#ليته يعلم(أحببته منذ الصغر)

البارت ٨٢

البارت ٨٢
ليته يعلم ( أحببته منذ الصغر)
جده:يااايماااا عليييهم...يضربووون بيهااا مثل الوحوووش
ماخااافووو يصير عليهااا شيييي  لو على عقلهااا حسبيي الله ونعم الوكييل..

بقت جده تحجي ومتعصبه
نزلت جوة كعدت بالصالة
اجت سرى وجها مكلوب وعابس
رنا:شبيها...شتحسينها
سرى: فعلاً حجي سراب صحيح
رنا:.......
طب فراس
فراس:شبيج يوم
جده:شبيييه يعني شبيييه..روح شوف بنت اخوك شصاير بيهاا
فراس:شبيها
جده:صايره مثل الخبله ولاتصد ولاترد
حجتله سرى وضعها
صعد فوك شوي بعدين نزل
فراس: خما ضربناها لحالنا غير من سوالفها
راحت سرى وسراب نزلنها وفوتنها للحمام سبحنها واخذنها فوك
عبر الوكت شوي ... اجه صادق وعلاوي وهم استلمتهم جده
وحجتلهم الصار

صادق صفن بالبدايه ماحجه شي
جده:هاي تاليت الضرب القووي مافكرتو ابد
شو فجأة انفعل صادق كلش
صادق:هااي تاليييت حلفان اليمييين كذذذذب وتاليييت سوااالف الله مايرضاهاا..ماتكوليين الله سوى هيج وياها من عمايلهاااا ...هاااااااا..

جده:.....شنو كلبك حجر على بنتك شجاك
صادق: كلبي بعد ماينكسر عليهاااا..من وراهاااا.دمرتنيي دماااار..
جده:.......
صادق:ثاني شي لحد يتدخل اني أتصرف.. شيصير وياها اني إنجاز..هي كلها براسي براسي
سكتت جده بس جانت ضايجه حيل على نور
وكت الغده ماتغدينا من وره هاي السىالفه وجده بس تحجي وتبجي

اني صعدت لغرفتي ... نمت وكعدت  العصر وهو ماطب للغرفة
نزلت جوة جانت سكته وهدوء
لكيت سرى بالحديقة هي وعلاوي
كعدت وياهم
رنا:وين البقيه شوسكته
سرى:راحت جده ويه صادق وسراب اخذو نور وياهم
رنا:وين
سرى:لطبيب..حتى يشوفه يشوف وضعها
رنا:اها
سرى:والله اني عرفت ماتعبر سلامات على هذا الضرب
علاوي:والله هذا الموجود...ماسوينه هيج بدون سبب
لعد نخليها بكيفها تسرح وتمرح بسوالف جايفه..هاي اذا ماهيج الله يعلم شتسوي هي وذييج ال......*
سرى:اني ماكول ماتستاهل...بس مرات ضرب يسوي كارثه

علاوي:مو اكبر من كارثتهااا
بقينا كاعدين شويه
علاوي جان يحجي ويغلط على دلال
المغرب هيج اجو
طبت جده وماسكه نور من ايدها هي وسراب
فاتن جوة ..بس صادق ماطب
طبينا اني وسرى
سراب اخذتها لغرفه جده
سرى:ها شكال الطبيب
جده:يكول عدها اختلاج بالدماغ بس خفيف
سرى:وووي صدك
جده: اي..حسبي الله ونعم الوكيل عليييج يادلااااال
سرى:زين مانطاها علاج شيي
جده:بلي انطاها كال ان شاء الله تتحسن علي.بس كون تلتزم بي..
بعد صلاة المغرب اجه صادق جان مبين مزعوج
صادق:سرااااب
سراب:ها بابا
صادق:العلاج انطي لاختج مثل ماوصفه الطبيب لاتنسينه
سراب:ماشي

صعد فوك.
اني بقيت جوة.سويت العشه
كعدنا نتعشه..صعدت فوك حتى اصيحه
رنا:ماتجي تتعشه؟
صادق:جيبيلي هنا
رنا:هس