#ليته يعلم(أحببته منذ الصغر)

البارت ٦١

البارت ٦١
ليته يعلم ( أحببته منذ الصغر)
احس متررده أصعد.بس خفت منه يعصب..وخرت الغطه
وعبرت من بين الجهال وطلعت
صعدت فوك..فتحت الباب جانت الغرفه ضلمه
صادق:ليش ماجيتي بساع
رنا:مادري بنفسي رجعت نمت
وخر الغطه وكال
صادق: تعالي يمي
تمددت يمه.وبنفس الوكت جانت بيه خوفه
حضني قوي وشمني من رگبتي
حلو الشعور لانه مع شخص كلش احبه واعشگه بس مع هيج هم اله مااكون متوتره وقلقه.هو حس عليه
صادق:يروحي شبيج
رنا:.....
صادق: لاتخافين ماسويلج شي هس..بس لي وكتها اشحدج  تبقين هيج
رنا: وأنت ليش تحجي هيج وتخوفني
صادق:ماخوفج اخليج بالصوره
رنا: الله كريم لي وكتها
صادق:اي مابقى هواي
رنا:اييي دريت
اكول بكلبي خلي الإثنين يتأخر
بقى حاضني ونام واني هم نمت بحضنو
هاي اول مره انام وياه ..شعور ماتنوصف شگد موحلو
حسيت بي گاعد.فتحت عيوني لگيته ديصلي
اني جنت بعدني بالفراش..خلص صلاة واجه يمي
رنا:يمكن أنزل جوة أحسن
صادق: ليش تنزلين.
رنا: موخاف جده تكعد..وهم عيب انزل الصبح من هنا..
صادق:ترا عادي شبيج..هس لوانام وياج عادي...والله اني خايف لا وره العرس تباتين جوة
رنا:هههه لا مابات جوة
صادق: طبعاً ماتباتين جوة..شنوو صدكتي
رنا: ماعرف بس استحي انو يعرفون اني بقيت هنا..وقبل موعد العرس
صادق:يابا ها هيه انزلي
نزلت جوة ورجعت لفراشي كملت نومتي
كعدت الصبح بعد ماتريكت وكملت شغلي خليت الغده عالنار
تفطنت لمها كلت خلي اخابرها
دكيت عليها ماردت... حيل ضجت لان ماردت..شجاها ماترد عليه ودنيا عيد خما الهالدرجه..
العصر لكيتها داكه عليه رجعت دكيت عليها
رنا:هلا مها شونج
مها:هلا بيج انتي شونج
رنا:كل عام وانتي بخير يارب
مها: وأنتي بألف خير ان شاء الله
رنا: شخبارج مشتاقتلج هواي
مها: إني هم والله
رنا:دكيت عليج الضحى ماجاوبني
مها: ماجان يمي الموبايل
رنا:اريد نتواجه شون!؟
مها:اني هم اريد اشوفج
رنا:عرسي الإثنين ترا
مها:صدك
رنا:اي والله..خما ماتجين
مها:والله ماعرف شكلج..
رنا:يامها ترا اني صديقتج من زمان هواي..وهس عرسي شون ماتجين
مها:والله احاول اقنع ماما..بلكي هس تقنع بابا
رنا:اي حاولي عفيه...ترا كلش احتجاج بهيج وكت ..اني الأحد اروح يم عمي إبراهيم ابات يمهم..من هناك ياخذوني
مها:اي زين...لعد يمكن اجي على بيت عمج من هناك اشوفج
رنا: اي تعالي..وياريت تباتين وياي
مها:والله مستحيل يخلوني ابات
رنا: ميخالف..بس هم تجين وياي هنا للبيت من ياخذوني
مها: ماعرف..
رنا:المهم اني لازم اشوفج
مها:ان شاء الله ان شاءالله..هم اريد اخذلج هديه
رنا:يعمري والله جيتج وشوفتج احلى هديه عندي
مها: تسلمين حبيبتي...يلا هس اروح اني ماما تصيحني
رنا: ماشي روحي الله وياج....هلا
سديته من يمها بس كلش ارتاحيت لان حجيت وياها
عبر الوكت وسويت عشه وتعشينا..بس صادق ماجان موجود..جان طالع ويه ربعه..
