجي واذا ماقبلت ماتخليليي خاطررررر
هسس بنتييي واريد اربيهاااا شكووو مدخله استغفر الله
شون واحد مرتاااح لازم ينغثثث انعل.......
رنا:وعليش هالگد تعصبت ماصار شي
حسيته متعصب لان انقهر عليها ويريد يبرد كلبه بحجيه
صادق:شنووو ماصاار شيي...تبعج بييه وترووح
رنا:هي جده وكلبها ينكسر ماماخذه الأمور مثل ماانت ماخذها.. تفكيرها غيير
صادق:بسسس غلطططط هالشييي.وهي تريد تضغط عليييه حتىى أطبق اللي تريده مستحيييل
رنا:هس هدي نفسك..
صادق:شهدي يمعوده..كاعد ومتونس ليشش صادق يكعد متونس لاااا مايصير.....
ماتحمل اخر شي نزل جوة
اني ضجت كلش كلت هس هم يتعالكون
بس الحمد لله ماطول شوي ورجع هادي..
تمدد بمكانه
رنا:اشو هديت
صادق:.....
رنا: اهممم
صادق: ماكو شي.
ضمني على صدره
صادق:لايشغل بالج شي.انتي بذات ماريدج تفكرين بأي شي يزعجج...خلي بالج صافي
رنا:ان شاء الله
صادق:خلي انام باجر عندي دوام
رنا: صدك
صادق:اي خلصت الاجازة...بس عاد لومكملها متهنيي يلاا مگضييه ...نمنا
وثاني يوم الصبح راحت سرى وعلاوي للدكتوره حتى هم بطريقها تاخذ سونار لان الشهر الفات مابين جنس الجنين
جنت متشوقه يجون حتى أعرف شنو الجنس
بعد ماراحو بساعه ونص.جده دكت عليهم
جده:هاا علاوي شونكم....اخذتو سونار...... بنت اي عفيه هههه الحمد لله ياربي
سراب:بنت موو
جده:ايي
فرحنا كلش من عرفنا بنت...كون تطلع على امها محبوبه
لمن اجو جانو يضحكون وفرحانين كلش
وكت الغده
رنا:شراح تسمونها ان شاء الله
علاوي:بعد مادري
سرى: أبالي اسم حنين
رنا:حيل حلو
جده:اهمشي الصوره التمام
العصر اني جنت بالحديقة وصادق وفراس طالعين وعلاوي بغرفته
وصابرين وجده بالصالة..
انفتح الباب باوعت.. طب ابن صابرين (عثمان)
فات جوة وشافته صابرين..
فرحتها صارت مدري وين
صابرين:هاااا شجاابك
حضنته كل قوتها
جده:ابوك يدري بيك اجيت
هز راسه يعني لا
عثمان:اني اجيت بوحدي
صابرين:ياعمري انت...مسره شونها
عثمان:زينه
صابرين:خما ابوك ضربك أو ضرب اختك من رحت اني
بقى ساكت مارد
صابرين:احجي
عثمان:لا ماضربنا
صابرين:اكييد
عثمان:ايي
بقت تحجي وياه وحاضنته
المغرب الولد راد يرجع.وصابرين ماتريده تروح چلبت بي
هو ماقبل يبقى عاد راح
وهي كامت تبجي
اجه صادق وفراس وره الصلاة
اني جنت بالمطبخ ويه سرى
فات جوة شافها تبجي
باوع عليه
صادق:شبيهاا
رنا: عثمان جان هنا..وراح المغرب
رجع باوع عليها
صادق:ماتكليلي شبيج انتي.كالبه البيت مناحه على شنو
ولدج كلشي مابيهم....اخاف تتحججين حتى ترجعيله اذا عندج هيج نييه كولي احسن
صابرين:يارجعه ياخويه يارجعه اني وين افكر وانت شتكول
صادق:كلت اخاااف
صابرين:لالاتخاف مامفكره
صادق:حسبالي
صبينا العشه وكعدنا نتعشه بس صابرين ماقبلت تاكل
صادق جرها كوة عالاكل حتى تكعد ويانا
وره العشه كعدنا نشرب جاي بالصاله ...
