#ليته يعلم(أحببته منذ الصغر)

البارت ٣٧

البارت ٣٧
#ليته يعلم ( أحببته منذ الصغر)
رنا:رووووح مناااا ماريد اشوووفك
مسكني قوي من حنجي
صادق:منووو يروووح مناااا ووولج وتعيديينهااا هممم
حسيته راح يضربني حتى غمضت عيوني
صادق:لاتخلييييني أفقد وأمد ايدي علييييييج ...بس اله اخليج تتحسرين على شوفتي
اني خفت وبنفس الوكت عيوني كامت تدمع.
وخرت ايده ونزلت ع السريع
باوعت جده بوجهي كبل رحت للحمام .غسلت وجهي وطلعت
رحت للغرفه مالكيت احد بيها كبل كعدت بمكاني
جنت انفت ومتوتره حييل لان هاي أول مرة يصير هيج موقف بيناتنا
بقيت كاعده بمكاني ومخليه اديه بين رجليه
تأخر الوكت وراحو الخطار كلهم صار البيت هدوء
اجت جده
جده فطوم:اكلج شكو شبيج انتي وصادق
شو نزلتي عيونج حمر وهو نزل متعصب مايرد على أحد شصاير بينكم
رنا:ماكو شي
جده:لا اكو شي ونص
رنا:كتلج ماكو شي ياجده . خلاف بسيط
جده فطوم:اكلج رنا ترى هو البي مكفي لاترجعين تزيديها علي
رنا:ياجده شزييد عليييي
متحملت وكمت ابجيي
رنا: ترى انتو مداتفكرون بيا بس تفكرون بنفسكم
جده:شون يعني مانفكر بييج...ترا كلنا ملتهين واليوم بسرعه يخلص من وره الخطار
رنا: ماشي ماشي اني تعبانه نفسيا بس ماكو غير شي
تمددت بفراشي والموضوع حيل قاهرني  وحامسني احس بمدي انفجررر
بقيت اتكلب للساعه ١ونص تايالله أخذتني الغفوه
كعدت ع صوت المنبه
كمت تحضرت ورحت للدوام
جان عندي امتحان فصلي
ماجاوبت بي ابد بس اول فرع جاوبت
لان مادرست زين وهم جان بالي مووياي ابد
طلعت من الامتحان ميته قهرر
حتى ماحضرت باقي المحاضرات..ضليت افتر وافكر
احس نفسي مشتته كلشش..اريد يستقر عقلي وكلبي
بس كل مره ارتاح شوي ارجع انغث أكثر
رجعت من الدوام..فتت للطارمه باوعت للاستقبال الباب مسدود
طبيت جوة غيرت هدومي وغسلت وتغديت
رحت لغرفه جده تمددت بفراشها ونمت
كعدت العصر صحصحت وشربت جاي
وعزلت البيت وكنسته.بس جنت حيل ضايجه من مشكله البارحه ولأن ماجاوبت بالامتحان
صارت الدنيا مغرب سرى ونور جانن يسوون العشه.
رحت وياهن بالمطبخ
سرى:رنا بس سوي السلطه
رنا:هس
رحت طلعت طماطه وخيار .كمت اگرض عالسنك
سمعت صوته باوعت جان واكف عالباب هو وفراس وحسن
بقو واكفين شويه..من أندار
اني كبل دنكت سويت نفسي مامهتمه
خلصنا العشه وصبيناه
اجو كلهم كعدو عالسفره
اني كعدت يم جده ..جنا نتعشه والوضع هدوء الكل ساكته
هو خلص عشه راح غسل واجه كعد ارتجه ع القنفات
رحت سويت جاي وصبيت للكل
من وصلت اله .هز رأسه بمعنى لا ماريد
عفته ووديت البقيه..بعد شوي صاح نور
صادق:جيبلي جاي
انحسمت حيل وضجت منه.عرفت ديسوي هالشي معاقبه اللي
سويت نفسي مادايره بال.. رحت لغرفتي
طلعت كتبي وبلشت دراسه ..بقيت ادرس حد الساعه ١١
تعبت ورجعت الكتب للمكتبه..
