البارت ٨٣ والاخير من (الجزء الثاني ) طبعاً هاي الأحداث ب٢٠٢٢ راح اختم القصه من هذا الجزء لحد نهايه ٢٠٢٢...اكو جزء ثالث بعد لكن ماراح انزله هس لان بعد أحداثه مستمره واني على تواصل مستمر مع رنا.. انتظر تكمل الأحداث وانزله سديته وبقيت انتظر ..قربت الدنيا تغرب ولاواحد اجه حتى دمعت عيوني من الملل والتعب دك صادق عليه صادق:ها حب شونج رنا:هلا صادق: الأخبار الامور شسوين ماسوين رنا:بعدني بالكليه صادق:ليش رنا:لي هس مااجو صادق:كل عقلج تحجين رنا:اي.. سياره فراس عاطله حجه بعصبيه وانفعال صادق:واذااا عاطله شنووو يعنيي.يبقونج هناااا..خررررب يومهم ..وانتييي ليشش ماكتيليي رنا:....... صادق:غير تسولفييين غييير تحجييين سد الموبايل ضجت كلش بعد شوي رجع اتصل عليه صادق:هس يجيج الشفيه علاوي.اني بعدني بدوام...بسيطه إني الهم سديته وره شوي اجه علاوي بتكسي خابرني كالي اطلعي ماصدكت على الله... رحت صعدت بالسياره علاوي:خابرني يغلط ويحجي رنا:والله مايلام..شوف الدنيا صارت ضلمه علاوي:اني كلت لفراس كال هس اطلع عالمصلح اسويها عالسريع وامر عليها اخذها..شمدريني بعده مامسويها وصلنا البيت كبل طبيت جوة...صعدت فوك لغرفتي جانت الكهرب طافيه اول شي سويته شغلت الصوبه الگازيه وخليتها بغرفتي وطبيت للحمام اسبح حتى ادفى... لان ماراح ادفى بسرعه اكلت برد لحد ماشبعت طلعت من الحمام وكعدت مقابيل الصوبه كمت امشط شعري..والبخار يطلع منه جنت خايفه من جيته لاتصير مشكله كلت بيني وبين نفسي (يعني اني فعلاً أتيتم بدون صادق يعني اني اكثر وقتي اللي اعاني بي لمن يكون خلاف بيني وبين صادق...بس لمن نكون سويه وامورنا تمام مايبقى عندي اي هم.حتى.لوتصير مشاكل هواي ابيت عمامي ماهتم الها مشطت شعري ولفيته ولبست كب حتى مابرد وتمددت عالتخت بمكان صادق هستو غفيت سمعت صوته يعيط عليهم كبل كمت طلعت وكفت عالدرج صادق: عايفييينها بهالبرد وحااامل ماكلتووو شيصير بييهااا ادبسززززيه فراس:والله رحت اجيبها والسيارة عطلت بطريق شسوي يعنننني صادق:عطلت السياره...تخابررر علاوي ياخذ تكسي ويرجعهااا..فددد شغللللله يعنيي لوووو ماتدبرووون شييي فراس:خابرت علاوووي كتله باوع على علاوي بعصبيه علاوي:جنت طالع بعيد صادق:طااالع ماشاءالله...والله ماتستحوووون ماعلييكم اعتماااد ابددد..ولا تسسون البوجهااا جده:يلا حصل خير لاتكبرها ووتعاركون صادق:اكبررها اي اكبرهااا..حتى شوي يحسوون على نفسسهم ..هايي لو مااني خابرت جان الى الليل تبقى عدكم عااادي رجعت لغرفتي ..وتمددت بعد شوي اجه صادق:هااا بعدج بردانه رنا:لا سبحت وتدفيت يم الصوبه صادق:اياباا شغثوني ع هاي الدگه رنا:يلا حياتي عدت ماكو شي غير ملابسه واجه يمي صادق: شو وخري الغطه اريد انام بحضنج رفعت البطانيه ..