#ليته يعلم(أحببته منذ الصغر)

البارت ٧٣

البارت ٧٣
رنا:الغرفه اللي ماالي حق اقفلها وكت مااريد وانهان واتعنف بيها طززززز بيهاااا ومووبس انت تعاقب.... اني هم اريد اعاقب وفوك مااصعد ولااطب الغرفه ..
صادق:اها
رنا:ايي اهااا
اجت صابرين
صابرين:عوفها تنام هنا
صادق:انتي لاتدخلين ارجعي لمكانج
صابرين: ادري قابل وين تروح..زعلانه منك خليها تنام جوة
صادق:ماعندي مره تمشي كلمته عليه...وثقي واعتقدي هاي اخر مره اكلج اصعدي فوك
رنا:واني اخر مره اكلك ماصعد....
صادق:ماشي ضلي جوة هاي هيه
صعد وعافني
رجعت لمكاني...
جده:اخخ من العناد
مارديت لفيت راسي ونمت
كعدت الصبح على صوت عثمان وحسن يحجون
فتحت عيني باوعت الساعه ٩ ونص
كمت من مكاني...رحت غسلت احس نفسي حيل تعبانه وصفاحي بعدها توجعني
سويت ريوك وكعدت صابرين وجهالها
تريكنا وكمت على شغلي
صارت الساعه ١١ تقريباً
هو مانزل عرفته بدوام.. لان هو مايتاخر بالكعده لهيج وكت ابد
صبينا الغده.. واجت نور..رحت اكلت بوحدي ماريد اكعد وياها
بعد الغده.. صابرين سبحت جهالها
وصعدت بنتها فوك حتى تفلي شعرها..صعدت وياها
جو حيل حلو بدايه خريف
شمس طالعه بس موقويه زينه
جانت تفرك وتفتش بشعر بنتها
رنا:شسوين
صابرين:ابخبش لان شفتها تحك..كلت خاف بيها گمل لو شي
رنا:بس زينه بنتج متحسنه
صابرين:لا الحمد لله زينه
كمت افتر واباوع..اجت عيني على بيت مها
ضجت عليها كلش
واني افتر سمعت باب سطحهم انفتح باوعت هي واختها شايلات هدوم تايشرنهن
باوعت عليها..شافتني
انتظرنا اختها تنزل..بعد مانزلت اختها
رحت عالحايط وكفت..هي هم اجت
رنا:هاولي شونج
مها: شلوني يعني..... اخبار فراس
رنا:والله بعده مقهور من الصار
مها: وأنتي خما تعاركتي ويه صادق
رنا:لي هس مانتحاجه
مها:لا حول ولا قوه الا بالله
رنا:طلعت بنته هي الكايله لصادق انو فراس صعد للغرفة
مها:يايمااااا شكد سافله.....رنا ديري بالج ديري بالج منها..هاي تهجم بيوت والله
رنا: البارحه خلصت عليها كتلتها كتله تخبل
مها:عاشت ايدج تستاهل
رنا:هس وضعج شونه....صدك فراس البارحه حجه ويه عمي إبراهيم اليوم راح يجي عمي يخطبج
مها:صدك
رنا:اي والله
مها: ماعرف شكول..بس لايجي هس احسن..بعدهم متعصبين منه كلش...ماراح يوافقون ابد....كولي لفراس خلي يأجلها موهس
رنا:...... ماعرف
مها: تصدكين شصار بيه اووف...صح ماصار هواي من كمنا نحجي...بس
عيونها دمعت
رنا:بس شنو
مها:كلش كلش مشتاكتله عبالك صار سنين وياه
رنا: صدك تحجين ..شبسرعه
مها:........عذذذذه شجابه عليه وشجابني عليييي
اجت اختها وراحت
رجعت يم صابرين
صابرين:ها شلونها مها
رنا:خطيه والله
صابرين:خوش بنت مها...يكعد حض فراس اذا اخذها..بس ماتوقع ينطوه...من جيهه عنده ولد ومن جيهه السالفة الصارت
رنا:زحمه كلش
صابرين:هم مگرود فراس
سمعنا صوت السيارة اجت
صابرين: اجه خالووو
جانت تحجي ويه بنتها
رنا:ايي اجه
صابرين:همزين البارحه الله هداه وعافج تنامين جوة
رنا:لا حبيبتي الله لاهداه ولاشي.. بس شافني قافله وطبگن عندي.. عافني
