#ليته يعلم(أحببته منذ الصغر)

البارت ٢٩

ليته يعلم ( أحببته منذ الصغر)
#بارت٢٩
رنا:ثانيه موووو ثانيه موووو بعد كل هالمعاناااااة الله ياخذك ياحقيييييرررر
سد اثميي قوي
صادق:اشششش لاتغلطيييين ...
وخرت ايده
رنا:ماااقبل ماااصير ثانيه
صادق: ليششش ؟
رنا: انيي ماتحمل ولاء ابد
صادق:البيت الج ومحد اله دخل بيييج ولاء تبقى هناا يعني ماراح تتواجهن.
هزيت راسي كلت لا ماريد
صادق:لعددد شلوووون يعنييي.
رنا:ضل ويه مرتك ها هييه
صادق: ووولج وهو اني طاخهاا اصلاا ترررررى دمرتيييننيي شتريييدين اريييد اعررررف كوليي شتريييديين
رنا:ماررريدك ضل ويه مرتك واني مالي علاقه بيك ولا الك علاقه بيه نهائيااا
اجت صابرين فتحت الباب تاتصيحنا نتعشه اشرلها كاللها روحي
صادق:انتييي شبيييج  على كيفج وياي بس اريد مره تحطين نفسج بمكاني وتفكرين نيابه عني مثل ماااني اسوي وافكر عننننج.ترى والله ردت اطلك بس شفتي شون اجه ابوها وحرجني وهي هم كسرت خاطري خما لهالدرجه ماخاف الله اني شسوووي بسس كليلييي
رنا:اي هذا هو  لاتسوي شي  وانييي ثانيييه مااصيررر ولو عندي حض جان مامات علي وبقيت وياه بعيدا عنكم. وراح ابقى هنااا اتحمل واجرع المررر لخاطر اكمل دراستي بلكي الله يفرجها عليه ويجيني أنسان بي خييير واخلص
تعصب عليه
صادق:والله اششششكج بالنص اسوييج وصلتييين اذا كلتي هييج كلام بعددد.منو يجيج اخيير منيي هااا.. منو راح يحس نفسه مسؤول عليج بكدي منوو 
رنا: الدنيا هم بيها ناس زينه
صادق:خوش خوش
رنا:اني كلبي بعد مايتحمل آلام اكثر.. نوب ولاء وكال وكلت ومعرف شنووو .اني موكدهن ولاكد مكرهنن .حتى انتو ماتكدرولهن
شوو هذا انجن من كتله هييج حتى خفت منوو
صادق:منووووو مايكدررررر اااانييي مو فرااااس العاااااااار
حتى ماكدررررر...واعرفييي شتحجييين كداااامييي لااطللللع عيووونج
ضرب الصوبه كل قوته وطلع
حيل خفت من ردة فعله.عود هو يتخبل من واحد يحجي هيج وياه انو مايكدر لحرمه وهيج شي
إني بقيت بالغرفه لاتعشيت ولاشي من جيهه حسيت فرغت غضبيي ومن جيهه بعدني محموسه
وره ساعه اجت صابرين
صابرين:اشوو ماجيت تعشيتي
رنا:ماريد اكل شي هي مسويته
صابرين:بس هيج..من جيت الغرفه انتي وصادق جان حسكم عالي
رنا:اخووج سوالفو تبعجججج
صابرين:ليشش شكالج
رنا:يريد اصير ثانيه اله
صابرين:اااهاااا صدددك
رنا:ايييي
صابرين:ووشكوو بيهااا
رنا:شكووو مووو.اني كلت اذا ولاء انكلعت هاي هيه بس رجعت وجه ال.... لا والله ماريد
صابرين:بالعكس يولي فوتي بعينهن واخذي وربج هذا هو دواهن اله تموتينهن
رنا:اني هم جنت هيج مفكره.بسس خلي نفسج بمكاني ترى دم اخويه بعده رطب والله بعده ماكاعد اتحمل انو رجعت عادي . صابرين اني تعبانه حيل حيل 💔
صابرين:ياعمري الله يساعدج تحملتي شغلات اكبر من عمررج
رنا: اريد شي يخلصني من اللي اني بي بس ماعرف شنو هو
صابرين:يعني شون
رنا:مادري بس اريد ارتاح.انو ماحس بألم بخصوص اي شي اكو شي ...
