#ليته يعلم(أحببته منذ الصغر)

البارت ٤٨

البارت ٤٨ (الجز الثاني) بارت هادئ
#ليته يعلم (أحببته منذ الصغر)
فجأة حسيت خشمي صار حاااار وروحي طلعت ونفسي ضاگ خليت ايديي على خشمييي باوعت ايدي كلها دمم
حسيت اختل توازني بين صاحيه وفاقده كعدت بالكاع
علاوي تايضرب فراس.وجده صارت بنصهم
علاوي: يصير خير يافراسس اني أعلمك حجاها بتهديد
سراب شافتني
سراب:رناااا شنوو هذا الدم
اجه صادق عليه
صادق: شبييج شبييي خشممج
جده:يماا شبيها رنا
الكل التمو عليه واني ماكدر حتى ارد عليهم اريد اجر نفس ماكو
صادق:سراب جيبيييي كلنسسس
خله كلنس على خشمييي
رنا:اريد هوى
طلعني صادق للحديقه
احس خشمي يندف ندف ويضرب على راسي وبعده حار
صادق:سسرى انطيني شال بسرعه
خله شال على راسي
صادق:وين اسووووويج السياررره
فراس:يمك
طلع سويج من جيبه
صادق:خررررب يوووومكممم ..ادبسزززززيه واحددددكم ماينگضبببب. اليتعصببب بعد يضرب راسه بالحايييط
فراس:ياخووويه قابل ضربتها متعمددد . شمعرفني تصير بيهاا
صادق:ضلوووو ماتعرفوون كلشييي..ماعرف شوكت تكبروووون
اخذني بالسيارة وجده اجت ويانا
اني مخليه كلنس على خشمي حتى ماينزل دم
صادق: ارفعي راسج حتى ماينزف أكثر
كل الطريق يحچي
وللددددج گواويييدددد ..علاوي يسوي بكيييفه والافندي ماينحمللل اله اقشمرررهم تقشمررر
نزلني يم صيدليه
من شافو حالتي كالو احتمال يراد خياط بس مانكدر نخيط احنه اله دكتور يشخص احسن شي تروحون للمشفى
نوب تعصب عليهم
صادق: مااااعرف عليش مخلينكم هيين .كلشي وكلتو مشفى
جده:طول بالك هس نروح للمشفى يخيطونها ماعليها شي
اني صار التنفس عندي شوي احسن بس وجع بعد موجود
اخذني للمشفى
بالطريق دك الموبايل على صادق
فراس: بعد بطريق.....للمشفى....هلا
سد الموبايل وكال
صادق: يسوي البلاوي ويرجع يسأل قشمرررر
نزلنا يم مشفى.
ضرب السره كله . جان اكو دكتور ودكتوره كاعدين
جان اكو دكتور ودكتوره كاعدين
صادق: يلااا عاينيها  بسرررعه
دكتور: ترا مايصير هيج اكو ناس قبلكم
صادق:ماااحااجي وياك انيييي
دكتوره:هس هس اني اشوفه
اخذتني الدكتوره لغرفه بصفحه
كالت يحتاج خياط نفذه وحده بس
رنا:وشون خما يوجع ...اكو بنج
دكتوره:اي اكو بس نفذه وحده ميحتاج بنج
رنا: لعد ماريد
صادق:شنوو ماتريديين هس بسرعه تخيطج
رنا:اذا اكو بنج عادي
صادق:خلييلهاااا بنج وفضيهااا
الدكتوره باوعت علي..حسيتها انزعجت منه لان جان يحجي بانفعال
اجت ممرضه شايله ادوات خياط وبنج
حسيت الدكتوره توترت من وجوده.. معد تعرف تشتغل
جده جانت وياي وهم المكان صغير ..عاد هو طلع
خلتلي بنج كالت ١٠ دقايق واخيطج
ممرضه:شنوو سبب الاصابه
جده: مشكله بالبيت وابني ضرب تحفيه وصارت شضيه عليها
دكتوره:اكيييد هذا ابنج هو اللي ضرب التحفيه(تقصد صادق
جده:لالا موهو اخوه
ممرضه:هذا مو نفسه اللي اجه قبل يومين أعتقد جانو وياهم طفل مدعوم
جده:اي صحيح اجو قبل يومين.ابن اخو سوه حادث
ممرضه:والله كلبو الطوارئ علينا كلاب جان وياه ولد (تقصد فراس) نركض ومانلحك
دكتوره:الله يساعدكم عليهم ..
