#ليته يعلم(أحببته منذ الصغر)

البارت ٥٣

رنا: مايحتاج تقفله تريد تضرب اضرب ماراح انهزم واصلا البيت فارغ ماكو احد يحجزك عني ..هاا وماالي احد لااحد راح يحاسبك ولاشي شتسوي سوووي
هو تفاجئ بالزايد من كلت هيج
صادق:رنا انتي بيج شي !
رنا:كلشي مابيه حيل مرتاحه وزينه الف الحمدالله
صادق:اني موكتلج سابقآ..لاتوازيني بيوم وتخليني امد ايدي عليج!!
رنا:عادي مد إيدك
صادق:انتي تعرفين نفسج شحجيتي .ملاحظه نفسج بياطريقه كاعد تحجين
رنا:ليش شبيه حجييي
صيح عليه
صادق:يووووولييي شووون شبيييي حجيييج
نزلت دمعتي
رنا:كله بسببكم
صادق : تراا محدد جاي حوووولج
رنا:دمرتووووني حتى صديقتي كطعت علاقتهاااا بيييا من ورااااكم. ..
صادق:وهاي الاعذار والمبرررات تخليج تتجاوزين بوكاحه بوجهي وبوجه اخوي ؟؟
رنا:اييي طبعا تخليني اجاوززز. وموبس هذا السبب .انت اكثر واحد دمرنيي وماخاف الله بيا
صادق:اني ؟؟
رنا:اي انت
كعدت بالكاع وكمت ابجي .
رنا:حييل اهتمييت لوضع اخووك النفسي بس ابد مافكرت بوضعييي وشنو ديصير وياي
كام يحوس مايعرف شيسوي
صادق:اذا اني مافكر بيج لعددد منووو يفكررر
رنا:جذذذب ماتفكر بيه ابدددد.. جان ماعاقبتني وصديت عنيي
صادق:من وراج من وره سوالفج تضربين الموبايل گدامييي
سمعت صوت جده اجت وفراس يحجي
فراس:بلااااخلاااق ولاتربيييه
طلع صادق من الغرفه
صادق:احترررررم نفسسك ولاتتجاووووز
فراس:هااا انييي احترررررم نفسي مووو
جده:ياستار ياربي شبيكمممم هسس عفتكمم مابيكمم شييي
فراس:يعنيييي تسمعنيي حجيي علنييي كدامك وهس تلومنييي اني ؟؟؟
صادق:ماأسمممحلك تغلطططط
جده: منووو سمعك حجيي
فراس:رنااا.بكل صلااافه تحجي وياي وتعيررني واني ماحاجيي وياها اصلاا...وهسس ابنججج يصف وياااهااااا
جده:على يااساسسس هيج تتماددى حضرت جنابهااا
صادق:تغلطططط تتمادددى اني اكسر راسهاا.بسس مااسسممح خلاااص أحد يتجاوززز
فراس صار كفر من حجه هيج صادق كام يضرب بنفسه عالكاع
فراس:لعددد تعيررررر اخوووووك.كددداممك وتريدنيييي ماااحجيييي خماااا انيي جااااهل يولوووووو..مرتييي كح.....ة انييي شنووووو ذنبيييي
جده:والله عييييب عليييييهاا والله
جان باب الغرفه مفتووح وكف يم الباب
صادق:وووووول اخخخخخ مننننج خليتيني بموووقف نگسسسس ليشششش.وتكولييين مااخاف الله بييييج؟؟؟؟
كمت ابجي مثل الطفل طلعت شكوو عبره بكلبيي
تصايحوو بيناتهممممم. علاوي صار بنصهممم
اجت جده عليه
جده:تفايينو بيناتهممم من وراج كيفييي هسسس
چنت بس ابجي وخايفه همم كلشش
صوتهم عالي..خفت يتضاربون ..
اجه صادق وضرب الباب كل قوته
صادق:يعنيييي ماحترمتيينييي ابددد ودستيي علييه بسس على موووود صديقتتج زعلتتتتتت خرررررب ...وهسسس يحجووون عليييج وماكدررر حتى ادااااافع عنننج
حسيته راح يضربني.خليت ايدي على راسي..
