#ليته يعلم(أحببته منذ الصغر)

البارت ٥٠(الجزء الثاني)

رنا: استغفر الله ياربييي
صابرين:اچفي الشر وروحي
رنا:ماشي ماشي اروووح اروووح
رحت صعدت بالسيارة.جان مخوزر كلشش ونور وجده بالسيارة
شغل السياره وطلع
صادق:موبايييلج ووين اخااابرج ماتجاووووبين
رنا:ماسمعته
صادق:طبعااا ملتهياااات باالمشششاكل
رنا: لاتعيييط افهم السالفة اول شييي
صادق:فهميييينيي انتييي
رنا:بنتك تجاووزت كلشش وضربتها..
صادق:تجاااوزت بالكلام تردين بالكلام لو تبلغيني مووو تضربيينهااا يم الناس عييييييب
نور:والله ماكتلها شي جنا كاعدين نتسولف اني ودلال وفاطمة... دلال سألتها شونج ويه صادق.اني كلت تراهم زينن هي كبل كالت وانتي عليش تغارين وماعرف شنو ونوب عيرتني بسالفه اخوها
جانت تحجي وتبجي
انداريت عليها وكلت
رنا:چذااااااابه سووود الله وجهج
صادق:رناااااا
رنا:شنوووو رناااا
صادق:كااااافييج
جده:عييب تضربينها كدام البنات وانتن طالعات تتونسن
رنا:تستاااااهل وقليل اصلا
صادق: خررررب بييييج شي انتييي..شووو ماتحترميين
رنا:لاتعيييط عليه
صادق:اعييييط ونصصصص.انتن مومال طلعاااات بعدد ماكوووو طللعه
جده:ارتاحن هسس
جده:على شنو ارتاح..انتووو حتىى ماسمعتو السالفة من يميي صدكتوها كبل
جده: دلال كالت رنا تعدت عليها
باوع عليه صادق بنضرات حاده
رنا:وهييي دلال شووونها عساس تحالفن سووويه ترررا كلشي اعرف
صادق: يصيررررر خيررر اني ألجن
كام يحجي بانفعال ومتعصب.. بالبدايه مارديت علي
صادق:ماتستتتتحن والله بعدد طلعه ماكوووو اله تجرن عدل ادبسززززياات
رنا:لااااتجمممع بالحجييي ..واصلا بعد انيي ماطلع بمكان وهيي موجوده
صادق:لاتراددديييين
بقيت كل الطريق محموسه كلششش بمدي انفجر..لان فعلاً سوت بلبله بينا
وصلنا البيت نزلت كبل وطبيت جوة للغرفه
طبن ورايه جان فراس بالصلاه
فراس:هاا شو رجعتن من وكت
نور:من وره رنا ضربتني هناك ورجعنا
فراس:صدك تحجين
نور:اي والله
فراس: ماشاءالله ماشاءالله هاي نتيجة الدلال الزايد
متت قهر من حجه هيج ردت اطلع ارد علي بس كلت هس تكبر اكثر وتصير براسيي هم
بدلت ملابسي وغلست وجهي
بقيت احوس وضايجه كلش من الصار.يعني رحت متونسه ورجعت بهالطريقه
بعد ساعه هيج اجو البقيه
طبت صابرين
صابرين:هاا ولج شصار
رنا:شصاار يعنيييي بنت اخوج كلبه وحقيره سوت نفسها ماحجت شييي وهييي داست ابطني دووس
صابرين:نووور عگربه اني اعرفها زين
رنا:نووووب نكلبت عليه الشغله .حتى اخوج طبك وياها
صابرين:اصلا ديري بالج منها هاي تريد تخرب وتسوي مشاكل
رنا:يارررربييي يعنيي شنووو اله اكوو شخص ادير باليي منه
صابرين:والله كاعد اكلج اني.اخذي حذرج منها
راحت صابرين واني ضليت بفراش بس ميته قهر وحمس من الموقف الصار بيني وبين صادق بسببها
ثاني يوم جنت بالمبطخ
سرى: ماعرف بضبظ شصار البارحه وياكم من رجعت جنت تعبانه كبل صعدت لغرفتي
حجيتلها السالفة كامل
سرى:شوفي من الأخير هاي نور ماتجرعج لاتحاولين وياها
