#ليته يعلم(أحببته منذ الصغر)

تكمله بارت ٦٨

تكمله بارت ٦٨
ليته يعلم ( أحببته منذ الصغر)
بعد شوي طلع.وسمعني ابجي
صادق:وانتيييي ليششش تبجيييين
رنا:.......
صادق:ديييرر بااالج تكفيين بوجهييي
بقيت ساكته وابجي.
صادق:هصصص ماريد صوت
سكتت بالكوة .بقيت كاتمه بجيتي.....رجعت اسمع صوته يحجي ويغلط عليها
صادق:اله انهييييج نهيييي يانوور صبريلي بسسس صبرلييي..
سكت شوي رجع حجه
صادق:حقييييرة مابيييج ذرة ادددددب
كلها ساكته بس هو نار يجدح
ضرب باب المطبخ قوي
صادق:انعل يوووومج ادبسزززز
رجع للصاله
صادق:تعيررررين وتغلطيييييين وكحححححة
نور:يعني بس اني عيرت وغلطت مو...ليش رنا موعيرت فراس شو ماضربتها ولامديت ايدك عليها
نوب انجن من كالت هيج
هم رجع يضرب ويكفخ بيها
صادق: يووووولييي تعلمييينييي شنووو اسوووي..ولامستحيييه من افعااااالج وبعدج مصرررررة
اجه فراس وسحبه منها
صادق:دكافي ياخوي كافي قابل شسوي تموتها يعنيي
جده راحت للمطبخ اخذت نور وجابتها للغرفه
جان حال نور بالضيم..
تنفخ على أيدها وتبجي
جده:هس اخليج من العصارة
كعدت بالكاع باوعت على أيدها
محروكه من النص بس موكلش هواي...جان يخوف بيها أكثر من مايحرگه
خلتلها من العصارة جده
نور:حييل يحركنييي
جده:هس شوي ويروح الوجع
سراب كعدت مقابيلها ومقهوره عليها
طلعت من الغرفه..ورحت للمطبخ باوعت صاير سينما
دزرن الكلاصات مضروب بالكاع كلهن مكسرات وصحونه هم
ماعرف منين ابدي..لبست الشحاطة حتى ماانجرح
اجت سرى
سرى: لاحول ولا قوة الا بالله شنو هاي
علاوي جان بالصالة موبعيد
سرى: والله بزعت من بيت عمامي يوميه مشاكل
علاوي:نضفيي بدووون حجييي
سرى:.......
كتلها بصوت ناصي
رنا:سكتي يمعوده موناقصنا ابد
سرى:اريد اخذ اجازة فد اسبوع هيج اروح لاهلي حتى شوي تتغير نفسيتي
كمنا نشيل الكزاز اني وياها ونضفنا الكاع كامل وشطفناه
ماسوينا عشه كلها مهمومه ومغثوثه
صادق جان كاعد عالكرسي بالطارمه وفراس مقابيله واكف
اباوع علي احسه متعصب حتى من الكرسي الكاعد علي
صافن باتجاه واحد على نقطه معينه..وعيونه وحواجبه معقودات
طلعت من المطبخ .. صابرين جانت بغرفه علاوي
طبيت للغرفة...
لكيتها كاعده بالكاع ومرتجيه عالتخت..وتبجي وتمسح دموعها بشالها💔
كعدت يمها
رنا:توكلي بالله صابرين
صابرين..........
رنا: خليها تولي..اخوج ماقصر وياها
صابرين:..........
رنا:هي من يومها حقودة...لعد اني شكول سوت البلاوي وياي....لان تعرفج صافه وياي هم حطت عليج
صابرين:لا....هي ماعدها أخلاق ابد...وعلاوي شفتي شون تحجي وياه....هي مليانه سم عالكل ...بس والله صادق مايستاهل هيج بنت مع الأسف عليها...الله بلاه بيها
رنا:اي والله ابتلى...شفتي شسوى بيها من عصبيته ولي هس بعده نار
صابرين:طلعتنا كلنا من طورنا هالعجييه...
كامت تبجي
صابرين:نوب تعيرني......
رنا: وأنتي تتاثرين بحجيهاا شبيج
صابرين:اوووف.. يعني جيت من بيتي شحالي..اسمع حجي هنا.
طبت سرى للغرفه ...
سرى: يعني جنه كاعدين وماكو شي... شون مغربيه گشررة
رنا:اي والله
سرى: لاتبجين صابرين الله كريم.
طلعت من الغرفه..
