#ليته يعلم(أحببته منذ الصغر)

تكمله البارت٦٢

البارت ٦٢
ليته يعلم (أحببته منذ الصغر)
بعد مااخذتني النومه..حسيت اكو شخص يمي
وچكات لحيته بأذني ورگبتي
صحيت لگيته حاضني من وره
كمت وخرت عنه
صادق:وين تروحين يضيميي
رنا:وخر عني
صادق: والقرآن ماتكومين
رنا:شتريد مني
صادق:اريدج يعني شريد منج
رنا:لااني ماستاهل على شنو تريدني
صادق:بلي تستاهلين كلشي تستاهلين
رنا:لالا ماستاهل كلشي إني
صادق:والله انتي عصبتني من رميتي الحلقه
رنا:كافي اني تعبت منكم كلش
صادق:ليش
رنا:ماتحملكم بعد.ولااتتحمل اي شي
صادق: على كيفج على كيفج.شمسويلج ترا انتي هم حيل زودتيها 
رنا:لاتكلي شمسوين ومعرف شنو ...
كمت ابجي
رنا:كل مشكله تصير ترجع براسي ..وتريدون ماحجي..من هس اكلك لاتكلي ابد اسكتي ومعرف شنو..اني داشوف ضلم بحقي وداحجي
صادق:يابا ها هي احجي بكيفج ماكلج شي بعد بس لاتبجين
رنا:گلبي يوجعني كلش
صادق:والله العظيم حتى اني غثيتيني حيل من نزعتي الحلقه.كلش هالسالفه قهرتني تحسبين شغله عاديه ترا هاي اهانه لعلاقتنا
رنا:لعد انت ماغثيتني من تكول احلف يمين ومدري شنو ونوب تكول اسوي كبل ماهدد.. تكلي هيج واني ماصارلي هواي من طالعه من حاله صعبه كلها كأبه وقلق وحزن.وهيج تكلي.اذا اخذتني شراح تسوي لعد
صادق:ادللج والله
رنا:ماضنتي
صادق:انتي لاتاخذين كلامي على محمل الجد كبل... يعني شسوي مثلا شتتخيلين انهي كلشي واعوفج..مخبل اني مجنون..بس انتي ماتعرفين تمتصين غضبي..
رنا:لالا اني بعد ابد مااقبل خلاص تكلي هيج شي..لامن باب تعصبت ولامن اي باب ثاني .شوف واسمعني زين اذا تحس نفسك مسوي فد شي لان خاطبني تكون متوهم حيل متوهم اني موضاله عليك وألف من يتمناني..(تعمدا كلت هيج ردت اضوجه)
من كلت هيج حسيته راح يضربني على حلگي
صادق:قزز القرررت.. لاتخبلينيي عاادد اولا اني مومحسب نفسي مسوي فد شيي .ترا هاي تخيلاتجج انتيي .ماعرف شبلاج وثاني شي شنو الف من يتمناني هاااا..ترا اني هس هم اكدر اكلج الف من تتمناني ..بس عييب بابا عيييب
اني اريدج انتييي ماريد غيرررج افهمييي...
سكتنا شويه
صادق:يارنا ياروحي انتي عفيه أتوسل بيج عفيه.بس بطلي تتعصبين من اي وحده تافهه تسمعج حجي..ماكلج لاتردين ردي..بس اعرفي شتريدن وبيا طريقه
كمت احجيله عن وضعي وليش مرات اتعصب وانفعل وهيج اسوي.كلشي حجيتله حتى دلال شنو حجت وانو نور هي السبب
رنا: شوف اني ماكلك اني ماغلطانه.بلي ..بس احس نفسي ماتقبل بعد احد يجرحني بشي..مادري يمكن لأن ماعندي احد من اهلي وياي فأكوم أدافع عن نفسي بقوة.احس اذا سكتت عبالك راح انظلم هواي... خصوصا وره وفات علاوي اني احس نفسي صرت هيج..قبل جنت أحسن من هس..كمت ابجي بحرگه
رنا:زين شسوي بهيج حاله فهمني...ثاني شي اني صرت اخاف والله. يعني اخاف على نفسي هواي.. يعني هس شوف بدل ماكون فرحانه..مقهوره وكلبي حيل ياذيني
احسهم مايريدون اصير الك..نور انت تعرف زين شسوت حتى بس مانزوج..ليش انت موتزوجت ولاء شو ماسوت شي ليش بس عليه اني.وحتى جده كلما تشوفك زين وياي أحسها تضوج مرات.. يعني واذا رحت على غرفه نور شصار يعني.ليش اجت وكالتلك هاا...
