#ليته يعلم(أحببته منذ الصغر)

البارت ٣٦

البارت ٣٦ الجزء الثاني
ليته يعلم ( أحببته منذ الصغر)
كام على حيله وشاور بأذنيي كومي فوتي جوة من تصيرين مرتي راح تعرفين شنو اقصد
اخذت صفنه اول شي بعدين استوعبت شويه شنو قصده
ابتمست وخجلت هم
كمت وياه وفتنا جوة.جنت حيل فرحانه بهاي الكعده لان محتاجتها كلشش هواي غيرت من نفسيتي خصوصا من كالي جمله من تصيرين مرتي ❤️
رحت امشي سريع الغرفه
صادق: على كيفج لاتكعين
رنا:لاا
طبيت للغرفه وكبل تلفلفت بفراشي واني متونسه حيل بكلامه
نمت وكعدت الصبح نشيطه كلشش جنت هم ماداومت لان كتبي وهدومي كلها بيت عمي سالم
تريكت وصحصحت ..جانت جده كاعده دكت على صابرين بس ماجاوبت اول شي رجعت دكت مره ثانيه
جده: هلا صابرين شونج
صابرين: هلا يوم بخير انتي شونج
جده: الحمد لله.وضعج شلونه شلون الجهال
صابرين:زينين
جدة:احنه بعدنا ابيت صادق يجوز باجر نرجع
صابرين:شعليه اني تبقون ترجعون شي يخصكم
جده:ليش هيج تحجين
صابرين:بعد هذا حجيي من اليوم ورايح
جده:لاتقهريني صابرين...ترى انتي تعديتي على اخوج وكدام الناس عيب هيج كلام
صابرين:اني حجيت من حركه كلبي بس انتو فهمتوها غير شي..وابنج يضرب ولاعبالك اني اخته وجبيره وعندي جهال
مايستحي
جده:هو ماضربج لحاله لو غيرتي
صابرين:اني بالبدايه عاتبته ولمته بس ماعيرته..من ضربني اي حجيت صحيح وكلامي ابمكانه وانتو كلكم تعرفون هالشي
جده:حتى لو نعرف.. مو وكته ابد كلامج..يعني هما متعصبين ومايعرفون شيسسسون وانتي تحجين هيج وياهم
صابرين:يووم رجاءا لاتضلين تدافعين عنهم بس هما يهمونج وتنقهرين على قهرهم اني ماهمج ابد ...نوب صادق يكلي روحي لبيتج ..مع الأسف عليهم والله
جده:والله ماعرف شكلج...مخليه ابالج شغلات موصحيحه
صابرين:ها هيه يوم ها هيه..الله كريم
سدته جده من عدها واحسها كلش انقهرت لان جده ماتحب تصير مشاكل بين عائلتها ابد
اني جنت بعدني تحت تأثير التعليله الليليه المتأخرة بيني وبين (عشك حياتي)
طلعت شوي افتر بالبيت مره ويه البنات مره بالحديقة
بس صادق ماجان موجود.طالعين كلهم
صار وكت الغده وأجو .اني جنت واكفه يم باب المطبخ من اجو شفتهم...اوف شگد كلبي يدك سريع من اعرفه اجه
بقيت اباوع علي لحد ما وصل يمنا
صادق:هلا شونكم
نور: هلا بابا زينين
صادق:ماصار غداكم
سرى:بلي صار جنه ننتظركم
صادق:اي خوش يلا صبن الاكل لعد جوعانين ترا
صبينا الاكل وكعدنا نتغده
جده:ها وليدي شوكت نرجع للبيت
صادق:اليوم يكمل ان شاء الله.. والكهرباء سووها.بقه بس كم شباك اليوم يكملونهن..وانتو عليش مستعجلين اصبرو شوي بلكي ينمسكون احسن
فراس:لا كافي نرجع للبييت..اشحد الي يتكلط هالمره لاحكومه ولاعشاير تدخل اله امحيهم محيي
كملنا غده.. وصادق وفراس راحو للبيت حتى يتأكدون انو البيت شغله كامل حتى نرجع
اجو العصر واحنه جنه كاعدين بالحديقة
فراس:يلاا تحضرو تانرجع هس
جده:هاا كملتوو اي خوش...يلا بنات امشن ويانا
صادق:اني راح ابقه هنا انتو روحو
جده:ليش تبقى وشون تبقى واكيد زلم راح يجون يسألون ويسلمون بعد
صادق:اني اجيكم طبعاً ..كلجن نايمات بغرفه وحده مايصير هيج
جده:ترا اكو غرف فوك والبيت جبيير... لعد خما يبقن البنات وحدهن بالبيت
سراب:لابابا لا نروح ويه جده اني اريد وساهم ماريد نبقى هنا وحدنا
