#ليته يعلم(أحببته منذ الصغر)

تكمله بارت ٨٠

تكمله بارت ٨٠
تخبلت من حجه هيج
رنا:شنووو شنووو...... تأخذ الطفل موووو.. كلشييي ماتاخذ هذاا اللي اني وبسسسس
صادق:......
رنا:تهددني زاااد من هسسس لوو تموتووون كلكم محد ياخذه منييي
صادق.لعد اسكتييي ولاتجيبيين طاري طلاگ ..
رنا:.......
بقيت متعصبه كلش وبمدي اطك
رنا: اريدددد اروووووح من هنااااا
سحبني لغرفه علاوي وسد الباب
مسكني من اديه
صادق:معددد تصبرررين شجاااج
رنا:ماضل صبرر
صادق:انييي هممم ماضل عنديي صبررر...ارحمينيي عاااد لاتصيرين  انتي هم عليه
بجيت
رنا:تعبت تعبت ماضل عندي طاقه كرهت كلشي
صادق: اوووف..ترا اني اكثر منج تعبان والله.. من الفجر خابرت المقاول كتله اريد بأسرع وكت تكمل
رنا:هس اني اريد اروح
صادق:امشي هس اوصلج .. وبالليل ارجعج
رنا:........ماشي ماشي
طلعت وياه تااخذ الجنطه ماخلاني
صادق:مايحتاج..
اخذت الحنطه الصغيره بس وطلعت
سرى:اخذي موبايلج
انطاتني  الموبايل..باوعت يشتغل مابي شي بس شاشته مشروگه بصفحه
بالطريق جنا ساكتين ..بس الموضوع بعده أبالي
اندار عليه ومسك ايدي
صادق: احبج يضيمي والله احبج
رنا:.........
صادق:شون وجه عابسس شيضحكه بعدد
رنا: مقهورة منك كلش
صادق:.....لان عاتبتج بالبدايه
رنا:اي لمتني وصدكتها...تعرفني زين ماعندي هيج سوالف
صادق:اني صح بالبدايه لمن شفت الموبايل بيدج صدكت بلحظتها...بس وراها لا والله..ترا من حلفتي اني صدكتج والله بس بقيت منهار انو بنتي هيج دتسوي
يارنا حرت والله العظيم حرت بيها..
رنا...........
صادق:ليش تحسبين قصرت اني...وربج جان ماتت بايدي..
مرات احسكم ماتحسون بيه كلمن يفكر بروحه وبس.
باوعت علي
صادق:حتى انتي عندج سوالف ماحلوة ابد
بقيت ساكته..لحد ماوصلنا بيت عمي
صادق:يلا يروحي انزلي...واني اروح انام صارلي ٣ ايام مانايم... وبالليل اجي اخذج
نزلت وطبيت جوة
جان عدنان وحنان واكفين بالطارمه
عدنان:هلا برنا هلا
رنا:شونكم
سلمت على حنان
عدنان:وين صادق
رنا:راح
عدنان:ليش
رنا:عنده شغل يمكن
حنان:فوتي رنا
طبيت جوة وسلمت على عمه فهميه وهيفاء وعمي ابراهيم
فرحو من شافوني اجيت
واني هم شوي تغيرت نفسيتي لمن رحت يمهم
جنت كاعده بالهول وياهم
عمه فهميه دارت الصوبه عليه
لان جو بارد
فهيمه:اي أخباركم اخبار حملج شونه
رنا:زين زين
هيفاء:شلون نساتج..هم تتنسين على شي
رنا: حالياً زينه بس احب الحاد والبهارات كلش ههه
حنان:حتى يجي أعصاب نار...هو ولد خالي شلونهم عاد ونوب يجي هيج
رنا:خلي يصير عصبي.ماريده بارد.هو الزين
هيفاء:ههههه
فهميه:هههه جان عندي عدنان هيج بس من كبر لا صار زين
حنان:والله لي هس عنده طگات
هيفاء:ها وها وها...اصيحه
حنان:هههه استري عليه
رنا: ميلاد وينها
حنان:نايمه.. جانت كاعده من الصبح كبل شوي نامت
فهميه:لعد اليوم نسوي الغده برياني لخاطر رنا
رنا:لاعادي بكيفكم
هيفاء:هس نسوي برياني تدلل
في بيت العم سالم)
رجع صادق للبيت .طب للصاله جانت جده وصابرين وسرى كاعدات
باوع على جده
صادق:كله صوجج انتي.خبصتيني ارجع وارجع.هاي تالييتهااا .هالكد رايده ابنج جان عفتيني مرتاح عالاقل اروح هناك افضي راسي من وجع راس هالبيت وضيمه..
