#ليته يعلم(أحببته منذ الصغر)

البارت ٣٠ والاخير

البارت ٣٠ والاخير
#ليته يعلم ( أحببته منذ الصغر)
سمعت صوت اشعار باوعت فيديو من صادق
طبيت سمعته
كلش أثر بيه وفرحت بنفس الوكت.كأنما رصاصه رحمه جان
رجعت اني هم دزيتله فيديو لنفس المغني
من شافه كبل دك عليه
صادق:الو
رنا:هلا
صادق: شونج
رنا:موزينه
صادق: اجيج هس
رنا:ساعه ١٢
صادق:اي عادي
رنا:لا..خلينا نحجي اتصال كافي
صادق: صوتج تعبان
رنا: اي
صادق:اوف.كتلج خلي اخذج ادري بيج تنتهين وحدج اعرف مقاومتج ضعيفه
رنا:اني موضعيفه.بس احس طاقتي خلصت
بارحه ماهديت ابد كل الاحبهم اجو ع باللي فقدت 💔
صادق: يارنااا يابعد عيني ترا كلبي يعلمني والله جنت اعرف هيج راح يصير بيج ..
رنا:ماجنت اعرف هالكد راح اتعب
صادق:لاتعاندين رنا خليني اخذج ترا اثنينا هلكنا وشتريدين اسويلج
سكتت مارديت
صادق: مادري لشوكت تبقين ساكته
رنا:الله كريم
صادق:ناويه تعذبيني اكثر ..بس والله والله اخذج اخذج وشوفي
بقينا نحجي للساعه ٣ سالفه جرت سالفه بس حيل ارتاحيت وتونست
ثاني يوم صادف خميس جنت بدوام وجو شمس ربيع
ساعه١ تانطلع للبيت اني وصديقاتي وياي جان يدك عليه
صادق:الوو ها شونج
رنا :ماشي الحال
صادق:وين انتي
رنا:يم البنايه هس طالعه
صادق:اني يم البوابه تعالي
رنا:هااا مسافه شوي امشي واصلك
صادق: لعد اني نازل راح اجي اتمشى لي يمج
كاعد نمشي اني وصديقاتي جان اشوفه اجه باتجاهنا
جان كاشخ ع الآخر وطالع يخبل
شافني وابتسم واني هم ابتمست وصل يمنا عفت صديقاتي ورحت وياه
صادق:ضعفانه
رنا:اي شوي شعجب جيت
صادق:جيت اخذج لبيتي عازم الكل ع الغده
رنا:اها.بس اني ماجي
صادق: شنو ماتجين عازم الكل تجين غصبا عنج
رنا:لا اعذرني ماجي..واني اصلا مااكل من طبخ ولاء
صادق:حاسب حساب جبتلج من المطعم
رنا:ماريد اروح
صادق:لخاطري تجين لاترديني
لح عليه وماردت ارده عاد رحت وياه
باوعت مشتري سياره جديده عاليه وبيضه حيل حلوة
رنا:مبروك
صادق:يبارك بيج
صعدت وياه وبلغت اشتراكي مارجع وياه
رنا:تروح عالبيت اول شي تاخذهم لولا
صادق:اخذت امي وفراس كال هو يجيب البقيه يجوز هس وصلو
ماريد مرته تطب للبيت بس لخاطره
وصلنا لبيته
طبعا اني اول مره اجي لبيته واشوفه لان اني من جيت أبيت عمي هو جان يم اهله ومأجر البيت مالته يم ناس
وصلت البيت ماشاءالله شكله الخارجي حيل حلو
طبيت للطارمه اكو حديقه بصفحه وكراج سياره
فتت جوا ولو اني ماريد اشوف ولاء
اول مافتت هول بي ديوان وكاعدين كلهم وصابرين هم موجوده
جده:ها جيتي
رنا:اي
سلمت على سراب ونور
بعد شويه اجت ولاء من شافتني حسيته تفاجئت
ولاء:شونج رنا
رنا:بخير
