#ليته يعلم(أحببته منذ الصغر)

البارت ٤٣ من الجزء الثاني

البارت ٤٣
#ليته يعلم (أحببته منذ الصغر)
دك الموبايل على صابرين
استغربت ليش داك بهيج وكت
صابرين: ولج هذا صادق.....هلا صادق....اي كاعدين...هيان جايتك
يكول اني يم الباب
معد اكدر حسيت صدري يريد يطلع من مكانه
راحت صابرين تفتح الباب.اني بقيت بمكاني متوتره ومتلهفه كل الشماعر اجت بهاي اللحظه
سمعت صوته طب جوة..وسمعت صوت صابرين تحجي وياه
مافاتو كبل تأخروا شوي.اسمع صوتهم يتبشبشون
بعدين طبو للغرفة
صادق:احم ها كاعده
رنا :اي
اجه كعد مقابيلي .. وصابرين رجعت بفراشها
صادق:شونج
رنا:زينه
صادق:شون ايدج
رنا:بعدها توجعني
صادق:اي زين
رنا:اهاا
صادق:ليش مطيره حواجبج
رنا:مومطيرتهن تراا.بس عدلتهن
صادق:اي مبين
رنا:المهم حلوووات
صادق:ايييي...بعدج زعلانه
رنا:اي بعدني
صادق:شوكت ترضين
رنا:انت اصلا لي هس ماراضيتني
صادق:شلون ؟
رنا:انت بس متعصب كلشي مافهمت منك
صادق: من وراج متعصب دمرتيني دمار
رنا:من وراك انت...
تذكرت كلامه وكت المشكله
رنا:كلامك غثني حييل لي هس من اذكره ينعصر كلبي
اجه تقرب كلش مني وكام يحجي بهدوء وبحنيه
صادق:شوفي رنا ترا ذاك اليوم وكت صارت المشكله..
انتي تعرفين اني جنت بدوام وتاخرت ذاك اليوم لمن خابرتيني وكلتيلي تعال تعشه كتلج اتاخر اني ارفعيلي مو
رنا:اي
صادق اجيت سمعت فراس يعيط وصوته عالي..من فهمت السالفة اني ضجت من الموقف الصار ويه ام البنت اي ضجت صحيح بس مومنج لاابد..فراس بقى يحجي وعصبني كلششش..
قسماً عضمآ يارنا ترا اني روحي صارت بخشمي لمن فراس بقى يحجي .كتلج.فوتي جوة ردت اني انجاز وياه
وصدكيني لوفايته جوة وباقي يحجي.جان تضاربت وياه
بس انتي طبكتي الباب بكل قوة ماحترمتي من كتلج فوتي..نوب ترجعين تراددين وتستفزيني
يعني هو اني صاير نار تسوين هيج كدامي ؟؟؟؟
صح فراس طوخها بس اني عذرته بالبدايه على مود وضعه وهو عنده هواي تفاكير براسه
تدخلت صابرين
صابرين:لا والله فراس صاير مايحترم احد ويريد يطلع قهر ذيج براسنااا على يا أساس
صادق: أنتي لاتضلين حاروگه
صابرين:مو حاروگه هذا الصحيح
رنا:بس حتى لو مامفروض تكلي هيج
صادق: والله كلت هيج حتى مااضربج تابس تجرين عدل
رنا:لو ضاربني احسن...عساس مالويت ايدي البارحه؟؟
صادق :هاي بسيطه
رنا:لابله..
صابرين: هههه والله انتو تونسون .خلي اروح اسوي جاي شغله مطوله
طلعت صابرين
صادق:كافيج عاد يروحي ..
عود بقيت بكبريائي...واني منتهيه علي
صادق:ادري شون هس..شون ترضين كوليلي.. شتريدين اسويلج
اجت صابرين
صادق: صابرين كوليلي شسوووي وياهااا.