علاوي كام تايروح
سرى:وين
علاوي:طالع بشغله... طلع علاوي
ودك موبايل صادق
صادق:هلا عمي......ياهلا بيكم...... موجودين اي....ياهلا
سده
صادق:بيت عمي إبراهيم راح يجون يسلمون
جده:كل الهلا
فرحت كلش من سمعت تايجون
كمت عزلت ونضفت عالسريع وصعدت فوك رتبت نفسي ونزلت.. صابرين كالت النا لاتجيبون طاري اني حردانه وهيج صاير
بعد شوي اجو...طبت عمه فهميه وحنان وهيفاء
سلمنا عليهن وكعدنا بالصالة ...هم جايبين هدايه حلوة من عمي ومن حنان وهيفاء
فهميه: شونج رنا شخبارج ..
رنا: الحمد لله بخير انتو شلونكم عمي شلونه
فهميه:والله زينين.. تأخرنا بالجيه عليكم.. بسس والله ملتهين وشويه عمج جان مريض هاليومين الراحن
رنا:ليش شبي
صابرين :شجاه خطيه
فهميه:صابته صخونه واثرت عالسكري عنده
جده:ان شاء الله مابي غير العافيه
ميلاد كل شوي تبجي..عاد اجت سراب شالتها وكامت تفتر بيها
بعد ماكعدنا تعللنا وعبر الوكت
صاحني هيفاء وحنان يمهن وكامن يسألن بيه
حنان:هااضل بالنا يمج شصار ماصار
رنا:ههه خلنها سكته
حنان:هلا موكتلج تكولين لاهو اصلا حباب.
رنا:هههه والله صحيح
هيفاء:لاماخليها سكته احجي...طبقتي النصايح اللي كتلج عليهن
رنا:اصلا ماتذكرت كلشي بوكتها يانصايح يابطيخ
هيفاء:ههههه عابت ضليت مدري شكد اشرحلج
حنان: يلا المهم عدت على خير
رنا:اي الحمد لله وأخيرا عبرت هاي المرحله..صح هس هم مرات اعاني شوي بس احسن من البداية بهواي
جده:اليوم اخذت سونار سرى..حامل البنت
فهميه:الف مبرروك تتربى بعزهم أن شاء الله
سرى: تسلمين عمه
المهم بعدين اجه فراس
فراس:عمي يكول تاتروحون
فهميه:هيان كمنا
جده:بعدنا كاعدين عليش مستعجلين
فهميه:لا كافي هم ميلاد تبجي تريد تنام
هما جانو بالطارمه  وطفت الكهرباء
شغلنا الفلاش وهنا طلعن
اني وسرى وصابرين رجعنا جوة
بعد شوي سمعنا صوت ضحك.كلها تضحك صادق وعدنان   وعمي والولدمانعرف شنو السالفة
سرى: خير يارب على شنو يضحكون
رنا:مادري..
رجعت الكهرباء... وراحو بيت عمي..
