#ليته يعلم(أحببته منذ الصغر)

البارت ٧٥

البارت ٧٥
ليته يعلم (أحببته منذ الصغر)
طلعت من غرفه الدكتوره..
باوعت بس جده موجوده
جده:ها بشري
رنا:زين زين وضعه مستقر...بس لاتكولين لصادق
جده:ليش ماكوله
رنا: أمانه جده لاتكوليله....هيج لأن تحداني فأريد اخوفه شوي
جده:شلج بهالسالفه
رنا:عفيه جده لاتعلمينه.. عود اني اكله
رنا:وينه هو
جده:ذاك اياه
باوعت واكف بصفحه يم رجال يمكن صديقه
من شافني اجه عليه
صادق:هاا
شفته متلهف كلش
ردت اكله سقطت بس ماكدرت الفظ هالجمله ثگيله عليه..بس كتله
رنا:بعده موزين تكول
صادق:لي هس؟؟
رنا:ايي
صفن شوي
صادق:ماشي....تنطيج شي لو نرجع
رنا:نرجع
صادق:يالله امشي
رجعنا وكل الطريق ضايج حيل
وكفنا يم مكان
صادق:انزلن
نزلنا اني وجده
طبينا جوة ..مكان هادئ رغم بي ناس
كعدنا على طاوله..وهو راح تايوصي على ريوك
جده:ليش كتيله وضعه موزين
رنا:........
جده:عليش تقهرينه....خوش والله ..تدللين علي..شلون جيل هالوكت ياربي...عود عساس هو مقصر وياج حتى تسوين هيج سوالف
جده ضاجت كلش مني
مارديت عليها
اجه كعد ...جان ساكت وماله خلك
صادق:شونج هس
رنا: تمام
اجه ولد جاب ريوك گيمر وكاهي وجاي
اشتهيتم كلش لان طلعنا بدون ريوك
اكلت هواي
رنا: اريد جاي بعد
صادق:هس
اباوع على جده احسها تريد تكوله..
بعد شوي راحت جده للمغاسل
صادق:شون نفسيتج
رنا:زينه
صادق: يعني شحسيتي من كلام الدكتوره
رنا:شون يعني
صادق:يعني بعده مهدد لوشنو
رنا:......
جان يباوعلي بطريقه.💔
كلش انقهرت علي...كلت خلي اكله الصحيح احسن..
رنا: الصراحه...كالت زين حالياً واصلا النزيف توقف عندي من كعدت ماكو
كبل تعابيره تغيرت
صادق:......
صدك تحجين
رنا:اي
صادق:ليش كلتيلي غير شي ها
رنا:هيج
صادق:يضيمي شتريدين من عندي رحمه لاهلج
رنا:........
اجت جده كعدت
صادق:وامي تدري ؟
رنا:اي تدري كتلها لاتعلمك
باوع عليها
جده:هي لحت عليه ماكلك ...
صادق:ترا والله بس هالمشوار من كتيلي موزين اني بغير عالم...على مودج هااا ترا..مو على مودي...ضجت عليج كلش..... استغفر الله ياربي...بطلي بطلي سوالفج
رنا:اصلا جنت ناويه اكلك غير شي...زين بس هيج
صادق:اي ماشاءالله عليج ... ماشاءالله
اووووف....... الحمد لله ياربي..
كتلج ماعلي شي
رنا:اي
ابتسملي...رديتها بابتسامه خفيفه
صادق:يلا نروح
جده:اي نروح
طلعنا وبالطريق خابرت صابرين على صادق
صادق:هلا صابرين..........زين زين الحمدلله.......اي.....ماشي هلا
وصلنا البيت ..طبيت جوة
تلكتني سرى وسراب وصابرين جانن يضحكن مكيفات
صابرين:هلا وهلا وهلا..
