#ليته يعلم(أحببته منذ الصغر)

البارت ٥٥

جزء بسيط من بارت ٥٥
ليته يعلم ( أحببته منذ الصغر)
طلعو وشخطو السياره
طبيت جوة بس كلش مقهورة من الصار لان توترت العلاقه بينهم بسببي
عمي إبراهيم جان مزعوج كلش
عدنان:يابا ترا مايصير هيج تكول لصادق
ابراهيم:........
عمه فهميه:اي  صحيح مايصير
حسيت عمي مستشعر بالذنب من كلامه
ابراهيم:طلعت من طوري وهيج حجيت
رحت للغرفة.وطفيت الضو وسديت الباب
كعدت بمكاني.وبقيت افكر
يعني ليش هيج اجه منفعل ويحجي بعصبية لوحاجي وياي باسلوب يجوو يجوز جان اقتنعت ورجعت
ضجت كلش .صح اني عندت وماقبلت ارجع بس مع هيج احس نفسي مومرتاحه لان ضجت عالصار بين صادق وعمه
في بيت العم سالم
طب صادق وعلاوي للبيت
كعدو بالصاله..وجده والبنات موجودات ...
جده:هاا شصار اشوو وجوهكم مگلوب
علاوي:ماقبلت ترجع ويانا وتعالگنا ويه عمي
جده: لاحول ولا قوة الا بالله...وعليش ماتقبل ترجع...خلوها هناك خلوها
نور مبتسمه كلشش
كام صادق وصعد لغرفته بدون مايحچي شي
في بيت العم إبراهيم
جنت بفراشي.وافكر بيني وبين نفسي ..اني غلطت لولا.. يعني لو راجعه احسن موو...لالا موهس ارجع بعدين
هستوني غفيت..واجت عمه فهميه.فتحت المكتبه.وطلعت منها جهاز ضغظ
عدنان جان واكف يم الباب
اخذ الجهاز منها وراحو
كمت على حيلي وطلعت
جان سراج وقيصر يمه وعدنان يقيس ضغطه
بقيت واكفه يم الباب...
طلعت عمه فهميه
رنا:شبي عمي
فهميه:ضغطه مرتفع شوي ..هس يأخذ علاجه ويصير زين
خفت شوي.ضجت علي وضجت من نفسي ورجعت للغرفة..
وحاسه بالذنب كلشش..بعد شوي طلعت من الغرفه وسألت علي كالو هس احسن
رجعت لفراشي..بعد معاناة هواي ويه الأرق نمت
كعدت الصبح تاروح للدوام..تذكرت اليوم جمعه ماعندي دوام
رجعت كملت نومتي...كعدت بالساعه ٩ ونص
رحت للمطبخ جنت اتريك اني وحنان عالطاوله
حنان:ليش البارحه ماقبلتي ترجعين
رنا:.......
حنان:لاتفهميني غلط بس اني اكول لو راجعه احسن الج..على مود ماتصير مشاكل بين ولد العم
تأثرت بحجي حنان..خلصت ريوك وكبل رحت على عمي ابراهيم
رنا:شونك عمو
ابراهيم:بخير الحمد لله
رنا:انقهرت عليك ..اكلك عمي.اني سويت مشكله بينكم ..عادي خلي ارجع المهم ماتكبر المشاكل وانت يصير عليك شي
ابراهيم:لابنتي مابيه كلشي.ضغطي دايما يرتفع من اتعصب
رنا:والله عمو من صدك احجي.اذا تصير مشاكل اكبر عادي ارجع هس
ابراهيم: لا ماترجعين..خلي يتأدبون ويحترموني
عفته ورجعت للغرفه..
بقيت اليوم كله ضايجه ومخنوكه
العصر اجت حنان شايله الموبايل
حنان:اخذي صابرين تريد تحجي وياج
اخذت الموبايل منها
رنا:هلا صابرين
صابرين:هلا بيج..شونج شخبارج
رنا: الحمد لله انتي شونج
صابرين:بخير...ليس هيج رنا ليش عندتي ومارجعتي وياهم
رنا:اوووف عفيه لاتلوميني ترا كلبي يوجعني...يعني لمن اجو حسيت نفسي مامتهياة ومالي واهس ارجع احس كلبي بعده مغثوث منهم..وثاني شي اخوج اجه كله يحجي بأعصاب.ماحجه بطيب ابد
صابرين:والله حرت بيكممم ماعرف شنو تاليها
اني بالبدايه كلت ماتلامين من رحتي..بس لا هيج عاد تطولينها
رنا:ترا ماصارلي اشهر هنا..هو يومين والثالث واجه يريد يرجعني
صابرين: ميخالف ميخالف...ترا صادق مايتحمل هيج شي شبيج انتي..ولايتقبل هالفكره اصلا انو انتي بغير بيت..يشوفها چبيره علي
سكتت ماعرف شرد
سديته من يمها..
