#ليته يعلم(أحببته منذ الصغر)

البارت ٦٠

البارت ٦٠
ليته يعلم (أحببته منذ الصغر)
صابرين:شوفي هس راح يجي شيحجيي ششيكوول لاتردين  علي ولاتفتحيين حلگج
رنا:ليش شكال
صابرين: يحجي لان جيتي وماكلتيله
رناا:اووف والله مافطنت اكله
صابرين:, المهم مثل ماكتلج لاتردين ولا شي
رحت طلعت الموبايل باوعت ٦مكالمات فائته
بقيت متوتره لحد ما اجه
جنت بالهول اني وصابرين..وهو طب ..وشي اكيد حيل معصب ومايتحاجه
صادق:مووووبايلج وييينه
رنا:هيانا
صادق:انطيني اياه
انطيته اله
صادق:هذاا لشنووو فهمينييي هذا الجهاز لشنوو اخترعوووو....
رنا: جان بالجنطه ماسمعته
صادق:خوش عذر.حضرت جنااااابج لييييشش تروحين وماتبلغينييي ولاحتى خابرتيي
سكتت لان ماعرف شرد.
صادق:ماترديين
رنا:نسيت
صادق:بله هاي سالفه شنو نسييت انتيي وييين عقلج .....ثاني شي شنو تريدين تباتين وتبقين كم يوم
رنا:جنت ضايجه وردت اروح
صادق: شنوو ضايجه واروووح.. مايصيررر ترا انتي موجاااهل
صابرين: يلا ماصار شي
صادق:صار ونصصص وانتي لاتطمعين زايددد.. مفروض تكوليلها كلتيله لولا..موكبل اخذتيهاا ورحتيي
بقه متعصب ويحجي عود اني مارديت اخذت بنصيحة صابرين... سكتت سكتت.اخر شي متحملت.الطبع غلاب 💔
رنا:ترااا ماصاار شي...اني نفسيتي تعبت حيل واجيت هنا..خما صابرين وين صاير بيتهااا قابل
صادق:انيي ماكلت ليشش رحتتتي.كلللت ليشش ماكلتيلييي
رنا:اييي نسيييت
صادق لومخليتنييي اباللج ماجان نسيييتيي.. مره الخ اذا تكرر الموقف.....
رنا: ماشي ماشي ......
صادق:باوعي عددددل
رنا:اهوووو
صادق:عليييمن اهووو...احترررمييي..يلا جيبي هدومج وامشيي ويااااي
صابرين:خليهاا تبات اليوم
صادق:لا ماتبقىى كدامي يلااا
رحت حضرت نفسي واخذت الجنطه
هو جان بالسياره.. وصابرين بالهول
طلعت وصارت بوجهي
صابرين: ميخالف ميخالف لاتديرين بال
رنا:اييي مبييين...
رحت صعدت بالسياره..هو جان بعده مخوزر..واني هم ضايجه
صادق: شوفي ترا هاي مال تطلعين وتقررين تضلين واني اخر من يعلم...اگطعي نفسج من هاي السالفه بعد زين
لان عيب اجي أسأل عليج ويكولون راحت واني مدري وين رحتي
رنا: اني نفسيتي حيل تعبت وكلت اروح
صادق:اي عادي جان كتيلي..جان جيت اخذتج لاي مكان
رنا:مافطنت ..ثاني شي اني خايفه
صادق:من شنو
رنا ؛يعني وجع بطني حيل ديضوجني... بيه خوفه
صادق:لاتوسوسين ماكو شي بس استمري عالدهن ماعليج كلشي
فررني بالسيارة بعدين رجعني يم بيت صابرين
رنا:شو رجعت هنا
صادق:ماشي انزلي باتي يمها
رنا: اكيد
صادق:ايي انزلي..باجر ترجعين
رنا:ماشي
نزلت طبيت جوة وهو راح..
