#ليته يعلم(أحببته منذ الصغر)

تكمله البارت ٧٩

تكمله  بارت ٧٩
ليته يعلم (أحببته منذ الصغر)
ماحسيت اله اجه من الحديقه وموبايل نور بيده سحب الموبايل مني. واخذني للاستقبال وسد الباب
كعد عالقنفات وكعدني يمه
باوع عليه
صادق:ليش هيج سويتي ليش
رنا:شسويت
اني كبل طخت عندي المراسله ويه الوضع كله
صادق: ادري بنتي اذتج وماتحبج.. بس ليش هيج تسوين ليش
ماوكفت بعينج اني....
رنا: صادق شبيك والله ماسويت شي
صادق:لاتحلفين
دار الموبايل عليه
هواي محادثات..
قريت اللي قريته
اللي فهمته من خلال المحادثات.انو عساس اني مخليه نور تسوي حساب فيس بدون علم صادق..واني محرضتها تراسل شباب..ومن ضمنهم عساس طالب وياي بالكليه..حتى تورطها بعلاقه وياه
يعني اني اكوللها..هذا ولد ويانا وهذا حسابه روحي راسلي
وصوره لحساب فيس مال ولد..اصلا ولااعرفه خلاص
فإني كأنما جنت مسويه كل هذا حتى بعدين صادق يكشفها ويعاقبها..عساس اني تاارد الها عمايلها وياي
رنا:والله مادري بكل هاي..اصلا اني هس طلعت من الغرفه حتى اكلك..شفت اشعارات ورسايل ماعرفه
صادق: يارنا..اني اخذت الموبايل وكمت اراسلج بنفسي
انتي ماسكه الجهاز جنتي..شتطمين تاتطمين عني
بس اريد اعرف الهالدرجه ماخليتيلي خاطر يمج..كلشي اسوي وياج مابين بعينك
جان يلومني بطريقه تگطع الگلب 💔
يعني على هاي فعلتهن اي رجال راح يصدك
رنا:لالا والله ماكو هيج شي ابد...هس اصيحها
رحت صحتها ...احس حيلي يرجف ...
نور:ها
رنا:تعالي
صحتها كدامه
رنا: بربج نور اني شوكت حجيت وياج وورطتج تسوين فيس كولي . جانت مثل متحنطه بمكانها
نور:اي انتي كتيلي..
رنا:ينووور شوووكت
نور:بلي انتي جنتي تتقربين مني وتحجين وياي  حتى اثق بيج واسوي اللي تكوليلي علي بعدين تعلمين بابا عليه اعرفج
جنت بموقف لايحسد عليه ابد ابد
صادق مدنك راسه واحسه منهار داخلياً 💔
رنا:تجذبيين والله تجذبين اني ماحاجيه وياج بشي اصلا.. هاي سوالفج انتي ودلال
نور: دلال مالها دخل.. لان عرفتي بيه كلت دلال على سوالفج..تتهمينها
رنا: شكاعد تحجين انتي لخاطر الله..ياسوالف
باوع على نور
صادق:دلال هي الكالتلي ..ليش مااجيتي انتي وكلتيلي
نور:اني ردت اكلك بس خفت..دلال كالت اني اكله
صادق:من شنو خفتي هاااا
نور:لان سمعت كلام رنا وسويت فيس  خفت تضربني
رنا:جذاااااابه والله جذاااااابه
نور:لا ماجذب هذا الصار والله
رنا: صادق والله العظيم تجذب اني كلشي ماسويت وحتى هذا الولد اني ماعرفه اصلا ...
صادق جان ساكت ويفرك بلحيته..ماحجه شي
هي تحلف واني احلف...
صار بموقف حيل صعب..
صادق:شوفن اثنينجن..هو اكيد وحده بيجن مسويه هالشي بس قسما عضمآ التجذب..حسابها عسير هالمره ورب العزه اله اصير يهودي وماخاااف الله من صحيح واسوي شي ماصاااير ابددد ولايرضي الله ...فمن هس الي سوت هيج خلي تكول احسن الها
رنا:اني ماسويييت اي شي
نور:بلي انتي سويتي كل هذا وياي
هي جانت تحجي بس ترجف بنفس الوكت
جان يهددها باصبعه
صادق:يانووووور اذا تجذبييييين كووووولي يانوووور احجييي
كامت تبجي
نور:عرفت ماراح تصدكني عرفتتتت دايما تصف وياها وتدافع عنهاااا دايماااا.. يعني انت شفت كلشي بعينك..شسوي بعد اكثر من هيييج كولي
صادق:اني اعرف شسوي..كلجن تحلفن قرآن كدامي حتى دلال راح اجيبها هناااا
طلع من البيت وراح
رنا:ياحقييييرة شوكت اني سويت هيج ويااااج شسوووويتلج بسس كووولي
نور:.......