كامت تهز
صابرين:اها..اها..اها.اها
سراب:ههههه
صادق كام يضحك عليها
صادق:شبيج تخبلتي...لو راجعه لمحسن تونستي هيج
سرى:هههه اي والله
صابرين:خلوني فرحانه شعليكم ....على عناددد بعضض نااس..(قصدت نور )
صادق:مالها داعي هالسوالف عييب...خلي الله يتممه على خير
جده:اي عيب هيج تحجين ..لاتسوين حزازات
صابرين:سكتنه ها هيه.سبحان الله شون لزك لزگه هالطفل هههه
رنا: يحس بيه يحس بيه
صعدت فوك لغرفتي على كيفي..طلعت هدوم اللي
فتح الباب واجه حضني من وره
احس بعدني ضايجه منا ...ماتفاعلت وياه
رنا:بس اروح اسبح
حس عليه ووخر عني
نزلت جوة سبحت..كل شوي اباوع لا اشوف دم..بعدني خايفه
سبحت وطلعت فتت على غرفه سرى
خليت كري ومشطت شعري ..رجعت كعدت بالصاله
بهالوكت الساعه ١٢
اجت نور كعدت مقابيلي
باوعت عليها..ماكو رده فعل... يعني جانت عاديه
بقت شوي وراحت... صابرين جانت بالمطبخ تسوي الغده هي وسرى
اجه صادق كعد يمي .. جان بس يباوعلي ومبتسم يحاول بكل الطرق يخليني ابتسم واستجيب وياه
صادق:اي ياحلو...شو خل اشم شعرج.....الله شهالريحه الطيبه
رنا:.......
صادق:هس الجنين مو وضعه زين..ليش بعدج معبسه
رنا:العبس مالي تجاهك ماله دخل بالجنين...فرحتي بالحمل بس الله يعرف بيها.هاي وحد وموضوع ثاني
صادق:افتهم من كلامج بعدج ضايجه مني
رنا: طبعاً اكيد
صادق:زين شسوي حتى ترضين
رنا:كلشي لاتسوي
صادق:لعد شون ..تبقين هيج ؟
رنا:.......
صادق:احجي
رنا:عوفني لحالي أرضى...واذا مارضيت بكيفي بعد
نزل راسه ويتنهد
صادق:امشي نصعد فوك نحجي
رنا: مايحتاج فوك
صادق:يلا ياروحي يلا... لاتضوجيني أكثر...بس نحجي وننزل
كمت وياه
صعدنا للغرفه وسد الباب
صادق:تعاي كعدي
كعدت عالتخت
رنا:حتى الغرفه اكرها من وراك
صادق:تحسسيني سويت هالشي وياج بالحرام..انتي مرتي ترا
رنا:واذا مرتك واذااا..شنو يعني
صادق:......
رنا:شلون سالفه يعني..انتي مرتي ترا.....والله ياالله
صادق:هس ادري بنفسي غلط كافيج عاد
رنا: وليش هي بس ع هاي؟؟؟؟اذكرك بيهن كلهن
من سالفه مها وفراس وانت گالب عليه گلاب..صرت تنام هنااا (اشرت عالگاع) حتى عالتخت ماتقبل تنام...احجي وياك ماتصد ولاترد....على شنو بله اشصار اشجرى...وبالاخير تطلع نور كايلتلك وانت تعرف زين نور شكد تكرهني وتريد تسوي مشاكل بينا
صادق:اني بوكتها ماهمني الكالي شنو غايته لوشنو يريد..اني السالفة بحد ذاتها غثتني... وتعرفين زين ماقبل بهيج شغلات
رنا:ماكلك ماغلطت اني..بس مومال تسوي هيج وياي...ونوب صرت تتحجج عليه حتى ضربتني بالگلاص
صادق:ترا الحجي موبس الج....انتي شكلتي بله ها...تكولين ربي بنتك اول شي المامربيه... يعني قصدج اني ماعرف اربي
رنا:اي انتت تكلي اريد اربيج...بنتك سوالفها وياي مومال مربيه وهيج رديتلك ....وردتني انام هنا بالكوة تشوفني ابجي وتكلي تطلع روحج وماتطلعين...اله شفتني ابجي تاقبلت انزل..وتكول طبج مرض
صادق:اني جنت متخوزك منج... راجعي نفسج شكلتي قبلها
رنا:اي كتلك ماتقبلك بعد...شسوي انت خليتني ماتقبلك
صادق: وهس هم ماتتقبليني؟!