صابرين: والله كله كله من نور... أن شاء الله يجيها رجال كون يشبعها كتل
رنا:اميين
صابرين:يلا خل ننزل
نزلت صابرين بعدين نزلت
واني عالدرج هو صعد.. ماباوعت علي ولاهو باوع عليه
رحت لغرفه جده...بقيت أضرب صفنات ماعرف شسوي
موبايل ماعندي وماعرف بشنو التهي اخر شي نمت
كعدت عل صوته
صادق:علاااااوي
علاوي:ها
ذب السويج على علاوي
صادق:اغسل السياره
علاوي:شويه نوب اغسلها
تعدلت بقيت شوي بفراشي بعدين كمت
تذكرت كلام مها..كلت اروح اكول لفراس احسن لايستعجل ويدز عمي ابراهيم يروح يخطبله
رحت علي جان بالاستقبال
حجيتله كامل
فراس:........وشونها هي
رنا:بعدها ضايجه من الموقف
رنا:المهم انت لاتستعجل وتخطب أصبر
فراس:ماكدر اصبر لان الي ذنب بالصار وياها..ماكدر اصبر
رنا:مادري هي هيج كالتلي
فراس: ماشي ماشي
وره الصلاة صابرين كالت تروح عالسوك القريب علينا حتى تشتري ملابس لجهالها..وصت سرى وسراب على مسره
اني جنت ضايجع رحت عليها كتلها
رنا: اريد اجي وياج
صابرين:يلا البسي عالسريع
تحضرت ورحت وياها...قبل ماطلعنا كالتله رنا راح تجي وياي ماكال شي
طلعنا مشي اني وياها وعثمان
السوك موكلش بعيد يعني بنفس المنطقه مالتنا
اني ردت اطلع حتى اغير جو شويه
وصلنا السوك واخذت ملابس لجهالها
تأخرنا تقريبا لاذان المغرب.
وكت تانرجع عبرنا من يم المحل اللي يشتغل بي علاوي مال الموبايلات
عثمان:هييان محل خالو علاوي
صابرين:ايي..خلي نروح علي نشوفه موجود لولا
رحنا عالمحل
جان بس صديقه كاعد..شاف عثمان عرفه
صابرين سألت على علاوي كال ماموجود ورجعنا
لمن وصلنا البيت
جانو كلهم يم الباب
علاوي وحسن يغسلون السيارة
وصادق واكف بصفحه ويه رجال
طبينا جوة
صابرين كبل راحت عالمطبخ
صابرين:جوعانه يولو جوعانه
سرى:هههه خما وين جنتي قابل
صابرين:افتريت اله هلكت ...شوكت يصير العشه
سرى:بعد بعد صبري
اني رحت فوك تااطلع هدوم حتى انزل اسبح
الغرفه شحالها بقيت شوي صافنه عليها..نويت اعزلها بس ماعزلته عفته
فتحت الكنتور حتى اطلع ملابس.. الباب انفتح
عرفته اجه...اني جنت اطلع هدوم
فتح الجرارات ماعرف شسوى.. اخذت هدومي ونزلت
بدون ماباوع علي
نزلت تااسبح
جده:لاتسبحين بهالمغربيه موزين
قريت الأذكار وطبيت للحمام
واني اسبح هم تذكرت الصار...
احس اختنكت كلش ..ماطولت عالسريع طلعت
شفت ماكو احد بغرفه سرى.طبيت عليها وسديت الباب
نشفت شعري ومشطت..
طلعت من الغرفه ورحت كعدت بالصاله ويه صابرين وجده وسراب
الجهال يلعبون.
اجه علاوي.. بعدين هو نزل وكعد يم علاوي
سراب:بابا وين موبايلك اريده
صادق:عالشحن فوك
سراب:شكد بي..اريد العب بي شوي
صادق:روحي اخذي
صعدت بعد شوي نزلت..جانت مكنكه وتكلب بالفيديوهات
صابرين:صدك علاوي ...رحنا عالمحل.. سألنا عليك صديقك كال ماموجود
علاوي:ها رحتو شوكت
صابرين:وكت رجعنا
صادق:وشوداجن عالمحل ؟؟؟
صابرين:بطريقنا عبرنا من يم المحل وكلت أشوف علاوي
صادق: مالها داعي..عيب المكان مليان زلم شلج بهالشوفه
صابرين:والله هيج كلنا نروح مومتعمدين يعني
صادق:اي لاتروحن بعد ..
