#ليته يعلم(أحببته منذ الصغر)

مشهد من بارت ٧٤

مشهد من بارت ٧٤
باوعت مكاني كله دم
صادق:شنوو هذا الدم
انداريت على هدومي كلهم دم من وره مادري بروحي
خفت حيل اول مره اشوف هيج دم يطلع مني
صابرين:هاي انتي تنزفييين وماتدرين بروحج
صادق:ليشش تنزف
صادق تعابير وجهه كلها تغيرت...مايعرف شيسوي
صادق:امشي غيري هدومج بسرعه خل اخذج .. صابرين امشي وياها غيري هدومها
رحت للحمام. كتلها جيبيلي هدوم وفوطه
باوعت مليانه دم رجليه..غسلت جسمي
ناوشتني الهدوم لبست وطلعت
صادق:يلا خل تستعجل
احس حيلي راح مادري من الدم مادري من الخوف
طلعت من الحمام ورحت وياهم.
صعدت بالسيارة من وره ويه صابرين
صار عندي وجع قوي بالسيارة
جنت مخليه اديه على بطني ومدنكه
صابرين:شبيج كاعد تتوجعين
صادق:هس نصل
اخذني لمشفى اهليه ...طبيت اني وصابرين لقسم النسائيه
شافتن دكتوره..من كتلها عندي نزيف كبل اخذتني لغرفه وفحصتني
لبست كفوف وكامت تفحصني
متت من الوجع كل شوي اوخر ايدها
دكتوره: مايصير ياعيني مايصير غير اشوف وضعج زين
وهي تفحصني كامت تسألني
دكتوره:شكد صارلج مزوجه
رنا:عبر الشهر
دكتوره:شوكت اخر مره جتج الدوره
رنا:........ماذكر.....وره الزواج .....ماجتني
دكتوره: شوكت بده يطلع دم منج
حجيتلها الصار..انو صار هيج وهيج مع زوجي
دكتوره: لأحول ولا قوه الا بالله...يمعوده انتي حامل اصلا
طفلج بأي لحضه يسقط...ليش هيج مسوي بيج ليش
انصدمت من كلام الدكتوره
رنا:شنو اني حامل
صابرين:دكتوره ياحمل صدك تحجين
دكتوره:اي حامل...بس ابد موتمام هالحمل...انتي كلش متأذيه
صابرين:ياربي هاي شون....وهس شون يادكتوره
دكتوره:النزيف مستمر عندج حالياً....راح اكتبلج مثبت
انتي شكد ماتكدرين ديري بالج ابد لاتشيلين اي شي ولاتعبين نفسج....بس مع هيج مامعلوم حملج بخطر حيل
واذا استمر النزيف عندج الى باجر هم تعالي
ماعرف هالخبر فرحني لو دمرني💔
دكتوره:راح اكتبلج مغذي ٢ ضروري تخلينهم وتخلصينهم اثنينهم لان عندج هبوط حاد
كتبت علاج اخذت الورقه صابرين
الوجع بعده موجود
تااكوم من السرير احس نفسي دايخه
دكتوره:ممنووووع يجي يمج
هزيت راسي..
طلعنا اني وصابرين
جان واكف يم باب المشفى
من شافنا اجه
صادق:هااا شكالتلج
صابرين:جيب هذا العلاج هس
صادق: هس اجيبه...ادري شنو هالنزيف شكالت
رنا:........
صابرين حجت وياه بصوت ناصي
صابرين:رنا حامل..وحملها بخطر حيل
صادق: شنو
صابرين:اي الدكتورة كالت حامل وهالنزيف مو زين ..تكول بأي لحظه تسقط الجنين
اني جنت ساكته ماحجيت شي..
صادق:ادري بس فهمني لخاطر الله....
صابرين:هس بس جيب العلاج خلي نشدله المغذي هس
راح..
اني بهاي الاثناء لي هس مصدومه..لان خلاص ماجنت اتوقع نفسي حامل...بس هالخبر شكد جنت انتظره وافرح بي... بالعكس لمن سمعته وعرفت إحتمال اكو إسقاط..شعور غريب جداً
رحت كعدت بغرفه بيها ممرضات
شكلت كانولا وخليت المغذي
كلت لصابرين خلي نروح بالبيت اكملهم
طلعت ..شفت صابرين تحجي ويه صادق وحدهم يم السياره
من شافتني اجت
رنا:يلا امشي نروح
هو جان بس يفرك بلحيته ..
صعدت بالسيارة...كل الطريق ساكته جنت .هو حيل حاس بالذنب واضح جدا علي..بس يتنهد وينافخ
لمن تذكرت كلام الدكتوره وهي تكول بأي لحظه يسقط
رنا:عفيه صابرين ادعي ماينزل
صابرين:ان شاء الله ان شاء الله يارب
لمن وصلنا البيت... نزلت كبل رحت لغرفه جده... جانو بعد البيت موراجعين
فرشتلي فراش صابرين..
اجه تايشدلي المغذي
رنا:بس دقيقه
رحت للحمام هم اكو نزيف بس أقل.. خليت فوطه ثانيه
غسلت وباوعت بالمرايا... كلت بكلبي:ليش حتى بهذا الخبر مافرحت ليش
رجعت للغرفة
صادق:بعده النزيف
رنا:اي
تمددت وصابرين خلت المغذي الي ..هو كعد مقابيلي
مسك اديه
نزلت دموعي
رنا:كله من وراااك
صادق: يروحي لاتلوميني رحمه لاهلج
رنا:......بس والله اذا صار شي
صادق: مايصير مايصير
مسكني من وجهي باديه اثنين
صادق:بس كولي يالله ماعلي اي شي ان شاء الله
بقيت ابجي مابطلت
رنا:يعني شوكت افرح إني شوكت
هو حيل جان متأثر..حتى مايعرف شيسوي
صادق:لخاطر الله لخاطر الله كافي...بلكي ماعلي شي
جنت ادعي بداخلي مايصير له شي..احس هالحمل ممكن يكون  انقاذ اللي..اريد هالطفل بقوة اريده محتاجه هالشي كلش بحياتي ..اريد احس اكو شي الي واني اله...لان ماعندي هالشعور..مثل  اخ او اخت..عالاقل ابن اريد احس عندي شي يكون مني اني
حضني
صادق:كافيج ياعمري كافي...
رنا:تعرفني شكد ردت هالحمل
صادق:اي اعرف والله أعرف
بعد شوي اجت نور وكفت يم الباب
هو من شافها كبل زكح عليها حتى تروح وماشوفها
بعد شوي حسيت روحي غفيت..اني من اخلي مغذي انعس
غفيت وراها حسيت بجده اجت وسرى وسراب
كلهم عرفو انو اني حامل وحملي بخطر..بس الأسباب الحقيقية اني وصابرين وسرى بس نعرف
اسمعهم يسولفون بس اني غافيه
صادق: صابرين جهالج حوليهم بغير مكان خليها نايمه
صابرين:هس افرشلهم وينامون
صادق:بس بلاصوت
جنت نايمه وهو كل شوي يجي يمي ...خلص اول مغذي شاله وخله الثاني
اخذتني نومه
كعدت بنص الليل على وجع يمووت واحس نزيف قوي عندي
كمت تعدلت من الوجع
وخرت الغطى شفت نفسي فايضه دم
رنا:صابرررين....صابرررين
كعدت صابرين :هاا
كمت ابجي
رنا:كوووومي عفيه
عالسريع كامت:شبييج.
رنا:عفييه كووومي والله يمكن رميييت .....يتبببع