بدو.يصبون الغده وراحت سرى ورحاب يحضرن
رنا:سراب وين المغاسل
سراب: امشي وياي
اخذتني للمغاسل وكالتلي خلي اشوفج بيتنا
رحت وياها
البيت ماشاءالله ماناقصه شي وكله غراض حديثه وغرفه خاصه للبناات تاتفوتني على غرفه صادق كتلها مايحتاج
ودتني للمطبخ. كاونتر لفت وتفاصيل كلش حلوة بي
يعني هو اصلا البنااء ماله حلو
كلت بكلبي عاد لوتتساهل ولاء
سراب:يلا امشي صبو الغده
رحت كعدت وياهم.جان يخلي صادق كدام امه وكدامي كباب ودجاج محشي ومقبلات مال مطعم
لاحظت الكل تباوع
ولاء حيل ضاجت
تغديت وخلصت رحت للمغاسل واسمعها تحجي لان المغاسل موبعيدات ع المطبخ
ولاء: مدري عليش جايه وهي ماتاكل من طبخي
رحاب:هو رجلج جابها قابل جت وحدها
تونست من سمعتهن هيج ضاجن
كلت لعد موافقه ونزلت عليج ضره جان شسويتي
رجعت للكعده اجت سرى جابت جاي
اني اخذت كلاص باوعت من للشباك جو طيبهوشمس طلعت للحديقه صايره بصفحه
موجود هيج مثل الطفره كعدت عليها
بعد شوي اجه صادق غمزلي بطارف عينه بمعنى هاا الوضع
ابتمست وكتله
رنا:زينه زينه
صادق:خوش ....امانه رنا اي شي تحتاجينه تكوليلي
هزيت راسي يعني ان شاء الله
هم الكل طلعو للحديقه من شافونا كاعدين
بقينا نحجي بعدين رجعنا للبيت
بعد كم يوم هم جنت بدوامي
وكت تانطلع للبيت شو اجه ابالي البيت اللي اجره علي 💔
مدري شجابه على بالي..حسيت نفسي اريد اروح اله عبالك راح اشوف علاوي هناك اذا رحت
خابرت ابو الاشتراك القديم كتله اريد ارجع وياكم توصلني لنفس المكان القديم.تفاجى من كلامي لان هو يعرف اخوي توفى كتله بس شويه وارجع وياكم لبيتنا حتى لو انطي مروه زياده
رجعت وياهم لنفس المكان
وكت نزلت كلبي عصرني ردت اطب جوة الباب مقفول دكيته جان يطلع الرجال اللي اجرنا البيت منو
سلم عليه وكتله بس اريد اشوف البيت شويه
كالي عادي .بعدين رجع كال ترى غراضكم عرضتهن للبيع لان رجال اسمه صادق خابرني كال انت بيعهم ..
طبيت للحوش بالبدايه جانت رده فعلي عاديه أو بارده
من تقربت شوي تذكرت وكت جينا شطفنا وثلجنا
حسيت شفايفي كامن يرجفن طبيت شوي للمطبخ كل شوي تجي ابالي ذكرى
ماكدرت اطب اكثر رجعت بره لان اختنكت من الشوك💔
وكت تاطلع للباب كمت ابجي قوي وعضيت اصبعي
رنا:لووو بسس مووجاييي اووووف
دكت عليه جده بس مارديت عليها لان جنت ابجي
في بيت العم سالم)
جده:اشو رنا مارجعت لي هس وينها
علاوي:خابرت الاشتراك يكول كالت: روحو ماراح ارجع وياكم
جده:يمااا شنوو ماترجع وياه لعد ويه منو ترجع.خل اخابر صادق خاف رجعت وياه
جده:الوو هلا وليدي شونك
صادق:هلا يوم بخير
جده:اكلك رنا رجعت وياك
صادق:رنا!؟لاااا ليش وينها
