#ليته يعلم(أحببته منذ الصغر)

تكمله بارت ٥٦

الجده جانت نايمه
صادق:يوووم يوووم
جده:هاا
صادق: اكلج موبايلج وينه
جده:جوة المخده..
صادق:شوبله شوفي موجود
رفعت المخده والموبايل ماكو
جده:هاا وين صار..ليش شلك بي
بهاي الاثناء لمن نزل صادق نور  مسحت المكالمات وخلت الموبايل بجيب قمصله الها معلگه ويه الملابس بالكنتور.هي دايما تضم الموبايل هنا من تسمع صوت احد يجي أو شي ....ورجعت لفراشها
صادق جوة بغرفه جدة
صادق:موبايلج ويييينه
جده:مدري جان جوة المخدة
دور بفراشها كامل مالگاه
صعد فوك كبل
صادق:نوووووور
نور:هاااا بابا
صادق:طلعي الموبايل
نور:يااموبايل
صادق:كووووووميي
كامت على حيلها وخايفه كلشش
صادق:اذا ماتطلعين الموبايل هس اكسررر راسسسج
جده صعدت فوك
جده:شكو شكو
نور: والله  ماعندي اي موبايل
صادق:موبايل اميييي ماموجود.. واني سمعتج تحجيين طلعي الموبايل احسسنلج لاانعل والدييييج
جده: اعوذ بالله...شسالفه يربيييي
صادق:شووووفي هسسس الغرفة اكلبها كلاااااب واطلع الموبايل..طلعي انتيي بنفسسج احسن الج.ترا يمين عضيم افلشج تفليش هسس
نور:والله والله ماعندي الموبايل شبيك
ضربها راشدددي كل قوته
صادق:لااااتحلفييييين
جده:خلي ندور للموبايل زيين بلكي مويمهااا
شال الفراش كله.وفتح الكنتورر وبعثر كل الهدوم والمنام بس مالگاه
صادق:ادريييي وييين صاااار
جده:بس هددي خلي نشوف وينه ..خاف جوة صاير يم الجهال
صادق:يووم دوريله يمهااا
اشر على نور
جده:وين يمهاا
صادق:دوري بصدرها
جده:هااا
صادق:يلاااا
دورت جده بصدر نور ومالگته
جده:ماكوو
نور:والله ماعندي شبيكم مامصدكين
صادق:لعدددد ووويييين صاااار
جده:خلي ندورر جوة خاف الجهال لعبوو بي قبل مانااام
صادق:هسس اشوف واذا ماكوووو..انعل يوووممج اذا ماطلعتيي ..
نزل جوة
من نزل.. نور كبل راحت الهدوم وطلعت الموبايل من جيب القمصله وانطته لجده
جده شهگت وانصدمت
نور جانت تحجي وخايفه كلش وترجف
نور:عفيه جده خلي يمج . لاتكوليله جان يمي عفيه
جده:يوووولي شيسوي الموبايل عندج تالي الليل
نور: اني افهمج كلشي بعدين...
كامت تكمززز وتبجي
نور:بس عفيه لاتعلميينه  عفيه جده..هس يموتني واللله
جده خلت الموبايل بجيبهاا
جده:ليش هيج تسسسوين ليششش؟؟؟
نور:لايسمعجج جده موهسس بعدين
صادق بعد  مانزل جوة شغل الاضويه وكعد سراب
صادق: موبايل امي ويييينه
سراب:هااا مادري
صادق:كوووومي دوووري وياااي..
جان يحجي بصوت عاالي
صادق:يانوووور. اذاااا ماااطلع الموبايل..اموووووتج اليووووم
كعد علاوي وسرى عالصوت
سراب كامت ترجف وتدور للموبايل ويه ابوها..حتى الجهال كعدو عالصوت
بقه يدور بالغرفه
نزلت جده.وسوت نفسها تدور وياه ومتبلهثه
علاوي:شاكوو
بعد شوي مسكت جيبها جده
جده:هااا هاااي شنوو اعوذ بالله..