رحت للصاله لكيت سرى وعلاوي وسراب كاعدين يتسولفون
كعدت وياهم
سرى:من هس اكلك باجر توديني لأهلي احس نفسي تعبانه كلش
علاوي:ان شاء الله باجر اوديج
اجت جده شايله صينيه بيها فواكه
كعدت يمي وشاورتني بصوت ناصي
جده:  جيبي صحن وخلي بي فواكه وودي لصادق عالاستقبال
رنا:ليش اني خلي سراب
جده:لا روحي انتي واكسري الزعل البينكم
سمعت كلامها واخذت الصحن ورحت للاستقبال
جان متمدد عالقنفات وماسك موبايله
خليت الصحن يمه
صادق:شيلي ماريد
سكتت اول شي
رنا:ليش ماتريد
صادق:ماريد شي منج بعد
رنا:الهالدرجه
مارد عليه
اخذت الصحن وطلعت .. بس ميته قهر منه
طلعت وشافتني جده مرجعه الصحن
رحت للغرفة ولحكتني
جده:هااا
رنا:ماقبل ياخذه مني
جده:لعد شكد غاثته انتي حتى هيج يسوي
رنا:غاثته؟؟؟ ماكتله شيي عاتبته ع شي خاص بينا.وكتله روووح منااا ماريد اشوفك
جده:لاابد موكايله شي...شنو جاهل تكوليله رووح مناااا
رنا:جنت متعصبه وكلت هيج
جده: مايصير لازم توازنين كلامج وياه
رنا: اعرف....
جده:عوفي هو يهدأ ويصالحج
رنا: عادي براحتوو يصالح أو لا بكيفو
صح ضجت بداخلي بس كلت اله احرك كلبووو
رحت فرشت فراش الي واحده وتمددت..مسكت الموبايل
ضليت اكلب بي شفته نشط
كمت غيرت الصوره الصفحه مال الفيس
عود اني ماغيرتهن ابد من وكت هو خلاهن
خليت صوره وحده لابسه بنطرون وشعرها مفتوح  واكفه يم سياره
علقن صديقاتي ع الصوره
اني ادري بي شافها بس ماعلق..عود هو بي طبع رغم كل حنيتو واطباعو الزينه بس من يقفل على شي يصير صارم
وصعب
بعد شوي دز رساله
صادق:غيري الصوره
رنا:عليشش؟
صادق:مال مزعطه
رنا:حلوة مابيها شي
صادق:كلت غيريها
رنا:اي يومين هيج وغيرها ان شاء الله
صادق:لا هسس
رنا:ترى هس غيرتها عيب كل شوي اغير
صادق :كلتت هسسس
رنا:ماشي ماشي
رحت غيرتهاااا
ونحمست بزايد ...طفيت النت ونمت
كعدت ورحت لدوامي هم جان عندي امتحان فصلي
بوكتها الاستاذ كال اخر محاضره راح امتحنكم
تاخر الوكت بساعه ١ الأربع هيج طبينا عالامتحان
جانت الاسئله مطوله كلشش
واني ضليت اخير شي تايالله سلمت الورقه
طلعت تقريباً الكليه فارغه ماكو طلاب هواي
خابرت ع ابو الخط لكيته رايح وعايفني
كتله ليش كال ضلينا ندك عليج ماتجاوبين وتاخرتي كلش والطلاب ماتحملو وطلعنا عاد
تخبلت من كال هيج
معد اعرف شسوي..ادري هس شون ارجع
رمشت لجده بعدين دكت عليه
رنا:اكلج جده ترى ابو الخط راح وعافني
جده:ليش
رنا:تاخرت بالامتحان وراح
جده:هس اشوف الولد
انتظرتها شويه ودكت عليه
رنا:هاا جده
جده فطوم: والله علاوي ماخذ سياره صادق تايودي سرى لاهلها.وصادق وفراس كاعدين ويه الزلم بالاستقبال
انتظري علما يجي علاوي
رنا:حيييل خما اضل انتظر ترى تعبت اريد ارجع
سديته من يمها
ورحت وكفت يم البوابه
شفت بنت واكفه هم تنتظر
رحت عليها
رنا:تنتظرين ابو الخط
البنت:لا والله اني اروح بتكسي
رنا:هاا.اني ابو الخط عافني اليوم ودانتظر محتاره شون ارجع
البنت:انتي وين بيتكم
كتبها ع المكان
البنت:موكلش بعيد علينا..خلي نمسك تكسي ونروح سويه
رنا:ماشي
جنت بس اريد ارجع لان حيل تعبت مابيه مجال انتظر أكثر
وخصوصا بيت اهل سرى بعيدين كلش عنا يعني اعرف راح يتأخر علاوي
رحت ويااها بتكسي .. بالبدايه وصلها اول شي بعدين وصلني اني
نزلت وفتت جوة شفت احذيه يم الاستقبال عرفت اكو خطار
طبيت جوة غيرت هدومي وغلست وصليت كالعاده جان البيت هدوء .جده وسراب نايمات وسرى رايحه لاهلها
ونور وحسن يم خالتهم
كبل تمددت بفراشي ونمت
كعدت الدنيا ضلمه لان تاخرت علما وصلت ونمت
جنت جوعانه كلشش
سويت برياني وسلطه .