جده:لان ردتك موجود بيناتنا هيج تحجي وياي
صادق:اذا اكون بيناتكم مارتاح ابددد..يووم افتهمي شغله اني موصغير..تعبت احل مشاكل فلان وعلان واعرف زين كلها راسها يابس ومحد يسمع الكلام لو اذبحه فعالاقل خلوني براحتي وعندي مكان ارتاح بي.. ماريد احد يضغط علي ابد..
كلهن ساكتات
صادق: وين سراب
سرى:بغرفتي
راح عليها
صادق:بنتي روحي درسي اخوج وراقبي دراسته
سراب: ماشي
صعد فوك وقفل الباب حتى ينام ويرتاح
في بيت العم إبراهيم)
رحت اني وهيفاء للمطبخ ..جنت اعاونها بالغده
صار الجو غييم..جنت اباوع عالجو من الشباك حلو احسه وحزين هم ..سراج واكف يم الباب
كامت تمطر
اجت عمه فهميه
فهميه: سراج بس غطي الماطور
سراج:هسس
سراج طبب السياره جوة بالكراج
وفات للربعه..
جنت اكلي الدجاج والبطاطا .ريحتهم حيل طيبه
اذن ضهر..ورحت صليت
بعدين كملنا الغده وصبيناه
اني وعمه فهميه وهيفاء وحنان بوحدنا باالهول وهما بالربعه
هيفاء خلت البهارات يمي..حتى اكل براحتي
جان كلش طيب البرياني..ماينشبع منه كلما اريد اكوم ارجع اكل
بالكوة كمت... حتى حسيت بطني كبرت
غسلت ورجعت كعدت يم.الصوبه
اشتميت ريحه جاي طيبه..
جابت الصينيه حنان اخذت منها استكانه
اجه عدنان وقيصر وعمي ابراهيم..جنه كلنا كاعدين بالصالة
باوعت عليهم ملتمين واحسهم مرتاحين
تمنيت هالشي موجود ابيت عمي سالم
قبل جنا هيج قبل لايزوج صادق ولاء..لمن جده جانت زينه وياي ومثل أمي..وجان الوضع هدوء..
المشاكل الصارت ابيت عمامي كلها من وره نسوان
رحاب وولاء ونور...اما ولد عمي من صادق واخوته..جانو حيل زينين وبالعكس من تصير كعده وهاي..يشاقون ويضحكون نفسياتهم طيبه.. بس بسبب الظروف المرو بيها
حتى ماضل واهسهم مثل قبل
سمعنا صوت ميلاد تبجي
حنان: اها كعدت
راحت حنان للغرفة ورحت وياها..جانت تبجي ومزعوجه
ووجها وارم من النوم
من شافت أمها كامت تضحك
ردت اشيلها بس كلت لا بعدني بدايه حملي مومال اشيل
كمت اللاعب وابوس بيها وهي تضحك
رنا:يعمررري..ببببع.ببببع
تضحك وتناغي
احس زاد الحنين عندي اكثر للطفل.
رنا:اكلج
حنان:كولي
رنا:اريد اجيب هس شون
حنان:هههههههه..من تسهرين ليالي وتكعدين بعز نومتج اشوف شون تكولين اريد اجيب
رنا:عادي
حنان:انشوف شون عادي..انتي نفس وكت عرسج..لاصادق حباب .وراها كمتي تبجين
رنا:ههه لاتذكريني
حنان:اذكرج ونص
طبت هيفاء للغرفة
هيفاء:ها كعدت
حنان:اي
هيفاء:صدك رنا موبايلج يدك
طلعت ورحت اخذت الموبايل من جنطتي
وطبيت للغرفه .. باوعت اتصال عالخط من مها
دكيت عليها
مها:هلا رناا شونج
رناا: الحمد لله انتي شونج
مها:......