رنا:منو كال اريدها تجرعني... بس ع الاقل لاتحوم حواليا
سرى:مايفيد هذا طبع مايفيد
اني جنت بالصالة كاعده ...كعد صادق
جان كبل نور تروح علي
نور:ها بابا اسويلك ريوك
صادق:اي سويلي
راحت عالسريع تشتغل وصارت حبابه فول
حضرت الريوك
نور:وين تتريك هنا لو بالاستقبال
صادق:جيبي هنا
كعد يتريك بالصالة
وره شوي اجت
نور:اصبلك جاي نوب
صادق:لا ها هيه
اخذت الصينيه وراحت
اندار عليه وكال
صادق:دتخلين كريم على خشمج
رنا:ايي بس البارحه نسيت ماخليت
صادق: لاتنسين استخدمي
رنا:ايي
بعد شوي اجت نور
نور:بابا اليوم جمعه ونريد نسوي اكل زين اني وسرى شنو تحب نسوي
صادق:اني معزوم عاالغده بكيفجن سون
نور:ماشي
تفاجئت كلشش من أسلوبها.. سبحان الله تذكرت ولاء لمن رجعت اخر مره هيج جانت تسوي نفس الحركات بضبظ
بعد ساعتين هو تحضر وطلع واني جنت بالمطبخ ويه سرى
سرى:شفتي التغيرات
رنا:اي شفت شفت
سرى:هههه والله يالله
رنا:مالي دخل بيها بعد.بس اذا تحركشت بيه لا والله ماسكتلها
تغدينا وعبر الوكت رحت صعدت فوك اني ومها
مها:ها الأمور
رنا: ماشي الحال
مها: دوامج شونه
رنا:زين زين
مها:شو احسج ضايجه
رنا:شوي
مها:خما صارت مشكله بينج وبين صادق
رنا:مومشكله جبيره وهاي لا.بلبله شوي
مها:يبووو هاي راح تضل وراج ميفيد
رنا:اي والله يلاا شسوي
مها: لاحيل تنقهرين خلي تولي
رنا:ان شاء الله
ماطولت وياها نزلت جوة
لحيته راجع لان سمعت صوته بالاستقبال
بهذا اليوم ماتحاجينه اني وياه بس الصبح وكت سألني عالكريم
ثاني يوم اني وسرى شطفنا البيت ونضفت الغرفه الجوة وعلاوي جاب اصدقائه وحولو الغرفه مالتهم جوا ماخصلو تحويل وتعزيل اله تالي الليل وهم شطفت الغرفه الفوك حتى تبقى نضيفه.اني وصادق بقينا بنفس الوضعية .اله الليل تايالله راسلني
صادق:شدعوة هيج مطنگره
رنا:اني لوانت؟
صادق:انتي
رنا:مبين
صادق:تعالي اريد اشوفج واحجي وياج
رنا:انت تعال
صادق:وليش موانتي..اني بوحدي تعاي انتي
رنا:اني هم بوحدي
صادق:تعاي ولاتعاندين
رنا::هسس
سديت النت ورحت للاستقبال
جان الضوه طافي شغلته
صادق:خلي طافي ماريد ضوه
شغلت الضوه ورحت تااكعد يمه
صادق: قبل ماتكعدين خلي موبايلي عالشحن
خليت موبايله عالشحن وكعدت
صادق:اييي احجيلي اخبارج
رنا:زينه اخباري
صادق:اممم..بعدج ضايجه
رنا: لا
صادق:اي عفيه..ماحبج زعلانه وضايجه
حجينا شوي وسمعت صوت فراس عاد رجعت لمكاني
ثاني يوم رحت للدوام لمن رجعت
و طبيت للصاله
شفت جده وسرى كاعده عالقنفات تبجي وجنطه جبيره يمها
وسراب واكفه بصفحه
جده:روحتج مالها داعي تعوذي الشيطان
سرى:لا والله ابد ماضل هنااا هس ارووح
رنا:خير شاكوو
سراب:تعاركو
رنا:منو
سراب:هي وعلاوي
سرى:لا والله كله من وره الحقير فراس
جده:نصيي صووتج لاتزيدين الطين بله
رميت الجنطه بالغرفه ورجعت للصاله
بقت تحجي ومتعصبه اني مافهمت السالفة شنوو
فجأة طلع علاوي من الغرفه وعيونه بگصته
علاوي:ولااااااكللللمه ماسسسسمع
