#ليته يعلم(أحببته منذ الصغر)

البارت ٤

البارت ٤
ليته يعلم(أحببته منذ الصغر)
كتلها لالا دير بالج عفيه عيب تكليله
صابرين:لا يمعوده عادي
عافتني وراحت....فد استحيت حسيت بمدي اختفي بذيج اللحظه.اوف منج صابرين
دنكت وجهي انتظرتها ترجع.اجت تمشي باتجاهي
صابرين: كلتله كال خلي تشتري اي شي تريدة واني ادفع
رنا:يااااا شكد عيب ليش هيج سويتي ترى ماقبل تسوين شي يخصني وانحط بموقف محرج
صابرين: فوك ماردت اساعدج .صوجي اني اصلا بعد مالي دخل
رنا: يمعودا موهيج بس استحيت
صابرين:هس روحي اخذي شنو تريدين بسرعه
رحت افتر بس مع هيج استحيت أخذ شي زياده بس اخذت طوق مال شعر
وكت تانطلع دفع صادق الحساب وطلعنا.
صادق:وين تريدن تروحن بعد
صابرين: خلي نفتر لي جوة بعد نشوف شنازل بضاعه
نزلنا نتمشى . ماشاءالله شكال بضاعه جديدة وحلوة واحد يحتار سيأخذ بس اني مستحيه أشتري شي بعد لان اعرف صادق راح يدفع
فبقيت بس اتمشى وياهم وساكته
اجه صادق يمي بصوت واطي كال
صادق:اي شي يعجبج أخذي تمام
بقيت صافنه وكلبي يدك سريع وتلخبطت
رنا:هلا اي لا كافي تسلم ماقصرت
صادق:كتلج بعد اني
تقريبا خلصت صابرين تانطلع جان اشوف مثل تحفيه بنت ورجال حيل حلوة حبيتها
اخذتها وكاله اريد هاي
صادق:بس هاي
رنا:اي
صادق:تدللين
اخذها اللي وطلعنا
ماحجيلكم عن كميه الشعور الحلو اللي حسيته بهاي اللحظات
جنت هيج امشي وراه و اباوع على طوله واشم عطرة واتمنى يصير إليه سبحان الي زرع حبه بكلبي.
صادق كلش بيه شبه من باسم الكربلائي.بس صادق بعد احلى واصغر. وشعره مخلوط سواد وبياض
أما اني.فطولي وسط وشعري اسود هم طوله وسط
وبشرتي حنطيه ع بياض الحمد لله تراسيمي حلوة
كل الطريق واني بالسيارة ومتونسه باللي اخذتها اخر شي
وصلنا البيت الدنيا مغرب
تلكتنا الجدة.ها وشنو اخذتني ومعرف شنو
كتبها صادق هو دفع كلشي كالت .لعد خلي الفلوس مصرف الج
صعدت فوك الغرفه خليت التحفيه يم الجربايه مالتي
وفرحانه بيها
فجأة تذكرت كلامه ويه جدة من كال بعدها صغيرة وهالكلام
كلش ضجت وخرب واهسي
إذن مغرب وصليت وبقيت بالغرفه ادرس يم الخصوبه
صار وكت العشه اجت سراب صاحتني انزل اتعشه
نزلت تعشيت وياهم
ورحت حضرت الجاي وخليتله هيل.صبيت للكل ورحت اوزع عليهم
طبعا اني مااطبخ بالبيت بس الجاي وره العشه والغدة عليه
وزعت الجاي عليهم وصلت يمه
باوعت علي . هو ماباوع عليه . انطيت الكل وكعدت
بقوة يسولفون ويدردشون شوي جان اكو قضيه صايرة بالمنطقه يتناقشون بيها .بعد شوي صعدت الغرفه
شفت نور دتشوف الملابس اللي اخذتهم
نور:منين اخذتيهم
رنا: رحنا للسوك العصر ويه ابوج
نور:هاا وليش ماكلتلي.جان جيت وياجن
رنا: اني كلت لجده فطوم اريد اروح للسوك
كالت صابرين هم تريد تروح . بالبدايه عساس نروح مع فراس بس طلع عنده شغل عاد جده كالت الصادق هو ودانه
شلون الملابس حلوات
نور: يعني ايه حلوات
رنا: السوك مليان بضاعه تجنن بس بمدج تشترين.بس ماجنت شايله فلوس هواي
وابوج خطيه ماقصر هو دفع سعرهم .واخذت هاي التحفيه هم كلش حبيتها
نور: ايي حلوة
كالت هيج وراحت.اني كالعادة بقيت بالغرفه ادرس.صارت دنيا تمطر قوي ورعيد
صارت ساعه ب١٠ نزلت جوة ردت اشرب شي
نزلت جوة شفته كاعد بالصاله
رحت للمطبخ خليت قوري الجاي ع النار
سمعته صاحني
صادق:رنااا
رحت علي كالي شدسوين
رنا:اسوي جاي
صادق:صبيلي بطريقج
رنا:ماشي
بقيت بالمطبخ انتظر الجاي يصير .طبعا كلش اكيف من يناديني أو يصخرني رحت خليت هيل ع الجاي وع نار هاديه حتى يخدر زين وغسلت الستكانه نضيف حيل اعرفه يدقق بهيج شغلات
صار رعيد قوي وطفت الكهرب.
رنا:اوف هس وكتها
شغل صادق فلاش الموبايل ومالي شغلي اللمبه .رحت شغلتها وخليتها بالصاله
بعدين سمعته يخابر وشوي متعصب ويحجي
صادق:ترى مايجوز يسوي هيج هذول جيرانهم لا احنه نقبل ولاالعشيرة تقبل.بس واحد لخاطر عيلته يعبرها غير هيج والله محد يسكتله
طبعاً صادق هو الجبير بالبيت من بعد أبوه وهو صاحب المسؤوليه.. وآله كلمته بالمنطقه وناس كلش تحترمه ودايما يجون بمشاكل وقضايه يستشيرونه.فشي اكيد اكو بلبله وخابرو حتى يفضوها
خلص المكالمه بس حسيته شوي متنرفز
صادق:وين الصوبه الكازيه
رنا:هس أشعلها
رحت طلعتها من جوة الدرج وشغلتها خليتها يمه بالصالة
رحت للجاي لكيته صاير صبيت الي وآله
وديتله الجاي
واني رجعت للمطبخ اشرب
باب المطبخ مقابيل الصاله يعني اكدر اشوفه
فكعدت ع الكرسي مقابيله واباوع علي .كلش جانت حلوة هاي الأوقات بالنسبة اللي
الكهرب طافيه بس مشتغله اللمبه والصوبه الكازيه والجو مطر قوي ورعيد
صح اني قريبه علي واباوع علي بس اكو مسافة هواي بينا
اعرف هو مايفكر بيه مثل مااني افكر بي هو يشوفني صغيرة علي ولا ارهمله وبس
أما اني اشوفه كلشي.
فحسيت بشعور شوك وحزن ولهفه قويه بلحظتها
على كد ماهو قريب مني بس كلششش بعيييد.....يتبببع
ارجو من الادمن يخليني مشرفه لان دايتاخرون بالموافقة ع نشر القصه