#ليته يعلم(أحببته منذ الصغر)

البارت ١٠

البارت ١٠
ليته يعلم (أحببته منذ الصغر)
كلش جنت مقهورة عليهم والمشكلة ماعرف شنو اسوي اكول اولا.زين اكول لمنو !؟؟؟
ماصدكت ع الله يخلص اليوم والناس تروح اريد استقر شوي واصفي راسي
اصلا وضع البيت تعبان بعد الحزن بيهم يعني خلاص مومال هيج خبر فكلت حالياً احسن شي اسوي اسكت
خلص اليوم المتعب واجه ثاني يوم هم جان اكو خطار بس شوي أقل.وبيت الشعر مال الزلم شالو.صارو الزلم يجون بالاستقبال والنسوان جوة بالبيت .جان هم اكو خطار بس اقل يعني.وره الغدة الاستقبال فرغ. اذن عصر ورحت اعزله لكيت صادق وابنه حسن بحضنه كاعدين ع القنفات
رنا: شونك اليوم
صادق: الحمدلله وانتي شونج
رنا.بخير.اسويلك شي تأكله أو تشربه
صادق:لا ماريد شي سلامتج.خذي حسن خلي نور تبدلو هدوم
رنا : تمام هس اني أبدله.اخذت حسن وسبحته هم
مر تقريباً ١٠ ايام خلصت الفاتحه ورجع الوضع طبيعي وبلش دوام المدارس
اجه علاوي اخو صادق الصغير من الشغل وجان شكلو متوتر ومتعصب.
اجه عليه كالي
علاوي:اكلج كاعد تشوفين سرى بالمدرسه.يقصد بنت خالو اللي يحبها
رنا:اي مرات.ليش
علاوي: اريد منج شغله من تداومين روحي عليها وانطيها رساله اليوم راح اكتبها.تنطيها بيدها
استغربت شوي من كلامه
رنا:  خير اكو شي
علاوي: ماكو شي بس اريدج تنطيها الرساله
رنا: تمام .
بالليل من ردت انام اجه انطاني الرساله رحت ثاني يوم للمدرسه انطيت الرساله بيدها بدون ماقراها
رجعت للبيت وتلكاني
علاوي:ها انطيتيها
رنا: اي
علاوي: وشكالت
رنا:مكالت شي.اصلا ماقرتها كدامي.احجي شبينكم
علاوي: مادري يعني بس سمعت اكو شخص يريد يخطبها .واريد افتهم السالفه
رنا:هااا هيج الحجي.اكيد ماراح توافق لان هي تحبك صح
علاوي: إني هم اريد أتأكد ولهذا انتظر جواب من عدها
رنا: وانت شنو تنتظر ليش ماتخطبها
علاوي: اني كلت بس تخلص هاي السنه كبل اخطبها
رنا:خير ان شاءالله انتظرها باجر هم راح احجي وياها
ثاني يوم داومت بس هي ماجانت مداومه سىئلت عليها كالو غايبه
رجعت للبيت الوضع طبيعي شو المغرب اجه صادق عيون بكصتو وصاير نار
صادق: علاااااوي علاااااوي
جدة فطوم:شكوووو
صادق:ابنج وسوالفو الساقطه
جدة فطوم:شكو شمسوي ياستار
واجت نور ورحاب
صادق: صايره مشكله أبيت اخوج من وراه.داز رساله لسرى وهس خالي خابرني
من كال هيج اني معد اكدر تخربطت.نوب اني اللي وصلت الرساله اوووف
اجه علاوي وصادق وفراس استلموا
صادق:انت بييييك شييي ادبسسسز ليش تدز رساله ع بيتهم شهالصلافه
علاوي: عادي ماسويت شي غلط
صادق: احجي عدل لا افلش سنونك. من تقبل احد يدز رسايل لخواتك عود دز بكيفك ساقطططط
علاوي:اني موضاحك عليها ولا شي اني احبها وهي تحبني وكلكم تدرون
فراس: ياغشيييم اي ندري بس احنه نروح لبيتهم ونخطب مو هيج تسوي.شنو وجهك وشنو وجهنا من اهلها هاااا
جان يدك موبايل صادق .عرفت ابو سرى ع الخط
حجه وياه شويه جان يسدة ويصيييحني
صادق:رناااااا
متت بكاعي رحت علي
صادق: انتي اللي موصله الرساله مو
دنكت راسي وكلت:اي
صادق:ليش هيج سويتي ها
رنا:اجه علاوي وكالي انطيها الرساله ماحسبالي هيج حيصير والله
صادق: انتي تعرفين نفسج شسويتي لولا هاااااا
رنا: .......بقيت ساكته وعيني دمعت
صادق: استغفر الله ياربي صبرني.لعد خالي يتصل عليه ويسمعني حجي واني حتى ماكدر ارد.قسما عضما ياعلاوي اذا سويت هيج دكه بعد راسك اكسره.وانتي يافهيمه اذا عدتي هيج شي ماتلومين غير حالج فهمتييي
تمنيت تنشك الكاع وتبلعني بذيج اللحظه . ماكلت كلشي ضليت ساكته ورحت لغرفتي .بس منحرجه كلش من الموقف الصار ونوب كدام الكل..
