ဂရုမှာအစအဆုံးပြီးထားပါပြီနော်။
Ch-62 စုယန်၏ဒဏ်ရာ
မိမိသည်မောက်စ်အားကိုင်ထားသည့်လက်ကို တိတ်တိတ်လေးဖယ်လိုက်ကာ ကိုယ့်ဘာသာကိုယ်အသံတစ်သံမှထွက်ခွင့်မပြုခဲ့ပေ။မိမိ၏အာရုံအလုံးစုံကိုတံခါးနောက်ရှိလှုပ်ရှားမှုပေါ်သာစူးစိုက်ထားသည်။
*ဒုန်း ဒုန်း*
နောက်ထပ်တံခါးခေါက်သံနှစ်ချက်ထွက်လာသည်။ဤအကြိမ်တွင်တော့ မိမိမှာအထင်မှားခြင်းမဟုတ်ကြောင်းသေချာသွားလေပြီ။တစ်ကယ်ကြီးကိုတစ်ယောက်ယောက်ကတံခါးခေါက်နေတာ။
"ဘယ်သူလဲ..."
မိမိသည်အားလျော့စွာတုံ့ပြန်ရင်းတံခါးဆီဖြည်းဖြည်းချင်းဦးတည်ကာ မိမိကိုယ်အားနံရံနှင့်ကပ်မှီထားလိုက်သည်။
"စုယန်"
ထိုလူကပြန်ဖြေလာသည်။
"ငါ့ကိုအထဲဝင်ခွင့်ပေးဦး"
မိမိသည်ချက်ချင်းပင်စိတ်သက်သာရာရသွားပြီး မိမိခေါင်းကိုတံခါးေပါ်မှီချလိုက်သည်။
"ဝင်မလာနဲ့။လတ်တလောတော့ ရှင့်ကိုဝင်ခွင့်ပြုချင်စိတ်ကျွန်မမှာရှိမနေဘူး"
စုယန်သည်တံခါးအားထပ်ခေါက်လာသည်။သူသည်မိမိမကြားရသည်မှာကြာလှပြီဖြစ်သည့်ပေါ့ပါးပြီးမြန်ဆန်သည့်လေသံအားသုံးခဲ့သည်။
"ငါတို့စကားပြောလို့ရမလား"
"ကျွန်မကအိပ်တော့မှာ"
"မင်းရဲ့ဘော့စ်အနေနဲ့ ငါမင်းကိုတံခါးဖွင့်ဖို့အမိန့်ပေးနေတယ်နော်"
ချိုသာသောတစ်ခုခုကိုပြောဆိုရမည့်အစား စုယန်သည်မိမိအားဖိနှိပ်ရန် သူ၏သုံးေနကျဘော့စ်ခေါင်းစဉ်ကိုသာသုံးနေခဲ့သည်။မိမိသည်ဒေါသထွက်ကာတံခါးအားခပ်ကြမ်းကြမ်းဆွဲဖွင့်လိုက်သည်။ထို့အတူစုယန်သည်တစ်ချိန်လုံးတံခါးကိုမှီနေခဲ့ခြင်းဖြစ်သည်။မိမိတံခါးအားဆွဲဖွင့်လိုက်ချိန်တွင် သူသည်မိမိလက်မောင်းများထဲတိုက်ရိုက်ဝင်လာတော့သည်။
မိမိပြောချင်သမျှစကားလုံးများအားလုံးသည်ကွာကျသွားတော့သည်။ငါဘာထပ်ပြောချင်နေခဲ့တာပါလိမ့်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်
HorrorEP-153 Author - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချ...
