#ليته يعلم(أحببته منذ الصغر)

البارت ١٤

البارت ١٤
ليته يعلم (احببته منذ الصغر)
ردت ارد عليها باوعت صادق واكف وسمع كلشي وعيونه نارر
صادق:نورر لحكيني
نور معد تكدر وجها صار اصفر
هوطلع متعصب وهي لحكته.
كلت خلي يسمع حتى يعرف زين شديصير.
وره نص ساعه هيج تاطب لغرفتي باوعت طلعت نور من غرفه صادق ووجها معبس وتريد تبجي طلعت عالسريع حتى ماباوعت عليه.عرفت انو بهدلها ورزلها
رحت لغرفتي طلعت الكتب وكمت ادرس بعد شوي طبت جدة فطوم.
جدة: شكو بينج وبين نور شو تشكي منج وتكول من وراها بابا رزلني
رنا:تشكي مني!؟بالمكلوبي هي اللي سمعتني حجي وعيرتني
جدة فطوم:بشنو عيرتج
حجيتلها الصار
رنا: تدرين شغله كله بسببج الصار
جدة فطوم:ياستار اني شكو
رنا: اني جنت صغيره وماعرف شنو حب وهاي السوالف انتي خليتي هالشي براسي كبري حتى يزوجج صادق وماعرف شنو .ماكاعد اكلج هيج حتى الومج أو اعاتبج.بس انتي جنتي السبب بدون ذنب
جنتي السبب بدون ماتدرين أو تعرفين انو اني اللي راح اكلها بعدين
جدة فطوم:اوف يابنتي قابل اني ماردت يعني بس شسوي
رنا:بس اني خلاص مااسمح لاحد يعيرني بهالحب بعد اني حبيت حب نضيف ماحبيت حتى اتعير .ع كلا الصار صار مومهم الراح المهم الجاي.
جانت خجلانه مني جدة وماتعرف شترد عليه.
سراب:جدة تعالي أجن نسوان يسلمن
جدة فطوم:هياتني جيت
طلعت جدة واني باوعت ع المرايا وكلت : لعد اني شكد المفروض هس اكون قويه بعد اللي تحملته من صدمات.فعلا اني قويه ولازم اكون اقوى بعد.لان اعرف الوقت الجاي حيكون بي مواجهات رحاب ونور وولاء اعرف زين بشنو راح يحاولن يضوجني فبعد ماترهم أبد اكون ضعيفه.
حضرت ملابسي وفتت سبحت.طلعت من الحمام سشورت  شعري وعدلتو واني بالاصل مسويته بروتين فصار سرح كلش وكعدت يم الصوبه . بقيت كاعدة وقريت قرآن وارتاحيت كلش واحس نفسي صرت أحسن بهواي الحمد لله
بعدين نمت وكعدت ثاني يوم السبت هم ماعندي دوام..
شو من الصبح اجت ام ولاء وخواتها.من شفت اختها اللي اتهمتني بالمحبس حتى ماسلمت عليها كبل درت وجهي .
طلعت للحديقه اتمشى شوي واجه علاوي وفراس وصابرين
بقينا نسولف ونضحك
صابرين: تدورن شغله يمكن ام ولاء وخواتها راح يسون اقامه يوميه يجن بحجه يسلمن على بنتهم ههههه شكد مكارات
فراس:هههه وانتي شكو ضايجه
صابرين:لاعيني موضايجه على شنو اضوج..اي اي يمكن انقهر ع المكياج اللي يخلنه لو ع الكعب اللي متحملهن.
فراس: هههههه.احسن منج ماتعرفين تخلين مكياج
صابرين:عابت لاتتمضحك.وتدافع عود عساس بنات خاله مرتك ديلا ديلا.عود مرتك هم مكارة مثلهن
فراس: وانتي ماتصيرين مكاره منو ماسكج ههههه بس ماتدبرينها
صابرين:المكر وراثه يعيني موباليد
علاوي:هههههههه
صابرين:انت اسكت .علما تجي مرتك سرى نشوف شونها
علاوي: لاتدخلينا بسوالفج.ارجعي على ولاء
بقينا ندردش ونضحك.
اجو يتمشون باتجاهنا صادق وولاء
صادق:هاا صوت ضحكم طالع
فراس: هاي صابرين وسوالفها تعرفها شون من تنفتح
علاوي: الصراحه كاعد تقلد على نسوانا
صابرين:شكد جذاب
علاوي:ههههه عليش خفتي
بقو يضحكون..واني فتت جوة لغرفتي باوعت نور ماسكه الموبايل مالتي من شافتني خلته بالجرار
ردت اسألها شلها بي.بس سكتت كلت يجوز هيج تلعب بي
بقت ام ولاء وخواتها ع الغده.