رنا:شبيج
كامت تبجي
رنا:شاكوو
مها:جاييني خطابه وأبوي يريد ينطيني
رنا:.......وانتي ليش تبجين.اذا خوش ناس وافقي
مها:.......
كامت تبجي بزايد
رنا:هاي شكو يمعوده شبيج تنوحين.....بس لاتكوليلي احب فراس وماعرف شنو اموتج ترا
مها:ايي اييييي
رنا:يبوووووي...
مها:مامستعده خلاص لاي خطبه حالياً
رنا: لعد ارفضي وخلاص
مها:كاعد يقنعني يكلي خوش ولد وماعرف شنو
رنا:اووف اووووف نوب ضيمج فوك ضيمي
مها:وانتي شبيج قابل...مو اخذتي اللي تحبي وحامل هم شتريدين بعد هااا
رنا: بعدين احجيليج
مها:ياستار بعد شاكوو...
حجيتلها الصار عالسريع
مها:صوج رجلج من رجعج للبيت
رنا:ماراد هو والله بس جده يوميه تتخربط ..هس اني بيت عمي إبراهيم بعدين نكمل
مها: ماشي
سديته وتمددت حسيت نفسي نعست لان البارحه جان يوم كارثي ومانمت.
فنمت كبل...
كعدت ويه اذان المغرب على صوت المطر
طلعت من الغرفه
حنان:ها كعدتي
هيفاء:رحتي تحجين بالموبايل واختفيتي جيت لكيتج نايمه
رنا:اي والله بارحه مانمت زين.عاد هس عوضت
في بيت العم سالم)
سرى وسراب بالمطبخ
سراب تباوع من الشباك للطارمه شافت حسن ومصطفى يلعبون جوة المطر
سراب:حسسسن مصطططفي طبووو جوووة بارررده ومطرر
اجه فراس صيح عليهم وطبو جوة
جده:ليش منگعييين تعالو يم الصوبه تعالو
سرى:اكلج العشه راح يصير..ابوج بعده نايم..ماتروحين تگعدينه
سراب:هس اروح اشوفه
صعدت فوك سراب
دكت الباب اكثر من مره حتى كعد وفتح الباب
سراب:بابا تعال تعشه
صادق:.....هي جاي بس اصلي حتى الصلاة فاتتني
صبن العشه جوة..بعد ماالتمو كلهم.نزل صادق
جان ماله خلك كلش ونفسيته تعبانه ولااله نفس ياكل
جده:شبيك وليدي شو ماتاكل
صادق:راسي مشوش عليه
فراس:خاف ضغطك صاعد
صادق:يجوز
جده:كومي سراب جيبي جهاز الضغط
جابت الجهاز وعلاوي قاسله الضغط
علاوي:والله ياخوي ضغطك صاعد
صادق:شكد
علاوي:١٦ ونص
جده:يااايمه صاعد كلش...جيبي علاكه العلاج خلي انطي حبايه
صادق:لاتخبصيني مابيه شي بس راسي مشوش
انطته حبه ضغط
جده:هس اسويلك نومي
صادق: مايحتاج ...اريد ارجع انام لحد يكعدني...علاوي عود انت جيب رنا ..هاك لسويج
علاوي:ماشي
في بيت العم إبراهيم)
بعد ماتعشينا...التمينا كلنا بغرفه نغم واجت استبرق بنت عمي ابراهيم المزوجه
جنه كلنا ملتمات يم الصوبه .. وهيفاء جانت مسويه نسكافي وكيك ..