علاوي:يلااااا يضيمي ووووين العششه ع كولت صادق ههههه
سرى:هس دقايق
اني ماجنت اباوع علي..بس من تجي عيني علي..اشوفه يباوعلي بس مخوزر وعاقد حواجبه ويلعب بلحيته عالخفيف
ماتحملت كلش اشوفه مقابيلي..
كمت عاونت سرى..صبينا العشه واجت نور كعدت..اكلت شوي وكمت
شاهد الله لي هس نفسي مسدوده ولابنفسي شي ..
وره العشه..كاعدين اني وصابرين بالحديقة ..هو جان بالاستقبال
صابرين:هاا لي هس ماتصالحتو
رنا:لا
صابرين:ورين راح تنامين
رنا:جوة
صابرين: اوووف بس لاهم تتعاركون
رنا: جرحي بعده ينزف وماانام فوك لو موبس نتعارك لو.........* فشرت هم
صابرين:ههه يولي شبلاج
رنا:شبلاني موو..مابلاني شي لاتخافين حيل زينه تطمني
صابرين: خير ان شاء الله
وره شوي طلع من الاستقبال..جان يخابر ويفتر بالطارمه
رنا:بس يعرف يحل مشاكل الناس....خلي يحل مشاكل البيت ويه بنته
صابرين:مايفيد بيها كلشي لوموبس يحاول... هاي مدام انتي اخذتي ابوها تضل كارهتج
رنا:خل تكرهني..اني مارايده منها تحبني...بس لاتضل تسويلي مشاكل..خلي تبتعد عنيي
صابرين:هاي الدنيا كلها مابيها راحه ابد..وين ماواحد يروح مشاكل وكال وكلت
رنا:لوبس لوبس اخخخخ
صابرين:لوبس شنو
رنا:خليني ساكته ماريد انفتح هس
خلص مكالمته وسد الموبايل..اجه لي عدناا
اني كبل درت راسي بصفحه
صادق:هاا الوضع
صابرين:زين الحمدلله
صادق:خوش
صابرين:صدك صادق ليش ماترجع الموبايل لرنا
اني حيل ضجت من كالت هيج.باوعت عليها
رنا: منو كال اريد الموبايل
صادق:من تجر عدل ارجعه الها
كمت على حيلي
رنا:ماااريده اصلا...لاعندي ام ولااب ولااخوه حتى اخابرهم شسوي بي خلي عندك
طبيت جوة...بس حيل انزعجت من صابرين ومن الرد ماله
فتت لغرفه جده لكيت نور موجوده...رحت للصاله هوسه وجهال.. ماعرف وين انطي وجهي...
انجبرت اكعد بالصاله بنص الهوسه ..
انتظرت الوكت يعبر حتى اروح أنام..وانهزم شوي من الواقع
رحت فرشت فراش اليه جوة...بعد شوي اجه
ذب الموبايل عليه
صادق:هاج موبايلج
رنا:اخذه ماريده
مادارلي بال طلع من الغرفه
عفت الموبايل بصفحه.وتمددت..غفيت واخذتني النومه كعدت الصبح على وجع بصفاحي هم واحس شي ينزل مني
كمت للحمام اكو دم بعد بس قليل موهواي
رجعت لمكاني...بقيت متوجعه شوي.. اخر شي غفيت
كعدت الضحى العالي تقريبا
كمت لكيت صابرين وسراب شاطفات البيت وريحه التايت والنضافه كلش حلوة وقويه
طبيت للمطبخ.. سرى مخليه دولمه عالنار
هم ريحته كلش طيبه...
طلعت للطارمه اباوع على صابرين وسراب يشطفن
جنت امشي على كيفي ملتهيه
حسيت شي اجه براسي
باوعت طبه صغيره وكعت بالكاع
باوعت صادق وراي ضربني بيها
اشرلي يعني تعالي وراح للاستقبال
مارحت علي..بقيت وياهن..بعد شوي اجه حسن
حسن:بابا يصيحج
رحت علي
صادق:سدي الباب
سديت الباب
رنا:ها
صادق:موكتلج تعاي ليش ماتجين
رنا:ماريد اجي
صادق:ترا زودتيها عاد كافيج
رنا:مازودتها بگدك(مثلك)
صادق:تعاي
رنا:........