فضيت العشه وغسلت المواعين.. بالليل اجت سرى
سرى:هلا شونكم
رنا:زينن انتي والأهل شونهم
سرى: ماشي الحال بخير ...علاوي وينه
رنا: مادري بغفرتكم لوطالع
طبت جوة لغرفتها..بعد شوي كمت افكر كلت بقى ٣ ايام للعرس..خابرت على صابرين
صابرين :هلا رنوش
رنا: هلا بيج ...اكلج شنو اسوي اني لي هس ماسويت شي
صابرين: على مود عرسج قصدج
رنا:اي..اكلج شوكت اروح احف واصبغ شعري همم
صابرين: باجر باجر الصبح نروح.اكعدي من وكت
رنا: ماشي
ثاني يوم كعدت من وكت ورحت اني وياها لوحده هي تعرفها
حفلتي وجهي وحواجبي
صابرين: ليش ماتميشين شعرج
رنا:لاماريد ميشش.صديقتي بدوام ميشت شعرها وتعب كلش ..اريد إصبغه بس
صابرين:بكيفج ..يالون تريدين
رنا: خلي اشوف الالوان اليمها
شوقتني الألوان  اليمها..اختاريت لون عسلي هيج هادئ وحلو
صبغتلي شعري ..كالت تريدين تغسلينه هنا او ترجعين للبيت بكيفج..كتلها بالبيت
رجعنا للبيت وصلنا وكت الغده تقريباً
فتحت سبحت وغسلت شعري .. الحمد لله طلع حيل حلو  ..سشورته حتى يبين لونه أحسن
صابرين:حيل حلو  يخبل وراهملج
سرى:اليوم منوره ويه الحف والصبغ
جنت فرحانه بالتغيير
من اجه صادق وشافه
صابرين:والله گمر اني شتحمل لاثنين..خلينا نعرس هس
رنا:لابله
صادق:ههه يلا يلا نصبر شنسوي
العصر اجت عمى منى ومنتهى وبناتهن
يسلمن ويعايدن..جانن كاعدات بالصالة.وزلمهن بالاستقبال
قدمت الهن جاي وكليجه وكعدت وياهن
منى:اي رنا اخبارج شوكت تزوجون
رنا: الحمد لله بخير.. الاثنين نزوج
منى:بيها الخير...جهزتي نفسج اشتريتي زهاب
رنا:اي جهزت كامل
منتهى:حجزتي يم صالون
رنا:اي حجزت
دلال:خلي نصعد فوك نشوف شنو اشتريتي
منى:اي خلي نشوف
صعدن فوك وشوفتهن الشغلات اللي أخذتهم
جانن متعجبات وبس فاتحات عيونهم
سمعت دلال شاورت امها (منتهى) تكول
دلال:مااشافت وشافت
فهمت قصدها انو عساس اني موشايفه وهيج اشتريت
وهي مشتريات عروس يعني اغلب البنات راح يشترن هيج
بس عرفت هذا كله غيره منها
نزلنا جوة مع العلم سالفه دلال حيل غثتني وضلت أبالي
بعد مانزلنا وكعدن بالصاله
منتهى:صدك نور وينها
جده:موجوده يمكن نايمه فوك
دلال:هس اروح اشوفها
كامت دلال صعدت فوك..
جده معد تكدر هي وسراب
جده اشرت لسراب بمعنى الحگيها
لحگتها سراب ..وره ثلث ساعه هيج نزلت
يعني تاخرن شوي
نزلت دلال وجها موكلش طبيعي مثل ماصعدت
بعد شوي اني جنت بالمطبخ ويه سرى نسوي عشه..سرى لعبت نفسها شوي من ريحه الطبخ وراحت لغرفتها.. جنت مشغله الگلايه واجت دلال وفاطمه ..احس بحلگها حجي بس ماحجت من راحت فاطمه حجت
اني جنت اگلي  وبيدي مثل الكابسه اشيل بيها الفخاذ مال الدجاج من الگلايه  ....وهي تسولف وياي
دلال: ليش نور محبوسه فوك ؟!
رنا:ماعرف
دلال:بلي تعرفين اكيد
رنا: سوت سالفه وابوها حبسها.بعدين أنتي شعليج
دلال: أبوها مايحبسها لحاله لوماانتي توزين بي
رنا:انتي ليش ماتحترمين نفسج
دلال: محترمه نفسي زين اني..بس أنتي المامحترمه..ماصدكتي على الله صادق يباوع بوجهج..صرتي ماتنحملين وخليتي بنت مثل الورد شحالها محبوسه فوك..الله يعلم الأيام الجايه شراح يصير بالبقيه
من حجت هيج تخبلت ومبينه من كلامها مليانه حقد وسم لان هي ونور علاقتهم قويه ابعض....اني الماسكه بيدي جانت
لاراديا بدون ماانتبه أنو هي بيدي..كبل ضربتهاا يعني دفعتها
صارت الماسكه على حنجها وجوة خدها وجانت حارة حييل
كبل كامت تعييط وتصييح..