صابرين:كلشي لاتسوووي.ترا كبل شووي غوركت عيونها وكالت احبووو
رفع حاجبه وباوع عليه
صادق:اهمم....
خرب يومها صابرين اذا ماتجفص وتعلم ماتكدر على لسانها ابددد
رنا:انتييي شنوو ماواحد يسولف وياج كبل تبيضينهاا..بعد فلا اجي يمج
صادق: صابرين بلا زحمه عليج عوفينا شويه
صابرين: ماشي ماشي
طلعت صابرين
واجه تقرب كلش يمي
صادق: باوعي بعيوني
باوعت علي...جان يباوعلي  بنضرات تدوخ💔
صادق: كافي يارنا كافي..
رنا:شنو كافي
صادق:عبريها عاد ترى لوعتيني...انتي كل عقلج اني انهي الشي البينا...
شوفي رنا خل احجيلج وركزي بكلامي زين...اني مزوج قبل وانتي تعرفين..بس وربج مامريت باللي مار بي هس ابد
شعلتيني شعل والقرآن ..ماجنت اتوقع بيوم هالگد راح احبج وريدج..
حسيت باسترخاء فضيع وهو يحجيلي هالكلام.صوته نبرته تعابير وجهه . ركزت كلش بتفاصيل وجهه وهو يحجي
مسح لحيته بايده وهو يحجي وياي .
نزعت الطوق من شعري.. وخليت شعري صفح
رنا:ايييي كمل
قرب وجهه كلش عليه واني هم استجابيت وياه
طخت گصتو بگصتي
صادق:خليني اخذج كافي عاد تعبتيني
رنا:اي
صادق:والله احبج
وخر عني وكال
صادق:ترا قوة الشعور العندي تجاهج ماترحم..بس مخلي الله بين عيوني
رنا:ماشي
صادق:صابببرين تعاااالي
اجت صابرين
صابرين:ترا بعد ماطلع ..صار ساعه انتظر انجلطت
رنا:هههه
صادق: ها هيه ابقي لاتطلعين..صدك وين محسن
صابرين:بدوام.ماتشوف كلت لرنا تعالي باتي يمنا
صادق: اي..هاي اخر مره تباتين هنا
رنا:ليش عود
صابرين:اسمعنييي عاااد انتفاضح اني وياك  ونتخارب اذا تنطي هيج أوامر لرنا من هس اكلك
رنا:اي اني بكيفي اجي هنا وابات
صادق:هووب يمعودات على كيفجن
صابرين: ابد لاتدخل بجيه رنا لهنا
صادق: يابا ها هيه
رنا:صدك...شكلت للناس اللي اجو خطبوني
صادق: شعليج شكلت
رنا:هيج اريد اعرف
صادق:كتلهم البنت تدرس وماتريد تزوج
رنا:هاا يعني ماكتلهم اني راح اخذها
ابتسم ومارد
رنا:لعد اذا اني ادرس وماريد ازوج شون راح تاخذني واني ادرس
عقد حواجبه
صادق: اني ماراح اخذج هس .. اله تخلصين هاي السنه عود اخذج
ماريد رايحه جايه ودوام وكت اخذج
رنا:اممممم..
بقينا نحجي للساعه ٣
جان كلش هادئ وحنون عكس الايام الراحت تماما
جنت احجي وياه واني حيل متونسه وفرحانه
صادق:يلا اني اروح
صابرين:عليش تروح ابقى هنا..الصبح روح
صادق:لالا اروح ... يلا تصبحون على خير
رنا:وانت بخير
راح واني رجعت لفراشي
الحمد لله ياربي ارتاح كلبي هس
نمت مرتاحه فول..
