#ليته يعلم(أحببته منذ الصغر)

البارت ٢٢

البارت ٢٢
#ليته يعلم (أحببته منذ الصغر)
البارت٢٢
رنا:ماريد ازوج عفيه سوي اي شي المهم خرب الخطوبه
تفاجئ من كلامي
صادق:ليش شنو صاير وياج
رنا:ماريده مارتاحيت ابد من انخطبت واني مومرتاحه
صادق:وليش ماحجيتي بساعتها
رنا:مادري مادري المهم اني ماريد ازوج
جنت ابجي واحجي
صادق:ماشي ماشي لاتبجين.هاي هيه ماتريدين ماتريدين
بنهار اني اخابر ابو الولد وافهمه
رنا:يعني عادي مو.خما تصير مشكله
صادق: طبعا عادي..مشكله شنو يعني.اصلا اني ماجرعت الولد ابد ولادخل بعقلي
تعرفين شغله من ذاك اليوم سالتيني وكلتي شنو رأيك.ردت اكلج لاتوافقين
رنا:وليش ماكتلي
صادق:ماعرف.كلت ماريد أكف بقسمتج وتفكرين غير شي
رنا:هي هاي هم قسمه اصلا لو ماالضغوطات العليه ولااوافق ابد.
صادق: شنوو الضغوطات العليج
رنا:هوايه...البيت كله ضاغط عليه
صادق:وشعلي  هذا بقرار الزواج اكلج رنا ترى هذا زواج مولعبه ابد.يعني مويوم ويومين. مايصير هيج أنتي لازم تفكرين وتحسبين حسابات لي بعيد
رنا: صحيح اني استعجلت كلش.يلا المهم اخلص منه
صادق:مدري شجابه علينا.يلا حصل خير اهمشي انتي تكونين مرتاحه
كلش فرحت بداخلي من تقبل هالقرار من عندي ووكف وياي
صادق:يلا هس كومي نامي ولاتفكرين ابد.باجر اني انجاز
رحت لغرفتي والحمد لله احس نفسي ارتاحيت
نمت وكعدت ثاني يوم رحت للدوام  وحجيت ويه علي وكتله راح اخرب الخطبه وفهمته ليش كال هاي هيه براحتج
وخلصت محاضراتي ورجعت للبيت
وصلت البيت تغديت ورحت نمت. واني ونايمه احس شخص يهز بيه كعدت
جده فطوم: لج بنتي كعدي شنو هاالسالفه صحيح تريدين تخربين الخطوبه
صحصحت شوي وكلت
رنا:اي ماريد
جده:ليش ماتريدين
رنا:جده والله مارتاحيتله شسوي قابل
جده:كومي كومي.صادق مخابرهم.وهس ابو الولد خابر يكول احنه مانقبل نخرب.....
بالمناسبه اني جنت ماسكه عقد ملا فقط. فلازم الولد يطلك ٣ مرات حتى تنتهي الخطبه
رنا: شنو مايقبلون خما كوه ماريد
كمت على حيلي وغسلت .بعدين رحت للصاله
جانو كلهم مجتمعين بس صادق ماموجود
تلكتني رحاب:هااا ولج ليش تريدين تخربين الخطوبه
رنا:ماريد ازوج مارتاحيت وياه عوذه منه
رحاب:والله انتي ماتعرفين راسج من رجليج
جده فطوم:بس مايصير هيج بنتي لعد جان من البدايه ماوافقتي
رنا: ماجنت اعرفه.بس من كعدت وياه ماتقبلته
سراب:حتى اني ماحبيته
ولاء:بس انتي موصغيره حتى هيج تسوين اريد بالبدايه بعدين ماريد
طب صادق وجان ماسك الموبايل ويحجي متعصب
صادق:ولد الكلب عساس بكيفهم مايقبلون غصبا عن خشومكم يطلك
فراس:بس ترى حقهم يعني مايصير هيج.الناس اجو ونطو مهر
صادق:مهرهم يرجع الهم بعده يمي مامصروف منه شي
جان المهر مالتي يمم صادق اني كتله خلي يمك ٣ ملايين
كعدصادق عالقنفات وبعده مزعوج منهم لان رفضو يخربون الخطبه . رجع دك على واحد
صادق:شونك ابو محمد.....اكلك ابن اخوك اجه خطب يمنا قبل شهر تقريبا والبنت بعد ماتريد.خابرتهم بلغتهم
