#ليته يعلم(أحببته منذ الصغر)

البارت ٦٦

تأخرو ومارجعوو..حتى صابرين خافت..جانت تبجي وميته خوف
صابرين:ياربي اني شجابني لو متحمله وساكته اوووف
واني اكول ليش صابرين من راحت مارجعت ثاري امورها موتمام واحنه ماندري💔
خفت كلش لان صادق طلع متعصب نريده بس يرجع
سرى دكت على علاوي ورفضه
جده:يارب عديها على خير.
صابرين:هو يستاهل بس ماريد اخوتي يتورطون وياه
فراس طلع من البيت..
المهم اجو بعد ساعه
فاتو متعصبين هواي
جده:هاا شصار
علاوي:نعلنا والدي لو ماالجيران حجزونه عنه
صادق:اشووف شوون صادق مايوكفك عد حددددك كلب ابن كلب
جده:حسبي الله علي ...الجهال يمه مو
صابرين:اي
صادق:خليهم يماا...بعد ماكو رجعه ابدددد..اگطعي نفسسج
صابرين:اني  مارجع اصلا عالسواه بيه
صادق:وانتييي حضرت جنابج ليشش ساكته عاليسوووي بييج هاااا...
صابرين:من المشاكل ساكته
صادق:اكوو اموور لازم ندري بيهاااا هاي مومشاكل عاديه
صابرين:هو من تعرف على هاي الساقطة صاار هييج..حتى كام يخابرها علني يمي ويريدني ماحجي
صادق:مااسسح كرامتج بالگاااع واحنه ماندري هاي اهانه النا كلناااا يافهييمه
صابرين بس تبچيي وشحالها
صادق:يريد يزوج خل يزوج... يطلك وهاي هيه تجين هنا وطز بييي
جده:صوجج انتي منطيته وجه لو جايه هنا من البداية جان ماصارر هيج..جان عرف حده
اجت سراب
سراب:بابا ترا موبايلك يدك فوك 
كام صعد فوك
اجت سألتني شبيها صابرين حجتيلها بصوت ناصي انو متعاركين هي وزوجها
صابرين سألت علاوي
صابرين:شسويتو بي
علاوي: والله اني دبچت علي بس صادق كسر خشمه كام يشاخط
صابرين:اوف ياربي اوف...
رنا:خما صار بي شي من عفتوه
علاوي:العار مايصير علي شي لاتخافين
بعد ربع ساعة هيج
جده: رنا افرشيلها بالغرفه حتى تتمددد وترتاح
رحت فرشتلها بغرفه جده
رنا:تعالي هناك
كعدنا بالغرفه وجانت خطيه مقهوره كلش على وضعها
صابرين: تعرفن شنوو
رنا: شنو
صابرين:هس يرجع عالجهال..اني اعرف راح يرجع عليهم
جده:يعني شيسويلهم
صابرين:يضربهم
رنا:ياااا مو اطفاله ليش يرجع عليهم خطيه هما شدخلهم
صابرين:مايخاف الله هو هيج كل مره اي مشكله تصير يرجع يضربهم
رنا:يبووو لو يجون هنا أحسن
صابرين:خل بس يعبر كم يوم اجيبهم هنا مابقيهم يمه
جده:ان شاء الله الله يضربه مثل ماضربج اميين
نزل صادق
صادق: صابرين لاتديرين بال وتضلين تنوحين لفي راسج ونامي.الله كريم..