اجت جدة فطوم وكالت: جان جيتي كلتيلي يابنتي
رنا:جدة ترى والله الصار مو ذنبي هو اجه وكالي وصليلها الرساله شمعرفني هيج راح يصير.لعد اني فرحانه بالموقف الي نحطيت بي.
نمت بس كلش مقهورة من الصار ثاني يوم رحت للمدرسه ورجعت.من شفت صادق بالصالة كبل طبيت لغرفه جدة.هوانتبه عليه انو ماريد اشوفه
والعصر هم مرتين انهزمت من عنده اخر شي صاحني للاستقبال
رحت علي
صادق: شوفي رناوي اني اعرفج زين وادري بيج ماعندج سوالف.بس الصار جان غلط واني لازم انبهج
هزيت راسي
صادق: اني موقصدي ابوخج أو احرجج.بس جنت متعصب من الصار خصوصا من خالي خابرني روحي طفرت
رنا: حقك.اني اعتذر
صادق: مايحتاج تعتذرين واني هم زودتها شوي.يلا اهمشي ماتنعاد
رنا:اكيد اكيد
طلعت من الاستقبال.تلكتني رحاب
رحاب: خير شراد من عندج
رنا:شعليج انتي
رحاب: احجي يلا
رنا: شغلات ماتخصج
رحاب: كثرانه شغلاتج
رنا:ماتصل لربع سوالفج ولاحتى اسمح اقارن نفسي بيج
كتلها هيج ورحت.احس وجها نكلب
كل مره اكول احجي واسولف بس بعدين احس شي يمنعني
مرت فترة شو بعدين قرروا يخطبون سرى لعلاوي لان بعد الموقف الصار جان هذا افضل حل
رحنا وخطبناها اله والحمد لله وافقوا بس ماسوينا حفله انتظرنا تمر فترة لان جدي ماصار هواي من توفى
بهاي الفترة جان الوضع مستقر اني ملتهيه بدوامي .وخطوبه صادق سكته .
