البارت ٧١ ليته يعلم (أحببته منذ الصغر) مسكني من الطوق اللي بشعري قوي صادق:شعنده فراس فوك بالغرفه ومها موجوده هااا رنا:....... صادق: خلي صديقتج تروح ويصير خير رنا:بس دقيقه عافني وراح بقيت اكل بروحي ماعرف شسوي صعدت فوك..وحيلي يرجف..بس لو أعرف شون عرف معقوله شاف فراس لمن نزل مها:شبيج رنا رنا:اوووف مها:شكووو رنا:صادق..عرف فراس جان هنا..يكلي شعنده فوك ويه صديقتج.ومعصب عليه كلش مها:صدك تحجين...شوف عرف.... شكد فشله ياربييي خلي اروح أحسن رنا:صبري مها:لايمعودة شصبر...لوميته احسنلي شكد عيييب اوف منك فراس يعني اله تصعد تحجي وياي...واني شجاني قبلت رنا:....... مها:هس يرجع عليج وتصير براسج....كوليله فراس هو لح عليه رنا:هو هم هيج اصلا مها:ياربي شون موقف..والله صوجي اني كلما اجي هنا تلاص عليه شجابنيييي....يلا اروح اني نزلت عالسريع ونزلت وياها وراحت..رجعت لغرفتي...بقيت اللوم بروحي موقفي حيل صعب وضعيف موشويه واني اعرف صادق شكد يضوج من هيج شي.نوب بدون علمه اوووف بقيت احوس لحد ماراحو اصدقائه طب للغرفه..ونظراته الله اليستر منها صادق:تعاي احجيلي رنا:والله فراس هو طلب هالشي ولح وياي صادق:يعني سمعتي كلامه وضربتي كلامي عرض الحايط موووو رنا:لا والله مو هيج صادق:شنوو موو هيج شنوو..شون هيج تسووووين شووون ترا هاي مگوده تتسمى رنا: صادق شبيك يامگودة..اخوك يريد البنيه صادق:گوادددة ونصصص..يريدها يروح يخطبهااا ..لايدور مواعيد وسوالف مكسسررة براسسج يغشيمه ..شكووول هسسس انيييي شحجيييي..وووولج نسيييتيي شسوى بيييج وكت رحتي تاتخطبين اختهاااا نسيييتيي وهس رحتي هم تدخلتيييي ووووين عقلج انتييي انعلللللل..... نزل جوة واني ميته خوف....بعد شوي اجت صابرين صابرين:شكو شصاير.. صادق وفراس شبيهم رنا:شبيهم صابرين:اشو اسمع حسهم متعاركين نزلت عالسريع رغم اني ميته خوف...جان صوتهم طالع من الاستقبال تقربت فراس:والله رنا مالها دخل اني طلبت منها ولحيت عليها صادق: ديييرر بالك بعد تدخل مرتيييي بهييج سوالف..نتفااااضح والله فراس: ادددرييي قابل شسويت ويه البنت..خما نمت وياها صادق:انچببببب واعرررف شتسوووولف..حيييونه هااااي حيووونه فراس:حييييونه شنوووو قابل شسوويت صابرين اجت يمي صابرين:كولي شسالفه حجيتلها عالسريع صابرين:يبووو.. جان كلتي لصادق رنا:شمدريني هيج راح يصير صابرين:تعرفينه زين مايقبل شجاج رنا:........ بقو متصايحين.. رجعت صعدت فوك بس احس رجليه ماتشيلني ابجي من جيهه ومقهوره من جييهه لان اعرف نفسي غلطت بس شاهد الله ابد مامقصود غلطي 💔 وره نص ساعه فتح الباب صادق:يميييين عظييييم يارنا اذا تدخلتي بهييج سوالف بعد ومن دوووون علمييي اشوفج وجه ثانيييي ماتتوقعينه رنا:....... صادق:ساااااكته تعرفين نفسسسسج ضرب المزهريه عالتخت رنا:ماسويت شي من وراك عمدا والله صادق:لو انج صحيح جان كتيلييي على كلشييي بسس تضميين وتسووين بدون علمي رنا:....... صادق:بسسسيطه بسيييطه اني اربيييج طلع من الغرفه واني بقيت ابجي لان كلش كرهت الموقف الصار..وخلاص ماردت يصير هيج مشكله بينا..واني أعرفه شكد يتحسس من هالمواضيع ضليت ابجي بدون توقف صارت الساعه ١ تاطب الغرفه فرش فراش اله بالگاع رنا:ليش تنام هنا صادق:ماااالج دددخل سكتت واني كلبي يريد يطگ تمدد بفراشه واني بس ابجي بصوت ناصي صادق:ولا نفسس ماااريد غطيت راسي وبقيت اتخنگ اني ضايجه علي وعليه..