#ليته يعلم(أحببته منذ الصغر)

البارت ٩٢

البارت ٩٢
ليته يعلم ( أحببته منذ الصغر)
بعد ساعه هيج..طب صادق للغرفة
صادق:هس خابرني صهيب...هاي هيه كلشي انتهى بينكم الولد طلگ
نور وجها انكلب وبعد ماتعرف شتكول
نور:شنو يعني طلگ
صادق:ها هيه ماضل شي بينكم
نور:صدك تحجي بابا
صادق:ايي
انهارت بالبچي
اني جنت بغرفتي ..لمن دك الموبايل على صادق... طلع بصفحه بعد شوي سمعت صوت نور تبجي وتعيط
طلعت من الغرفه على صوتها .. 
صادق:ووووجع شبيييج انتييي...وشنوو يعننيي واذا خرربت انكلبت الدنيا يعنييي
نور:ليشش هيييج سووى ليشش
صادق:من سوالفج من استهتارررج................كاااافييي مااااريد اسمممع صوووت
جانت منهارة كلش وتبجي بحركه..انقهرت عليها
هو عافها بسبب أفعالها اللي عملتها وياي...لان دلال حجتله عن كلشي....بس مع هيج اني كلش انقهرت عليها
صادق جان مزعوج حيل من الصار كله...من جيهه يحملها السبب ومن جيهه هم مقهور عليها
بقت تبجي وصادق يحجي وياها
رحت لغرفتي...قصي كاعد ويلعب بأدينه
من سمع صوتي ابتسم....كعدت يمه..كمت اسولف واحجي وياه ...وهو يباوعلي وصافن ومبستم بنفس الوكت
بديت احسه يفهم عليه وصار اغلى واغلى....كل مايعبر الوكت واشوفه يكبر كدامي احبه اكثر واتعلق اكثر بي
بقيت ربع ساعة العب وياه...بعدين مسكت موبايلي...طلعت برامج...واجاني اتصال كامرا من سرى... رديت عليها
جانت كاعده بغرفتها ومها يمها
سرى:هاي رنوش شونج
رنا:هلا والله بخير انتو شونكم
سرى: الحمد لله ...اخبارج انتي ويه صادق شونكم
رنا: الحمد لله
مها:لامبينه زينه شوفي وجها شون ضاحك
رنا:هههه ضحكت لان شفتجن
سرى:جبنا طاريكم وطاري نور كلت نخابرج نسأل نشوف شنو صار وياها
رنا: والله ماعرف شكول... بس الولد مخابر صادق قبل شوي...ومطلگ
مها:لااااا
سرى:يبووووي
رنا:اي والله....صارلها ساعه تبچيي خطيه
سرى:ماخوش سالفه... دلال سوت اللي تريده بس هالمره طاحت براس نور
مها:شنو هاي دلال محد يكدر الها قابل ؟؟؟وليش صادق ماكال لأهلها ع السوته
رنا: يكول اذا كتلهم ماراح يصدكون...بس اكيد مخليها براسه وماراح يعبرها هيج
سرى:اوف اوف.. هس اذا جده تعرف راح تنقهر كلش على نور...حتى يرتفع ضغطها
رنا:.......
طب صادق للغرفة ..
رنا:يلا بنات اروح اني هس..... سديته من يمهن
جان ضايج على نور وماله خلك
رنا:اكلك يعني هس دلال شنو ماراح تتعاقب عاللي سوته
صادق:........
سكت مارد عليه
صادق:الله كريم الله كريم...
ثاني يوم...كعدت الصبح...صادق جان بدوام
سويت ريوك.... سمعت صوت المغاسل مفتوحه...باوعت سراب دتغسل وجها
رجعت اكمل الريوك...اجت للمطبخ
خليت الريوك عالطاوله
سراب: تقريباً كل الليل مانمت
رنا:ليش
سراب:كل الليل تبچي ...كسرت خاطري كلش
رنا: لاحول ولا قوة الا بالله...
