#ليته يعلم(أحببته منذ الصغر)

تكمله بارت ٧٢

تكمله بارت ٧٢
ليته يعلم (أحببته منذ الصغر)
رنا:ليشش كلتي لصادق أنو فراس جان فوك ويه مها بالغرفه هااا ليشش
نور: اي اكله طبعاً اكله
من كالت هيج سبحان الله كشفت نفسها.يمكن لو ناكره جان صدكتها
تخبلت من حجت هيج
دفعتها كل قوتي اله وكعت بالكاع  صرت فوكاها  وتضرب بيها
جده:شبييج وخررري عنهاا
رنا:حقيييره وكلببببه
نور:وخرررري عنيييي
اجت جده تاتسحبني منها
ماخليتها تسحبني...نهيتها نهيي مسكتها من شعرها گطعته تگطع خليييت قهرها وقهر صادق بيهاااا
رنا:ابووو ابوووج مايفكج منيي اليييوم
اجت صابرين:شبييهن
جده:هاي رنا تسودنت ...وووولج زولي عنهاااا
رنا:تفوو عليييج نذذذله....هييي طلعت اللي كايلتله
صابرين:اياااباا ششككد سوسه ومفتنه انتي
رنا:يولللي ماكفاج اخوي وسحرج وسوالفج ملاحگتيينيي عليشش.
تاتضربني مسكت ايدها ولويتها
نور:ااااااه بااااباااااا
رنا:لاتصيحين بأحددددد ايدج اكسرهااا
نور:لان فضحت سوالفج مووو
رنا:تفضحينين سوالف منووو هووو انتي اكبر مفضوحه
جريتها بكل ماعندي من قوي من شعرها
نور:اااااااااااااخ
رنا:تستاهليييين
راحت جده تصيح الولد
اجه فراس 
فراس:شبيجنننن
رنا:هيي اللي كالت لصادق هييي..
فراس:اياااماتستحييييين ام علوووم
نزل صادق عالصوت
نور:بابااا تعااال عليها لان عرفت اني كتلك عالسالفه هجمت عليه وضربتني
اجه وشاف حالها مبينه شبعانه جر وضرب
بس ماكال اي شي ولاحاول يحجزني عنها.
من اجه هو..فراس طلع
جده:اشوووف واكف انت..ماتشوفها شكاعد تسوي
وخرت عنها بعد ما شبعتها ضرب....من كمت جان تكوم تاتضربني...
دفعتها مره ثانيه
رنا:يانووور قسماً عضمآ إذا اخليج براسي اصير ازود منجج واندمججج
نور:انچبيييي
رنا:تنچبيين انتييي..اموتج بعد اذا ضليتي وراي لو تلاحگيني امووتج
من تااطلع من الغرفه..
صادق:ها بردتي كلبج
مارديت علي
نور: لان علمت عليهم شوف شسوت بيه
رنا:اي لانج حقييره تدوريلي عالزله
هو بقى ساكت شوي
جده:كافي عاد كول لمرتك تحترم نفسها شنو تطب للغرفه وتهجم على نور وتخلص عليها...بس على مود كالتلك على صعدت فراس لغرفتكم...يعني لو صاير هالشي ويه نور ماجان كالتلك رنا
صادق: مستهتره يعني شسويلها..هو الكل مستهترين ..منو بقى يسمع كلام
رنا:ماوصلت استهتار بنتك
صادق:اي ماضل شي تصلين وتعبرينها هم
كال هيج ويهز براسه باستهزاء وراح
يابا من كالي هيج شصار بيه
احس شي يغلي بداخلي موتني يعني فوك كل اللي سواه بيه البارحه هم يحجي هيج وياي
طلعت من الغرفه بس ماعرف وين اروح..غرفتي صرت اكرها من وراه..
نور اسمعها تحجي عليه
صابرين وجهالها كاعدين بالصاله..طلعت للطارمه ارتچيت عالدنگه ورجليه بالحديقه
بهالوكت الساعه تقريبا ٢
خليت راسي بين رجليه.بقيت ساكته وافكر
لحد ما اجه عثمان ابن صابرين يمي
عثمان:شبيج
رفعت راسي باوعت علي
رنا:مابيه شي
عثمان:ليش تعاركتي ويه نور
رنا:.........
عثمان: خالو يحبج
رنا:.....