هو هم البي مكفي ونوب اجته هاي اعرفه زين راح ينغث هواي لان هالمره الشغله تخصني 💔 گضيتها افكر وكلبي يوجعني..لحد ماغفيت الصبح فتحت عيني هو موبفراشه يمكن رايح لدوامه مالي خلك ابد انزل جوة ولااسوي اي شي بقيت بفراشي ورجعت نمت كعدت ع دكه الباب باوعت الساعه ١١ ونص رنا:منو صابرين:اني رنا: فوتي طبت صابرين وكعدت مقابيلي صابرين:ها شو مانزلتي...رجعت باوعت على فراش صادق : هاي شنو لازم نام هنا رنا:اي صابرين:تردين الصراحه انتي متعديه مفروض تكوليله كمت تعدلت رنا:اليتعده هنا يم صادق يموت احسله صابرين:...... طبعه هيج يضوج حييل من الغلط رنا: اعرف نفسي غلطت بس ترا ماتسوى هيج يسوي وينام بالگاع صابرين:هو يريد يعاقبج رنا:شگد اكره عقابوووو صابرين:يلا ان شاء الله تنحل بينكم... أمشي انزلي امي جانت تسأل عليج نزلت جوة وتلكتني جده:هاا عيني دنيا ضهر رنا:ترا والله مانايمه نوم هنى ورفاهيه... جده:هاي سرى هم مالها حال...روحي عاونيها رحت اشتغل بس ابد ماكو واهس ولاخلك نهائيا صاحني فراس ورحت علي فراس:رجلج گلبها گلاب علينا رنا:هم حقه..انت ورطتني فراس:اني لاردت اورطج ولااسوي اي خلاف بينكم..بس ماجان عندي غير هالفرصه..بس لو أعرف منو كاله لو شلون عرف رنا:هو شافك من نزلت لولا فراس:لا ماشافني ..اصلا هو جان بالاستقبال موجود من صعدت ومن نزلت رنا:اوووف فراس: على كلا اني هم اعتذر منج لان صارت بوجهج الشغلة رنا:شسوي حضي عبر الوكت واجه من دوامه...هم جان حيل مخوزر عليه ومايحجي وياي فات سبح وطلع للغرفه ولادارلي بال بعد شوي نزل وصاح سراب تحميله الغده اني رجعت لغرفتي.. انتظرته يجي حتى احجي وياه من طب الغرفه هم نام بالگاع رنا: صادق مارد عليه.صحته مره ثانيه هم مارد عليه عفته ونزلت جوة الكل جانو نايمين بس اني كاعده اضرب صفنات وافكر بالموضوع..ومتندمه من جيهه واكول اني ماسويت شي غلط من جيهه..واعاتب نفسي ارجع اعاتب فراس..هوسه بعقلي اذن عصر صليت.. ورحت صعدت لكيته هستوه كاعد نزل جوة وماباوع عليه بقيت بغرفتي.. للساعه ٦ نزلت وكت العشه هو ماجان موجود ماتعشه ويانا اني مااكلت كلشي..هما لاحظو عليه بيه شي.. بس ثولتها وره العشه غسلت مواعين بس بدون اي اهتمام بس اريد اخلص.. بساعه ١٠ اجه كعد بالصاله..شفته جان مخلي راسه بالموبايل طبيت للمطبخ تااشرب مي..صاح نور صادق:تعاي سويلي جاي اجت نور مبتسمه لان صخرها خلت القوري عالنار.. اثنينا واكفين بالمطبخ باوعت عليه وكالت نور:شعجب ماصخرج هالمره رنا:بكيفه هو..انتي هم بنته عادي يعني نور:اي طبعاً عادي هي طلعت وعافت القوري عالنار من صار الجاي اني صبيتله.ورحت اودي اله من وصلته ماعرف شون تبلهثت ووكعت الاستكانه من ايدي وانطشت بالكاع صادق:ثوووول شجاج رنا:....... صادق: بعدين اني موكلت لنووور....نورررر اجت تركض صادق:ويين رحتي موكتلج اريد جاااي نور:عفته علما يصير اني جنت اشيل الكزاز نور:هس اصبلك شلت الكزاز ومسحت مكانه كامل هو جان غاضب حيل.. عفته وطلعت للحديقه بقيت ابجي لحد ما هلكت.. اجت صابرين صابرين:شبي صادق اسمعه يحجي رنا:انطشت الستكانه وكت تاانطي اياها صابرين:بس ع هاي رنا:ايي تعرفينه شون وضعه حالياً من وره السالفة صابرين:اني هم راح احجي وياه رنا:...... اني بس لو اعرف شون عرف بفراسس اوف صابرين كامت تفكر وياي صابرين:اني ماريد اتهم أحد.