سراب :الله ياخذج يادلال
رنا:امين
في بيت العم سالم)
جانو كاعدين يتريكون..وجده عرفت بالخبر من الجناين وعرفت بسالفه دلال
جده: انعل ابوها لابو الماعرف يربيها...الا اليوم اروح لاهلها وافضحها
فراس:ماتروحين ولاتصلين
جده:شنو ماروح...لعد تسوي حسابات وتتهم رنا وتخرب خطوبه نور من وراها...وتريد نسكت
فراس:مانسكت مانسكت.... بس محد يروح ولايسوي شي
جده: اخخخخخ كله من وره امها هي الطمعتهااا ونطتها وجه ...يلا كوم وصلني عليهم اريد اروح اشوفهم اشوف وضعهم
فراس:عندي شغل هس
جده:شغل ماشغل يلا كوم وصلني
فراس:هس هس
في بيت صادق))
بعد ماخلصنا ريوك..كعد حسن...اجت سراب طگتله بيض وحمتله الجاي
سراب:صدك رنا... شوكت يبدي الدوام
رنا:مابقى هواي الشهر الجاي
سراب:يايوم بضبظ
رنا:بعد مانزلو
سمعت قصي يبجي رحت علي ...شلته من مكانه
رنا:ها يعمري كعدت
رضعته وطلعته خليته بالهول بالهزاز ماله .
دك موبايلي باوعت صابرين..رديت عليها
رنا: هلا صابرين شونج
صابرين:هلا بيج انتي شونج
رنا: الحمد لله
صابرين:اكلج شنو هاي السالفه يمثبورات....صدك خربت خطوبه نور والولد مطلگ
رنا:اي صدك
صابرين: لاحول ولا قوة الا بالله...كبل شوي دريت من امي وهم من وره الكلبه دلال..تكول مدري شحاجيتله
رنا:اي صحيح شمال حاجيتله...وبالاصل هم بينهم صايره مشكله على مود والدته
صابرين:ابد ماخوش خبر... وصادق شنو وضعه وشيكول
رنا:والله هو هم ماراد هالشي يصير...والبارحه بالكوة نام...انقهر على نور لان گضتها بجي ومناحه
صابرين: حسبي الله على دلال...وشعجب ماسوو شي الها ولافضحوها
رنا:مادري من اسأله شراح تسوي مايجاوب
صابرين:ونور هس شنو وضعها
رنا:كتلج بس تبجي وحاليا بغرفتها حتى ماشفتها لي هس
صابرين:الله كريم... إحتمال بالليل اجي
رنا:اي والله تعالي شوي احجي ويه صادق حتى تتغير نفسيته
صابرين:ان شاء الله
سديته ورحت اكمل شغلي...
بعد شوي سمعت صوت حسن
حسن:اجت جده
طلعت اني وسراب...سلمنا عليها
جده:ها شلونكم
رنا: الحمد لله
جده:وين صادق
رنا:بدوام
جده:شنو هاي السالفة.... نور وينها
سراب:جوة بغرفتها
طبت جده عليها....جانت متمدده بفراشها وعيونها وارمه وشحالها
جده:يووولي شكوو هالكه روحج ومبهدله نفسج طبه مررض
رجعت تبجي وغطت راسها بفراشها
جده:خليي يوولي يجيج اخيير منه
نور:ماااريد كل احددد ماااريد ...الله ياخذني
جده: تدعين على نفسج من وراه... الله ياخذه هو
جده:العتب على صادق من جابه الج...گطيعه زلم اصلا بعدج صغيره..وينج وين الزواج والمسؤليه
نور:كافي جده كافي
جده:انتي كافيج مسويه لطميه ومعاده...على شنوو قابل
بقت جده تحجي وياها..حسيتها شوي هدت..بعدين كامت غسلت..وسراب سوتلها ريوك
اني رحت خليت الغده عالنار
دك صادق عليه...رديت علي
رنا:الو
صادق: هلا وغلا شونج
رنا: الحمد لله... جده يمنا
صادق: شوكت جت
رنا:قبل شوي.... سمعت بالصار واجت
صادق :ونور شونها
رنا:جانت بغرفتها ماطلعت..من حجت وياها جده هس شوي احسن كعدت تريكت
صادق:خير ان شاء الله
رنا:وانت شوكت تجي
صادق:بال١
رنا: تمام لعد ماصب الغده الا تجي
صادق:ان شاء الله...يلا اروح هس
رنا: ماشي
سديته ورحت كملت الغده....قصي جان بحضن جده
اذن ضهر....صلينا...وبلشت اكمل تحضيرات الغده..حتى من يجي صادق اصبه
صارت الساعه ١ تقريباً اجه صادق سلم على جده..وصبيت الغده ... جنا كاعدين نتغده... ونور ويانا بس ماتقبل تاكل
جده:يمثبورة شكو كاتله روحج عليي...اكلي ولاتديرين بال لأحد
نور:.......