واجه تمدد يمي حضني قوي صادق:انعل أبوهم لابوهم يخلون روحي بالبرد رنا:هههه صادق:فديت هالضحكه الاحبهاا..لا ها هيه بعد دوام مسائي ماداوم ابد..اني اخذج وارجع رنا:احسن نمت وكعدت بساعه ٩ ..جنت زينه مابيه شي بنص الليل صعدت حرارتي كلش صخونه والتهاب بلاعييم جنت شوي خايفه لايأثر عالحمل حتى مارحت للدوام كعدت صادق صادق:ها رنا:اني تعبانه كلش..صخونه قويه كام على حيله صادق: ليش شبيج رنا:حراره وجسمي كله يوجعني صادق:امشي اخذج كمت بالكوة تحضرت اخذني لدكتوره انطتني علاج ورجعنا لمن وصلنا البيت..كام يحجي عليهم صادق:شوفوو من وراكم تمرضت فراس:راح تضل تعيرنا إلى مانموت علاوي:شيخلصنا بعدد صادق:اي تضوجون من الصدك صعدت فوك لان مابيه حيل ولاواهس لأي شي غيرت ملابسي وتمددت..غفيت بس مو نومه مريحه كل شوي اكعد وكت الغده اجه صادق عليه صادق:ها حياتي ماينزل تتغدين رنا:لا ماريد صادق: اذا تاكلين احسن رنا:مامشتهيه شي هس.بعدين اكل صادق:اخذتي العلاج رنا:اي اخذته صادق :لعد نامي هس بقيت بغرفتي اليوم كله.. وكت العشه اجت سرى شايله الصينيه كمت تعدلت.. سرى: شونج هس رنا: يعني اجه صادق صادق: يلا مدي ايدج لاتضلين بدون اكل مايصير طلعت سرى كمت اكل شوي شوي صادق: اكلي بعد .حتى تاخذين علاجج رنا: دااكل ترا صادق:مثل العصفور رنا:هه صادق:وشونج هس رنا:احسن شوي صادق: والله والله كله من وراهم..مامنهم بس المغثات انفتح الباب حسن:بابا صديقك بره يصيحك صادق:هس جاي طلع من الغرفه.. واني كملت اكل وشلت الصينيه ونزلت رميتها بالمطبخ رحت للصاله جده:ها شونج شون صرتي رنا: الحمد لله نص ونص رحت غسلت وجهي واديه ورجليه حتى شوي اتنشط بعدين كعدت بالصالة شوي ..اشتهيت عصير ليمون كلش دزيت حسن يجيبلي...بعد شوي اجه حسن:ماكو ماعدهم رنا:ليش.اووف كلش كلش اشتهيته ازود من النسى دكيت على صادق رنا:الو تعال للصاله صادق:هس جاي اجه للصاله رنا:اريد عصير ليمون..دزيت حسن يكول ماكو صادق: شون ماكو رنا: مادري روح انت صادق:هس هس اروح صاح علاوي صادق:اكلك اخذ السيارة وروح جيب عصير ليمون باوعت علي رنا:اني كتلك انت ليش تدز علاوي صادق:رجال هناا علاوي: اني اروح عادي صادق:لاها هيه هس اني اروح ..انت اكعد ويه الرجال طلع...واني بقيت باصاله انتظره بعد شوي اجه .. وجايب وياه العصير صادق:هاچ أخذي اخذته منه ورحت فرغته بالدولكه وخليت بأكبر كلاص شربت ٣ حتى حسيت نفسي ارتويت بعدين رحت لغرفه سرى جانت تغير هدوم غزلان سرى:ها وضعج ماتحسنتي رنا:حرارتي نزلت بس جسمي بعده متهدون .. اشتهيت عصير الليمون كلت لصادق روح جيبلي شربت ٣ كلاصات منه سرى: هههه بقى منه لو خلصتي رنا:بقى سرى:اروح اشرب شو اني هم اشتهيته رنا:هس اجيبلج سرى:لاابقي هس إني اجيب بقيت بغرفتها تقريبا نص ساعة جنه نسولف وندردش سرى: شكد بقى ويكمل بيتكم رنا:بعطله نض السنه نتحول. سرى:والله شايله هم من هس..