بس.اذا مااني متوهمه..شفت نور مرتين صعدت ونزلت رنا:وكت مها جانت فوك ؟ صابرين:اي..بس هم ماكدر اكول هي رنا:ترهم ترهم هي تبين عفته وصعدت للغرفة ضوجه كلش وملل طفيت الضوه وتمددت..لكيت رسايل كومه من مها تسألني شصار وياج وماعرف شنو حتى مالي خلك ارد عليها ... اني ماشلت فراشه عفته بعدين هو اجه تمدد بفراشه بالگاع بقى مكنك وماباوع عليه تعدلت وحجيت وياه رنا:ليش هيج تسوي صادق:......انتي ليش هيج تسوين...شوفي ابد لاتحسبين لان احبج وهاي معناها بكيفج تغلطين وتسوين من وراي..وغلطتج چبيره واني ماسكت على هيج شي...ولي هس غاثتني حيل حيل...ومن اليوم ورايح تشوفين وجه ثاني الي رنا:....... رجع خله راسه بالموبايل وماهتم الي اكيد هالشي قهرني حيل حيل ..احس سچاچين بصدري تگطع بيه 💔 ثاني يوم بعد ماكعدت وهاي..صعدت الغرفه لگيت زيت الشعر بالگاع مطشوش..والمرايا هوسه كلش ضجت حيل.. وعرفت هي بس تسوي هيج نضفته وقفلت الباب ونزلت تغدينا..هو جان موجود بس مايحجي وياي وكت خلصنا غده..رحت اغسل المواعين سمعت صوته يصيحني صعدت فوك صادق:وين المفتاح طلعت المفتاح من صدري وانطيته اله صادق:ليش قافلتي رنا:لكيت الغرفه لوخه وقفلته صادق:مايحتاج مالها داعي مارديت علي نزلت كملت شغلي.بعدين صعدت لكيته نايم واني هم نمت العصر جنت جوا نحجي اني وصابرين بعدين طلعنا للطارمه المغرب صعدت لغرفتي هم لكيتها هوسه كلش ومخربطه والمرايا عليها اثر أصابع نزلت جوة رحت على نور رنا:انتي جنتي بالغرفه نور:اي اني رنا:شو هوسه كلش نور:بس مشطت شعري ماسويت شي رنا:........ عفته ورحت قفلته لان ادري بيها تخبث بس ماسمحلها بساعه ١٠ هيج اجت عليه نور:ليش مقفوله الغرفه لازم تخافين اطب عليها رنا:...... نور:انطيني المفتاح رنا:شسوين بيها نور:انطيني كلت انطيته المفتاح وره نص ساعه نزلت صعدت بساعه ١١.تفاجئت من الهوسه حتى الفراش مبعثر حيل حيل ضجت.. نزلت جوة وحجيت وياها رنا:انتي ليش هيج مسويه نور:شمسويه رنا:مدمره الغرفه نور:غرفت بابا وبكيفي شسوي اسوي عندج اعتراض رنا:اي طبعاً...ماسمح هيج تخربينها خما كل شوي اصعد انضفها اجت جده وصابرين جده:شبيجن رنا:حفيدتج كل مااتصعد للغرفه تلوخها نور:شوفي جده شون طلعت نحسه حتى بس ماطب غرفتها صابرين:بالحيف على رنا اذا نحسسه رنا:اني مامانعتج منها بس انتي خليتني امنعج نور:كتلج بكيفي مايعجبح طبي راسج بالحايط رنا:شكد ادبسزز انتي نور:هههه احسن منج هو جان بالاستقبال اجه على صوتنا صادق:شبييجن بعددد نور: رنا ماتقبل اصعد للغرفه وتكلي انتي توسخينها..حتى الباب قافلته تاماطب عليها صادق:وليشش تقفلينه اني موكتلج لاتقفلييي رنا: كلما اصعد الگاها هوسه ووسخه صادق:مشكتلج..ممنوع تنقفل..اندار على نور:وانتي شجاج خما جاهل توسخين كامت تبجي نور:ترا بس مره وحده انطش الزيت من ايدي مادري بي وهي تخبلت رنا:چذب مو مره وحده أكثر من مرة والله صادق:ها هيه كافي سدن الموضوع عفتهم وصعدت فوك.. بعد ماصعدت بشوي طب الغرفه صادق: اسمعيني زين...