حسيته استوعبني اكثر بعد ماحجيتله
كعدني بحضنه ولف نفسه عليه وجان يحجي وياي بهدوء جدآ جدآ
صادق:شوفي يروحي راح اكلج كلام خلي ترچيه بأذنج اني كلهم مايهمني رأيهم بهالموضوع ابد..ولاتفكرين انو أتأثر بحجيهم ترا إني اكبر من هيج بهواي ..اني اتاثر لمن اشوفج تغلطين بحجيج او بتصرفج اضوج منج واضوج عليج..اني اعرف زين انتي بشنو مريتي كلشي أعرف.بس ماريد هذا الشي يغيرج أو يخلي تصرفاتج ماحلوة .اني اريدج قويه وأحسن من هيج.ماريد.شي يأثر على نفسيتج اكثر من المريتي بي
رنا:اي انتو دتاأثرون عليه موغيركم
صادق:ليش تجمعيني وياهم ..ترا إني هم بشر وطبيعي اتعصب واحجي..
ورب الكعبه احبج واموت عليج.لوتعرفين غلاتج عندي شكثر وتعرفين حبي الج والله والله والله  ماجان اهتميتي لكلام اي بشر حتى لو تعمد يضوجج .
حضني قوي ..بس اني جنت بعدني صاده عنه.ماستجابيت وياه
مسك ايدي ولبسني الحلقه وكال
صادق:اريدج تعرفين قيمتها زين ولاتسترخصينها ... ان شاء الله باجر تروحين يم عمي
رنا:.......
صادق:هاا شوماتردين..اذا ترديين اليوم اوديج
رنا: أجلها
صادق:شأجل
رنا:العرس ماريد هس.نفسيتي بعدها موتمام..ماريد اروح بهالوضعيه..
صادق: يعني شكد ااجلها ... الثلاثاء اخليها
رنا:ماسويت شي
صادق: يرنا عفيه لاتضوجيني باليرحم اهلج..
رنا: أجلها اسبوع
صادق:ماشي اخليها الثنين الخ...مااجل اكثر من هيج ابد
رنا:ماشي
صادق:صار
اندك الباب
سراب: تعالو تعشو
يلا امشي انزلي وياي
رنا:ماريد انزل عوفني
صادق:يلا ياروحي انزلي تتعشين
رنا:ماريد شبعانه
صادق: مانزل اذا ماانتي تنزلين
رنا: شعليك بيه انزل انت
صادق:لامانزل وحدي.الا أنتي وياي.
نزلني گوة .جان ماسك ايدي ونزلنا
بس اني جنت بعدني معصبه وبيه حزن
صادق:تعاي غسلي وجهج
اخذني للمغسله وهو غسلي وجهي
صادق:يلا تعالي
رنا:اريد اطلع للحديقه شوي
صادق:امشي
عبرنا من يم الصاله هما جانو يتعشون
طلعت للحديقه ردت شوي اشم هوى
كعدت وهو كعد مقابيلي
صاح على صابرين
صادق:صابرررين
صابرين:هلا
صادق:جيبيلنا عششه هنا
صابرين:هس
اجت صابرين شايله صينيه ورمتها يمنا
صابرين:هات الأمور
صادق:ان شاء الله زينه
صابرين:يلا مدو ايدكم اني هم اريد اتعشه وياكم..
اني فعلا جانت نفسي مسدوده
رنا:اني موجوعانه اكلو انتو
صادق:بكيفج حياتي..خليها شوي نوب اخذها على مطعم
صابرين:هاا اجي وياكم
صادق: لاماتجين.بكلشي لازگه روحج
صابرين:صدك باجر تروحين على عمي ابراهيم مو
صادق:لا .. أجلنا للاسبوع الجاي
صابرين:ليشش
صادق:هي هيج تريد
صابرين: المفروض تستعجلون مو تاخرون
صادق:شسويلها ماتقبل
رنا: عادي هو اسبوع..اريد شوي تتحسن نفسيتي
صابرين:ماشي مابيها شي
صابرين:والله  اني خفت حيل من رنا رمت الحقله ولاصت بينكم.كلت مستحيل تعبر هالسالفه سلامات
جانو يحجون بس اني بعدني مطنگره
صادق:الله كريم هاي المشاكل ماتخلص مدامنه هنا.. اني بديت صار فتره بالبناء.. بس يكمل البيت واخذها هناك ماتضل مشاكل
رنا: اذا نور موجوده وبهذا حقدها وكرها ليه...حيل ماتضل مشاكل .بس من هس اكلك اني ونور مانگعد سويه ابد
صفن وسكت مارد
رنا :اي لاتكول ماكلتي..نور جان الها ايد بوفاة اخوي..وسوت وياي عمل دمرني ودمر نفسيتي.اني شنو يضمنلي باجر ماتسوي غير شغلات وياي
ضلو ساكتين هو وصابرين
صادق:الله كريم لي وكتها
رنا:ماريد تكلي هيج هس بعدين تجمعنا.. اني ماريد اكون وياها..وهاالشي من حقي بعد السوته بيه
هز رأسه
صابرين:والله حقج كلامها صحيح..اني لو بمكانج نفس الشي اكول .. وأشوف هيج احسن الك انت.لاكال ولاكلت
صادق:ترهم ترهم ..اللي تريدينه يصير سهله
اندك الباب وهو طلع...
