#ليته يعلم(أحببته منذ الصغر)

البارت٢٥

البارت ه٢
#ليته يعلم (أحببته منذ الصغر)
صادق:يمكن هذا جان اكبر اختبار مريت بي بحياتي..حتى ولاء صرت ماكدر.....سكت ودار وجهه بصفحه ماكدر يكمل بعض الجمل
احس كلماته هزتني هزززز
سكت شويه بعدين كال
صادق:انتي دايما تكولين تعبت وتعبت واعرف بيج تعبتي بس  ماتصور الوضع جان عليج  صعب مثل ماعليه اني جان الامر عندي مستعصي..انتي شمايكون  بتالي الليل جنتي تروحين لغرفتج بوحدج.... سواء بجيتي أو انقهرتي هاي هيه انتي بوحدج تكدرين تريحين نفسج. ماعندج شخص وياج واله حق شرعي عليج  ولازم تجاملينه وغيرها وغيرها
والمشكله اذا واحد راد يهمل الشخص الوياه او يتغاضى عن حقوقه يكع علي إثم وذنب وممكن تصير وراها تبعات موزينه.ممكن هالشخص يروح يسوي غير دروب وكلها اني مسؤول عنها. غرفتي الي جنت اكثر مكان ارتاح بي صارت اكثر مكان انهزم منه.يعني صدكي لولا مخافت الله والشرع والحقوق جان مابقيت بهاي الحاله جان اتخذت قرارات هواي..  اني جنت عايش بصراع داخلي بس الله يعلم بي ..
تأثرت كلش بحجيه وكلت بداخلي (معقوله هو هم جان ديعاني كل هاي المعاناة واني افكر بس اني داعاني)
رنا:وليش ماحجيت ابد ولاكلت اي شي بخصوص هالموضوع حتى ماحسستني بهالشي.جنت زين كلش وياي بس ماتوقعت كل هاي بيك
صادق:هين صلب الموضوع..انتي بموافق هواي فضحتج مشاعرج بس هالشي موكلش يأثر عليج لان شمايكون انتي بعدج صغيره ومامرتبطه بأحد.انما اني موصغير أو مراهق  واني مرتبط اذا اخلي مشاعري تتحكم بيه راح تصير هواي مشاكل بينج وبين ولاء ورحاب ونور حتى ممكن تتاذين هواي.فاني جنت حاسب حساب لكلشي. دافن كلشي بداخلي وضاهر غير شي
فهمت كلشي بذاك اليوم فهمت مشاعره وتفكيره وشنو يدور براسه اتضحتلي الصوره بالكامل
رنا:يعني انت هم جنت دتعاني بسبب مشاعرك
صادق:والله يارنا اني ماجان عندي مشاعر عاديه تجاهج لوعاديه جان عبرتهن بس اني جان عندي بركاااان...
تأثرت كلش بهاي الجمل الأخيرة
صادق:كلت يجوز اذا رحتي هيج احسن النا اثنينا بس احس بزايد صعبت
رنا:اني ماضلي وجه من أهلك بسبب هاي السالفة
صادق:تدرين اني لو بس طاخه عندي بساعتها  ماجان سئلت ولاء ع العطر ابدد.من شفته ماكو رحت سىئلتها مباشره وره شويه لحظات يعني طخت عندي من شفتج فتي للغرفه بالليل عرفت هو يمج.....

شكد عانيت وشكد بجيت وشكد تاثرت سابقا بهالحب الي جنت اعتقد انو من طرف واحد..من سمعت كلامه حسيت كلبي انتصررر..