صادق:شبيج تعاي
رحت يمه
كعدني بحضنه ..
احس بداخلي كأنما راح يضحك عليه بكلام حلو  ...جنت قارفه شوي منه
خله ادينه على خصري
صادق:حييل مشتاكلج
وخرت عنه وكمت
صادق:ليششش كمتي
رنا:مداتقبلك
صادق:شنو يعني ماتتقبليني
رنا:من وكت الصار لي هس اني نفسي چازة منك
سكت شوي.. كام على حيله
صادق:شقصدج
دمعت عيني
رنا:من وره فعلتك احس حتى حبك راح بداخلي بعد ماريدك
ماانكر اني تعمدت اكله هيج ردت اقهره كلش حتى مايفكر انو اني لان حيل احبه راح ارضى بكلام حلو يكوله الي
كام يفتر بالاستقبال ويهز براسه
صادق: هيج مو
رنا:.......اي انت السبب
تقرب مني وحجه بعصبيه
صادق:اطلعي برا
طلعت ورحت للصاله كعدت بس جنت متوتره كلشش
من وكت حجيت هيج وياه...صار اسوء من قبل بهواي
يتحجج على اي شي
وكت الغده ماتغده ويانا طلع
المغرب هم تعارك ويه رجال عالموبايل
بقى اليوم كله أعصاب نار
اني نمت جوة هم...ثاني يوم جان بدوام
بالليل سرى كالت نروح لاهلها نتعلل وهم نبارك لاختها لان انخطبت  ...جده ماكدرت تجي ويانا جانت تعبانه شوي
تحضرنا اني وصابرين وسراب هم اجن ويانا  وصلنا علاوي رجع للبيت.. كعدنا تعللنا عدهم
تقريباً صارت الساعه ١١
دك موبايل صابرين
صابرين:هلا خويه..... ماشي هيان جايين
يلا بنات صادق بره ينتظرنا
ام سرى:بعد وكت
صابرين:لاكافي نروح
طلعنا... صابرين صعدت من وره هي وجهالها وسرى
كلت لسراب بصوت ناصي
رنا:انتي اصعدي من كدام
سراب:لاانتي اصعدي..شوفي بابا شون معصب ماريد اصعد من كدام
باوعت علي فعلاً مايتحاجه مبين
صعدت من كدام ..شغل السياره وطلع
كل الطريق سكته وهدوء
دك موبايله
صادق:هلا.....شوكت......ليشش.....خررب......انعل والديهم هس جاي جاي بطريق اني....سد الموبايل
رجع دك موبايله مره ثانيه
صادق:هلا عمي....... يصير خير هس اصل هس
سده وكام يسوق سريع
صابرين: صادق لاتسوق سريع
حسيته سرع كلش .عبر كل السيارات ..اني خفت بداخلي
صابرين:ياصادق شبييييك
سراب هم خافت كلش
صابرين: سرى حامل ويانا يصادق .....على كييييفك
زج عليها
صادق:وووجع تاووووجع ماريد وحده تفتح حلكهااا
علما وصلنا البيت متنا ...حتى نزلت دايخه
نزلنا جان عمي إبراهيم وعدنان وفراس ملتمين وجده وياهم بالطارمه ..صابرين بقت وياهم
اني والبنات طبينا جوة
صار حسهم عالي..
طلعنا يم الباب اني وسرى ...اللي فهمته اخوت مها وفراس متعاركين...يمكن متلاگين بطريق واخوها متحجج على فراس وسمعه حجي ومتضاربين بيناتهم ..وابو مها مخابر على عمي ابراهيم لان يعرفه
وصادق يشلع ويباع بالحجي عليهم
اني ماجان ليه خلك كل هاي الهوسه...صعدت بدلت ملابسي ونزلت تمددت بغرفه جده
بعدها اجت جده وصابرين وراح عمي وعدنان..
سمعته يصيحني
صابرين:كومي ترا يصيحج
طلعت علي
صادق:امشي نضفي الغرفه
صعدت فوك نضفته كامل وعزلته
طب للغرفة
صادق:غرفتج صايره مزبله ولامهتمه ولاكلتي اصعد انضفها
رنا:من جنت مهتمه وانضفه شحصلت ؟؟!