صابرين:هو اجه صالحج مو
رنا:اي
صابرين:والله يارنا ماتلكين أحن منه عليج..اني توقعت راح يسوي سالفه جبيره..بس شوفي هو اجه يصالحج
رنا:اي هو غلط مواني
صابرين:هي ساعه شيطان واثنيكم غلطتو..هاي طكنكم بعين من صعدن فوك وشافن الشغلات اللي اشتريتهن ضلن صافنات عبالك انتحسن ..وره شوي انكلبت بينكم..حتى الغراض رجعتي تكسرين بيهن.. والله والله عينهن
صفنت شوي على حجي صابرين.. اقتنعت بي لان فعلاً ماجان اكو كلشي وصار هيج فجأة
رنا:يعني بس شافني شوي مرتاحه طكني بعين..وعمري كله ضيم ماكالن شي..حسبي الله
صابرين: يلااا يلا خلي يولن وأبد لاتخلين احد يأثر على علاقتكم..
رنا:خل اروح انضف الغرفه و
صابرين:عوفيها اني انضفهاا.
رنا:امشي وياي
رحت وياها فوك الغرفه.نضفناها ..
واكيد صابرين لازم تقلد بنهايه كل عركه
صابرين:ولج شكد تعبنا واحنه نشتري وهس نلم بيهنن من الكاع ...علاوي صار عنده فقرات ودوالي وهو يفتر..وهس نرميهن بسطل الوسخ
رنا:هه...مشكلتكم
صابرين:نوب رجعتي عالهدوم..همزين لحكت بيج..اني موعلى مود شي..بس غاليات اخذناهن...
رنا :فدوة الي
فتحت الباب سرى
سرى:هاا وين وصلتو..جانت علكانه بينكم بس ماطلعت من الغرفه
صابرين:انتي ضلي لامنهم ولا عليهم
سرى:والله عليش اطلع تنجازون...هو اخوتج واهلج من يتعصبون يصيرون يخوفون
صابرين:هالمره رنا صارت تخوف هههه
سرى:والله عاد بنت عمكم ..قابل على منو تطلع
صابرين:هم صحيح
رنا:الله ينطيني برودج ياسرى...كلتها بحسره (وقصدت شي ثاني بكلامي.. قصدت ينطيني مثل وضعج من ناحيه وجود الأهل 💔
سرى:هسس ماكلتن شوكت تروحين على بيت عمج ابراهيم
رنا:ماروح باجر..اجلت العرس الى الاسبوع الجاي
سرى:منو اجله
رنا:اني أجبته
سرى:صددك..وشعجب صادق قبل
رنا: يقبل ليش مايقبل.. قابل بس عرسه هو
صابرين:گدرتله هالمره مالج علاقه
سرى:يلا كل تاخيره بيها خيره
دك موبايل صابرين وردت
صابرين:هلا محسن........هس جايه......
بقه يحجي بس ماعرف شيكول وهي ساكته....... ماشي جايه جايه ..سدته
صابرين:يلا بنات اني اروح
رنا:ليش مستعجله
صابرين:لالا اروح احسن
راحت صابرين..واني كملت تنضيف الغرفه..