صابرين: أن شاء الله
صعدت وياه .. جان بعده معصب عالسالفه الصارت
طفينا الضوه..وتمددنا
رنا: ماتوقعت هيج صاير بصابرين ابد ماجانت تبين هالشي بالعكس جانت تضل تضحك وتشاقي مرات اكول ماعدها هم...ولاتوقعت محسن يطلع منه كل هذا
صادق: شكد غثتني هالسالفه ..بس بسيطه إني اله
رنا:شنو راح يصير
صادق:كلشي مايصير نامي نامي
نمنا وثاني يوم.كعدت نزلت جوة
جانت صابرين وجده كاعدات
سويت ريوك الهن وخليته بالغرفه
صابرين:ماكعد صادق
رنا:لا بعده نايم
جده:هس انتي عليش انگذيتي . قابل شيصير عليهم
رنا:شبيج ليش
صابرين:اشو كلبي ور عالجهال مانمت ابد
رنا:صدك تحجين يمعوده
صابرين: مادري مادري
بعد شوي نزل صادق
رحت اسويله ريوك.. وصابرين فتحت الموضوع وياه
صابرين:عفيه صادق جهالي اريدهم
صادق:عليششش هما ويين يعنيي
صابرين: واذا اريدهم يجون
صادق:خليهم يمه خلي يكسرون ضهره حتى يتادب ويعرف قيمتج
صابرين:لا عفيه اريد يجون هنا
صادق:ترا بالليل اجيتي ماصارلج شهر..موقبل جنتي تجين بدونهم عادي شكو عليهم هس
صابرين:هذا ماتعرفه شون ماتعرفه..والله يرجع عليهم يضربهم.هما مايكدرون بدوني
صادق:موهس بعدين اريد اشوف وين تصل وياه
صابرين:ياربي انطيني الصبر
صادق:توكلي بالله واصبري ماكو غير حل كدامج
بقت صابرين ضايجه ومالها خلك ابد اليوم كله
كلنا جنه ضايجين عليها
العصر اجه اخو محسن يعتب عالولد لان راحو لبيت اخوه وضربوه
هم صار صوتهم عالي كل واحد يكول شكل.. وصابرين بس مخليه ايدها على كلبها
بالليل وره العشه اجه اخو محسن الجبير والوسطاني  وعمه لان سامعين بالمسابقه. طبو للاستقبال وصادق وفراس وعلاوي كعدو وياهم
صابرين جانت واكفه بالطارمه واحنه وياها نسمعهم يحجون . واصلا صوتهم حيل عالي جان كلهم
كل شوي صابرين تريد تفوت بس مانخليها كلنالها زلم بيناتهم ينجازون
عم محسن:لوو شمايكون هاي مشكله بين رجال ومرته انتو ليش تدخلتو وجيتو متهجمين عليي بيا حگ
علاوي تعصب وكام يحجي.. صادق سكته
صادق:علاااااوي خليني احجي ..تسألني بيا حق تدخلنا مووو؟؟؟
ابنكم اذا يريد يزوج وبنتنا راضيه وساكته وماعدها مانع طبهااا الف مرض مالنا اي علاقه ولانتدخل...بسسس مال يخابر كدامهااا ويضربهااا ومكسر ايدهااا وتجينا تبجييي اننننننعل يووووومه انهييي نهييي والله ..شنوووو مدشريين بناتنه احنننننا ...مايكووول مقدرينييي ومنطيييني مرره
اخو الجبير:كل اثنين تصير مشاكل ومرات تصل للضررب قابل بس هو ضارب مارته
صادق:والله ياااباا فوك غلط ابنكم وسوايته هم انتوو راعين المالنيه عجييييب..لاتكلي كل اثنين ومدري شنوو
يخابر ويريد يزوج ويضرب ويغلط  وتريد نسكت لا وفوكاها يكللها لاتهدديني باخوتج يووول عود انت من زلم اخوتهاااا ... ديلاااااااا
اجو الجبير:غير حاله عصبيييه ومشششكله وهييج كال
صادق:لا والله هووو موخوش ادميي طلع..اصلاااا مگضييهاا داشر شوكت اجينا للبيت ولگيناااه هااا
هاااي اني كلما ارووح مالكي..عايفها ويه الجهال وحدهممم
لامسؤلييه ولاشييي .. جان هسس تجون تعتذرووون مو تجووون تعاتبوووون
اخو الوسطاني:انت حتى كاسسر خششمه ترا هالفعل مانرضاه ولانقبله ونصير موزينين وياكم
صادق:اكسسسسر خششمه واكسررر رجلييي همممم
حتى بعد مايكوول صادق مايكف بوجهيي..لازم نعوفهااا سايبه واليرضى يرضى والمايرضى مشكلته
تعصب اخو محسن وصار الكلام حيل حاد وخشن بينهم..