رنا:حسبي الله عليج وعليهااااا.بس هس تبين انشوف شون راح تحلفيين
بقت ساكته
اجت جده وفراس
جده:هاا انتن هنا
فراس:شاكو شبي صادق وين راح
رنا:بنت اخوك اتهمتني اتهام جبير
نور:انيييي؟؟لو انتيييي وسوالفج
جده:شبيجن بعددد
نور:لان فضحتها وعلمت عليها..تريد تخليها براسي
رنا:يووووولييي شفضحتيييي منيييي انييي اشررررف مننننج ومن عشيرتتتتج
كامت تحجي لجده وفراس
نور:وروحو شوفو المحادثات كلها..اصلا اني حتى ماعرف اسوي فيسس.من وين اعرف هي علمتنيي .. واني منين اعرف شباب هو اني وين طالعه..هي رادت تعرفني على صديقها بالكليه
جده:موووعيييب عليييج هييج تسوووين موعييييب.
رنا:والله ماسويت شي شبييييكم
فراس: دقيقه دقيقه خل نفهم شديصير
جده:جنتي تحجين عليها..هس تسوين ازود منهاا..ماضلت مخافه من الله ابد..شدعوة هالحقد العندج حتى هيج تنتقمين
طلعت من الاستقبال لان ماكو قابليه للرد ..ماعرف وين اروح..
اخر شي رحت على غرفه علاوي..دكيت الباب
فتح الباب
من شفت علاوي كبل كمت ابجي
علاوي:شبيج رنا شاكو ليش تبجين
رنا:وين سرى
سرى:هيان موجوده فوتي
طبيت للغرفة
رنا: سرى والله العظيم ماسويت شي اني والله
سرى:ليش شاكو شبيج
رنا:هاي نور كاعد تتبلى عليه والله
سرى:ياستار شمسويه بعد
نوب رجعت جده تحجي عليه
دك موبايلها
جده: هلا منتهى......ليش يجيبها هنا.....والله مادري شهاالسالفه ومنين طلعت.....ياربي سترك
علاوي:صادق وينه
رنا:راح يجيب دلال..كال كلجن تحلفن قرأن ..اني مستعده أحلف
جده: وعليش احلفان قرآن هاا مالها داعي
علاوي:بلي احسن هيج...علاوي جان مصدكني احسه ومنحاز وياي
بعد شوي اجه صادق ووياه دلال وامها
صاحني ورحت للاستقبال .
باوعت على دلال وجها ينگط سسم
بمدي اموتها بهاي اللحظه
صادق تايسد  الباب ..ماراد احد يفوت غيرنا
جده:مالها داعي يحلفن
صادق:لاتدخلين
سد الباب ..بس احنه جنا موجودات
راح جاب القران وخلاه عالطلبله
صادق:ماانصح ابدد التجذب تحلف ابد..ترا مصير اليحلف موزين ابد موزين..فمن هس لاتحلفن جذب..
كام يساير بالحجي
صادق: ميخالف اعبرها اعبرها بس لاتحلفن جذب ..بس الصادكه تحلف
جانن متحنطات..نور اكثر شي وجها اصفر ومبينه خايفه..بس دلال لا
صادق:يلا
اني جنت ابجي ومقهوره حيل من الموقف 💔
خليت ايدي عالقران وحلفت أنو اني ماسويت هالشي
جان تجي دلال هم تخلي أيدها عالقران💔
نور جانت ترجف وجها اصفر ..بس للأسف خلت ايدها علقرآن 💔
صادق كام يتواره
صادق:لاحول ولا قوة الا بالله... لأحول ولا قوه الا بالله
ياربي انت ارحم الراحمين..ادرييييي اصدددك منووو انييي
اني جنت مصدومه من حلفن
صادق:خرررررررب ..
