#ليته يعلم(أحببته منذ الصغر)

البارت ٣٥

البارت ٣٥ الجزء الثاني
#ليته يعلم (أحببته منذ الصغر)للكاتبه شفاء الموسوي

بعد العواصف جان الوكت متاخر وهدوء شوارع فارغه حسيت سراب غفت على جتفي
باوعت عليها غافيه .نور تباوع من الجام مال السياره وصافنه . مصطفى بحضن جده نايم
باوعت بالمرايا على صادق حواجبو معقوده
رجعت اباوع عالطريق حد ماوصلنا
وكفت السياره
رنا:سراب اكعدي
سراب:هااا
رنا:يلا وصلنا
نزلت البنات من السيارة ... ردت انزل بس مكدرت لان السياره عاليه ورجلي بعدها توجعني.اجه صادق:جلبي بأيدي وانزلي
مسكت ايده ونزلت
هم طبكت السياره الثانيه ونزل علاوي وسرى..فراس مانزل تايروح
صادق:وين تروح
فراس:على جهنمم وين ماروح اروح
شخط السياره وراح
جده:ووووين رااااح بس لايسوووي شي صادق الحگو
صادق:كلشي مايسوي لاتخافين خلي يروح عوفي
فتح الباب وطبينا جوة
اني امشي على كيفي وسراب وسرى يمي
سراب:اريد امسك فراشش اريد انام ترا فقدت
سرى:وصلنا هس تنامين
رنا:صدك بنات موبايلي ماجبتوو
سراب:يمم جده جابت الموبايلات وياها
رنا:اي زين
طبينا جوه  وصادق شغل الاضويه .. رحنا بغرفه البنات
نور:والله اشتاكيت لغرفتنا كلشش
سراب:اني همم
كعدنا بالكاع
جده:جيبن غطى شي لمصطفى وحسن ترى ناموو بالطريق خطيه
اجه صادق
صادق:نوور طلعلي فراش لعلاوي وللبقيه
نور :هسس
راحت نور جابت فراش النا.
اني كبل تمددت لان ماريد احرك رجلي ..وسرى راحت على علاوي
جده:اكلك وليدي تعااال
صادق:هااا يوم
جده:ماتخابر على فراس شوف وينو
صادق: موصغير ترى لاتغشلين بالج..
جده:خاف يسوي شي
صادق:لامايسوي...واذا راد يسووي شبيدي قاابل
جده:لاع الحال ولاع البال حسبي الله عليهم
سراب:بابا احنه حييل خفنا اني بس افكر بيك اكول وووين انننت
نور:اني كمت ادور لحسسسن تخبلت اله سمعت صوته تارتاحييت 
صادق:الله كريم بنياتي اهم شي مابيكم شي وزينين
سراب: الحمد لله.نوب خطيه صديقه رنا جانت يمناااا شصار بيهاا
صادق:يلااا عبررت...وانتي رنا اخبار رجلج شونها هس
رنا:من اكعد عادي ماتوجعنيي
صادق:اي لاتتحركيين هواي
جده:اووف منج ياصابرين قهرتي اخوج وقهرتينا ورحتي زعلانه
صادق:لسانها طويل عييب كدام الكل هيج تعير اخوها..تحسب قليله يسمع هالكلام
اجه علاوي
علاوي: صادق ترا ديخابرك عمي إبراهيم يكول شو مايجاوب صادق ..
طلع الموبايل من جيبه
صادق:هذا شسووواه صامت
رجع صادق خابر علي صادق:هلا عم....طبعا ينهزمزن هسس....لازم يتابعونهم.....اذا عافو الشغله وتراخوو بييها ترا احنه ننجاز ونصير موخوش اوادم.....انششوف ....هلا عممم
جده:هاا شصار
صادق:ماسكين بس واحد منهم حاليا الباقي منهزمين...