طبت صابرين للاستقبال
صابرين:لاتدافعون عن اخووكم  سوالفه ماتسوولف ززيين من عنديي متحمله وساكته الله بلااانيي بييي
نوب صادق بزايد تعصب لان صابرين طبت عليهم
صادق:صابريييين اطلعيييي
صابرين:لااا خليننييي احجييي ليشش اطلللع
اخو الجبير:مدامج هالكد متحمله جان بقيتي ساكته ومحتمله لو تطلكين منه بسكوت مالها داعي الكال والكلت
صابرين:موواجيييت علييك وكلتلك كلشييي صححح لوولا
كتلي ميخالف اني احجي وياه.. وكلشي ماكتله لوو انتو واكفين ضده جان صار ادمي وجر عدل..ملاحك وحده ساااقطه وكلكم تدروون وساكتيين محد بيكم رزله لو حجه وياه
صادق:داااااكلللج اطلعيييي..مالج علااااقه
صابرين:وجهاااالي اسحبهمم مننه ماخليهم مطبه اله لويموووت
صادق:خرررررب هااااي اخرر مره اكلجججججج
لحكتها جده وسحبتهااا
جده:لاتزييدين الطيين بله امشييي فوتي جوة
طبينا جوة للصاله
جانت تبجي بحرگه و مقهورة حيل 💔
صابرين:اخخخ منك ياصادق دخلييينيي ابرد كلبييي ..حتى بهااي مانعينييي
جده:شتبردين كلبج..ماتشوفينهم شون صافين وياه
صابرين: تعرفين ليشش صافين مومحبه بي لااابد..هما كل قهرهم لان الولد ضربووه وكسروو هذا القاهرهم
اصلا ولافطنانيين للمسأله نفسسها
اخر شي طلعو إخوته متعصبين
صادق:ابنكمممم ابيته وبنتنا عدناااا هاي هيه
اجه علاوي وبعدين هو طب
الحواجب معقوده ومايتحاجه
صادق:عليش طبيتي هاااا
صابرين:اي واذا اطب خلي افضحه كدامهممم
صادق:موو كاعديين لازم موبعيييينج احنننا
صابرين:موشغله موبعيينيي بسس كلبييي ناارر
صادق:حگجج يرجعلج على شنوو كلبج ناررر
صابرين:من وره حجيهم .هما هم جانو سبب..اني كتلهم علي بس ولامره حجو وياه.. كلهم نفس الطيينه
كعد عالقنفات وكام يفرك بلحيته ويستغفر
صادق:شوفي ياصابرين اول شي انطي صبر وخلك للسالفه.هيج مشاكل ماتنحل بيوم ويومين يراد وكت وخلك حتى تهدأ الامور ويرسى الموضوع على مر.سواء خير اوشر
مال تبقين حاركه اعصابج وتتبجبجين كلشي ماتحصليين من هس اكلج.. وابد لاتخافين إذا الج حگ تاخذينه
وسالفه الجهال هس عوفيهاا  ترا والله اكدر بسهوله اجييهم هنا... بس خلي يربي ويوكل ويشرب بنفسه ويحس بكلشي
موتخلينهم يمج وهو عاد بكيفه يسرح ويمررح...اني هذا رأيي..
صابرين: والله كل كلمه كلتها بمكانها بس شسوي ماكدر 💔
صادق:تكدرين تكدرين دوسي على كلبج شوي بس شوي
شوي هدأ الوضع وصار سكته
صادق:يضييمي
ساكتين حتى اني ساكته مامنتبهه
صادق:موكلت يضيمييي
رنا:عليه ؟
صادق: چم ضييم عندي انيي
رنا:........