صابرين:هات شو رجعتي.بس لاتعالكتو وانهزمتي
رنا:ههه لا هو رجعني
صابرين:اهاا عجب
رنا:فررني شوي ورجعني
صابرين:والله ياصادق ههه..مايكدر مايكدر عليج
رنا:عساه دوم مايكدر ...تدرين اني شگد احبه
صابرين:اي ادري بس لاتبجين
رنا:ههه لامابجي.... ماعرف شگد بس اكثر من كلشي ❤️
كملنا تعليلتنا اني وصابرين تأخرنا كلش وره السحور تانمنا
كعدتني صابرين بساعه ٢ الضهر
صابرين:رنا كومي كافيج نوم
رنا:هس كايمه
كمت.بعد ماصحيت وغلست مسكت الموبايل
لكيته دازلي رساله عالفيس
صادق: اخذتي الزيت وياج
تذكرت اني ماخذته..رديتله
رنا:لا
صادق:وينه
رنا: يمكن بقى بغرفه سرى
صادق:راح ادزلج اياه ويه حسن
رنا: تمام
بعد شوي اجه حسن جاب العلبه.وخليت صابرين تدهن جسمي كامل
صابرين:ماوجعت بطنج من وكت دهنتي
رنا:لا..تتوقعين وين دياخذ نور
صابرين:علمي علمج اني هم اريد أعرف....مديخطر أبالي اي مكان
رنا:هي تبين
صابرين: أكيد..
سويت اني وياها فطور تشريب لحم
قبل الاذان صابرين خابرت صادق كالتله تعال تفطر أهنا
قبل الاذان بشوي اجه
طلعت عالسريع افتحله الباب
صادق: ها حلو
رنا: انت الحلو
طبينا جوة
صابرين: راحت تركض ركض..قبل شوي اكوللها بس طفي الماطور ثولتها
رنا:هههه عابت اله تسولفين كلشي
صادق:اذا ماتجي متلهفه على مودي لعد المن تجي تركض
صابرين: هم صحيح
صادق: لاتتاخرين بالسوالف بقى دقيقتين للاذان
صابرين: كامل الفطور هس نصب
المهم تفطرنا وجنه دنشرب جاي صابرين فتحت موضوع نور
صابرين:صدك اكلك..وين اخذت نور وكت صارت المشكله
صادق: ماضروري تعرفين
صابرين:ها
صادق:اي
وصلنا البيت.طبيت جوة خليت الجنطه بالمكتبه وغيرت ملابسي..سمعت جده تحجي ويه صادق
جده: ماشاءالله وين ماتروح نسوانكم تلحگونهن عود انتظرتك تجي تتفطر هنا ..
صادق : صابرين خابرتني كالت تعال هنا... واني هم رجعت رنا بطريقي
جده:اي عيني اي ..
صادق:ثاني شي مايخص أحد هالموضوع..ماريد نرجع لي وره
عرفت انو جده تضوج بعض المرات من تشوف اهتمام صادق بيه...صح هي تريدني ومابيني وبينها شي..بس.اله مامرات أحسها تضوج أو تسمع حجي
رحت على سرى هم خليتها تدهن جسمي.لاحظت أنو بطني ماوجعتني اليوم ابد..حيل ارتاحيت وراح الخوف مني
المهم ثاني يوم بيدنا انضف البيت اني وسرى وسراب.. هاي متعودين كل عيد لازم نسوي حملات تنضيف... العصر اجت سرى
سرى:اكلج وين صادق يأخذ نور
رنا: ليش
سرى:قبل شوي اخذها وراح
رنا:هاا.والله ماعرف
بالليل جنت انتظره  يجي حتى نكعد نحجي
اني جنت بالحديقة وهو اجه..كعد وياي
صادق:ها حياتي شونج
رنا:زينه
صادق:زين لكيتج تنتظريني
رنا:ليش بله
صادق:ردت احجي وياج ع مود الزواج
رنا:ايي
صادق: شوفي اني  ماصدكت ع الله تصيرين زينه وترجعين مثل قبل .هاي هيه اريد اخذج اريد استقر وارتاح..واني اعرف زين راحتي وياج
رنا: شنو يعني تاخذني هس!؟
صادق:ههه لالا موبهاي اللحظه. بعد العيد مباشرة اخذج...اي شي تحتاجينه تروحين انتي وصابرين تاخذينه..
رنا:وليش ماتجي ويانا
صادق:هاي الفتره كلها دوامات...خلي علاوي ياخذجن
رنا: يعني شوكت بضبظ وره العيد ؟
صادق:العيد حيصادف اذا شاءالله الخميس.الاثنين نزوج
من حجه بالزواج وحسيت الموعد قرب كلش توترت هواي ..