دلال بقت خانسه ماحجت شي ..بعدين طلعت
عمى منتهى اخذتها وكامت تحجي وراحت
باوعت علي
رنا:اني حلفت بعد..تصدك صدك..ماتصدك بكيفك
صادق:اطلعن بره اثنينجننن
طلعت من الاستقبال.ورحت طبيت للصاله
احس البيت يريد ياكلني ..مخنوكه حييل ماكدر اتنفس
باوعت للدرج تاصعد لغرفتي.. انعصر كلبي ماصعدت
باوعت لغرفه جده بزايد كلبي عصرني
سرى.اخذتني لغرفتها
جنت ابجي من صعوبه الموقف والصار وياي
سرى:اذا الج حق الله ياخذه من عيونهم..حسبي الله
شفت ميلاد نايمه بفراشها
رحت كعدت مقابيلها ومسكت رجليها
جنت ابجي بحرگه واشهك
سرى: كافيج رنا كطعتي كلبي
رنا:اني ماضل عندي كلب...بس الله كريم..تطلع حوبتي بيهن والله تطلع..حلفن قرآن عيني عينك
بس والله فلا اسكت بعد...حسوي شي ماصاير.والله
سرى فرشت فراش اللي بغرفتها
اجه علاوي
علاوي:رنا مالها داعي حيل تقهرين نفسج..إذ انتي مضلومه احتسبي وبس
رنا: اني مقهوره من اخوك حيل..
علاوي:اني مافزع اله.. بس من سمعت الموقف كشش شعر جسمي.. يعني حقه ..وثاني شي هنا حلفن كدامه شيسوي قابل.. بعدين منو كال هو مامصدكج
رنا:اسكت اسكت لاتدافع
علاوي:والله مادافع... واذا الج حگ تاخذينه من خشومهن
حتى اني راح اتدخل هالمره ...
اني جنت مامستعده انتظر ايام وله اشهر حتى تبين برائتي..احس ماعندي طاقه اصبر وهاي..
علاوي:صادق حال الضيم حاله روحي شوفي بس يفتر.اعصابه منتهيه.. يعني خلي نفسج بمكانه.. يعني حتى اذا بنته مسويه هيج.ليش قليله لا والله موقليله..شيبتو هالنور.. كلنا شيبتنا...هي الساالفه موبس هنا..
دك الباب
علاوي: فوت
صادق: تعالي
اخذني وياه للاستقبال ..كعد وسكت
جان ينفت واحس مهدود حيله
كمت احجي وياه
رنا:صادق والله العظيم مادري بكلشي والله...اني متاكده دلال الها ايد بسالفه..من وكت اجت هنا...جانن بالمطبخ ماسكات الموبايل.. شفتهن يمسحن تطبيق الماسنجر ..حتى ردت اكلك بس كلت هس تكولون تسوين مشاكل ومعرف شنو
صادق:........
رنا: جنت احجي ويه مها..شفت حسابي يسوي تسجيل خروج
صفن من كتله هيج
صادق: شوكت
رنا:قببل فتره.مرتين صار هالشي وياي
صادق:.......
كام على حيله ويفتر
صادق:اني من يوم خطبتج وصيييتج كتلج اي شي يصير ويااااج كوليللييي..ليششش تضللين ماتحجييين
رنا :اني حلفت قرأن وكلت العندي...واذا بعدك مامصدكني..هس اروح لبيت عمي ابراهيم
صادق:اشش اشش لاتلوصين خليني اندل دربييي
روحي اطلعي عوفيني
طلعت من الاستقبال..ورحت لغرفه سرى
جانت ليله موبس صعبه.. يعني حتى لو بينت برائتي هالشي وحده مايبرد كلبي
اني مقهوره لان شون سون عمل وياي شون كدرت تتهمني هيج اتهام..ومقهوره اكثر لان صادق بالبدايه كام يلومني بطريقه مانساها..سون تخريب بينا
جنت مثل مذبوحه عالنص بهاليوم
اخذت القرآن من غرفه جده
وكعدت اقره وابجي وادعي من كلب محروك
سرى: توكلي بالله ترا انتي حامل مايصير هيج تقهرين بروحج..
رنا:يسرى هذا نار نار
اوووووف ...