صادق:يولي ليش ماتعرفين تحجين
رنا:اذا اكول الصحيح اطلع ماعرف احجي..واذا اسكت ليش ساكته
صادق: والقرآن انتي صايرة ادبسزززز حييل موشويه وراسج اله اكسسره
انداريت تااطلع
صادق: وين طالعه
رنا:انزل جوة يعني وين
صادق:ماكو طلعه
فتحت الباب تااطلع
جان يقفل الباب
رنا:افتتح الباب
صادق:طلعه ماكو..انطيتج وجه زايد..
رنا:يااوجه هذا ياوجه ... صادق خليني انزل ماريد ابقى هنا
صادق:ليشششش...ماكو شي على مرامج بعد...تنجبين وتسمعين الكلمه
رنا:.........
سكتت بس عيوني مليانه دموع 💔
صادق:يلا انخمدي
رنا:خليني اطلع عفيه
صادق:ايي حقققج بعد ماتتقبلييينيي
رنا:عووفني اطلع
صادق: تطلع روحج وماتطلعين
سكتت ماحجيت شي فرشت فراش اللي بالكاع وبقيت ابجي جوة الفراش بللت المخده بدموعي...هو مايعرف شيسوي...
جان يجي
صادق:كومييي انزلي جوووة كووومي
حيل جنت خايفه منه
كمت على حيلي
صادق:اطلعيييي طبببيج مررررض
طلعت وسد الباب وراي بقوة
نزلت جوة وتمددت بفراشي جانو كلهم نايمين والضوه طافي
بقيت ابجي بسكوت الى مانمت
حلمت بأبوي
هاي اول مره من زمان ماحلمت بي .. اني اذكر شكله بس موكلش هواي
بالحلم مثل ما اجه اخذني من هنا هو وعلاوي
جنت حيل فرحانه وياهم..وبيت عمامي مثل قبل يعني قبل ماتزوجت صادق لمن جنت عدهم ووضعي وياهم زين
اخذني بابا وعلاوي لبيت ..بابا كالي هذا بيتنا .. سألته على ماما كال راحت تخبز خبز حار للغده ..جنت بس انتظرها تجي حتى اشوفها وكأنما من راح تجي عبالك راح يصير فد شي حلو...اجت وشايله وياها خبز حار
كيفت من شفتها..اخذت رغيف واكلت منه حيل حيل طيب
كعدنا نتغده سويه... وكعدت من نومي
الله لايشوف أحد هيج شعور ولايضوگه اياه
متت بجي جوة الفراش
احجي ويه روحي
رنا:عفيه تعالو وينكم رحتو وعفتوني
گلبي طك من البجي عليهم
جنت كلش محتاجه صادق بهالوكت..بس وين ماخله حتى مجال الهالشي 💔
كعدت صابرين على صوت الشهيك مالي
صابرين:شبيج رنا
رنا:......
صابرين:شبيج
رنا: حلمت بأهلي 💔
اجت يمي
صابرين:ياعمري يارنا
رنا: صابرين كلش محتاجتهم اني كلش والله كلش
نزلت دموعها عليه وحضنتني
صابرين: لأحول ولا قوه الا بالله
بقيت كاعده شوي بعدين كمت غسلت ورجعت نمت
ثاني يوم ماجان احسن من القبله ابد..بالعكس النفسيه تحت تحت الصفر ... والوجع عندي مستمر
بالليل جانت جده يم جارتها..وسرى وعلاوي طالعين ماعرف وين وسراب وياهم ..نور موجوده فوك.. وصابرين جوه  وجهالها بالحديقة
رحت على فراس فتحنا الموضوع ..وحجالي لمن صارت العركه هو واخو
رنا:انت انسى الموضوع هس
فراس:يارنا والله مقهور عليها كلش كلش
رنا: ميخالف فتره وتعبر
فراس:الله كريم
دنحجي وطب صادق...جان متحضر تايطلع
اخذ السويج من فراس
اني طلعت رحت للصاله وصابرين كاعده بصفحه
جان يجي عليه (يمكن هاي جانت اكبر عركه بيناتنا 💔)
صادق:هاا لازم ماتوبين انتي
رنا:اتوب من شنو
صادق:ليش كاعده ويه فراس...لازم دتخططين على شي ثاني
رنا:من اخطط اكلك هس لا
صادق:تتقشمرين على كلامي مو
رنا:.....
