#ليته يعلم(أحببته منذ الصغر)

البارت ٤١ الجزء الثاني

البارت ٤١
#ليته يعلم (أحببته منذ الصغر)

طلعت امشي على كيفي ورافعه خشمي هم
جانت صافه سياره صادق اول شي وراها سياره عدنان صاعد بيها علاوي وعدنان
اني رحت اتخطى وصعدت بسيارة عدنان ويه علاوي
اول ماصعدت دكت عليه جده
رنا:ها
جده:تعالي صعدي ويه البنات المكان جبير
اني عرفت هو كاللها
رنا:لا اني اروح ويه علاوي
جده: صادق يكول خلي تجي تصعد هنا
رنا:مااجي
علاوي: شكو
رنا: اريد أروح وياكم ماريد اروح وياهم
علاوي:اي عادي
رنا:كول لاخوك
علاوي نزل وكف يم سياره صادق حجه وياه شويه ورجع
علاوي:ها هيه توكل عدنان
مشت السياره جنت كاعده من جيهه الجام واباوع عالطريق
جانت جده صاعده من كدام هي ومصطفى وحسن
جنت اباوع عالطريق وصافنه.عدنان مشغل اغاني ومتونس فول هو وعلاوي.حتى اني تونست على واهسهم جان الطريق طويل تاخرنا علما وصلنا
وكفت السياره ونزلت
جاننت منطقه بريه وبيها خضار هواي كلش حلو وكم بيت بس موجودات
نزل صادق جان لابس بنطرون وستره نيليه حيل حلو طالع اصلا كل الالوان واللبس حلو علي 💔.اول مانزل باوعلي
اني ماباوعت علي ابد بس عرفته يباوعلي
عدنان رجع وكال لعلاوي من تريدون ترجعون خابرني
اجه رجال يمشي باتجاهنا
عرفت هو هذا صديقه العازمنه
اجه سلم على صادق وعلى علاوي وسلم علينا
الرجال: ياهلاااا بيكممم ياهلا .. تعالو استريحو
مشينا شويه وطبينا للبيت.تلكتنا مره موكلش جبيره يعني بثلاثين هيج عمرها حلوة ومرتبه سملت علينا وفتنا جوا
صادق وعلاوي ويه الرجال راحو بغير مكان ..
كعدنا جوة واجت بنت صغيره جابت مي
بعدين كعدت المره ويانا
جده:شونكم ان شاء الله بخير ...ولو اني ماعرفكم ماجايه عليكم قبل
المره: الحمد لله بخير..اني ام ايهم مرت هشام صديق صادق
جده:حياج الله ام ايهم اي صادق عنده هواي اصدقاء والله اني ماعرفهم كلهم
ام ايهم:هشام صديق صادق من زمان دايما يجي عليكم
كل مره يعزم صادق ويأجلها.عاد البارحه كاله تجون مابيها مجال ...
جده:اي صحيح ...ان شاء الله مرت الخ انتو تجون
ام ايهم:اكيد نجي ان شاء الله
حجينا شوي بعدين كالت
ام ايهم: هشام يكول اطلعو بره تونس لاتضلون جوة
عاد طلعنا وياهم وجابت فراش وياها .اجت المره ويانا ومعاها بنتها
سرى: مكانكم حيل حلو ومفتوح
ام ايهم:اي بس بالربيع نتونس بالصيف والبرد ماهالگد.لان بعيدين شوي ع المدارس اله ياخذهم ابوهم بالسياره
سراب: البيوت هنا قليل
ام ايهم:اي بس كم بيت احنه هنا.اخوت هشام هنا وولد عمه
سرى:يعني بس انتو هنا
ام ايهم:اي بس احنه....
كعدنا بمكان لان جده تعبت.فرشت الفراش وكعدنا
بعدين جابت فواكه وحلويات
باوعت صادق وصديقه وعلاوي هم طلعو يتمشون بصفحه
كعدت وياهن شوي.بعدين كمت رحت افتر وامشي ويه حسن
رحنا بصفحه.. جنت اباوع للمكان كلش حلو والخضار عالي والشمس طالعه وريحه العشب كلش طيبه..والجو يخبل
طلعت موبايلي وكمت اطك صور الي وللمكان
حسن: طكيلي صوره
رنا:يلا
اخذت صور لحسن وهم طكيت صور النه سويه
رحنا نتمشى اني وحسن صرنا بعيدين شوي عنهم
وره شوي دك الموبايل باوعت صادق
مارديت علي
رنا:حسسن روح ارجع
حسن:ليشش
رنا:ابوك يدك عليه يجوز يناديك
راح حسن يركض واني بقيت بوحدي كمت افكر بيني وبين نفسي (ليش كلما اكول فضت هيج يصير وياي.. جان مفروض هس اني وين فرحتي 💔)
ضليت افتر واطكطك صور بوحدي
رجع نوب أتصل عليه...ماجاوبته
بعدين رجعت..وصلت الهم
جانت بس جده والمره كاعدات..
علاوي فتح بلوتوث ع سياره صادق وشغل اغاني هادئه وراحو يتمشون بصفحه هو وسرى ونور سراب هم راحن بصفحه
اشتغلت اغنيه نصرت البدر (من شوكت ماشايفك واشتهيت اسوالفك شفافي من فركاك ترجف بس تحن لشفايفك)
هو جان واكف يم صديقه وحسن ومصطفى يمه بس نضراته كلها عليه.كل ماباوع الكاه يباوعلي.بس اني ابد مادرتله بال