ثاني يوم رحنا بالليل اني وصابرين وعلاوي..اخذت كم شغله احتاجهم بس كولشي.اتفقنا نروح يوميه وره الفطور على كيفنا نتسوك.. اني ماقصرت اخذت كلشي أحتاجه أو ماحتاجه .ماخليت اي شي بنفسي نهائيا.وهم حجزت يم صالون حيل مضبوط...وحجزت فستان يجنن موكلش هوسه
علاوي:والله صادق عرف شون يفلت من هاي الطلعات وخلاها براسي.اني اله
صابرين:هههه انت ابتليت .
جنت كلما ارجع نصعد فوك اني وصابرين وسرى نعزل المسواك ..خليت الملابس بالكنتور والميكاج بالجرارات رتبتهم.. والأحذية بوحده من المكاتب اللي صايره جوة الزاويه..المهم عزلنا كلشي  بعد شوي اجه صادق
طب للغرفه جان يباوع وصافن الغرفه مليانه علاليك وكراتين
صادق:شنو هاي الهوسه
صابرين:هسس زين لوجاي قبل شوي وشايف الهوسه الصحيحيه
فتح الكنتور عباره عن ملابس كلها اللي.فتح الجرارات نفس الشي
صادق:اول مره احس الغرفه موبس اللي.او موألي اصلا .ماضلتلي كعده هنا
رنا:ههه اي انزل جوة
صابرين: ماراح يبقى مكان لملابسك بعد
صادق:شعليه اني..فرغيلي بااب اللي.الباقي اخذيهن الج
رنا: ميخالف اشوفلك اذا لكيت
صادق:اهاا
رنا:ههههه
صابرين:ههههه هم صحيح اذا لكت..
صادق:يلا فدوة إلها
صابرين:احم احم..ليش تخليني أغار
صادق:انتي لحالج تغارين شسويلج قابل
صابرين:اييه ايييه
صادق:صدك خابرني محسن
صابرين:شيريد
صادق:يكول حدها الساعه ١٠ونص اذا ماجت انعل يومها
صابرين:صدك وانت شكتله
صادق:كتله حقك والله
صابرين خافت ووجها انكلب
صابرين: صدك تحجي
صادق:اي صدك
كامت عالسريع لفت الشال تاتروح
صابرين:عفيه وصلني بالسيارة.ماريد أتأخر اكثر
ارجعي ارجعي ماحسبالي هالگد تخافين منه اشاقه وياج
احس خطيه شصار بيها معد تكدر
صابرين:ليش هيج ليش تسوي بيه
صادق: وشبيج حيل خفتي؟ ترا مبين اشاقه
سكتت ماردت ...بعد ساعه هيج راحت
وره يومين سوينا كليجه.وره الفطور بدينا بيها
اجن خوات سرى عاوننا..تذكرت مها وكلش كلبي وجعني لان حيل مشتاكتلها..كلت جان هس اجت عاونتنا.بقينا للسحور نسوي بيها
بعد يوم قبل العيد بيومين.. رحنا للسوك كلنه هم  وجده اجت ويانا وسرى وسراب  والجهال رحنا ويه علاوي كلهم اخذو ملابس وشغلات حلوة اني ماجنت محتاجه شي رحت وياهم عالونسه وبس..جده اخذت مسواك للعيد ..بهاي الفتره نور بعدها فوك بالغرفه معاقبه..سراب تصعدلها اكل ومرات تفتحلها الباب وقت الحاجه
ثاني يوم اللي هو اخر يوم برمضان..هم صادق اخذ نور.. تاخر علما رجع..من رجع كالي
صادق:رناوي طلعي الدشداشه  اكويها
رنا:ياهي بيهم
صادق:اكويهم كلهن.. واني اشوف ياهي البس
كويتهم كلهم وعلگتهم
جنت حزينه لان رمضان خلص وفرحانه بجيه العيد
بالليل جانت الجوامع تكبر
طلعت للحديقه اني وسرى نسمع الصوت...اجه علاوي جايب عصير وبقلاوة
بعدين رحت سحبت وسشورت شعري وخليت مكياج حلو وتعطرت جنت انتظره يجي
وره الصلاة اجه وجان وياه أصدقاء اثنين مقربين كلش اله
اني جنت بالمطبخ اسويلهم چاي
بعد شوي هو اجه.
صادق :شنو هالجمال..انتي تريدني ادخل عليج كبل الموعد
رنا:لالامتوهم
صادق:اني أعلمك
رنا.....شتعلم
صادق:عود تعرفين. .. المهم خدري چاي زين وخلي كليجه وياه
رنا:ماشي
حضرتلهم چاي وكليجه..اجه علاوي اخذهن
ماطولو هواي راحو..
