#ليته يعلم(أحببته منذ الصغر)

البارت ٦٥

البارت ٦٥
ليته يعلم (أحببته منذ الصغر)
نزلت وياه.. جان ماسك ايدي.. تلكتنا جده
باركتله وباسها من راسها
جده:شايفين الف خير ان شاء الله
اجه فراس وعلاوي هم باركولنا
صادق:يلا وين العشه
جده:هس هس..روحو للصاله
جانت سرى وفاطمه يغسلن المواعين..
كعدنا بالصاله
عمى فهميه ومنى كاعدات هم سلمن علينا
كعدنا شوي وياهن
صادق:امشي نصعد فوك .. هناك نتعشه
صعدت وياه فوك وجابتلنه العشه صابرين
رنا: اكلج وين موبايلي
صابرين: بالجرار مقابيلج
طلعت صابرين ..واني جانت نفسي حيل مسدوده
صادق:مدي ايدج
رنا:اي هس
اكلت شوي بالكوة
صادق :شو ماتاكلين
رنا:موحيل جوعانه
بعد ماخلصنا اكل ..اجو اصدقائه المقربين حتى يسلمون ويروحون
هو نزل.. وصعدت سرى حتى تاخذ الصينيه
سرى:ها امورج رناوي
رنا:والله موهالكد يعني
سرى: اول شي تعوذي الشيطان ..لاحيل تخافين
رنا: أن شاء الله ...خلي انزل وياج للمغاسل شوي محصوره
سرى:يلا امشي
نزلت وياها  للمغاسل من تاارجع صارت نور بوجهي
نضراته لي يمي ماعرف شون اوصفها بس غريبه جدا
صعدت فوك ولفيت الفستان وخليته بصفحه
احس التسريحه هم ضوجتني اريد احل شعري
بديت احل بيها شوي شوي . فتحته كامل وارتاحيت.صار كيرلي
فتح الباب
صادق:ها شلونه الحلو مالي ....شكاعد تسوين
رنا: فتحت شعري
اجت صابرين جابت جاي النه..وهم جابت فواكه ومكسرات
اشتيهت الفواكه بس بوكتها مااكلت غير شي .وهم اجت جدة كعدت ويانا
المهم بعد ماعبر الوكت هواي والبيت فرغ والبنات شطفنا..كلمن راح لمكانه حتى ينام
اني وصادق جنه بالغرفه ..غير ملابسه ولبس تراك
هستوه بدل ..دك موبايله
صادق:هلا يوم.....شبي...... هس نازل
رنا:شكو
صادق:هذا حسن ماعرف شبي صاير من ينام يكعد يبجي
نزل جوة..بقى الباب مفتوح..جنت اسمه يبجي انقهرت علي
نزلت جوة...جان صادق يمه وهو بس يبجي
صادق:بس كلي شبيك ياابنيي
جده: لاحول ولا قوة الا بالله
اجه فراس:شبي حسن
صادق: مايرد....زين تصعد وياي تنام فوك لو انام يمك هنا
سراب:هو نام مابي شي
صادق:صارله يومين بنفس الحاله
كام يقرأ علي ايات ويعزمله.. بعدين هدأ وسكت ورجع نام
جده: الحمد لله ياربي
صعدنا فوك
من طبيت للغرفة بمدي انام كبل شكد ماتعبانه
بس وين انام كبل ههه
طب ورايا وقفل الباب
رنا:تعرف شغله
صادق: شنو
رنا: اريد انام هههه
صادق:ماكو نوم...صارلج سنين تنامين كافيج
رنا:بس هاليوم خليني انام
صادق:اليوم بذات ماخليج تنامين
رنا:......
بعد ماحجينا شوي
تقرب مني وكعدني بحضنه ومسك اديه اثنينهم
صادق:ليش ترجفين
رنا:شوي
صادق: لاتخافين يروحي ..
بده يحجي وياي بهدوء ويسمعني كلام حلو
باسني من حلكي وركبتي تقرب مني هواي ودفعته
صادق:......ليش هيج
رنا:.....
صادق:جاوبيني ليش هالكد خايفه
رنا:اي شنو خما بيدي
صادق:لعد بيد من
حاول وياي مره ثانيه وهم وخرته
استجاب وياه بالبدايه بعدين ارفضه
صادق:وتالي يارناوي ...والله عرفت راح تشلعين كلبي
رنا:......