وهس يكولون احنه مانخرب ومعرف شنوو....البنت ماتريد خما كوة....اني ماريد اتصرف وياهم غير تصرف انت من يمك حلها .....مع السلامه
جده: والله يارنا سالفتج ماعرف شونها
رحاب:الولد مسكين بس رنا ماعرف شتريد
فراس: مفروض ماتخلينه بهيج موقف ويه الناس جان من بدايه ماوافقتي
كلت بكلبي هو انت اكثر واحد ضليت تقنعني من وره مرتك
صادق انزعج من كلامهم ورد
صادق:اي عادددي وشنووو يعني واذا تخرب
جده: ادري ياابني عادي بس هم  انت صرت بموقف  موحلو ويه الجماعه
صادق : ماكو اي موقف شغله عاديه اصلا
فراس: لاوين عاديه.اكلك ليش هي موشافت الولد من اجه هو وأمه.جان من اول ماشافته رفضت احسن من بعدين
صادق:شافته بس ماحجت وكعدت وياه.لمن تواصلت وياه مااقتنعت..لعد فتره الخطوبه شنو معناها بالإسلام هااا.غير حتى الواحد يشوف نفسه إذا يريد يستمر اولا
ولو انتو شمعرفكم بالدين .
رنا:اني مارتاحيت من البدايه بس كلت خل أشوف نفسي بعد.وراها اختنكت وابد ماتحملت
سمعت ولاء تكول بصوت ناصي:عساج من صحيح اختنكتي
صادق:على كلا لحد يعلق بالموضوع جثير .اني انجاز وياهم وافضها
خلصت السوالف ورحت لغرفتي.صح صارت هوسه وكال وكلت بس احسن بجثييييير من الوضع الي جنت بي أثناء الخطوبه
ثاني يوم كان مصادف خميس رحت للدوام.لمن رجعت جنت بعدني بالاشتراك  بالطريق خابرني صادق
صادق:ها وين أنتي
رنا:بطريق
صادق:شوكت تصلين
رنا: تقريبا وصلت دقيقتين وانزل
صادق: ماشي ننتظرج .اكو ناس يمنا حتى نفض شغلتج
رنا: ماشي.سديته .بس توترت كلشش 
من وصلت البيت باوعت سياره غريبه يمنا
نزلت وفتت جوة.تلكاني علاوي
علاوي:همزين جيتي.... لاتبدلين هدومج اصبري
اجه صادق وكال:تعالي رنا
طبيت للاستقبال باوعت رجال كاعد سلم عليه ورديتله السلام
صادق:هذا عم الولد
عم الولد: بنتي انتي ليش تريدين تخربين الخطبه
رنا: ماريد ازوج اني استعجلت بقراري وهس اريد اكمل كليه غيرت رأيي
عم الولد : متأكدة ؟!
رنا:اي طبعاً متأكدة
عم الولد:ماشي.
رفع موبايله وخابر
عم الولد: السلام عليكم حياك حياك....اني هس يم البنت ...مصره على قرارها...المهر بعده موجود يرجعلكم كامل اكيد.....هلا سعود.....راح انطيك تحجي ويه البنت وتفضها
رفع الموبايل بمعنى تعاي أخذي
صادق اخذ الموبايل من عنده وانطاني اياه
كالي بصوت ناصي: راح يطلك هس
خليت الموبايل على اذني كلت الو
سعود: ليش هيج سويتي
رنا:ماريدك
صادق خوزر من كلت هيج
سعود:مع الأسف عليج...المهر ماناقص ربع يرجع كامل
سحب الموبايل من ايدي صادق
صادق:ليش تطولها وتعرضها يلاا فضها......بلا حجي زايد شغله منتهيه روح شوف قسمتك يم غير بيت وغير ناس
رجع انطاني الموبايل.جان يكول:انتي طالك طالك طالك
باوعت على صادق وانطيته الموبايل
صادق:ها طلك؟
هزيت راسي وكلت اي
صادق:هاي هيه روحي
طلعت من الاستقبال واحس نفسي تحررت كمت اشم الهوى كل قوتي. هم ثكيل وانزاح.