مسكت وجها وطلعت تركض للصاله وتعيط
منتهى:شكووو شبيييج
جده:شبييج يولييي
جانت تعيط وتبجي وتحجي
دلال: رنا رنا حرگتني
طلعت للصاله اني جنت حاسه بذنب شوي.صح هي تستاهل بس اني ماقصدت احرگها...دايما المغرب تصير شغلات سبحان الله موزينه
جانت تعيط وتبچي
راحت عمى منتهى تركض عليها
منتهى:بس فهمني شون حرگتج
دلال:حقيره خلت الماسكه عليه عمدن
جده:ليشششش هييج سويتي
رنا: جده والله حجت هواي عليه واستفزتني ..مانتبهت وصارت عليها
منتهى:خليني بس اشوف وجهج
رنا:يوووووم توووجعنييي كلشش
منتهى:بس خليني اشوووف
وخرت ايدها ونزعت حجابها ...جانت حمره كلشش
منتهى:ليششش ضربتيييهااا بيهااا ليشش ماتخافين الله
رنا:والله هي تجاوزت عليه هواي..ردت ادفعها بس جانت بيدي
منتهى:وعلى يااسسااسسس تمدين ايدج عليهااا
رنا:يوووم بعد ماگدر دتأذينييي هووواي
منى:هس هس اصيح اخوج يوديج
راحت عمى منى تركض للاستقبال تصيح اخوها.لان هو جابهم
صابرين: لاحول ولا قوة الا اشون سالفه هاي
اجت عليه صابرين
صابرين:ليش هيج سويتي شجاج
رنا:ماقصدي والله
صابرين:شنو ماقصدي...هس يگلبنها عليج گلاب
اجت جده يمي
جده:ليشش هيج
رنا:جده خلي افهمج..كامت تحجي وتكول ليش نور محبوسه وانتي السبب وانتي وزيتي صادق.ضوجتني حيل بسوالفها
جده:هسس هيي ماخوش ادميييه انتيي ليشش كبل وريتيهااااا
رنا:.......
اجه صادق وفراس واخوها
فراس:شاكووو
منتهى:يلا امشيي يوديج اخوج
صادق:شبيهاا
منى:رنا حارگتهاا يمكن متعاركات بيناتهن
جانت تبجي
طلعت عمى منتهى وياها وباوعت على صادق وكالت
منتهى: والله عيييب جايين نشوفكم  ونعايدكم ونتونسس ومرتك هيج تسوووي..بعد مااخذتك وهيج ...لو تاخذك يمكن بعد مانطب البيت...
صادق :بسس دقيقة خلي افتهم السالفه
منتهى:ياسالفه تفهمم....
رنا: والله. هي بدت وتجاوزت عليه وحجت حجي هواي هم
منتهى:مع الأسف علييج يلا حتى بعد مانجي ونعرف منو يريدنا ومنو لا
طلعت من البيت زعلانه
موقفي جان ضعيف
طبيت لغرفه جده بس حيل حيل جنت ضايجه من الموقف الصار
لحكني هو وجده للغرفة
صادق:ادددرييي شبيييج انتييي متكلييليي شبيييج
رنا.........
صادق:شنوو عمتيي تكلي هييج حجيي ..صغرتيينااا گدامهمممم
رنا:اني ماضربتها لحالي تستاهل ...على شنو تكلي نور محبوسه من ورراجج
صادق:وهيي شمدرييهاااا
صابرين:موجده كالت نايمه فوك.وهي صعدت رادت تشوفها
صادق:ايي وشمدريهااا محبوسسسه...سرااااب سرااااب
اجت سراب تركض
سراب:ها بابا
صادق:خماااا فتحتتتي الباااب
سراب:لحت عليه هواي كالت بس اشوفها وفتحت الباب
صادق:طااااح حضجججج اني شكتلللج موكتلللج ممنووووع احد يطب للغرفة
سراب: والله ماردت بس هي لحت
صادق:واذاااا لححتتتت مشكلتهاااا...