رنا:بعد مادري
صادق:شوفي ترا اني كلشي اتحمل منج..تحجين تخربطين اعبرها الج..بس مال ماتتقبليني هاي واكفه كلش عندي...ماتحملها ابد
رنا:......انطيني وكت شوي
صادق:انطيج انطيج...
اندك الباب
سراب:تعالو تغدو
نزلت اني وياه..جان ماسك ايدي
كعدني يمه..تغدينا ..وره الغده رحت تمددت بغرفه جدة ونمت .عبر الوكت
صارت الدنيا .
جنت بالحديقه كاعده وماسكه موبايلي..راسلت صديقاتي اللي بدوام...مابقى هواي على دوامنا
اجت نور وكفت مقابيلي
نور:كالو حامل والجنين زين وبخير
رنا:الف الحمدالله .. بفضل الله
هزت رأسها بطريقه موعاجبها كلامي
نور:عرفتي شون تسيطرين عالوضع
ابتمست
رنا:شقصدج
نور:واضح جدا قصدي..وانتي ذكيه تلگطيها بسرعه
رنا:ليش غاثج حملي
نور:منو كال غاثني..اصلا بابا مايهمو حيل هالحمل عادي يعني..هو عنده اولاد
حستيه تحجي بطريقة دتقنع نفسها
رنا:حتى اذا ابوج مايهمه الحمل...اني كلش كلش يهمني سكتت ماردت..فاتت جوة
بقيت شوي وهو رجع من الجامع
طب هو بعدين طب عمي إبراهيم وعدنان
الشال جان على كتوفي..خليته على شعري
ابراهيم:ها رنا شونج شخبارج
رنا:هلا بيك عمو.. الحمد لله
اجو كعدو بالحديقة عالكراسي..اني بقيت ماطبيت جوة
لان عمي جان يحجي وياي
ابراهيم:ترا عزمتكم وكلت لصادق ثولها
باوعت علي
رنا:ليش ؟
صادق:انت كتلي عالغده واني جان عندي دوام..كتلك خليها بغير مره
ابراهيم:يلاا شوكت تجون..انت كول يايوم
صادق:خليها الجمعه
ابراهيم:الجمعه الجمعه خير ان شاء الله
رنا:اخبار حنان شونها هي وميلاد
عدنان: الحمد لله زينات..ميلاد مچلوبه صايره
رنا:ياعمري شحلاتها
اجت جده كعدت ويانا.. وصابرين جابت جاي
صابرين:اكلكم خما اكو شي
عدنان:ليش شاكو
صابرين:مادري..بس عمي مايجي اله وكت المشاكل والفواين
رنا:هههههه
عدنان:هههههههه
ابراهيم: هيج موو..فوك مااجي احل مشاكلكم .بعد ماجي
صادق:لا ياعمم..تتشاقه..خبله صابرين عوفك منها
نوب باوعت عليه
صابرين:موصحيح كلامي ؟؟
رنا:.......
ابراهيم:لعلمج اني خابرني محسن وكالي اجي احجي وياج
صابرين:هااااا شكلتلكم!
رنا:هه
صادق:ماكو رجعه اله يجي بنفسه
ابراهيم:ايي غير انتو وياه ماتتحاجون شون يجي ها شون...ضاربينه ابيته وكاسرين خشمه وتريدونه يجي؟؟؟وين صايره
صادق:لومايستاهل مانضربه
ابراهيم: اني كلت اكول المالي اياه وبكيفكم بعد
صابرين:ليش شكالك
ابراهيم:يكول اني اريدها ترجع.. مايصير تضل يم اهلها هي والجهال...