حضرت العشه وكعدنا ناكل
هستو تااكل جان جده تحجي
جده:صدك شوكت اجاج علاوي
علاوي صفن وكال
علاوي:ووين
رنا:مارجعت ويه علاوي
جده فطوم:لعد
رنا:رجعت بتكسي ويه بنت
جده:هاااا
اني كلبي يدك اعرفه راح يتدخل
صادق: دقيقه رجعه شنوو تكسي شنوو
جده:هاي رنا خابرتني تكول ابو الخط رايح وعايفه لان متأخره بالامتحان
علاوي جان ماخذ سيارتك راح يوصل مرته
صادق:ايي؟!!!ورجعتي بتكسي وحدج موو
رنا:رجعت ويه بنت
صادق:يابنت
رنا:ماعرفه.وصلها اول شي بعدين وصلني
صادق:وليششش ماخابرتيني
رنا:خابرت جده كالت انتو بالاستقبال عدكم خطار وعلاوي ماخذ السياره
صادق:وليش مانتظرتيي.ليش رجعتي بتكسي ويه بنت ماتعرفينها أصلا
رنا:تعبت ماكدرت انتظر أكثر
صادق:انتي صدك تحجين..
شو هذا كبل خابر ابو الخط
جان يحجي وياه متعصب ويصيح علي
صادق:شووون تروووح وتعوووفه.......مشكلتتتك تنتظرها غصبا عننننك.....لعد على شنو ماسكينك انت....
بقه يحجي ومتعصب
اوف منج ياجده يعني اله فتحتي الموضوع وكت العشه واني ميته جووع
صادق:وانتي حسابج بعدين
رنا:ترا ماسويت شي حتى تحاسبني
صادق:تريدين حضرت جنابج ترجعين بتكاسي ويه ناس غربه ومانحجيي شيييييي
رنا:ترررا مانكلببببت الدنيياا واذا رجعت بتكسي و بنت جانت ويااااي عاااادي يعننني
صادق:عنددددج عاااادي عنددي موعااادي..
رنا: اصلاا انت مااااعرف شنووو عندك عااااادي كلووو لاااا لااا
صادق: ايييي هذاا الموجود.تسمعين الكلااام وترضييين
جده:هسس شووون يعننيي ..خلي البنت تتعشه لفو السالفه
رنا:ماااااريد اكلت سمممم ان شاء الله وخلصتتت
عفت الاكل ورحت للغرفه
لحكني
صادق:ليششش كمتتتيي يلااا كداامي ترجعين
رنا:ماااريد ارررجع تسمممت كاااافي
صادق: غصبا عنج ترجعين..تعوووفين الاكل بنترررر لان حاسبتج مووووو
اجت جده
جده فطوم:كافيكم يمعوددين شبيييكم كبرتوهااا
رنا:كووولي لابننننج كلببببب الدنيييا عبالك شوف شسويت
جده:ياابني كافي هاي هيه الحمد لله رجعت وماصار شيي
صادق:موووهيين السالفة... السالفة انو هي ماتحتتتترم
وتريد محددد يحاسب ولايكول كلمممه
رنا:ايي حيييل ماشاءالله...