عبر الوكت شوي ... تقريبا الساعه ٩ ونص
رحت للصاله شوي كعدت.وهو اجه
صادق:كومي سوي لگمه اكلها
رحت المطبخ...حرت شسوي
اخر شي سويت شاورما وجبد
اجت سرى للمطبخ
سرى:ها شدسوين
رنا:عشه
سرى:لصادق ؟
رنا:اي
كملت الاكل وخليته بالصالة وصحته
جانو بالطارمه
صادق:جيبي هنا
وديته يمه
صاح فراس وعلاوي حتى ياكلون وياه
رجعت للمطبخ غسلت المواعين البقن وخليت القوري عالنار
سرى جانت تباوع عليهم
سرى: والله زين الهم نفس ياكلون ...شوفي رجلي عبالك ماشايف اكل
رنا:ههه والله ياالله..هاي لان صرفو طاقه من الصياح والضرب
سرى:اي اي
باوعت عليهم ..جان ياكلون ويحجون بيناتهم
رحت على جده وصابرين كلت خاف جوعاناات شي
جده:لابنتي ماريد كلش
صابرين:لا
بعد ماخلصو اكل صبيت الجاي ووديته الهم...هم صبيت لجده وطلعت وياه لبن وجبن
ووديته يمها
جده:تعيشين بنتي
وحضرت صينيه هم لصابرين
رحت على غرفه سرى جانت صابرين بعدها بالغرفه ..وصحت حسن ومصطفى حتي ينزلون ياكلون ويانا
كعدنا ناكل اني وسرى وسراب وصابرين .
جنا ساكتات
سراب:......
صابرين باوعت على سراب
صابرين:ليش اختج هيج ليشش
سراب:هي ماجانت هيج الهالدرجه...بس من بابا راد يخطب رنا هي هيج صارت
صابرين:بس اريد اعرف شمسويتلها رنا
سراب:هي من زمان موهالگد لي عند رنا...يعني احسها تضوج منها...
رنا:مو مسألة تضوج وبس..هاي كره وكرها تجاهي اعمى
صابرين:اي كراهيه هاي ...وحقاره هم
دنحجي واجه علاوي
طب للغرفه فتح الكنتور طلع ملابس وطلع
صابرين:حتى هذا ماسلم من لسانها ..ماعدها اي إحترام
سرى: ماعرف شكول...بس اشوفها مراهقه.والمراهقه اللي تمر بيها حيل صعبه واكو تأثير من جماعتها حشن براسها هواي وهواي
صابرين:ابد مومراهقة .وين اكو مراهقه تسوي.....خلينا ساكتين...
فتح الباب مصطفى 
سراب:وين حسن
مصطفى:فوك يلعب
صابرين :تعال حبيبى تعال
كامت تبوس بي وتحضنه
صابرين:اوف شكد يكسر بكلبي مصطفى..حيل انقهر علي
رنا:اسويلك حليب
مصطفى:لا اريد اندومي
رنا:عدنا اندومي
سرى:ماعقتد
طلعت من الغرفه وصعدت فوك.انطيت حسن فلوس وكتله يجيب اندومي اله ولمصطفى
بعد شوي اجه
وسويتلياهم
جنت اني وياهم بالمطبخ ..بس يباوعون للطاوه ينتظرون يصير
اجه فراس يدور علي ..
فراس:ها وليدي شكاعد تسوي
رنا:ينتظر يصير الاندومي
فراس:اي زين
طلع فراس بعد شوي اجه
فراس: اكلج رنا اريد احجي وياج بموضوع
رنا: كول
فراس:زاد لا موهس بعدين بعدين
رنا:عادي كول هس
فراس:لا خليها بغير مره مووكتها
رنا:بكيفك
راح...وضل بالي بشنو يريد يحجي ...توقعت بخصوص مها.بس ماعرف بعد
المهم خليت الطاوة للجهال وكعدو ياكلون
بعد ماخلصو اكل كلمن راح لمكان
صابرين فرشت فراش الها بالصاله..لان نور بغرفه جدة
اجه صادق وشاف فراش بالصاله
صادق:هذا المن
صابرين:الي
صادق:وليش تنامين هنا
صابرين:عادي
صادق:لاموعادي..اصعدي نامي فوك بغرفتي
صابرين:لاشلون انام بغرفتكم
صادق:عادي اني انام بالاستقبال
صابرين:لا ابد..انام هين عادي شكو بيها
صادق:لاماترهم روحي نامي فوك
صابرين:والله مرتاحه هنا والله خليني أنام هنا اني هيج اريد
المهم لح عليها بس ماقبلت ابد
اني صعدت فوك لكيت حسن مكنك بموبايلي عالتخت
عزلت الغرفه وكعدت ..عاف الموبايل واندار عليه
حسن:شبيها نور
رنا:مابيها شي
حسن:ليش جانت تصرخ وتبجي..بابا ضربها مو
رنا:صارت مشكله بسيطه ماكو شي
حسن:شنو صار
رنا:تعاركت هي وصابرين وابوك تعصب عليهن اثنينهن
حسن:.......