جده:بالعكس هذا ابني الجبير حيل فاهم ورزن بس صارت ضروف وهيج صارو أعصاب
الممرضه باوعت على جده وكالت :شيصير منها (تقصد عليه
جده:ابن عمها وخطيبهاا هم
دكتوره:اهاا هذاا الصوووج متخبل علينه
جده:ايي عييني هاي الغاليه مالته
كامن يضحكن.. .ضحكت وياهن
دكتوره:يلا هس راح نخيطج مدام مشى مفعول البنج
بلشت تخيط بيه..حسيت بوجع بس موكلش هواي
الممرضه جان دمها خفيف كلش ومحبوبه
ممرضه:دكتوره على كيفج خيطي .هس اذا يسمعها تعيط شراح يخلصنا منه ههه
دكتوره:اي والله ماناقصنا وجع راس
كملتلي خياط..
دكتوره:ها هيه خلصنا ان شاء الله مابيج غير العافيه
تااطلع الدكتوره وشافت صادق
دكتوره:خيطنه نفذه وحده بس . راح اكتبلها كبسول التهابات واكو مرهم راح اكتبلك اسمه خلي تستعمله من باجر حتى مايبقى أثر خياط
صادق:ماشي كتبي..شوكت ينشال الخيط
الدكتوره: مايحتاج ينشال هذا تجميلي هو يذوب لحاله
صادق:يعني مايبقى اي أثر
دكتوره:لا مايبقى.هي نفذه بس والكريم اللي راح اكتبه مايخلي أثر
كتبته بورقه وختمتها
صادق:مشكوره..واعذرينا ع الكلام الحاد
دكتوره:معذور بس هالله هالله بنفسك
ابتسم من كالت هيج
صادق:يلا رناوي امشي
طلعنا سويه اخذ العلاج اللي كتببته الدكتوره ورجعنا للبيت
طبينا جوه جانو مجتمعين بالحديقة
فراس:هااا شونج رنا
رنا: زينه
علاوي:شنو سووولها
جده:خياط
سرى:هااا رنا شخبارج
رنا: الحمد لله أحسن
صادق:فوتي جوة تمددي
طبينا جوة.جانت الكاع بعد بيها اثر من التحفيه
صادق:ادررري ليشش لحد الان ماشايلاتها من الكاع
وووين نووور
اجت نور تركض
صادق:امشي نضفي الكاع
طبيت لغرفه جده.. وسرى فرشتلي فراش
تمددت بفراشي
صادق:تريدين شي تشتهين شي
رنا:لا ماريد
صادق: سراب جيبي مي حتى تاخذ الكبسول
بلعت الكبسول ورجعت لفراشي
صادق:خما بعده خشمج يوجعج
رنا:لا هس زين
صادق:اي عفيه
اجه فراس:اعذريني رنا ترا ماقصدي والله
هزيت راسي:اعرف ماقصدك
صادق بقى كاعد يمي ويسولف وياي
اجت جده وتمددت بفراشها
صادق:تعااي نور افرشي لاخوج ولمصطفى
اجت فرشت فراش لمصطفى ولحسن ..