صادق:كلما اروح اخذجن وياي
فراس:شطلعت لعد تعالو ابقو هس موماال تكضيها رايح جاي
صادق:اني المشكله هذنا مايدبرن شي واني عندي دوام والتزامات لو اعرفهن يدبرنها ابقيهن
لحو علي هواي وهو هم ماجان يريد يخلي عسلنه بالبيت بوحدهم خصوصا لمن يطلع خارج البيت
عاد اخر شي كال
صادق:يلااا حضرن نفسجن لعد
اني صراحه اكيييد اريده يجي ويانا.لان صرت أدمن ع الكعده وياه وانتظرها على نااار
تحضرن البنات وطلعنا
وصلنا البيت.جانو مسوين الشابيك كامل واثار الضرب كلها معالجينها وحتى الكزاز شايلينو .بس يعوزه تنضيف وشطف
كبل بدينا نشتغل ونضف ماخلصنا إلى صلاة العشه تقريبا
وسوينا اكل خفايف ع السريع اني وسرى
سرى:بعد شوي راح تجي ماما وبابا وخواتي يسملون
رنا:اي هلا بيهم
بعد ماتعشينا هم كالعاده اجو زلم ونسوان ..اكو ناس جانت تجي تسلم لان فراس طلع واكو ناس تجي تسلم عالصار ويانا اخر شي
اجو اهل سرى وهي راحت كعدت وياهم مع جده
واني جنت واكفه بالمطبخ..رجلي جانت زينه يعني خف الالم منها
بقيت اقدم للخطار اله ماهلكت.سراب مرات تعاوني بس نور بالكوة الا اكوللها
تاخر الوكت علما راحو الخطار
عاد رحت شوي كعدت ويه سرى وخواتها
ام سرى:والله اني كلت لمحمود (ابو سرى) تجين يمنا
سرى:اي ردت اجي بس علاوي كال تبقين ويانا
ام سرى:يلا الحمد لله عدت على خير
حسيت نفسي حيل نعسست ونوب تذكرت عندي دوام
من راحو أهل سرى اني كبل نمت مادري بروحي
حتى المنبه من دك اني ماسمعته وراح عليه الدوام همم
كعدت حيل ضايجه ومزعوجه
رحت اني وسراب كملنا شغل البيت.
بعدين رحت طلعت كتبي تاادرس بس احس نفسي متيهه ماعرف منين ابدي
بعد شوي سمعت صادق وفراس وعلاوي يتسولفون
رحت يمهم وجده هم جانت كاعدة
صادق: ساجنينهم كلهم ومسوين تعهد انو مايتعرضون لاي شخص ابد وغرامه مغرمينهم
علاوي:اي زين .كال عمو ابراهيم مداهمينهم مداهمة قويه ولايخين بيوتهم لووخ
جده:ابو زايد بيهممم
فراس:والله والله اني كلت اذا اليوم ماسوو شي اني أتصرف
صادق:يلا هيج احسن صارت..
فراس:واذا طلعو بسساع
صادق:لا مايطلعون بسساع راح ينحكمون أقل شي ٦ اشهر
فراس:انششوف
كيفنا من سمعنا بيهم انسجنو
طبعا بهاي الاثناء فراس لحد الان ماطاب على غرفته المفتاح يم صادق
بالليل اجه فراس
فراس:ووين مفتاح غرفتي
رنا:يم صادق
راح على صادق واخذ المفتاح منه
فتح غرفته وطب عليها
جنت اباوع علي اني ونور
جان يباوع الغرفه وعيونه يمين يسار .نوب رجع يباوع للتخت..فتح الكنتور مالكه بس هدوم بقى صافن بس ماسأل زينهم
اخر شي كعد بالكاع وارتجه عالتخت وخله عكس ايده على وجهوو
مبين مهموم حييل ويحس نفسو ضايع..اني رحت ورجعت وهو على هاي الوضعية.طب صادق وياه الغرفه وكعد يمو بس اثنينهم ساكتين ماحجو شي
ابنه فات للغرفه
مصطفى:بابا وين ماما
مارد علي بس خلاه بحضنو وحضنو
عفتهم ورحت التهيت بشغله جان ارجع الكي فراس متمدد بالكاع ومخلي ايده على وجهه ويمسح بدموعه وصادق كاعد مقابيله يهدي بي
كلش يقهر وضع فراسس.مبين حيل متأثر لان هو كلش جان يحبها💔
المهم عبر الوكت والوضع هو هو...خطار رايحه وخطار جايه لان صادق معروف وعنده ربع هواي ودايما من قبل اذايصير شي وياهم يراجعهم فمن صار هالوضع المخربط يمنا كل ربعو كامو يجون..اني جنت بس اريد تخلص هاي الفتره لان حيل تعبت ...
