#ليته يعلم(أحببته منذ الصغر)

البارت ٧٠

البارت ٧٠الجزء الثالث
ليته يعلم ( أحببته منذ الصغر)
صابرين:كااالي لاتخليينهم هنااااا كاااالي خلييي يبقووون يم ابوووهممم
بقينا على اعصابنا.. وصابرين بحاله يرثى لها من الانهيار
عثمان يبجي. وجده وعمى منى يدعن
راحت صابرين على موبايلها ودكت عليهم مايردون
صابرين:جاوبوووو جاوبووو شبيييكمم
بعد ساعه دك علاوي عليها
صابرين:ها علاوي........ليش عمليات...... ادري ليشش
ياربي........اريد اجي شون......تعال انت اخذني.......ليش......مالي علاقه اريد اجي اذا ماتجون تاخذوني هس اشوف سيارة واجي.
سدته من يمه
جدة:شيكول
صابرين:يكول للعمليات ياخذونها هس
منى:ياستار يارب الطف
كامت صابرين على حيلها فاتت جوة لبست هدومها ولفت شال عالسريع وطلعت
جده:صبري وين تروحين وحدج
صابرين: منو هنا باالحارة عنده سياره يوصلني
جده:بيت ابو مها
صابرين:امشي نروح يلا...هس اريد اروح
جده:بس البس عباتي صبري
طلعت هي وجده ....وكفت يم الباب اني وسراب ونور
بعد شوي طلع ابو مها شغل السياره واخذهن وياه
طبينا جوة بالطارمه
خطيه الجهال كلهم خايفين ويرجفون
بعد شوي اجه محسن واخو فتحو الباب وفاتو
محسن:شبيهاااا مسره
رنا:وكعت من السطح
محسن:وينههم هسس وين اخذوها
رنا: للمشفى
محسن:صابرين وياهم
سراب:قبل شوي طلعت ويه جده مع جيرانه
محسن: ادري شون حالها من وكعت جانت فاقده لوشنو
رنا:اي مغمى عليها.... يكولون لازم عمليه يمكن تايسوولها عمليه
طلعو هو واخوه عالسريع
بقينا بالبيت ويه عمى منى
فاطمه:ياربي مايروح منظر مسره من بالي.ان شاء الله مابيها شي
دك موبايلي رحت علي .
رنا:هلا مها
مها:اكلج شبيها بنت صابرين  كالو واكعه من السطح صحيح
رنا:اي والله
مها:ووووي صدددك
رنا:اوووف
مها:ماخابروكم شي
رنا:لابعد  ننتظر
مها:...هس راح اني وماما
سدت الموبايل وره شوي اجت هي وامها
فاتت جوة بالصاله ويه عمى منى
ام مها:شلون وكعت
عثمان:هي جانت فوك تلعب..كل شوي تصعد وتنزل كتلها انزلي ماقبلت عفتها ونزلت
بس وصلت الصاله سمعت صوت طبه قويه..اجه حسن يركض يكول وكعت ...وفراس شالها
ام مها:ان شاء الله مابيها كلشي
منى:ان شاء الله
بقينا ننتظر...وره شوي دك الموبايل باوعت سرى
رنا:هلا
سرى:ها رنا شاكو شبيها مسره
رنا:واكعه من السطح..
سرى: لأحول ولا قوة الا بالله...جده مخابره على بابا .. رجعت خابرت علاوي مارد عليه
رنا:اي بالمشفى هما ..
سرى:وشيكولون
رنا: ماعرف بعد بس سمعت عالعمليات ياخذونها
سرى:يعني هي بيا حال خطيه نوب جتها هاي شكد حضها فاين
رنا:اسكتي متت قهر عليها..هس اهم شي بنتها تكون بخير وتطلع منها سلامات
سرى: أن شاء الله يارب...اني شويه نوب اجي بابا هس راح للمشفى من يرجع اخلي يجيبني
رنا:ان شاء الله
طلعت للصاله رحت كعدت ويه مها وأمها
عبر الوكت.. وكفت سياره يم الباب
طب علاوي مستعجل
رنا:ها علاوي شلونها مسرة
علاوي:بعد بعد تايطببوها العمليات هس....