راح يصير ضوجه البيت كلش رنا:صح اني كلش فرحانه ومتحمسه بس والله اكو غصه هم بداخلي لان حنطلع سرى:نور راح تجي وياكم رنا:اي سرى:عجب قبلتي رنا:موشغله قبلت بس صادق ماعنده غير حل سرى: صحيح..عاد بلكي وره هاي الكتله تصير ادميه رنا:ان شاء الله يارب سرى:صدك بيا شهر انتي..بطنج كبرانه رنا:اني بشهر التاسع جنت حامل واني مدري.وهس احنه بالواحد... سرى: يعني طبيتي الخامس...بسرعه ماشاءالله رنا:يبين جنس الجنين مو سرى:اي يبين هس رنا:خوش باجر اروح اخذ سونار بعد شوي حسيت رجعت صخونتي شويه.. صعدت فوك لغرفتي بساعه ١١ هو اجه اني جنت متمدده واكلب بالموبايل اجه يمي كام يحضن ويبوس رنا:لالا والله اعديك ترا صخونتي قويه صادق: واذا تعديني رنا:لا وخر عني صادق: والله ماوخر..واله انام وياج هم رنا: مريضه ومانصحك ابد صادق:اذا مالج خلك لان تعبانه عادي..بس اذا على مودي تاماانعدي مالج علاقه انتي رنا:اي تعبانه ومالي خلك صادق :ضلي تهزمي..صيري زينه واني اعلمج رنا:هههه.صدك باجر تاخذني للدكتوره حتى اخذ سونار اريد اعرف بنت لو ولد صادق :العصر اخذج رنا:ماشي ثاني يوم العصر رحت اني وياه وصابرين..لان هي موصيتني من نروح السونار تجي ويانا وصلنا الدكتوره وطبيت جوة جنت متوتره بشكل موطبيعي.. تمددت وخلت جل على بطني وخلت الجهاز وتباوع للشاشه الدكتوره:هدي شوي داسمع دكات كلبج أكثر من نبض الطفل صابرين:ههه رنا:ها دكتوره شنو الجنس الدكتوره:صبري شوي صابرين:على كيفج هس يبين رنا:...... الدكتوره:ولد رنا:صددددك الدكتوره:اي ان شاء الله صابرين:كللللللوووويش الفرحه ماتنوصف شكد موقويه بالنسبه اللي..هذا اللي ردته اني ومن زمااان هم ❤️ مسحت بطني بالكلنس.اريد بس اطلع حتى اكول لصادق هم كتبتلي الدكتوره كورس مال فيتامينات لان الييمي خلص .. صابرين تريد تسبقني حتى هي تبشر صادق رنا:اموتج اذا كتيله انتي صابرين: ماشي انتي كوليله طلعنا من الغرفه هو جان بره يم السياره..رحت اركض علي هو مبتسم ويسألني صادق:ها شنو ؟؟ رنا:احزر صادق: يعني شحزر هو لوهيج لوهيج رنا:....... صادق:بس على هاي فرحتج وابتسامتج ولد رنا:اي صح ولد..توقعي اني صحيح.. صابرين:ماقبلت اني اكلك اله هي بنفسها لمن عرف ولد هو بعد اكثر مني فرح...احس هيج ابتسامته ماليه الدنياا صادق:اي عفيه عفيه.. الحمدلله صعدنا بالسيارة صابرين:وراح يصير عدكم ولدد ...تستاهلون والله ام يصير اخ لحسن خطيه صابرين:امي كاعد تدك عليه خلي ابشرها....هلا يوم.....اي اخذنا.سونار طلع ولد.......اي الحمد لله .....ههههه اي الشعور اللي بداخلي حلو حيل حيل حلو ابطني طفل من الشخص اللي حبيته واني صغيره وجنت دايما اتمنى هالشي وبقوة والحمد لله الله حققلي هالشي من بعد كل هاي المعاناة وكفنا بمكان ونزل...