علاوي:بس يكول مداهمينهم ومكسرين غراض بيتهممم
صادق:ماتفيد اذا مايمسكونهم كلهم..... اي صدك يكول فراس يمهم يبات
جده:اي خوش عفيه
يلا انتوو ناموو هس
طلع صادق..واني مع العلم حيل نعسانه بس ماكدرت انام مباشره تاخرت يمكن لان المكان واالفراش تغيير علييه . ردت ابلغ صديقتي انو اليوم ماداوم بس الوكت حيل متاخر عاد ثولتها
كعدت الصبح على صوت جده باوعت سرى وسراب كاعدات
حركت رجلي بالغلط ناسيه اني متصوبه.كامت تشظ عليه
انتبهت على جده جانت تعبانه حييل
سرى: سراب تعاي وياي للمطبخ اريد اسوي ريوك لعمتي لان عدها علاج حتى تاخذه
سراب:يلا امشي
كمت على حيلي امشي شوي شوي رحت للمغاسل غسلت وتمسحت رجعت الغرفه صليت وكعدت مقابيل جده
رنا:شبيج جده
جده:احس ضغطي حيل مرتفع وراسي دايخ
رنا:هس بلكي تاخذين علاجج وتصيرين احسن
كامت تبجيي
جده:كل هالصار من وره النسسوان المايخافن الله.ولدي ماعدهم حظ بالنسوان فوك مامدللينهن .فراس ماخله قصره عليها وبالاخير هيج تجازي
بجيت على بجاها
رنا:عفيه جده كافي هس يرتفع بزايد ضغطج
جده:خلي يرتفع واموت بزعت والله
رنا:لاعفييه جده لاتحجين هييج
اجه صادق وشافها تبجي
صادق:شبيج يايمااا شبييج
رنا: خليها تبجيي بلكت ترتاح
اجه كعد مقابيلها وباسها من راسها
صادق:يووم اريدج تقوين كلبج ...لخاطري...
ترى كلنا بخير والحمد لله ..فتره قصيره ويعبر كلشي
اني اضل ويه فراس لاتخافين علي..واليوم اشوف واحد يسوي شبابيك البيت والكهرباء..ادري بيج ماتكدرين بدون غرفتج...واذا تريدين تبقين هنا اخليج على راسي بس عفيه لاتتجين وتنقهرين اريدج بخير يايما
جان يحجي وياها بكل هدوء وحنيه ...دايما يحب يخفف المعاناة لمن يشوف أحد يبجي وتعبان.. فعلاً هو سند البيت كله وبدونه مانعرف نسوي اي شي..
اجت سرى وسراب شايلات ريوك ...خلنه يم جده
صادق:يلا غاليتي يوم تريكي..جبتلج دهن حر وصمون حارر التحبينو
جده:ياابني بس الله يحفظك الي انت واخوتك كلشي ماريد بعد
صادق:تعاي رنا تريكي
كعدت اتريك وياهم.هو بس شرب جاي مااكل شي وراح
بعد شوي كعد علاوي ونور والجهال
عبر الوكت والبنات راحن شطفن البيت لان صار فتره متروك
اندك الباب وطلع علاوي فتحه
بعدين اجه علاوي :نوور سراب تعالن خالتجن حنان اجت
راحن يركضن يسلمن عليها
اجت كعدت جوة وسلمت عليه وعلى جده.هاي خالت البنات الصغيره من زمان حيل ماشايفها
حنان:شونكم شخباركم شنو هاي السوالف.والله من الصبح كلت اجي عليكم بس كالو صادق ماخذكم لبيته عاد كلت الا اجي اشوفكم
جده:ياهلا بيج..والله تعرفين انتي ع نفس السالفة هذولاك تهجمو
حنان:يعني فووك شينك كووات عيينك.لاحول ولاقوة الا بالله
اجت نور جابت مي الها
حنان:وين ابوج
نور: ماعرف يمكن طالع
حنان:خابري اذا كريب كوليله خلي يجي اريد اسلم علي قبل ماروح
جده:هس اخابرو
دكت جده علي.....هلا ابني اكلك حنان اجت تسأل عليك......ان شاء الله.....ماشي ...