حنان:اي رنا سولفينا لمن رحتو كعدتو بالشقه شون جان وضعكم
رنا: والله جان حيل زين مرتاحين
استبرق:لعد ليش رجعتو
رنا:جدة تمرضت من طلع صادق يوميه تخابره حتى يرجع
حنان:عمه فطوم ماتستغني عن صادق...لان هو الجبير وبقى يمهم هواي بعد ماتوفت زوجته فما تكدر بدونه
هيفاء:بس هو أول وتالي راح يطلع
حنان:اي صحيح
اندك الباب
هيفاء:منوو
سراج:اني
طلعت هيفاء ورجعت بعد شوي
هيفاء:اوووف منهم
حنان:شبيج
هيفاء:اكو واحد يدور سوالف تعبانه بهالبرد
استبرق:هههههه
حنان:هو البرد مال سوالف تعبانه هههه
هيفاء:اي وبعدين تعال اسبح وماعرف شنو
حنان:اي والله
بقينا كاعدين وسالفه جرت سالفه
دك موبايلي باوعت علاوي
رنا:هلا
علاوي:رنا اني بطريق راح اجي اخذج
استغربت شوي لان هو اجه موصادق
رنا:ماشي انتظرك
هيفاء:ها تاتروحين..عاد ترانا متونسين
رنا:اي والله المعدة طيبه وتونست وياجن
كمت لفيت الشال وخليت الموبايل بالجنطه
بعد ربع ساعة دك هورن.وطلعت
صعدت بالسيارة
رنا:شعجب مااجه صادق بنفسه
علاوي:شوي متخربط .. كال اني اجيبج
رنا:ليش شبي
علاوي: ضغطه صاعد والله
رنا.....صدك
علاوي:اي والله
طلعت الموبايل تاادك علي
علاوي:لاتدكين..نايم...كال لحد يكعدني
ضجت كلش وانقهرت علي...ردت بس اصل البيت
علاوي:....رنا اني مايعجبي ادخل..بس ترا صادق وضعه هم صعب هالله هالله بي..هو زين وماكو منه لي يمج...
رنا:اعرف.بس.ياعلاوي اني ......اوووف
علاوي: ميخالف ميخالف..يكول لخاطر عين تكرم مدينه
رنا: صحيح...بس ترا اني عبرت هواي سوالف لبنته هاي مواول مره..ومامعلوم اذا ممكن تسوي شي بعد
علاوي:لالا مالج علاقه كلشي ماتسوي بعد..هم انتي طولي خلكج.. بيتكم مابقى هواي ويكمل
رنا:اني خوفي يجيبيها للبيت ماتحمل والله
علاوي:والله عاد هاي بينكم تتفقون
رنا:الله كريم
وصلنا البيت..طبيت جوة جانو كاعدين بالصاله
كبل صعدت فوك
فتحت الباب.. الغرفه ضلمه وهو نايم
خليت الجنطه عالمرايا بهدوء
نزعت الجاكيت وعلكته على كيفي
نزعت ملابسي..بقيت بالستريج والبلوزه
كعدت عالتخت بمكاني واباوع علي
وهو نايم حواجبه معقودة
بقيت اباوع علي....
تمددت يمه . حس عليه وفتح عينه
صادق:...ها اجيتي
هزيت راسي
صادق: تعالي
حضني
رنا:شونك هس
صادق:زين زين
رنا:ضغطك صاعد مو
صادق:ها هيه نزل من شفتج
رنا:هه
صادق:اكلج
رنا:ها
صادق: اذا بعد جبتي طاري طلاگ اشكج بنص امخلح تمليخ ازرفج والله
رنا:هههههه لاماجيب
صادق:صيري عاقله واركدي..
نمنا.. وكعدت الصبح تحضرت ورحت للدوام
رجعت من دوامي شفت فراس بالحديقة
من.شافني صاحني
فراس:شونج
رنا:تمام
فراس:اكلج ماكاعد تراسلج مها
رنا:......
تذكرت اتصالها البارحه
رنا:اي حجيت وياها البارحه
فراس:شخبارها
رنا:ماعرف شكلك.بس بارحه خابرتني تبجي تكول جايتني خطابه وبابا يريد يوافق
تعابير وجهه كلها تغيرت
فراس:.......ليش ينطيها اذا ماتريد
رنا:اي هي ماتريد
فراس:حقراء يريدون ينطوها..حتى ماينطوها إلي
كام يفكر مايعرف شيسوي...