سرى:ماراح تسمسسسع شييي بعددد ولاتشوف وجهييي
من كالت هيج كبل كام يضرب بيها
جده:لالااااعلاووووي ابخت الله لاتضربهااا حامل شبيييك
رناااا:علاوووي  ميصيير تضربهاااا حاااامل
سرى:لوووتموووت مارجعلك بعدد اصلا خلي يضررب بلكي ينزل الطفل مااااريد بعددد
نوب علاوي بزايد تعصب وكام يضرب بيها دفرات
جده صاحت على سراب
جده:امشييي صيحيي ابوووج
كبل ماراحت سراب اجه صادق عالصوت
كبل دفع علاوي
صادق:لاتضربهاااااا حيوووووواااان
علاوي:لحدد يتدددخل
صادق:اتددددخل وانعل يووومك هممم شوووو انت مستهتررر..ماتخااااف الله انت ماسكها ضررررب وهي حامل عقلك ووووووووين
سرى:هسسس اخابر ابوووي يجيي ياخذنيي مابقى دقيقة هنا
علاوي:رووووحي ذااااك الطريق
نوب كامت على حليلهاا
سرى:والله هسس اطلللع
صادق:وووين تروحيين
سرى:ماااابقى هنااا
صادق:هسسس اني اوديييج
سرى:يلاا هسسس تودينيي
بقت تعيط اخر شي اخذها صادق لبيت أهلها
صار البيت سكته بس كلها مغثوثه ومقهوره
شاهد الله حيل انقهرت عالصار ويه سرى لان ماتستاهل وخوش ادميه
رحت على سراب
رنا:تعاي احجيلي شصار
سراب:اني جنت فوك سمعت صوت عياط نزلت جوة..يمكن فراس كايم يحجي اوهيج شي وهي راده علي..علاوي بالاصل هو وفراس مايتحاجون من سمع فراس يعيط على سرى تخبل وتعالكو بيناتهم وسرى بقت تحجي ماسكتت رجع برد كلبو بيهااا
رنا:ياااا خطيه..اوف
عرفت السالفة كلها من وره فراس
جده ضغطها ارتفع.وعلاوي بغرفته بس اكيد بداخله مليان غضب
عبر الوكت..جنت اني وجده بالحديقة ننتظر صادق يرجع
طبكت السياره وطب جوة
جده:هااا وليدي شصار
صادق:يعني شصار وديتها وخلاص ...والله العظيم بزعت من مشاكل هالبيت .راح اعمر بيت عالسريع بس في سبيل اخلص من هنا
جده كامت تبچي
جده:كلكم تفكرون بنفسكم ماتفكرون بيه ابد
صادق:يايمه ماتشوفين الوضع يوميه مشكله اريد ارتاااح ...
حسيت بي شكد تعبان انقهرت علي هم
خلص اليوم بالكأبه لان جنت مقهورة على سرى
صارت الساعه ١١ ونص
جنت بالمبطخ.. وصادق وعلاوي بالحديقة
اسمع صادق يحجي بعصبية وياه
صادق:لعددد الييوم ابوها يسمع حجيي  ويكول مانطيناكم حرمه تاتضربوها هي وحامل ..ماكدر ارد عليي ليشش هييج ليشششش
علاوي بس ساكت مارد ابد
عفتهم ورحت للغرفة..جنت اريد اروح احجي وياه بس شفته منفعل وأعصاب.خرب واهسي
نمت وكعدت رحت للدوام ورجعت.الوضع طبيعي وهدوء
عزلت البيت ونضفته كامل.بقيت اشتغل اله المغرب..عاد اجت صابرين ..يمكن جده مخابراتها وحاجيتلها عالصار
صابرين:ها رنا شونج
رنا: الحمد لله انتي شونج
صابرين: بخير..شنو هاي السالفة الصارت حتى سرى ماسلمت
رنا:اي والله خطيه
صابرين: وعلاوي شجااااه يمد ايدو عليهااا
رنا:كله من وره اخوج الخ فراس
صابرين:والله فراس ماخله حتى علاقات طيبه وياه معادي الكل ..وين صادق
رنا: ماموجود
صابرين: امي وين
رنا:جوة
صابرين:اني مخنوكه حييل امشي نطلع للحديقه
طلعنا للحديقه ..بقينا نسولف وندردش
صابرين:نور وينها
رنا:عازله روحها فوك..