صادق:يلا بنتي مدي ايدج
كامت تاكل شوي شوي
خلصنا غده..وسويت جاي ...وصبيته الهم...
بعدين رحت اخذت قصي وخليته بحضني وكعدت بالهول وياهم
صادق جان يحجي ويه جده وصوته شوي عالي
قصي من يسمعه يباوع علي ... صادق يأشر بأيده ويسوولف .. وعيون قصي على ايد صادق
رنا:ههههه صادق شوفه شون منتبه عليك
صادق باوع علي
صادق:وانتتت شكووو مركززز بيييه
كام يرافس برجليه ويضحك
حسن:ههههه
جده: بعد بيتي شحلاته
صادق:انطيني اياه
انطيته لصادق ورحت اغسل المواعين ...
خلصت المواعين.. وفرشت لجده بالغرفه اللي بيها سراب وحسن ...اني هم رحت  لغرفتي نومت قصي
العصر صادق رجع جده للبيت ..
بالليل اجت صابرين..وراحت سلمت على نور وكعدت تحجي وياها...بس نور جانت ساكته ماكو ذيج رده الفعل..
اخر شي عافتها..ورحنا كعدنا باحديقة ..
صابرين:ادري هس شون
صادق: شنو شلون
صابرين: هيج عادي محد راح يوصل شي لاهل دلال... اني ماتحمل راح اخابر امها وافضحها
صادق:مالج علاقه....قابل شراح يسوون...عوفي الموضوع
صابرين:بس تدرون شغله....هو هذا هم عقاب لنور... لان ماكعدت راحه وسوت عمايل ويه دلال...تالي ما تالي دلال نفسها تخرب عليها.... حتى يكون الها عبره هالشي وبحياتها بعد ماترافج هيج نماذج
صادق:واني شنو مارد كلبي غير أنو أعرف بنتي ....... استغفر الله ياربي ...وينها هي
رنا: بغرفتها
في غرفه البنات)
نور جانت بمكانها وصافنه تفكر...كلما تذكر دلال الها ايد بالصار ماتتحمل ...رجعت اتصلت على دلال...ردت عليها
دلال:خير شرايده
نور:بس لو اعرف ليش هيج سويتي وياي
دلال:اهووو ..موكتلج ليش
نور:بس اني مالي ذنب
دلال:بس تدرين شغله والله هذا صهيب خوش صهيب.. البارحه كل الليل جنت احجي وياه
نور:.......شنو
دلال:اي....هو عرف انو اني مو رنا... كتله مكدرت اكول اني منو....بس صراحه انت خوش ولد...وماتستاهل نور
نور:يااااكحب........*ياحقيييرة ام ال.........** اذا ما اخللي........***
دلال:هييي هيييي لاتغلطين...ليششش كلامي جذب مثلا
نور:وووولج بنت السسسگططط تحجين بالاخلاق واليستاهل...انتييي شلوووونج عسساااسسس ...صوجيي انيييي صووجييي اخخخخخخ منيي ....شلوووونج الج عيين تحجيين ويااااه شلوووون
دلال: بالعكس اصلا كلش تونس بالحجي وياه... صراحه هو كال انو هو رادج بس يلاااا ماكو نصيب بينكم
نور:الله ياااااخذذذج ياسااااقطه يااا ام الع........***
سدت الموبايل بوجه نور....