بقيت بالغرفه واجت جده شايله صينيه بيها برتقال ورمان
كعدت تكشر وتنطيني
جده:هاج اكلي انتي ماتعشيتي
كمنا ندردش شوي
رنا:جده احجيلي عن بابا وماما.اني اتذكرهم من جنا باربيل بس اريد اسمع بعد
جده:والله ابوج وامج حيل زينين ابوج مسالم ماله غرض باحد وامج معدله وصايمه ومصليه بس سبحان الله هو الزين يروح
رنا:زين احنه ليش ماعدنا بيت
صابرين:اربيل نار البيوت بيها.جنتو كاعدين بشقه
رنا:اي اذكرهاا موكلش بعيده عن القلعه لان جنه نروح هناك
صابرين:اي صحيح
اني جنت اعرف معلومات انو صديق ابوي يشتغل بشركه هناك وكاله تعال اشتغل وياي ورحنه يعني اتذكر تفاصيل بس موكلشش.بس جنت مشتاكه وحابه اسمع
صابرين:يووم موبله رنا بيها شبه من امها
جده:اي شلوون... بس شعر امها جان طويل امها حلوة حيل جانت الله يرحمها
صابرين:اي اذكر شعرها طويل حيل بس انتي مو هالكد طويل
رنا:موزين بقى عندي شعر اصلا
صابرين:ابوج هم حلو.بس امج احلى
جنه نحجي بهالموضوع وطاري الحلاة ومعرف شنو.شوي تعدلت نفسيتي لان التهيت
عاد سالفه جابت سالفه
صابرين: لايييوم شكاعد تحجين انتي ماخلفتي بحلاة صادق ابد
جده:اي ادري اعرف بس ولدي هم حلوين
صابرين: شرايحلي لو طالعه علي جان ماخذت محسسن
رنا:هههه لازم موعاجبج
صابرين: لا والله مابدلو بالدنيا بس هم الحلاة مرات مريوده ههههه
صحيح كلام صابرين صادق احلى إخوته مو جذب ولامجامله وبدون اي مبالغه..شعرو ثخين ولحيته متوسطه لون شعره اسود بي بياض قليل بس السواد متغلب ع البياض
بشرته بيضاويه وصافيه كلش وهو كلش يهتم بنفسه
اخوته هم حلوين بس مومثله
جده:والله يابنتي عوفج من الشكل اني صادق قطعه من روحي من يكون موجود بالبيت اكول الأمور بخير ونام مرتاحه
كلت بكلبي هس دخلني ملتهيه ومتونسه اله تفطنني
خلص اليوم .كعدت الصبح رحت للدوام وجان فكري متلخبط كلشش بسالفه البارحه من جيهه اكول ماريد اوافق من وره ولاء ومن جيهه ارجع اكول اوافق لان اني اعرف مشاعري تجاهو ماتنتهي.وجنت متاكده من هالشي كلش 💔
حتى صديقاتي جانن وياي بس موكلش مندمجه وياهن
رجعت للبيت اول ماطبيت شفته بوجهي
بس ماباوع عليه طبيت جوة غسلت وبدلت وصليت رحت للمطبخ سويتلي طلعت بطاطا تاكليها
سمعت صوت الباب انفتح باوعت من شباك المطبخ شفت زلم طبو جوة
اني جنت اكلي واسوي سلطه
اجه هو للمطبخ تايكول سوي جاي.من شافني ماكالي ولاصخرني
راح صخر صابرين كاللها سوي جاي
ماهتميت كلشش كملت الاكل وكعدت اكل.خلصت اكل
ورحت لفيت راسي ونمت.كعدت المغرب صليت
بعدين طلعت كتبي كمت ادرس لان ثاني يوم عندي امتحان
صار وكت العشه اجت سراب صاحتني
رحت للصاله تاتعشه وياهم كلهم كاعدين جميعاً والحيايه هم كاعدات
جان كبل ارجع الغرفه