صابرين:بس هيج ؟
ابراهيم:اي
صابرين: خل يجي يكعد هنا لايطب جوة ونتفاهم..لان شغلتنا اكبر من رجعه وبس
ابراهيم:اكله ميخالف
دك الموبايل على عدنان
عدنان:هلا عمه.....اني بيت عمي سالم......ها يعني قررتو تزوجوه....... ميخالف أن شاء الله..
ابراهيم:شبيها منى
عدنان:تكول تانزوج حمودي الأسبوع الجاي
جدة:اي خل ياخذوله شينتظرون..مدام الجو زين ..ماباركتو لصادق
عدنان:على شنو
جده:ان شاء الله راح يجي الرابع
عدنان:صدك والله....حيوووو ابن العم وبنت العم مبروووك
صادق:يبارك بعمرك
ابراهيم:هاا بيها الخير يارب..الذريه الصالحه ان شاء الله
صادق:تسلم عمي
عدنان شاور صادق ماعرف شكاله...صادق ضحك
صادق: اسكت لااكول لابوك عليك
عدنان:واي فاي والله انت ههههه
صادق:هههههه ساقط
باوعت علي هيج فرحان ومبستم من كل گلبه
بعد شوي طبيت جوة فرشت فراش وتمددت وكمت اكلب بالجهاز
بعد ماراحو اجه عليه
صادق :ها تنامين هنا
رنا:اي
صادق: ليش ماتنامين فوك
رنا:ما
صادق:....ليش يروحي
رنا:خليني هنا...
تقرب عليه
صادق:ماجي حولج بس نامي بمكانج..اريد احضنج وانام
رنا:.....هئ
صادق:يلا يارنا
رنا:ماااا
صادق:ماشي ماشي
ماصار عندج نزيف اليوم شي؟
رنا:لا
صادق:عفيه
كعد شوي وياي واجت صابرين فرشت الها ولجالها..عاد هو كام
اني جنت اشوف مسلسل تركي اسمه فضيله وبناتها
جنت كلش احبه كلما يصير عندي مجال اشوفه
بعدين غفيت...حسيت بي يغطيني ...نوب باسني من راسي
كل شوي احس بي يمي...اني جنت بهاي الفتره ماهالكد منطيته وجه وهو بس يدور رضايه
اسمع صابرين
صابرين: ررروح نام كل شوي جاي عليها...خما شكو عليها
صادق:هم تدخلتيييي
صابرين: ماكدر ههه
صادق: عود راقبيها لاتكعد بالليل شي
صابرين:اكلك خويه خما جاهل شنو راقبيها تكعد بالليل
صادق: يعني خاف تكعد متوجعه شي
صابرين:لالا حملها زين ومستقر
جنت اسمعهم زين
صابرين:صدك اكلك..نور شو مختفيه شوي
صادق:حجيت وياها اليوم.....مابيها شي
صابرين:اي زين
المهم حجو شوي شغلات سمعتها وشغلات لا..بس اذكر جان يكول
صادق: كلها يتامه ترا..هم ولدي ماعدهم ام وحتى خوالهم بعد مايطبونهم...اني مسؤل عن اكثر من يتيم بهالبيت...
صابرين:اي والله ..حتى مصطفى يتيم الام ..بس رنا وضعها غير.عالاقل ذولاك انتو ابهاتهم وجدادهم موجودين ...أما هي ماكو احد خلاص من اهلها ...ماتشوفها شكد تريد هالحمل
صادق:  اني هم رايده... اريد اخ لحسن..
جده: بعدكم كاعدين
صادق:هس رايح....