صادق:نوب ماتحجيي ..وكت المشاكل لسانج مترين يصير
هس لاحس ولاشي كلشي ماكو
رنا:اي خايفه عوفني
صادق: يعني اله متى اعوفج...العرس واجلتي
شوفي انتي بس شويه انطيني مجال ورخي نفسج
عود عساس بده يتفق وياي
رنا: ماشي تمام
حاول وياي بكل هدوء هم من يتقرب اكثر اوخر عنه لو ادفعه
صادق :هسس شووون وياج؟ بعد حتى بدلتج مانزعتيها
رنا:طفي الضوه
صادق:اطفي الضوه والله اطفي
كام طفاه ورجع يمي
صادق: هاي طفيته
نزعت البدله وجنت في قمه الإحراج والمستحة
خله ايده على جسمي وكال
صادق:جسمج حرير مثل طفل
رنا:اي وشتريد
صادق:هههههه شكد خبله
المهم كلما يحاول وياي أبعده عني.. آخر شي كال
صادق:راح اعوفج هاي هيه..عافني واندار بصفحه
اني كيفت بعدين كال
صادق:,لا والله على يااساس اعوفج صارلي شكد انتظرج... واذا عفتج هس عساس باجر شراح يصير نفس الشي
رنا:عفيه خليها بغير مره
صادق:لاابد
حاول مره اخرى..وهم ماستجابيت...تعصب كلش
صادق: شووفي ترا وصلت حدها وياج اني لحد الآن مطول خلكي... شكد جبانه انتي ماتوقعتج هيج
صادق:يلاا عاادد كاافيج
نوب خوز عليه وتعصب بزايد خفت
رنا:لاتباوع هيج وتتعصب....هاي عود عساس تكون هادي وياي
صادق:ياروحي صاررر ساعه هادي وياج مووو نعلتي والديه
رنا: اوووف ....
بقيت وياه على هاي الحاله اذن فجر واني كلما يحاول وياي افلت منه...هو خطيه حاول وياي بكل الطرق الهاديه والحلوة..بس الخلل موبي بييه اني أعرف
صادق:هسس كليلي يضييميي شون يعني نبقى هيج
رنا: المشكله بيييه انييي شسوي ماادااكدر اتحمل
صادق: مادام بيييج المشكله صبرري
مسكنيي من ادييه قووي وحاول وياي ..بعد المعارك والمحاولات الفاشله
علما تمت الشغله حسيت روحي طارت حتى سبيته  وغلطت علي
كام يضحك عليه
صادق:اذا ماهيج انتي مايفيد بيج ماكدرلج شسوي
نوب فقدت عالنومه اريد أنام.. إلى ماطلع الضوه تانمنا
فتحت عيني الصبح وتذكرت الصار يلاااا شكد عيب
غطيت راسي من الإحراج
هو جان بعده يمي...بعدين كعدني
صادق:رنا رنا
رنا:ها
صادق: ماتكعدين تسبحين وياي
نوب يكلي تسبحين لوموت ماسبح وياه
رنا:هاا لا لا اريد انام
صادق:خما انزل وحدي..اني اصدقائي راسلوني بطريق
رنا:اي عادي انزل وحدك
صادق:ماشي بكيفج يروحي
بهذا الحجي اني مغطيه راسي واحجي
هو كام سبح وتحضر  ولبس.الدشداشه البيضه وتعطر واني بعدني لافه نفسي اباوع من جوة الغطه اريده بس يطلع
باوع عليه واجه يمي
صادق:اكلج
رنا:ها
صادق:وجعا بس ها ...شبيج دافنه نفسج
رنا:كتلك اريد أنام
صادق:يلا يلا نامي نامي
طلع واني كبل كمت قفلت الباب
لبست هدومي ..وطلعت هدوم جديده حتى افوت اسبح..اندك الباب
رنا:منو
صابرين:اني
فتحت الباب..طبت هي وسرى
صابرين: صباحو صباحو
سرى:شو مانزلتي
رنا:هس كمت طلعت هدوم تااسبح وانزل
صابرين:تعاي احجي شصار فضت مو
رنا: يعني شصار مثلا اي اي
سرى:جنتي حيل خايفه البارحه ...كلت ماراح اتم شغلتها هاي مبينه
رنا:بدفرات والمكافشش سحلته اول شي بعدين سحلني .اله الصبح تافضت
صابرين :اي عيني اخوي سبع ومايطلع من الغرفه اذا مايفضها
رنا:لاتخليني هس اغلط عليكم..اني لي هس متوجعه
صابرين: ماتفيدج تغلطين او لا
رنا:ههه الله يالله
صابرين: يلا روحي اسبحي وبدلي حتى اسويلكم ريوك... لان هم جاراتنا جوة جن يسلمن ...هم الفستان انطيني اياه اخلي محسن يرجعه بطريقه
انطيتها الفستان  واخذت ملابسي ونزلت وياهن