فتحت الكتب وبقيت أقره
عبرر الوكت واني ادرس صارت الساعه ٩ كلت لجده راح اروح اتعلل يم صديقتي مها
لفيت شالي ورحت عليها
كعدنا نسولف وندردش
مها:اعذريني رنا ماجيت عليج هواي من توفى اخوج لان امي وابوي اجو من الحج وجان هم ناس يمنا يسلمون وهم امتحانات
رنا:معذوره عادي
جابت نسكافي وحلويات بقينا نتعلل للساعه١١
رنا:كافي تأخر الوكت خلي ارجع
مها:والله بعدنا متونسين
رنا:لاكافي
طلعت اني وياها يم الباب وهم اخذتنا السوالف ع الدوام ومعرف شنو
باوعت الساعه صارت ١١وثلث
رنا:يلا كافي من صدك تاخرت
مها:هلا بيج رنا
رجعت للبيت  طبيت للطارمه ضلمه مطفين الاضويه
طبيت للصاله جانت كاعده جده تنتظرني.وصادق يمها
جده:ها  جيتي
رنا:اي
صادق:جان ضليتي للصبح ساااعه شكدد
رنا:اي اخذتنا السوالف.واني كلت لجده
جده:اي كالتلي اني كتلها تروح تتونس تغيير جو
صادق:اني ماكلت ليش ماكلتي...بس شوفي الساعه شكدد
رنا:عادي ترا هي تعليله.شوو انتو من تتعللون تضلون مدري شكد
صادق:لاتقارنين هيج مقارنات
رنا: ماشي ماشي
رحت الغرفه فرشت فراش وتمددت
كعدت الصبح هم كالعاده دوام
رجعت من الدوام لكيت عمى منى ومنتهى وبناتها جايات يمنا
سلمت عليهن وكعدت وياهن شويه كامن يسألني شونج وشون وضعج
بعدين رحت نمت كعدت المغرب.البيت هوسه لان بعدهم موجودين
رحت للمطبخ تااشرب مي.ولاء ورحاب واكفات بالمطبخ يطبخن
اني شربت مي وكبل رحت للصاله جنا كلنا ملتمين
بعد شويه صبو العشه
اني من صبن العشه كبل رحت سويتلي طماطه حمسس لان ماريد اكل من طبخهن ابد
عمى منى:رناااا تعالي تعشيي ويانااا
جده:تعالي ترى بدينا ناكل
رنا:ماارريد
كملت الطاوة وسويت وياها خضره ورحت لغرفتي
كعدت اكل وحدي
اجت سرى:ليش مسويه طماطه وعفتي الخير كله حرامات
رنا:تعرفين ليش
سرى:براحتج
بقيت اكل واصلا شكد طيب الاكل.اهمشي مومن ادينهم
خلصت واخذت الصينه للمطبخ غلست ورجعت كعدت وياهم
اجه علاوي وسرى كامو يضحكون ويشاقون ويه بنات عماتي
شوي التهيت وياهم واخذني الواهس بالشقه مالهم
فاطمه:هات علاوي شو كبل جنت تضل تجي من تزوجت معد نشوف وجهك
علاوي:غيير صار الكببد يمي
فاطمه:الله يرحم من جنت تتوسل بيه تلبس احجي وياها لخاطرك
علاوي:اخذذت اللي اريده شسوي بيج بعد
فاطمه:فعلا مصلحجي
سرى:هههههه
ضحكنا على سوالفهم
جان يفوت فراس وصادق
فراس:هااا مجتمعين وضحك
صادق:عود صوتجن حيل عالي وزلمه بالاستقبال
اني ولاباوعت علي ضليت احجي ويه البنات و مادرتله بال
اجت ولاء من سمعت صوته
ولاء:ها تريد شي محتاج شيي اسويلك
صادق: سوز جاي لزلمه
ولاء:دقيقه واجيبه
راحت تركض عود عساس نادره
خلصنا تعليله
رحت طلعت هدوم.تافوت اسبح
هس تااطب للحمام جان تطب كبلي ..