ثاني يوم بعد ماكعدت وتريكت...رحت للحمام هم اشوف اذا اكو دم لولا..ماكو شي الحمدلله
بديت احس بفرحتي تكبر يوم بعد يوم ..مااسوي اي شي هالفتره ..نوب بزايد تعلقت بهالحمل خصوصا بعد الصار لان..اجاني بوكت حيل جنت متأذيه نفسياً..وبعدها صار نزيف وهاي...يعني تعذبت بي قبل لايصير اصلا..فهالشي خلاني كولش مهتمه اله ومداريه نفسي حتى بس يعبر كم شهر واتاكد استقر أكثر
بعد العشه جان بالصالة يقرأ قران وحسن يمه هم جان يعلمه عالصلاة ...بعدين طلع
بساعه ١٠ هيج اجه و شايل كارتون
صادق:امشي وياي
مسكني من ايدي واخذني فوك
انطاني الكارتون
فتحته بي فستان قماشه مثل الحرير لونه ازرك مثل لون البحر..ويمه باكيت صغير فتحته بي محبس ذهب
لبست المحبس ..يجنن وعلى قياسي تماماً
صادق:كومي لبسي الفستان ..
لبسته...جان تحفه من جماله..نص ردن وبي شرحه من وره بس موكلش طويله وناعم عالجسم  هواي
صادق:وربي طلع مثل ماتخيلته عليج.
جنت اباوع علي بالمرايا كلش عجبني
رنا: حبيييتوو
صادق:ووول فدييتووو
رنا:ههه
اجه يمي
صادق:ابقي هنا اليوم
رنا : يعني جبتلي الفستان حتى تخليني أنام هنا مو
صادق:لا والله...بس  مشتاك تكونين يمي
رنا:افكر
صادق:فكري على راحتج
جنت متعمده اخذ حيفي منه واخلي بس يريدني ارجع انام بالغرفه...ماقصرت وياه ابد
بعد شوي كتله
رنا :لا ماريد أنام هنا
ضاج كلش
صادق:ليش
رنا:بعدين
علكت الفستان بالكنتور..ونزلت
جنت مبتسمه بداخلي . لان حمسته حمس
لكيت سرى وسراب ياكلن كيك وعصير
رنا:اريد
سرى:تعاي اخذي
انطتني كيك وعصير
كعدت وياهن جانن يسولفن ع تحضيرات عرس حمودي ابن عمى منى ..نهايه هالاسبوع....حجينا شوي ورحت لفراشي تمددت
اجت عليه صابرين..جده جانت كاعده
صابرين:ها شجابلج شفته شايل كارتون
تعدلت
رنا : جابلي هذا.. شوفته المحبس
صابرين:ذهب
رنا:اي
صابرين:واو يجنن
رنا:وياه فستان بعد احلى..باجر اشوفج اياه
صابرين:ذوق اخوي بعد
جده:اي عيني يجيبلج هدايا وذهب..وانتي عايفتي ونايمه هنا...لعد لو تنامين فوك شيجيبلج
رنا:.......
صابرين: ميخالف تستاهل رنا...
جده:واحنه مانستاهل
جده صح زينه وياي..بس هي من تشوف صادق كلش مهتم بيه وزين احسه تضوج...يمكن لان هو الجبير وهس حيل تحبه
مارديت عليها سكتت
صابرين طفت الضوه..واني مسكت الموبايل جنت اباوع للمسلسل..بعد ساعه جاني اشعار منه
صادق:لاتسهرين هواي موزين نامي
رنا:🙄
صادق:وجع شبيج..
رنا: مابيه شي
صادق:اي زين ..على مودج
رنا: على مودي لو على موده
صادق:منو
رنا:ابني يعني منو
صادق: على مودكم اثنينكم
رنا:انت مالك علاقه بي ..هذا بس ابني..اللي اني وبس
صادق:اها
رنا:ايي
صادق:لازم من مهب الريح صار ابنج ديلا عاد لاتخليني.....
رنا:اي ابني وبس🙂
صادق: لو الله يهداج وتجين يمي
رنا:لع
صادق:والله لوما حامل وبعدج بدايه حملج ...