رجع باوع عليه
صادق:وانتيييي عيييب عليييج ايددج واالضرررب
ناااسسس جااايه تتونسسس ماتكدرين تسكتيين لو تاخذينهااا على كد عقلهااا
رنا:هيي بدددت وخلت سالفه نوور براسسي
جده:حتى لو گايلتلج هيييج .غير صديقتها وشافتها فوك مقفول عليها الباب ونقهرت عليهااا وهيج حجت
تعصبت  بزايد من حجت هيج جده
رنا:على يااساسسس اسكت وهي تلووومني انيي.والله شنووو انقهرت على صديقتهاااا... مشكلتها هيي ويااهاااا طبهننن مرررض اثنيينهن
صادق:يررررناااا عييب عيييب موكلشيي ولازم نرررد ونسوووي مقااابل
رنا:صححح انيي ماجنت متعمدده احرگهااا..بس تستاااهل والله..اجتتتت بمكاااانهااا
جده:شووو انتييي مستهترره.نااسس اجت تسلم راحو زعلانين..ولافطنانه حتىىىى
رنا:ايي ماافطننن طزززز بيهنننن كلهننننن
صادق: كافيج عاد سدي حلكج ولاحييل تتمادييين
سمعنا صوت حسن يبجي يمكن متعارك ويه ابن الجيران بره وضاربه
طلعت جده علي
صابرين:اسكتييي اسكتيي...هسس يتعصببب وتلاااص بينكمم.دنيا مغرب تعوذي الشيطان
رنا:خرررب..ادري خمااا كل مايصير شيي اسكتيي واسكتيييي... لازم اتحملهننن كلهنننن انيييي
محد يگدر يحاسب احدددد ترجعون عليه بالاخيييير
صادق:منووو راااجع علييييج منووو
رنا: اييي والله هذااا الصحيح..كافيني عاااد لازم كل مايصير شييي اسكتتتت ...شووو نووور لعبت لعبتهاااا بيييه ماسوييت شييي وياااهاا ولااااحجيييت...اچلللت ووووحل هناااا .ضييييم فووووك ضييييم .ونوووب من يصير شييي تعااااي اسكتييي
صادق:اهااااا كللل هذااااا بكلببببج وضااامتتته...يعننييي نوووور انييي ماعاقبتهاااا مثلااااا مانعلللللت يومهاااا
شسووووي مثلاااا اذبحهاااا...
صابرين كامت تهدي بيه وتحجي بصوت ناصي
هو راح وصار هدوء ...اني جنت محموسه على دلال واحجي عليها اجت سراب كالت
سراب: ترا نور هي هيج كالتلها..هي شمدريهااا
رنا:شكالتلها
سراب:انو من وراج بابا حابسها
رنا: وين المفتاح انطيني المفتاح
سراب:شلج بي
رنا:انطيني اياه كلت
ماقبلت تنطيني اياه..رحت على مكتبه جده وطلعته لان اعرف بيها تضمه هناك
اخذته ورحت فوك..فتحت الغرفه وطبيت جوة
رنا:انتييي شنووو تريدييين منييي بعددد كوللييي ماكفااااج السويتي بييييه ..حتى وانتي بالغرفه ملاحكتنييي بسوالفج
جانت بس مبتسسمه وماترد
رنا:مال هسسس اخلييي قهررر علاوي وضيييميي كله بييج
حقييييره
طلعت من الغرفه وقفلت الباب
نزلت جوة تلكتني جده
جده: ليششش صعدتي فوووك
رنا: لاتخافين ماسويت شييي الهاااا مامديت ايدي عليها
ماعرف شبيها جده وياي.كبل راحت على صادق وكالتله
هم اجه عيونه نار وحيل معصب
صادق:ليششش صعدتييي عليهااا فوووك
رنا:عندي حجييي واريد اكوله الهااا..
صادق:انتييي بييييج شييييي فهمييينيي
رنا :مابييييه كلشيييي
صابرين:ولج شبيج ...عرسسكم بعد يومييين ليشش هييج يصيير بينكم
صادق:هااااي شيفهمهااااا بهالسواااالف...عدهااا تلوووص كلشيييي عااادي
رنا:لااانني ثووووله مااافهمممم..خليييت الفهممم كللله الكمممم
صادق:شوووفي انتييي لسااانج طوووويل وماتحترميين
وراح تخلييينييي احلللف يميييناااات تزززعللللججج
رنا:وعلى شنوووو تحلللللف يميناااات هااا..لازم تريد تهددني نفسس ذييييج المرررره..
صادق:هالمررره ماهدددد اسووووي كبللل
صابرين: يولي لاتخليييين يخرب كلشييي هسسس
صح بوكتها حجيت حجي مال انفعال
رنا:وماااايخررررب شنووو محملنييييي مال نييييه مثثثلااا
نزعت الحلقه وضربتها بالگاع.....يتبببببببع