فرحتي الداخليه لوشماحجي ماتنوصف واني اسمعو دكات كلبي ارتفعت أكثر وأكثر حتى لو هو تزوج وماصارت قسمه بينا بس كلبي برد.. وبنفس الوكت اكو خجل كمت اعصر بأديه اثنينهم .واحنه نحجي اذن الفجر
صادق:الله كريم نشوف شون ترهم الأمور يلا نكوم نصلي ونام
حسيته يريد ينهي هالحوار يمكن لأن كلش تاثر وتعب .مع العلم اني عن نفسي ابد ماردته ينتهي💔
خلصنا صلاة وكال
صادق: جيبيلي فراش اريد انام مانايم ابد ترا.. والصوبه تخلينها لو تطفينها
رنا:هس اطفيها.طلعته بره وطفيته
فرشتله فراش واني تمددت بمكاني بس تتوقعون اكدر انام بعد هالحجي اغفى اي بس أنام لا
واني بفراشي اباوع علي .جان يتكلب بالبدايه بعدين باوع عليه
صادق:شو مونايمه
رنا:هس انام
بعد شويه هو نام واني بقيت افكررر تقريبا طلع الضوة تايالله غفيت
كعدت الساعه ٧ باوعت لكيته متمدد بمكانه بس كاعد
تذكرت كل كلامه ..الله فد شعور طيبه وحلو اول مره اعيش هيج شعور ماينوصف
وخرت غطايه تااكوم
صادق:ها كعدتي
رنا:اي
صادق: ان شاء الله شوي واروح اجيب علي بس انتظر الولد يخابرني حتى نروح
رنا:اي زين..كتله انو انت جيت هنا لان موبايلي خلصان شحنه
صادق:اي يدري من طلعت كتله
رنا:خوش
صادق:سوي ريوك وعزلي المسواك
رنا: تمام
رحت للمطبخ واحس نفسي فول نشاط اليوم
اكو فد تغيير هواي بوضعي يعني من هاليوم واحس كأنما انتقلت لمرحله اخرى بحياتي
سويت جاي وطلعت ريوك من المسواك الجايبه.طلعت قشطه ومربى وجبن وصمون
حضرت الصينيه اول ماطبيت الغرفه اجت الكهرب
رنا: الحمد لله.خلي اشحن موبايلي
رميت الصينيه وخليت الجهاز ع الشحن.وشغلت الصوبه الكهربائية
كعدنا نتريك
رنا:صار ٣ايام مومداومه خما يغيبوني
صادق:لا هذا حظر ع الكل ماكو دوام اصلا ..وشون دوامج عاد
رنا: زين والله عادي يعني
دك موبايلو
صادق:هلا عزيز.....اي هناك هو....يلا تعال انتظرك
رنا:تروح تجيب علي ؟
صادق: اي رايح هس
كام وحتى ماكمل ريوكه
صادق:سدي الباب زين وراي واي شي يصير خابريني
رنا:ماشي
طلع وطلعت وراه سديت الباب وفتت جوة عزلت المسواك
وره ساعتين اجه علي
طب علاوي للبيت
علي:هلا رنوش
رنا:هلا واخيرا جيت
علي: الحمد لله وصلت
باوعت صادق ماكو
رنا: اجيت ويه صادق مو
علي:اي والله هو جابني جيت وياه وراح هس
رنا:هااا راح
علي:اي ع مود الولد يوصله بطريقه .والله خلف الله علي ماقصر اجه بنص الليل ويه الجيش ع مودنا وهس هم اجه أخذني وراح.
رنا:اي صحيح وجاب مسواك هم
علي:ونعم منه
بيت العم سالم) الساعه ١١ الأربع صباحا
طب صادق للبيت
جده:ها وليدي رجعت بشرر شسويت
صادق:هلا يوم الحمدلله وصلت بيتهم واخذت بطريقي مسواك الهم وديت اخوها للبيت
جده فطوم:اي عفيه عليك..
اجت ولاء متنرفزة
ولاء:هااا رحت بنص الليل بس حتى تشوف الخانم زينه لولا ؟!! بتت هناااك وهي وحددها موجوده موووو
صادق: رحت وديت كم شغله الهم لان حظر ومايكدرون يطلعون ورجعت اخوها للبيت
ولاء: ماشاءالله اكلك ترى انتت مووجييل بيهممم عدها اخ هو ينجاز بيهااا
صادق:اخوها جان بيت خاله وهي وحدها...