في بيت العم سالم) الساعه ٩ مساء
صادق يحوس ومايعرف شيسوي
اخر شي راح على صابرين
صابرين:هلا صادق فوت استريح
طب جوة وكعد بالهول
جان تعبان كلش
صابرين:شبيك
صادق:ورتنيي ووررر
صابرين:رنا ؟
صادق:اي
صابرين:حجيت وياها اليوم ....تكول احس بعدني ماريد ارجع هس.... انت عليش هالگد تالفه اعصابك..هي اول وتالي راجعه...خليها كم يوم نوب
صادق:الله كريم الله كريم...نوب عمي يلوص بسوالفه
صابرين:عمي مرات يخربط ماتعرفه قابل.لاتهتم لحجيه
في بيت العم إبراهيم )
جنت وياهم كاعده.وانفتح موضوع العركه..كبل طلع موبايله عمو ابراهيم وخابر على صادق
ابراهيم:هلا صادق شونك...... وليدي اعذر عمك ترا انفعلت وهيج حجيت.......يلا انت جبير وتقدر......ان شاء الله ان شاء الله.... سده من عنده
ارتاحيت لان حجه وياه
رحت للغرفة .ردت اراسل صديقاتي بالدوام
شفت نغم ماسكه الموبايل
رنا: انطيني موبايلج محتاجته
نغم: أخذي
اخذت الموبايل ونزلت تطبيق الفيس و الماسنجر
فتحت حسابي بي .طبيت للكروباات وحجيت ويه صديقاتي على مود المحاضرات والامتحانات
كلبت بي شوي وعفته
بهاي الاثناء جنت اتمنى شغله
انو صادق يحجي وياي بهدوء وحنيه.مشتاگه كلش اله 💔
تمددت واني مقهورة حيل واحس كلبي معصور.نوب تذكرت مها.اوووووف ياربي شهالخربطه الصارت وياي
نمت مقهورة هواي... كعدت ثاني يوم مايختلف هواي عن اليوم القبله.يمكن اسوء بشوي
بالليل بعد مانامت نغم اخذت الموبايل وكنكت بي
في بيت العم سالم) الساعه ١٢مساء
صادق بغرفته وماسك موبايله
شاف حساب رنا نشط ..دز  رساله
صادق:هلا لازم اشترالج عمي موبايل
صفنت شوي من قريب رسالته
رنا:لاا..هذا موبايل نغم
صادق:خوش
كتب (احبج يروحي
رجع مسح الكتابه
رجع كتب (شوكت اجي اخذج
رجع مسسح الكتابه ....
جنت اشوفه يكتب ويرجع يتوقف.. استغربت شوي
اخر شي كتب
صادق:تصبحين على خير وديري بالج على نفسج
قريت رسالته وضجت كلشش.. تمنيت يخابرني ويحجي وياي 💔
ثاني يوم.. داومت ورجعت للبيت
جانو كلهم نايمين..طبيت للغرفه بدلت وشغلت السبلت لان حاره كلش
ردت أسبح بس ماعندي ملابس بدل.. وهيفاء نايمه هي وزوجها ..
ثولتها الى الليل...وره العشه رحت عليها اخذت هدوم منها
وفتت سبحت فوك
واني اسبح دمعت عيني لااراديا.. شعور حزين كلش صابني 💔
في نفس التوقيت)
صادق بالسيارة مقابيل بيت العم إبراهيم يباوع للبيت 💔
طلعت من الحمام ورحت للغرفه مشطت شعري وكعدت بمكاني
في بيت العم سالم)الساعه ١٠ مساء
سراب شايله مصطفى وراحت فرشتله فراش لان غفى وهي شايلته..نومته
وصعدت فوك... سمعت صوت من غرفتهم
تقربت كلش من الباب
نور:... ماعرف......اي اي بابا يصلي ويقرأ قرآن اهاا هنا المشكله..........مع السلامه
سدته ورجعت دكت على رقم ثاني
نور:هلا.....اكلج هاي تكول صعب جدا مدام الشخص ملتزم ويصلي ويقرأ قرآن......اي تكول يصير تأثيره خفيف بس ماينجح.... ماتشوفين لي هس الشغله واكفه ماكملت......ماشي ماشي هلا
في بيت العم إبراهيم)
تمددت بفراشي ونمت
حلمت حلم كلش اذاني..مثل كأنما صادق رجع لولاء أو مره ثانيه بحياته هيج شي...كعدت بنص الليل ميته قهر وأبجييي
احس كلبي يريد يطك .جنت اشهك وأبجي مثل الجاهل.احس روحي فرفحت حتى نفسي ضاك .
اخذت الموبايل من يم نغم وفتحت حسابي ودكيت علي
طلع يرن تاخر شوي علما رد
صادق:الو
جان يحجي واثر النوم بصوته
بقيت ابجي ماحجيت كلشي
صادق: شبيج يرووووحي.....يتبببببع