رنا:كمل لعبك بالجهاز
طب صادق للغرفه
اخذ هدوم من الكنتور ونزل
حسن بقى يلعب
بعد شوي اجه....شغل البلازما
حسن طلع من الغرفه..
اني تمددت بمكاني
دقيقه وفتح الباب حسن
جان يباوع وساكت ..حسيته يريد يبقى بالغرفه
صادق: فوت حسون
رنا:تعال
صادق:شبيك بابا
حسن: مابيه شي
صادق: تعال تعال
حضنو وكام يفرك بشعره
صادق:افرشيله هنا
فرشتله فراش بالكاع ..تمدد...وصادق انطاه الريمونت
طفيت الضوه
ورجعت لمكاني
صادق مرتجي بمكانه ومخليه اديه اثنينهم وره راسه ويفكر
احسه مهوم كلشش..ماعرف بشنو يفكر أو يحس حالياً 💔
اني مسكت جهازي واكلب بالفيديوهات
ردت احجي وياه بس مترردده..او بالاصح ماعرف شلون ابدي وياه
جان حسن يباوع للبلازما ومندمج
صادق:نصي وليدي اريد انام
نمنا.... وكعدت الصبح ..ماموجود جان رايح للدوام
نزلت جوة..لكيت صابرين هستوها كاعدة
سويت ريوك الي والها.. الباقي جانو نايمين
من بعدها كعدت سرى وجده وسراب
جده جان راسها حيل يوجعها وضغطها مرتفع..اخذها علاوي عالصيدليه اليمنا حتى يقيسون ضغطها وينطوها علاج
بهاي الوكت اني شطفت البيت كله
وسرى سوت الغده
جانت أجواء البيت ماعرف شلون...كلها نفسيتها متأثره من الصار البارحه 💔
بعد ماخلصت شطف جنت امسح الاستقبال
حسيت فراس يريد يحجي وياي ومايعرف شلون يبدي
اخر شي كال
فراس: اكلج
رنا: كول فراس
فراس:اني أعرف انو صديقتج حجتلج كلشي
رنا:.......
فراس:اريد منج شغله وحده بلا زحمه عليج
رنا:كول شنو
فراس:اريدج بس تكوليلها تجاوبني..اريد احجي وياها شوي وراها عود بكيفها تريد ترد اولا
رنا:مادري شكلك
فراس:انتي بس كوليلها..وامانه امانه لاتكولين لصادق لان راح يخلي بالشغله ميت انه ..اني ماريد شي منج بس تكوليلها تجاوبني
رنا:ان شاء الله الله كريم
عفته ورحت كملت شغلي..واكيد اني واشتغل كمت أفكر
ياترى شيريد منها.معقوله يريد يخطبها!؟؟ بس اشو ذيج المره سوى مشكله...يلا هي تبين
صبينا الغده ورفعت لصادق ...ورحت كعدت حسن جان بعده نايم ..نزلت جوة
جده: سرااااب
سراب:ها جده
جده:خلي غده لاختج
سراب:هس
حضرت سراب صينيه غده لنور
جده جانت وياها.
واحنه بالصالة...
خلصت غده ومريت من يم الغرفه
جده:لخاطري اكلي ...نور ساكته
جده: مايصير يانواره مايصير..اكلي لكمه
نور: جده عوفيني ماريد عفيه عوفيني..اصلا احس نفسي دايخه كلش
جده:اي لان من البارحه ماكلتي شي دايخه
نور:مالي نفس ماريد
جده: لاحول ولا قوة الا بالله
كامت تبجي
نور:دعوفيني ياجده عوفيني كتلج ماريد
جده:مثل ماتريدين لاتاكلين
غسلت المواعين وصعدت فوك لغرفتي.لميت فراش حسن
وهويت الغرفه..بعد شوي نمت
كعدت على صوت الموبايل
باوعت صادق ..رديت علي
رنا: هلا
صادق: انزلي صبيلي غده
رنا:ماشي
نزلت حميتله الغده..وخليته يمه
جان حيل ماله خلك
رنا: اسويلج جاي
صادق: لاماريد جاي ...هاي هيه روحي نامي
صعدت فوك بس ماخذتني نومه
وره شوي اجه
اني جنت متمدده بمكانه..مكانه بدايه التخت قريب على باب الغرفه
رجعت لي وره...غير ملابسه  وتمدد بمكانه
اندار عليه
صادق:شو مانمتي
رنا:مادري طارت من عيني
صادق:ها
رنا:اي
صادق:ماشي
لف راسه ونام..