بعد ماطلعو صاحني اصعد فوك. صعدت وياه
تعللنا سويه بعدين كالي طفي الضو..
طفيت الضو تااطلع
صادق:وين تروحين تعالي
رنا:حسبالي تريد تنام
صادق:لا...تعالي
رجعت كعدت يمه.. تقرب مني كعدني بضحنه ولف ايده على خصري وباسني من رگبتي
بالبدايه جانت مشاعري حلوة ومستمتعه بعدين صابتني خفت شوي.. وخرت ايده وكمت
صادق:ها شبيج
رنا: مابيه شي
صادق:شوو كمتي... وكت اتقرب منج كلش تشردين
رنا:لا مو هيج
صادق:بلي هيج ..يلا تاليتج جواي تصيرين
فهمت شيقصد..كبل طلعت من الغرفه
نزلت جوة فرشت فراش وتمددت.. بقيت افكر احس قلقت
اني ماهواي اتعمق بهاي المواضيع ولاافكر زايد.بس من قرب موعد زواجنا احس شعور غريب وبي خوف هم
نمت واني نايمه شميت عطر يجنن اللي احبه بس ماكعدت بقيت نايمه بعدين كعدتوكعدت على ريحه عطر البخور وصوت جده كاعده
فتحت عيوني
جده:وينج سراب جيبي هدوم حسن ومصطفى
جده جانت تلبس الجهال ملابسهم
حسن:اني البس انطيني
جده:هس اني اللبسك تعال
حسن:اني جبير عيب تلبسيني انتي..هس اروح للحمام ابدل
جده:هس صرت جبير...يلا روح بدل ملابسك
كعدت غسلت وخليت القوري عالنار
صادق ماجان موجود.دايما يروح ع صلاة العيد هو وأصدقائه..
كعد علاوي وسرى..
جده:رنا طلعي الگيمر والكاهي خليتهن البارحه بالثلاجة
رنا:هس
جده: حضري الريوك بس لحد يمد ايده اله يجي صادق وفراس
حضرت الريوك  اني وسرى ورميته بالصالة
جده كالت لعلاوي
جده:ليش مورايح على صلاة العيد حالك حال اخوتك
علاوي: اخذتني النومه
اني جنت انتظر صادق يجي كل شوي اباوع من الشباك
كلت اروح الم الفراش قبل مااحد يجي..لان دايما بالعيد يجن جارات جده يسلمن عليها
واني الم بالفراش..سمعت صوت فراس طب جوة يعايد جده
طلعت عالسريع لكيته هستوه فتح باب البيت
رحت  للطارمه ..جان لابس الدشداشه البيضه والساعه الرصاصيه..
طالع مااحلاه❤️
كبل حضنته وعايدته
صادق: كل عام وانتي بخير ياروحي الاحبها
رنا:وانت بخير ياكل مااملك
صادق:ترا اني جيت عليج من الفجر اعايدج.جنتي نايمه
رنا:هااا صحيح والله حسيت بيك شميت عطرك بس ماكعدت
سمعنا صوت جده
جده: يلا عاد فوت خلي نشوفك
طبينا جوة عايد جده والبقيه..واني هم عايدتهم
كعدنا نتريك ..جانت الأجواء حيل حلوة
اصوات الجهال بره يلعبون
بعد شوي اجو اصدقاء صادق وفراس..كعدو بالاستقبال
بعد شوي اجه صادق اخذ المفتاح من سراب وصعد فوك..ماطول هواي ونزل راح للاستقبال
واجت صابرين وجهالها ...
سلمت عليها وعايدتها اني وجده وسرى وسراب
طلع فراس من الاستقبال انطه حسن ومصطفى فلوس كاللهم روحو اشترو..طب فراس لغرفته ولحگته جده
اني وصابرين والبنات بقينا بالصالة..طلعت كرز وحلويات
وكعدنا ندردش وناكل
سرى:بقى ٤ ايام لعرسج ياررناا
اني جنت ناسيه وملتهيه من كالت هيج سرى...توترت
صابرين:ايي مابقى هواي
رنا:اي عادي
سرى:اني شويه نوب اروح لأهلي...اروح اتحضر دوب اللحك
راحت سرى تتحضر..