اخذت ملابسي ونزلت للحمام اسبح .. جان عطره كله بجسمي ومكياجي جان موخربان بعده بوجهي بس الحمره رايحه
سبحت وصعدت فوك سشورت شعري وعزلت الغرفه وهو طب
صادق:ياهلا بالنشيط
رنا:هه موبنشاطك
تقرب مني وكال
صادق: شكد حلو وجهج على طبيعته
رنا:تراوغني بالحجي
صادق:لا والله بس احب تفاصيل وجهج مثل ماهي حتى مساماتج احبها
جنت بس مبتسمه واباوع علي وساكته
صادق:يولي شو صايره خرسه وين لسانج
رنا:يطلع يطلع بس موهس
صادق:اممم أعرف شوكت يرجع اعرف زين
رنا:اي زين تعرف
دك على صابرين
صادق:جيبي الريوك يلا
وره شوي اجت صابرين جابت الريوك
رمت الصينه وكعدت عالتخت
صادق:شو كعدتي
صابرين:ليش مايصير
صادق:لا
صابرين:عاد لا حيل تصدكون نفسكم ..واذا عرستو
صادق:تعاي تريكي ويانا
صابرين:متريكه ... الحمد لله عدت على خير وماصار شي
حجينا بهاالموضع
رنا:اني جنت حيل خايفه البارحه
صادق:وشدعواج
رنا:مادري من جنه بالصابون واني مخليه ايدي على كلبي
نوب لمن تاخرتو واجه عدنان نصب عليه
حجيتله شسوى بيه
صادق: ايااابا شگواد
صابرين:هذا مثلي ههههه
خلصنا ريوك وفتح الباب حسن
صادق:هلا بوليدي تعال
كعده بحضنه
صادق:شبيك البارحه بس تبجي
حسن:هم حلمت وكعدت خايف
صادق:شنو شفت
حسن:ماذكر
اندك الباب
صادق: منوو
علاوي:جماعتك اجو
صادق:هس جاي
نزل جوة
صابرين:وانتي هم انزلي النسوان راح يروحون
خليت مكياج عالسريع ورفعت شعري ونزلت
سلمت عليهن وكعدت شوي وياهن
المهم ناس تروح وناس تجي
بقو جماعة صادق عالغده ونسوان اثنين هم
اني تغديت وياهن
بعد شوي علاوي صعد هواي شغلات فوك..هدايا من جماعته
وصاحني كال تعالي عزليهن
صعدت اني وصابرين
هواي شغلاات جايبين حتى  بقلاوة ومكسرات بكارتون وعطورات كله راقيه  وكارتون بي  مسواك للاسنان ومسباح مطرز شكد حلو وعطر مثل المسحه الخليجي المهم هواي شغلات ماذكر بضبط تفاصيلهم
صابرين: شوفي شوفي والله ذواقين.شو اني ماجاني هيج
العطورات هواي
رنا:اخذي اي عطر يعجبج
صابرين:لا مايصير هذول الكم
رنا: واذا عادي شوفي شكرهم اصلا صادق مايستعمل بس نوعين شنسوي بيهن
اخذت واحد من عدهن
عزلناهن بالكوة لكيتلهن مكان
أما باقي الهدايا اللي تجي من النسوان من ديباجات وغيرهم خليتهن جوة يم جده
نزلت جوة اني وصابرين كعدنا بغرفه سرى
سرى جانت متممده عالتخت
سرى:ماراحو الخطار
رنا:لا بعد
صابرين:اني اروح هس
رنا:ليش هس روحي العصر جو حار
صابرين:اخلي علاوي يوصلني هم اسبح وانام عود اجي بالليل
رنا: ماشي
راحت صابرين.واني صعدت لغرفتي
هيأت أجواء الغرفه للنوم سديت البرده وطفيت الضوه وغيرت ملابسي لان مامريحات مومال نوم.لبست تراك ربع ردن خفيف مسكت موبايلي اكلب بي
لكيت رساله من مها :(ها شونج ياعروسه 😉
رديتلها
رنا:ههه زينه وموزينه
مها:ليش ..اخبار ليله الامس
رنا:بالويل صارت اني جبانه كلش ولي هس خايفه
مها:وينه هو يمج؟
رنا:لا جوة ويه ربعه .. احسن هههه
مها:سوي نفسج نايمه من يجي 😅
رنا:واذا كعدني 🫤
مها:سوي نفسج ميته 🤭
رنا:هههههه امداج
مها:لوتسوين نفسج مريضه 🫣
رنا: وبعدين شون 🥲
مها:لعد استسلمي وانجبي 🏃
رنا:اريد تعبر هالفتره بسرعه
مها:والله هي فترة صعبه ومحرجه للبنت الله يساعدج
رنا:اي والله..ماتجين ؟؟
مها:بلي اجيج لو بالليل لو باجر
رنا:خوش
داحجي وياها وهو اجه
دزيتلها رساله
رنا: يلا اجه باي
مها:ها شوطلعتي مستعجله أكثر منه 😜
رنا:هههه وجع باي
صادق:هاا ياحلو
رنا: تمام اني.. راحوو
صادق:اي راحو ..