بعدني صافنه
صادق:سويلي جاي.. اريد چاي يصفي راسي
كمت سويت جاي وخدرته زين .صبيت للكل ورجعت كعدت
صادق: ليش چايج حار
رنا:صددك والله
علاوي:هههههههه
صابرين:هه
صفنت..(يعني شي اكيد الجاي حار هاي شبيه اني)
باوعت علي بنضره
رنا:شنو ناصب عليه
صادق:بالحييف عليه انصب عليج
سرى:ههههه
رنا:حسبالي
صادق:بس والله چايج حار
رنا:حتى يصفي راسك زيييين
صادق: راسي مايصفى بالچاي..يصفى بشوفت عيونج
كال هيج واني صرت بهدومي من الخجل كدامهم
حتى هما خجلو
علاوي: ياخي روح تغزل فوك بغرفتكم لاكدامنا
صادق : بكل مكان بكيفي
علاوي:ههه امشي سرى نروح أنام الأخ صادق شارب بييره اسلاميه اليوم  عبالك موچاي
رنا:هههههه
صادق:تخسسسه يااانذل
علاوي:ههههههههههاي
صادق:يلا مگضيه ترهم ترهم....
باوع على صابرين
صادق:هاا خيتيي
صابرين:ها
صادق:اريد اسمع ضحكتج
ابتسمت
صابرين: هي تجي هي تجي سهله
صادق:ان شاء الله ...
وصعدت فوك لغرفتي.. غيرت ملابسي
مسكت الجهاز وتمددت...جانن صديقاتي نشاطات ومها هم
بعد شوي
دزتلي سكرين مها
باوعت جاتيها طلب مراسله من فراس
كاتبلها
فراس:شلونج ان شاء الله تكونين بخير..بلازحمه اريد احجي وياج بموضوع
هي بعدها موراده علي..
كتبتلها
رنا:هاي شنو
مها:اقري
رنا:اي قريت.
مها: يكول احجي بموضوع
رنا:ايي
مها:شنو يريد
رنا: ماعرف.ردي علي
مها:ماريد اجاوبه
رنا:امممم ولج صار عندي فضول
مها: اني هم عندي فضول بس ماريد اجاوبه
رنا:بكيفج.. ياترى شيريد معقوله اللي بالي بالك🤔
مها:ليش شنو ابالج
رنا:زاد لالا ماتوقع ابد
مها: احجي بوضوح يرنا
رنا:يعني معقوله يريد يتقربلج مثلا...هيج قصدي
مها:احسن شي أحضره .. ماريد مشاكل ولاكال وكلت
رنا: والله براحتج
مها:شتكولين احضره مو
رنا:ههه مادري تنجازين
مها:مامنج فايده..يلا اروح انام تصبحون على خير 🙂
رنا: تصبحون لو تصبحين
مها:تصبحون تصبحون انتي وصادق
رنا: وأنتي بألف خير
صفنت بيني وبين نفسي برساله فراس لمها..هو يضوج منها اصلا شنو اللي ديصير وياه هس عجيب
بقيت اكلب بالجهاز..اكو لعبه كلش احب العبها قبل لاانام
جنت العبها وهو اجه ...عفت الموبايل  ..خله جهازه عاالشحن
صادق:احسن شي اسويك صامت
خله السويج بالجرارات ... وتمدد يمي
صادق:ها حبيبي الوضع
رنا:زين انت الوضع يمك شلونه
صادق: الحمد لله .مدام انتي يمي اني زين وبخير اهم شي انتي بخير كلشي يهون عندي
جان دايما يكلي هاي الجمل احسها من أعماق قلبه يحجيها.. افرح كلش واني اسمعهم
رنا:اني هم اهمشي انت يمي وبخيير ماريد شي ثاني ابد
صادق:اي يروحي الاحبها
رنا:........
صادق:اوف على نظراتج تملخني
رنا:ههه شدعوة
صادق:حقج ماتصدكين.. بالمناسبة انتي عيونج بيهن نظرات غريبه
رنا:شون يعني فهمني
صادق: احس بيهن قصه
تقاجئت شوي بكلامه
صادق:يعني اني من زمان منتبه عليج...اكو شي بنظراتج بعيونج دايما الاحظه...حتى مرات اكول خاف اني متوهم بس ركزت بيج وباالكل اكو شي مختلف
تعدلت وكلت
رنا:ترا دخت شنو قصدك وضح أكثر يعني نظرات مختلفه من ياناحية
صادق:مرات احسها حزن مرات احسها غضب وأكثر المرات مجتمعات سويه حزن وغضب.يعني حتى وانتي تاكلين بيج هاي النضره
رنا:اهاا. يعني دايما دايما اني هيج نظراتي
صادق:لا مو على طول ٢٤ ساعه من تضحكين وهاي لا...بس اغلب المرات هيج انتي
رنا:مامنتبهه على هذا الشي يجوز
صادق:مويجوزز اكييد اني منتبه من زمان..