واني بقيت ادرس كالعاده وثاني يوم رحت للدوام امتحنت وكملت دروسي ورجعت للبيت.جانو يحضرون الغده
جدة فطوم:همزين اجيتي تانصب الغده
رنا:اي والله عاد جوعانه كلش.
كعدت ويتهم اتغده بعدين اجه صادق وولاء كعدو ويانا
جانت رحاب طابخه برياني وكبه تمن
ولاء:عاشت ايدج رحاب اكلج ماينشبع منه
رحاب: اي بالعافيه اني طبخي حيل طيب واكيد انتي طالعه عليه.هم فتره نوب نضوك طبخج
كامن يحجن بالطبخ الطيب ومعرف شنو
صادق:رنا طبخها درجه اولى
من كال هيج اني صفنت وكلهم صفنو
رحاب:ليش رنا شوكت طبخت حتى نعرف طيب لولا
صادق: طبخت قبل فتره جبت جماعه وسوتلهم غده جان فد شي..والجاي مالها يصفي الراس
فراس:اي والله ماشاء الله يخبل الأكل جان وترتيبات فد شي
جدة فطوم:والله زين عفيه عليج سبعه
رحاب:اي زين لعد اطبخي حتى تضوكينا طبخج
رنا :من إعطل ان شاء الله اما حاليا لا
صادق:اي اهمشي دراستج لاتلتهين...
سكتن ماحجن شي ولاعلقن ع الموضوع.خصوصا ولاء حسيتها ضاجت
كلمت غده وشلت المواعين ورحت لغرفتي .مسكت الموبايل تاخابر على اخوي باوعت مكالمه فائته رقم غريب.
استغربت شوي.كلت رقمي محد يعرفه دكيت ع الرقم ماجاوب
مسحت المكالمه وغلست.
وره ٣ ايام هيج اهل ولاء عزمونا عزيمه العرس ع العشه كلنا
اني كلت ماروح ابقى بالبيت
هما كلهم تحضرو تايروحون
غرفه صادق صايره يم غرفه جدة .جانت تتحضر ولاء شفتها لابسه فستان ومكياج كومه مخليه
سمعت صادق يكوللها
صادق:مكياجج حيل قوي خففي منه
ولاء:حياتي ترى هاي عزيمه العرس يعني عادي اخلي هواي
صادق: أصلا بس هالمره لان ع كولتج عزيمه عرسان سماح تخلين مكياج غير مره لا.
ولاء:لاعفيه حبي اخلي بس خفيف
صادق:المكياج الجثير عيب ..وانتي حلوة مايحتاج مكياج.
شوفي من هس اكلج اني ماحب اللبس الضيك والمكياج الجثير.اول شي حرام ثاني شي ماحلو أصلا
اجت جدة وكالت:ها رنا اشو مومتحضره
رنا:اني ماروح
جدة فطوم:ليش
رنا:ماريد اروح
طلع صادق من الغرفه وكال
صادق: مايصير ماتجين.كلنا نروح حتى صابرين معزومه قابل تبقين وحدج بالبيت
باوعت علي بطارف عيني كتله ماريد اروح
صادق:بلي تجين...لخاطري
من كال هيج ماكدرت ارفض
رنا: ماشي
صادق:يوم خلي نور تحضر حسن يلا
رحت تحضرت وخليت مكياج خفيف ورتبت نفسي
طلعنا اني ورحاب وسراب بسياره فراس
والباقي بسياره صادق طلعو
وصلنا البيت.عود امها وخواتها من شافنها يحضنن بيها
صابرين تشاور نور وتكول
صابرين:شوفي المكر شوفي
اني اضحك بداخلي
كعدنا وام ولاء سئلتها
ام ولاء: اخبارج بنتي ان شاء الله مرتاحه
ولاء:الف الحمدالله حيل مرتاحه وصادق ماكو منه بالدنيا فديته
حسيتها تبالغ بحجيها تتعمد عود تسمع
بالكوة تحملت هاي الطلعه والكعده والسوالف اريد بس ارجع.ماصدكت ع الله اصل البيت.
رجعت البيت وبدلت هدومي لبست تراك .وجيت تااتمدد
طبت نور للغرفه وكالت
نور:رنا انطيني موبايلج
رنا:ليش....أخذي بالجرار
نور:هس ارجعه بس تااحسب شغله بالحاسبه
رنا:عادي
راحت نور بعدين تذكرت الرقم الغريب من شفته وتذكرت وكت شفتها قبل كم يوم ماسكته
عرفت اكو شي وكلبي لعب
رجعته بعد شوي.بقيت اكلب بي ماشفت شي.كلت خاف اني متوهمه
بقى الموبايل بأيدي وخليته بجيبي ورحت تااشرب مي من المطبخ.