ماضربنيي بسس  بلحظتهاا لو بيده يفلشنيي تفليشش
طلع للصاله وهو وفراسس متصايحين وصوتهمم عالي حيل
احسس بعد ماتحمل ابقى هنا ابدد موقفي صار موبس ضعيف كلشش كلش منهار💔
يعني اذا واحد يسكت يطك كلبه واذا يحجي ويبرد كلبه تكبر المشكله ويصير هو الملام ويضل مخلي ايده على كلبه
موبايل جده جان عالجرارات اخذته
ودكيت على عمو ابراهيم..ماعرف ليش دكيت . بس هيج كبل دكيت علي بدون تردد
جنت احجي وابجي
عمو ابراهيم:الو
رنا:عموو عفيه تعال بسرعه
عمو:منوو شكوو ليش
رنا:اني رناا عفيه تعال اخذني من هنا
عمو:ليش شاكو
رنا:عفيه بعد ماتحمل ابقى هنااا  ..من تجي وتاخذني احجيلك
عمو ابراهيم:هس هس جايج
رنا:تعال بدون ماتكول الهم.ترا هس يرجعون عليه
عمو ابراهيم:ماشي بنتي جايج هس
سديته وشافتني جده ماسكه الموبايل
اجت سحبته مني
جده:ووووووين دكيتييي
رنا:مادكيت على أحد
اجه صادق:على منو خابرني
رنا:على عمي ابراهيم
صادق:ليششش خابرتيييي ليششش
رنا:كااافيي عاااد كااافي بعد ماتحملكممم
طلع موبايله وخابر على عمي
صادق:هلا عم.....لاتجيي ماكو شي..... داكلك مااكو شييي.....
سده
صادق:تريدييييين تخبليييينيي يعنيييي..
فراس جان يحجي بعصبية..وهم تصادمو هو وعلاوي بعدين هو وصادق
بقو متعالكين...واني بس انتظر عمو ابراهيم يجي حتى اروح وياه
ماتاخر ابد عمو ابراهيم واجه سمعت صوته هو وعدنان
ابراهيم:وين رنااا
صادق:ليشش تسأل
ابراهيم:هسس اخذه ويااااي
صادق: تااخذ منووو
جده فطوم:كله من وراها خااابرته
ابراهيم:ايي تخابرنييي لوو ماضايمينهااا ماتخابرنيي تكلي تعال اخذني
صادق:ضايمييين منووو..عمييي شكاعد تحجي انت لاتخبلنييييي
ابراهيم:خابرتنيي تبجيي وجييت اسمع صوتكم واصل مدري وييين..ترا بالقرآن اسحبهاا منكم
انجن صادق تخبل من كال هيج عمو ابراهيم
صادق:تسسسسحبب منووو..عمييي لاتخليناااا نتفااااضح بيناتنااااا
ابراهيم:خليي نتفااااضح..شوووكت ماتصيروون اووواادم ذاك الوكت احجي وياااكم
جده:علىىى كيييفك أفهم السااالفه اول شي
ابراهيم:افهمم السالفة من يمهااااا.. وحتى لو غلطانه ترا يتييمه ومالها بشررررر وينييينج رنااا..حضري هدومج يلاااا
صادق:عميييي ارجوك لاتدخل رنااااا مااتطلع من هنااااا .مووووبكيييفك
عدنان:توكل بالله صادق خلي نأخذها هسس .ماعليها شي
صادق:تاخذوووون منووو كل عقلكمممم انتووو.ترااا مرتيي هاااااي شبييييكم
ابراهيم:واذا مرتك... ترااا هممم بنت اخوووي .رنا بحياتها ماششكت منكم لومامتعدين عليهاااا والله يعلم شسويتو وياها. تااتخابر تبچي
صادق:وووول بووووويا بالقران مامديت ايدي عليهااا..
جده:ترا المشكله صارت بينهاا وبين فراااس صادق ماله دخل ..حتى تصايحوو هو وأخوه
ابراهيم:وفراس شلووووونه عااادد ..صاير مايتحااااجه على شنوووو بله..
فراس:مااتحااااجه لنفسسسي محد اله دددددخل
ابراهيم:مع الأسف عليييييكم...رناا راح اخذها يمي
صادق:ماااااتطللللع من البييييت
عدنان: ميخالف ميخالف  صادق خلي تجي ويانا هس ويصير خير
صادق:ياخييير يصير ياخيييييررر ماتطلع من هنااا والله
ابراهيم: والله مداااام خابرتني تبجي اخذهاااوغصبا عنكممم
صادق:يااااااعمممممم
ابراهيم:اذا تحترمنييي لاتحجيي شييي..ووووييينج رنااااا يلاااا امشييي
اني جنت بالغرفه واسمعهم..