جده: مارجعت لي هس ساعه صارت ٤ يوميه ترجع ب٣ اخابرها ماتجاوب
صادق:كل عقلج تحجين يوووم.وين علاوي انطيني اياه
علاوي:هلا صادق
علاوي:والله خابرت اشتراكها يكول كالت ماراح ارجع وياكم
صادق:يعنيييي شنووو وووين راحت
علاوي:ماعرف هس ارجع اخابره اشوف مني صديقتها بلكي نحجي وياها تعرف شي عنها
صادق:لخااااااطر الله وين راحت.وييينكم عنهاااا
علاوي:احنه شعليييناااا اذا اشتراكها يكول كالت روحو...قابل شمعرفنا
صادق: خررررب.......يلااا يلاا هس اخابرها
البيت المستأجر)
جنت يم الباب ابجيي هستوني تااطلع دك عليه صادق
رنا:هلا
صادق:وووووييينج انتيييي
رنا:لاتصيح موجوده اني
صادق:ووووين موجوده كايله لاشتراكج مارجع وياكممم ليش وين انتيي
رنا:بالبيت الي اجره علي
صادق:ادررري شوددداج علييي انتيي بيييج شيي
بعدج موجوده مووو
رنا:اي
صادق:هسس جايييج لاتروحين بغير مكان
سديته ورحت لابو الاشتراك كتله روح راح يجي ابن عمي ياخذني
جانت عيوني حمر من الدموع
ماطول واجه صادق: امشييي امشيي وياي
رحت وياه وكل الطريق معصب
صادق:بس اريد اعرف شجابج هين
رنا:جان بداخلي عبره وردت افرغها
صادق: لاحول ولا قوة الا بالله.جان كتيليي اني اودييج ليش تروحين ويه غير اشتراك
رنا:هيج فجأة اجه ع بالي اروح
صادق:واحد يغث نفسو بنفسسووو..
وصلني البيته لان جان أقرب ع الطريق
نزلت وياه لان جنت باجيه ووجهي كله دموع
فتت جوة
صادق: روحي للمغاسل غسلي وجهج
غسلت وجهي واخذني للهول مال الكعده
جانت ولاء ماموجوده يم اهلها بس البنات موجودات
صادق:رنا ابد لاتسوين هيج شي بعد.اي شي تردين تسوينه تكوليلي ترا تخربطت من امي وعلاوي كالو ماجيتي لي هسع ومبلغه اشتراكج ماترجعين وياهم..
رنا: صحيح بس ماعرف شون هيج اجه ع بالي
صادق: والله انتي عندج سوالف....يلا حصل خير
من حجينا شويه ارتاحيت بعدين كتله رجعني للبيت
صادق:تعشي وروحي
رنا:لا ماريد
صادق:ولاء ماموجوده لاتخافين ماتاكلين من طبخها..اجيبلج اي شي
رنا:اصلا موجوعانه ولابنفسي اي شي
صادق:حتى لو خفايف المهم تعشي وارجعج
رنا: كلت لجده لو اخابرها
صادق:كتلها من جنت بطريق كتلها اجيبج هنا
اجت سراب ونور وحسن كعدو ويانا
بعدين هو راح ماعرف وين بس طلع
صارت الساعه ٧ نور جابت باسطرمه وجاي والبان
سراب:يلا رنا اكلي ويانا
رنا:ليش وين صادق
سراب:معرف طلع
بعد شوي اجه وجايب وياه فواكه وبقلاوة وحبكشلات
كعدنا ناكل ونسولف.جان يحاول يغير من نفسيتي ويضحكني
صراحه حيل تونست وفعلاً تغيرت نفسيتي
حتى من تانرجع شوي ضجت كلت ويه نفسي شصار لو هس اني هنا وياه وولاء ماموجوده بحياتنا ولا راح هناك وكلبي يوجعني وانحمس ومعرف شنو ..