اني بقيت كاعده اخر شي نزلت جوة
اذن عصر....رحت اصلي....سمعت جده تحجي ويه نور
خلصت صلاة
ورحت لغرفه جده
جده:يعني انتي ماحجيتي ماغلطتي عساس موعيرتي عمتج
نور:ايي اني ردت اروح على عمى منتهى وانتو ماتخلوني جنت متعصبه واريد اروح شلووون يعنيي
جده: كتلج عود اني احجي ويه ابوج
نور:......اوووف كافي كافيي
جانت تحجي ويه جده واحسها محموسه بداخلها بشكل قوي
عبر الوكت وصار العشه ...جده بالغرفه وياها
جنه ناكل واجت جده
كعدت عالقنفات..ومبينه مهمومه
صادق: خيرج يووم
جده:ياخير...لاحول ولا قوة الا بالله...ماتقبل تخلي لكمه بحلكها
صادق: طبها مرض...لاتسولفيلي عنها
سكتت جدة ..ماكمل اكله وكام طلع
وره العشه...رحت اغسل الهدوم
سمعت صابرين تحجي ويه جده بالصالة
رحت يمهن
جده:لاتوسلفين هاي السالفه نهائيا وديري بالج صادق يسمعج
صابرين:مابيها مجال يووم..اروح لبيتي احسن..اتحمل واسكت
رنا:هاي شكاعد تحجين صابرين...كل السواه بيج وتردين ترجعين
صابرين:اريد ارجع لخاطر جهالي...وهم وضع البيت هنا موتمام واحس اللي ايد بهالشي..
رنا:ماانصحج ابد تفكرين بهالشي.. وصادق البي مكفي اذا سمعج ... مايحتاج اكلج شيسوي انتي تعرفين
صابرين:اووف والله تعبت
رنا:ماصارلج سنين ولااشهر..
كامت تأشر على راسها
صابرين:راسي راسي راح ينفجر من التفكير..افكر بجهالي وافكر بيكم وبالصار
رنا:........
جده:كلنا راسنا مليان تفكير...موضوع الروحه انسييي تماما
اخوتج هما يقررون مو بوحدج تقررين
بساعه ١٠ رجع..هم جان معصب كلشش ومايتحاجه
وكلها خايفه منه حتى أني ماسترجي احجي وياه
كلمت شغلي وصعدت فوك
هيات الغرفه لأجواء النوم... بدلت وشغلت السبلت وطفيت الضوه
يمكن هالوكت حاليا هو افصل وانسب شي اللي من ناحيه التفكير وغيره..
جنت متمددة وراسلتني مها
مها:شونكم شخباركم
رنا:هلا مهاوي الحمدلله انتي شونج
مها: تمام...اكلج البارحه صارت مشكله يمكم ؟
رنا:شلون عرفتي
مها:صوتكم جان طالع ...خما صاير شي موزين
رنا:والله شوي مشاكل
مها:ها..عرفت لان مبين موصوت طبيعي
رنا:اي والله ...صدك اكلج
مها: كولي
رنا:اليوم حجه وياي فراس.كالي كوليلها بس خلي تجاوبني
مها:هو هيج كالج
رنا:اي كالي بس خلي تجاوبني وتسمعني وراها بكيفها ترد اولا
مها: ...... ..اني اصلا اليوم شفته..رحت اني وماما للخياطه العصر عبرنا من يمكم..جان كاعد يم الباب يدخن...
جان يباوعلنا بس من وصلنا يمه.. سلم على امي ونزل راسه
رنا:اهمممم ..
انفتح الباب باوعت صادق
مها:فوكاها الافندي يريدني احجي وياه ..هو اني بس سمعت صوت المشاكل..ابتعدت ميت متررر
رنا:هه على كلا بكيفج اني كلتلج اللي كالي اياه
مها:شتكولين اجاوبه
رنا:اي جاوبي شوفي شيريد وبس
مها:هو هم هيج
رنا:يلا اني اروح هس صادق اجه
مها:ماشي
خليت الجهاز عالشحن وتمددت
اجه تمدد بمكانه
جنا ساكتين تقريبا ربع ساعة هيج
بعدين اندار عليه...جان يباوع وبس
فتح ادينه
صادق: تعالي
رحت يمه..حضني قوي
صادق:شونج اليوم
رنا:اني زينه.انت شونك اليوم
صادق:على الله
رنا:اشوفك تعبان
صادق:....اييه اييه موبس تعبان اني مدمر
حزنت من حجه هيج
صادق:خلتني اسوي اشياء بحياتي مامفكر اسويها
رنا:..........