ولاء:واذاا وحدها قابل راححح تموووت كطيييعه عادد راحت وماخلصنا منها
صادق:يوم انتي احجي وياها ترى مالي خلك والله
جده فطوم: ولاء قابل ماتعرفين الوضع من البارحه حجينا وسولفنا
ولا:ايييه اييي مالك خلك تحجي وياي بس الك خلك تروح بنص الليل لبنت عمممك
صادق:يووولي خمااااا رحت  اناااااااام وياااااااها استغفرررررالله لاتطلعيني من طوري وتخليني اسولف سوالف...
جده:اكلج عاد روحي من هين واكطعي الشرر.البنت بعدت وماخلصت من كرهجن
(رحاب ووولاء في غرفه واحده )
ولاء:اوووف اووف اريد اروح اموتهااا كووون
رحاب:والله شوفي هاي روحه زلمتج تالي الليل عليها موخاليه.منووو كال بيتهم فارغ ومعرف شنو يجوز هي  كالتله هيج  تعمدا حتى ينقهر عليها ويروح يمهااا
ولاء:اتوووقع لعد اني ليش دمي محروك...سوالفها اعرفهم
رحاب:ونوب زلمتج يصدك بيها ...
وولاء: رااحت بعيد وماخلصت منهااا  والحللل شنوووو
رحاب: صبري خلي افكر بشيي كون بعد مانخليها تكدر تتواصل وياه ابددد
ولاء:شنووو كوولي
رحاب:اخوها
ولاء:شبي اخوها
في بيتنا المستأجر) الساعه ٤ عصرا
انفتح الحظر واخيرررا
فرحت من نفتح الحظر وصارت هوسه بالشوارع اصوات الناس والأطفال يلعبون الكل فرحانه لان جانو محبوسين بالبيوت
ردت اطلع اتمشى بالشارع اني وعلي صار عندي واهس من سمعت صوت الناس برا..واصلا هذا اليوم جان مميز ومختلف عندي تماما عن كل الايام ❤️
رنا:علاوي ...كوم نطلع نتمشى شوي
علي:يلا امشيي
طلعت اني وياه نتمشى والدنيا نهايه عصر والجو حلو بي برد بس طيبه جنت لابسه قمصله جلد.بقينا نفتر بالافرع
رنا:صدك من جنت أبيت خالي رمشتلي حبيبتك
علي:ايي كالتلي .من عرفت ضليت وحدج رادت تطمن وتسلم عليج
رنا: شلونها عاد حلوة؟
علي:ههه احلى وحده بالعالم
رنا:ههههههاي سبحان الله ينصرك طبعا
علي:اي والله بنضري
رنا: شكد تحبها
علي: والله حيل احبها
رنا:مفكر ان شاء الله تخطبها
علي:اي طبعاً بس موهس اله وضعي المادي يترتب ويستقر
رنا:ان شاء الله
صارت الدنيا مغرب وبرد الجو اكثر..رجعنا للبيت
سويت عشه وكالعادة روتين يومي .بس كل شوي يجي صادق على بالي واحس نفسي مشتاكه ارجع احجي وياه عبالك بعدني متعطشه لسوالفه
بس مافكرت ابد أتصل أو شي لاااا
بالليل دك عليه.من شفت رقمه يتصل هم تلخبطت
رنا:هلا صادق
صادق:هلا بيج...هااااشونكم
رنا:زينين الحمد لله..اليوم مارجعت للبيت كبل رحت مو
صادق:اي والله رجعت .... علاوي شونه
رنا:زين زين العصر من نفتح الحظر طلعنا نتمشى بالشارع وندردش
صادق:اي زين بس لايطلع بالليل ويتاخر ويعوفج وحدج
رنا: لا والله ما يطلع خطيه يضل بالبيت
صادق:خوش..يلا لعد اخذي راحتج
رنا: لازم مشغول
صادق:اي والله يمي جماعه بس كلت اخابرج وشوف وضعكم
رنا:ماشي تمام..هلا
سديته من يمه واحس بعدني اريد نوب ونوب احجي وياه.بعدين رجعت افكر بعقل كلت هو ترا بس اعترف انو هو هم جان يحبني ومتعذب بهاي الفترات.بس هو مصيره ولاء هاي هيه هو لاانطاني وعد لشي ولا حتى كال انو راح يسوي شي.زين اني على شنو هاالكد متلهفه اريد احجي وياه ومعرف شنووو...من فكرت هيج احس نفسي رجعت لدائره مغلقه ومكروها حيل..حتى ضجت هواي..كلت راح احاول انسىاه  .بعدين كلت معقوله بعد ماعرفت بمشاعره وفرحت هواي ارجع انسى هس شينسيني.