يكول شوي واجي لاتروح
جنت اباوع عليها هي حلوة وصغيره يعني موكلش جبيره مزوجه وعدها بنت وحده
بعد شوي اجه صادق وسلمت عليه وكعد
حنان:بلله هاي سالفه يسسونهااا..وشسويتو وياهم
صادق:والله بعد مساكين واحد منهم ويدورون للبقيه
بقو يحجون بعدين كالت
حنان:يلا اني اروح هس
صادق:وين تروحين..تبقين عالغده ماكو روحه
حنان:لا والله تسلم بس عفت استبرق بالبيت ورجلي بدوام بس كلت اله اجي اشوفكم
لح عليها بس ماقبلت
طلعت وهو طلع وياها
اني حسبالي راحت
بعد شوي طلعت للطارمه شفتهم كاعد يحجون يم الباب
صار شعور غيره بداخلي مع العلم اعرف سوالف عاديه والمره اجت تسلم
بعدين طلعت وصادق كال لعلاوي روح جيب مسواك وخلي سرى تسوي غده
سرى ويه البنات بالمبطخ يسون غده
واني جنت ضايجه كلت لجده
رنا:صدك جده اريد موبايلي
جده:هاج موبايلج..بارحه من تانطلع صادق كال شيلن موبايلاتجن عادخليتهن بجيبي
انطتني الموبايل.كمت اكلب بي شوي.بس مابي انترنت
عاد عفته.
صار وكت الغده والبنات فرغن الغده بغرفه ثانيه مال كعده
سراب:تعاي رنا تغدي
رنا:ماشي
رحت للغرفه جانو كلهم كاعدين
رنا:تعاي كعدي هنا
صادق لاخلي تجي هنا بمكاني اني مومشتهي
جده:ليش .. حتى ريوك ماتريكت
صادق:اكلت قبل شوي لاتخافين ...تعاي رنا كعدي هنا
كعدت بمكانه وهو كام طلع
جده:ارفعن غده اله خاف يجوع العصر
نور:هسس
اني من شفته كام حتى اني نفسي نسدت..اكلت بس شوي
وره الغده اجه عمو ابراهيم وفراس وعدنان
جانو كاعدين بالحديقة..بهاي الفتره الجو ربيع جان.بس مرات الصبح أو تالي الليل يصير بارده
جده كيفت من شافت فراس وراحت كعدت وياهم
اني جنت بصفحه كاعده ويه البنات يعني نسمعهم من جانو يحجون
فراس:اني انتظرر خل اشووف شراح يسوون وياهم.اذا بس سوالف وكلاوات.وكتها لحد يلومني من هس اكوللهم
ابراهيم:بس لاتستعجلون انتوو..ترى هما نسوانهم تطلگت وانفضحت وابنهم ماات.عاد يسسون هيج
صادق:ياااااعم ليششش هنااا موجانن نسووووانه قاابل هالشي مادمرنااا ..خماا تبليينا علييهن موعيني عيينك شافهمم سووويه..والله مفروض طوول عمرهم مايطلعون حتى للشارررع يباوعون بوجوه الناس
دك الموبايل على عمو ابراهيم
ابراهيم: وعليكم السلام.....هلا بيك......اي بيت صادق....ياهلا
هذا عمهم راح يجي لهنا
فراس:عليششش يجييي لحدددد يطببب هناا من عدهممم
صادق:اصبررر خل نشوف شيريد
اجه الرجال وكعد وياهم بالحديقة
فراس متعصب وكل شوي يغلط ويفشر
صادق:فراس طول خلكك شوي..يعني شوف رغم كل العار اللي بدر منهم فوكاها اجو يتهجمون...والبيت مليان تراا موبس فراس موجود
الرجال:هما اللي غاثهم انت موفراس
صادق:ليشش اني
ابراهيم:صااادق شكووو.ليششش هماا من زلللم صادق عساس واحدددهم كديشش مايعرف يحجي كلمه
هم صار نقاش بنفس الموضوع..اني ضجت حيل وفتت جوة...تمددت على تخت سراب وغفيت
كعدت تالي عصرر.. كمت من مكاني ورحت للحديقه امشي شوي شوي احس نفسي حيل مخنوكه من كل هاي الوضعية