ولاء:انييي تااسبببح
عفتها ومارديت عليها
انتظرتها تخلص حتى اطب
خلصت وطبيت للحمام
بقيت ساعه تقريباً جوه المي الحاار
لان تذكرت علي وبجيت جوة المي بحركه 💔
طلعت من الحمام شفت صادق بالصاله مساك موبايله
من شفته كبل طبيت لغرفه جده
هو شافني عيوني جانن مورمات
جده:شو تاخرتي....يلا نشفي شعرج ونامي...خما عندج دوام باجر
رنا:باجر جمعه ماعندي
جده فطوم:خوش حتى ماتروحين وشعرج اخضر
نشفت شعري وجده نامت وطفت الضو
واني ضليت كاعده يم الصوبه مسكت الموبايل شفته فاتح نت
اني أعرف زين هو حتى لغرفته مايروح قليل مكضي وكته لواستقبال لوصاله
ضليت افتر شوي بالبرامج بعدين نمت
كعدت الصبح
عزلت غرفه جده وكنستها ومسحت المزهريات
يعجبني يوم الجمعه انضف
خلصت تنضيف الغرفه..
اجه وكت الغده وهم نفس الموقف شفت ولاء تطبخ
هم رحت سويتلي غير شي. المهم مااكل من ادينهن
اخذت اكلي لغرفتي
شو بعد شوي طب صادق
صادق:انتي عود ليش رافعه خشمج وماتكعدين ويانا
رنا:تعرف زين ليش
صادق:ضلي هيج ضليييي
كال هيج وراح...هو يعرف زين لش ماكعد وياهن بس حسيته يدور سالفه تابس يحجي وياي
واني اكل عطشت تاروح اشرب مي
جان اسمع رحاب تحجي ويه ولاء.هنا مندارات ع السنك ماشافني
رحاب:شوفي شوفي شون حضض عساس حجينا ويه اخوها حتى يمنعها تالي ماتالي مات ورجعتلنا مثل البومه
فوكاها ماتقبل تاكل من طبخنااا تسوووي فضلل
استهترت من حجت هيج
رنااا:انجبيييي حييوانه والج عيين تحجيين بعد كل عمايلج
رحاب:على كيفج عييني بس هذا الصحيح
رنا:الصحيح انو انتي انسسانه قذررررره
رحاب: انتيييييي فعلاً خببببله وللللي من هييين ارجعي لغرفتج هو بس هاي الغرفه تلفييج
تلفت اعصابي بكلامها
حتى ماعرفت شرد عليها
مسكت الكلاص وضربتها بي
كامت تعيط سوت نفسها مضلومه
اجه الأفندي فراس على صوتها
فراس:شكووو شبييجن
رحاب:ترى رنااا كاعد تتجاوز حييل وضربتني بالكلاص
فراش:ليش ضربتيها
رنا:اسألهاااا اول ليشش ضربتها
رحاب:ماكتلها شييي.بش كلت خطيه عساس راحت تستقر تالي اخوها مات ورجعوو
اجه صادق واحنه نحجي
رناا:بسسس هييج كلتييي موووو
رحاب:اي والله بس هيج كلت
رنا:وتحلفييين همممم
فراس:رنا سدي الموضوع كافي
عفتهم ورحت للغرفه
جان يلحكني
صادق:شبيجن
حجيتله شنو كالت
صادق:هس هس اني احجي وياها.....وانتي على شنو تهتمين لكلامها هو منو مكلبها اصلا تحمسين بروحج زايد
رنا:لان تعبت وماريد بعد اسمع اي كلام.البيه مكفيني
صادق:اوف اوف
طلع واسمعه يحجي وياها وويه فراس
مر يومين والوضع هو هو
صادفت رجعت من دوامي.اول ماطب شفته 
رحت غسلت بعدين طبيت للمطبخ تاسوي جاي
جان اسمع صوته
صادق:ها رنا
رنا:ها
صادق:شكلتي
عرفت شيقصد
رنا:صعبه عليه حيل
رد عليه بهدوء بس احسه مقهور
صادق:هس صارت صعبه مو.من عرفتيني متولع بيج صارت صعبه
من كال هيج تأثرت وبالكوة عرفت اعبر عن اللي بداخلي
جتت احرك بايديه حتى يفهمني
رنا :تدري شنو
صادق:شنوو
رنا:احس ماجان لازم تصير بهاي الوضعيه أو بهاي الطريقه
صادق:شلون يعني
رنا:يعني من اباوع على معاناتي المريت بيها.احس هذا مواستحقاقي مااستاهل اكون ثانيه ويه ولاء..باوعت بصفحه ونزلت دموعي.