طب لغرفه جده ماعرف شنو اخذ..وطلع عالسريع
بقى هذا وضعنا
مها وامها راحن
عمى منى وفاطمه بقن ويانا
صارت الساعه ١ والوضع هو هو
دك الموبايل باوعت جدة
كلبي يرجف واني ارد عليها
رنا:ها جده بشري
جده:والله قبل شوي طلعوها من العمليات
رنا:شون وضعها
جده:صاير عدها فطر بدماغ
رنا:يمااا ..وهس شون وضعها
جده:كالو تعبر ساعه اذا ماصار اعراض جانبيه وبقت على وضعها معناها زين يعتبر مستقر
رنا:اها ان شاء الله ما بيها شي يارب
جده:الجهاال نامو
رنا:لا كاعدين
جده:نوميهم
رنا:هس
سديته ورحت فرشت فراش الهم بغرفه جدة
اجو تمددو
وهم فرشت لعمى منى ولفاطمه.وكتلهن انو طلعت من العمليه
خليت سراب وياهم بالغرفه ونور هم جانت وياهن
طفيت الاضويه ..وبقيت وحدي افتر
عبر ساعه ودكيت على جده
رنا:ها جده اخبار مسره
جده:زينه زينه يكولون ماصار آثار جانبية
رنا:اي عفيه الف الحمدالله
حيل تطمنت من عرفت وضعها زين ومستقر
رحت كلت لعمى منى لان كل شوي تسالني
صعدت لغرفتي تمددت شوي..بس مااكدرت انام
رجعت نزلت تمددت عالقنفات بالصاله .صارت الساعه ٣
دك الموبايل باوعت صادق
رنا:الو
صادق:هلا شونكم
رنا:زينين انتو شونكم مسره شونها
صادق: الحمد لله زينه هس...وحدكم بالبيت ؟
رنا:عمى منى وفاطمه موجودات
صادق:اي زين ..انتي نامي هس
رنا: شوكت تجوون
رنا:بعد موهس
سديته وصعدت فوك نمت
ثاني يوم الصبح ..اجه زوج عمى منى اخذها هي وفاطمه
واجت سرى ابوها جابها
سرى:ماكالو شوكت يجون
رنا:لا والله مانعرف
عبر الوكت.وجده خابرت كالت العصر راح يطلعونه
العصر اجو كلهم
فات فراس شايل مسره ومددها عالقنفات.. جان راسها ملفوف
وصابرين حالها تعبان بيوم واحد بين عليها الهم كله
فات صادق وجده وعلاوي
صابرين كعدت يمها وكامت تبجي
صادق: عليششش تبجين مابيها شي الحمدلله
سرى:شون وضعها هس
علاوي: الحمد لله دكتور كال زينه بس التزمو بعلاجها
محسن واخو يم الباب مايقبل يطب.. وصابرين تگرط حامض عليهم
بعد شوي اسمعه يحجي ويه جده
محسن:هي مدشرتهم لو مخليه عينها عليهم ماجان وكعت البنت
صادق متعصب علي حيل
صادق:ماتروح تسكته لااروح اخلي قهر البنت وضيمها بي
طلع علي فراس
فراس:هي شدخلها هو حادث قضاء وقدر وصار
صابرين ماتحملت جان تطلع علي
صابرين:اني مدشرتهم موو..مو حضرت جنابك اسبوع ماتحملتهم اخر شي دزيتهم عليه..وجنت مخليهم ابيت اهلك حتى تخلص من مسؤوليتهم..والحقيره اختك ضربتها
ان شاء الله الله يضربها...محدددد مدشررر البيت كله وحتى اني..غيرك انت
محسن:اني مادزيتهم عليج هما اجووو
صابرين:لاموصحيح كالو ابونا كال روحوووو
محسن:كتلهم روحو شوفو امكم موكلت ضلوو
صابرين:ماااشوف رجعت سألت عليهم..ماصدكت على الله تخلص منهم..حتى تخابر القرچيه براحتتتك
جده: صابرين مووكت هالحجي هس .. الحمد لله بنتج بخير
فراس:فوتي صابرين فوتي
محسن:ضلي ضلي تنشوف شراح تستفادين
صابرين:مدام عندي اخوة اشد ضهري بيهم الحمدلله ماناقصني شي
محسن:........