قررنا نسوي خطوبه لعلاوي كلنا خلي نحتفل شوي لان من زمان مامسوين حفله
فاتفقنا على نهايه الأسبوع يوم الخميس نسوي الخطوبه
بدينا نحضر ونهتم وجدة كالتلنا اكشخن وتونسن انتن بعدجن شابات لاتخلن شي بنفسجن
قررنا نروح للسوك نشتري ونأجر فساتين
رحنا اني وصابرين ونور وسراب ويه فراس
وصادق اخذ ولاء وهم اجو ويانا للسوك
وصلنا السوك.وكل الوكت اني اباوع على صادق وولاء.شون ماسك ايدها ويمشون سويه
مانكر انو اني غرت وضجت وتمنيت اني مكانها
احس هالشي مسوي طاكه بكلبي
طبينا على محل جبير كله فساتين تخبل اكو ايجار واكو شراء
نور اجرت فستان ماروني وسراب اشترت فستان وردي
ولاء مايعجبها اي شي مبين تدور كله راقي
صابرين: شوفي ولاء هذا الفستان التركوازي شكد حلو يصير عليج أخذي
ولاء: اممم ماعرف موحيل عجبني.صادق خلي نروح لغير مول
صادق: يلا امشي
اجت صابرين كالت: مانعرف شتريد حرنا وياها
وانتي رنا شراح تأخذين
رنا: هس اشوفلي شي
بقيت اكلب بالفساتين عجبني فستان اخضر دخني حيل مرتب ونازوك
اخذته ومن جيت ادفع الحساب صادق ماقبل اني ادفع هو دفع سعره
باوعت على ولاء حسيتها ضاجت ووجها انكلب
واخذت وياه اكسسوارات وحذاء ذهبي وعطر
يعني كملت احتياجاتك
خلصنا ورجعنا للبيت وشوفنا جدة شنو اشترينا
صابرين:رنا ليش ماتسوين شعرج بروتين يطلع يجنن عليج
رنا:هااااا اممممم يم منو اسوي
صابرين:.صديقتي ام فهد تجيب ماده اصليه تجنن اخذج عليها لازم باجر تسوينه دوب الحكيم لان الخطوبه بعد باجر
اني بالاصل شعري وسط لاسرح ولا مجعد
فحبيت الفكره وحبيت التغيير شوي
وجان عندي واهس قوي انو اهتم بنفسي والبس واكشخ بالخطوبه
كلت كافي هامله روحي واضل شحالي خلي اهتم قابل شناقصني
ثاني يوم سويت شعري بروتين ويطلع يجنن حتى شكلي تغير علي
اخذت إجازة ماداوم الخميس
كعدت الصبح وكلنا ملتمين ومتحضرين كلنا وره صلاة العصر نروح لاهل الخطيئه وعزمنا كرايبنا المقربين
رحت اني ونور وسراب للصالون
سوتلي شعري بصفحه .كتبها ماريد تسريحه خلي مفتوح بس اريد فيونكه بصفحه
وخلتلي مكياج يجنن وخليت رموش
ولبست الفستان
يعني بالاخير اني انصدمت بنفسي ماتوقعت هالكد اطلع حلوة
نور: ماشاءالله عليج ماعرفتج
سراب: كمر والله كمر
فرحت كلش من هيج حجن
اجه فراس ورجعنا للبيت حتى نلحك نطلع كلنا سويه ونروح لاهل سرى
اول ماطبيت شافتني جدة
جدة: صلوات ع النبي ماشاءالله ياربي طالعه لعابه.
اجت صابرين هم جانت رايحه لغير صالون
صابرين:هاي شنو ولج شهااجمال لو أدري جان جيت وياج.اشو اني مو مقتنعه بالمكياج مالي ابد
رنا: لا ليش هم حلو مكياجج
صابرين:بس مومثلج يعمري
طب علاوي وجان هس راجع من الحلاق ومرتب نفسه ع الآخر
صابرين: كللللووووويششششش مبارك يحوي مبارك
علاوي جان موبس فرحان طاير من الفرح لان حياخذ اللي يحبها
اجت ولاء هي وخواتها وهم جانت طالعه حيل حلوة
ام ولاء: ذيج المره سويتو سسالفه وكت احنه سوينا حفله اشو هس كلها متحضرة وصالونات
جدة فطوم: صادق رجال مزوج بالاصل وعنده بنتين وولد يعني تختلف الشغله بالنسبه الو.وثاني شي هو ميعجبه هالسوالف
حسيتهن ضايجات لان مسوين خطوبه.لان بوكتها صادق عارض ع حفله الخطوبه مالته
اجتمعنا كلنا وجابو السيارات تانطلع
خليت الشال على راسي واني يم الباب
باوعت صادق بوجهي  جان مستعجل تاينادي علاوي وفراس
باوعت علي وهو هم باوع عليه
بقى صافن عليه .. ابد ماانسى صفنته عليه بذاك اليوم
هاي اول مره احس انو هو فعلا ديباوع بنظرات تختلف عن كل مره
احس كلبي مدري وين وصل بدكاته
دنكت راسي ومشيت وصعدت اني والبنات بالسياره
بس شنو الشعور اللي صار عندي بوكتها .شعور حلو وموجع بنفس الوكت احس اخذ كلبي بهاي صفنته عليه ولو هو من زمان ماخذه.....يتبببع
اعتذر ع التأخير بس صارت ضروف