كعدت الصبح على صوت جهال صابرين يكمزون فوكي وريحه جاي وريوك
تعدلت وصحصحت باوعت صابرين محضره ريوك بالغرفه نفسها..كبل اجه ابالي الحجي اللي صار بنص الليل
اوف شگد طيبه
صابرين:هاا كعدتي...الجهال كعدوج مو
رنا:اي عادي
كمت غسلت ورجعت تريكت
احس نفسي اريد ارجع للبيت اريد اشوفه ولاعبالك كل الليل نحجي سويه مشتاكلته فوووول
رنا:اكلج وره الريوك راح اخذ ابنج يرجعني للبيت
صابرين: شعنددج من الصبببح من لگه احبابه موبس نسه اصحابه ضربهممم چلاااااق هممم.بس ان شاء الله من ترجعيين ماتلگينا بالبيت لو بدوووام لوو طااالع
رنا:ههههه ماشي ماراح اروح بس كافي تدعين
صابرين: ايي ماتروووحين تضليين تتغدين راح اسوي كببه حتى تعاونيني
رنا:ماشي تدللين
أن شاء الله الله يسهل الكم
رنا:صدك انتي شوكت تجين يمنا
صابرين:ماجي
رنا:شدعووواج ترا انتي عاركتي فراس مو كل العيله
صابرين: صحيح بس ماريد اشوف وجهه
رنا:والله مايصير هيج.جده تضل تحجي عليج تريدج تجين علينا
صابرين:الله كريم ان شاء الله خير
وره شوي كمت لميت الفراش وعزلت الغرفه وكنستها
وعاونتها بالغدة
رنا:خابري صادق خلي يجي عالغده
صابرين:خابرته يعيني قبل ماتحجين
رنا:ايي وشكال
صادق:كال اشوف مامعلوم يمكن معزوم مدري
رنا:هاا
كملنا الكبه وسويت سلطه
صار وكت الغده
صابرين:خلي اخابره اشوف يجي لا
رنا:يلا خابري
صابرين:هلاااو شونك..... الحمد لله.....هاا ماتجي عالغده
ماشي ماشي
يكول ماكدر صوت جماعه يمه
رنا:اووف يضل جماعه يمه
ضجت شوي..
صبينا الغده وتغدينا وشربنا جاي
رنا:يلا اني اروح وين ابنج خلي يوصلني
صابرين:ماشي الله وياج..عيديها عود
رنا:ان شاء الله
رجعت للبيت اول ماطبيت شفت نور من شباك المطبخ..
طبيت جوة تلكتني سرى
سرى:هلا عيني اشتاكينالج
رنا:اكييد
سرى:اي والله
عبرت نور من يمي واحسها ضايجه
طبيت جوة لغرفه جده
جانت متمدده تاتنام
رنا:ها جده شونج
جده:هلا بنيتي هلا..هلا هس رجعتي
رنا:ايي
بدلت هدومي ورحت للاستقبال باوعت ماكو احد
عرفت بعده مو راجع
كعدت شوي ويه سرى
رنا: اكلج بيها شي نور
سرى:مادري والله...اني اليوم تبهدلت الصبح
رنا:ليش
سرى: معدتي دمرتني بس ازوع
رنا:يبووو والله الحمل دمار
سرى:اي والله
رجعت للغرفة حسيت نفسي منعسه لان تأخرت بالليل من نمت ونوب كعدت من الصبح على صوت الجهال
عاد نمت وكعدت العصرر..غسلت وصحصحت
جنت بالمطبخ.اجه علاوي
علاوي:بس سوي جاي .. هاي سرى تعبانه ماتكدر تنزل
رنا:ماشي
سويت جاي اله
رحت للاستقبال ماكو بعده ماراجع
رجعت كعدت باالصاله وكعدت جده وسراب وياي
سمعت صوت سيارته طبكت
عرفته اجه