طلعت الموبايل من جيبهااا
جده:هيان الموبايل بجيبي
صادق:شجاااابه بجيبببج.موسألتج وكلتيي جوة المخدده
جده: حسبالي خليته جوة المخده.. ماذكر بالضبط جنت بسابع نومه من كعدتني
صادق:كلتيلي جوه المخده..بس لو اعرف شلون صااار هناا
صفن شوي
صادق: شوو انطيني اياه
اخذ الموبايل من جيبها وگلب بي...بقى يگلب مالكه شي
جده:على كيفك هدي وليدي..تراا اني مره جبييره وانسى انت هم كلبت الدنيا شصار عليك..غير واحد يدور يتأكد بعدين يحجي
جان ساكت بس مامرتاح
طلع من الغرفه وصعد فوك
صادق:امشي انزلي جوة نامي.ماكو نوم فوك بعد
نور:ماشي ماشي
في بيت العم إبراهيم)
اني جنت كاعده بالغرفه وانتظر صادق يجي
احس ضجت كلش واريده يمي
تاخر هواي صارت الساعه ٣ علما اجه
اني بقيت بفراشي بس مونايمه
سمعت صوت عدنان يكول:مفتوح الباب مفتوح فوت
عرفته اجه
طب للغرفه وكعد يمي
صادق:بعدج گاعده
رنا:حيل تأخرت
صادق:اي والله.طلعتلي شغله
رنا:شنو
صادق:هيج بلبله شوي بعقلي
رنا:هااا.بخصوص شنو
صادق:هس اني ادوخج بشغلاتي.انتي البيج مكيفج
رنا:عادي
صادق: شون وضعج هس
رنا:يعني هيج وهيج
صادق:ماحاولتي تصلين ؟
رنا:لا..ماريد
صادق:ماشي ..شو سويلي مجال خلي اتمدد يمج
رنا:افرشلك فراش ؟
صادق:لامايحتاج
تمدد يمي..وكمنا نحجي
صادق:شوكت امتحاناتكم النهائيه
رنا:بعد شهرين هيج..
صادق:اها.يعني برمضان
رنا:ايي
صادق:خوش..وره العيد اخذج
رنا:.....وين راح تاخذني
صادق:الله كريم لي وكتها
رنا:اذا بقيت هيج...ما
صادق:ماتبقين ماتبقين هيج..
رنا:اي من هس اكلك
صادق:سهله سهله
بعد ماحجينا شوي..نمت واحنه نحجي
حلمت انو اني وياه مزوجين ابيت أهله واني بعدني بنفس وضعي
كل الليل معاناة بالحلم ابجي واشهك
بعد ماراح صادق لبيت العم إبراهيم..الجده سحبت نور للصاله
جده: تعالي احجيلي السالفة بالكامل يلاااا..
نور:شنو احجيلج
جده:كتيلي بعدين افهمج..اذا ماحجيتي ارجع اكول لابوج
نور:شوفي جده اني جنت احجي ويه خالتي ..هي تريد تخطبني لابنها
جده:وشمعنى تحجي وياج تالي الليل وبالقبايه..ليش خما الشغله عييب لوشنوووو..احجي الصحيح
نور:موبس هيج موبس هيج
جده:شنووو
نور:حجيت ويه ابنها شويه..هو راد يحجي وياي ..واذا تريدين اسأليهاا
جده:ياادبسزززز ...والله لويدري ابوج.شيخلصج منه
اذا البارحه ضميت عليج..مره الخ اني اكول اله بنفسيي
وثانيا اذا هي تريد تخطبج لابنها..تحجي ويه ابوج..ليش ماحجت شي النا..هاا
نور:مو تعرف بابا ماراح يقبل ينفتح الموضوع هس..ولاراح يوافق
جده:اني راح احجي ويه خالتج واكول الهااا تسسد السالفة واذا تريد شي تجي تحجي ويه ابوج فهمتيي
نور:ماشي ماشي.بس عفيه لاتكولين شي لبابا.بعدين حتى مايخليني اروح عليهاا
جده:اوووف منج ومن سوالفج
نور:ياجده شسووي.. بعد مالي دخل هذا هو
في بيت العم إبراهيم)
كعدت الصبح.كلبي بزايد غامتني
باوعت هو مويمي..