بعد شوي اجت شايل وياه كارتون بقلاوة ومكسرات وصلنا البيت تقريباً الدنيا ضلمه فراس جان يم الباب صادق انطى صابرين الكارتون صادق: فوتي وياج طبينا جوة..جانو كاعدين بالصاله وسرى وسراب بالمطبخ من شافنا اجن كبل علاوي:هااا ولدد ولدددد ولددد هاي جان اكو جمله شهيره لطاش ماطاش وجلب بيها علاوي صادق:ههههه فراس:مبروك خويه صادق:يبارك بيك جده:مبروك وليدي يتربى بعزك ان شاء الله صادق: تسليمن يوم....وين حسن سراب:ويه مصطفى بالاستقبال صادق:روحي صيحي راحت سراب صاحت حسن صادق: تعال وليدي تعال كعد حسن يمه صادق:راح يصير عندكم اخ حسن وسراب جانو مبتمسين وفرحانين كلش حسن:شوكت يجي صادق:مابقى هواي ويجي ... صعدت فوك غيرت ملابسي ونزلت صبن العشه وكعدنا نتعشى بعد العشه صبيت جاي وديته الهم علاوي:ولدددد ولدددد ولدددد صابرين:ههههههه سرى باوعت على علاوي سرى:عاد باجر يجينا يريد مره من يمنا تقصد على غزلان علاوي:ماننطي مره رنا:لابله صادق: اذا رادها ياخذها من عيونكم علاوي:ههههههااي سرى:والله عاد اذا يطلع على ابو ننطي ليش لا صادق: تسليمن..الله كريم لي وكتها.. مايصير نسبق الزمن جده:شراح تسمونه صادق:بعد مامعلوم..هو من يجي...يجي اسمه وياه رنا:هيثم حلو صادق:الله كريم لي وكتها جانت اجواء حلوة كلش والفرحه جبيره بداخلي وبداخل صادق بعدين صعدت فوك حجيت ويه مها وكتلها فرحتلي كلش اجه صادق للغرفة گضاها يتغزل بيه عبالك هس حبلت عبرت هاي الفتره والبيت كمل تماما وصادق جهزة هو وعلاوي وصابرين. اني ماجنت اروح اعاونهم وهاي لاا صادق مايخليني..بس جنت اروح اشوف التحضيرات وارجع ماطول ابد كمله كامل من ناحيه الغراض والأثاث جان كلشي على احسن واتمنى وجه بدون اي مبالغه اجت العطله وقررنا نطلع جده جانت بس تبجي ومقهوره هي وسرى...كلهم جانو متأثرين هواي على طلعتنا..حتى اني بجيت هالمره رحنا للبيت اني اخذت الغرفه الجوة النا وحولنا الخشاب بيها..ماردت فوك وصعده ونزله اختارينا الغرفه الجوة... والغرفة الثانيه لنور ولسراب وحسن ... صادق كال من يكبر حسن الغرفة الفوك تصير اله..بس حاليا يبقون ثلاثتهم بالغرفه الجوى تحولنا للبيت.. صابرين وسرى اجن ويانا اول يوم يعني على مود تعزيلات وهاي وسراب هم جانت تعاونا اما نور فرجع وضعها طبيعي... اني شخصاً جنت اشوفها شبه راكده..احسها عقلت شوي بعد الصار..اجت عاونتنا بس هواي وراحت للغرفة. هي طبيعتها مايعجبها تشتغل وهاي تحب تبقى وحدها المهم الى الليل تاكملنا تعزيل وتنضيف من بعد التعب مال اليوم كله..صارت الساعه تقريبا ١٢ طبيت سبحت ...بعدين رحت لغرفتنا كبل ذبيت روحي عاالتخت من التعب بس التعب هذا بي فرحه...