طبيت جوة وبمدي اكمزز من الفرح.شفت حسن جان ابوسه كل قوتي.البيت هدوء وكلهم نايمين مايدرون بالصار
رحت لغرفتي بدلت هدومي.واليوم خميس وباجر ماعندي دوام...الله شكد طيبه الشعوررر واخيرا ارتاحيت من هاي الشغله
شكد ماجنت فرحانه حتى مانمت.سويت جاي وطلعت لبن وجبن كعدت أكل واجت جده
جده فطوم: ها رجعتي
رنا:اي رجعت والحمد لله خطوبتي خربت بالكامل.
جده فطوم:اي زين الحمدلله ماصارت هواي مشاكل
رحت طلعت هدومي وغسلتهن صعدت فوك السطح وشريتهن جانت الشمس طالعه.
كمت اشر بيهن والجو رغم بارد بس كلش حلو
كملت شر وبقيت افتر ع السطح وباوع ع البيوت ارتجيت ع الحايط مال السطح الي صاير بواجهه البيت
باوعت صادق وفراس وعلاوي وحسن واكفين سويه بالشارع
باوعت عليهم وجنت مبتسمه ..
كلت بكلبي ياصادق ماراح أنسى معروفك .كلش وكفت وياي والحمد لله فضيت شغلتي بطريقتك.اكول لو ماهو جان منو يدبرها منو يحل هالموضوع .محد يكدر يديرها غيره اصلا
نزلت جوة بس جنت مثلجه رحت يم الصوبه ادفي رجليه واديه
جان تفوت رحاب:هاا خربتي خطبتج موو وشنو ذنب الولد هيج سويتي بي
رنا:ياذنب هذا كطيعه ان شاء الله
رحاب:كطيعه موو كطيعه انتكطعج
رنا:شنوو تريدين انتي وشعليج بيا شي مايخصج ابد
اجه فراس
رنا:كول لمرتك لاتدخل بيه اخرب خطبه ازوج اطلك مالها دخل ..جان كبل تكول
رحاب:اني ماتدخلت بس كتلها خطيه شنو ذنب الولد
فراس: رحاب لاتضلين مدخله نفسج بكلشي هي جبيره موصغيره تنجاز
باوعت عليه وتريد تاكلني لان كلت لفراس عليها
اجه الليل.
وولاء ورحاب جانن متعصبات.. رحاب كل شوي تكتل ابنها وولاء ماتتحاجه ابد..بس اني من فرحتي بذاك اليوم ماجنت مهتمه لأحد خلاص
جنت مخليه سماعات ومشغله اغاني وافتر ورحت لمها تعللت وياها وحجيتلها  عالصار وياي
ثاني يوم الجمعه .الوضع هدوء وزين يعني ماكو شي
صادق راح للجامع والولد موجودين كلهم.علاوي يشتغل بمحل موبايلات هو وصديقه يروح من الصبح مايرجع لي وكت العشه بس الجمعه استراحه .
خلصت شغلي وصبينا الغده
جده فطوم:انتظرو صادق يجي
رنا: ماشي
ولاء: خابرته ماراح يجي معزوم يم صديقه
جده:لعد صبن الغده
تغدينا ورحت نمت كعدت العصر .ضربت شوي صفنات علما صحصحت كعدت ع الدرج صايرمقابيل باب الصاله جان اشوف صادق يضحك ويلعب ويه ابنه حسن والشمس مال نهايه العصر عاكسه على وجهو
رجعت دكات كلبي تتسارع واحس نفسي همت بي فعلا همت بي💔 جان يضحك ويه ابنه واني بس اباوع علي
كلبي كام يوجعني  اله رجعت لغرفتي.