حسيت نفسي بديت اغفى
نمت وكعدت على صوت مصطفى يبجي
فتحت عيوني باوعت فراس يمه وجده كاعده
هم خطيه بس يبجي ويسأل على أمه
بعد شوي سكت ونام الحمد لله عاد رجعت كملت نومتي
كعدت الصبح على عطر صادق
صادق:هاا شونج.خما كعدتي بالليل
رنا:لا ماكعدت بس شوي لان مصطفى جان يبجي
صادق:اذا ماشبعانه نوم ارجعي نامي
رنا:اي والله اريد أنام..وين تروح انت
صادق:دوام عندي
رنا:هاا
صادق:كملي نومتج
رجعت نمت ماكعدت الى الساعه ١١ تقريبا
كمت تعدلت ورحت اغسل وجهي.. ماكدرت اغسل زين لان اللاصق بعده بخشمي
رحت للمطبخ تاسويلي ريوك
سراب:هس اني اسويلج
رنا:لاعادي اني اسوي
سرى: اوف كل الليل علاوي يتكلب مقهور حيل ومانام
رنا:حقه والله
سرى: عساس اروح لأهلي اليوم.بس ماضل اللي واهس اعوفه وهو بهالوضع
رنا: مشاكل متخلص
سرى:اي والله
سويتلي ريوك وكعدت اتريك بالصالة بعدين كمت اكلب بالجهاز
اجه حسن اخذه مني حتى يلعب بي
اجت جده كعدت يمي حسيتها حيل تعبانه
جدة:لوتحجين انتي ويه صادق وتقنعينه يقنع فراس حتى يخلي ابنه يشوف امه
رنا: عفيه جده لاتدخليني بهالسالفه
جده:ماادخلج بس انتي احجي مع صادق بطريقتج
رنا:والله ياجده ماعرف.. هما كلش حادين بهالموضوع ماحس راهمه اتدخل
جده:انتي حاولي  اذا صادق اقتنع راح يقنع فراس
رنا:ياجده انتي ليش هالگد مهتمه تشوفه اولا
جده: مايصير يابنتي صح هي سوت العمايل.بس اخذت عقابها...هذا شمايكون ابنها..هي ماتعيش ولا تطول خلي تشوفه وهاي هيه
جده حيل شاغل بالها هالموضوع وتريد مصطفى يشوف امه
تغدينا وعبر الوكت
تأخر شوي صادق مااجه للساعه ٣
اني جنت بغرفه كاعده مانمت لان كعدت متاخره
من سمعت صوت السيارة عرفته اجه
جان جايب وياه هواي شغلات بقلاوة وعصاير وكرز 
صادق:هااا شونج
رنا:زينه انت شونك
صادق: الحمد لله...اخذتي علاجج
رنا:ايي..شو تأخرت اليوم
صادق:جان اكو اجتماع لجان وديوان اليوم
رنا:هاا ماشي
صادق:حسن روح صيحلي نور
اجت نور
صادق:صبيلي غده
نور:هس
رنا: جان كتلي اني اصبلك
رنا:لا انتي ابقي
جابلته غده هستوه خلص الغده
اجه حسن :بابا واحد يصيحك بره
صادق:كله هس جايك ..وين اكو راحه بهذا البيت بعد
عبر الوكت صارت الدنيا ليل
جنه كاعدين بالصاله اني وياه سويه وفراس وجده.
جنت اكلب بالموبايل..وافتر بالبرنامج
طلع فراس وجده باوعت عليه تريدني احجي ويه صادق
هزيت راسي يعني اي..بس اني ماريد ابد احجي ولااتدخل
كمت احجي وياه بصوت ناصي بس بيني وبينه
رنا:دوامي بعد باجر
صادق:اي عادي
رنا: شراح يصير هس
صادق:بشنو
رنا: يعني ع مود مصطفى
صادق:ماعلي شي مصطفى شكو علي
رنا:يعني ماراح يشوف امه
صادق:بكيف ابو
رنا:انت شتكول عادي يشوفها لولا
صادق:بنضري ؟؟؟
رنا:ايي
صادق:ماتستحق
رنا:هو صحيح ماتستحق بس هي ماتطيب من مرضها اله ماتموت.لو تشوفه عادي
صادق:والله ينجاااز
رنا: يعني انت ماتفكر مثلا تكل لفراس انو يشوف امه؟
صادق:لا مالي دخل هذا شي يخصه
رنا: تمام
مالحيت ولا زودت بكلامي وياه
صادق: راح احجي ويه علاوي يتحولون جوة
واخذ غرفه فوك
رنا:هاا شوكت
صادق: هاليومين ..والله مشتاكلج حيل بس ماماخذ راحتي وياج
ابتسمت
رنا:اني هم اريد اخذ راحتي وياك
صادق:اممم متأكده
رنا:ايي حيل متاكده
صادق:صدك على طاري دوامج ..اي شي تحتاجينه المحفظه يمج
رنا:ماشي
اجت نور وسراب
ابتعدت عنه ورحت لغرفه جده.عاد لحكتني
جده :هاا شكاال
رنا: يكول مالي دخل
جده:منا منا
رنا: والله كتله يكول شي يخصه مايقبل يتدخل ..جده عوفي السالفة
جده:الله كريم
فرشت فراش وتمددت حسيت نفسي نعست لان مانمت بنهار مانمت
نمت نومه عميقه ماكعدت اله الساعه ١٠ ونص الصبح
كعدت وطلعت من الغرفه لكيتهم كاعدين..