طلعت للطارمه...طب جوة من شافني كبل ابتسم
اشرلي يعني تعاي للاستقبال
رحت وياه
صادق:ها شوكت رجعتي
رنا:وره الغده...وانت ليش ماجيت تغديت
صادق:والله ردت بس ماكدرت جنت يم جماعه اصدقائي بدوام وانشغلنا هواي
رنا: تمام
صادق:اكلج اني بعت البيت وراح اعمر بيت جديد من هس اكلج انتي صاحبه هالبيت لاتشلعين كلبي
رنا:اي طبعاً اني
صادق:اليوم لو باجر ترديدين يجي الشيخ
رنا:ياشيخ
صادق:ياشييخ يعني غير اريد اعقد عليج
رنا:هااا
حسيت توترت كلش وكلبي يدك سريع
صادق: حالياً  بس اعقد عليج ..أما زواج رسمي من تخلصين دراسه هاي السنه (يقصد وره امتحان اخر السنه)
رنا:انت كلت للبيت
صادق: فراس وعلاوي يدرون
رنا:شوكت كتلهم
صادق:كتبهم كتبهم عدهم علم
رنا:اممم
صادق:ايي شوكت اكله يجي...شوكت انتي متهيئه
رنا:ماعرف بكيفك
صادق:لعد اليوم
رنا:لاا
صادق:شوكت؟؟
رنا:مدري..ماعرف
صادق:لاتخبلينيي
رنا:خليها باجر
صادق: ماشي ماشي باجر باجر
اجه فراس وطلعت
جنت مثل فراشه طايييره
تلكتني نور يم باب الصاله
نور: اكلج انتي شعندج بالاستقبال
رنا:ليش يعني
نور:بس بابا جان بالاستقبال شعندج وياه
رنا:راح تعرفين ان شاء الله
نور:شقصدج بله
رنا:ابوج يكلج
نور:انتي تحلمين هواي
رنا:الله كريم
عفتها ورحت..ماريد احيجلها كلشي بنفسي
كلت تنجاز هي وياه
رحت لغرفه سرى وكتبها
سرى:صدك تحجين
رنا:اي والله
سرى: يمممااي والله تحمست كلشش..همزين حفيتي وجهج البارحه ..زين العرس شوكت
رنا:بعد امتحانات نهايه السنه
بس اكلج اني متوتره كلشش
سرى:اي عادي تصير ...يعني باجر
رنا:اي باجر... هو كال تريدين اليوم ابو باجر
بالبداية كتله اليوم بعدين كتله لا باجر
سرى:اي مانريد اليوم خلي باجر...حتى اصيح خواتي يجن هنا ...اكلج صدك شنو ماناوين تنادون احد يجي هنا يحضر العقد
رنا:ماعرف غير هو يكول اني شمعرفني
نزلت جوه رحت للغرفة بعد شوي اجت جده ومكيفه
جده:هاا عيني اشو اني اخر من يعلم..
فهمت شتقصد
رنا:والله اني ماليه دخل هو كالي
جده : وأخيرا الله هداكم وراح اخلص من مشاكلكم
خلي اخابر صابرين وعماته حتى يجن باجر يحضرن العقد
بعد شوي اجه
صادق:مايحتاج تخابرون وتسوون هوسه..راح يجي عمي ابراهيم بس
جده فطوم:والله شعليه بيك هس اخابرهن يجن..اذا عرفن انت مساك عقد وهنا موحاضرات راح يزعلن
صادق:والله يايما ماعرف شكلج
بعد شوي صاح سراب ونور وصعدو فوك
عرفت راح يحجي وياهن بالموضوع
مشاعري جانت لووخه
اولها الفرحه مومصدكه اصلا لان قبل يومين جنه متعالكين بس هس كلشي تغير..وثانيا متوتره كلشش ومصدومه هم
هووواي هوواي مشاعر وأحاسيس وخربطه. ..مو فاهمه بالضبط شنو صاير وياي..