صادق:انتي كل العقوبات ماتفيد وياج
تعصبت شوي بالبدايه
رنا: استغفر الله ياربي ..روح اطلع موعندك طلعه روح لاتتاخر على ربعك
صادق:ماااالج علاااااقه ولاتكولييين رووووح اطلللع ..حيوووووانه
رنا:هو اني لازم مالي علاقه بأي شي يخصك..بس انت تدخل بكلشي لازم خوووووش دييين عندددك اصلاااا انت لاديييين ولامذهبببب
مسكني من حنچي
صادق:انيي لاديييين ولامذهب مووووو
دفعت ايده
رنا: اصلاااا انت تتسسسستر بالديييين ...ووووين اكووو واحد يحث الناس عالديين ويسووي مثلك هااااا ووووين
وعليشش تقرأ قراااان عليشششش عووووفه احسنلك
بقيت احجي بانفعال وابجي بنفس الوكت طلعت شاكو شي بگلبي مثل واحد بايع ومخلص
رنا :شفتنيييي ماعندددي احددد هيييج تسوووي وياااااي
بسسس والله محد يخسسسسر غيرررك..صدكنييي اذا طخت عندي  اعوووووفك واروووح مايهمنييي بعددد شييي
وتعرفنييي زززززين اسويييهااا..
هو يسمعني ومخلي ادينه وره ضهره ويفتر
صابرين اجت عليه حجت بصوو ناصي
صابرين:يولي من قهره منج هيج ديسوي وياج...ترا صارله يومين ماينام الليل من كلتيتله بعد ماريدك....اجه يحجي وياي متخبل من كلامج...خبلتيي يكول شلووون بعد ماتريدني
رنا:مشكلتتتته..من وررراه ايي من وررراه ...
صادق:كافي يرنا
رنا:لاا موكافييينيي .....لاااا وننوووب يكلي راح تعبرين نور ..بنتك المحروووسه الاصييله بالاستهتااار ..
اييي موعساسسس انيي سوويت سحرررر لو شغلتييي افرق بين اثنييييين....هااا ويكلييي ماتقفيلن الغرفه خليها بكيفها تسووووي
قندررررة عالغرفه فددد شيييي يعنييي.. مفروض انتتتتت ماتمسحلهااااا تطب للغرفه بكيفهاااا...مافكرت تسووووي بيها شيييي ..ليششش بعيده عليهااا كوولي بعيده
صابرين:اي والله صحيح حجيها مفروض انت ماتقبل
رنا:ههههه اي وفوكاها يريد يجمعني وياها بنفس البيت
لوووو امووووت ماقبببببل
صادق:ادرررررري خماااا ووووين اولي بيهاااا
رنا:مشكلتتتتك تنجاااااز مايخصني هالشي ...لو نتخارب لو نتطلك هممم ماقبببببل بهالشي
من كلت هييج انجن
كام يغلط ويكسر..
صادق:تجيبيييين طاري طلاگ على لسااانج انعل والدددديج والله
كعدت بالكاع
رنا:لاتسسسب عوف الميتيين بحالهم
صادق:من انطيييج مجال بالحجييي تلوصيييين
رنا:اي اللوص عندك اعتراض
ضرب الطبله بالكاع صارت ميت وصله
صابرين:صادق صادق تعوذ الشيطان....
اجت عليه
اسكتي انتي اسكتييييي
رنا:عليش اسكت...شيريد يسوي خلي يسوي..ولو هو اصلا ماخله شي ماسواه
صادق:وربج وربج ياااااارنااااا ..اذا ماتحجييين عدل وياي..اشوووفج الاسوء من صااااادق..واللي شفتي وكلتي عليييي اذذذيه هذا لاشيييء ماااايجي ذرة من الراح اشوفج ايااااه
رنا:عااااااادي عااااادي ..هو رنا انخلقت حتى تحمل ضيمك وضيم بنتك ....بسسس بنتك اني الهاااا ...دخلي بسسس تجييي حولي بعد..اموتهااا گداااامك والله .اله اصيير مومربيه من صحيح
صادق:رووووحي موتيييهاااا واشفي غليلج وارتااااحي..كلبج مليااان غل رووووحي .
رنا:ايي ملييان غل
صابرين:خررررب يووومج شگد راااسسج متييين دكاافيج عاد سديي حلكككج
كمت على حيلي تاروح لغرفه جده ..
صابرين:شنووو هاااااي يولي
انداريت عليها
رنا:شبيج
باوعت للكاع بمكاني كله دم....يتبببببع