سرى:صح النوم
نور: ماشاءالله عينيي
رحت غسلت وكبل رحت للاستقبال
جان كاعد
صادق:هاا غلاي كعدتي
رنا:اي
صادق:رحتي باللييل هي روحه.جيت لكيتج نايمه
جنت اهز براسي وهويحجي.
صادق:  انتي بعدج موصاحيه ..مستخطيج هس .بس خلي ارتب الوضعيه.اشوف شون تروحين وتنامين
رنا:هه مانام
صادق:انشوف ..تريكتي
رنا:لا
صادق:تعالي
رحت يمه حضني قوي
رنا: شكد تحبني
صادق:ماحبج وبس اني
رنا:شون يعني
صادق: اكو شي لي يمج اكبر من الحب
رنا:اهممم
صادق:انتي النور بنص هالضلام 💔
تهت بكلماته .. دايما أتأثر هواي باللي يكوله الي
اني من قبل اتاثر بكلامه واحس اي شي يكوله مهم ومختلف..فكيف لمن يكون هالكلام الي حصرا ❤️
بهاي الفتره صادق جان كلش مهتم بيه وحييل مددللني ولايقبل احد يضوجني او يحجي وياي كلمه تزعجني.قبل مايروح للدوام يجي يشوفني ويبوسني من يرجع كبل يجي عليه.. ماانكر ابد حسسني باهتمام فضيع لدرجه اني كلشش تعلقت بييي واضل انتظره اذا جان طالع..اكثر من قبل بهواي صرت احبه ومتعلقه بيي.
حتى البيت لاحظو دلالو الزايد الي ..بس ماجان هواي يبين كدام بناته حتى ماتصير غيره من عدهن
بنفس اليوم العصر طلعت ملابسي كلهن وغسلتهن وكويتهن على مود دوامي باجر..تراسلت اني ومها كالت راح اجي باليل اسلم عليج
صارت الدنيا ليل الساعه ٨ ونص
اجت مها سلمت عليها وكعدنا سويه بالصالة
مها: شونج يمثبوره منين اجه الطشار على خشمج
رنا:ههه حضي غير
مها:وشجاه هذا فراس هيج يسوي
رنا:هو مومتعمد صارت بالخطأ عليه
مها:يلا الحمد لله عدت على خير
رنا: الحمد لله ..
رحت للمطبخ حتى احضر صينيه عصير وكيك
صادق جان بالطارمه ويه عدنان وعمي ابراهيم
عاد هما راحو ماطولو بس الاستقبال جان بعد بي زلم
من شافني صاحني
رحت يمه
صادق:هاا شسوين ماسوين
رنا:كاعده ويه مها بالصاله
صادق:اي زين ..تريدن شي للتعليله
رنا:لا مايحتاج بعد اصلا الشغلات اللي جبتهن ماخلصن
صادق:ماشي...انفتح باب الاستقبال وعلاوي صاح صادق
عاد راح واني هم رحت للمطبخ حضرت عصير وكيك وكرز
وديته للصاله
اجت نور هي وسرى وسراب
نور وجها مكلوب عليه عبالك شوف شمسويه الها
سرى وسراب سلمن على مها وكعدن ويانا
بعد شوي اجه فراس جان شايل ابنه
فراس:نوووور تعاااي اخذي..غيريله هدوومه ونووومي
جان مزعوج ...كعد عالقنفات مقابيلنا وجان مخلي راسه بالموبايل
هو مانتبه ابد انو مها موجوده ويانا يحسب بس احنه
مها استحت حيل ودنكت رأسها
اني جنت يمها كاعده تقربت منها وكلت
رنا:ترا مايعرف بيج كاعده
هزت راسها كالت عادي
رنا:اشربي عصير
مها: هس
سمعنا صوت مصطفى يبجي
فراس: خرررررب ليششش يبججي ماتكدرين تسكتييييينه
اني استحيت من يمي كلشش..مها معد تكدر وجها صار احمر
باوع علينااا.بالبدايه انصدم.بعدين كبل كام مانعرف وين راح المهم اختفى
