#ليته يعلم(أحببته منذ الصغر)

الباب ٤٧

البارت ٤٧
رنا: بدينا نلعب من اجه دورنا .. فجأة حسيت ايدك طخت بأيدي وضميت المحبس بيها وسديته .... ارتبكت كلش وصابتني رجفه وحتى عرگت .نوب باوعت عليه بنضره بيها غمزة خفيفه يعني لاتعلمين... بوكتها نسيت اللعبه ونسيت نفسي نسيت كلشييي
صادق: من هذا انطيتي المحبس لفراس
رنا:ههههه اي انطيته اله بدون مايكلي اريده
صادق:ههههه.اني قبل ماكالتلي امي عليج.فكرت بيج بس حسيته ماراهمه يمكن لو دريت بوكتها يجوز إحتمال يعني جان تغير الوضع
رنا:اممم يلا المهم هس خلي يولي الراح...شو انت ماتحجيلي هواي عن حبك اللي
صادق:اني اكثر منج عانيت خاف ماتدرين
رنا:انت دايما تكلي اني اكثر منج.شون بله
صادق:صدكيني عليه جانت اصعب من ماعليج.اني ردتج متأخر صحيح وهالشي جان هلاك لان بي ندامه وحسره.وتتذكرين لمن انحطبتي لسعود
رنا:عييع اي اذكر
صادق:هه ترى متت انتهيت بس مابينت حتى انتي ماحسيتي عليه..بغض النظر عن مشاعري تجاهج اللي حرگتني حرگ...بس كمت افكر بيج من غير ناحيه..اكول شون اني انطيتها ..شون راح أأمن عليها يمهم..هاي الوحيده اللي عاشت ويانا ومالها أحد ابد هيج اني انطيتها برضاتي لناس.. زين هذوله راح ييسعدونها راح يذلونها ميت فكره صارت براسي..لمن راسلتيني واجيت احجي وياج..وكلتي اريد اخرب...
قطعه ثلج ونزلت على صدري
رنا: الحمد لله
من خلال حجينا مع بعض هواي امور توضحت أكثر.حسيت بحبه الي اكثر بعد
صادق:تدرين شكد الساعه
رنا:شگد
صادق:٣ اوربع
رنا:يمااا
صادق:هه عادي
رنا:خما عندك دوام
صادق:اي والله عندي
رنا: اها لعد كافينا
انفتح باب الاستقبال باوعنا فراس وصوت مصطفى يبجي
صادق:شبييي مصطفى
فراس:بس يبجييي..خلص مفعول المسكن
صادق:وين علاجه
رنا:, بغرفه جدة
رحت للغرفة جبت علاكه العلاج
فراس طلع ابره من العلاكه.اخذتها حللتها
فراس:تعرفين مو
رنا:اي اعرف
كملتها وبديت اضربه بالكانولا
صادق: مشيها شوي شوي
رنا:اي
خلصت الابره بس جان بعده يبجي
كعدت جده على صوت بجاه
جده:هاا شبي
فراس:اووووف
ضل يبچي ماسكت ابد.