ردت اخذ هدوم الي .بس متخربطه كلشش اخذت بس كتبي خليتهم بجنطه وطلعت
اول ماشافني كال
صادق:ووووووين طاااالللعه امشيييي ارجعيييي
رنا:ماارجع ارروح ويااهم مابقى يمكممم
جان اكو نفاضه عالطبله .مسكهاا وضربني بيهااا.اني صرت وره عدنان .مااجت بيه صارت بااحااييط
عدنان:يااااصااااادددق شبييييك يمعوووود
ابراهيم : امشييي اصعدي بالسيارة يلاااا
عدنان:هسس خليي تجيي ويااانا يعنيي شرااح يصيررر
اني طلعت كبل وصعدت بالسيارة..جنت ارجف كلشش
اعرف نفسي علگتها وصلتها لووص ...بس مع هيج كلبي شوي برد..اشتفيت بيهمم
بقيت بالسيارة ربع ساعه وكلبي يدك عالسريع اريد يجي عمو ابراهيم حتى اروح وياه..خايفه يرجعوني
جانت أصواتهم عاليه وكلها تحجي
اجه عمو ابراهيم وعدنان.. صعدو بالسياره وطلعوو
مشت السياره واني الرجفه بيه بعدها
جانو ساكتين بعدين حجو
عمو ابراهيم: لاحول ولا قوة الا بالله...من نصل البيت تحجيلي السالفة بالتفصيل بدون اي زياده
هزيت راسي
عدنان: بالكوة بالكوة توسلت بي
عمو ابراهيم: استغفر الله ياربي ..
وصلنا البيت ونزلت
عمو ابراهيم:فوتي بنتي فوتي جوة
طبيت جوة وياهم.
تلكتنا مرت عمو ابراهيم (فهميه)
فهميه:هلا برنا شونج
سلمت عليها
ابراهيم: رنا راح تبقى يمنا حالياً
فهميه:اي ياهلا بيها.بس.خما اكو شي
ابراهيم:مشكله بسيطه وان شاء الله تنحل
فهميه:فوتي بنتي فوتي
طبيت جوة..من المطبخ طبيت.اشتميت ريحه كيك قويه
رحت وره فهميه..فاتت لغرفه بيها قنفاات
كعدت..جنت وحدي بالغرفه ..اني قليل اجي على بيت عمي إبراهيم
عمي عنده  ٣ولد عدنان وسراج وقيصر.عدنان الجبير يطلع عمره بثلاثين مزوج (حنان )بنت عمى منتهى..وسراج مزوج ( هيفاء) مومن كرايبنا بعيده يعني..وقيصر بعده صغير يعني يطلع عمره ١٥ هيج..وعنده بنات اثنين وحده صغيره اسمها (نغم )هي اخر العنكود عمرها تقريبا  ١١ سنه بسادس ابتدائي والخ الجبيره إسمها (استبرق)مزوجه
جنت كاعده وحدي ومستحيه شوي
اجت فهميه جابت مي الي
فهميه: شكو ماكو شصاير...
رنا:مشاكل شوي بالبيت واني نفسيتي تعبت وخابرت عمي
فهميه:اي مابيها شي البيت بيتج
رنا: تسلمين
فهميه:خما انتي وصادق
رنا:والله اني وصادق اني وفراس..هوسه صايره
فهميه:ياااا شجالكم..عاد جنتو شحلاتكم.. فاطمه بنت منى تكول صادق متخبل على رنا..عبالك انعانيتوو
كلت بكلبي اي من وره عيونهن
رنا:ماعرف والله
طب عمو ابراهيم
ابراهيم :هاا رنا ان شاء الله بخير
رنا: الحمد لله
ابراهيم:شوفي البيت بيتج اخذي راحتج امانه الله
رنا:تسلم عمو ماتقصر
كعد يمي وفهميه راحت تسوي جاي
ابراهيم:تعاي احجيلي كلشي
رنا:ماشي عموو...اني نفسيتي حيل تعبانه هالفتره
نور ابد ماتحبني وتسوي مشاكل بينا...حجيتله كامل عالموقف الصار بالخطوبه...وفراس كلشش شاد ويه البيت وخصوصا وياي..كمت ابجي وكلت:يعني حتى صديقتي من وراه عافتني اهلها مرزلينها ومانعينها بعد تجي عليه.. يعني اخوها جاهل دفع مصطفى بالغلط..كلب الدنيا ويحجي كدامها على اخوها ويغلط بصوت عالي
ابراهيم: استغفر الله ياربي... وصادق شنو موقفه وياه
رنا:اصلا صادق مايكله شيي.. متعاطف ويه حالته ولازم محد يحجي شي
ابراهيم:وانتي وصادق شبينكم
رنا:احنه ماجان بينا شي..بس من صارت المشاكل هو وكف وياهم.وتعاي لاتحجيين واسكتي واني صراحه ماتحمل ابد
ابراهيم:بغض النظر عن كل هذا..بس انتي المفروض ماتحجين هيج ويه فراس.ترا صعبه يارنا صعبه الرجال يتعير بعرضه زحمه كلش
دمعت عيوني وكلت
رنا:والله ماجنت افكر خلاص اعيره بالعكس اني اصلا جنت انقهر علي وعلى ابنه...بس من الضغوطات اللي صارت وخصوصا من خابرتني صديقتي تبجي بسببه ..
حجيتله عن معاناتي وكت صادق جان صاد عني هم يعني فضفضت اله كلشي بكلبي
رنا:اني صرت اكره البيت بعد ماتحمل تعبت كلشش💔
ابراهيم: لاتبجين يابنتي كافيج..الله كريم..بس صادق اني اله..ماتروحين من هناا اذا مابرضاتج والله لو ماعرف شيسوي.