طلع بره هو واخو
طبت جوة واعصابها نار
صابرين:فوكاها يلومني يلومني اني ماشاءالله بالمگلوبيي
صادق: يصابريين عوفي الحجي والسوالف هس..راسنا يوجعنا والحمد لله عدت على خير لاترجعين لنفس النقطه
صابرين:لامارجع للنقطه بس شفته شون يحجي ولايكول لنفسه
صادق:خلي يولي كلعه
بعد شوي فوتو البنت لغرفه جده وانطوها علاجها
صادق:رنا
رنا:ها
صادق:بس حضري الحمام وطلعيلي التراك الازرك
رنا:ماشي
المهم جان يوم طويل وصعب
وخطار هم.عمى منى ومنتهى هم اجن بالليل
ودلال اجت ... ماسلمت عليه ولااني باوعت بوجها
نور كيفت من شافت دلال
كبل صعدن فوك سويه
الوضع جان عباره عن تقديم وتأخير للخطار
وهم اجو اهل محسن يسلمون
مسره بس نايمه خطيه العلاج مالها ينوم
وصابرين وفراس يمها
من صارت هاي الحادثه حتى رجعت علاقة فراس وصابرين طبيعيه مثل قبل..المواقف الصعبه ترجع كلشي ❤️
صارت الساعه ١٢ والبيت فرغ
صعدت لغرفتي.وبعد شوي صعد صادق
خطيه بس غير ملابسه كبل تمدد ونام من التعب لان صار أكثر من يوم مانايم
هالفتره جانت ايامها متكررة من ناحيه الخطار ووضع مسره
وره ٣ ايام
صعدنا لغرفتنا الضهر بعد مافضى البيت
اندك الباب
كمت فتحته باوعت نور
نور: رنا عندج كريم شعر
رنا:اي عندي
نور:اريد منه
رنا:هس
اخذت الكريم وانطيته اله
رجعت لمكاني
جان صادق حاضني من وره
انداريت علي
رنا:اكلك...احس وضع نور ماعرف شون..انت شنو توصفه .متغيره كلش
صادق:مادري..ان شاء الله الله يهداها
رنا:اني بعدني متخوفه منها
صادق:لاماكو شي لاتتخيلين حبيبي
رنا: مادري هيج احساسي
صادق:لايروحي لا اي شي ماكو.ظ
نمنا وكعدنا العصر
جانت صابرين يم بنتها وتبجي
صادق: خيرج
صابرين:شو بس نايمه لاحول ولا قوة
صادق: الدكتور موكال العلاج بي مادة تنوم...هاي هيه
صابرين: ماعرف ماعرف
صادق:لاتضلين توسوسين بنتج كلشي مابيها..قبب فتره هم نفس الحاله جيران عمي ابراهيم وهس كلشي مابي
صابرين: أن شاء الله
المغرب خابرتني مها جانت ضايجه كلش
رنا:شبيج شو صوتج موتمام
مها: البارحه رديت على فراس وجاوبته
رنا:ايي شجاوبتي
مها: كتله اني مافكر بيك وشغلتنا مستحيله وانت عندك ولد..مانتراهم
رنا:اها.. يعني هذا جوابج مو وهو شكالج
مها:سكت بالبدايه بعدين كال براحتج..اني تفكيري لي يمج نضيف وبكيفج بعد وراح
رنا:ماراسلج وراها
مها:لا.صح كتله هيج بس اشو من وكتها واني ضايجه ومالي خلك
رنا:ليش مالج خلك انتي موهيج تريدين هيج
مها:اي اي بس مادري من كتله اشو حيل متأكبه من وكتها
رنا:اخاف كلبج يحن علي يمهاوي
مها:اوووف مادري..يلا باي ابوي اجه
بالليل صعدت لغرفتي.. فتحت الكنتور تااطلع من الككو البارد لكيته خلصان
رنا:حياتي اريد من هذا الككو لان خلص كلش طيب
صادق:من ارجع من دوامي اجيبلج
ثاني يوم وره ماكملت شغلي.. شفت فراس يحوم بالحديقة وماله واهس مبين.رحت علي
رنا:البارحه خابرتني مها
فراس:وشكالت
رنا:كالت انو رافضتك
فراس:اي..ياريت لو تحجين وياها بلكي تقتنع منج
رنا:زين سؤال... شعجب كمت تفكر بيها
فراس: شفتها اكثر من مره والله هداني عليها ياريت تحجين وياها شوي
رنا:الله كريم
اجه صادق من دوامه وجابلي من نفسه الكتله علي..اخذته منه وصعدته فوك..