كمت غسلت وصحصحت.كعدت عالطاوله وجنت اضرب صفنات
جانت تشطف المطبخ عمه فهميه وهيفاء
عمه فهميه:ها اخبارج
هزيت راسي
رنا:صادق وين
عمه فهميه: طلع ويه عمج
رنا:وين
فهميه:ماعرف
تذكرت اليوم جمعه وماعندي دوام ارتاحيت
رحت الغرفه..مسكت الموبايل وكمت اكلب بي
مليت وعفته..
عبر الوكت وسمعت صوت الجامع يخطب
هم نفس الشي ضجت ورحت مسكت الموبايل وخليت سماعات
فتحت الباب هيفاء
هيفاء: تعالي تانصب الغده
طلعت للمطبخ ..جانن يصبن الغده مسويات برياني
باب الحوش صاير مقابيل باب المطبخ
فهميه:يلا هيفاء صبي هس يجون من الجامع
كمت احضر وياها..
انفتح الباب باوعت طب عمي ابراهيم وعدنان وصادق
من شفت صادق
احس صار شعور غريب..شي موحلو بس ماعرف شنو
صبينا الاكل
فهميه:اذا تريدين اكلي انتي وصادق بالغرفه وحدكم
رنا:لا مايحتاج.اكل وياجن
هما راحو للربعه واني بقيت وياهن
اجه قيصر اخذ الاكل الهم وراح
وكعدت باللهول اني وعمتي وهيفاء ناكل واجت حنان ويانا
فهميه:جان بقيتي بفراشج..كلت هس اجيبلج
حنان:لا عادي اكوم اتحرك احسن
تغدينا..كملنا غده
وراحت هيفاء حضرت الجاي..اني رحت للغرفه
سمعت قيصر يكول:فوت ماكو احد طب صادق للغرفه
صادق:هااا رناوي الأمور
رنا:زينه
اجه كعد يمي
صادق: اكلج العصر اخذج وياي
رنا:وووين خما هناك (قصدت البيت)
صادق:لا مو للبيت..لواحد صديقي..حتى يشوف وضعج
رنا:......
تقرب مني وباسني من خدي
صادق:والله مشتاكلج هواي هواي
ماحسيت بشعور ابد
طبعاً اني داحجيلكم عن كل تفاصيل هاي الفتره من معاناة 💔
مارديت علي بقيت ساكته
صادق:اني اروح اغفى شوي وانتي هم نامي حتى العصر اخذج
رنا:ماشي
ردته بس يطلع من الغرفه..
من طلع ارتاحيت..بعدين صفنت على نفسي قبل يومين جنت ماريده يروح ولايتاخر عليه .شو هس لا
نمت وكعدت العصر على صوته
صادق:رنا رنا يلا حياتي كومي تحضري تانروح
كمت تعدلت
صادق:يلا لاتتاخرين
طلعت غسلت وتحضرت...
رحت اني وياه وعمي ابراهيم
وصلنا يم بيت..
طبينا جوة على استقبال جبيره ..سلم علينا رجال.مبين عنده علم بجيتنا ويعرف صادق وعمي ابراهيم
حجو وياه شويه بعدين اندار عليه
الرجال:ها بنتي شلونج
رنا: الحمد لله زينه
الرجال:احجيلي بنتي بشنو تحسين
حجيتله وضعي بالكامل
خله ايده على راسي وكام يقرا قرآن
بالبدايه عادي..شوي شوي حسيت راسي حيل يوجعني وعيوني دمعت
دفعت ايده .رجع خله ايده واستمر
صادق:رنا تحملي
ابراهيم:حتى تصيرين زينه
ماتحملت أكثر وخرت ايده وكمت على حيلي نوب نوب بطني كامت توجعني
رنا:ماريد كافي
الرجال:اصبري شوي
رنا:لا ماريد..يلا رجعوني للبيت
صادق:ارجعي اكعدي
رنا:ماكعد..ودوني يلاا
حسيت بطني حيل اذتني..كمت ابجي
ابراهيم:لاحول ولا قوة الا بالله
طلعت للطارمه بره حتى اشم هوى
هو بقه يحجي وياهم شوي ..بعدين اجو
صادق:جان قاومتي شوي
رنا:ماكدر ماكدر شبييييكم..بطني توجعني كلشش
صادق:شبيها بطنج
رنا:مادري
طب صادق جوة يم الرجال بعدين رجع
صادق:يلا امشي
طلعنا...وكل الطريق عيوني مدمعه
صادق حيل حيل ضايج..وعمي ابراهيم هم
وصلنا البيت ونزلنا بالطارمه..تلكونا عدنان وعمه فهميه
فهميه:هاا بشرو
ابراهيم:ليش هي رضت يقرا عليها اصلا
فهميه: يااا صدك تحجون
عدنان:اكو واحد اعرفه كلش مضبوط.لو تاخذونها علي احسن
صادق بس ساكت ماحجه شي
طبيت جوة للغرفه بدلت هدومي وكعدت بالكاع
هم كمت اللوب
اسوء شي عندي وقت المغرب والليل💔
كمت اللوب بس بدون ماابجي...بس هيج اهز بروحي
طبت حنان
حنان:هااا رنا
رنا:.......