صادق:ماشي رناوي هاي هيه براحتج ابد مالح ولااضغظ عليج
من كال هيج وراح اني ضجت حيل لان اني ماجان قصدي اكله قراري أو انو اني موموافقه جنت بس داشرحله عن موقفي  وردت اكله انو اني جنت مكيفه حسبالي يطلك ولاء اول شي.
عذذذذذه ياربي شون شعور اكره هالشعور حييل
سبحان الله كل مره اكو شي يعقد الوضع ولاكاعد ترهم
كمت اقوي نفسي واكول هاي هيه بعد لازم اتحمل 💔
وره كم يوم
اجت نورر تضحك
نور:جده جده راح نتحول بعد باجر لبيتنا
جده:شنووو منوو يتحول
نور:بابا كال حضرن نفسجن راح نرجع للبيت.
جده:وين صادق
نور: مدري طلع
هاالخبر سوى عندي شعور مختلف شعور غريب ماكدر اوصفه يجووز ماتفهمونه بس يوجع حيل 💔
جده انتظرته يجي لان هي ماتريده يطلع
اجه وكت العشه
اني بالغرفه واسمع
جده:شنو هالخبر صحيح تريد ترجع لبيتك
صادق:اي يوم .ان شاء الله الرجال اللي مستأجر البيت اليوم طلع باجر اروح اشوفه وبعد باجر نتحول
جده:ادري منين طلعت بهاي السالفه
جده:يووم الله يطول بعمرج كاافي.مفروض من زمان اطلع
جنت اسمع وساكته
ماانكر جنت ضايجه كلشش مولان احبه وبس لاا
بس اكول شون راح اجرع البيت بدونه يعني هو الحنون عليه.اني احس نفسي رغم كلشي مستنده علي هو سندي اللي بقه الي بلدنيا
حتى لو نتزاعل حتى لو هو مومن قسمتي.بس وجوده بالبيت (امان ليه💔)
بقيت بالغرفه ماطلعت منها لان ماريد اتواجه وياه.صرت اخاف على كلبي شكد ماشبع ضييم
اجت ولاء للغرفه وسدت الباب
وكفت مخوصره مقابيلي
ولاء:هااا تذكرين من كلتي اخذه على خشومجن...
شكتلج انيي..يلااااا  الله يسهل للبشر
ردت ارد عليها واكوللها  الي يغثها
بس سكتت.لان ماضل شي يستوجب الرد
طلعت للحديقه اتنفسس شويه
شفته بالاستقبال كاعد صفنت بي
كلت خلي اباوع زين علي خلي اشبع من شوفته
انتبهت انو هو هم باوع عليه
اجه يمشي لي عندي
حجينا بكل هدوء
صادق:شونج
رنا:زينه
صادق: جنت نافس انتي تجين لبيتيي
غوركت عيوني
رنا: يمكن اني مامحضوضه بشي  لابحب
ولاابيت خاص الي اعيش بي .هو اللي مابقاله احد من اهله بشنو راح يكون محضوض كليي؟
صادق:اني ردت اعوضج عن كل هذا وأكثر بعد بس انتي الله ماهداج
رنا: اني من يومي الله هاديني عليك..بس ماجرعت رجوع ولاء ابدد حسبالي تبقى الي وحدي لان هيج استحق.لي هس مغثوثه والله
صادق:على مود هيج اني اروح احسن.لاتشوفينها ولاتنغثين ولاشي واني هم معد اتحمل أشوفج كدامي 💔
كال هيج وراح
ثاني يوم راحت ولاء ونور وسراب ويه صادق جهزو البيت كامل.رجعو بالليل اني وجده كاعدين بالصاله
ولاء: عمه اخذنا احسن الاغراض ماكو شي ماجبناه
الحمد الله واخيرا راح اروح لبيتي
جده:تتهنين بي ان شاء الله
سراب:موبس بيتج ترا
ولاء:بيت رجلي يعني بيتي
اجت رحاب:تستاهليين البيت بالعافيه عليج ا
طب صادق بقه يحجي ويه جده
اني كمت رحت لغرفتي
ردت ابجي بس مابجيت تحملت بالكوة كلت فتره وتعبر ان شاء الله
ثاني يوم  رحت للدوام..و رجعت شفت  عمال يحولون غرفه الخشاب