صابرين: احسن من ماتنزل جوة وتسوي مشاكل
رنا:اني هم هيج اكول
دنحجي وطب صادق وفراس ..فراس راح للاستقبال وصادق اجه باتجاهنا
فراس لي هس مايسلم على صابرين ولاهي تسلم علي .. الزعل بعده موجود بينهم
صادق:هاا صابرين شونج
صابرين: شلوني يعني..حرررت  بمشاكل أهلي مامره جيت على خبر بي حضض..نوب سرى المگروده
صادق:ترهم ترهم مگضيه
صابرين:وانت كلها براسك ترجع بالاخير..عود روح راضي ورجع المره ومدري شنو
صادق:راح اهج ماضل شي
صابرين:ههه صدك اهج وياك
صادق:لازم مخبل اخذج وياي
صابرين:ليش ليش هيج عليه...لعد تاخذ منو
باوع عليه
صادق:اخذ رنا وبس
صابرين:اييه اييه هالگد ماخذه عقلك
صادق:اي والله كلشي بيه ماخذته
ذبت من حجه هيج.تهدونت
صابرين:لاتحجي هيج كدامي ترا اغار
صادق:ليش تغارين
صابرين:اغار عليك مو اخويه عادي
ضحكت عليها ... حجينا شوي وطبينا جوة
تعشينا وعبر اليوم طبيعي .بعد يومين رجعت من الدوام
اول ماطبيت لكيت صادق بوجهي ..جان ينتظرني
مسك ايدي واخذني وياه.. طب جوة وصعد فوك
فتح باب الغرفه باوعت .
انصدمت من جمال الغرفه ..
رنا:يمااااي هاي شوكت جبتو الغرفه
صادق:من الصبح اجت قبل شوي كملو شدها
حيل:تخبل والله ....ههه حييل حلوة وحبييتها
صادق:تستاهلين
رنا: موعساس تتأخر
صادق:لحيت عليهم....بعد ماكدر انتظر اكثر اريد استقر
من باجر اكمل احتياجاتهاا وانام بيها
رنا:اي زين.وملابسك هم
صادق:ملابسي كلهم  تغلسينهم وتكوينهم تعلكيهن هنا
رنا: تمام
صادق:صدك ملابسج هم خليهم هنا
رنا:لا
صادق:ليش
رنا: يعني اني اداوم واكعد من وكت خما اكعدك كلما اريد اداوم.مدام نومتي جوة خليهم جوة
صادق:بكيفج يروحي
جنت اباوع عليها وكلش فرحانه انو هاي الغرفه الي وراح تجمعني بالشخص اللي اعشگه .شعور يجنن
بقينا ساعه كاعدين بيها ونحجي
رنا:خلي ننزل تأخرنا
نزلنا سويه
جانت جده والبنات بالصاله
جده:هات هاي انتي هنا
رنا:اي جنت اشوف الغرفة
جده: ماشاءالله حيل حلوة تتهنون بيها ان شاء الله
رنا:ان شاء الله
من فرحتي لافكرت انام ولاشي
عبر اليوم واني كلش متونسه بالغرفه.احس هيج صار شعور مختلف أخر .. بال
ثاني يوم صادق كال تايروح يجيي الشغلات اللي تكمل الغرفه
رنا:اجي وياك وناخذ صابرين هم
صادق:ليش
رنا: كلشي وكلت ليش اريد بنفسي اشتريهم.وصابرين هم تذكرني شنو اخذ حتى ماانسى شي لان هي عدها خبره
صادق:اي عادي ..خابرتيها
رنا:هس اخابرها...خابرتها وهي كيفت كبل اجت ويانا
تحضرنا وطلعنا ..هواي حلو شراء وتحضير الغرف
صادق اخذ بلازما للغرفة لان يعجبه يتابع اخبار مرات
واني ماكو شي عجبني وماخذته اي شي تحتاجه الغرفه اخذته..ساعه تتعلك بالحايط لونها ابيض.وهيج مثل الاضاءه الخافته بيها اللوان تتخلى بصفحه المرايا أو التخت وعلبه كلنسس ..يعني جهزنا الغرفه كامل
حتى برده نفس لون شرشف التخت.واني كلش احب الشغلات اللي بيها فرو وناعمه.فجهزتها على هذا الأساس
رجعنا للبيت العصر. صادق بس نزل الغراض ويانا كبل خابرو وطلع لغير مكان..وصعدنا فوك اني وصابرين وخلينا الغراض بمكانهن ورتبنا الغرفه بالكامل ومسحتها  وصابرين تمنيت سرى موجوده لان يعجبها هيج سوالف..هم اجت جده وسراب
جده:عاشت اديجن ماشاءالله ياربي
صابرين: طلعت تخبل
تمددت عالتخت حسيت نفسي تعبت وصابرين وجده كاعدات مقابيلي
بقينا نحجي شوي..صارت الدنيا مغرب واجه صادق
صادق: اها مجتمعين هنا
جده:شايف خيرها وليدي
صابرين:اي عندك مانع ترى ماطلع منها اليوم.ابات بيها اني ورنا وحدنا وبسسس
صادق:هههه تحلميين..