نوب كام يكول: ماما وين ماما
كام يسأل على أمه ويبچي 💔
اني وجده نكزنا قهر علي
صادق اعرفه متأثر داخلياً
وفراس أعصابه فالته ومعكض بنفس الوكت
اخر شي شلته على كيفي وأخذته لغرفه جده
مددته بفراشي وكمت اطب طب علي حتى ينام
جان يعن ويون من الوجع وبس كلمه ماما على لسانو
بجيت بحركه علي..امو تريد تموت وهي هم تريد تشوفه اثنيهم شحالهم 💔
جده ناكزة قهر وتبجي
اجه صادق وفرااس للغرفة
صادق:هااا مانام
جده:ياابني يافراس ليش ماخليت امه تشوفه لو الله هاديك يجوز جان ماصار هالشي
فراس:يووم كافي مالج دخل
جدة:ترا شمايكون هذا گلب ام
انزعج كلش فراس
فراس:لحدد يجييب هالطاري
جان حسن نايم وعالصوت كعد
صادق:كافي سدو الموضوع
طلعو من الغرفه واني بقيت انوم بي
جده تلوم بفراس وتكول خاف حوبتها مدري شنو.حيل متأثره انو كلب والده وهيج شي
حسيته بده يغفى وينام واني هم غفيت على غفوته
بعد شوي حسيت بصادق يغطي بيه
فتحت عيوني
حجه بصوت ناصي
صادق:ارجعي نامي لاتكعدين
رجعت نمت وكعدت الصبح.باوعت الساعه ٩
مصطفى نايم وحسن هم نايم
كمت صحصحت وغلست سويت ريوك
اجه فراسس
فراس:ماكعد مصطفى وره مانام مو
رنا:لا بقى نايم
فراس:اي زين
حضرت ريوك ووديتله لفراس ..بس مااكل شي
بعد شوي خابرني صادق
صادق: أخبار مصطفى
رنا: بعده نايم
صادق:خوش خوش ...سده لان جان مشغول وصوت يمه رحت جوة حضرت ريوك الي ولجده جانت كاعدة
وره شوي كعدت سرى والبنات..
كملت شغلي وهم اجو خطار ونسوان جيرانه
رحت للمطبخ
سرى:اكلج شنسوي غده
رنا: ماعرف
سرى:نسوي دولمه
رنا:لا..صادق ماهلگد يحبها
سرى:اني مشتهيتها
رنا:هات لعد نسويها.واني اسوي غير شي لصادق
سرى: تمام
حضرنا مواد الدولمه وبدينا نسوي بيها
واني طلعت لحم بصفحه كلت اسوي قليه لصادق
خلينه الدولمه عالنار
بعد شوي خابرتني مها
رنا:هلا مها
مها:هلا بيج شونج
مها: الحمد لله.اكلج شمسوين غده انتو
رنا:دولمه
مها:اي عرفت لان تعاندنا اني وهبه(تقصد اختها) شميت ريحه من يمكم
رنا: ميخالف بس تصير ادزلج
مها:اي دزيلي الريحه كلش طيبه
رنا:تدللين
سمعت صوت مصطفى يبجي
رحت لكيت فراس وجده وسراب يمه
حاول يسكتونو بس ماكو فايدة..راح جابله حلويات عاد شوي سكت
صار وكت الغده
خليت دولمه بصحن حتى حسن يوديها لمها
رحت على حسن
رنا: حسون كوم ودي الصحن لمها
حسن:ماروح
رنا:عفيه كوم
حسن:والله ايدي توجعني ماريد اروح
رجعت خابرت مها كتلها دزي احد ياخذ الصحن
جنا نحضر الغده بالمطبخ.اجه فراس
فراس:وووين غدااااجن ترى ماممكلين شي من الباررحه
سرى:هس صار
اندك الباب عرفت اجه اخو مها
رنا:عفيه فراس بس انطي الصحن للولد
فراس:ياولد
رنا:اخو صديقتي بس انطي اياه
انطيته الصحن وراح انطاه اله
مايتحاجه بالكوة نسولف وياه
صبينا الغده وكعدنا نتغده
هستو بدينا كام يبجي مصطفى
فراس كبل كام وعاف الاكل..
جده: لاحول ولا قوة الا بالله...