رنا:شسوي بله
صادق:اجيبج شحط
رنا:ههاي مبين عليك
صادق:ترهم ترهم مگضيه
رنا:ابد ماترهم 🙃
حسيته انحمس وكام يكتب عالسريع
صادق: انشوف شون ماترهم
رنا:اي 😌
صادق:عليج سوالف
رنا:مايعجبنك
صادق:لا
رنا:خوش
صادق:بسيطه بسيطه
رنا:يلا اروح اكمل مسلسلي
صادق:اذا انتي مره روحي كملي
رنا:لعد اروح انام لان موزين اللي السهر
صادق: ماشي روحي نامي
سديت الموبايل ونمت
ثاني يوم العصر جنه كلنا مجتمعين بالحديقة بس نور ماموجودة
سالفه جرت سالفه..وجابو طاري حملي
سراب:صدك اذا ولد او بنت شراح تسمونه
صادق:الله كريم لي وكتها
رنا:اذا ولد اسمي هيثم وإذا بنت غسق
باوع عليه
صادق: ماشاءالله واني شنو هنا
رنا: بكيفي اني اسمي
صادق: هاي هيه بكيفج بكيفج
جده:اي عيني اي هو كلشي صار بكيفها..بقت ع هاي
صادق ابتسم
صادق:لايوم مالج علاقه بيها..هاي بس هس اكول بكيفها
رنا:لابله ...
عود اني كبل ضجت من كل عقلي اله غمزلي تاهديت
المهم عبر الوكت.وره العشه
صادق راح للجامع
البيت سكته..باوعت جده وصابرين وسراب ماكو
سمعت صوتهم فوك..صعدت وصلت نهايه الدرج
جانن بغرفه نور
اسمعهن بس موكلش واضح صوتهن
صابرين: ترا همم اخوج لو اختج هذا شبيج
اسمع صوت نور تبجي وتشهك
جده: يانواره مايصير هيج أنتي
نور:روحن روحن لاتسولفن وياي..انيي ماريييد اخ منهااا ولااختت مااااريد افتهمممن..ان شاء الله ياااربي يموووت قبل لايجي للدنيااا ان شاء الله مايشوووفه بابا
جانت تدعي من كل كلبها
اني تخبلت من سمعتها تحجي هييج
فتحت الباب
رنا:انتي شنو من بشر ليش ماتخافين الله
نور:وولي منااا ..
جدة:رنا عوفيها وانزلي
رنا:ليشش تدعييين علييي ليششش.
نور:لوبيييدي ....
رنا:شنو لو بيدج كولييي
صابرين: رنا موزين الج المشاكل انزلي احسن خليها تولي
نزلت جوة بالصاله بس متت قهر لان جانت تدعي علي
بجيت كلشش وخفت يصير شي علي
ماحسيت اله نزلت تركض من الدرج وصابرين وسراب وراها
اجت عليه مثل الخبله
نور:اله اخلييي ينززززل
دفعتني عالقنفات
تاتضربني برجلها .صابرين كبل اجت سحبتها مني
صابرين:ووووولج ياااامگطووووعه وخررري عنهاااا
كامت تباوع يمين يسار..اخذت وحده من الكوشات (المخاد)اللي عالقنفات وضربتها عليه بكل قوة
اني ماردت ابد اكوم واضربها أو شي لان مومن صالحي ابد واني حامل بجديد
طلعت سرى من الغرفه
نور:ماريييد اخوة منج ماااريد
صابرين:منوووو كالج تريديين طبببج مرض لاتريديين
جده:يابنتي يانور مايصير هيج مايصير
اخذنها بصفحه
اني جنت ارجف بهاي الاثناء متت خوف ... حسيت بعد مستحيل اكدر ابقى هنا او أامن على حملي بوجود نور
انهاريت كلش....رحت عالموبايل
جده:وين تخابرين عليش تخابرييينه
نوب جده ولاعبالك مسويه شي حفيدتها..كلش جانت مقدرة وضع نور اكثر مني بهواي
دكيت علي
صادق:الو
رنا: تعال بسرعه
صادق: شبيج تبجين
رنا:اني بعد مابقى هنااا ابد ..
صادق:شكوو
رنا:نووور هجمت عليه تريد تسسقط الطفل.. والقرررآن مابقى بعد هنا..ااذا ماتلگي حل هس اخابررر عمي ابراهيم يجييي ياخذني وووالله......يتببببع