اني وسرى ردنا نثولها كمنا نضحك
رنا:شبيج مها اشربي عصير كيك شي
مها:انعل ابو اليجي عليكم .. المفروض من وكت ذيج المره لمن صار الضرب اني ماطبكم
سرى:هههههههه
رنا:هههههههه
مها:ووجع لاتضحكن هههههه
سراب خربت ضحك معد تسكت
رنا:امسحيها بوجهي
رنا:موخلص وجهج من المسح
سراب:هههههه
رنا:شسوي قابل
سرى:اني اترخص منجن بس ضهري يوجعني اروح اتمدد
مها:روحي حبيبتي
رنا:ماشي روحي ارتاحي
مها: بس ليش هو هالكد اعصاب
رنا:والله مرات اكول حقه..لان ابنه اندعم ونوب بس يبجي ويسأل على امه نفسيته حيل متأذيه . شمعرفنا شنو ديعيش بداخله من معاناة
مها: صحيح كلامج بس
مها:باجر يبلش الدوام متهيئه لولا
رنا: صراحه لا بعد مومتهيئه وانتي
مها:اني هم ....بعد شونج انتي وصادق
رنا: ماشاءالله حيل زينين
مها:مبين حيل يحبج وزين عليج
رنا:اي والله... الحمدلله اني حبيت اللي يستاهلني واستاهله
ان شاء الله يوم الج وتااخذين شخص يحبج وترتاحين وياه
مها:اممم ان شاء الله ...
بقينا نحجي لحد الساعه ١١ونص
مها:يلا اني اروح
رنا:ترا بعد وكت
مها:لاكافي مكدر اطول.ماما وحدها اليوم
رنا:ماشي راحت مها
واني رجعت لغرفه جدة
صارت الساعه ١٢ والزلم بعدهم بالاستقبال
جنت حيل مشتاكه لصادق واريد بس نحجي قبل مانام
واني عندي دوام باجر ولازم اكعد من وكت
ضجت كلش ونمت
كعدت الصبح تحضرت ورحت للدوام
جنت حيل متحمسه وخايفه من النتيجه
انطونا النتائج ...طلعت بدرس واحد
جنت حاسه بهالشي لان صادفت بذاك الامتحان اني ماجاوبت زني لمن صارت المشكله بيني وبين صادق
نكزت قهر وكمت ابجي
زهراء:شبيج رنا
رنا:رسبت بدرس
هدى:هااا يلا ميخالف هاي نص سنه مو نهايه
جنت حيل مقهوره لان مامتعوده ابد ارسب خصوصا بامتحانات فصليه ومهمه
خابرت على صادق
صادق:هلا بروحي شونج
رنا:موزينه
صادق:ليش
رنا:رسبت بدرس
جنت ابجي واحجي
صادق:وليشش تبجين واذا ماصار شي
رنا: مقهورة كلشش
صادق:عادي عادي تعدلينها بعدين
رنا:ضايجه كلشش
صادق:يروحي شبيج صدك تحجين.. ميخالف تعدلينها بنهاية السنه
رنا:ان شاء الله
صادق:وين انتي هس
رنا:بعدني بدوام
صادق: شوكت تطلعين
رنا: بعد ساعه نوب
صادق:ماشي اني راح امر عليج اخذج
رنا:انتظرك
سديته وره ساعه من خلص الدوام خابرني
صادق:تعالي اطلعي
طلعت لكيته يم البوابه..صعدت بالسياره
صادق:وجهج مكلوب وعيونج وارمه على شنو كل هذا
رنا:ماريد اداوم بعد بالقسم صرت اكرها
صادق:اها
رنا:اييي
صادق:عادي اذا تريدين تغيرين قسمج واقدملج أهلي من السنه التجي بكيفج
رنا: ماريد كلشي
صادق:كوولي يالله شبييج هو درس
رنا:اوووف
مارجعني للبيت..اخذني لمطعم وبعدين اخذني لكافيه
حاول بكل الطرق يغير واهسي
اكيد ارتاحيت وياه ونفسيتي تعدلت
رجعنا للبيت تقريباً الساعه ٤ ونص