رجعت وياه
صادق:صدك ماكتلج.. احتمال جبيير انقل للجامعه باداريات الشريعه
رنا:اها صدك
صادق:اي .. حصرا خريجين الشريعه والاسلاميه يريدون هناك
رنا:ليش ياهو احسن دوامك هس لو هناك
صادق:اثنينهم زينين نفس الشي
رنا:ان شاء الله خير
وصلني للبيت وراح
من طبيت جده استلمتني خايفه عليه ومقهورة من جيهه وتحجي علي من جيهه
ثاني يوم في بيت صادق)
ولاء:كالو جايب رنا هنا البارحه وكت اني ماموجوده
صادق:شوفي ترى لافطنان الج ولاشي.جبتها لان جانت ماره بضرف صعب
ولاء: دائما تحب تنفذها من ووضعها الصعب
صادق:شوفي اجيبها شوكت مااريد بكيفي البيت بيتي.وانقذها بأي وكت اريد لاتدخليييين خلااااص
ولاء:اخذها على وجه ابيض
صادق:لوبس تتهيء اليوم كبل باجر اخذها💔
بعد فتره قصيره جدآ يمكن ٥ايام هيج
(ليله رد الحقوق الى اهلها ليله العداله ليله أنصاف المظلوم )💔
الساعه ٧ مساء رحاب راحت لأهلها والوضع جدآ طبيعي
خلصنا عشه جان يجون عيله صادق
كلش فرحت بجيتهم وخصوصا بجيته هو
طبو جوة سلمنا عليهم..بس لاحظت صادق جان موطبيعي
احس نضراته ابد موتمام
حتى ماكعد ويانا.باوعت واكف بالطارمه هو وفراس يتسولفون بيناتهم بصوت ناصي
فراس صعد فوك..طلعت اني للطارمه باوعت علي وسئلته
رنا:اشو ماكعدت ويانا اليوم شعجب
صادق:هاااا لا ماكو شي
رنا:اني ماكاعد اكلك اكو شي اولا ..اكلك شعجب ماكعدت ويانا
صادق:بعدين رنا بعدين
عفته ورجعت للصاله ويه البنات وجده
ولاء جانت تكول اني ماردت اجي مريضه بس صادق كوة جابني
جنا كاعدين والوضع طبيعي وعلاوي بغرفته فوك
عبر الوكت شوي تقريبا ساعه صارت ٩ونص
ولاء اخذت موبايل جده لان عدها رصيد كالت بس تاخابر على ماما. صادق يم الباب كل شوي يفوت ويطلع وماسك موبايله
سمعت صوت حركه قويه فوك السطح
شو فجأة نزل فراس يركض من السطح وشايل بندقيه.طلع ركضضض
خفت حييل طلعت وراه
صادق:فراااااس فراااااس
سمعنا صوت السياره شخططت
صادق كام يصيح عليه
رنا:ووووووين علاوي صيحيي بسررررعه
راحت سرى تركض تصيح علاوي
طلع علاوي يركض... كلهم طلعووو
جده:ووول شاااااكوو شبييي فرااسسس
باوعت على ولاء وجها ليمون وشفايفها ترجف
اني متت بكاعي.مانعرف شسالفه
ولاء:عمممه انطينييي الموبايل
جده:ياموبايل هس ياموباااايل
سحبت الموبايل من جيب جدة
وخابرت
ولاء:ردوووو ردووووو
اني عرفت انو هي عدها علم بشيي
رنا:شكوووو احجيييي
ماردت عليه
جده طلعت بره تاتشوف شاكوو.
كلنا واكفين يم الباب وميتين رعب .. سرى تخابر على علاوي مايجاوب كلهم مايجاوبون
تاخرو ومارجعو واحنه ماضل بينا قطره دم
طبينا جوة ..
ولاء دكت نوب بس مانعرف وين.شو فجأة جان تصيح
ولاء:اخووووي بس كولي خما بي شييي انطيني امي...