ها هيه استقريت واستقاليت هم شغلت السبلت عالتدفئه ..الجو زين بس بي برد بعده خصوصاً بالليل اجه صادق للغرفة هو هم جان تعبان اخذ هدومه وفات يسبح... جنت انتظره يطلع حتى اكعد اتعلل وياه ونحجي صح تعبانه بس اريد ادردش وياه لان اخر فتره جنه ملتهين بالبيت وماجان اكو مجال نحجي هواي طب للغرفة .. كبل كمت حضنته حضنه قويه صادق:هاي شكثر مشتاكتلي لعد رنا: هواي صادق: زين والله بيج حيل تشتاكين رنا: بالعكس وكت اتعب اشتاكلك اكثر صادق:اويلي عليج رنا::صادق اني احبك هواي صادق:هاي لان تحولنا اليوم هيج تحبيني رنا:ههه لا...احبك هواي لان سويتلي كلشي اريده وجنت أتمناه صادق:اكيد تستاهلين وقليل بحقج والله عبرت ايام العطله..وجانت حيل حيل حلوة بالنسبة اللي كوني صرت ابتي..اموري اني وصادق تمام الحمدلله ماجان مقصر وياي بأي شي...نور زينه مستقر وضعها واحسها شوي احسن مرات تجي تعاوني وهاي بعد اسبوعين صادفت جمعه رحنا لبيت عمامي عزمونا عالغده رحنا لمن وصلت البيت..اول شي طبيت لغرفه جده صفنت عليها هواي..هاي اكثر غرفه اشتاكلها واحن إلها..گضيت هواي اوقات بيها سعيده وتعيسه وانتو شي اكيد عشتوها وياي 💔 بعد الغده صاحني فراس بالحديقة رحت يمه فراس:اكلج رنا..اني حجيت ويه صادق كتله كافي عاد اريد تخطبلي مها..سكت مارد... اريد همتج ويايا عفيه مها: تدلل راح اضغط علي شوي فراس:اضغطي هواي موشوي..انتي تكدريله هههه رنا:ههههه لا والله من يقفل على شي ويشوف قراره صحيح لوموبس إضغط علي مايقبل... كاعد نحجي وهو اجه صادق:هااا شتخططون رنا: صادق كافي تأخر الموضوع روح اخطب لفراس صادق:وانتي شعليج رنا:بلي عليه..اني اعرف مها هم تريد وموافقه صادق:الله كريم فراس:بس لاتطولها صادق:الجمعه الجايه نروح ..راح اخذ عمي ابراهيم وعدنان هم ..حتى غصبا ماعنهم يوافقون فراس:ياالله يالله فرح كلش فراس وجانت عيونه اكثر شي فرحانه اني كبل رحت راسلت مها رنا: وينج تعاي مها:ها شكو رنا:اكلج الجمعه الجايه راح يجون يخطبونج مها:شنووو رنا:ايييي.. صادق وعمي راح يجون يخطبونج لفراس من قرت كلامي كبل دكت عليه مها:يولي صدك تحجين انتي رنا:اي صدك سكتت وضحكت مها:يمماااا توترت من هسس رنا:كدامج اسبوع لامن هس تتوترين مها:ولج كلبي ديدك عالسريع رنا:تتوقعين اهلج يوافقون مها:هااا...مادري بس اذا اجه صادق ويه عمج ولحو عليهم..اي يوافق بابا رنا:خوش. لعد كولي لامج بلكي هي هم تصف ويانا مها: اكيد اكيد يلا اروح اني اكول لماما بعد ماتحمل رنا:ههه ماشي سديته منها..ورجعت حجيت ويه فراس رنا:بلغتها..هس جنت احجي وياها فراس: جان كتيلي حتى أسمعها وانتي تحجين وياها رنا:مافطنت والله فراس:وشكالتلج رنا:فرحت كلش هههه كالت راح تكول لامها فراس:خوش عبر الوكت وصارت الدنيا ليل بيت عمامي هم عرفو بالسالفه..