وخصوصا من حجينا اخر مره ابيتو من تأخرنا كالي هالكلام خلاني كلش أتأثر واتعلق بي وأحبه أكثر بعدين بالكوة صرت اكدر اشوفه
رحت لدوامي وجانت هواي محاضرات متراكمه عليه  ومسوين جدول موعد امتحانات تبدي الاسبوع الجاي ونوب مغيبيني هواي
كلش انقهرت وضجت
واني بالجامعه جنت امشي ويه صديقاتي
جان اشوف واحد يمشي كدامنا يعني مندار مايبين وجهو
سبحان الله عبالك اخوي عليي.نفس الشعر ونفس الهيئه تماما
رحت امشي اريد اشوفه باوعت علي فعلاً كلش بي شبه من علاوي
حسيت كلبي حيل انعصر
رحت امشي ورجعتلي كل الذكريات ..لمن خابرته واجه ورحنا للبيت المستأجر كلهن اجن كدام عيوني
كعدت وره شجره ونزلت دموعي
اووووف لي هس اعض اصابعي ندم لان خليته يجي💔
رجعت للبيت وكل الطريق نفسيتي تعبانه
وصلت البيت كبل رحت غسلت وبدلت .تمددت بفراشي ونمت
كعدت ع صوت الهوسه..هم لكيت بيت عمى منى ومنتهى جايين يمنا
كمت صليت وكعدت ويتهم
جده:بلكي اخابر صابرين تجي
دكت جده على صابرين بس ماقبلت تجي
عاد انقهرت جده وكامت تبجي
اجه صادق وفرااس
صادق:شكو تبجين
جده:هيج ماكو شي
صادق:لاكولي شاكو
عمى منى: تبجي لان خابرت صابرين كالتلها تعالي عماتج هين بس ماقبلت تجي
فراس:بجهننننم لاتجيي طبهااا مرررض بعد احسسن..اصلا لاتختبرينها ولاتكوليلها تجييين
جده:والله انتو تريدون تموتونييي
صادق:سدو الموضوع هسس.ناس كاعده وخطار بعدين تناقش بي
هما طلعو وجده بقت تحجي وتشكي لعماتي
اني جنت كلش محتاجه احجي ويه صادق باليوم لان نفسيتي حيل تعبانه وخصوصا اليوم من تذكرت علاوي
حاولت اشوفه واحجي وياه بس ماكدرت لان مجال ماعنده
ثاني يوم هم جانت نفس الوضعية بس بعد اسوء
رجعت من الدوام وكوومه درووس عندي حتى مانمت كبل بديت ادرسس
صارت الدنيا ليل
وهم اجو خطار واني ادرس من هين واقدم من هين
سرى هم تعبت..بس اني تعبي نفسي أكثر من جسدي بهواي
صارت الساعه ٩
كلت افوت أسبح لان الدوره جانت جايتني بلكي شوي ارتاح.فتت سبحت وطلعت ليكتها مليوصه
خالات نور وسراب كلهن جايات
وكاعدات بغرفه جدة
فتت سلمت عليهن
كعدت شوي..جانن حاضنات نور وسراب ويحجن وياهن ويكولن انتن بنات المرحومه الغاليه وبنوات الغالي
ردت ادرس بس ماكدرت لان هوسه البيت.الاستقبال زلم
والغرفه نسوان
رحت صحت حسن كتله
رنا:روح صيح ابوك بصوت ناصي كله رنا تناديك
راح حسن ورجع
حسن:يكول موهس بعدين
ضجت كلششش وتعصبت
جنت منفعله وماالي خلك احك ابد
رحت للمطبخ واجت نور
نور:رنا بس سوي جاي علما احضر الكيك
رنا:وليش ماتسوين انتي..