اجت صابرين كعدت يمي
صابرين:بردتي كلبي ماتلامين بيها
رنا:كلبي برد بضربها بس بعده نار على اخوج
صابرين:......
رنا:دايما يكلي كلام يجرحني كلش..وافعاله تجرح أكثر
صابرين:اني مادافعلج عنه بس ترا هو هم بزع من بنته حيل موشويه بزع شيسويلها قابل
رنا:موعلى بنته وبس لا... أقصد عليه..يحب يعاقبني عقوبات تخليني اكره نفسي قبل لااكرها....هو يعرف زين شكد احبه وماكدر بدونه بس يتعمد يدمرني
صابرين:بس يارنا ترا هو ماسوى شي لحاله لوماصارت هاي السالفة... يعني بالعقل بالعقل كلنا نعرف زين راح يضوج ويتعصب ويسوي مشكله صح لولا
رنا:المشكله صارت وعبرت ايام وهو بقى صاد عني حتى الموبايل اخذه مني ...نوب فجأة.......
صابرين: فجأة شنو
نزلت دموعي
رنا:........ حتى استحي اكلج ماترهم انتي اخته
صابرين:ليش تستحين احجي شسوالج
رنا:........
صابرين:يولي خوفتيني شسوالج
رنا:نام وياي بحقاره 💔
صابرين:...... صادق ؟؟
رنا:خلاني أكرهه
صابرين:اووووف شجاه شجاااااه بس سؤال ليش سوى هيج وياج
حجيتلها لمن كال شكد شفتي حنيه اشوفج قساوة وكتله مايهمني
صابرين: يعني عود لان تحديتي وكتيله مايهمني هيج سوى مو
رنا:اي.......هو من يتعصب عليه هواي يصير وحش ماتبقى لاحنيه ولاشي....اذكر مره قبل مانخطبنا لمن اجو ناس يخطبوني هو حيل جان متعصب بداخله...المهم لمن عرفت ورحت للاستقبال احجي وياه...بس شوي ضوجته بالحجي.. لوه   ايدي قوي اله كمت ابجي تاعافني
من يفقد مايندل دربه وياي.
صابرين:شوفي هو كل رجال اله ماعنده طخات وأعصاب ماكو حياة ورديه ولاكلشي رومانسيه
رنا:نوب يكلي انتي راح تعبرين نور بالاستهتار  ..
بجيت هواي 💔
صابرين:اوووف اوووف كافي تبجين عفيه
رنا: بس يصير خير يصير خير ...
طلع فراس من الاستقبال وشافنا كاعدين اجه يمنا
وكام يحجي على نور
فراس:لو ماشفتج تضربين بيها اله اخلص عليها اني هم...بس ماريد يجي صادق ويدخل ونتعارك بيناتنا
صابرين:نور بلوة من الله على هذا البيت
كمت من مكاني ورحت  فتت جوة
كعدت بالصالة .بعدين رحت تااصعد فوك تذكرت أنو هو فوك ماصعدت ضليت جوا..
العصر كعد علاوي وسرى
اجت سرى يمي
سرى: مانمت ابد احس عندي نزول
رنا:ابقي متمدده لاتكومين
جانت مبينه حيل تعبانه حتى وجها اصفر
كلنالها تبقى بغرفتها ...
رحت للمطبخ اسوي جاي لان راسي حيل يوجعني
اجه علاوي عليه
علاوي:وين صادق
صابرين: بغرفته
علاوي:رنا بس كليليه علاوي يريد السويج
رنا:..... انت كله
دقيقه ونزل من فوك
علاوي:هيأن نزل
اني ماطلعت من المطبخ صبيتلي جاي
شفته من شباك المطبخ طلع هو وعلاوي
رجعت صعدت فوك..باوعت للغرفه هوسه
اريد اعزلها بس مالي واهس ابد
عفتها ونزلت جوة.سمعت صابرين تحجي ويه جده
صابرين:مازين ابنج راد البنيه وفكر بالزواج..من وراها راحت علمت ولاصتها علي خطيه
جده كامت تحجي عليها
جده:شكد راسج متيين انتييي كل الچتل والضرب مايفيد بيييج..حاطه نفسسسج بكل سالفه ادبسززز..ماتلام بيج رنا
نور:على يااساس ماتلام بيييه گطييعه ..اصلا بعد بس تمد ايدها عليه اله اشوفها شي ماشافته ابد
صابرين:ليش شناويه تشوفيها هاااا عساس مقصره انتيي
نور:انتي لاتدخلييييين
صابرين:هم صحيح اني عليش اتدخل بيج..انتي بس الله يگدرلج
المهم بقى حجي بيناتهم
لحد المغرب اجه صادق ووياه عدنان وعمي ابراهيم
طبو جوة بالاستقبال ويه الولد
صابرين:خلي نروح نسوي عشه
راحت صابرين طلعت لحم ودجاج
جنت وياها بالمطبخ..هي جانت تطبخ اني واكفه بصفحه مامديت ايدي
وره شوي هو اجه
صادق:هاا شمسويات
صابرين:شويت الدجاج وهس احمس اللحم واسوي التمن
صادق:ماشي سون جاي ...