جده جانت مكيفه لخاطر فراس بساعه ١٠ رجعنا للبيت عبر أسبوع واجه يوم الجمعه هم رحنا كلنه لبيت عمامي وصادق خابر ابو مها بلغوا انو يجونهم بالليل بقينا اليوم كله نحجي بالموضوع اني وسرى وسراب وصابرين ..وجنه متوترين شوي وقلقين هم لاماينطون وره العشه اجه عمي ابراهيم وعدنان.. ابراهيم:ها شونكم صادق: هلا عمي استريح جده:هلا بيك فوت اكعد ابراهيم:مومال كعده انطينا موعد للجماعه وره الصلاة نجيهم.. صادق:هس طالعين..وين علاااااوي سرى: بالغرفه ديغير ملابسه صادق:خل يستعجل سرى:هس اباوع على فراس متوتر بشكل قوي جده هم جانت متحضره حتى تروح وياهم طلع علاوي من الغرفه صادق:يالله ياخوي يالله علاوي:هس كملت.... وفراس مايجي صادق:لا مايحتاج. علاوي:يلا امشو طلعو وطلعت جده وياهم بقيت اني والبنات.رحنه كعدنا بالحديقة جان الجو ربيع بهاي الفتره وطيب كلش اجه فراس كعد ويانا سرى جابت عصير النا صابرين:اي والله نريد شي يبرد الكلب رنا: أن شاء الله اتم على خير يارب سرى: ياترى فتحو الموضوع هس لوبعد فراس:مادري صابرين:يبووووو هس عمي ابراهيم يضل ساعه يسولف حتى ينسى على شنو رايح.. سرى:هههههه وعلاوي وصادق صافنين علي يردوه بس يسكت فراس:هههههه صابرين:عاد صادق يدق بعمي كل شويه.. يلا ياعم تحجي لو اني احجي موفضحتنا رنا:ههههههه كامت صابرين على حيلها تقلد صابرين:اخر شي علاوي ينفعل ويكوم:ديلااااا ياعميي مونعسسسنااا نريد اناااام..واهل مها بس يطيرون بعيونهم سراب وسرى:هههههههه صابرين:خل اقلد امي كاامت تحجي بنفس طريقتها وصوتها صابرين:والله ابني خوش وليد وماكو منه بالعالم كله..مگضيها صلاة وصوم مايعوف ولافرررض عاد ام مها تكول لامي:خيه انتي جايه تخطبين لفراس لو لصادق ترا هاي مومواصفات ابنكم رنا:هههههه صابرين:عود عساس هما موجيران ويعرفون كلشيي فراس:ليش ليش اشايفتني صابرين:أما مها خل اقلدها صبرو فراس:ههههه صابرين:هس متحضره فول مثل ( فتون) تحسب فراس راح يجي رنا:ههههههههه اي صابرين: لو تدري هي بشنو راح تبتلي وتتورط ماجان خلت قطره مكياج كام فراس على صابرين يضرب بيها بالشقه فراس: اشوووو انتيي بكييفج تقلديين وتحجيين.. صابرين:اي شعندي غيركم اذا ماقلد عليكم اقلد على منو ضحكنا هواي عليها وعلى سوالفها بعدين سكتنا ورجعنا للقلق.. فراس: صابرين خابري امي شوفي الوضع صابرين:لاماخابر...هي كالت اي شي يصير اني اخابركم فراس: يعني معقوله لحد الان كلشي ماصار سراب:خاف رفضو فراس:...... صابرين:فال الله ولا فالج... لايجوز بعدهم ديحجون بالموضوع وره شوي دك الموبايل على صابرين صابرين:هيان امي كاعد تدك كلنا تبلهثنا وأكثر شي فراس صابرين:الو هلا يوم ها بشري...........يتبببع
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