طبو الولد جوا صادق ضحكته واصله مدري وين
وفراس وجهو احمر من الضحك..وعلاوي مبتسم وخجلان بنفس الوكت
جده:يارب خيير ضحكونا وياكم
صادق:لا والحلووو رجع يسلم عليه هههههههه
فراس:ههههههههههههه خرب يومك علاووي
علاوي:اي ضلمه شمدرينيي
صادق:هههههههه
سرى:شاكوو دحجووو
صادق:رجلج الشفيه...عساس تايسلم على عمي وعدنان..موكهرب طافيه وظلمه سلم على فراس ورجع تايسلم عليه همم(يقصد سلام ايد بايد)
طرخ الفلاش عدنان بوجهه باوع وصفن
سرى:ههههههههههه
اني وصابرين :هههههههه
صادق:كتله شبييك يمعوووود عمك وراك
فد ضحكنا بوكتها.. سرى خربت ضحك علي
علاوي:ديلا عاد چلبتوووو.واني شجابني بهالوكت لوادري ولااجي سويتوني مضحكه
جده:ان شاء الله ياربي ضحكت خير
فراس: هههه لاحول ولا قوة الا بالله
علاوي:دكاااافي
سرى:هههههه
علاوي:انتي راح تجيبيين من الضحك كافيج عاد
رنا:هههههههه
سرى:سالفتك تضحك شسوي
بعدين كلمن راح لمكانه
صعدنا فوك
غيرت فراش التخت وطلعت جرجف جديد
صادق:فضيني اريد اكعد
رنا:اله اخلص
صادق:خفي ايدج
رنا:ماخفها على كيفي
خليت الجرجف وغيرت وجوه المخاد هم
رنا:هس اكعد
ارتجا عالتخت
واني بدلت ملابسي وتمددت..بعد شوي اندك الباب
صادق:منوو
سراب:اني
كام فتح الباب
صادق:ها بابا شتريدين
سراب:وين رنا
باوع عليه
صادق:تعاي
رحت عليها...وهو رجع لمكانه
سراب:تعاي شوي
رحت يمها
شاورتني بصوت ناصي
سراب:اكلج نزل من عندي دم وحيل بطني توجعني...هاي الدورة مو
صفنت شوي..هي عمرها مناسب انو تجيها هس
رنا:دم...اي دوره
سراب:اريد شي فوطه اذا عندج...سرى نايمه واجيت عليج
رنا:اي اي عندي هس انطيج
سراب:بي عفيه لايشوف بابا
رنا:لاماخلي يشوف...توجعج بطنج قوي
سراب:اي والله
رنا:هس اشوفلج مسكن شي
سراب:ياريت...جده عدها بس استحي اكوللها
رنا: عادي عادي
طبيت للغرفة ورحت فتحت الكنتور طلعت فوطه وخليتها بصدري حتى مايشوفها..
انطيتها الها
سراب:عفيه همزين نقذتيني
رنا:روحي خليها هس....مسكن ماعندي شويه وانزل اخذلج من جده
سراب:ماشي
رجعت للغرفة
صادق: ها شبيها سراب
رنا:مابيها شي
عقد حواجبه
صادق:اكييد...شو طولتي وياها
رنا: هيج سؤال ع.شغله
صادق:ماشي ماشي
رجع يكلب بموبايله..بعد شوي نزلت جوة
اخذت مسكن من جده وانطيته اله
رنا: أبقي متمدده هس شوي ويروح الوجع
سراب:خوش
صعدت فوك .. وتمددت بمكاني
صادق:ليش نزلتي...احجي
رنا:نزلت اشوف صابرين
صادق:وشلونها
رنا:زينه زينه
صادق:اي خوش ..مشتاكلج هواي
رنا:شكد يعني
صادق:حيل جثير
ثاني يوم  راح صادق للدوام  جان روتين يومي عادي  سويت غده و تغدينا..رفعت غده لصادق لان جان بدوام
بعد ماخلصنا غده وغسلت المواعين هو اجه
صادق:ها يروحي شونج
رنا:مشتاكه لشوفتك
خله اديه اثنينهم على ركبتي
صادق: اني ماشبع من شوفتج....