هاي السوالف و المشاكل التعبانه ماريدها خلاص بالبيت...باب الغرفه خلاص ماينقفل اله اذا اني ردت هالشي.. رنا: اني شوكت قفلته لوما اشوف الغرفه يوميه شحالها لمن هي تطب عليها صادق:كوليلها بدون كال وكلت رنا:كتلهاا ورجعت سوت نفس الشي بنفس اليوم ...على كلا الله كريم خلي بس يخلص البناء واطلع وارتاح صادق:شقصدج بس يخلص البناء.. رنا:اي يخلص واطلع ابيتي وارتاح منها صادق:لازم بكيفج تقررين عني رنا:هذا شرطي وانت وافقت علي صادق:منو كال وافقت..شوفيي محددد خلاص يقرر عني..ومثل ماانتي مرتي هي بنتي رنا: يعني افهم من كلامك تراجعت عن قرارك صادق:لي وكتها الله كريم حسيت أعصابي صارت فول رنا:شوف صادق مال تضحك عليييه وقبل الزززواج تكلي اي عادي واللي تريدي يصيرررر وهس تكلييي موبكيفج ومحد يقرر عني هااي خلاص ماقبلهاا ابددد صادق:اول شييي لاتعلييين حسسسج..ثاني شييي هسس وبعدد اني اقررر لاانتيي ولاغيررررج.والمايعجبه مشكلته كال هيج وطلع انحمست حييل حيييل احس عبالك ضحك عليه لمن كالي بالبدايه سهله وترهم متت بقهري بمدي اموتها .. بالليل هم نام بالگاع .من وكت السالفة هو ماينام عالتخت ولاتقرب مني...شگد اثر على نفسيتي هالشي احس الشعور القديم المكروه رجعلي ثاني يوم اجه وياريت ما اجه العصر وره الصلاة مباشره دك الموبايل رنا: هلا مها جانت تبجي وتشهك وبالكوة تسولف مها:اكلج رنا عفيه كولي لفراس لايدز اي شي او يخابر ترا اخوي شاف المحادثات كلها رنا:صدك تحجين مها:اي والله..كسرني من الضرب ويتهدد على فراس..بس عفيه كوليله لايدز اي شي سديته منها وعالسريع دكيت على فراس رنا:وينك فراس:يم الباب رنا:تعال بسرعه نزلت جوة عالسريع فراس:ها شبيج رنا:اكلك خابرتني مها تبجي..تكول اخوها شايف المحادثات ومخلص عليها..تكول لايدز اي شي بعد خطيه فراس شصار بي من كتله هيج فراس:كل عقلج تحجين رنا:اي والله كام يفتر مايعرف شيسوي بقينا قلقين عليها كلش اني وياه عبر الوكت وحتى عشه ماتعشينا بساعه ٩ اجه صادق فات للاستقبال واسمع عياطه هو وفراس ...اني انتهيت كلت اكيد عرف بالصار ..نوب رجع صاحني نزلت ورحت للاستقبال صادق:هوووو هذا الچنت خااايف منه....ياااااربي وين انطيي وجهييي...ادررري خما انت صغييير حتى تراسل فراس:هس ياخوي كافي تلوم بيه ترا والله البيه مكفيني صادق:لعد من ابوها يخابرني يكلي اخوك لايجي حول بنتي بعد ومرتك بعد لاتراسل بنتيي..شنوووو وجهييي انيييي متت بگاعي من سمعت الحچي اجت صابرين وجده صادق:اطلعن بره جده:ماكو شي اطلعن طلعن وسد الباب صادق:موووجيررران موجييران هذووله ماحسبت حساب مافكرت بسس لو أعرف شبلاااك ...وانتيييي اخخخخ منج لوووبس كايلتلي والله ماخلي اي شيي يصييير والله ... فراس:اني احلهاا لاتخاف صادق:شتحللل كلبي شتححححل فراس:اخطبها صادق:ماتخطبهاااا من البداية عليشش رحت لغير دروووب...روووح اخطب عساس راح ينطوك ركضضض..وره سالفتك لوتموت ماينطووك..واصلا اني ماخطبك تنجااازز انت وياهمممم فراس:لاتجيي ماكتلك تعااالي صادق:روووح ذاك الطريق... بقى يحجي ويلوم بينا باوع عليه صادق:اصعددي فوووك صعدت فوك واحس قطره دم ماضل بيه لحگني صادق: انطيني موبايلج شاف الموبايل عالمرايا اخذه صادق:بعددد مووبايل ماكوووو رنا:...... سكتت مارديت تقرب مني وحجه بكل انفعال صادق:بس كليلييي من ويين اتلگاهاا انيي من اخوي لو اختيي لو بنتييي لو مرتييي من ويييين ...