صادق كاعد بالصاله واني طبيت للمطبخ شربت مي تااطلع
جان يدك الموبايل باوعت  نفس الرقم الغريب بقيت صافنه ماجاوبت لان حسيت شغله تخص نور
صادق سمع الموبايل وشافني من صفنت ومارديت
صادق:منو
رنا:ها.مدري
صادق: شنو ماتدرين.ليش ماجاوبتي
جان تجي رساله والموبايل بأيدي
مكتوب ( يلا عاد شوكت اخابرج مو متت اريد احجي وياج)
قريتها ومعد اكدر كمت ارجف
اجه صادق وسحب الموبايل من ايدي وقره الرساله
صادق:منو هذا وشنو هاي الرسايل
رنا:مادري ماعرف منو
صادق:رنا احجي الصحيح منو هذا
رنا:كتلك ماعرف والله
اجت رساله نوب والموبايل بيده
أحسه صار نار وتعصب
صادق:رناااااا احجييي منو هذا
رنا:داكلك ماعرفه والله
كام يحوس ويتنهد اتصل بالرقم
صادق:الوووو احجييي ابن الكلب منو انت....ماتحجي مووو بس اله اعرفك وانعل والديك
اني مصدومه ومتجمده بمكاني
صادق:تعاي سولفيلي من وين تعرفينه
رنا: والله والله والله ماعرفه
صادق:لج لاتكفريني شنو ماتعرفينه اقري زين شنو داز
باوعت كاتب (موكلتي من ينامون ربع ساعه واخابرك صار ساعتين)
رنا:مواني والله مواني
صادق:لعد منووو
سكتت بالبدايه بعدين كلت
رنا:نور هاي مواني..شفتها قبل اسبوع ماسكه الموبايل وقبل شوي اخذته من عندي
صادق:امشي صيحيها
رحت صحتها وهي هم وجها صار اصفر
صادق:شنو هاي الرسايل ولج منو هذا ومن وين تعرفينه
نور:والله بابا ماعرفه
صادق:انتي اخذتي موبايل رنا قبل شوي
نور:لا وين اخذته جذابه تجذب كلشي ماخذت من عدها
صادق:لججج نورر سولفي أحسن لااكسر راسج
نور:والله تجذب كلشي مامسكت اني حتى ماعرف وين تخلي موبايلها اصلا
رجع صادق يباوع عليه
رنا:بلييي انتي اخذتي قبل شوي لاتجذبين اعترفي
صادق:لاتخبلنييييي.
نور بقت تحلف وتبجي وسوتني جذابه حتى صادق تقريبا صدكها
اجت ولاء وجدة عالصوت
جدة فطوم:خيركم شاكو تالي الليل
صادق: رنا لحكيني
فات للاستقبال وسد الباب
صادق: شوفي ترى انتي بنت عمي وعرضي وعايشه ويانا بهالبيت كوليلي الصدك أحسن الج.ولاتجذبين عليه.هذا منو ووين شفتي يجوز يطلع من المنطقه وباجر يحجي يم الشباب وتصير سمعه موحلوة
اني كلش تعصبت
رنا:كتلك موانيييي بنتك جذابه روح حاسب بنتك
صادق:نوررر تحلف موهيي.اني اريد اعرف الصدك منج.واذا طلعت نور يمين عضيم اله اكسرها تكسير
رنا: اني كلت العندي.ماعرف منو صدكت صدكت ماصدكتني مشكلتك
صادق:احجيي عدل احسنلج
رنا:ماحجيييي عدل.انت صدكت بنتك وماصدكتني شسويلك قابل
صادق: لاتطولين لساااااانج وتعليييين صوتج احجي بادب
رنا:ماححي بأدب بعد وبجهنم.واصلا بعد مابقى بهالبيت على شنو باقيه هنا.ولاتخاف مواني اللي اجيب سمعه موحلوة الكم.راقبو البيت زين واعرف منو الي راح يجيب سمعه موزينه
من كلت هيج تخبل
صادق:لجججججج لاتكفرييييييني شوكت تعرفين تحجين انتيييييي.شوووو تلوصييين
رنا:والله بعد مابقى هنااااا والله
صادق:موبكيييييفج الدنياااااا تنجبين اللي اكوله اني يصير
رنا:هو اني شفت الخير من منو منك مثلا شفته تاشوفه من نور لو غيرها وغيرها اصلا محد يحبني هنا حتى بحبك عيروني على شنو باقيه بس الحض اللي اخذ امي وأبوي وخلاني اكابلكم
كمت ابجي وانهاريت
فتحت باب الاستقبال وطلعت اركضض.....يتتتتتبع