صبيتله الغده..تغده وبعدين فات يسبح
اني صعدت لغرفتي جنت ماسكه الموبايل وافتر بالبرنامج
اجه هو كام يمشط شعره
جاني إشعار
باوعت رساله من مها
مها:هلا رنا شونج
رنا:هلا بيج انتي شونج
مها: تمام...اكلج صادق يمج ؟؟؟
رنا:اي
مها:ماشي
رنا:ليش
مها:ردت احجي وياج اتصال..يلا خليها بغير مره
رنا: تمام
بالليل جنت بغرفتي ماعندي شي مسكت الموبايل واتصلت على مها
رنا:هلا مهاوي شونج
مها: الحمد لله همزين دكيتي
رنا:والله ابالي ترا مانسيتج.بش كلت من افضى اخابرج احسن
مها:اي
رنا:احجي اسمعج
مها: اكلج هذا فراس ديلح هواي برسايل..
رنا:موكلتي راح احضره
مها:ماحضرته..بس هم مارديت علي...دز رساله يكول بس اسمعيني وروحي
رنا:اي ردي علي جاوبي شوفي شيريد
مها:مادري
رنا:عليش ماتردين
مها:لالا ماارد علي ابد...ماانسى السواه ماارد
رنا:بكيفج
مها:يلا اني اروح امي تصيحني
رنا:ماشي
سديته من يمها بعد شوي اجه صادق
جنا متمددين واجه أبالي الموضوع
كلت احجيله لان متفقين ماقبي علي شي
رنا:اكلك
صادق:كولي
رنا: فراس ديحوم حوالي مها
صادق:........مها صديقتج ؟؟
رنا:اي
شوفته السكرين
صفن شوي وكام يفرك بشعره
ماشفت من عنده ردة فعل بقى ساكت
الصبح كعدت على صوت صادق وصابرين
نزلت جوة
صادق:اددري وتااالي ويااااج
صابرين:مالي علاقه ولدي يجون هنا
صادق:ليش تخربين كلشيييي انتيي.. ياصابرين اسمعي كلامييي احسن الج
صابرين:.........
جده:اسمعي كلام اخوووج وصبري
صابرين:راح أصبر راح أصبر واشوف تاليتها
صادق:لاتضلين تلحيين كتلج انطيي وكت للسالفه
جده:لاتصيحون فوك الجهال هس يكعدون جفلانين
صادق:انتو تخلون الواحد موبس يصيح
جده:حصل خير وليدي ماكو شي ان شاء الله
رحت للمطبخ اسوي ريوك... بعدين اجه
صادق:صباحو
رنا: صباح المعارك
صادق:هو بس وجهج الاحبه مخليني متحمل الوضعيه هنا
رنا:ههه وانت صاير حيل أعصاب ترا...موتضل تكول طولو خلكم...ليش ماتطول خلكك
صادق:بزعت والله بزعت
رنا :حقك بس هم ترا حقها صابرين
صادق:يولوو ليييش ماتفهمونييي وتطيعونيييي شبيييكمم
رنا: ها هيه ها هيه  ياكلمه ردي مكانج
صادق:سويلي ريوك
رنا: صار
جان هاي الفتره يضل متعصب من وره شغله صابرين لان هي تريد جهالها وهو مايقبل
بنفس اليوم .دزتلي سكرين مها كاتبلها (مالها داعي تكولين لصديقتج..لاتجاوبين براحتج
كمت افكر بيني وبين نفسي شمعرفه اني ادري وهي كايلتلي
خابرت عليها كبل
رنا:الووو..اكلج مافهمت هو شون عرف انتي كايلتلي
مها:خما انتي حاجيه لاحد شي
رنا:حجيت لصادق اي
مها:معناها صادق كايله لوفاتح الموضوع وياه
رنا:اي يجوز
مها:انحرجت كلش منه..ليش كلتي لصادق
رنا: والله ماحسبالي يكله
بعد ماسديته منها.....فكرت توقعت انو منبه فراس على مود هي جيرانه وهاي حتى ماتصير سالفه