بعدين نزلت جوة.. صار بنفسي اروح على مها..حيل جنت محتاجه هالشي....هو جان ويه الرجال بالاستقبال
سويت جاي وصبيت الهم..خابرته يجي ياخذ الجاي
اجه وكتله
رنا:راح اروح على مها
باسني من خدي وكال
صادق:ماشي روحي
تحضرت ورحت عليها
أبوها فتح الباب
ابو مها:هلا بنتي فوتي استريحي
طبيت جوة تلكتني اختها سلمت عليها بعدين هي اجت
مها:هلاااا برناااا شونج شخبارج مشتاقتلج كوووومه
رنا:اني هممم والله
هم اجت امها وسلمت عليها وعايدته
كعدنا بغرفه وحدنا اني وياها
مها:تصدكين جيتي بالوقت المناسب جدآ
رنا:ههه موبكدي ...ليش شبيج
مها:مابيه شي بس جنت ضايجه كلش
رنا:اني هم
مها:صدك بعد باجر عرسج مو
رنا:لا اجلته.
مها:سبب
رنا:صارت خلافات شوي واجلته عالاسبوع الجاي
مها:خير ان شاء الله...اي بعد اخبارج امورج
رنا:من وكت حابرتيني اخر مره..واني اخباري هواي هواي
مها:احجيلي اريد اسمع
حجيتلها عالصار وياي لمن تعاركنا ورحت لبيت عمي ولمن صارت سالفه السحر وياي ولمن رجعت ولمن انكشفت نور وكلشي حجيتلها...اني كلما احجي سالفه هي تتفاعل وياي وتحجي
مها:كل هذا صاير الله يساعدج يارنا اووف عليج
رنا: الحمد لله على كل حال ..وانتي اخبارج
مها:اني اجوني خطابه..وافقو أهلي بعدين هما انسحبوا
رنا:اهاا ليش بله
مها:والله شنو مانريد تدرسين..كلت لو تموتون ماعوف دراستي
رنا:خي يولون..ابد لاتواففين ونهائيا لاتفكرين تعوفين دراستج لخاطر احد
مها:لامستحيل اعوفها..
رنا:اي.دير بالج
مها:وهسس شونج انتي وصادق شون وضعكم
رنا:هو اليوم المغرب تعاركنا..بعدين اجه صالحني
مها:اهممم...هو زين زين...بس أعصاب اني عرفتهم من جيت عليكم اكثر من مره.مبينين
رنا:اكثر شي مزعج الأعصاب.. اني اليوم شصار بيه لان انفعلت هم لصتها والله
مها:ايي ماكتلج
رنا:شنو
مها:ههه لابعدين
رنا:دكولي هس احسلج
مها:فراس
رنا:شبي
مها:دازلي طلب صداقه
رنا:هههههههه صدك تحجين
مها:ايييي
رنا:زين هو يعرف حسابج..خاف من يعرف يحضرج ههههه
مها:ووووجع..اعتقد يعرف..لان اني كاتبه اسمي بالنكليزي..واخوتي اصدقاء مشتركين وياه..اكيد عرف حسابي
رنا:والله عجيب.يلااا انشوف تاليت هالطلب وين تصل ههههه
مها:انجبي لاتتمضحكين...ماتصل لاي مكان..لازم مخبله إني
رنا:انشوف انشوف
بعد ماكعدنا وحجينا..صح تاخرت هواي يمها.. لأن اصلا اني رحت شوي متاخره...تونست كلش وياها وتغيرت نفسيتي
صارت الساعه ١١ ونص
دك عليه صادق
رنا:الو
صادق:هلا بروحي..هاا شوكت تجين
رنا:هس جايه
صادق:ماشي
سديته وطلعت
مها:والله تونست وياج كلش عيديها لان اني ماعتقد اكدر هس اجي يراد فتره شوي ولازم اقنع امي هم
رنا:ان شاء الله حبيبتي
طلعت من يمهم..
لگيته واكف يم الباب ينتظرني...
وصلت الباب وطفت الكهرباء...