سدته واحنه نباوع عليها
اني كبل طخت عندي السال ..(ليله رد الحقوق الى اهلها ليله العداله الألآهيه ليله ألمضلوم واعطاء كل ذوي حق حقه❤️
نور:شكوو تصيحين اخووي
جده:سوووولفي شاكوووو
جانت مخليه اديها بين رجليها وترجف وتبجي
رادت تطلع بس جده ماخلتهاا
جده:اذا ماتكولين شاكوو مايلوم الا نفسج
ماحجت اي شي
خابرت صابرين على جده
صابرين:يوووم شاكوو يمكم ..فراس وينه
جده: مادري شايل بندقيه وراح يركض..انتي منين عرفتي
صابرين: ابني يلعب يمكم جه يكولي خالو شايل سلاح وراح سريع بالسياره هياني جايه
جه علاوي ووجهو ابد مايتفسرر
جده:وين اخوووتك شاكووو
باوع على ولاء
علاوي:اخووووووووج الكووووواد اليوم اله نشرب من دموو
اني فهمت كلشي من كال هيج
جده: شمسووووووي اخوها ولكممم
علاوي:فرااااس لكفهم هو رحااااااااب ال........*
جده كامت تصيييح تخبلت
جده:ياااااااا يااااااربييي شنوووو هااااي
البنات انصدمننن
سرى:يمااااا ياستااار
جت صابرين ووجها مكلوووب .من عرفت كبل كامت تغلط على ولاء واخوها
سمعنا صوت الباب فات صادق جوة .وضعو💔
جده: ياوليدي كولي شنو صايررر كولي موصحيح هالشي
صادق: شتريدين اكلج يايمه..ابنج لگا مرته مصل.....ويه ابن خالتهااا
كلنا انهزززينا من كال هيج
ولاء تبجييي واحسها تريد تنهزم
باوع على ولاء ودنك عليها
صادق: تريدين تجيبيين اخوج على مرت اخوووي موو
سويتج نفسسج مريضه وماتريدين تجييين حتى تگودين لاخوج على بنت خالتج موو.بس جبتج شحطط حتى ماتصير هيج قذاره ابيتيي ورحتي كتيلها روحي لبيت اهلج احسن لان صادق جابني گوة
ابشرج اثنينهم بالاسعاف هس لويعيشون لويموتون
من حجه هييج كبت العيطه صابرين وجده والبنوات ويحجن ويغلطن عليها
صادق:علاوي روح شوف اخوك وين💔
جان شي يقشعررر البدددن💔
صادق :الكل تروووح من هين خل بس هي تبقى
الكككككككلل كلللت
طلعنا بس وضعنا مأساوي خصوصا جده.اكول هس راح تنجلط
جده:يولو لو ميته ولا هالساالفه يولووو.
سمعت صوت ضربه قويه يمكن طبله أو شي ماعرف بضبظ
رجف كلبييي .
جده:يولووو بس لايبتلي بيييهااا خليي تنكللللع وبسسس
صابرين:خليييي يبررررد كلوووبناااا ال......*
البنوات يبجن من صوت الضرب وصياحها .
بقى تقريبا نص ساعه يضرب بيها
اني خفت كلت لاتروح تموت بيدو ويبتلي بيهااا
ردت اطلع بس مكدر خايفه حييل
ماتحملت جده جان تطلع.وطلعنا وراها
المنضر مرعب.كلشي متكسررر وصاير لوخه وهي وجهااا نصوو دددم
جده:لاتبتليييي بيهااااا ماااكااافي اخووووك.عوووفهاااا
صادق:امشيي كدامي ع السياره . اريد اطلج يم اهلج كدام عيونهمممممم امشيييي
كضبهاا من شعرررهااا وجرهااا وطلع
احنه جنه بحاله يرثى لهااا .الكل تبجي ومنهاره
جده:ووييين فرااااس اريد اشوف ابنيييي. ويينووو
بقينا هيج ..صارت الساعه ١٢
اجو كلهم وعمي إبراهيم وياهم ومحسن.. صادق مخلي ايده على كتف فراسس
وحاله فراسس مكدر اعبرر عنهااا
طبو جوة..