صابرين: امشي نروح نتميج ويه سرى ..اليوم اله خلي صادق يطلعنا...اشحده يبقينا هنا
رنا:لا مايكول شي ...اني اصعد لغرفتيهي  اتحضر
صابرين:ياخبيثه ماتكولين اصعدي وياي
رنا:ههه امشي وياي
صابرين:لااشاقه اروح على غرفه سرى من گريب
صعدت فوك خليت مكياج ونزلت
عبرت  من يم غرفه فراس...سمعت جده تحجي وياه
جده:يابا عييد عييد الله واكبر عليكم.. حتى بعيد الله ماتتحاجون
فراس:هي غلطت بحقي وتجاوزت..اني ماروح اصالح احد
عرفت جده تريدهم يحجون...
طبيت لغرفه سرى...اول ماشفت صابرين متت ضحك
بنتها مخربه مكياجها بالمسكاره صايره فلم هندي
صابرين:وجع لاتضحكين لوصاعده فوك وياج احسنلي
راحو ربع صادق واجه جوة..شاف جهال صابرين بوسهم وانطاهم فلوس..بعدين اجه يسلم على صابرين
صادق: خررررب يومج شنو من چهرة هاي
متنا ضحك اني وسراب
صابرين:اسكت أحسن
اجت علي تاتعايده
صادق:لاتطخيني
صابرين:ترا امسح وجهي بدشداشتك...عاد شون نضيفه ولونها ابيض
سراب:ههههههه
صادق:حتى امسحج من الوجود
صابرين :كل عام وانت بخير يااحلى واحسن اخ بالدنيا
صادق:وانتي بخير ياغاليه
صابرين:يلا راح نتحضر حتى تطلعنا لمكان..
صادق:موهس موهسس.
باوع عليه
صادق:امشي حضري نفسج عمي ابراهيم عازمنه عالغده
ترا كلنا معزومين وانتي هم عازمج(يقصد صابرين)قبل شوي خابرني
رنا:والله اني مشتاكتلهم كلشش..اصلا درت اكلك خذني عليهم
صادق:شوي خففي مكياج شوي
رنا: اصلا مامخليه هواي
صادق:بلي واضح
صعدت فوك عبرت من يم غرفه نور ..وصلت نفسها لمواصيل ابد موحلوة..واحد لايكدر ينقهر عليها ولايكدر كلشي يحجي. طبيت لغرفتنا طلعت من الملابس اللي أخذتهم ... فستان خفيف لونه ابيض لان جو حار..وعلي حذاء احمر وشال احمر
كملت لبس ولفيت الشال ومسحت شوي من المكياج
نزلت جوة كعدت بالصاله..جانت صابرين وجده وسراب متحضرات
جده ضايجه لان فراس وصابرين بعدهم مايتحاجون
صابرين:ها شوكت نطلع
سرى:اول شي علاوي يوصلني لبيت اهلي بعدين تروحون
صابرين:هااا..وين علاوي
سرى:هس يجي
اجه صادق ..من شافني غمزلي
صادق:يلا امشن
صابرين:سرى تكول بس علاوي يوصلها لبيت اهلها
صادق: مايحتاج..هس بطريقنا اوصلج
سرى:ماشي
طب صادق لغرفه فراس شوي وطلع
صادق:وين حسن ومصطفى
سراب:موجودين يم الباب
طلعنا للطارمه جنه واكفين ننتظر صادق....هو وجده وفراس جانو بالاستقبال
صابرين:صار ساعه يهيرون بينا وهس لزكو جوة
تقربت من الباب
صادق:يووم ماالج دخل اني اعرف شكاعد اسوي زيين
صادق:فراس خلي المفتاح يمك ..
فراس:ماعليها شي هاي هيه روحو
فهمت بشنو جده قلقانه.. لان تانروح ونور وحدها فوك
رجعت يم البنات
صابرين:هاا بشنو يحجون
رنا:هيج شغله
طلعو من الاستقبال جده وصادق
صعدنا بالسياره ..جنت اباوع عالشارع مليان ناس.. وصلنا بيت أهل سرى نزلت سرى..جانت شوي شوي تمشي وبطنها كبرانه..