رنا:انت ادرى
صادق: اكييد
بعد مااخذتنا الرومانسيه ونمنا
ثاني يوم عالغده...جنا كاعدين ناكل..ونور بغرفه جدة تتغده
ماتاكل ويانه ابد من نزلت..
خلصنا غده ورحت غسلت المواعين .نور صعدت فوك
رجعت على غرفه جده حتى اكعد وين صابرين
لكيتها تبجي وجده يمها
جده:عليش البجي انتي ليش مايفيد بيج...
عرفت تبجي على جهالها
صابرين: ماعليه اني اريدهم
جده:اسكتي هس اسكتي لايجي اخوج ويشوفج تبجين ترا ينقهر والله
صابرين:بس هامج لاينقهروون مايهمج اني مقهوره ابددد
من يومج تصفين وياهم عليه
جده:يامسووده الوجه شوكت صرت ضدج لاتزودين عااد
رنا: ياصابرين هس موكالج اصبري عليش هيج خلكج ضيك
صابرين:محد يحس بنار غير صاحبهااا.كلمن يكول العنده وخلاص
رنا:والله كلنا مقهورين عليج بس هيج قرار أحسن الج
بقينا نهدي بيها ...بعد ماعبر الوكت
بالليل صحتها تجي لغرفتنه حتى نتعلل وياي وسرى هم
طلعت عصير وحلويات خليتهن كدامها
رنا:اكلج احجيلنا شون تعرف على هاي وشون عرفتي اوا شي
صابرين : جنت اسمعه يحجي دايما وعرفت مع مره
صادفت بيوم دك علي نفس الرقم واني رديت..حجت وكالت:وين محسن
كتلها انتي مني..كالت حبيبته
يعني حجتها بكل صلافه مبينه ادبسزز وماعدها اخلاق
سرى:هذا كل عقله..صدك جذب شجاه
صابرين:اي والله....من كتله مني هاي بالبدايه نكر
مع مرور الوكت هم اضل اسمعه يحجي..عاد تعاركت وياه
وكالي هاي وحده احبها وعندي علاقه وياها
تخبلت من حجه هيج... تعاركنا عركه جبيره
راحت السابقه بوكتها..واكثر المرات جان يطلع مايرجع للبيت اله بوكت متاخر
اخر شي كال اريد ازوجهاا..انجنيت بزايد..وضربني
وبعدين كام يحجي وياها كدامي
عاد اني لهنا وماتحملت اقبي اكثر بعد تعاركت وياه عركه جبيرة كتله تطلكني ماضل يمك وهددته بالولد وصار الصار.
رنا:ابد مايستاهلج هذا ابد
صابرين:هو ابد ماجان هيج بس من تعرف على هاي الكحبه هيج صار وياي
وحتى ويه جهاله من يتعصب وتصير مشكله يضربهم
واذا يسووون وكاحه واني اضربهم..يلومني ويحجي عليه يعني بس يدور حجه عليه حتى يعاركني
نوب اخر فتره بزعني كلشش.يتحجج على اتفه شي..شفتي حتى بعرسكم رجعت من وراه.سوى البنت تبجي وهي.كلشي مابيها
رنا:ابد لاترجعين اله ابد
صابرين: اني مارايده الرجعه بس اريد جهالي
رنا:عود صادق يجيبهم
صابرين:اني هم من هاي خايفه..خاف مايقبل يدزهم بقصدي
خصوصا بعد ماهجمو علي وضربوه ماراح يدزهم اعرف
رنا:اي والله مانريد تكبر حيل بينهم ..بس ان شاء الله يصير حل بلكي يتندم ويعوفه
صابرين:صار ماعرف شكد وياها.ماتوقع يعوفه
رنا:الله كريم المهم أنتي لاحيل تفكرين وتاكلين بروحج
صابرين: كاعد ادعي وانشوف وين تصل
بعد ماخلصنا حجي نزلت سرى
وصابرين كالتلي
صابرين: عفيه رنا بلكي انتي تحجين وياه بينج وبينه على مود الجهال
رنا:ان شاءالله
نزلت جوة واني بقيت بالغرفه.. عزلتها ومسحتها..وهويتها شويه بعدين عطرتها .