طبيت جوة كبل فتت للحمام غسلت وطلعت طبيت لغرفه جده ..  جده جانت حيل ضايجه وكل شوي تبجي اخر شي خابرت صابرين كالت تعالي ونسيني صادق تايروح اليوم
اجت صابرين وعيلتها
البيت صار هوسه من وره العمال وتحويل غرفه الخشاب
سراب ونور جانن يحضرن هدومهن وغراضهن وغراض حسسن بالجنط
خلصو تحضيرات كامل تايطلعون 
جنه بالصاله كلنا وفراس وعلاوي
اجه صادق على جده
جده كبل كامت تگهد وتبجي وحتى صابرين نزلت دموعها
صادق: لاتبجين يوم قابل وين رايح موبعيد عليج عندي سياره بأي وقت تريدين اجي يمج
جده: والله ماتحمل..نوب البنات وحسن شون ماشوفهم يوميه شون
صادق:اجيبهم شوكت ماتريدين
صابرين:ان شاء الله تتهنى ابيتك ياخويه
باوعلي وكال:ديري بالج على نفسج
جانت ولاء طايره من الفرح ونور وسراب شوي متاثرات على مود متعودات على جده
ودع اخوته وطلع
طلعو من البيت واحنه واكفين يم الباب نباوع عليهم.او بالاصح  اني اباوع علي هو
اجت ابالي شكو زين سواه وياي
وكت قضيه رحاب لمن رحت لصابرين ووكت شغله خطوبتي لمن خربتها وغيره وغيره واكيد ماانسى وكفتو وياي لمن توفى علي.هو اللي صبرني وبقى وياي
كلشي اجه بهاي  اللحظه..واكيد الأكثر شالع كلبي
هو حبي اله 💔
مشت السياره والدنيا مغرب
تعرفون المغرب شكد يخنك بالاصل
نوب راح وترك البيت بهالمغرب
طبيت جوة.فعلا البيت فارغ مابي اي روح بدونه يخنك كلشش
رحت صليت تاماابجي او اضعف
طبت جده جوة وبعدها مقهورة وصابرين تلهي بيها بالسوالف
عبر اليوم بالدفرات عليه
احسن وكت عندي من اروح للدوام لان البيت صار كأبه كلشش بالنسبه ليه
بعد شهر من طلعته من البيت جان يخابر جده يطمن عليها
يجي اكثر المرات واني بدوامي يصادف لان من يخلص دوامه يمر بطريقه على جده
جنت بالكوة هاي الفتره ماسكه نفسي وماابجي
لحد يوم نهايه عصر على مغربيه  اختنكت كلشش اكثر شي يخنكني هذا الوكت بذات
صعدت فوك  كعدت بالكاع وارتجيت عالتانكي مال ألمي
اجه ابالي علاوي وتذكرت وامي وابوي اللي نسيت شكلهم
واكيد هو ماراح من بالي
شعور الفراق والوحده والشوك الي يكسر الضهر جان متغلب علي
جنت ضامه دموعي كل هالفتره بس بهاي اللحظه نزلن كلهن بدون صوت بس دموع تجري جنت اباوع ع السما والغروب وسطوح البيوت وصوت العصافير والأطفال بالشوارع تلعب
كمت اكول كلمات بصوت ناصي
ياعلاوي انت ليش ماتجي. يابابا وماما ليش متو وعفتوني ياصادق اني ليش هالكد تعبت بحبك .
جنت اكول كلمات هي بالاصل صوت عقلي وكلبي💔
مانزلت اله الساعه ٦
نزلت فاقده ع الاخررر
انطرحت بفراشي ونمت شكد ماتاذيت
ثاني يوم كعدت مثل الجثه رحت لدوامي
ورجعت هم كبل نمت
صرت بس اريد انام لان اروح بغيير عالم.
بالليل الساعه ١٢
جان يجيني اشعار باوعت
فيديو من صادق.......يتببببع
بنات بعد ماقنعت صاحبه القصه وافقت راح انزل الفيديو اللي بعثه الها ستوري وعام بحساب الانستكرام
وبالنسبه للتأخير والله كلش ضغط عليه هاي الفتره لوبيدي انزل ٣ و٤ باليوم