رنا:صار معرف شكد ينتظر كل عقلج يخليج تنامين هنا
صابرين:اصلا اني ماراح ابات اليوم..على كيفكم لاتضوجون
حسيتها ضاجت من صدك
صادق:لايمعوده اشاقه وياج...وين ماتريدين تنامين نامي
صابرين:اي حسبالي
جده:ابني شوكت نروح نرجع سرى خما تبقى زعلانه
صادق: ميخالف ميخالف نرجعها بس موهس صبري شوي وهم خلي علاوي يجر عدل
نزلنا جوة .جانت نور بالصاله
من نزلنا وشافتني كبل صعدت فوك..حيل ضايجه اليوم خصوصا من اجت الغرفه ورحنا اشترينا الغراض .. تعشينا وعبر الوكت
صابرين راحت..واني عزلت البيت كامل ونضفته.. لان باجر عندي دوام حتى من ارجع مالكي هوسه
كملت شغلي ودرست شوي . وفرشت فراش لمصطفى ولحسن
مصطفى صار زين يعني احسن مايبجي.. وأكثر الاوقات فراس يخلي الموبايل يمه عاد يلعب بي ويسكت
.. وعلاوي خطيه مكضيها بغرفته حتى اكله قليل صاير
المهم تأخر الوكت..جنت انتظر صادق يجي..هو جان خارج البيت
سمعت صوت السيارة اجه
طلعت للطارمه...طب جوة
صادق:ياهلا بالينتظرني ياهلا بروحي
شگد احب هاي الكلمات منه
رنا:طبعا انتظرك.ليش اني شعندي غيرك
صادق: فديت الرد
رنا:ههه
صادق:شجنتي تسوين
رنا:اشغال وروتين عادي
صادق:ماشي..
طبينا جوة..جان البيت سكته وكلها نايمه
صادق: خرب ام الجكاير حضريلي هدوم اريد اسبح
رحت طلعتله هدوم وحضرت الحمام
رنا:حضرته فوت اسبح
صادق:تفوتين وياي
رنا:لابله
صادق:ههههههههااي ماسويلج شي
رنا:اي صدكت
طب للحمام واني بقيت كاعدة بالصاله اكلب بالموبايل
تاخر بالحمام..هو من قبل من يسبح يتأخر
طلع من الحمام جان لابس تراكسود وريحه الصابون واصله معرف وين
اجه كعد يمي وكام ينشف شعره
جنت اباوع علي ومندمجه كلش بوجهه
صادق:سويلي چاي
رنا:بهالوكت ؟؟
صادق:اي ليش
رنا:خاف يخليك تسهر
صادق:ليش منو كال اريد انام..هو اني اريد اسهر وياج اليوم
رنا:اممم لعد خوش
صادق:عندج دوام مو ؟؟
رنا:ايي...عادي ماداوم باجر
صادق:لامايصير
رنا: ماعندي شي مهم..ماريد اداوم
صادق:متأكده
رنا:اي
رحت سويت جاي وصبيت اللي واله
صادق:امشي نصعد فوك
رنا:فوك ؟؟خلي نشرب هناا..صدك لاحظت شغله مثلي لولا
صادق:شنوو
رنا: شو اليوم تهيأت الكعده النا بوحد وماخذين راحتنه
صادق:اي لأن جت وتهيأت الغرفه
رنا:ههههه
صادق:لاتثولينها خلي نصعد ..لان نايمين خاف يكعدون على صوتنا
رنا: ماشي
صعد للدرج واني شايله الاستكانات وامشي وراه على كيفي
صادق: جان خليتيهن بصينيه
رنا:عادي ماعليهن شي
وصلت نص الدرج.جان توكع وحده من الاستكانات تطشر الچاي وانكسرت
صادق:يولي انتبهيي ....لاتنجرحين
رنا: كتلك نبقى جووووه