بس اللي اعرفه انو اني راح اخذ حب حياتي منذ الصغر 💔
صارت الدنيا مغرب...وبعده صادق فوك ويه البنات مانزل
تشوقت اعرف شنو ديحجي وياهن وشنو رده فعلهن..اعرف نور موعاجبها بس سراب اعتقد تفرحلي
يعني هاي توقعاتي بس ااذا اكو غير شي ماهرف بعد
اني رحت للمطبخ اسوي عشه.وكل شوي انثول ادور للملح ومالكي ادور للغراض ومالكي..دخت
كملت العشه.واني انتظره ينزل
بعد شوي نزل وكعد بالصالة..حسيته تعبان شكد مو حاجي
رحت يمه
رنا:ها حجيت وياهن..شكالن
هز راسه وكال
صادق:ماكوو شي ها هيه
حسيته مانطاني الصحيح
رحت للمطبخ ونزلت سرى وسراب
سراب:مبروك مقدما رنا
رنا:يبارك بيج.معرف شون شعور.جنت مستحيه منها شويه
سراب:صدكيني من زمان ردتج تصيرين اله
ابتسمت وهزيت راسي
سرى:خابرت ماما كتلهم باجر تجون ..هم فرحتلج كلش
كل مايجيبون طاري فلان راح يجي اتوتر بزايد
صبينا العشه واجه فراس وعلاوي وكعدنا نتعشى
صادق:سراااب صيحي نور
سراب:هس.
راحت سراب صاحت نور..واجت كعدت ويانا تعشت
ماجان اكو رده فعل منها يعني عاديه جانت
تعشينا وخلصنا.. رحت سويت جاي
اجو اصدقائه واصدقاء فراس يتعللون....اووف هس وكتهم اني والله اكعد احجي وياه افتهم شي منه..لحد الان اني ضايعه ومتخربطه
انتظرتهم يروحون بس تأخرو
رحت للصاله واجت سرى وسراب وجده
سرى:اكلج باجر شراح تلبسين شراح تسوين
رنا:عندي فساتين هواي
سرى:لاا مايصير لازم تشترين شي مرتب باجر ناس تجي وهذا عقد مايصير شي عادي
سراب:ترى هذا عقد موحفله خطوبه
رنا:عندي فستان كلش حلو..ماريد شي هوسه
سرى:لعد من تجي (منال) تقصد اختها..اخليها تمكيج شي مرتب وتسوي شعرج حتى لو شي بسيط
رنا: تمام خوش
انتظرت يروحون أصدقائه حتى نحجي
تاخر الوكت رحت فرشت فراش وتمددت وغفيت
اخذتني النومه.... فجأة حسيت بي يندهلي
فتحت عيوني.. جان مدنك مقابيلي ويحجي بصوت ناصي لان الباقي نايمين
صادق:شوو نمتي
رنا:اي انت تاخرت
صادق: وإذا تأخرت..يولي اني لااكدر انام ولاشي
اريد باجر يجييييي ..صح اني ويه ربعي بس بالي يمج
تعدلت وكعدت
صادق:تعاي الحكيينيي
طلع وطلعت وراه
طبيت للاستقبال كله دخان وهوسه
فتح الشبابيك وسد الباب
كعد عالقنفات
صادق:تعاي هنا
كعدت يمه كلش قريب علي
شعور ماينوصف من گد ماحلو
صادق:شنو شعورج؟
رنا:اني لي هس مامستوعبه هالشي
صادق:استوعبي استوعبي...لاتخليني اسويلج حركه هس اخليج موبس تستوعيبين
رنا:شنوو سويلي
صادق:لا ماترهم ..خلي بس  اعقد عليج
وتشوفين
حسيت نفسي تهدونت كلش يمه
رنا:خلي نعقد هس
صادق: هه موكتلج اليوم كلتي لاباجر...
رنا:ماعليه اريد نعقد هس
صادق:يرنا ..لاتوازيني ..صار معرف شكد متحمل وصابر لاتخربين كلشي هسس.