حنان:شبيج
رنا:.......
طلعت حنان واجه عدنان.وكف يمي
عدنان:شنو تحسين
رنا:مخنوكه حييل
عدنان:استغفري
رنا.استغفر الله
كمت ابچي..حنان انقهرت كلش عليه
حنان: ترا والله البنت موتمام لو يأخذونها لشيخ احسن
عدنان :هس رجعو من الشيخ..مومخليته حتى يكمل قرايه
حنان: ياستار
احس ماتحملت ابقى بالغرفه
طلعت للحديقه..جان صادق وعمي ابراهيم بالطارمه
كعدت بالمرجوحه ودموعي صب
اجه صادق عليه
صادق: شبيج
رنا:لاتسألوني شبيج عوفوني
كعد يمي
صادق:رناا باليرحم موتاج لاتخبلينيي..شبييج
رنا:اوووف ياربيي اووف نفس الشعور رجعلي نفسه نفسه
اجه عمي
ابراهيم:احسن شي سوي مثل ماكالك الرجال..اقره ايات عالمي وخلي تغسل جسمها بي.وتشرب منه
صادق:هس هس
كام صادق فات جوة هو وعدنان
اني بقيت بالحديقة..
اجت هيفاء شايله عصير
انطتني..شربت منه
بعد شوي اجه صادق
صادق:كومي رنا وياي
كمت فتت جوة ..
جان اكو بطلين مي
صادق:شوفي فوتي للحمام هس..غسلي جمسج من هذا المي...وهذا البطل الخ تشربين منه
شربت مي منه واخذت البطل وفتت للحمام..سبحت بهذا المي وطلعت.اول ماطلعت.. صادق بوجهي
صادق:هلا غسلتي منه
رنا:اي
رحت للغرفة مشطت شعري وهم بعده يكع..
لفيت شعري ولبست الشال
حسيت نفسي شووي تحسنت
طلعت من الغرفه ورحت للهول..
ابراهيم:هات شونج هس
رنا:شوي احسن
صادق:تعالي يمي
كعدت يم صادق
صادق:هاا خما بعدج مخنوگه
رنا:لا هس زينه
صادق:عفيه
خطيه كبل وجهه تبدل من كتله زينه
صبو العشه وتعشينا..جنا كلنا كاعدين باالهول واجت عمى منى
اني يم صادق كاعده
بدو يحجون ويفتحون مواضيع
ابراهيم: عدنان ترا مايصير هيج لحد الان ماسميت بنتك
عدنان:ان شاء الله اسميها
حنان:البنت مسميه ترا
فهميه:شنو ليش سميتوها
حنان:ميلاد
عدنان:لاا انفال
منى:والله حنان تسميها على يااساس انت
عدنان:شنو على يااساس..اني ابوها
منى:وهي حبلت بيها وتعبت خما انت
فهيمه:واذا هي تعبت..كلنا حبلنا وتعبنا .اشو اني ولدي كلهم ابراهيم سماهم
منى:مالي علاقه بيج..حنان هي تسمي
ابراهيم:المهم استقروا على اسم
صادق جان ماسك موبايله ..باوعت جان يراسل صابرين
قريت كاتبلها(هس تكول زينه)
عدنان:اني اكول رنا تختار..شنو هي تكول اسمي البنت
رنا شتكولين اسميها انفال لوميلاد
صفنت شوي.. صادق باوع عليه وابتسم
فكرت بالاسمين بيني وبين نفسي
رنا: ميلاد
حنان:هههه والله لوكايله غير هيج اموتج
رنا:ههههه
عدنان:ها هيه مدام رنا كالت ميلاد..انسميها ميلاد هاي هيه
تقرب صادق مني وكال
صادق:ان شاء الله يوم اللي تسمين ابني
ابتمست على كلامه
تاخر الوكت وراحت عمى منى..