نور:ماهلكد اعرف اسوي
رنا:خوووش حجه هاتي تعلمي ترا هو جاي...شايفاتني لاشغله ولاعمله مثلاااا
نور:على كيفج عيني لاتسووين
رنا:اي ماسوي ابد
نور:مبينا ضجتي لان خالاتي أجن
رنا:ماتنحبييين ..عساس فطنانه الجن انيي
نور:مبييين موفطنانه.تخبلتيي بس كتلج سويلهن جايي
ضجت كلش من كلامها وتجادلنا بالحجي
اجه صادق وعلاوي
صادق:شبيجننن شكووو
نور: مادري شبيهاااا شو بس كتبها سوي جاي انزعجتتت
صادق:بلا هاي السوالف هس عيب
اني كبل رحت امشي وعفتهم
رحت صعدت فوك بوحدي
كمت افكر بوضعي كلت اني فعلا ماالي احد الى متى ابقى هيج
يعني انتظر صادق يحجي وياي حتى اصير احسن ووتتحسن نفسيتي..اشوف الكل الهم أهل واحباب وكرايب وعلاقات حلوة وعايشين حياتهم طبيعي..بس اني لا
اضل انتظر هالشخص يصير يمي حتى اصير زينه
زين الى متى
تأثرت نفسيتي كلش من جييهه علاوي يجي على بالي هواي ومن جيهه امتحانات.ومن جيهه صادق ملتهي ولاحتى اشوفه ..
بقيت فوك شويه
بعدين سمعت صوته سأل عليه يمكن سراب كالتله فوك لان شافتني من صعدت
اجه عليه
صادق:هاااا دازة حسن عليه
رنا:مابييييه كلشييي روووح ارجع
صادق:شبيييج شكووو
رنا:كلشيي مابيه كلتتت هاي هيه روح جابل رررربعك
صادق:ترااا ماكاعد العب ويتهم
رنا:تلعب أو ماتلعبب مالي دددخل
صادق:شبييج يارنااا شبييج
رنا:بيييه قززز القرررت
صادق:احجييي عدددل
رنا:ماريد احجييي عدددل ماااعرف
صادق:شووو تهسترتي عليه
رنا:اهمشيي ربعك واهمشيي ناسك ..اخر شي تفكر بي رنا
صادق:ولج بالقران كلما اريد اتفضى لشماعري وياج تطلعلي ميت شغله ودتشوفين الوضع..مالحك احك راسي
رنا: سبحان الله عندك الوكت تحل مشاكل الناس ...وتكعد وياهمم بس يمي يخلص الوكت
صادق: يارووحي انتي يارناووي  والله موهييج اني كل بالي يمج
رنا:ههههاي بزعت من هاي السوالف لاتحاول تقنعني بيهن.ماشفت هالشي..شو تكعد وياي مره وراها اسبوع ماشوفك
صادق:قااابل انيي ماريد نكعد ونحجييي وارتااح ترا اني هم بزززعتتتت
انفعلت كلش
رنا:موبكددددي ابدددد من طولي شبر ونص واني عاشگتك شفت ابو ابووووي من وراك...وهسس من صار عندك مشااااعر يمي صرت باالگوة اشوفك  ملتهيي هيين وهييين ماشااااءالله بعد وبعد
صادق:هسسس شووون يعنييي ماتقدريين وضعييي
رنا:لااااا ماقدرر اني اريد منو يقدررر وضعييي تعبتتت كاافي
صادق:نصييي حسسسج ناس جووة تراا
رنا:بسسس هذاا هممممك ..لافلان يسمممع ولاعييب ولامدرري شنووو.وانييي اخررر همممك
صادق:يوووولي ليششش تخوزكينيي انتيي
رنا:ماااخووزكك ولاشييي هذاا الصحيييح
اجه حسن صاح ابو: بابا يصيحونك جوة.
صادق:هسسس جاااي رووح وليدي رووووووح
لاتطلعيني من ديينيي عاد انتي تعرفين وضعييي ومع هييج ماتقدرين
اني هنا جفصت بالحجي من كد ماتعصبت
رنا:يلاااا رووووح مناااا رووووح
صادق: شنو شنو عيدي الكلتيي
رنا: رووووح منااااا ماريد اشوفك.
مسكني من حنجيي  وعيونه نارر.
حتى خفت منه
صادق:منوووو يرووووح منااا وووولج وتعيدينهاااا هم