سرى:اووف الله يساعدج ويساعد صادق..شون بلوة
زين اذا انكشفت شراح يصير بيها شراح يسوي صادق..هو ماخله طريقه وكتله ماكتلهااا..شنو من راس متين هاي..والله اني اذكر مره سويت غلطه وأبوي ضربني من وراها ماغلطت ابد...يمااا شنووو هاااي كارثه ..مع العلم صادق حاد حييل ..تكرهج كره العمى
رنا:.......
رجعت ابجي
اجه علاوي
علاوي:والله العظيم........شون سالفه..... استغفر الله ياربي
صادق حتى ضغطه مرتفع
رنا:.......من وره بنته حسبي الله عليها
طلع علاوي من الغرفه
سرى طفت الضوه
سرى:رنا..نامي هس نامي
رنا:شنام شنام اوووف
بقيت اللوب..اول مااغفى افز واكعد السالفه براسي ...
الساعه ٣ فجرا
نور بغرفه جده..جانت تباوع على ابوها يفتر بالحديقة وحاله يقهر
رجعت لفراشها وكامت تبجي..حست بذنب
كامت تبجي بسكوت...تذكرت انو هي حلفت قرآن الله كذب💔
اني بقيت اللوب للصبح ..مارحت لدوامي
كمت من مكاني الساعه ٧
رحت للمغاسل اتهوع وازوع
باوعت عيوني ورامات وشحالهن.. وجهي تعب كلش بهاليوم
كعدت بالصاله وماسكه معدتي..
حدث البارحه نهاني نهي
انفتح باب الاستقبال..
صعد فوك
باوعت علي..كلش تبعان ومبين مانايم ابد 💔
بعد شوي اجت صابرين..شي اكيد جده كالتلها
اني جنت بغرفه سرى.وسمعت صوتها
اجت للغرفة
صابرين: خيركم شاكو شنو هالسالفه هاي
رنا:.......
حجتلها سرى السالفه
صابرين: صادق وينه
سرى: موجود
طلعت من الغرفه
بعد شوي سمعت صوتهم طالع
مافهمت شي...وراها صارت سكته
بقيت اليوم كله بغرفه سرى..ماخليت شي بحلكي
صابرين: مايصير يارنا انتي حامل لخاطر طفلج لاتسوين هيج
رنا:ماريد كلشي
سرى:نور هم بس تبجي وماخلت شي بحلكها
صابرين:صادق نفس الشي ..وامي كلبها يوجعها
رنا:عليش تبجي عليش..هي مو سوت هالشي.موراددت هالشي
بالليل تخربطت كلش.. سرى سوتلي طاوة لحم
سرى: كومي اكلي لكمه هاي موحاله..انتي حامل لخاطر هالطفل المسكين
كمت اكل شوي شوي
سرى:هس اسويلج لبن واملحه زين حتى يصعد ضغطج
سوتلي لبن..شربته
حسيت شوي رجعت صحصحت
اجت صابرين كعدت وياي
صابرين:ها هس شونج
رنا: أحسن .. صادق وينه
صابرين:موجود... هو مامصدك نور...اني هم حجيت وياه
يكول رنا ماتحلف جذب.بس بنتي تسويها...مهموم حيل.ميت فكره براسه..هي الشغله موبس انو انتي مامسويه شي...الشغله يمه اكبر...هس ديفكر شلون بنته هيج تجرأت وسوت وحلفت....اووووف مگرود عليها
رنا:خل بس الله..الله الفووووك..يبين الحقيقة وشوفي شسوي....
صابرين:يكول خلي تنام فوك.لاتبقى جوة بغرفتهم
رنا:وهوو شعلييي
صابرين:شنو شعلي...ترا مايصير هيج أنتي...شوي فكري بي..خما هو متهمج .لو كايل اي انتي
رنا:ايي كال بالبدايه كال كلشي وحتى كالي لاتحلفين
صابرين:......مادري بس يجوز صدك بالبدايه وتلخبط تفكيره...مادري بعد..
عبر الوكت واني بعدني بضيمي .. نفسيتي تحت الصفر..