غير ملابسه واجه يمي
صادق:تصدكين حيل حيل حيل مشتاكلج
رنا: اني أكثر مشتاكلتك
صادق:احسج تچذبين
رنا:ههههههههههههه شون عرفت
صادق: وربج اعرفج زين من نظراتج كلشي اعرف
رنا.......
صادق:ترا اني بالليل لاشفت جسمج زين ولاتمعنت بي ولاتونست وياج.. عبالك دخلت بمهمه فضيتها وبس
رنا:اووف خليها بالليل ماريد هس
صادق:على اساس راح تشرمينها
رنا:ههههه
صادق:اعرف ليش تردين بالليل...حتى تكون الغرفه ضلمه
رنا:ايي
صادق:يلا مامشكله بالليل بالليل على راحتج
حضني ونمنا.. دايما يحضني وكت أنام
احس هيج بس اطيب ماريد غير شي...
كعدنا العصر ونزلنا جوة
عبر الوكت وبالليل هم اكو ناس تجي تسلم
كالي صديقي ومرته راح يجون
رتبت نفسي كلش زين
ونزلت جوة هم عزلت الصاله ونضفتها
وره صلاة العشه اجو
طبت المره سملت عليها  ..وياها طفل يطلع بعمر مصطفى
جده:اكعدي استريحي
انطت الهديه لجده
جده: ليش مكلفين نفسكم
المره:ياتكليف غير صادق وابو عمر ربع من زمان هاي أقل شي
كعدت وكعدت مقابيلها..
المره:انتي مرته مو
رنا:اي
المره: ماشاء الله عليج حليوة
رنا:من ذوقج
المره: وين بناته وحسن..قديم جان يجيبهم علينا..بي من زمان معد يجيبهم
جده صاحت سراب ونور
اجن سلمن عليها
وكعدن يم جده
المره: ماشاءالله كبرانات ...انتي سراب وذيج نور
جده:لاهاي نور وذيج سراب
المره:هلا صحيح تعرفين نسيت
جده:اي عادي
اجه حسن ومصطفى اخذو الولد يلعبون وياه
قدمتها عصير وبقلاوة
نور جانت بس ساكته وتصفن ومرات اشوفها تباوعلي
عبر الوكت وراحو..اني رحت للمطبخ ويه سرى
سرى:هاي مني المره
رنا:مرة صديقه
تأخر الوكت وصعدت لغرفتي..
...جنت اتمنى اعبر هاي الأيام كلها بأسرع وقت من ناحيه الخطار وهاي السوالف..حتى ارجع لوضعي الطبيعي واستقر
بساعه ١١ اجه
من شافني ابتسم...جنت احسه بهاي الفتره حييل متونس أكثر مني بهواي.. بنظراته اشوف هالشي
اجه مسكني من خصري
صادق:......خلي اروح اسبح لان عندي ريحه جكاير خاف تضوجين
رنا:اي روح اسبح
كتله هيج حتى ااخر الموضوع ولو اني ماضوج من ريحه الجگاير ابد اصلا مرات احبها
طلع تراك وراح يسبح
واني مسكتني الرجافيه
حضرت نفسي وتعطرت بس ميته خوف
كبل طفيت الضوه
ورحت تغطيت
فتح الباب
شغل الضوه
صادق: غييير امشط غيير اتصخم كبل طفيتي
رنا:اي شغله شغله
مشط شعره وخله جهازة عالشحن وارتجه عالتخت
صادق:بله هاي سالفه جان هس الكيج تنتظريني ومكيفه بسس وييين
رنا:اليسمعك صار شهر مزوجين.ترا بعدنا بأول يوم
صادق:لاثاني يوم
رنا:اي ثاني يوم.. بعدنا بالبدايه
صادق:ثقي واعتقدي اذا ابقى عليج تضلين سنه هيج
رنا:والله عاد انت وشطارتك
صادق:بطلي سوالفج.ياشطارة البارحه شكد حاولت وياج بكل الطرق هي مال سوالف وكلاوات ...