من طبينا جوة جانو كلهم كاعدين
جده:هاا شو متاخرين اثنينكم
صادق:مريت للكليه اخذتها وطلعنا
نور كلشش ضاجت كبل كامت وصعدت فوك
طبيت جوة كبل فتت للحمام سبحت وطلعت رحت لفراشي كبل نمت
كعدت المغرب مزعوجه كلشش
رحت صليت تايالله شوي ارتاحيت
كعدت بالطارمه جانت سرى والبنات موجودات
سراب:صدك رنا شنو راح تحضرين لخطوبه حمودي
رنا:مادري..وانتن
سراب:اني ونور نروح نشتري ملابس
سرى:واني هم لازم اشتري شي شوي مريح ماريد ضيك
رنا: والله اني ماعرف بعد..الخميس مو
سرى:اي الخميس...صدك رنا صادق كايل لفراس نتحول جوة علمود هو ياخذ الغرفه الفوك
رنا:اي هم كالي
سرى: تصدكين كيفت لان تعبت من الصعده والنزله..ابقى جوة احسن
رنا:اي والله صحيح احسن الج
بالليل جان خطار هواي بالاستقبال واحد يروح ٣ يجون
هم تأخر الوكت وصادق ماشفته.
رحت تمددت بفراشي وطفيت الضوه..كل شوي اتكلب ماكدرت انام
دكيت علي
صادق:هلا
رنا:ها وين انت
صادق: بالاستقبال
جان يحجي وصوت هوسه يمه
رنا:اووف شوكت تجي عاد
صادق:شوي شويه واجي
سديته وره دقيقه اجه
دنگ مقابيلي.  تعدلت وقرب راسه عليه.. جان الضوه طافي بس ضوه الصاله عاكس شوي للغرفه
صادق:ها يروحي
جنت كلش مشتاكلته ومتلهفه علي . جان كلش قريب مني وعطره الاحبه مختلط بعطر دخان الجگاير
ماقاومت كبل بسته من شفته بكل قوى
استجاب وياي بشكل قوي
صادق:اويلي عليج... اووف شوكت اخذج
رنا:هه بعدد موهس
صادق: يالله .. حجيت ويه علاوي اليوم كال هاي هيه راح اجيب الغرفه فوك
رنا:امممم
طبت جده للغرفة جانت شايله مصطفى وشغلت الضوه
ابتعد عني شوي
جده: بنتي رنا بس افرشي لمصطفى
صادق:يلا اني ارجع
رنا:ماشي ارجع ارجع
كمت فرشت فراش لمصطفى ونومته بعدين نمت
ثاني يوم كعدت تحضرت للدوام ترتبت كلشش
لبست بلوزة صوف ناعم لونها حبري وتنوره بيها كصر بس قليل موكلش.. لبست عليها بوت شوي طويل جلد ابيض
مع اكسسوارت ناعمه
جان الجو ربيع وكلشش حلوو..
جنت كلش مرتاحه ويه صادق ومعوضني عن شكو معاناة قديمه...مامقصر وياي بأي شي..اكول بيني وبين نفسي الحمد لله صار الي لان اعرف مستحيل اعيش هاي السعاده واللحظات الحلوة واستمتع بيها مع غيره مستحيل ابدد
خلصنا محاضرات من وكت ورحت اني وصديقتي هدى نفتر خارج الكليه
افترينا شوي بس موبعيد عن الدوام
جنت اتمشى اني وياها وندردش
هدى:اكلج اني راح اروح هس ابو الخط اجه
رنا:ماشي واني هم اروح هس يجي اشتراكي
راحت واني رجعت امشي وحدي
حسيت اكو سياره وراي تمشي على كيفها
صارت  مقابيلي بس شوي بعيده. اني ماباوعت ابد
سمعت صوت:هااا ياحلوو
ماهتميت بقيت بطريقي
رجع يكول:ليش ماتصعد ويانا
نوب صوت ضحك
ماميزت الصوت بالبدايه.صارو كلش قريبين عليه
باوعت صادق وعلاوي بالسيارة يضحكون.....يتتتتبع