بساعه ١١ وربع تقريبا اجه
صادق:شنو هاالريحه الطيبه
رنا:اي خليت معطر حلو
صادق:اي زين
ضل بالي حجي صابرين ردت افتح وياه الموضوع
تمددنا وحضني جنا نباوع للسقف..جان ماسك ايدي شابكها ويلعب بيها
مره يعصرها مره يطعج أصابعي مره يعضها كل شوي حركه
رنا: اكلك حياتي
صادق:كولي
رنا:يعني هس جهال صابرين يكدرون يجون هنا ؟
صادق:اي عادي
رنا:وليش ماتجيبهم
صادق:لااا يبقون يمه أحسن
رنا:شلون احسن يم امهم احسن طبعاً
صادق: أحسن لصابرين وللوضع الحالي يبقون يم أبوهم...
رنا:بس خطيه صابرين تريدهم
صادق:حتى لو..انتي ماتعرفين هيج نماذج من الزلم شنو يربيهم..يعني بس تخيلي يجون هنا...هو راح يكيف ويخلاله الجووو..وهي تبقى شايله المسؤليه وهو ولافطنان
وهي هم صوجها هم الها ايد انو وصلو لهاي المرحله..احسن شي يبقون عنده وهي تبقى هنا معززة محد اله دخل بيها ...
حسيته مقتنع كلش وهم قنعني بكلامه فسكتت ولو مقهوره عليها
صادق:اكو زلم موخوش اوادم اذا ماينكرصون من المره اومن اهلها يضلون عوووج الى مايموتون..ونوب يشوفها راضيه وساكته...يلعب لعبته
رنا:اي صح
صادق:ابد مايفكر انو هاي الها حوبه اوشي..مخافه من الله ماكو
اثناء الحوار تذكر كلامي وكت صارت المشكله بيني وبين فراس لمن اني كتله اضرب محد راح يحاسبك اني ماالي احد وشتسوي سوي
صادق: تصدكين هذا كلامج هزني هز بوكتهااا..
رنا:جنت مشكل اردانك تريد تضرب ايييي ايييي
صادق:هههه لا ماجنت ناوي اضربج بس هيج اخوفج
رنا:مبين
صادق: المهم حيل حيل غثني وأثر بيه... يعني شوفي هو اكو زلم لمن يكون وضع المره ضعيف أو مالها احد يستقوي عليها باتفه الاسباب وذا عدها اهل ويخاف منهم لا يصير ادمي..بينما المفروض العكس... المفروض اللي مالها احد حتى لو تغلط وتخطأ مايضربها
يعني شوفي لوانتي اهلج الله يرحمهم موجودين وانتي كايله هالحجي أو بهاي المشاكل كلها لمن تحجين وتتعصبين لو اهلج موجودين جان يجوز اي امد ايدي عليج.
بس لان ماالج احد اني ماكدر ابد حتى لو تغلطين اعوفج
رنا:امممم لعد بكيفي من اليوم ورايح هههه
صادق:اشكج شششك
رنا:هههههه
صادق:شون ضحكه حلوة
بعد ماحجينا هواي نعست ونمت
كعدت بنص الليل حسيت بي مويمي
فتحت عيني مالكيته.. موبايله موجود بس موخر من الشحن مرمي بصفحه ..
كمت شغلت الضوه
نزلت جوة
صحته بصوت ناصي ماكو
كلها نايمه وسكته
حست اكو صوت جاي من الطارمه
فتحت باب الصاله باوعت
فراس كاعد مدنك ومرتجي عالحايط ومنزل راسه ويگهد ويبجي وصادق واكف مقابيله يهدي بي.....يتببببع