طلع.واني خليت القوري عالنار
حسيت بوجع قوي حيل
رحت كعدت بالصاله وخليت ايدي على بطني وصفاحي
احس اكو شي ينزل مني
طبيت للحمام هم اكو دم ووجع حيل قوي
هم تذكرت الصار وكلبي وجعني كلش بجيت شوي وطلعت من الحمام
رحت للمطبخ لكيته بالمطبخ وصابرين كاعد تصب الجاي
اخذ الجاي منها وباوع عليه مخوزر فوكاها
صادق:مدي ايدج عاونيها لا تضلين واكفه
رنا...........
طلع من المطبخ
صابرين:مالج علاقه اني اكمل
رنا:موفطنانه اصلا
كملت العشه صابرين وصبته الهم
بعد العشه جانو كاعدين بالطارمه عالكراسي هو وعدنان وعمي ابراهيم
اني جنت أغسل المواعين بالكوة..وجع جسدي ونفسي
اجت صابرين
صابرين:ها اعاونج
رنا:لا هس اني اكملهن
اسمع صوته يضحك ..باوعت علي
متونس فول والضحكه مدري وين واصله وكاشخ هم
صابرين:يارب دوم ضحكتهم ان شاء الله
رنا:شكد مكروه
صابرين:عشتوو علي... اذا صادق مكروه
رنا:.........
احس لاعبه نفسي منه..بفعلته وياي دمر نفسيتي كلش..اكول بعد ماكو حنيه بالدنيا💔
طلعت ورحت لغرفه جده باوعت نور ماموجوده
تمددت شوي لان اكو وجع بصفاحي
سمعت صوت ناس اجو
كمت تعدلت...طبن نسوان.. عرفتهن خوات محسن
سملت عليهن وطبن كعدن ويه جده
اجت صابرين هم كعدت وياهن
عرفت جايين حتى يرجعون صابرين
رحت للمطبخ حتى اجيب مي
سمعت صوت هوسه مال زلم بالاستقبال يمكن جايين اخوت محسن هم .عمي ابراهيم وعدنان موجودين
سويت جاي.وجبت كرسي وخليته بالمطبخ وكعدت
حضرت الاستكانات
انتظر يصير الجاي
شفت صادق وعمي ابراهيم
طلعو بصفحه بالحديقة يحجون سويه
جان معصب شوي..يحجي ويحرك بأديه
مبين ضايج لان محسن مااجه بنفسه وشي اكيد صاير بينهم نقاش حاد ..