ونور بقت تبچي💔
احنه جنه كاعدين بالحديقة ونسولف...وقصي يم سراب
تأخر الوكت
صابرين:شكد صارت الساعه
صادق:١٠ ونص
صابرين:خل اخابر محسن يجي ياخذني كافي
رنا:ليش مستعجله بعد وكت
صادق:ومحسن شلونه وياج ؟
صابرين: زين زين
رنا:خما بعده يراسل ذيج
صابرين:والله ماكاعد اشوف هيج شي يعني لاسمعته يخابر ولاشي .....كاعد راحه حالياً احسن من قبل
رنا:اي زين الحمد لله
صابرين أتصلت على محسن وكالتله تعال اخذني..بعد ربع ساعة هيج اجه اخذها وراحت
طبينا جوة...ورحت لغرفتي...جنت نعسانه هواي...ماطول بس نومت قصي نمت
ثاني يوم ...جان نفس الروتين ماكو فريق... بالليل بعد صلاة العشه اجه صادق
صادق:يلا حياتي حضري نفسج وقصي حتى نطلع
رنا:وين
صادق:وين ماتردون تطلعون نروح
رنا: تمام... فرحت ورحت اغير ملابسي
صادق راح لغرفه البنات وهم بلغهن يتحضرن حتى نطلع
هو سوى هيج حتى شوي تتغير نفسيه نور...جانت طلعه جماعيه
تحضرنا كلنا وطلعنا...نور جانت هاديه وساكته كل الطريق
حسن بس يسولف ماسكت ابد لان جان كلش متونس
اخذنا اول شي يم منتزه للعوايل...افترينا بي... الجو جان حلو وهادي...لان بدايه خريف
صادق:تبقون هنا لو نغير المكان
سراب:خلي نروح لمدينه الالعاب احسن
رنا:بكيفكم
حسن:اي نروح للمدينه نريد نلعب
صادق:يلا امشو
رحنا لمدينه الالعاب....نزلنا وطبينا جوة...جانت هوسه كلش
كعدنا بمكان شوي معزول...
سراب:اني اروح اخذ بطاقه حتى العب
صادق:صبري شبيج هس اني اخذلكم
حسن وسراب جانو متلهفين كلش يريدون يلعبون.... نور كاعده مقابيلي...جانت تباوع عالناس بس واضح انها مهمومه
قصي يباوع عالالوان مال الالعاب...
صادق اخذ بطاقات لسراب وحسن...راحو يلعبون...رحت يمهم ..اشتغلت اللعبه وقصي يباوع عالالوان مال الالعاب...ومنتبه ع صوت الأغاني ...
حسن يباوع علينا ويضحك..
صادق:يوووول سدد باب الأمان زين
من صعدت اللعبه سراب خافت وكامت تعيط..بس حسن لا
لمن نزلو...جانو دايخين
صادق:خبصتيني حتى تصعدين مدامج خوافه شكو كتلتي روحج
سراب: والله من صارت عاليه متت خوف
صادق :بعد ماتصعدين
رجعنا لمكانه..وحسن بقى يفتر ويلعب
صادق:ها نواره شكو كاعده هنا امشي نفتر
نور:ماشي
افترينا شوي... واخذنا ايس كريم وشعر بنات
واحنه نفتر جان اكو شباب هواي وكلهم عيونهم زايغه مبينين.
صادق ضاج كلش
صادق:يلا امشو
سراب:وين
صادق: كافي هنا....شهالقشمره مدينه العاب عوايل لو صايعين..يلا امشوو..... حسن وينه
رنا:هذاك هو بذيج اللعبه
راح صاح حسن...ورجعنا صعدنا بالسيارة
اخذنا لكوفي هادي مال عوايل... شربنا نسكافيه غيرنا جو وتونسنا ... بعدين رجعنا للبيت
اول ماطبيت لغرفتي..غيرت لقصي ورضعته وخليته بالهزاز ووصيت صادق علي
طلعت ملابس وطبيت للحمام
جانت الساعه تقريبا ١١ ..