قرب وجهه عليه وحجه بصوت واطي وهادي
صادق:هس شون والله اريد اشوف جسمج اريد اشوف لهفتج وياي
رنا:ما....طفي الضو
ماقبلت اله يطفي الضوه
هالمره حتى  بچيت💔  ..بجيت لان هالمره جانت أصعب بعد وهو تعصب مني لان تعب وياي ولان اني مداكدر اتحمل واتخطى هالموضوع
عافني
صادق: والقرآن كاعد تحسسيني اني مختصبج مومرتي عبالك
رنا:........
صادق:ها هيه لاتبجيين ماسويلج شي
رنا: عساس قصرت
صادق:يابا والله لي هس ماخذت راحتي وياج
رنا: لاتاخذ راحتك عوف الموضوع ماريد بعد
صادق:ههههه الله يعيني عليج
رنا:الله يعيني اني
صادق: يلا يروحي تعاي يمي ونامي
رنا:ممنوع تسوي اي شي
صادق:قزز القررت ماسوي لاتخافين
حضني من وره وكل شوي يجفلني
رنا:ترا اتحول والله
صادق:ههه ..شوفي اني بكلشي وياج عانيت حتى بهاي
رنا:اني اللي بكلشي عانيت موانت
صادق:ديلا يلا مبين عليج .
باوعت علي بانزعاج
رنا:........
صادق:احبج يمثبوره
بعد هالمعاناة نمنا
ثاني يوم الصبح كعدنا...
هم اجو ناس وهاي واجت عمى منى وبناتها
بالليل اجت مها..
كعدت وياها بغرفتي وطلعت حبشكلات حتى نسولف وندردش
مها:حليانه عالزواج لواني متوهمه
رنا:مدري ....التزوج يفين حضها وين تحلى
مها: ههههه
حجينا بهاالموضع
رنا:البارحه حتى بجيت ماتمحلت اووف .ماعرف شسوي بس داعاني وهو ديعاني وياي أكثر
مها: يكولون بس بالبدايه بعدين تصير عاديه
رنا:اي اي..غيري الموضوع
مها:يلا بشنو نحجي
رنا:صدك ذاك اليوم دزيتلج ويه حسن كبه تمن..بس وكعها بالطريق
مها:ووويي خطيه
رنا:عاد بالليل فراس ذكرني أنو ادزلج من العشه كال لان مارهمت عاالغده
صفنت شوي من كلت هيج ورفعت حاجبها
مها :صدك تحجين.. فراس
رنا:اي والله حتى اني استغربت ...خما بينكم شي كوليلي
مها:لا ابد... اصلا من اخر مره وكت صارت المشكله اني كرهته كلش ومن اذكر الموقف حتى اكره نفسي.وحتى طلب الصداقه رفضته
رنا:ماعرف هيج اجه ابالي
مها:حتى لو يريد يصير شي اني ماقبل أبد... شفته شون طبعه وأعصاب  ماينجرع ..ونوب انتي ماخذه الجبير مالهم ابو الشريعه الله يساعدج
رنا:على كيفج عيني ترا صادق ماكو بحنيته لي يمي عوفج من المنظر الخارجي والأعصاب بس والله لي يمي يتخبل عليه..واصلا ولد عمي كلهم زينين ليش اشايفتهم
مها:شفت كم موقف واخذت نضره
رنا:ترا علاوي هو وسرى حيل متفاهمين بس مره وحده صارت بينهم مشكله وراها لا..وفراس انتي تعرفين زين شكد جان مدلل مرته بس مر بضروف غيرته..اما صادق فهو أكثر واحد جان حنين عليه ولهذا اني حيل حبيته وتعلقت بي
مها: ماشاءالله صارو ملائكه هسس سبحان الله..شفتي الويل انتي هنا
رنا:صح بأوقات صارت ضروف ومشاكل عالكل موبس وياي وجانت كلها بسبب رحاب ولاء ونور يعني موبسببهم
مها: يعني انتي ماعانيتي ويه صادق قبل ؟!اما هس بعد مانكدر نحكم بعدكم عرسان
رنا:عانيت بلي..بس اني هم جنت احجي ماسكت وهوو موبس عصبي عنده حدود لكلشي مايحب أحد يتخطاها
ولعلمج صادق لوجان موزين اطباعه حتى لو جنت احبه ماجان كدرت ارتبط بي صدكي اني ماتحمل هالشي..