دوامي ولامفكره بي اصلا
يومي عباره عن بجي....صعدت فوك لغرفتي..كعدت يم الصوبه
باوعت موبايلي عالمرايا مرمي
بعدين تحولت لمكاني..ماعرف شون غفيت.. رموشي مبلله بدموعي وغفيت
الساعه ٢ بعد منتصف الليل
فراس بغرفته نايم
اندك الباب
فراس:منووو
سكته ماكو صوت
فراس:منووووو
كام فتح الباب
جانت نور تبجي وشحالها
فراس:شكو شبيج
طبت على غرفته وكامت تبجي بانهيار
نور:عمووو
فراس: كولي شكو بعد
نور:........
فراس:احجيي عاااد
نور:عموو اني حلفت چذب
فراس:........ليش يولي ليش...انتي تعرفين نفسج شسويتي.. تدرين لوماتدرين
نور: دلال هي والله دلال
فراس: دلال موو...ليش انتي مومتفقه وياهاا..موحلفتي وياها...جان ماحلفتييي يا.......
نور:ااااااااخ..والله هي ورطتني
فراس حيل تعصب وانفعل ضربها راشدي كل قوته
فراس:انتيييي شنوووو عرااباانه لدلال ولخالاتتتتج بس كووولي...يوميه وحده بيهن ضاااحكه عليييج ووووين عقللللج...شمسويتلج رنااا... تدرين ابووج شحاله من وكتها لاياكل ولايناااام كل وكته يفكرررر....رنا متخربطه وتبجييي وتدعي وتتحسب عليييجن
نور:......
جانت ساكته وتبجي
فراس:كلناااا من وكتهااا متمرمرييين من وراااااجن...هسسس شكووول لابوووج اني بسس كولللي
نور:.......
فراس:يانور يااااانوووور شسوووويتيييي
نور: اعرف غلطت والله اعرف...بعد مالي دخل بأحد والله والله والله....
فراس:ليش ابوج ... راح يخلييج تطلعين بعدد لو تلتقييين بأحد .. لاحول ولا قوة الا بالله العلي العظيم
يعني بس لو اعرف شحصلتييييي...انتيي تعرفين دلال شنووووو ولج هاي كحبه ....ااذ اشوفج هسس صورها وهي ...يوميه تراسلني من حساب...خلييينيي سااااكت
نور:........
فراس:خل اروح اصيح علاوي اشوووف شنسووي وين ننطي وجوهناا
نور: عفيه بابا شلون... شراح يسوي
فراس:لويموتج ع هاي سالفتج مايلام بيج
انهارت بالبجي
نور:عفيه لاتكوله عفييييه
فراس:ولاااااكلمممممه..
فراس مايعرف شيسوي بنص هاليلل.. يريد يروح يكول لصادق بس مايعرف شون ...راح لغرفه علاوي دك الباب وصاحه
علاوي:ها
فراس:تعال
طلع علاوي من غرفته ..جان نايم مبين وهس كعد
فراس:الحقيره الادبسز نور..هي مسويه الفبركه ويه دلال...اجت تبجي تكول اني حلفت چذب
علاوي:....... وينها
فراس:جوة بغرفتي
علاوي راح يركض الغرفه
علاوي:خررررب عررررضج يا..........
مسكها من شعرها ويضرب ويغلط عليها
علاوي:يااااااامنعولووووله شووووووون هييييج تسووووين
انتييي وبنت الكلبببببب ذذييييج المامربيييييه...
ضربها دفره بصفحتها
نور:ااااااااااه عفييه لاااااتضربنييي
علاوي:انعل يوووومج يا.......*
فراس:كلببببببببه ...عندك اياااهااا كسررر راسها
طلع من الغرفه...واجه شايل عصا
فات عليها..وضل يضرب بيها ..وهي تصيح وتبجي
علاوي:حيووووووووواااانه ضضضضضل شيييي ماسووويتييي. هسس اكووول لابوج علييج هسس
طلعت جده  وسراب عالصوت
جده:شاكووو فراااسس شكووو...
اني جنت نايمه...سمعت صوتهم ..يمكن صوت صادق
فتحت عيني وكلبي جفان
اسمع صوت الولد
فتحت باب الغرفه .وكفت يم الدرج
اول شي سمعته
جده:من الله يكتتتتتلج ان شاء الله ...