في غرفه البنات)
بعد ماوصلن البنات للبيت.طبت نور لغرفتها .. باوعت للمرايا..نزعت الحجاب ودمعت عينها.. كامت تبجي بصوت واطي...
طبت سراب للغرفة
سراب:......شبيج نور
انهارت نور بالبچي
سراب:شبيج
كامت تحجي بس بالكوة تطلع الكلمات منها
نور: گلبي يوجعني كلش ياسراب ......لي هس ممصدكه اللي صار وياي
سراب:.......
نور:ل...ل.للج قبل كم يوم جنه نحجي بالعرس شبساع خرب كلشيي......صح طلعت وياكم وشفت بابا يحاول يواسيني بسس بعد ماتحمل والله
سراب دمعت عيونها على اختها
نور:واحنه نفتر...شفت اكثر من شاب نفس هيئه صهيب..انعصر گلبيي ميت عصره ردت بس نرجع 💔 اني حبيتو والله حبيتو..
سراب:.......
نور: البارحه د...د...دلال موتتني قهر
سراب:ليش
نور:تكلي كل الليل احجي وياه
سراب:خاف تجذب عليج حتى تقهرج
نور: مادري والله مادري....بس هي هي تسويها....كل الليل اشوف كوابيس.... علوا ماجه وخطبني علواه..اوووووف
سراب حضنت نور بقوى واثنينهن جانن يبچن💔
بعد ماسبحت وخلصت.طلعت من الحمام...رحت لغرفتي
رنا:ها مانام
صادق:بلي نايم
رنا:اي زين
كمت امشط شعري وخليت كريم....بعد شوي طلعت من الغرفه ..شفت سراب طلعت من الغرفه الثانيه وبيدها موبايل نور..ووجها موطبيعي وعيونها شوي وارمه
ماسالتها شنو بيها.. رحت للمطبخ شربت مي ورجعت لغرفتي ...صادق جان يحجي بالموبايل ويه واحد ومعصب شوي
صادق: انييي موبلغتك تحول السجلات للدولاب الجديد..........والله عاد هاااي مشكلتك ........ مايصير يااااخويه مايصييير هاااي سجلات كلششي محفوظ بيهاااا مايصير تهملها.....
المهم بقى يحجي بعدين سده
رنا:شكو معصب
صادق: سوالف شغل تعبانه
في بيت اهل دلال))الساعه ١ بعد منتصف الليل
دلال جانت ماسكه الموبايل ومتمدده على تختها
منتهى:كومي جيبي مي حتى اخذ علاجي
دلال:هس
بعد شوي
منتهى: كووومي يمعوده
دلال:ايي ايي هس
كامت جابت مي ورجعت لمكانها
طب اخو دلال للغرفه (اركان)عمره  ١٩ سنه
وكف يم دلال
اركان:انطيني الموبايل
دلال:وليش بله... مانطي
اركان:ماتنطين مووو...
سحب الموبايل منها
اركان:اكسسسر راااسج اذا اكلج انطيني وماتنطيييين
دلال:هااااي شكوووو شبيييك
منتهى:خييير شاااكو
اخذ الموبايل وراح لغير مكان يفتش بي...وهي راحت تركض وراه ...
ماهتم الها....طب لغرفته وسد الباب وبقى يكلب بي
وهي تدك بالباب وتحجي وتغلط
شاف اكو رقم بسجل المكالمات... متصله علي...
طب للماسنجر....شاف اكو حساب ثاني بغير اسم...
فتح الباب
دلال:انطيينيي الموبايل
اركان:هذا رقم منووو
دلال:يارقم
اركان:قنننددرة يااارقم هذاااا ماتشوفييينه
دلال:رقم صديقتي
اركان:صديقتج موووو...هذا رقم الولد اللي خطب نور....شجابه عليييييج
وجها صار اصفر وماتعرف شتحجي
دلال:.....ياولد شبيك...
اركان:تحسبين ماعرف....موطلع اسمه بالكاشف هياااان
دلال:خاااف اسم اخوها