مها:ماعرف إني احسهم صعبين حيييل
رنا:داحجي وياج عبالك داقنعج توافقين على فراس ههه
مها:الله يبعدني ههههه
رنا:ان شاء الله ربي يسعدج مع شخص تتستاهلينه
مها: اخبار نور بعد ماطلعت من الحبس
رنا:ماكو شي عادي الوضع هي بمكانها واني بمكاني
مها:خوش
بعد ماكملت تعليليتنا راحت مها
اني نزلت جوة بغرفه جده كعدت اكلب بالموبايل
بعد ساعه راحو الجماعه وسمعت صوته يحجي ويه فراس
اجت سراب فرشت فراش لجده وللجهال
احس نفسي اريد ابات بالغرفه...
اجت سرى كعدت يمي
سرى:ها شو هنا انتي
رنا:شوي واروح
سرى:اني احس عندي نزول
رنا: يجوز من الحركه
سرى:كلت لعلاوي باجر يوديني للدكتوره
رنا:اي أحسن روحي
جه صادق للغرفة
صادق:ها حسن شونك
حسن: زين
صادق:اي عفيه
باوع عليه وابتسملي
بعد شوي صعد فوك
اني اريد ابقى جوة..عود عساس اخذتني السوالف ويه سرى بس حتى اگضي وكت
وره نص ساعه دزلي
صادق:اشو ماجيتي
صعدت فوك..طبيت للغرفة
صادق:جان ضليتي جوة
رنا:جنت احجي ويه سرى
جان ماسك موبايله
غيرت ملابسي وكعدت عالتخت
بعدين تمددت
استغربت لان حسيته مادايرلي بال
رنا: ها شو ملتهي بالموبايل
صادق:اي
رنا........
صادق: انتظرت مبادره بسيطه من عندج بس كلشي ماكو
حسيته ضايج شوي مني
كمت تقربت منه
صادق:لاتسوين شي وانتي ماتريدينه
رنا:موماريده ....بسس
صادق:عادي يروحي عادي ...تمدد وبقى يطلب بجهازه
نمت اني بس اعرف بي ضايج شوي مني واني هم ضايجه من نفسي
ثاني يوم.جنت حاسه بذنب شوي تجاهه لان اني لي هس بارده وياه ..
اليوم كله ماتقرب مني ..بس بحدود عاديه
هالشي زعجني كلش..صح اني وكت الصحيح اتعقد من الموضوع.بس وكت حسيته صاد عني شوي
ماتقبلت هالشي ابد....
كلت اليوم أحاول ابادر اني ..لبست شغلات حلوه
وحضرت نفسي..جنت انتظره
حسيت نفسي نعست... كمت طفيت الضوه وهو اجه
رنا:ها شو تأخرت
صادق: غير انتظرهم يروحون ....لازم جنتي تنتظريني
رنا:اي
صادق:اكيد
رنا:اي والله
صادق:اهممم ..شو تعاي يمي
رنا:مااجي يمك.انت تعال يمي
كعدني بحضنه... هالمره خدرت وياه.وعرف شون يكدرلي بطريقه مختلفه ...
صادق: هاي اول مره احس بطعمج...
رنا:وشونه طعمي
صادق:رهيب
رنا:امممم
صادق:والله احبج
جانت ليله حلوة جدا واستمتعت وياه من هاليوم عبرت الحاجز اللي جنت اواجهه وياه ...حتى هو
ثاني يوم بعد ماكعدنا متأخرين رادني اسبح وياه بس ماقبلت هذا الشي الوحيد اللي لي هس استصعبه ماعرف ليش
نزلنا جوة
جده: شو كاعدين الضهر يابا شدعوة
صادق: عادي شعدنا قابل بكيفنا
اليوم كله هو طاير بيه وطلعني وياه العصر لمنتزة
احسه هيج متخبل عليه..