احس تلخبط تفكيري كلشش.
ثاني يوم رحت للدوام..صار عندي صديقات جنت التهي بالسوالف وياهن ونروح الكافتيريا نتوونس.. رجعت للبيت تلكاني علاوي
علي:ابشررج لكيت شغل اني وعماد
رنا:صددددك عفيه الحمد لله...من هس اكلك نشترك راوتر لان دينزلون محاضرات هواي بالكروب واني ماعندي نت
علي: ان شاء الله ان شاء الله
رنا:زين من ساعه شكد لشكد.شغلك
علي:من ساعه ٧ الصبح إلى ٤ العصر
رنا:هااا هم هواي
علي:شسوي لعد خما اضل كاعد والفلوس تخلص
رنا:اي صحيح
فرحت من علاوي لكه شغل لان كلش محتاجين هالشغل
ثاني يوم اني رحت لدوامي وهو هم راح لدوامه
صادفت بيوم اجه عليه وكالي
علي:اكلج رنا انتي بينج وبين صادق شي
انصدمت من كالي هيج بدون مقدمات
رنا:شنوو هااا لا قابل شنو بينا...ليش هيج تحجي احد كالك شي
علي:والله اكو شخص وصلي هيج سالفه ماحجه بوضوح بس عرفت هيج يقصد
رنا:منو هووو وانت صدكته
علي:لو مصدك ماجان جيت وسئلتج ..اني اعرف هالشخص شنو ويريد شنو وغايته شنو
رنا:اني ماعندي اي شي وياه هو متزوج وبطريقه واني بطريقي
هززز راسه وراح
كلت ماكو غير الحيايه وصلن اله شي حتى يحرضن اخويه عليه.بس هنا مايعرفن اخوي مايتحرض علي ابد ❤️
بقيت احوس ياترى مني بيهم نور لو ولاء لو رحاب
ردت اكل لصادق بس ترددت...كلت هس يروح يحاسبهن ويسوي مشكله ويجوز بعدين يخابرن اخوي ويكلبنها عليه
كلابات احذيه هنا
مرر الوكت تقريبا عبر أسبوع.صادق وفراس جانو يخابرون علينه يسلمون ويسألون يعني مابطلو سؤال
بيوم هم اجت جده وصابرين وعلاوي وسرى يسملون وجايبين وياهم فرش جديده
من شفت جدة وصابرين  حسيت بشعور حنين قوي صابني
حنين للبيت لفراشي لسوالف جده وصابرين اشم بيهم  ريحه هلي 💔
دمعت عيوني من شفتها حضنتها كلش قوي
جده فطوم: يولي والله مايمر يوم اذا ماتجين على بالي وابجي عليج
صابرين:اي والله تضل تخابرني مقهورة علييج
رنا: الحمد لله على كل حال
رحت للمطبخ اسويلهم جاي لحكتني صابرين
صابرين:اخبارج هنا
رنا: على الله
صابرين:من سمعت باخر سالفه من طلعتي من البيت حيل ضجت عليج
خجلت شوي لان السالفة تخجل
صابرين:والله يارنا واني اول مره اكلج هالحجي وانتي مامحلفتني..شكد ردت صادق ياخذج تعرفين ليش مولسواد عيونج لا والله..بس انتي منا وبينا وتربيتي عدنا واني اعرف طبعج زين ماعندج نحاسه ولاخباثه احسن من الغريبه بس ماجنت استرجي اكول لصادق هو جان ماينطي مجال أحد يفتح هيج مواضيع وياه
رجعت صابرين تفتحلي الجروح واني يالله انسى 💔