إمها جانت واكفه يم الباب انتظرها
حلو المنظر...دايما يلفت نظري ..البنت وكت تروح لأهلها أو هما يجون عليها..اضل اصفن بهيج شي.كلش حلو
رحنا لبيت عمي إبراهيم..جنت كلش مشتاكتلهم ولعمي وللولد
نزلنا وطبينا جوة ..تلكتنا عمه فهميه وهيفاء وحنان
سلمت عليهن سلام حار
فهميه: ياهلا وغلا برنا
هيفاء:كلش مشتاكتلج
رنا:واني هم والله متشاكتلهم هواي...وين عمي إبراهيم
فهميه:بالربعه هس يجي
طبينا جوة كعدنا بالهول .بس صادق طب للربعة..بعد شوي جه عمي ابراهيم وعدنان
كمت سلمت علي وبسته ..وهم سلمت وعايدت عدنان
كعدنا شوي بالهول...وقدمو هواي شغلاات
بعد شوي اجه عدنان جان شايل كاميرا..
حنان: هذا عدنان بكل عيد يجيب الكامر يطك صور للكل
صابرين:والله خوش شغله من الزينات
هيفاء:امشي رنا وسراب نطك صور سويه
حبيت الفكره..
كمت ويه هيفاء وحنان.
عدنان:تعالو للحديقه
طلعت وياهن للحديقه..
طكينا صور اني وهيفاء واني وحنان هم.وسراب هم
ردت اكعد بوحدي بالمرجوحه واخذ صور..لون المرجوحه ابيض نفس لون الفستان والأرض خضره.. يعني تطلع حلوة الصوره
طبت حنان وسراب جوة بقت بس هيفاء وياي
رنا: عدنان طكلي صوره بوحدي بالمرجوحه
عدنان: ماشي كعدي
كعدت وخليت رجل على رجل
رنا:يلا طكلي هس
عدنان:ابتمسي شوي..شنو اله اصيح صادق حتى تشوفينه وتبتسمين
عدنان:صاااااادق  يمعووووود
رنا:هههههههه ترا عادي ابتسم والله
جنت اضحك اني وعدنان..وهو طلع
صادق:شكو
رنا: هههههه لاماكو شي
عدنان:ههه هيج
هو طلع باالوكت الغلط نوب شافنا نضحك ونكله ماكو شي
حسيته غار  وخوزر عليه هم
عدنان:تعال  اخذلك صور ويه خطيبتك
صادق: بعدين موهس
طب جوة وعرفته ضاج
اي عادي خلي يضوج شسويله..ماسوينا شي هو يغار
هيج جنت اكول بيني وبين نفسي
المهم طبينا جوه وصبو الغده.. تغدينا وكعدنا شوي بعدين
اجت عمه فهميه تضحك
فهميه:اي رناوي راح تجين يمنا بعد باجر
رنا:ليش اجي يمكم
فهميه:عمج ابراهيم كال لصادق قبل العرس تجي يمنا رحنا عود تعال اخذها من هنا
صابرين:صددك..اي خوش فكره
صفنت شوي علما استوعب الكلام
رنا:منو قرر هيج
عمه فهميه:عمج ابراهيم.. بالبدايه صادق ماقبل...بعدين سكت ماكال شي
حبيت الفكره انو احسن ياخذني من هنا
حجينا شوي بالموضوع.بعدين اجه قيصر
قيصر: صادق يكول يلا تاتروحون
عمه فهميه:بعد وكت عليش مستعجل
صابرين:لا والله تعيشون خلي نرجع جهالي يريدون ينامون تعبو
كمنا تانطلع..جنت بالطارمه..وهو وعمي ابراهيم واكفين
اجتمعنا.اني كبل صعدت بالسيارة لان جان الجو حار
اجه هو وصعد
صادق:خوش تضحكين
ابتمست بداخلي
رنا:اي عادي جنه ناخذ صور
صادق:وصور هم ماشاءالله...
رنا:ليش شكو بيها
صادق:مابييها مابيها.ترهم ترهم
اجت جدة والبنات وصعدن بالسيارة
وصلنا..اني كبل طبيت للحمام سبحت بعدين.رحت. لغرفه جده شلغت السبلت وفرشت الي والصابرين ولجهالها
وتمددنا بفراشنا .