صادق:نعستي
رنا:اي شوي
صادق:روحي تمددي
رحت للغرفة وتمددت بفراشي...وره شوي فتح الباب صادق
دنك مقابيلي..
حسيت نفسي ضجت كلش منه..
صادق:هاا باجر عندج دوام
رنا:لا....اذا تريد تروح روح
صادق: لامايصير اعوفج هيج
رنا:لا زينه اني مابيه شي.. روح
صادق:متاكده
رنا:اي والله روح شبيك..روح ارتاح اني زينه
كلتله هيج حتى بس يروح ..لحيت علي شوي
احس نفسي مداتقبله
صادق:ماشي رايح..واذا تحسين نفسج تضوجين اوتختنكين.كبل.دكي عليه...وهم راح اوصي عدنان...واذا تخافين تنامين وحدج... هس اخلي عمتي تنام وياج
رنا:لا مايحتاج
صادق:ماشي
باسني من راسي وراح...
كيفت من راح...
في بيت العم سالم))
وصل صادق البيت تكلاه ابنه حسن
صادق:هلا بوليدي
حسن:اشوو ماكو انت
صادق:شغل عندي شغل
طب للصاله وتلكته جده فطوم
جده:هاااوليدي شونك شخبارك...اخبار رنا
صادق:زينه
جده:لازم بعدها موناويه ترجع
جده:والله مدري بكيفك
صادق: فراس وينه
جده:والله لو بغرفته لو بالاستقبال..من صارت اخر مشكله عازل روحه
صادق: ولله عاد هذا شي يخصه..
صادق:وين سراب.. سراااب سرااااب
اجت سراب تركض
صادق:الحگيني فوك
صعد فوك لغرفته وصعدت سراب
صادق:فوتي وسدي الباب
سراب:كول بابا
صادق: اريد منج شغله...تراقبين اختج..ماتخلينها تنام بوحدها ابد..اذا تنام فوك تنامين فوك.وااذا تنام جوة تنامين جوة..اريد تفتحين عينج عليها
سراب:ماشي بابا
صادق:واي شي تلاحظينه اوتسمعينه..تجين تبلغيني
سراب:ماشي
صادق:ديري بالج على اخوج ودرسي زين ماضل شي امتحاناته
سراب:كاعد ادرسه
صادق:روحي بنتي
في بيت العم إبراهيم)
نمت وكعدت الصبح جنت حيل زينه يعني مابيه شي
غسلت وتريكت..
رحت كنست الهول بالمكنسه الكهربائية..خلصت وسمعت صوت موبايلي يدك
رحت لكيت صادق
ماردت ارد ابد.احس كلبي انعصر
مارديت ثولتهاا
دك نوب وهم مارديت
رحت ويه البنات بالمطبخ
عبر الوكت واجه عدنان ماسك جهازة
عدنان: صادق عالخط
اخذته منه بس ماريد احجي وياه
رنا:الو
صادق:هلا شونج
رنا:زينه
صادق:اشوو ادك عليج ماتجاوبين
رنا:ماسمعت جنت اكنس
صادق:ماشي...شون وضعج
رنا:كلت زينه ترا
صادق:اي زين...اني بدوام هس العصر اجي ان شاء الله
رنا:براحتج..