جنه نتمشى
صادق: تعرفين شغله
رنا:شنو
صادق:اني اول مره اعشگ❤️
رنا:هههه
صادق:اي والله..هس عندي أنتي بالدنيا كلها .اني شجاني ماخذتج من زمان شبيه وين جان عقلي
جنت بس اسمعه وابتسم على كلامه
صادق:اي والله شبيج ...حسافه راح ذاك الوكت...خليها سكته
عرفت شنو يقصد لان تزوج ولاء
رنا:الراح راح مثل مايكولون خلينا بالجاي
صادق:الجاي عباره عن انتي وبس
رجعنا للبيت المغرب..نزلت وهو راح للجامع
طبيت جوة..جانت نور وسراب بالحديقة
صاحتني سراب .ورحت يمها
سراب:ها وين جنتو
سراب:اخذنا كم فره بالمنتتزه
سراب:اي زين..
رنا:يلا المره التجي انتو روحو اني ماروح ههه
نور: مايحتاج خلي الطلعات  والونسه كلها الج
هاي اول مره ترد عليه من بعد الصار
مارديت عليها....طبيت جوة
كلت بداخلي: والله عاد تستاهل الونسه بعد كل معاناتي 💔
جانت سرى تسوي عشه..صعدت بدلت وصليت ونزلت جوة اعاون سرى بالعشه
حيل حيل جنت مرتاحه وفرحانه ..
بالليل هم حضرت تعليله بيناتنا بالغرفه وشغلت الاضاءة الخافته
بعد ماراحو ربعه واجه...
لازم يسبح اول شي ابد ماينام بدون مايسبح
لبس فانيله نص ردن سوده وبجامه التراك سوده
جان يمشط شعره واني اباوع علي.. كلشي بي حلو وينحب وشعره أكثر شي احبه ..وكفت يمه وباوعت عالمرايا
رنا:منو احلى
صادق: أنتي
رنا:لا أنت
صادق:اي غير اجاملج واكول انتي
رنا:لابله
صادق:هههههه والله بعيني ماشوف بشر احلى منج ولا اغلى منج
دايما اهييم بكلماته اليه
صارت الساعه ١٢ وربع تقريبا جنا كاعدين عالتخت نسولف وندردش وداخلين بنقاش حلو..دايما جنه نحجي ونسولف بيناتنا
سمعنا صوت جوة..يمكن صوت صابرين
هو كبل نزل
نزلت وراه
خطيه جانت صابرين بالصالة تبچي وشحالها.. وجده وعلاوي وسرى يمها
علاوي:نذذذذلل وكلببببب
صادق:شاكوو
جده:الحقييرر محسن كاتلها
صادق:ليشششش
صابرين: موخوش ادميي ابدد ساكته على كل سوالفه
صادق:ادددررري شصاااار
صابرين:شصااار يعني ماكو شي ماضربني بيي حتى ايدي مكدر احركها
صادق صار أعصاب كلشش
صادق: احجييي ليشش ضرربج
صابرين بس تبجي
زج عليها
صادق:داكلججج احجيييي
صابرين: عنده وحده يريد يزوجهاا..صار فتره بعلاقه وياها حتى مرات يخابرها كدامي ويكلي اخذها اخذها...هدددته كتله مابقى يمك وتطلكني.. اخوتي ينجازون وياك ... يكلي لاتهدديني باخوتج لاصادق ولاغيره يكف بوجهي...وضربني خلص عليييه
من كالت هيج صابرين..تخبل حتى دماراته بينت
صادق: هذااا العااار اني اله ووويين السوييج
علاوي: يم فراس
راح اخذ السويج من فراس وطلعو هو وعلاوي
جده:ياااربي ستترك ياربيي.
صابرين:خليي شيسسون بي مايلامون
جده راحت تركض على فراس
جده:لايروووحون يخصلون عالزلمه الحگهم
تأخرو ومارجعوو..حتى صابرين خافت..جانت تبجي وميته خوف
صابرين:ياربي اني شجابني لو متحمله وساكته اوووف
واني اكول ليش صابرين من راحت مارجعت ثاري امورها موتمام واحنه ماندري💔
خفت كلش لان صادق طلع حيل متعصب ونريده بس يرجع..... يتبببع