كعدنا تالي العصر..عساس نروح نفتر العصر بس كعدنا متأخرين
عاد قررنا بالليل نطلع ..بس جده كالت اني ماروح
بالليل طلعنا ويه صادق وعلاوي
وصلنا يم منتزه .جانت كلش حلوه الاجواء الليليه
جنه نتمشى اني وصابرين وسراب وراهم
طبعا كل شوي تجي مره ويه زوجها لابسه ضيك وحاله شعرها.واكو لابسات كثير..عاد كلما يعبرون اثنين والمره هيج لابسه
صادق:والله گرن هذا..طاح حضك ..لادين لامذهب
علاوي:محد يهتم للدين هس
صادق:هس عوفك من الدين ياباا...ادري هو ماعنده غيره يعني عادي هيج مطلع مرته كدام الناس
علاوي: الناس خربت صارو يتفاخرون بهالشي
وهما يحجون هم اجه شاب مسوي شعره سبايكي ولابس تيشرت احمر وماسك ووياه بنت لابسه تنوره حيل ضيكه بالكوة تمشي..
هاي احنه نمشي بصفحه وهو يحجي
صادق:تفوو عليك وعلى شواربك...ولو حتى شوارب ماعندك.ولا راح يطلعن
صابرين:هس ياصادق شعليك بالناس
صادق: اني مارايح عليهم ترا... ثاني شي الأمر بالمعروف والنهي عن المنكر..مو أمرنا الرسول بي
صابرين : أعرف بس هاي كلمن وبيئته..
صادق:لو ادري اشوف هيج شكولات ولا اجيبكم هنا اصلا
بقينا نمشي شوي..علاوي اخذ الجهال  يشوفهم الحيوانات اللي مخلينهم بقصف
رحت اتمشى اني وياه.. مسك ايدي
رنا:اتفقتو اروح يمي عمي مو
صادق:اي..
رنا:شوكت اروح
صادق: الاحد تروحين
رنا:ماشي
صادق:انتي كملتي احتياجاتج وشغلج كامل مو
رنا:اي
صادق:خوش
كعدنا بمكان يمه طاوله..وجابلي ايس كريم
جانت اكو وحده موكلش بعيده علينا يطلع عمرها بثلاثين هيج بس تباوع على صادق...ماشالت عينها ابد
ضوجتني كلشش ..هو ماجان منتبه عليها.. بس اني انتبهت
اجت صابرين  كعدت ويانا..هم هي انتبهت عليها
صادق:وين سراب
صابرين:ويه علاوي والجهال
بعد شوي هو كام يصيح حسن..شفتها هي هم كامت
صابرين:شوفي ولج لحگته...
رنا:اي اي شفت
صابرين: والله لوتعرف بي شكد يضوج من شكيلاتها اله تتنندم عاللحضه اللي باوعت علي بيها هههههه
ضجت كلش ردت اكوم وهو اجه
رنا:يلا خلي نروح
صادق:ها ضجتي
رنا:اي تعبت من المشي.اريد ارجع
صادق:ماشي..هس اخابر علاوي يجي ويجيب الجهال ونروح .. امشن للسياره
خابره كاله تعال للسياره
صعدت اني وصابرين وهو صعد..جنه ننتظر البقيه يجون
صابرين: صادق تعرف ليش رنا رادت ترجع
اني عرفت راح تبيضها
صابرين:ترا جانت اكو وحده حاطه عينها عليك وهي غارت وكالت خل نرجع
اندار عليه وعليها
صادق:كل عقلج
صابرين:اي والله
رنا:لا موصحيح
صابرين:والله صحيح ونص
صادق: يولي كل عقلج ردتي ترجعين لهالسبب
رنا:اييي ضجت
عود راد يشاقي تايضوجني نوب
صادق: اها ياهي بيهن ام الاسود لو الاصفر
رنا:خوش مركزززز
صادق:هههه شصدگتي ترا كلهن مالبسهن بنعالي والله
اكيد افرح لمن اسمع هاي الكلمات من عنده
رجعنا للبيت .ورجع صابرين لبيتها..بس جان الوكت متأخر والبيت ضلمه وجده وفراس نايمين..
كبل فرشت فراش للجهال ونامو بساع.. اني هم بدلت ووتمددت بفراشي.. احس تعبت من المشي .. غفيت  بعد ساعه هيج دك الموبايل
باوعت صادق
صادق:ها وين انتي
رنا:بفراشي
صادق: تعالي اصعدي فوك
رنا:هس
سديته..بس خفت أصعد وتوترت هم
ثولتها ورجعت نمت.بعد شوي دك عليه
صادق: اني شكتلللج
رنا هاا
صادق:يلاا تعااالي
حسيته شوي تعصب لان ماصعدت..
احس متررده أصعد.بس خفت منه يعصب..وخرت الغطه
وعبرت من بين الجهال وطلعت.....يتبببببع