رنا:هه ماشي ماشي
صادق: باوعي رنا ان شاء الله من باجر وره مانمسك العقد راح تصيرين مرتي..اني مسؤول عليج قطعاً
محد اله دخل بيج نهائيا..واني ماراح اقصر وياج بشي ابدد وشتريدين يجرالج..بس اريد منج شي..اي شي يصير وياج تكليلي ....وصدكيني اخليج على راسي واعوضج عن كلشي
جان يحجي وياي بكل حب وحنان وهدوء
احس ضعت بكلماااته
تاخر الوكت وكالي
صادق: روحي نامي هس
رنا: ماشي وانت هم نام
رحت نمت وكميه الفرحه ماتنوصف ابد❤️
كعدت الصبح وكلبي يدك عالسريع من اول ماكعدت
تريكت وكملت شغلي وهو ماجان موجود..
العصر اجت  صابرين وعمى منى ومنتهى واهل سرى بيت خالو محمود
سرى:يلا رنا أمشي نصعد فوك بغرفتي حتى تتحضرين
رنا:, ماشي
صعدت فوك
لبست فستان اللي كولش حلو وخلتلي مكياج مرتب اخت سري
وسوت فيكه بسيطه بشعري ..
عمى منى:صلوات ياربي ماشاء الله والله مفروض من ذيج المره تصيرين مرته
سرى: حيل حلووة طالعه تموتين
جانو يحجون وياي بس اني مويمهم ابد
توتر جبير..احس ماكو احد حيل قريب عليه ..بس هو
واريد بس اشوفه..
صارت الدنيا ليل واني بعدني فوك ويه البنات بغرفه سرى
اجت صابرين: صادق يسأل عليج
فرحت كلش
رنا:وينه..خلي يجي هنا
بعد شوي اجه . جان لابس دشداشة بيضه..بدون اي مبالغه احلى مني طالع 💔
ارتكبت من شفته..اجه يمي
صادق:شنو هالجمال يارنا
رنا:اي
صادق:شنو اي
رنا:مادري
صادق:اكلج هس الشيخ  رايح يجي...لازم ينحد مهر ومتاخر هم
رنا:اي
صادق:انتي تحدين  شكد
رنا:اني شعليه
صادق: مايصير شعليج..هذا مهرج وبما انو اهلج متوفين انتي تقررين شكد
رنا:اني ماعرف بهاي السوالف بكيفك انت مايحتاج مبلغ معين.انت تنجاز
صادق:لاتكولين بكيفك... لان اذا كلتي بكيفك صدكيني شما اسوي الج احس نفسي مقصررر
رنا:عفيه صادق اعفيني من هاي السالفة.
صادق: ماشي ماشي ..امشي وياي  قبل مايجي لان يريد يسمع الموافقة منج
رنا:ليش اله مني
صادق:انتي اهلج متوفين لازم يسمع منج
رنا: ماشي
نزلت وياه ودكات كلبي بس الله يدري بيها
صادق:هس ابقى بالغرفه من يجي اصيحج
رنا:ماشي
رحت للغرفة والكل موجودين وهوسه
عبر الوكت شويه طلعت عمى منى وجده من الغرفه بقت سرى وباقي البنات
سمعت صوت بس ماميزت شنو يمكن صوت نور أو هيج شي

في غرفه البنات))
نور تبجيييي وتشهك
نور:ماتتتززززوجهااا والله ماتتتزوجهااا
صادق:نوورر لاتخبلييينيي هسسس
عمى منى: صادق روح انت عوفها احنه نحجي وياها
نور:ماريدك تزوجهاااا
صادق:شمسويتلج رناااا حتى هيييج ماتريدينهااا
نور:اذا تزوجتهاا هس اسوي شي بروووحي والله
صادق:شتسوووووين وووولج
نور:اسوي شي بروووحي
صار نار من كالت هيج
صادق: الكل تطلع بره الكككككككلل......يتببببع