#ليته يعلم(أحببته منذ الصغر)

جزء من بارت ٥٦

جزء من بارت ٥٦
اعتذر عالتاخير بس انسمح البارت ورجعت كتبته من جديد
ليته يعلم ( أحببته منذ الصغر)

عدنان:هلا صادق خما نايم.....اكلك تعال هس ......مادري شبيها رنا.....اصلا لي هس مانعرف شبيها بس تبچي
جنت الوب وابجي....ماطول صادق هواي واجه
عدنان:فوت صادق هنا فوت
جان لابس تراكسود ومبين هس كاعد من النوم
من شفته.. ماعرف شون اوصفلكم شعوري
لمن الشخص يكون ضعيف جدا وخايف ومنهار..ويشوف الامان والشخص اللي جان سانده بكل وگعاته💔
بجيت بزايد لمن شفته
اجه عليه كبل
صادق:شبيج رنااا
جنت بس ابجي ماكدرت ارد
صادق:بس فهموني هي جان بيها شي قبل لانامت
فهميه:لا والله كلشي ماجان بيها
هيفاء:اني جنت ملاحظتها اخر فتره تضل مالها خلك ومرات أحسها مثل الباجيه
عدنان:والله مانعرف
صادق:بلا زحمه عليكم خلوني بوحدي وياها
طلعو وسدو الباب
صادق : بس فهميني خما احد سوالج شيي؟؟؟؟
هزيت راسي لاااا
مسك وجهي بادينه وكال
صادق: ركزي وياي..تحسين اكو شي بجسمج يوجعج ؟؟؟
رنا:لاا
صادق:يعني بس نفسيا تعبانه ؟؟؟؟
رنا:اني اخر كم يوم ماجنت زينه ابد..حتى صلاة ماكدر اصلي عفتها
اشرت على كلبي وكلت
رنا:احس هنا مثل الحجره بصدري خانگتني كلشش
خليت راسي على صدره وبجيت
حضني قوي
صادق:هششش لاتبجين يرووحييي
زين ليش ماكلتي وحجيتي..لمن كل هذا صاير وياج
رنا.......
صادق:كافي لخاطري لاتبجين ترا مردتي گلبي مرد
طب عمو ابراهيم
ابراهيم:اكلك صادق رقي عليها احسن
صادق:هس هس ارقي عليها
بده يقرأ عليه..ضجت كلش
رنا:كاافي ماريد
صادق:شنوو ماتريديين
رنا:ماريد تقرأ
ابراهيم:بنتيي هذا كلام الله ليش ماتريدين
أستغرب كلش عمي.. وصادق جان متفاجئ ماحجه شي بس أستمر بالقرايا
رنا:كاااافي شبيييك
توقف عن القراءة
صادق:ها هيه ماقره
كام صادق وطلع شوي بره جانو يحجون بيناتهم
اجه صادق عليه وكعد يمي
صادق: تريدين تنامين تمددي
تمددت بفراشي
واجت عمه فهميه وعدنان
فهميه:هااا شون صارت هس
عدنان:ليش ماتاخذها للطبيب
صادق:لالا موطبيب
عدنان: لعد شنو
صادق:......روحو نامو انتو.اني ابقى يمها
حست شوي شوي هديت
بقو شوي وراحو
صادق بقى يمسح على شعري
اعتقد جان يقرأ ايات بگلبه
غفيت...بعدين حسيت بي تمدد يمي
اخذتني نومه..بعدين جفلت وكعدت
باوعت لكيته يمي..شوي اطمانيت
صادق:ها شبيج
رنا:جفلانه
صادق:من شنو
رنا:.....خايفه يبقى وضعي هيج...اني ليش صار هيج وياي
صادق: لاتخافين ابد واني موجود....اني راح اعرف علتجج شنوو..نامي نامي
رجعت نمت وكعدت الصبح على صوت عمي وعمتي
فهميه:هاا نامت بالليل
صادق:اي نامت
ابراهيم:خوشش..تبع شغلتها تبعها.ماعجبتني ابد من قريت عليها قرآن