فراس:كوليلها لاتوافق
رنا: ماريد اتدخل ابد...ماناقصني وجع راس عفيه
فراس:لو الله يهدي رجلج ويروح يخطبلي اياها..والله ينطون...هما يقدرونه ويحترمونه ...
رنا: ماعرف
انزعج كلش وطب للاستقبال
طبيت جوة وعبر الوكت طبيعي
المغرب..صعدت فوك وعبرت من يم الغرفه اللي بيها نور
تذكرت الصار..كلبي عصرني وانغثيت
بالليل نمت وشفت كوابيس بنفس الموضوع
كعدت متعقده بشكل موطبيعي..حتى مارحت للدوام
صادق جان بدوامه
نزلت جوة مالي اي خلك...
تريكت ورحت كعدت بالصالة
بقيت الوكت كله معبسه ومالي اي اراده لاي شي
جان شعور مكروه كلششش
احس عيوني تدمع لاارادي من كثرة الكأبه
جنت انتظر صادق يجي..
تغدينا وصعدت فوك...ردت انام ماكدرت
خابرت علي
صادق:هلا وغلا بروحي
رنا:وين انت شو تاخرت
صادق:ماتأخرت بطريق جاي
رنا: ماشي
سديته ..وكمت اكلب بالموبايل..كلما اسمع موسيقى حزينه لو اغنيه.. دموعي تصب
سمعت صوته اجه...مسحت دموعي
ونزلت.. جان كاعد ويه حسن وسراب
رحت كعدت يمه
صادق:هاا الامور
رنا:متغدي
صادق:اي حياتي متغدي...راح يحجي ويه فراس
واني رحت صعدت فوك
شغلت المسلسل...مرات تطلع موسيقى حزينه بهاي المسلسل كلش أتأثر بيها..كبل نزلت دموعي.
جنت حزينه كلش.. ماعرف شنو الاسباب
طب للغرفة ....
خله السويج والمحفظه بالجرارات
باوعلي
صادق:ها شبيج
رنا:مابيه شي
صادق:شو تبجين شكو
رنا:هيج اتابع مسلسل وبجيت
سحب الموبايل مني
صادق:ماتسكتين رحمه لاهلج..هي مال مسلسلات حزينه..شوفي شي يونس
رنا:......
بقيت بحزني لحد ما حضني ونمت
كعدت العصر هم بيه كأبه
بالليل بالصالة جده والبنات كاعدات..جماعت صادق والولد بالاستقبال
رحت سويت جاي
هم كمت اضرب صفنات...حضرت الاستكانات وصبيت جاي
اجه علاوي اخذ الاستكانات مني
سرى:تعاي رنا..
رحت يمها
رنا: ها
سرى:بس ركزي زين غزلان تشبه منو أكثر اني لو علاوي
باوعت عليها
رنا:مادري..... بس تشبهج اكثر اشوف
سرى:هااا عمه موكتلج
جده:اني اشوفها نسخه من علاوي
سراب:لاتشبه سرى اكثر
طلعت للحديقه كعدت شوي وطلعو زلم من الاستقبال.. كبل طبيت جوة وصعدت فوك لغرفتي
سديت الباب وبقيت ابجي لحد ما هلكت
اخر شي تمدتت بفراشي ونمت
حسيت بصادق اجه نام يمي
بقيت نايمه....فزيت بنص الليل
باوعت صادق نايم
رنا:صادق صادق
كعدته من النوم
صادق:ها
رنا:اكعد كافي نايم
استغرب من كلامي
صادق:شبيج
رنا:مخنوكه كلش وضايجه
تعدل من مكانه
صادق:من شنو يروحي
رنا:مادري احس مخنوكه كلش
صادق:تعوذي الشيطان واقري اذكار النوم
حضني.وكمت اقره بيهن وغفيت
ثاني يوم ماجان عدنا شي مهم بالدوام فما رحت
كعدت الصبح نزلت جوة..جنت زينه وشوي احسن
بساعه ١٠ رجعتلي الحاله
اووووف شون شعور ياربي 💔
صعدت لغرفتي .. حاولت انام حتى اهرب شوي من الواقع
ماكدرت...انتظرته يجي مثل كل مره
اجه وصبيتله الغده
كعدت عالقنفات ودموعي تصب
باوع عليه
صادق:شكو شبيج تبجين
رنا:......