واكو شعور بداخلي زاعجني بس ماعرف شنو هو
عبر الوكت وصارت الدنيا ليل
ردت اكنك رحت على سراب
رنا:اكلج عدكم إنترنت
رنا:جان موجود قبل بس هس ماعرف
حاولت تنكنكلي ع الواي فاي بس ماكو شبكه
رنا: يلا عادي مومشكله
فتحت بيانات مجاني جان ضعيف حييل بالكوة فتح
باوعت بالكروب ماخذين محاضرات هواي اليوم ومحددين موعد امتحانات..كلشش ضجت لان المواد متراكمات عليه..راسلت صديقتي كتلها ترا وضعي هيج وهيج
باوعت جاني اشعار ...تريد زهره الثالوث ارسال رساله اليك
طبيت ع طلبات المراسله
باوعت رساله من صفحه بدون صوره شخصيه جايتني من البارحه
هااا منو مات منو عاش بيكمم ان شاء الله تكونين انتيي المييته ياحقييره)
قريت الرساله ٣ مرات علما استوعبت الكلام
شكيت بيهاا ولاء  كتبت الها (احنه كلنا بخيير وتدرين هس وين اني بالبيت الي جنتي تكولين علي هذا بيتي)
بعدين مسحتهااا كلت لا مارد عليها ....
كلت الا اشوفها لصادق.رحت علي بس جان كاعد ويه ولد عمى منى ومنتهى بالحديقة
جنت اباوع عليهم من الشباك كاعدين.وعيني علي بذات
حسيت نفسي فعلاً حيل مشتاكتله وهذا هو الشعور الزاعجني كلشش.. مشتاكه اكعد وياه اسولف وياه..هو من طلع فراس ملتهي ولاكعدنا سويه نوب صارت هاي الشغلة ضجت حيل
تأخر الوكت علما راحو تقريباً صارت الساعه ١٢
من طلعو وجان بعده واكف يم الباب رحت شوفته الرساله.خليتها مقابيله
قراها وكال:منو هاي
رنا:تتوقع مني.... ماكو غيرها
صادق:.....خلييها تولي لاتردين عليها
رنا:مارديت
صادق: احسن... تعالي نكعد هنا
كعدنا ع الكراسي بالحديقة .
بالبدايه اجه حسن والبنات وجده كعدو ويانا..بعدين راحو واني بقيت كاعدة لان اريد احجي وياه..هو هم جان بس يريدهم يروحون حتى يحجي وياي بوحدنا
ماصدك على الله راحو
صادق: اي تعاي سولفيلي شونج شون وضعج شون رجلج
رنا: ماشي الحال
صادق:خما تحسين نفسج موماخذه راحتج هنا او مومتعوده
رنا:يعني عادي
صادق:اني بس اريد هذول ينمسكون عود ارجعكم
رنا:ان شاء الله...اي انت اخبارك
صادق: زين زين مگضيه
بقينا نحجي هواي
رنا: شكد صارت الساعه
صادق:بعد وكت....٢ الأربع
رنا:شنووو
صادق:اي عادي
رنا:صدك دوامي شون.اليوم مارحت
قرب الكرسي يمي مباشرة
جان يحجي ابرود وهو صافن عليه
صادق:ماعلي شي دوامج
باوع عليه وصفن
رنا: شبيك
مارد عليه بقى صافن..اني هم صفنت بصفنته .. حسيت نفسي تهدونت من الصفنه
صادق:تعبان ومحتاجج هم..اريدج وياي
رنا:اي اني هم اريد وياي
صادق:تدرين شكو بداخلي
رنا: شكو
صادق: كلما تزيد الضروف الصعبه وياي كلما يصير عندي مشاعر وطاقه عجيبه لي يمج
احس نفسي فهمت كلامه بس مومثل ماهو يقصد
صادق : اريد انسى وضعي وكلشي بين اديج اريد اذب كل هاي طاقتي بييج
رنا:اي عادي
صادق: وين عادي يولي
كام على حيله وشاور بأذنيي
صادق:كومي فوتي جوة عود من تصيرين مرتي تعرفين شقصد.....يتتتتبع