رنا:زين دوامي شون؟
ابراهيم:اني اخابر ابو الخط.يجيج من هنا ياخذج.مو هو نفسه (سجاد)
رنا:ايي
ابراهيم:اي عندي رقمه اني اخابره ...جبتي كتبج وياج
رنا:اي جبتهمم..بس ملابسي لا
ابراهيم: ميخالف سهله ..هس تلبسين من هيفاء علما اجيب هدومج
رنا:ماشي
في بيت العم سالم) الساعه ١١ مساء
صادق كاعد عالقنفات بالصالة  ويه علاوي وجده فطوم ومخلي ادينه على راسه
جده: لاتقهر روحك..هي ابيت عمهااا ماعليها شي
صادق ساكت مايرد
جده:هي استهترت شوي..
صادق:محددد مستهترررر غيرركمممم..خبصتونييي منيطها وجه ومدللهاااا
انتوووو شعليييكمم انطيهااا وووووجه ادللهاااا شنووو الغااثكمممم.. بالقرآن اللي يدخل بعددد اله انعل والدييه
علاوي:طول بالك يا خوي
ذب السويج على علاوي
صادق:روح جيب العيله
علاوي:هسس؟
صادق:اي هسس روح جيبهم
علاوي:ماشي
في بيت العم إبراهيم)
اجت فهميه شايله صينيه بيها كيك وجاي
ابراهيم: أخذي راحتج بنتي...  عود من تخلصن افرشيلها فراش خاف تريد ترتاح تتمدد..طلع عمو ابراهيم وبقيت اني وعمه فهميه
فهميه:مدي ايدج
اشتهيت الكيك...اكلت منه بس ماشربت الجاي
اجت حنان..جانت بطنها كدامها كلش جبيره لان حامل
حنان:ها رنا شونج .سلمت عليها
رنا: الحمد لله انتي شونج
حنان: الحمد لله..انتظر الفرج حتى اجيب واخلص
رنا:ان شاء الله
حنان: شصاير ابينكم ..حجتلي عمتي بس مافهمت كلش
رنا:ماكو شي مشاكل وبس
حنان:الله كريم ....عمه وين عدنان
فهميه:ماعرف يجوز بالربعه(الاستقبال)هما يكولون ربعه
كامت على حيلها بس دوبها تمشي مبينه تعبانه
فهميه:كومي رنا وياي..امشي للغرفة حتى تتمددين
رحت ويه عمى فهميه...جنا نمشي بالممر طلعت هيفاء مرت سراج من غرفتها  سلمت عليها.جانت  لابسه روب نوم ومخليه عطر قوي كلشش ورگبتها كله اثر ازرك مطگع من يمي استحيت...هي حلوة بس نعوميه كلشش
هما اكيد صار عدهم علم اني ليش اجيت
بيت العم سالم)
طبن البنات للبيت
نور:جده شكوو ليش بابا خله علاوي يرجعنا.. سألت علاوي مارد
جده:صارت مشكله جبيره..وعمج ابراهيم اخذ رنا
نور:صددك
سراب:ليش شنو صار
جده:والله مابيه حيل احجي..ضغطي مرتفع
نور:يعني تعاركت هي وبابا
جده:اييي
سراب:يبووو
جانت فرحانه كلش نور
في بيت العم إبراهيم)
رجعت للغرفة وكعدت بالفراش .بس اني والبنت النايمه بالغرفه
كمت افكر باللي صار اليوم كله..مقهوره بداخلي حيل
اجت فهميه
فهميه:اطفي الضو
رنا:اي طفي
صح باجر عندي دوام.بس شي اكيد ماراح اداوم
بعد تفكير هواي نمت...
كعدت بنص الليل محصوره
بالبداية اخذت صفنه بعدين تذكرت اني وين وليش وشجابني هنا.كلبي انعصر كلشش..كمت طلعت.باب الغرفه صاير بممر
رحت للمغاسل ورجعت لمكاني..صار عندي ارق علما رجعت نمت
كعدت الصبح على صوت عمي ابراهيم وفهميه
كمت تعدلت جنت بفراشي.. فتحت الباب فهميه :كومي رنا كومي تريكي
كمت لفيت الشال وطلعت غسلت ورجعت من باب المطبخ..جان صوت جدر ضغط..باوعت عالسنك ممباراة
وصلت الممر
فهميه:تعالي هنا رنا
رحت وياها..جانو كلهم كاعدين يتريگون
عمو ابراهيم:تعالي اكعدي هنا تريكي
عدنان:ياهلا البنت العم
كعدت يم عمو ابراهيم... بسس جنت مستحييه كلشش وخجلانه.....يتبببع