صادق:هلا بحياتي ❤️
رنا:هلا بيك
باوعت للشارع.. سكته والدنيا گمره وكهرب ماكو.. حبيت الاجواء كلش
رنا:ماريد افوت جوة خليني بره
صادق:ليش
رنا: عاجبني اضل بره
صادق:مدام ماكو احد امشي خل نتمشى
رنا:يلا
طلعنا نتمشى اني وياه
جان ماسك ايدي قوي
صادق:اني هاي اول مره اطلع بالفرع واتمشى ويه مره مامسويها قبل ابد
رنا:اي تخاف تروح الهيبه.اذا يشوفونك
صادق:ههه..لا بس اهنا. كلها عرف ويعرفوني احسه شوي يعني شوي موراهمه..لو بغير مكان عادي
رنا:ان شاء الله ياربي هس شكو واحد يعرفك يطلع كدامنا ويشوف
صادق:هههه اتنكرر اكول واحد يشبهني متوهمين
رنا:ههههاي اذا واحد يشبهك..واني شنوو لازم مايعرفوني
صادق:انتي تريديني ارجعج جوة من الأخير
رنا:مافوت جوة اله اشبع فرات هنا
صادق:اي شون صديقتج
رنا:زينه زينه
صادق:تونستي وياها
رنا:اي كلش
صادق:خوش.. يعني رجعت علاقتجن مثل قبل
رنا:اي.بس هي لي هس ماتكدر تجي علينا من وره اخرسالفه
صادق:الله كريم...اي انتي شلونج هس طمنيني عليج
وكفت وباوعت علي..جان اكو هوى شوي قوي..وشعره يروح ويجي ونظراته ليه مليانه حنيه وحب..والسما وراه واضحه جدا  لان الدنيا گمره
حيل صار عندي شعور حلو وقوي تجاهه ..رغم كل المشاكل والأحداث والنفسيه التعبانه.بس صادق يبقى حبي الأول اللي حبيته منذ الصغر 💔
لان صفنت بي شوي..هز راسه بمعنى شبيج
رنا:.....
مارديت
صادق:يولي لاتضلين هيج تباوعين..صفنتج هاي راح توديج بداهيه
رنا:هه ليش
صادق:ماكلج ليش خاف تبچين
رنا:لابله ليش ابجي
صادق:ترا هس اخذج للغرفة واقفل الباب...كبل الرجيف يصل مدري وين
بده يقلدني
صادق:عفيه صادق بس خلي اطلع هس جده تشوفني مايصير عيب ...وانتي بحياتج ماهتميتي لجدتج..هس تهتمين سبحان الله
رنا:هههههههه
صادق:امشي نرجع للبيت نكمل حجينا هناك
رنا:ماشي
رجعنا للبيت..وكعدنا بالحديقة هم جانت الأجواء حيل حلوة.
صادق:شعجب ابو المولد ماشغل.. خلي اخابره
دك علي وكال اكو عطل كاعد نسوي بلكي شوي ونشغل
المهم كعدنا عالكراسي والهوى يجنن
صادق: احبج واحب عيونج
رنا:اممم اني ماحب عيونك
صادق:ليش
رنا:اتهدون بيهن
صادق:فديت اليتهدون
طلع فراس من الاستقبال
فراس:هااا شوما شغل المولد
صادق:خابرته ..ديصلحون بيها
فراس:هي مال عطلات..متنا حر جوة
صادق:جو زين هنا
هم بعد شوي طلعت جده للطارمه
جده:شو بعدكم كاعدين هنا .... والله جو طيبه بره حاره حيل جوة الجهال استحرو حييل كل شوي يكعدون ..اروح اجيبلي فراش هنا أحسن
جابت دوشك وخلته بالحديقة وتمددت
صادق:خوش جده عدهم الجهال..عفتيهم جوة وجيتي هنا
جده:والله شسويلهم .انت وفراس ماتجيبونهم خما اني اشيلهم
ثواني وجت الكهرباء
جده:الف الحمدالله ياربي..خلي اطب جوة
اسمع فراس يهوسس من الفرحه
رنا:هاي كهرب لو مولده
صادق:كهرب هاي
رنا:اي زين
صادق:امشي نفوت جوة
طبينا جوة ..اني فتت لغرفه جده بدلت ملابسي...هو طب للحمام يسبح .. فرشت فراش الي وكمت اكلب بالموبايل..ناشرين الثلاثاء النتائج يعني بعد باجر...بهذا الوكت الساعه ١.دردشت شوي وين صديقاتي..بعدين هو طلع من الحمام وصاحني
رحت علي
صادق:بس صعدي الشاحنه فوك
رنا:ليش وينها
صادق:يمكن صابرين استعملتها نزلتها جوة شوفيها بالغرفه
رنا:هس
هو صعد فوك..واني رحت ادور لها
لكيتها بالنقطه اللي يم الشباك
اخذتها وصعدت فوك
جان ماسك الريمونت يشغل السبلت
بعدين خله كريم على شعره
صادق:زين بقى هذا الكريم وماطشرتي
رنا:اي احمد ربك ...
شغل السبلت
صادق:هاج الموبايل خلي عالشحن
شكلت جهازه عالشحن..