سكتت مارديت
صبيت جاي الهم ووديته وكعدت وياهم
سرى:شونج رنا شون وضعج
رنا: الحمد لله زينه انتو شونكم
علاوي:والله بخير اذا انتو بخير
دك صادق على علاوي
علاوي:هلا خويه.....ماشي جايين
يلا نروح صادق يم الباب اجه يأخذنا
استغربت ليش عود مافات جوة.يعني هو جابهم ومافات وهس راح يرجعهم وهم مافات
حيل تعجبت طلعو وطلعت وياهم للمطبخ لان الباب الخارجي من المبطخ
اجت صابرين عليه  شايله الموبايل وكالت صادق يريد يحجي وياج
اخذت الموبايل وخليته على اذني
رنا:الو
صادق:شونج
رنا: الحمد لله..
صادق:اكلج دزيتلج مصرف ويه  ابن صابرين هس يجيج
رنا:وانت ليش مانزلت
سكت بالبدايه
صادق:ماكدر انزل
رنا:ليش
صادق:لان مشتاكلج .....وماريد اشوفج ابد واني مشتاكلج
كلماته دايما تضرب بكلبي اله تطلعه من مكانه
غوركت عيني ومعرفت شرد
اجت صابرين:يلا رنا احنه رايحين
رنا:ماشي كل الهلا الله وياكم
انطتني الفلوس واخذت الموبايل
راحو واني بقيت اباوع عليهم والحنين للاشخاص الزينين والي تعودت عليهم ماينتهي
اوووف.....
ثاني يوم راح علاوي لشغله واني جان عندي عطله
جنت اشتغل بس كلبي مخنوك حيل ماعرف السبب
رحت للموبايل باوعت مكالمه فائته من علاوي قبل نص ساعه
دكيت علي مغلق
تعجبت شوي بس ماهتميت
وره شوي دك عليه فراس
رديت
فراس:شونج رنا
رنا:زينه انت شونك
فراس: اكلج علاوي اخوج وينه
رنا:راح للشغل
فراس:ماشي ماشي
كاال هيج وساده بس صوته ماعجبني
جنت اسوي الغده.بس كلبي عاصرني
واني اطبخ سمعت صوت الموبايل يدك رحت تاارد بس مالحكت
باوعت علاوي اخو صادق متصل عليه
رجعت دكيت علي مارد
كلت شكو شو يكون اليوم شسالفه
رحت للطارمه لان اختنكت شوي
سمعت صوت حركه قويه وصوت شباب وزلم خفت شوي
فتحت الباب طلعت بره
المنظر جان رهيييب ولايروح من بالي ابددد
اباوع اكو سياره مدعومه وماطور بالكاع ورجاال  وعماد ابن خالتي يمهم متلخبط وفراس  وصادق وعلاوي واكفين فراس ومخلي اديه على رأسه  ويكول:يلاااااا بسرررررعه
تقربت شوي شفت
وولد بالكاع وددددم هوايه  بس وجهه مايبين صاير جوة السياره بس رجليه وجسمه يبين مشيت شوي بعد
هالولد لابس قمصله موغريبه عليه ولاطوله غريب💔
صادق كاعد يم الشاب الي بالأرض  من شافني عيط على علاوي بصوت عالي
صادق:علااااااوووووي اخذ رناااااا من هييييين بسسسررررررعه
اجه علاوي سحبنيييي بصفحه حتى ماشوف المنظر......يتتتبع
بطله القصه جانت تبجي وهي تحجيلي الحدث......يتتتتبع