شفت نور صعدت فوك
عرفت صعدت للغرفه..بس كلت شسوي خلي تسوي على شنو اني أهتم
صار الجاي وصبيته.اجه علاوي اخذه
بقيت بمكاني مارحت لغير مكان شوي مالي خلك احد
اجت هي كعدت مقابيلي باالصاله
حولت مكان الكرسي بغير اتجاه حتى ماشوفها
جان تجي عليه
نور:شكو شعره وكعت مني اله اندمج عليها
رنا:لازم تريدين كتله ثانيه..انكلعي عن وجهي انكلعي
نور:كلعه تكلعج ...بس اوووفيشش مشتفيه بيج..عالاقل مايباوع بوجهج هس
رنا:حافضي عالشعرات البقن عندج أحسنلج لااكوم اگطعهن
نور: انتي مره كومي
اجت عليه تاتضربني
احسها هس حست على نفسها وعالكتله مالتها..نوب شافت ابوها ماهتم الها ماتت قهر
كمت على حيلي
رنا:نور روحي عني ماريد اتعارك وياج عدنا ناس هس
نور:يعني قصدج من يروحون الناس تتعاركين عادي موو
رنا:يجوز
اجه حسن تايشرب مي بقى واكف
نور:اني اعرف شون اغثج....وغرفتج شوكت ماريد اطب عليها واسوي بكيفي اشحدج تحجين كلمه
حيل عصبتني بحجيها احسها دتستفزني ..واني شوني عاادد
رنا: روحي شسوين بيها سوي عادي مخوله انتي
نور:اي مو برضاتج اصلا غصبا عنج
رنا:وتااااالي ويااااج شتريييديين منييي
نور:ارييد تنكعليين من حياتنااا
شاهد الله تعدت عليه حيل ووازتني اتخوزك واتصايح وياها
اجت سراب وصابرين
صابرين:شبيجن حسجن طالع نسوان كاعدات وزلم عدنا
رنا:اجت تتحركش بيه شسويلها
صابرين:نور ترا زوديتها حيل روحي من هين لااصيح ابوج عاد
نور: روحي صيحي
حسن كبل رايح على ابوه وصاحه
اجه واصلا هو من غير شي معصب من محسن واهله
جان يباوع بمعنى شاكو
اني انداريت ولاباوعت علي
صابرين: ماكو شي
صادق:لا احجن..هو اني اريد اللوصها هس
صابرين:ياخوي ماكو كلشي هذا حسن كبل راح يصيحك
حسن:بلي نور جانت معاركه رنا
صادق:خلي يروحون الناس واني اعرف شسوي وياجن
رنا:......
كامت تبجي
نور:لعد شعري كله متگطع من وراها ..حتى اذني تون عليه
صادق:اثنينجن ادبسزيات شسويلجنننن
مارديت ولاكلمه ولاحجيت ابد
طلع وكلهم طلعو من المطبخ
بقيت وحدي ..
نوب كل شوي ناس رايحه ناس جايه ..واللي فهمته انو صابرين ماراح ترجع اله يجي هو بنفسه يعتذر
رجعت كعدت عالكرسي... وتفكير اكلني اكل...اصلا ماعرف بشنو افكر
اجه علاوي
علاوي:هلا بيج مجال تخدرين القوري نوب
رنا:اي هس
خليت القوري واجت سرى
وكفت يم علاوي
علاوي:اليوم ابتلت رنا
سرى: والله جان عاونتها بس حتى نفسي ديضيك عليه
رنا:عادي يمعودين قابل شمسويه....اهم شي البال صافي..الشغل ماياثر ابد
علاوي: ماعرف شكلج...صادق يتخبل لي عندج بس هاي نور راس حيه والله
سرى:وهو ليش يسمع الها
علاوي:مويسمع الها بس سالفه فراس هم موراهمه خلي نكون صريحين... موحلوة ابد
رنا:خطيه ماجان قاصد شي موزين..هو بس راد يحجي ويه البنت
علاوي:اليوم حجه ويه عمي ابراهيم حتى يروح يخطبله كاله باجر اروح
رنا:اهاا صدك
علاوي:اي والله
سرى:شفت معناها لايدور سوالف موزينه ولاشي
علاوي:.....
باوع على بطن سرى
علاوي:وانتي شوكت تطلعين من هنا وارتاح شو صارلج قرن خاتله
سرى:هههه
رنا:خليها يمعود على شنو تطلع عالكال والكلت والمشاكل
علاوي:هههههه هم صحيح
سرى: اتوقع من اجيب..علكانه...لو نور مسويه فاينه جديده
رنا:ههههه والله ياالله
جنه نضحك وطب صادق
بعده مخوزر عليه.
صادق:هااا وين الجاي صاااار ساااعه
رنا:.......
علاوي:هس يصير
اني لي هس ماحاجيت وياه ولااباوع علي..واعرف زين هالشي قاهره ومضوجه ويريدني بس احجي وارد علي
علاوي وسرى طلعو
وهو بقى واكف
حضرت الاستكانات ونصيت النار
صادق:انطيني گلاص
اخذت كلاص وانطيته اله
رجعت كعدت عالكرسي
شرب مي
صادق:يلاا صبي بسرعه
كمت صبيت مع العلم بعده ماصاير يعوزه شوي
اخذ الصينه...وره نص ساعه رجع
صادق:سوي جاي بي خييير...جايج ماينشرب
رنا:........