جده راحت تركضضض عليي
صادق خله ايده مقابيل جده
صادق: عوفي يوم عوفي
كعدو ع القنفات وساكتين
صادق: فوت اسبح قبل مايجون
جده:منوووو يجيي
صادق: الشرطه
جده:يبوووووي نوووب شرطه
صابرين كامت تعيط وتبجي والكل منهار
صادق:مالج علاقه يوووم لاتخافين هاي قضيه اني انجاز بيهاا .. وباجر اجيب مصطفى
دك الموبايل على صادق
صادق:......اها.....ماشي....اني اجيبه بنفسي
جده:يوووولوووو رناااا كاللت شفتهمممم وسمعتهااا بس محد صددك.ياويلي ع وليدي منين طلعتك من هاااااي
اني دموعي كامت تصب
صادق: الولد مخطرر.وهي بالعمليات
هم رجعت تصيح جده وكلنا حال الضيم حالنا
صادق اخذ فراس للاستقبال واحنه بالصالة محد راح لغرفته
صارت الساعه ١
سمعت صوت گهييد قووي
رحت مقابيل الاستقبال.شفت منضرر تمنييت لو رحاب مومنكشفه ولا يصير هيج حاله بيهم 💔
فراس مدنك بحضن صادق ويبجييييي بصوت عاليي. وصادق عيونه حمررر
فراس:ياخوووويه لگيتهااااا بداخليييات ويااااه ..والله ردتهاااااا والله ليشششش هيييج سووووت ليششش
جده تگهد وياهم وصابرين كلها بحاله ماتنوصف
بعد شوي اجه بكم وتحضرو وراحو كلهم
بقينا شحالنا ماهدينا ابد
صارت الساعه ٣ وبعدهم مااجو
للصبح واحنه كاعدين وجده ضغطها معلك.وكال وكلت وسوالف شكال
الي نعرفه رحاب بالعنايه والولد حيل مخطر . وفراس جان مراقب حساب رحاب لان شاك بيها يعني فاتح حسابها يمو وشايف محداث بيناتهم وولاء الها ايد وتعرف كلشي جانومتفقين بهاليوم رحاب والولد يتواجهون يم ولاء وهي تدري.فراس حاجي كلشي لصادق.فصادق ماتقبل هالشي ابيتو جاب ولاء بالكوة وولاء مخابره رحاب وكايتلها سوو هالشي ابيت اهلج .فجانو اهلها طالعين بس اختها موجوده من صار هالشي.فسوولهم كمين يعني مابساعتها فضحوهن كالو خلي تصير ايد بايد لان فراس يريد ينتقم
ثاني يوم اجه علاوي وعمو ابراهيم
كالو صادق بقه يمه هناك بالمركز.بس لاتخافون حيل بلكي محد يموت حتى يطلع بسرعه
خلص اليوم ومااجه صادق
صارت الساعه ٣ نص ليل واني بغرفه جدة بعدني كاعده.
بس جده غفت من وره ضغطها وكامت تشخر خطيه
سمعت صوت الباب انفتح.كلبي يدك سريع كلشش.احس نفسي ماريد اشوفه بهيج وضع وخصوصا هو جان دايما حريص ويتخبل من الغلط.انفتح الباب مال الغرفه
جان يفوت باوع على جده بعدين باوعلي
تمدد وخله راسه على رجليه .
خليت ايدي على راسو ومسح بشعرو
جان ساكت اول شي بعدين كالي
صادق: تتذكرين من كتلج شفت رؤيه بيوم الجمعه
رنا:اي
صادق:هذا الوضع هو الرؤيه
رنا:شون
صادق:جان فراس بضييك جبييير مثل محبوس واني محتااار واريد اساعده... بالگوة كدرت أطلعه من المكان اللي هو بي... بعدين جيت عليج جنتي لابسه دشداشة بيضه نص ردن وشعرج محلول ووجهج حيل حلو
خليت راسي على صدرج حسيت براحه عجيبه
من كعدت واني متلهف عليج ...وفراس فعلا جان محبوس بمرته 💔
كل شعره بجسمي كشت من سمعت الرؤيه مالته
حسيت بدمعه حاره نزلت على ايدي
بستو من راسو بكل حنيييه
وبقه متمدد على رجليه للصبح .....