#ليته يعلم(أحببته منذ الصغر)

البارت ٩٧

البارت ٩٧
ليته يعلم ( أحببته منذ الصغر)
ثواني واجه فراس...مبين جان مصدوم من الخبر
جنا نسمع صوته مها تعيط وتبچي ...
صوتها يگطع الگلب...بقيت ابچييي وياااها
طلع فراس وعلاوي من البيت .. وعمتي لبست عبايتها وطلعت...بقيت اني بالبيت وكاتلني القهر على مها.. رحت أتصلت برنا بس ماردت يمكن بعده نايمه
في بيت صادق))

جنت نايمه اني وصادق...دك موبايله وكعد
سمعت صوت جده تحجي وياه وهو فز على حيله
صادق:شوكت .......انا لله و انا لله اليه راجعون.......هس جاي
رنا: شكو
صادق:ابو مها متوفي
انصدمت من سمعت الخبر
رنا:صدك تحجي..ياستاار شون
صادق:مادري هس امي خابرت تكول متوفي الفجر
كمت على حيلي..واخذت موبايلي باوعت يرى متصله عليه

وره ساعه اتصلت رنا عليه..
رنا: اكلج شنو هالخبر...هس جده داكه على صادق
سرى :هلا رنا ..اي والله كعدنا على صوت عياط ...طلع الرجال متوفي..
كمت ابجي
رنا:احنا هس جايين
سرى: لعد انتظرج حتى نروح سويه
رنا:ماشي
تحضرت عالسريع اني وصادق وبدلت لقصي وطلعنا...جان هوسه يم بيت اهل مها ... وعلاوي وفراس واخواتها وزلم نوب مجتمعين يم الباب
صادق نزل يمهم واني رحت لبيت جده...طبيت جوة..جانت سرى تنتظرني حتى نروح اني وياها ...
مشينا اني وياها وطبينا جوة لبيتهم....الكل جانو يبجون..صفا حاضنها امها وتعيط
مها:يوووم والله جان زين وانطيته العلاج بالليل كلشي ماجان بي شوووون هيييج ماااات بسررررعه شوووون
كعدت حضنتها وبجيت وياها
مها: ولللكم شوووون مااات هييج والله نااام زين ومابي شيي

حالت مها يرثى لها... واضح حيل متأثرة
جنت اهدي بيها واكوللها تذكر الله
بعدين غسلوله واخذو للمكبره حتى يدفنونه
بهاي الأثناء بس تبچي بحركه هي وصفا بدون توقف
عبر الوكت والبيت امتلى ناس ..
قصي كام يبجي من الهوسه والصوت..حاول اسكته مايسكت..اخر شي رجعت لبيت جده..من شاف هدوء كبل نام

نومته بغرفه سرى ...وطلعت غسلت
طب صادق وفراس...جانو متأثرين و مقهورين .. واكثر شي فراس
صادق:ها شو رجعتي
رنا:اجيت انوم قصي
فراس:شون مها
رنا:والله شحالها خطيه واختها وامها هم يكسرون الكلب
فراس:.......

صادق: لاحول ولا قوة الا بالله....والله خوش رجال..صار عمر جارنه..رجل محترم وماعنده مشاكل مع اي بشر
رنا:الله يرحمه ويصبر عيلته
بعد شوي اجت سرى
رنا:مدام اجيتي...خلي عينج على قصي اني ارجع يم مها
سرى:اي والله ارجعي يمها هديها

رجعت عليهم...عماتها جانن موجودات يبجن وينوحن...مها جانت بزايد منهاره وتصيح
رنا:لج عمه جان يسأل عليييج يكول شعجب مااجت
رنا: كولي يالله...استهدي بالله مايصير هيج تسوين
مها:اوووف كلبييي محرووك مامصددكه شون هيج راح
اخخخخخخ 💔

رنا:........
بجيت وياها هواي ...
هم اجت صابرين .....اكثر من ساعتين على هاي الوضعيه مها
اخر شي اخذتها لغرفتهن..بقيت وياها
عبر الوكت وصبو الغده وهي كلشي ماخلت بحلكها ...كلهم مااكلو شي
اتصلت على سرى كالت صادق جايب البنات وقصي يم سراب