صادق:يرنا يضيمي
رنا:,ها
صادق:ميت شوك عليج ..يولي شكد احبج اوووف والله انتي ضيمي
رحت يمه
رنا: ليش تحب تدوخني بسوالفك
صادق:انتي من كاعج دايخه مايحتاج
رنا:ههههه..اي والله شسوي متغلب عليه
بعد مانمنا...العصر هم خابرتني مها وحجيت وياها
مها:اليوم شفته من السطح ...حسيت بحزن لان رفضته
رنا: وأنتي ليش استعجلتي.اذا هو رايدج من صدك ليش قررتي كبل جان صبرتي وبعدين انطيتي قرار
مها:هو هم لح عليه جاوبي جاوبي
رنا:ايي..صدك ليش ما جيتي سلمتي على بنت صابرين
مها: أبالي والله..باجر بالليل اجي
بنفس اليوم بالليل.. وكت تااصعد لغرفتي
لكيت نور بالغرفه دتمشط شعرها
خلصت تمشيط وفتحت الجرارات وخلت عطر بعدين نزلت
استغفر من وجودها بغرفتي لان هي ماتصعد ابد
ثاني يوم بالليل حضرت نفسي وترتبت حتى تجي مها.. صادق وربعه بالاستقبال
صار عندي فضول اروح اكول لفراس انو مها جايه اريد اشوف ردة فعله
تبلهث من كتله وكيف بنفس الوقت
اجت وطلعت عليها..فراس جان بالحديقة تعمد يكعد هنا
سلمت عليها وطبينا جوة.
سلمت على صابرين وجده والبنات.. كعدنا شوي بالصالة بعدين صعدت وياها لغرفتي
حجينا هواي مواضيع وهم فتحنا اهم موضوع
رنا:اني اريد تحجيلي شنو تحسين تجاهه
مها:مرات احس نفسي اريده مرات لا
رنا:مشاعرج موثابته
مها:لا موثابته
رنا:بس انتي جبيره مايصير هيج مترددة
مها:شمدريني.....
بعد شوي دك موبايلي باوعت فراس
رنا: هذا فراس
احس مها ارتبكت كلش
رديت علي
رنا:هلا فراس
فراس:وين انتن
رنا:فوك بغرفتي
فراس:شو بس تعاي شوي
رنا:هس
سديته
رنا:راح انزل شوي وارجع
مها: ماشي
نزلت جوة..لكيته بالصاله
رنا:ها
فراس: اريد احجي وياها
رنا:شنو
فراس:شوفي هاي فرصتي ضروري ضروري احجي وياها..
رنا: ماعرف شكلك
فراس:لاتكولين شي..اريد اصعد احجي وياها ماطول شوي وانزل
رنا: ماشي بس خلي اروح اكوللها اول شي
صعدت فوك وكتلها فراس يريد يحجي وياج
مها:هااا لااا ايي
رنا: شبيج ... يكول بس شوي احجي وياها
مها: لا ماريد
رنا: ماشي هس اكله
تاانزل
مها:صبري صبري
رنا:,هااا
مها: شتكولين عادي مو
رنا:اسمعي يجوز تستقرين على رأيي اذا حجيتي وياه
مها:ماشي
نزلت كتله اصعد
صعد فوك...واني بقيت انتظر
تأخر شوي ودكيت علي
فراس:هس نازل
اني صعدت فوك يم الغرفه واكفه
وره دقايق فتح الباب جان طاير فرح..نزل جوة..واني طبيت للغرفة  .مها جانت خدودها حمر وتعصر بايديها
رنا:ها شحجيتو
مها:ولج كالي احبج
رنا:هههه هو مبين يحبج ...وشكتيله
مها: بقيت ساكته..خبلته يكلي شبيج ساكته ردي..هزيت راسي بس ...
رنا:هه أخذي وقتج وفكري زين ابد لاتستعجلين
مها:ان شاء الله
دك صادق عليه كالي انزلي سوي جاي.. نزلت جوة طبيت للمطبخ..
اول ماطبيت اجه صادق ...جان عيونه بگصته
مسكني من الطوق اللي بشعري قوي
صادق:شعنده فراس فوك بالغرفه ومها موجوده هااا
رنا:.......
صادق: خلي تروح صديقتج ويصير خير.....يتببببع