صادق:سهله سهله..اكيد اتبعها
وخرت الغطه وفتحت عيوني
فهميه:هاا شونج اليوم
رنا:زينه
صادق:اذا موشبعانه نوم ارجعي نامي
رنا:مارحت للدوام
صادق:عوفي الدوام هس...اذا تردين ارجعي نامي
رنا:اي اريد انام
فهيمه:نامي بنتي نامي
رجعت نمت وهما طلعو.
كعدت بساعه ١١على صوت الباب انفتح
صادق:ها يروحي كعدتي
رنا:اي
صادق:شونج هس
رنا: أحسن
باسني من راسي
صادق:كومي اكلي لكمه
كمت غسلت ورحت المطبخ
كلهم يسألوني شونج وشون وضعج
هيفاء حضرتلي ريوك..اكلت شوي ورجعت للهول.
صادق جان بالربعه
اذن ضهر واني ولاهتميت
بعد شوي اجه صادق
صادق:ماتكومين تصلين وياي
صفنت
رنا:ماشي
رحت تمسحت وطبيت اني وياه للغرفة
وكفنا تانصلي
بديت بصلاتي..كمت اتثاوب هواي
وصلت الركعة الثانية وعفتها
صادق انتبه عليه..بس استمر بصلاته
خلص واندار عليه
صادق:ليش ماكملتي
رنا:ماكدرت
صادق: صدك تحجين
دمعت عيوني
صادق:بس لاتبجين لخاطر الله
حبست دموعي بالكوة
طبت عمه فهميه شايله صينيه غده بيها كبه
فهميه:يلا تغدو
صادق: تعيشين
فهيمه: بالعافيه
كعدت اني وياه اكلنا شويه وكمنا
صادق راح للربعه واني جنت بالمبطخ ويه البنات
اجه قيصر
قيصر:رنا صادق يصيحج للربعه
رحت.جانو كاعدين هو وعمي وعدنان
بدو يسألونني شوكت صار هيج وياج ومعرف شنو .. عمي كام يقرأ عليه قران
ماستجابيت ابدد
عفتهم وطلعت
بقه اليوم كله صادق ابيت عمي ماعافني ابد
العصر جنه اني وياه بالحديقة
دكت جده علي
صادق:هلا يوم.....ابيت عمي..... لامارجع.....رنا شوي متخربطه.....لامابيها شي....هلاا
ماحجه التفاصيل
بالليل تاخر الوكت صارت الساعه ١١ونص
صادق:اكلج اني أروح للبيت اسبح وابدل واجي
رنا:ماشي لاتتاخر
صادق:صاااار
راح صادق لبيتهم .. الساعه ١٢ وربع الكل نايمين
نور وحدها في غرفه البنات
دكت على رقم
نور:هااا خما كعدتج......بعد بعد...... اليوم جده خابرت بابا يكول رنا متخربطه......اي هو هناك.....اهااا.... ماشي هلا
سمعت صوت
كبل خلت الموبايل بصدرها وسوت نفسها نايمه
انفتح الباب .وشغل الضوه
صادق:نورر
نور:ها بابا
صادق: مع منو جنتي تحجين
نور:هاا ماحجي مع احد
صادق:شوو كومي
كامت على حيلها
دفع المخاد برجله وفتش بالفراش مالگه شي
نور:شبيك بابا ماجنت احجي مع احد والله..اني حتى موبايل ماعندي
صادق:اني سمعت صوتج تحجين
نور:ترا اني مرات من انام اسولف.حتى سراب دايما تكلي تضلين تحجين انتي وناييمه
صفن شوي
صادق: خير ان شاء الله ارجعي نامي
طلع من الغرفه ونزل جوة..طب لغرفه جده
الجده جانت نايمه
صادق:يوووم يوووم
جده:هاا
صادق: اكلج موبايلج وينه
جده:جوة المخده..
صادق:شوبله شوفي موجود
رفعت المخده والموبايل ماكو......يتتتتببع