صادق:ترهم مگضيه بحيل الله
رنا:اي انت جتت حيل متعصب
صادق:الشغله يمي أكبر من العصبيه بهواي
رنا:اي
صادق:احب اكلج شي من هس..نصيحه الج..اذا شفتيني فاقد لاتجين حولي
هزيت راسي
صادق: على مودج والله
رنا: ماشي ...بأس أيدي ولفني بالغطى ونمنا
ثاني يوم.. هم راح للدوام
نزلت جوة...جان الوضع طبيعي
بس جنت اسمع نور مرات تبجي ومرات تحجي ويه جده
اجه وكت الغده....هم نور ماقبلت تاكل
تلح عليها جده بس ماتقبل
وره الغده رحت لغرفه سرى لان صابرين هناك
جانت  سرى سبحانه وتمشط شعرها...
كعدت عالتخت
باوعت لسرى عيونها مغوركه وموطبيعيه
رنا:شبيج سرى
سرى:مابيه كلشي
صابرين: خيرر شبيج انتي هم
سرى:مابيه شي بس كلت لعلاوي يوديني لأهلي اسبوع.
مايقبل يكول حدج يومين
صابرين:على هاي بس .خوفتينا
سرى:اي والله اريد اروح كم يوم...يكلي شدعوة يومين وترجعين
صابرين:هو هم خطيه مايريد تطولين يضوج وحده هنا
سرى:شسويله قابل ارضعه
صابرين: اي لعد قابل هو شيريد ههههه
رنا:هههههه
سرى:والله ماليه خلكج صابرين ههه
ماعليه اني اريد اطول
صابرين:ارضعي وقنعي
رنا:هههههههه
صابرين بعز حزنها ماتكدر ماتقلد هههه
سرى:راح اجرب واذا مافاد اجي انكش شعرج
صابرين: الله وكيلج منكوشات اصلا من وره محسن ماضل عندي شعر
سرى:ههههه
دردشنا شوي وطلعنا من الاجواء الكأيبه
بعد شوي جده راحت على فراس كالتله نور حيل دايخه ولاتاكل ولاتخلي شي بحلكها
عاد جاب واحد صيدلاني صديقه..شكللها كانولا وخلالها مغذي
من اجه صادق كبل راحت جده تكله..بس مادار بال الها
وكت العشه.صادق جان طالع كال ماراح ارجع
رحت لغرفه جده... جانت سراب يم نور
اباوع عليها... تحت عيونها اسمر صاير وماسكه معدتها
ماعرف احزن عليها ماعرف اكول هي جابت هالشي لنفسها
المهم بالليل... جنت بغرفتي
اجه صادق..كعدت تعللت وياه حجينا و غيرنا جوو
نمنا..
اني جنت بنومه حلوة يعني اخذتني نومه عميقه
دك موبايل صادق.. وبنفس الوكت اندك الباب
كعدت
صادق:الو....شبيها....هيان جيت
فتح الباب..
سراب:بابا تعال شوفها
كبل نزل ..واني نزلت وراه
جنت بعدني عاالدرج اسمع صوت نور
نور:جيبووووليييي ماااامااااا اريدددد ماااامااااا
وصلت الغرفه.... صابرين واكفه يم الباب ومخليه أيدها على صدرها وخايفه....نور جانت منهاااارة وتعيييط
نور:عووووفووووني اريدد اميييييي
جده وفراس فوكهاا
جده:ياااانوور يابعد كلبي شبيييج
فراس يحاول يهديها
فراس:نوور نوووور
صادق:شبيهااااا
صادق صار يمها
من شافته كامت ترافس وهي بمكانها
نور:لااااتضربنييييي عفييييه لاتضربنييييي
صادق:شبيييج بنتيييي
جانت منهاره كلششش انشبطت الكانولا من ايدها وطلع الدم صار عالفراش..
نور:عفيييييه بااااااباااا لاتحرگييييي والله ماسووويت شيي
لاتضربنييييي عفيييييه
صادق:مااضربج بنتيييي ماضربج والله ماضربج....يتبببع