رنا:ترا بعده بدايه صوابه شي طبيعي يبجي من يروح مفعول المسكن
سرى:صحيح والله
چان شايل ابنه ويسكت بي بعدين طلع بره وياه
جده: علاوي روح اخذ الولد من ابوه وانت سكته حتى يجي يتغده خطيه ماماكل شي
راح علاوي ورجع:مايقبل يجي عليه اصلا وبس يبجي
ضجنا كلنا وماضل النه واهس نكمل غدانا
عبر الوكت صارت الساعه ٢ اني جنت بغرفه
جده .دكت عليه مها
مها:اكلج ماتصعدين فوك السطح واني هم اصعد الجو طيبه
رنا:ماشي جايتج
لفيت الشال وصعدت فوك
هي جانت واكفه ومخليه اديها عالحايط تنتظرني
رنا:هاا.اخبارج
مها:زينه انتي اخبارج
رنا: الحمد لله زينين لوما الشغلات اللي دتصير
مها:ع مود ابن فراس
رنا:اي والله خطيه بس يبجي عالغده حتى ماتغده ابوه ولااحنه
مها:خطيه ..انتي اخبارج ويه صادق
رنا: حيل زينين الحمد لله
مها:اي عفيه...صدك كلش طيبه الدولمه عاشت ايدج
رنا: بالعافيه يروحي
مها:مره الجايه اسوي كبه وادزلج بالصحن نفسه
رنا:تسليمن...عادي خلي شوكت ماتدزين براحتج
الجو جان كلش حلو ومندمجين بالحجي...اجه حسن
حسن:رنا بابا يصيحج
رنا:جايه
مها:يمه على كيفج كبل تاتروحين
رنا:ههه يلا بعدين نحجي
نزلت عالسريع لكيته كاعد بالصالة
رنا:هلا شوكت اجيت
صادق:قبل شوي بس دورتلج ماكو
رنا:جنت فوك ويه مها
صادق:عادي يروحي... مصطفى شونه
رنا:والله بعده موهاالگد بس يبجي وفراس طاير بي
صادق: استغفر الله ياربي
رنا:اصبلك غده
صادق:لا متغدي ماريد شي بس اريد انام ..وين سراب ونور
رنا:فوك بغرفتهن
صادق:ماشي... خلي انام شويه قبل ما احد يجي
رنا: تمام
راح للاستقبال واني هم انداريت تاروح لغرفه جده
جان تجي بوجهي نور
نور: ماشاءالله حيل حبابه وفول متفاهمين انتي وأبوي
رنا:الف الحمدالله
نور:هذا كله مؤقت ان شاء الله
رنا:ان شاء الله طول العمر
نور:تتحيلين زايد حتى تزيد غلاتج عنده.. اعرف سوالفج
رنا: هههه صدكيني ابد ابد مايحتاج اتحيل من الله غاليه علي اني ومن زمان هممم
نور: انشوف لشوكت تبقى هالغلاة
كالت هيج وراحت
ماهتميت الها رحت لغرفه جده وتمددت بفراشي ونمت
كعدت العصر....سويت جاي وطلعت للحديقه.هو ماجان موجود
اجت جده وسرى كعدن وياه
سرى:وين علاوي بلكي يوديني للدكتوره
جده:ليش شبيج
سرى:ماعرف بس حيل دايخه مابيه حيل ابد
جده:شجاج
سرى:والله ماعرف
اجه فراس وجان شايل ابنه
جده:ها شونه هس
فراس:شعليكم شلونه عساس مهتمين يعني
جده:ليش مامهتمين ليش ترا بالنه كلنه يمه
فراس:مبيين ...وين نور
سرى: موجوده بالبيت
طب جوة ..وره شوي صارت الدنيا مغرب واحنه هم طبينه جوة
جانت نور مسويه اكل لفراس .استغربت لان مومن عوايدها.