صادق:وخرررو عنهااا وخرررو اريد انييي اسوي الماصار هس....يوم طبييي جوة ماريد اشوف وحده بيجن
سراااااااااب جووووووة
علاوي: گحاااااااااب ...مانقاصنااااا غير دلااااال بنت العاااااار المااااعدهااا اخلاااااق...تضحححححك عليييج
من سمعت هيج عرفت انو انكشفت..بس مافكرت أنو هي اعترفت بنفسها
اسمع صياحها وهما يضربون بيها
صادق:منييييين تعرفن هذاا الولد منييين
نور: ماعرفه انيي والله ماعرررفه .. دلال تعرفه والله ما عرفه انيييي
صادق:ساااااقطاااات...مارافجتيي غييير النجسسسسات
طبيت للغرفة وسديت الباب..
مسكتني الرجافيه...دايما من يصير هيج موقف اني تمسكني رجافيه
كعدت يم الصوبه...ولاعبالك
اسمع عياطهم مدري وين واصل
اخذت الموبايل ودكيت على سرى
ماردت اول مره..دكيت مره ثانيه
سرى:هلا رنا ..
رنا:اكلج شديصير
سرى:انتي فوك مو
رنا:اي
سرى:ابقي لاتنزلين..ترا علكانه جوة ... غزلان من وراهم بس تبجي خبلوها ولا نامت
جانت تحجي وصوتهم ينسمع من الموبايل وصوت بنتها تبجي
رنا:شلون عرفو بيها بس اريد اعرف
سرى:هي كايله لفراس
رنا:.........شكالتله
سرى:سمعت فراس يكول لجده هي معترفه على نفسها وكايله اني حلفت جذب.. هيج فهمت
نزلت دموعي
رنا:........حسبي الله ونعم الوكيل
سرى:المهم شوفي لاتنزلين ابد..هس اني وعمتي وسراب كلنا بغرفتي وسادين الباب ... صادق حتى جده مايقبل تطلع
رنا:..... ماشي
سديته وبقيت يم الصوبه..
بعد شوي فتحت الباب
علاوي:يحلفن قراااااان عبالك لعبببببببه ..
صادق : دلال اني الهاااا والله فلا اخلي الليل يعبر عليها...
سمعته خابر ابوها ويحجي وياه ويغلط ويسب...بعدين راح هو وعلاوي صار البيت سكته وهدوء
نزلت جوة
جنت اريد اشوفها..
جان فراس واكف يم باب غرفته... عرفت بيها هنا
طبيت للغرفة
رنا:تفووووو عليييج
كمت اضرب بيها وابجي حتى نسيت اني حامل
رنا:بسسس فهميينيي بشنووو اذيتج انييي..هااا بشنوو
مااكوو اذيه ماسويتيها ويايييي.ليششش
حبيت ابووج لو ابتليييت على عمري...ماااريده بعددد مارريده اخذوووو بسس عوفييني بحاااالي💔
سرى: فراس وخرها عنها ترا حامل
سحبني فراس
فراس:هاي هيه رنا....عوفيهااا..هس يجي ابوها بعد ينجاز بيها
طلعت من الغرفه
سرى:روحي اصعدي فوك احسن الج ..هس يرجعون لاتكبر المشكله بعدد ..روحي يارنا انتي هم حامل
صعدت فوك واني كلبي طاك ووار منها
بعد نص ساعه رجعو..
هم صار صوتهم عالي وضرب وغلط وصياحها
تذكرت وكت كشفوها لمن سوت السحر... تقريباً نفس الوضعيه...الصوت مستمر ومرعب..دموعي مابطلت ابد
اكول ياربي عليش كل هذا صار وياي..كل ليله مرعبه عشت بهالبيت اقوى من القبلهاا...هيج دفعت ثمن هالحب..عبالك دين وماينسد موحب
اخر شي اخذت سماعات صادق جانن بجرارت شغلت قران وخليته بأذني..
جنت اسمع القران وابجي..واكول الحمد لله انكشفت بوقت سريع والله استجابلي
بس مع هيج جنت انتظر الصبح يجي حتى أعرف شسوي 💔
بقيت مخليه السماعات ومتممدده مقابيل الصوبه للساعه ٥ تانمت
كعدت على صوت الباب انفتح ..باوعت صادق
فتح الجرارات.. ماعرف شنو اخذ وطلع
اني كمت تعدلت...باوعت الساعه ٨
فتحت الباب ونزلت
باوعت دم ممسوح بس باقي اثره عالدرج
وهم بالكاع اكو دم.. وريحه ديتول
لعبت نفسي كلش
سكته وهدوء حذر
سمعت صوت بجي من غرفه سرى
يمكن صوت سراب
فتحت الباب...سراب تبجي وسرى عيونها وارمه من البجي
كعدت عالتخت ..بعدين باوعت على سرى
رنا:شصار بعد
سرى:.......