كلت بكلبي ( واذا ماتجي بعد احسن)
سديته من يمه ورحت
تغدينا وعبر الوكت..نمت الضهر وكعدت العصر
في بيت صابرين)
صابرين:ها خويه شون صارت رنا
صادق:والله البارحه بعد ماغسلت جسمها بالمي صارت احسن
صابرين:اي خوش
صادق: هس هم اروح عليها
صابرين: لعد اروح وياك هم اشوفها واسلم على حنان بطريقي
صادق: يلا امشي
في بيت العم إبراهيم)
كمت غسلت وطلعت للحديقه ..جان وضعي هذا اليوم زين طبيعي يعني
اجت هيفاء وعمتي للحديقه كعدن وياي.وكامن يتسولفن
هيفاء:عمه شنو نسوي عشه
فهميه:طلعي دجاج وسوي گلي مع تمن وزلطه
جانن يتسولفن ..سمعت صوت سياره
طلع عدنان تايفتح الباب
هيفاء جانت مولابسه حجاب..فاتت جوة
صادق جان يحجي بالموبايل سمعت صوته
من سمعت صوته گلبي انقبض
فتح الباب عدنان..طب جوة هو وصابرين
حيل فرحت من شفت صابرين
صابرين:هلا رنوووش شونج شخبارج يولي مشتاكتلج
حضنتها وحبست دموعي بالكوة
رنا:اني هم مشتاكتلج كلش
فهميه: ياهلا بصابرين.. شونج ان شاء الله بخير
صابرين: الحمد لله بخير
فهميه:وانت صادق شونك شخبارك
صادق:كلنا بخير اذا رنا بخير
باوع عليه وابتسم
صادق:شسويتي ماسويتي اليوم...شربتي من المي لولا
مانتبهت على كلامه اصلا
رنا:اي
صادق:خوش
فهميه:فوتو جوة ياهلا بيكم
اني وصابرين فتنا جوة وهو فات للربعه ويه عمي والولد
طبيت جوة وياها..كعدنا باالهول نسولف وندردش
صابرين:من حجالي صادق كلش ضجت عليج... كلت منين جتج هاي .وشنو السبب
رنا: ماعرف
هم صارت الدنيا مغرب..صح جنا بالهول بس جنت اسمع صوته مرات من يحجي...حييل تنفرزت ورحت للغرفه  قفلت الباب حتى محد يجي ويحس عليه .هم كمت اللوب وابجي..حجيت مع نفسي...(عفيه ياربي ليش هيج صار وياي ليش صرت اضوج منه....يااااربييي صبرررررنيي
بقيت بالغرفه..
ندك الباب
هيفاء:رنا اطلعي تاتتعشيين
رنا:هس جايه
مسحت دموعي وطلعت غسلت
كعدت بالهول ويه عمه والبنات وصابرين اتعشه
خلصنا عشه.كامت هيفاء وحنان
اجه صادق للهول
صادق:ها تعشيتي زين ؟
فهميه: ماشاءالله زينه اليوم زينه رنا
صابرين:تراهي كلشي مابيها
فعلاً محد يحس بأحد ولااحد يعرف معاناة أحد غيره نفسه وربه 💔
اني جنت مدنگه حتى ماريد اشوفه ..
هو راح للربعه ويه عمي والولد واني كمت..
غسلت واني اغسل دموعي تجري ويه المي
هم رجعت اعن بداخلي وروحي طالعه بس هالمره اكو اختلاف چبير.اذا قبل جنت ارتاح وطمن لمن اشوفه هس العكس
حرموني منه واني بعز احتياجي اله وتعلقي بي💔
صابرين جانت كاعده بغرفه حنان تشوف الطفله وتسولف ويه حنان وعمه فهميه هم وساهم... كعدت شوي وياهن
وطلعت جان اشوفه
صادق: تعالي للغرفه
رحت وياه وسد الباب
مسكني من خصري وباسني من ركبتي
معد اكدر احس لعبت روحي..جاملته هواي.. سمعنا صوت عدنان عاد عفته وهو طلع
شعور ماتمناه لاحد ابد
بقيت  شوي بلغرفة كلبت شوي بالموبايل وعفته بعدين رحت للهول كعدت شوي وكمت اخر شي بقيت بلمطبخ كعدت عالطاوله...
بعد ساعه هيج.. سمعت قيصر يكول:وين رنا صادق يصيحها.. سمعت صوت عمي ابراهيم يكول:وينهاا وصوت صادق يصيحني
جان اكوم انهززم واصعد للسسطح  بقو يصيحون بيه اخر شي ختلت بالبيتونه ودموعي صب.....يتتتتبع