صادق:يروحي شبيج احجي
رنا:ضايجه كلش ومالي خلك لاي شي
صادق:يعني بس هيج
رنا:......
صادق: خما احد مضوجج شي
رنا:لا
صادق:تعاي وياي
اخذني للغرفة
صادق:صارلج يومين موتمام شنو سالفتج
رنا: ماعرف أبقى مالي خلك ولحالي ابجي
صادق:ليش
تعصبت
رنا:شمعرفنيييي
صادق: على كيفج .... اطلع لمكان تغيرين جو
رنا:مادري
صادق:امشي وياي
رنا:ماريد اطلع لمكان
صادق:والله عجيب امرج....خاف من الحمل ؟
رنا:مادري
بالليل هم كعدت بنص الليل ابجي
كام يقره عليه ايات تارجعت نمت
نوب تعلقت بي كلش
ثاني يوم..اجو اصدقائه يتعللون
اني جنت بالصاله وحدي  والكأبه واصله مدري وين اتبجبج على اتفه شي.اريدهم بس يروحون
اجه علاوي كال لسرى تسوي جاي
رنا:علاوي.صيح صادق
علاوي:هس
راح علاوي يصيحه
واني صعدت لغرفتي
بعد شوي اجه
صادق:ها رناوي
رنا:شوكت يروحون ربعك
صادق:......ليش
رنا:شوكت يرووحوون
صادق:بعد مامعلوم
رنا:لازكييين هنااا لازكييين ... خل يروحون يلا
صادق:هيي هيي شبيج تخبلتي..
رنا:يلا خلي يروحون كافيك مجابلهم...شنوو ماعدهم بيووت
جان يباوعلي وصافن عليه
صادق:يرناااا... عييب شعليج بيهم
رنا:شنوو شعليه انت مومجابلهمم
صادق:اي غير جايين عليه
كمت ابجي من كل عقلي
رنا:مالي دخل....ماتروح للاستقبال والله ماتروح
صادق: لاحول ولا قوة الا بالله استغفر الله ياربي
ماروح ماروح ها هيييه
كعد يمي ويهدي بيه
صادق:ياباا والله ماروح شبيج
بعد شوي كالي
صادق:بس انزل اكووللهم عندي شغل وارجع
رنا:يلا..بس مو تتأخر
صادق:لا
نزل ماطول ورجع
خطيه بقى وياي...كام يشوفني فيديوهات مضحكه وهاي ويسولف وياي حتى تتغير نفسيتي
صرت احسن لمن بقى وياي
ثاني يوم كعدت الصبح  مالكيته...
كبل دكيت علي
رنا:الو
صادق: هلا وغلا
رنا:وين انت
صادق:بدوام
رنا:تعال هس
صادق:ليش شاكو
رنا: ماكو شي ماكو شي...هيج تعال
صادق:شبيج احجي
رنا:اهووو تعال ..مابيه كلشي
صادق:يروحي اني بدوام هس شون اجي
رنا:مالي علاقه تعال يلا
صادق:.........هس هس جاي
سديته وانتظرته يجي
نزلت جوة لكيت صابرين موجوده سلمت عليها وكعدت باالصاله
طبكت السياره ونزل
باوعلي
صادق:ها شبيج
كمت ابجي
صادق: يمعودة شكووو لاتخوفيني...
رنا:كلششي مابيه لاتلح هيج ضايجه
كعد يمي .
اجت سرى وجده
جده:ها شبيج
سرى:شبيج رنا شو صايره موطبيعيه
بس كالت هيج سرى اني نزلت دموعي
صادق:خبلتني والقرآن
سرى:والله اعلم هاي أعراض حمل
صادق:حمل لو شنو قابل
رنا:اسكتو لاتسولفون
راحت سرى...وكام يقرأ عليه ايات
غفيت.وحسيت بي شالني وحولني لغرفه جده
نمت...