صادق:وبعددد نووب يصير هيج شي تخابريني انيي فهمتيي لاجده ولاغيرهااا
رنا: استغفر الله ياربي
صادق:فهمتتتتتتي لووولااااااااا
جده اشرتلي بمعنى كولي اي وسكتي
رنا:اي فهمت
بالكوة راح وعافنيي
جده:انتيي ليشش تعاندينووو ليشش ماتسايرينوو
رنا:ابننننننج دمرنييي دماااار.مفروض بعد كل معاناتي هو يسااايرنيي موووانييي
جده:يولي والله انتي بعدج صغيره...هو طبعه حريص
ويضوج من العناد.ترا بكلمتين تكدرين عليي بس انتي معرف شونج
رنا:انتي تضلين تدافعين عنووو حتى لو هو الغلطان
جده فطوم:ماادافع بس اعرف طبعه زين.يلايلا حصل خير ان شاء الله
عبر الوكت وصارت الساعه ١٠ رحت حمييت العشه وتعشيت لان من وراه مااكلت شي
طلعت للطارمه باوعت فراس كاعد يم الباب يدخن ومشغل اغنيه (حرامات بعد ذاك التعب كله غيري وياك يتسلى كتلني القهر ماخله حرامات💔)
كلش انقهرت علي..خليت شال على راسي ورحت كعدت قريب منه.
جان يسمع الاغنيه والحزن والهم واضح على تعابير وجهه
بعد شوي باوعلي
فراس:ليش هيج سوت وياي
رنا:ماتستاهلك..انت جنت كلش زين وياها وكلنا نعرف شكد تحبها ومدللها
فراس:اني لحد الآن بصدمه مامستوعب شنو صاير وياي اني وين وهي وين وابني وين
رنا:يعني انتي كشفتيها قبلي ..اني وين جان عقلي..
ولمن هدددتيها وفضحتيها...هم رجعت سوت الغلط وماخافت الله بيه ولا بولدها.
رنا:اي والله بوكتها خافت كلش وكالت توبه بعد بس هم رجعت كررت الغلط
جنه نحجي .وطبكت السياره مال صادق مقابيل الباب
من شفته جان مخوزر عليه كبل فتت جوة وعفته
خلص اليوم وثاني يوم جان جمعه ماعندي دوام
كضيتها اشتغل بالبيت ودراسه
جده خابرت صابرين كالتلها تعالي بس ماقبلت تجي
هم انقهرت حيل عليها
عاد رحت اني وجده وسراب عليها
طبينا جوه وسلمنا عليها.
جده:ليش هالگد حقدتي وماتقبلين تجين
صابرين:ابد مااجي خليني ابيتي وانتو ابيتكم.اخابرج اسمع صوتج كافي
رنا:لاصابرين مايصير هيج جده حيل كاعد تنقهرر
واحنه مانكدر بدون مانشوفج
صابرين:خلي فراس افندي يرتاح من يكلي احسن لاتجين
وصادق هم..خليي يرتاحون
جده:انتي ماتعرفين بغلطج..ترا عيرتي كدام الناس
عيب والله عيب
رنا:البارحه جان يم الباب خطيه شحالو يقهر..حتى كام يدخن جكاير
صابرين:من ضيم مرتو هذا..
بقينا نحجي وياها بس مصره انو ماتجي
اخر شي رجعنا
جان صادق ماموجود..يم ربعو يتعلل
اني خلصت تعزيل وفرشت فراش وتمددت
جان يدك عليه كاميرا
فتحت الكامره جان كاعد بصفحه مبين يمه جماعه
دزلي رساله(لاتحجين شي لان يمي)
رديتله:تمام
بقه يباوعلي واني اباوعله
حسيت نفسي تخربطت وتهدونت من نضراته
دزلي رساله .. جنه نججي رسايل بس الكامرا مفتوحه
صادق:شبيج فقدتي
رنا :لا مابيه شي
صادق:جذابه عيونج راحن
رنا:لابله
صادق:لاتكولين لابله
رنا: اكول وبكيفي
صادق:ترا اجيج
رنا:تعال
صادق:جايج والله
سد الكامرا......يتتتتتبع