صادق:المايعرف يمشي يكول الكاع عوجه
رنا:هههههههه لابله
صادق:ههه نصيي صوتج نايمين...انطيني الاستكانه البيدج
انطيته اياها
رنا:خلي اانضف الدرج واجيك
صادق:اي حتى تضلين ساعه وبعدين تروحين تنامين
رنا:هههه لا بسرعه اجي
صادق:يلا انتظرج
رحت نضفت المكان عالسريع وشلت الكزاز وغلست وصعدت فوك
طبيت للغرفه..جان متمدد عالتخت وماسك جهازه
رنا:الله شگد حلوة غرفتنا
صادق:قصدج اني لو الغرفه
رنا:اكيد انت احلى من كلشي
كعدت يمه وسكتنا شوي اثنينا
صادق:شو ساكته
رنا:وانت هم ساكت ...شنو اشو من جينا هنا خلصت السوالف
صادق:اي خلي تخلص السوالف جوة..وهنا تبدي الأفعال
رنا:شقصدك
صادق:ههههه موقصدي شي... لاتخافين ماعبر الحدود
اله اذا انتي خليتني اعبر
رنا:انيي؟؟؟مستحيل
صادق:اي انتي ماتدرين بنفسج من تتهدونين شيصير بيج
سكتت واستحيت
صادق: وين صوتج
رنا: موجود...
تقرب عليه كلشش
حسيت صار عندي خفقان وتسارع بدكات كلبي
قرب حلگه على رگبتي
صارت عندي رده فعل.وخفت شوي
رنا:اكلك خلي انزل
صادق:ليشش
رنا:هس جده تكعد عيب ماتلكيني بفراشي..تاتكول ماصدكت ع الله اجت الغرفه حتى تضل وياه
صادق:عادي وشنو يعني..ترا انتي مرتي هاي هيه
رنا:اعرف بس ...مادري احس عيب هيج كبل من هس
وخر عني وارتجه عالتخت .صفن عليه شوي
صادق:ماشي يروحي هاي هيه انزلي
كمت تااطلع..جان يسحبني من ايدي ويبوسني
صادق:عالاقل يارنااا بووسه ولو شبيج
رنا:هههه اي
صادق:يلا انزلي هس
نزلت بس كميه الشعور الغريب اليوم هواي..ماعرف شون
يعني حلوو وممتع وبي خوف هم..يمكن لان بوحدنا بغرفه هيج صار عندي خوف
نزلت تمددت بفراشي باوعت عالموبايل الساعه ٣ الا ربع
كبل نمت.بس طعم البوسه بشفايفي حيل طيبه
كعدت الصبح عساس ماروح للدوام.بس شفت نفسي بيه حيل اروح
عاد كمت تحضرت ورحت لدوامي
تاخرنا شوي لان محاضرات هواي...رجعت للبيت
جان الوضع طبيعي صادق ماموجود..غسلت وصليت.مانمت لان بوحدي اعتبار بالييت..سرى بعدها يم اهلها زعلانه.والبنات مايشتغلن هواي.. سراب بس خفايف تسوي وتعاوني.اما نور ماتمد أيدها ابد
بقيت كاعده افتر واعزل..حسيت اشتاكيت الغرفه مالتنا
صعدت فوك .اول ماطبيت عطر الغرفه كلش حلوو
تذكرت الصار بالليل..ابتمست.. كأنما انتظر الليل يجي حتى هم اكعد وياه ونحجي
نزلت جوة...جان فراس متعصب ويحجي ويه جده
فراس: اليوم الغده ماينوكل .سووو عشه زين
كال هيج وراح
رنا:ليش شنو الغده
جده:سراب ونور ماعرف شمسويات..وهذا تخبل
رنا: اهااا
جده:روحي طلعي دجاج واطبخي
رحت طلعت دجاج وطبكت تمن وياه وسلطه
صار وكت العشه ...