بالليل ولاء راحت لاهلها .جنت اغسل مواعين العشه
جان يندك الباب  علاوي فتح الباب باوعت فاتت مره تبجي ورجال وياها
علاوي سلم عليهم
الرجال كال صادق موجود
علاوي:اي موجود استريحو
طبو للاستقبال..اجه عليه علاوي وكال : رنا سوي جاي
سويت جاي وحضرت الاستكانات وصبيت الهم.شلت الصينيه ورحت وكفت يم باب الاستقبال
اسمع الرجال يحجي ومرته تبجي.الي فهمته اكو قضيه وجايين يستشيرون صادق بيها
فتح الباب صادق تايااخذ الصينيه من عندي طخت ايدو بايدي
عبالك طخت بكلبي موبيدي 💔
فتت جوة جان اشم ايدي . كلش حلو عطره وأحبه
بعد ساعه هيج كاعد امشي تافوت لغرفتي جان اشوف الباب مال غرفت صادق مفتوح
الشيطان لعب بعقلي .
ولحد الان اني  متندمه ع تصرفي هذا
كلت مدام ولاء ماكو خلي افوت.اني ابد ماطب لغرفتهم خلاص
فتحت الكنتور .وكمت اباوع على ملابسه .تراكسودات ودشاديش وجواكيت كله راقي وحلو
باوعت ع المرايا جان اشوف عطره الاحبه لونه ازرك شميته وخليته بجيبي.كلت ع الأقل خلي احصل بس هالعطر من هالحب كله💔
عود اني من زمان أبالي اخذ عطره
سمعت  صوت تااطلع جان أشوفه مقابيلي
وكف كلبي من شفته ونحرجت كلششش
صفن عليه بس ماكال شي ولاسألني
طلعت من الغرفه ورحت لغرفتي بس معد اكدر استحيت حيل من الموقف
كل شوي اكول لو بس طالعه قبل ماهو جاي جان احسن
خليت العطر جوة هدومي بالمكتبه حتى محد يشوفه
المهم خلص اليوم واجه ثاني يوم.ولاء رجعت من اهلها
بهاي الايام جانت الأمور عاديه ماكو اي شي يزعجني
العصر جنت اسبح بالحمام.سمعت صادق يصيح ولاء
صادق:اكللللج وين العطررر الازرك
من كال هيج جفلت
ولاء: جان ع المرايا
صادق :ماكو ماموجووود
جنت اسمعهم وحسييت نفسي تورطت لان اخذته
بعدين كلت يلا عادي ماراح يدرون
تثولت السالفة وره يومين هم اجاني الحنين ورحت للعطر بس بدون مافكرت أو حسبت حساب خليت منه على أيدي بخيت منه.وهو كلش قوي اصلا..
طلعت من الغرفه ورحت للمطبخ ولاء وسرى جانن يسون عشه رحت عزلت البيت وكنسته.تعشينا وعبر الوكت صارت الساعه ٩ جنت بالصالة اني وسراب وصادق وفراس .جان اسمع ولاء تعيط وجابت طاري اسمي جفلت ورحت سمعت صوتها بغرفتي
طبيت الغرفه جان اشوفها ماسكه العطر وتحجي ويه جده والهدوم كلها منثره بالكاع
انصدمت اني .من شافتني جان تصيح عليه
ولاء:هاااااا هذا العطر شجابه هنااا وداحسته بين هدومج.
احس نفسي متلبكه لدرجه ماكدر حتى ارد
ولاء:اليوم اله اقشمرج.راحت للصاله تاتفضحني
احس تجمدت بمكاني
ولاء:تعال شوووف العطر وين لكيته....عند بنت عمككككك
شيسوي العطر مالك يمهااا .اكيد اخذته من جنت يم اهلي مو جنت اكلك حاطه عينها عليك تضل تكلي لامتوهمه
صادق بس ساكت اول شي.مارد بكلمه
اني لو تنشك الكاع وتبلعني بذاك الوكت احسن إلي
اجت رحاب:والله انتي ادبسزززز.