سراب:دمرتناااا دماار الله يأخذهاااا
كعدت سرى يمي
سرى:خلصو عليها كلهم.. البارحه اول مره انقهر هيج عالصار
صادق جان واحد ثاني..شكد يتعصب وهاي بس موهيج...الله يساعده وصلته مرحله خبلته خباال
من كثر الضرب حتى انفتح راسها
سرى تحجي وتبجي
سرى:لوشايفه دمهااا شون هييج بالكاع
مانقهرو عليها ابدد.. حتى علاوي ذب حيله بيها
كلت مستحيل تبقى عايشه لو سليمه على هذا الضرب..
فقدت من الضرب...
من فتحت الباب وشفت حالها
ضليت ادعي على دلال واني مومن عوايدي أدعي ...عمتي ماتكدر تدخل بس تسمع يضربون بيها..من شافت دمها اخر شي راحت على اهل دلال كالت اليوم اله افضحها هناك
احس دمل كلبي من سمعت الصارر
رنا:بس لو اعرف ليش هيج اذا ناويه تعترف على روحها وهس وينها
سرى:فوك قفل الباب عليها
رنا:...يعني هي وتنزف قفل عليها..خاف تموت ومايدرون
سرى:لا صحت وفراس خابر صديقه اجه ضمد راسها بعدين قفل عليها
رنا:.....
ماانكر كلبي برد والله اخذ حقي منها...وبعد انتظر ياخذه من دلال هم..
بقيت شوي وياهن.. بعدين  اجت جدة
جانت هم حيل تعبانه
كعدت عالتخت وراحت سرى جابتلها مي
سرى:ها شسويتي
جده: تفلت ملات وجها ورزلتها .. هيي هم اهلها كاتلينها..
جانت تحجي جده ومقهورة ..تحجي على دلال بعدين تحجي على نور..وكل شوي بسالفه
اني كلبي مابرد بدلال...بس اكول مدام حلفت يمين الله مايعديها الها....اما قهري من جده موضوع ثاني.. ماراح اسكت علي
طلعت من الغرفه .. صعدت فوك لغرفتي
سديت الباب..صح هي انشكفت واخذت عقابها من كتل وضرب عالسوته وياي..بس هذا خلاص مايعني انو اني راح اسكت لا والف لا..اني بجيت هواي وتأذيت هواي..وماانسى هالموقف ابددد💔
طلعت هدوم اللي..ونزلت جوة سبحت
بعدين صعدت فوك نشفت شعري... اني جنت مصممه على شي..
طلعت الجنطه وخليت بيها ملابس احتاجهم
سمعت صوت صابرين جوة..
غيرت ملابسي ونزلت
شافتني صابرين
صابرين:شوفي شون الله اخذ حكج منهن هالمايخافن الله
رنا:اني هم اريد اخذ حقي بعد
صابرين:.......
سرى:شو مبدله وين تاتروحين
رنا:علاوي وينه
سرى:يمكن بالاستقبال وياهم
صابرين:وين تاتروحين
رنا:ماالي كعده هنا بعد..هس اروح
صابرين:هيي هييي خبله انتي...وين تروحين...
رنا:مالج علاقه انتي وخررري عنييي
وكفت بوجهي
صابرين: رنا..ترا صادق بوضع مومال تضغطين عليي ابددد..
سرى:والله يجوز حتى يضربج...بعدين عود مو هس
رنا:لالا هس هس أحسن..هو اني اريد هس
تحسبووون بكتله نوور اسكتتت..مااسكت لاخوووج
صابرين:ترا ماتهمج صادق
رنا: ليش بس صادق وامج هممم..مدام ماصدكني وعاتبني وجمعني وياهن وحالي من حالهن خلاني احلف قرآن....لا والله مابقى هنا.
رحت الاستقبال..فتحت الباب..صادق وفراس وعلاوي كاعدين
صادق مدنك راسه
رنا:علاوي امشي وديني
علاوي:وين.......يتبببببع