فراس:يلاا عااد فضيننا
رنا:هسس اخلي بس يجي صادق
فراس:مانتظر احد اني ...نوووور نووور
نور:هلا
فراس: تعاي صبيلي عشه بسرعه
اجت نور وصبتله عشه
كلشش انحمست منه..حتى ماكالي صبيلي.كبل صاح نور
بعد شوي اجه صادق..صبينا العشه
بس تعشه كبل خابرو وطلع..
خلصنا عشه وغسلت المواعين
خابرت مها كتلها تعالي شوفي الغرفه
مها:شويه واني يمج
رحت لبست فستان صيفي تقريبا نص ردن
انتظرتها شوي بعدين اجت هي وأخوها الصغير
صعدنا فوك وشافت الغرفه
مها:واووو شنو من غرفه هاي تموووت
سوتلي واهس عالزواج  ههههه
رنا:ههههه
مها:شايفه خيرها حبيبتي تستاهلين
رنا:تستاهلين العافيه
جنه بالغرفه نتسولف ونحجي واخوها يمها
اجت سراب شايله مصطفى
مها:هاا اخبار مصطفى شون صار
سراب:هسس زين.بس شويه مرات ايده توجعه
مها:خطيه
سراب جانت تفتر بمصطفى وتروح وتجي مره بغرفتنا مره بغرفتها
واني ومها كاعدين ندردش
وره نص ساعه هيج...سمعنا صوت مصطفى صررررخ
طلعنا عالسريع من الغرفه
باوعت مصطفى بنص الدرج ويبجي فاحم بجي
اخو مها دافعوو
ركضت عالسريع تاشيله
اجه فراس اخذه ...بقى فاحم الولد
خفنا كلش عليي
جده:شبييي مصطفى
فراس: شلوووون ووووكع.هوو وييينج جان
سراب:جان يلعب ويه الولد
فراس:ياااااوللد
سراب:اخو مها
بقى يبجيي ماسكت..نوب كام ياشر على اخو مها يكول هو دكعنييي
الوكعه صارت على ايده وخشمه شوي طك دم
فراس صاررر مخبل رسمي يغلط ويحجي عالكل وحجه على اخوها مع العلم الولد صغير
مها انحرجت كلش من الموقف دمعت عينها ....اخذت اخوها عالسريع وراحت
انقهرت كلشش عليها خطيه كلما تجي يصير شي يضوجها.ماعرف انقهر عالمصطفى لو عليها
وصلتها للباب عالسريع ورجعت
مصطفى يبجي وفراس يمسح بخشمه ونور يمه
جده:ادرري ليشش دفعوا اخوهاا شنووو قابل بكده حتى يلعب هيج ويااااه
فراااااس:عجااااااياااا مامربييين...وعلييششش صاعدات فوووك ماتكعددددن جوة
رنا:ترا  اجت حتى تشوف الغرفه وكعدنا فوك
فراس: يوومياا عاااااد رايحه جاااااايه..ناسس ماتستحي بيهم خيير يربووون جهالهم(يقصد على مها)
تعصبت كلشش من حجه هيج
رنا:مااااجاااايه على بيتتتتك وعييييب هالكلام
فراس:ولابيتتتتتتج.....
رنا:شووووكت ماترييد تجي صديقتي تجييي محد اله دخل
شوووو انتووو كل اليوم ربعكم يروحون ويجووون عاادي.هس على صديقه وحده لحكتوووووني عليييها
فراس:اييي عييينيي حضرت جنابج تحجييين مترهييه
رنا:ايي احجي مترهييه.. ليششش تضوج
اني اصلا من غير شي جنت محموسه منه لان من وراه سرى صارت المشكله وسرى راحت زعلانه
فراس:صووووج صااادق انطااااج وجه زاااايد
رنا:ايييي وهو انت هذااا الغاثثثثك
جده:رناااا كاااافي عاااد
رنا:لاتكوليلي كاااافي كووولي لابننننج ترااا زودهااا كلشش
نوب نور تدخلت
نور:على كيفج عييينيي واذا تعصب وحجه.
رنا:انتييي لاتدخليين ابددد.