عبر الوكت  واجه علاوي..ماراحت سرى للدكتوره لان اجه متاخر  تعشينا بس صادق بعده مااجه
صارت الساعه ٨ تقريباً
اني جنت بالمبطخ ويه سرى نغسل مواعين
فراس جان بالحديقة
اجه صادق وكعد ويه فراس.جانو يتسولفون بعد شوي
صادق صاح حسن وكام يحجي وياه هو وفراس
بقو شوي يتسولفون سويه
خلال دقايق..فراس صاح علاوووي
راح علاوي عليهم
حسيت حسهم بده يعلى..شوي قلقت
فراس:شوووون ماتحجيلي هيج شي انتتت
صادق: سسسسفلة
طب علاوي جوة للصاله..كعد وخله ادينه على راسه
جده:شبيكم حسكم عالي
اجه فراس جوة وعيونه بكصته
فراس:هاااااي مااسكتلك علييييها ابدددد
علاوي:لاتصييييح ...تسكت أو ماتسكت مشكلتك
اني جنت واكفه يم باب المطبخ..وسرى كعدت عالدرج
سراب: خير شاكو شبيها
رنا:ماعرف
اجه صادق:علاااااااوي لووو شمايكوون مفروووض تحجي تسولف موقليل الصار تراااا الولد جان مااات
علاوي: والله ردت احجي واكوووول بسس كلت مو وكتهاا هسسس
فراس ضرب الباب بايده كل قوته
فراس:لعدددد شوووكت وكتهااااا هاااا ماشفتنييي شلووون محروگ كلبيي على ابنييي وماتسووولف
جده:بسسس فهمووووني شكووو
احس فراس يريد ينفجررر من الغضب
فراس:خرررررررررب...لو صاير شي على مصطفى اله الوصهااا على راسهم وراسك هممم
علاوي كلش تعصبت من حجه هيج فراس
علاوي:الزززززم حدددك ويااااي موجاااهل عنددددك انييي حتى تحجي هيج ويااااي
فراس:انتتتت قبيييت عليييهممم
علاوي:ماقبيييت اني شمعرفنيييي خابروني كالو تعال مصطفى ضربته السيارة
رحت لگيييته بالگااااع وهما چانو يعتذرون ويتوسلووون.....
اللي فهمته من خلال حجيهم انو اخو رحاب وخالها اجو ياخذون مصطفى من نهايه الفرع شافو مصطفى واشروله بيدهم حتى يجي عليهم.. مصطفى من شايفهم رايح يركض مباشرةً عالسيارة وندعم.هما كبل خابرو على علاوي حتى يجي يأخذ مصطفى...وبقو يتوسلون ويتعذرون من علاوي... علاوي ماراد يكول لفراس ولصادق بدايه الموقف وهما منهارين خاف لايصير شي
فراس:يتوسللللون مايتوسلوووون مممنوع ولا گواد بيهم يشوف ابنيييي أو يششم ريحته
صادق:هماااا لونهم زلللم جان واجهو الموقف وجابو بنفسهم علينا مويخابرونك ويتوسلون بيييييك.انعل أبوهم لابو الشريف المابييييهم
جده: يافراسس كول يالله مازين الله عداااها على خييير
خلي امه تشوفه...هي راح تموووت
فراس:موووووتت الچلبببب لاتدخليييين انتيييي
جده:لاتكوووول لاتدخليييين عيييب علييييك
جان الوضع عباره عن عياط والكل أعصاب
صادق مخلي ادينه على ضهره ويتنهددد وهم متعصب
اما فراس... يطلع شرار... خطيه علاوي اني حسيت بي وبموقفه فهمت هو ليش ماحجه بوكتها
سرى كلش متأثره لان ديلوموون علاوي
علاوي:كااااافي فرااااس ترى وووصلت حدهااا وياااك
فراس: شتسووووي سووووي انت لو بيك خيير ماضميت هيج سالفه بسسس مابراسك كل خيير 
انفعل علاوي كلششش
علاوي: لاتخليييينييي امدددد ايدي عليييك
فراس:تمدددد ايييدك على منووو
جان اكو مثل تحفيه مرميه بصفحه.فراس شالهااا وضربهااا بالحاييييط
فجأة حسيت خشمي صار حاااار وروحي طلعت ونفسي ضاگ خليت ايديي على خشمييي باوعت ايدي كلها دمم...يتبببع