العصر جانت الكهرب طافيه..وطلعنا  اني وصابرين ونور وسراب للحديقه بس صادق والولد جانو طالعين بره
نور جانت حيل مزعوجة
صابرين:هس مال واحد يسافر بعيد
رنا: يعني وين مثلاً
صابرين:اي مكان المهم يسافر
جده:كولي الحمد لله على كل حال
نور :هاا جده ماحجيتي ويه بابا اريد اروح شون
جده:صبري شوي بعد..يخليج يخليج تروحين
نور:اووووف شوكت يعنييي
صابرين:ليش وين تريدين تروحين
نور:انتي معليج
صابرين:ردي باحترام شنو معليج جاهل يمج لازم
جده:تريد تروح على عمتها منتهى
صابرين:اي ماشاء الله حتى يتكابلن هي ودلال
نور:وانتي شكووو
صابرين:نفس الشكولات
نور:احسن من شكلج...يلا جده كولي لبابا حتى اروح
صابرين: جنتي بكيفج تروحين بس هس ممنوع من وره شين اعمالج تستاهلين ...يلا كلمن وياخذ عقابه
نور: فعلاً صدكتي كلمن يأخذ عقابه.. مثل عقابج هس تاليتج رجعتي هنا بطرگ روحج حتى زوجج بعد مايباوع بخلقتچ ويدور غيرج
انصدمنا من حجت هيج....صابرين صارت كفر
كبل كامت مسكت نور من شعرها
صابرين:ياااانجسسسسه يااااحقيييرة مومربييييه ياماتستحييييين اله اخلييي ابوج يربيج من جديددد
جده كامت على حيلها تحجز صابرين عنها
جده :شبلاااااچن
صابرين :ماسمعتيييي شتكوووول .. نور دفعت صابرين قوي..
رجعت صابرين كفختهاااا  وهجمت عليها.
نور:لااااان حجيييت اليغثججج موووتيي قهررر
جده:يووووولن كاااافي فضحتناااا
خطيه صابرين منهارة وتضرب بيها
صابرين:اكبررررر ساااقطه انتييي
صوتهن صار عالي واحنه كاعدين بالحديقة
رنا:يمعودات احنه بره هس يجون الولد
سرى:الله يستتترر... ياصابرين كبري عقلج وعوفيهاا
اندفع الباب قوي
طب علاوي يركض عليهن
علاوي:فضحتناااا صوتجنننن برررررره
صابرين:تفووووو عليييج
نور:تفووو عليييج انتييي...راح تبقين وحدج مثل الچلب
حيل تجاوزت نور على صابرين وهي البيها مكفيهاا
رجعت صابرين هم هجمت على نورر
علاوي:اذاااا مااتكعدن رااااحه راح الووصهاا هسسس
نور:لوصهاااا على اختتك لاتجيي عليه ..بقن متعاركات ونور ماقصرت بالحجي
اخر شي علاوي ضرب نور راشدي وجرها من شعرها
علاوي:ادبسسسسززز
طب فراس عالصوت
فراس: شبيييكمم
من اجه فراس كبل نور كامت تستنجد بي وتبجي
نور:عموووو تعال كله
جان جارها من شعرها
علاوي:كداميي جووة
فراس:يابا عوفهاا شبيييك
نور:وخررر عنييي لامسسسوي نفسك زلمه براسسي
تخبل علاوي
كام يضرب بيها كل قوته
علاوي:اسوووي نفسسسي زلممممه مووووو...
جده وفراس يحجزونه عنها
صابرين:خلييي يربيييهااا تستاهل
جده: كافيج انتي كاااافيج
فراس: علاااااوي شبييك وخررر عنهاااا
نور:ياااعااار بس تعرف تسترجل عليييه
جده سدت اثمهاا حتى ماتحجيي
علاوي:هسس اعلمج العاار شيسوووي
كام يضرب بيها دفرررات بكل قوه
هي تغلط وتحجي وهو يضرب بيهاااا ابد ماجنت اتمنى صادق يطب ويشوف المنظر والوضعية ..يتبببببع