بعدين كعدت على صوته يحجي متعصب ... يحجي بالموبايل ومعصب ونوب  ويحجي على حسن ومصطفى
تعدلت وكمت..هو جان باالصاله.وصابرين وسرى كاعدات
صادق:ادبسزززززيه ..يلااااا فوووت ادرسس يلااا
رنا:لاتصيييح
باوعلي ...
صادق:........
مخوزر بس مارد عليه
صابرين وسرى مبتسمات
رنا:كعدتنيي من نووميي
صادق:اصعدي فوك نامي
رنا:لااريد انام هنا
صادق: نامي نامي بس لاتبجين
سرى:هههههه
انزعجت ورجعت لفيت راسي ونمت
للأسف ماكتفت هاي الفتره واعراض الحمل بس بهيج
مريت بحاله اسوء....هو بالاصل اني جانت وضعيتي موتمام من الصار ونوب هاي الأعراض تسودنت
بيوم من هاي الأيام..بقيت ابجي ..وتعال ودوني على بيت عمي إبراهيم ماريد اضل هنا
يحاول وياي منا منا...ولافاد بقيت قافله اروح لبيت عمي ابراهيم
اخر شي وداني لبيت عمي
بقيت يمهم أسبوع..حسيت نفسي احسن
جان يوميه يخابرني ويكلي ارجع واني ماقبل
خابرني بليله وحجه وياي
صادق:ها يعمري ماترجعين ماكافي
رنا:لا ماريد ارجع هس
صادق:......ترا بزعت وحدي
رنا:ماريد عوفني أهنا
صادق:براحتج
من بعد هاي المكالمه..خلاص ماتصل عليه ولابعثلي رساله جنت ارمشله بس مايرجع يتصل..اني جنت اداوم من بيت عمي .مر اسبوع ثاني
حزت بگلبي كلش انو ماتصل اوشي
من جيهه اكول حقه ومن جيهه الومه
فبيوم نمت من وكت.ب ساعه ٩ نمت
حلمت حلم طويل وشاق جدا
حملت انو اني جبت ولد..وباالحلم اريد بس اشوف صادق
ماجان موجود..الطفل حلو حيل..واني جنت اباوع علي وفرحانه بي واريد بس صادق يجي يشوفه
أسأل صابرين علي تكلي ماكو
ادور لفراس ولعلاوي حتى بس اعرف وينه
واحد يكول راح واحد يكول مادري
جنت ميته حتى بس اشوفه...كل الحلم ابجي اريد اشوفه
كعدت بنص الليل حلگي يابسس
احس روحي فرفحت علي...
كمت من مكاني ورحت للمغاسل
رجعت كعدت بااهول وافكر بااحلم وكلبي يوجعني 💔
طلعت هيفاء من غرفتها..راحت شربت مي واجت عليه
هيفاء:ها شو كاعده
رنا:جنت متلوعه بي
هيفاء:بمنو
رنا:صادق
هيفاء:ليش..حلمانه يعني
رنا:ايي
هيفاء:لعد شكد تحبي وهيج حلمتي بي
نزلت دموعي
رنا: هيفاء انتي ماتعرفين صادق شنو بالنسبه الي
صادق روحي بهاي الدنيا...شحجيلج تاحجيلج..اني كل ذكرياتي وياه...كل نقص حنان وحرمان عشته..جنت اعوضه بي....ايامي وياه رغم مرارتها..بس هي احلى شي عندي..اني چذب اكدر بدونه چذب...
شهكت وكلتلها
رنا: هيفاء اني يتيمه من صدك بدونه 💔
هيفاء:ياعمري يارنا...ليش ماتتصلين علي
رنا:صار اسبوع ارمشله ماخابرني...لان كلما يكلي تعاي اكله مارجع
هيفاء:هس اخذ موبايل سراج خابري منه.......يتبببع
اعتذر بس ماكدرت اختمها اليوم