نور:اتدخل وغصبا عنننج همممم
رنا:ماريد اححجيي وياج روحي من وجهيي
بقى يبجي مصطفى ونوب ايده ورمت كلشش
علاوي سمع الهوسه..طلع شوي ورجع لغرفته
فراس:عوفييهاا نوور عوفييهااا.. هذا استهتار علنيي
رنا:الزم حدددك  فرااااس .ماسمحلك تحجي بقله ادب ويايي
جده طبكت ويه فراسسس لان انقهرت على مصطفى
اجه صادق وسمع الهوسه والعياط مال فراس
صادق:شاكوو يمعودييين
جده:ماكو شي..اخو مها دافع مصطفى عاالدرج وواكع على ايده وفراس تعصب
رنا:مووبسس هييج..حجه حجي هووواي ماله داعي
نور:تراا تعصب وحجه يعني يشوف ابنه واكع وهو ماصارله يومين من صار زين..وتردين مايحجي شيي..بس لان الحجي يخص صديقتج ضجتي
فراس:شوف خويه اني ماريد اكول واتدخل..بسس ترا الدلال الزايد موزين ..عيب تضل ترادد وتعلي صوتها
صادق:اني انجاز حصل خير
انفعلت من كال هيج فراس
رنا:ماااراااددت اني لوو ماحجييت وتكووول يوميه رايحه جاااايه
صادق:رنااا...سدي حلكج وفوتي جوة
فتت لغرفه جده.بس النار الي صابتني بمدي احرك بيها نور وفراس
بقيت احوس ومييته قهر
طبت جده للغرفة
رنا:خليي يرتاااح ابنننج ونور اللي بس يسوون مشاكل ويجذبون هممم
جده:عييب علييييج
رنا:مالوومج ياجده اكييد راح تنحاززززين لابنج وحفيدتج
جده:انيي انحاااز..مع الأسف عليج
رنا:الحجي الصحيييح يزعلكم
جده: كافيييج عاااد فعلاً انطاج وجه زاييد
عرفت كلهم ضايجين لان صادق جان مدللني وزين وياي..
طب صادق عالصوت ومترفز كلش
صادق:شبييييجن
جده:مررتك ماتحتتتترم.خلي تحجي بأدب ويه الاكبر منها
صادق:ليش شنو كالت
جده:تخربط بسوالفهاا
صادق: يووم اطلعي اريد احجي وياها
طلعت جده
صادق:شوفي رنا.أياااج وأياااج تتجاوزين ويه اميي
رنا:ترااا والله ماكتلهاا شييي
صادق:شنووو كلتيلهاا
رنا:كتلهاا اكييد راح تنحازيين لابنج ولحفيدتج..وهااشي صحيحح واني اعرررف وووكت تصيير المشاكل الدفاع يصير يم منوو.حتى فراس كل دماراتهم صرررت اعرفهاااا
صادق:كاعد تتخيييييلين هواي شغلات انتيي
رنا:ابد ماتخيييل ..
صادق: اسمعنينييي زززين..ماارييد بعدد احدددد يجي يسمعني حجي ويكلييي مررررتك ماتحترم أو ترادد عيييييب
رنا:والله اني ماحججييي هيييج  بس وكت انبببببعج..
صادق:شوفي انتي هسس ودتحجيين  صوتج  عالي وياي
رنا:حققققك ماتحسس بييييه من قهرررررىي
صادق:ليششش شنووو شايفتنيي حتى ماحس
رنا: اعرف راااح تسسمع حجيييهم ..عندك البعض من أهلك مقدسسسين فدددشييي لازم لااااااحجيي ولااراادد
صادق:وووووولج انتتتيي منييين تجيبيييين هالحجي..سددددددي حلككككج كاافي عاااد...لاتخلينييي اصدك انو اني انطيييتج وجه زايد
تخبلت من كال هيج.. جان الموبايل يمي..مسكته وضربببته بالكااااع صار ميت وصله
رنا:ماااريد بعد كلشي منك لا تنطيينيي وجه ولاشييي
اجه يمي وكال
صادق:بسسسيطه يارررنا اني ألج ...من اصيييير موخوش ادمي وكلب ابن كلب ويااااج تلومييينيي..صبريلي
طلع وضرب الباب قوي
اني متت قهررر لان صار الموقف كله ضدددي كمت اكمزززز وأبجي......يتببببع