صادق:طفي الضوة بطريقج
طفيت الضوه...صارت الغرفه ضلمه وبس ضو السبلت يبين
الغرفه بردت كبل..اشتهيت ابات بيها..وبنفس الوكت احس نفسي بعد اريد ابقى وياه..يمكن بعدني محتاجته ومحتاجه حنيته 💔
سديت الباب ونزلت جوة
تمددت بفراشي ورجعت مسكت الموبايل
هم هو جان نشط..
صادق:هلا بعدج كاعده
رنا:اي
صادق:ليش ماتجين يمي
رنا:لا عيب خاف جده تشوفني واستحي...تعمدت اكتب هيج لان هو قلدني اليوم
صادق:ههه دتعالي تعالي
اني اصلا اريد اروح..بس غير اثكل نفسي شويه
رنا:هااا اممم مادري
صادق:ديلا عفيه
رنا: ماشي جايه
صادق: جيبي مي بطريقج
باوعت عليهم نايمين..كمت من مكاني.. رحت للمطبخ شربت مي واخذت اله بطريقي
صعدت فوك..
فتحت الباب
الغرفه ثلج صايره
انطيته المي ...شرب ورجعه..خليته عالمرايا
رفع الغطه
صادق: ياهلا بروحي الاحبها
رنا:يلا وخر لي غاد
صادق:يابا اها وخرنااا..عبالك صاعده من گفها خشمها
رنا:اي بكيفي
تمددت يمه
رنا:ترا بارده كلشش ..علي درجه السبلت
صادق:وين بارده زين
رنا:بلي بارده
ماتمحلت كمت طلعت بطانيه ثانيه وتغطيت
حضني قوي
صادق:عادي اني ادفيج
رنا:لاماريد
صادق:ليش تخافين.. ههه
رنا:لاماخاف
صادق:متاكده...
دفعني قوي لي عنده
رنا:شبيك
صادق:مابيه شي بس مشتاكلج والله.
هم تقرب مني وبده يبوس بيه
استجابيت وياه..بعدين هم توترت
شوي وخر عني بس بقى حاضني
صادق: انتي تحبيني بس عندج خوف لي يمي
فتح هالموضوع وراد يروح الخوف العندي
صادق:شوفي يروحي احنه ورانا زواج .هو بس بالبدايه شوي شوي تتعودين ويروح الخوف منج .ولا تخافين اني راح اكون هادي كلش وياج ومااذيج
استحيت حيل وهو يحجي...ماعرف ليش انحرج كلش من يجي هالطاري
صادق: احجيلي لاتسكتين
رنا:اي اني عندي قلق من هالموضوع
صادق:اي عادي طبيعي حيل طبيعي...بس مثل ماكتلج لاتدرين بال والله
رنا:لاعادي مودايره بال
صادق:ها اكيد... خلينا نجرب
رنا:هههه لا ماريد
حضني قوي وكال
صادق:اصلا راح اخليج تحبين هالشي وياي كلش وتنتظرينه
رنا:... بس اني حسب اللي أعرفه واسمعه انو الرجال يصير اكثر يحب هالشغلات
صادق:شوفي اني مزوج سابقآ وانتي تعرفين..من توفت زوجتي سبع سنوات اني ماتزوجت ..لو اني من هيج نوع ماجان بقيت هالمده بدون زواج صح لولا ؟ فكلمن وطبعه
رنا:اي صدك.. جنت دايما اريد أسألك واحجي وياك بهالموضوع
صادق: وحتى ولاء ماجنت حيل ارغبهاا.. خصوصاً من صار عندي شعور تجاهج..وهم جانت مشاكلها چثيره...بس تردين الصراحه الصراحه
رنا:اي طبعا
صادق:عندي جاذبيه قويه لي يمج..من تصير مشكله بينا احس بزايد اريدج وارغبج...مصاار هالشي وياي من قبل ابد مع غير مره...اكو مشاعر قويه تشدني عليج..تخليني اتغاضى عن كل اخطائج ..ولو شماتتعصبين وتحجين ماانفر منج.. عكس الي جان يصير وياي معاهن..جنت انفر منهن من يتجاوزن ولااتحمل ولااتقبل هالشي ابد..انتي لا
من حجالي هيج...عرفت شكد يحبني ويغليني
صادق:بس مع هيج مع هيج ماريد تصير مشاكل بينا
رنا:واني هم ماريد..
صادق:يلا حبيبي نامي تاخر الوكت كلش
رنا:ماشي
لفيت نفسي بالبطانيه ونمت بحضنه
صح جان يوم صعب وتاذت نفسيتي كلش بي..بس هو عرف شون يصلحه ومانمت اله واني مرتاحه.....تيييييببع