صادق:ماتردين ساكته.....بس عالمشاكل لسااانج مايسكت ابدددد....بس بعد خل اسمع صوت لو اشوف عركه
حمسني حيل حيل
رنا:وهس شتريد
صادق:اريد اربيييج
رنا:ربي بنتك اول شي اللي مومربيه اصلا...اني ماحتاج تربيه ....مربيه احسن من الكل
من كلت هيج مسك الكلاص وضربني بي
(الكلاص نايلون ماينكسر)
صادق:اربيج انتي اول شي بعدين اربيها
عفته وطلعت مارديت علي
رحت للحمام بقيت ابجي..اووف ياربي شسوي وياه ..ماريد ارد علي ومن ارد..يتخوزك عليه
طلعت وكعدت عالدرج انتظر الناس تروح
جان صوت خوات محسن وصابرين عالي
صابرين:اذا مايجي بنفسه ابدمارجع وشرط يگطع علاقته بذيچ
اخت محسن:هو كال روحو رجعوها
جده: جان اجه بنفسه
اخته:مايقبل يجي يكول اخوتها هجمو عليه وضربوني.  اني ماروح عليهم
صابرين:ماضربوه لحالهم.. يعرف زين شسوى وهجمو علي
أخته:احنه جينا وسوينا العلينه..عاد تنجازين انتي وياه
اجت سراب صاحت صابرين
طلعت صابرين  وراحت يم باب الصاله
جانت تحجي ويه صادق
صادق:دييير باالج تكولين ارجع
صابرين:لا كتلهن اله يجي بنفسه
صادق:ايي .. يحسب بسوالف ترجعين ..قشمرر
كمت ورحت للغرفه وياهن
بعد ماالكل راح...وصار البيت هدوء
كلمن راح لمكانه..
احس اريد اسوي شي يبرد كلبي بي..
صابرين فرشت الها ولجالها بغرفه جدة..نور وسراب فوك بغرفتهن
كمت فرشت فراش اللي بغرفه جدة وياهم
جده:ها شو هنا تنامين
رنا:اي اريد انام هنا
صابرين: صادق يعرف ؟؟؟
رنا:يعرف اولا شعليه بي وشعلي بيه... اني اريد أنام هنا
احس نفسي قفلت بعد لو تعلك لوتلاص ابقى هنا
جده:شون تجين تنامين هنا وهو ما يدري
ماهتميت لحجيهن طفيت الضوه وتمددت بفراشي
تاخر الوكت شوي...هو جان فوك..
اشتغل الضوه باوعت..هو
صادق:هاي شعندج هنا نايمه
مارديت علي
صادق:كومي كدامي اصعدي فوك
تعدلت
رنا:ماصعد فوك.. أنام هنا
صادق:لازم بكيفج
رنا:اي بكيفي
صادق: يلا يلا كدامي
رنا:كتلك ماصعد
ضري الباب قوي
جده:على كيفك هس الجهال يكعدون... رنا اچفي الشر وتحولي لغرفتج
رنا:ماريد اچفي الشر...
صادق:شنووو تمشين كلمتج علييه
رنا:......
صادق:اخر مره اكلج
مارديت ولاهتميت
جرني من ايدي وطلعني بره الغرفه
صادق:ماتجين بالعين واغاتي ابد 
رنا:ماااريد اناااام ويااك بنفس الغرفه.. نسييت نفسك شسويت .
صادق: حتى تحسبين حساب من تحجيين كلام جبير وياي
رنا:شكلت على ساس شكلت...من وراك لي هس دم ينزل مني
صادق:.......ليش دم لي هس
حسيته خااف
رنا:اي لي هسس
صادق: ميخالف يروحي نتفاهم فوك امشي وياي
رنا:ابد ماروح وياك
صادق:..هاي اني هنا وانتي هنا اشو شلون ماتصعدين
رنا:......
صادق:رنااااا.....لاتكفرييينيي عاااد امشييي نااامي بغرفتتتج
رنا:الغرفه اللي ماالي حق اقفلها وكت مااريد وانهان واتعنف بيها طززززز بيهاااا ومووبس انت تعاقب.... اني هم اريد اعاقب وفوك مااصعد ولااطب الغرفه .....يتببببع