المشكله مكدرت ادافع عن نفسي بس كلت شغله وحده
رنا: ترى بس عجبني وأخذته وردت اكله بس نسيت
ولاء:عجببببج موووو.وليش ماحجيتي وكتيلي اريد العطر عجبني .ليش انتظرتي اروح لأهلي حتى تاخذينه
تدخل صادق
صادق: ولاء كافي
بقت تحجي تحجي ماسكتت
صادق:داااااااكلج كافييييي
ولاء:لااا موكاااافي . هاي شكال تسوي ورايا.اذا هس عطر باجر الله اعلم
صادق: سدددددي حللللكجج وانجبيييي
جدة جانت تباوع عليه وتلوم بيه.اني جنت منتهيه بهاي الاثناء.واعرف نفسي غلطت.بس غلطي مايستاهل هالكد اتاذى
ولا: تحسبييين غشيمه إني ولججج بكلشي اعرف
صادق:رووووحي لغرفتج ماريد اسمع صوتجججج
ولاء:مارررروووح
ضربها راشدي.جان تنفعل وتهجم عليه وتجرني من شعرري
جرها مني وكامت تغلط عليه
ولاء: لوتموتين يا....... مايباوع بوجهج الزفررر *فشرت عليه
صادق ويتخبل من الفشار
كام كتلها خلص عليها خلاص
اله فراس وخرو عنها
صادق:طلعتيييينييي من دييينييي
جت جده عليه وكالت: وانتي ليششش مايفيد بيج موعيب عليج تأخذين عطره وتضمينه يم
صادق صار كفررررر وييصيح
صادق:كلبببببه بنت كلبببب ماتخافين الله كلبتي الدنيا ع العطررر
اجت جده عليه وكالت: وأنتي ليش مايفيد بيج موعيب تأخذين عطره وتضمينه وتعرفين مرته غياره ليش تسوين هيج.
كمت ابجي ومارديت لان اعرف نفسي غلطانه
صادق:ابختتتت الله شبلاكممم هو عطرررر
كلش انهار صادق وتعصب.طفت الكهرب وصار مطر قوي ورعيد.سراب راحت شغلت اللمبه
صادق بعده نااار ومتعصب ع البيت كله
جانت ليله مرعبه بالنسبه ليه
اني رحت لغرفتي جنت بحاله مزريه لان كل هالصار بسببي وصادق صارلته مشكله وتاثر كلش من ورى غبائي.صح اني ماجان بالي بس انو اشم عطره شوكت مايعجبني.يعني سويت حركه عفويه بس انحسبت عليه حساب جبير بعد 💔 خابرت على علي وكتله
رنا: تعال أخذني هس
علي:شاكو ليش
رنا: كتلك تعال أخذني
علي:الصبح اجيج
رنا:لا هسسس تجي
علي:بس اخلص الشغل الي بيدي اجيج
رنا:ماشي
سديته.ورحت للصاله مالكيت بعدين رحت للاستقبال .وكفت مقابيل صادق وكتله
صادق:اني اعتذر لان سويتلك مشكله بس اني هس رايحه خابرت علي يجي ياخذني
عيط بوجهي
صادق:ووووووين تروحييين تالي الليل
رنا:اروووح ويه اخوي وين مانروح نروووح
صادق:شوفيييي ترى واصله لجهننننم عندي
رنا: هالمره وين ماتصل تصل اني بعد ماكدر ابقى هنااا
نزلت دموعي وحجيت بعصبيه : تعبتتت كلششش وماكاعدددد اكدررر اسيطرررر على نفسي كدامك
صادق:وانتيييي شتحسبيييين بسسس انتييي تعبانه اني البييييه بس الله يدري بيييييي اكبر من البييييج بهوووواي
ولجججج اني متعذب بيج أكثر من عذابج بيه بميت مررره
من كال هيج حسيت كل جسمي كششش
رنا:شنوووو بيك هاااا .احجي صادق
كام يتنهد ومارد عليه
عفته ورحت لغرفتي واني بحاله صدمه شنو يعني متعذب بيج .ميت فكره براسي
دك عليه علي وكالي:حضري هدومج وغراضج اني هس طلعت يجوز ساعتين ونص اصل
رحت حضرت هدومي وغراضي وخليتهن بالجنطه
جده تحجي عليه تكلي لاتروحين بتالي اليل ومطر قوي ورعيد وتبجي
واني هم جنت ابجي على بجيها
اجه صادق وشافني الم بغراضي.جان يحجي بحركه كلب 💔
صادق:يعنييي تعاندين بيه انتيييييي
رنا:لحدددد يدخخخخل بييه وين ماروح اروووح
صادق:كل مشكله كلتيي اروووح. رووووحي انكلعييي مايقزززززر بييج شييي كلشي سويته موبعييينج ولاقدرتي كلامميي بجهنم وين ماتولين ولي.....يتتتتتبع