اووووف منكم ارتاحي هس ارتاحي بقى يحجي ماقصر بكلامه..واني حرف واحد ماطلع مني ضليت ابچي اله عيوني ورمن صعدت صابرين تهدي بيه صابرين:كافيج مو كلبج راح يطگ رنا: علواه يطگ واخلص صابرين:والله اني مقهوره عليكم كلكم صابرين نزلت واني مستمره بالبجي صارت الساعه ١ حتى طب للغرفة..اخذ هدوم وضرب باب الكنتور قوي وطلع..بعد شوي طب للغرفه هم فرشله بالگاع اني بقيت اعن واون من القهر جوة الفراش الى الصبح ماعرف شلون نمت...هو هم مانام...جان يوم صعب عليه وعلي وعلى فراس ومها..علينا كلنا 💔 ثاني يوم بالكوة بالكوة كعدت ونزلت جوة رحت للمطبخ سرى: هاي شبيهن عيونج رنا:....... سرى:عرفت السالفة من صابرين....لو بس منتبهه اووف رنا:كافي سرى والله مامتحمله كلمه وحده ابد عفتها ورحت للصاله لاتريكت ولاشي جده هم عارفه السالفه وكامت تلوم بيه.. يلوموني فوك ضيمي نور احسها مشتفيه حيل موشويه..عبرت من يمي وسمعتها تكول:يوم ليك ويوم عليك ماجانت عندي القابيله انو ارد اوشي نهائيا صادق جان طالع..اجه وكت الغده..تغده وصعد فوك عبر اليوم بالقهر والحزن ولاحجه وياي حرف ولاحتى صخرني ثاني يوم.اجت عمى منى ومنتهى والافنديه دلال هم اجت التمن السوسات اني وصابرين سوينا العشه مع العلم بدون اي واهس اشتغل ولااريد اشوف شكول بشر صابرين:شوفي شوفي رنا:شنو باوعت من شباك المطبخ نور ودلال كاعدات بالحديقه يتمضحكن صابرين:يباوعن عليج ويضحكن رنا:قرچيااات شترجي منهن بعد صبينا العشه..وره العشه كاعدين بالصالة صادق وعلاوي وعماتي وجده اني جنت اغسل مواعين ويه فاطمه وسراب الصاله هوسه چبيرة وجهال ماعرف شنو يكولون ماحيل افهم اجه صادق للمطبخ حجه بانزعاج:مو داااحجييي ويااااج يضيمييييييي فاطمه كامت تضحك رنا:ها..ماسمعتك صادق: طبعاً ماتسمعييين مادري وين عقلج رنا:....... صادق:احمي العشه لحسن ماتعشه حميت العشه واني بداخلي افور من عنده طلعن البنات..ورحت صحت حسن حتى ياكل..شاورت حسن كتله:خلص وصيح أبوك بعد ماخلص راح صاحه اجه للمطبخ صادق:شكووو رنا:...... صادق:شنوو هاي النظرااات عود رنا:بعد ماقبل تكول يضيمي نهائيا صادق:اني شكول اكول ماتعلميني انتي رنا:مااسمح تكول هالكلمه كدام احد ابد فهمت تقرب مني.وحجه بصوت مرعب صادق:شنو هاي مال فهمت ها رنا:اي ماقبل صادق:اذا عدتي كلمه فهمت...شگد شفتي حنيه اشوفج قساوة رنا:مايهمني صادق:مايهمج موو.....اني اعلمج طلع وعافني ماطفت نار كلبي بالعكس زادت طلعت للحديقه شوي لان اختنكت الافنديات كاعدات بصفحه ويباوعن ويتشاورن اجت صابرين وسرى كعدن وياي صابرين:شلون جوز عبالك ريا وسكينه ياباخ ياباخ سرى:ههههه صابرين:يلا احنه هما خلي نضحك بقصدهن.ههههه رنا:ههه سرى:ههههه والله ياصابرين طلع من الاستقبال وجان يباوعلي بنظرات تخوف
ماتحملت منضرهن ولانظراته طبيت جوة.صعدت فوك طلعت هدوم حتى اسبح لان ملابسي صارن كلهن مي وريحه طبخ البيت چان بعده هوسه طبيت للحمام ....واني اسبح هستوني خليت الشامبو على شعري اندك باب الحمام بقوة حتى خفت رنا:منو صادق:افتحيييي الباااااب ....يتببببع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
