اسيرة قدرك

البارت الأول

اسيرة_قدرك..
بقلمي رسل..
واتباد @rasolaa7
البارت الاول..

حتى وإن تعافى الانسان ونسى كل شيء
ستبقى معه تلك اللحظة التي أشفق بها على نفسه
ستبقى راسخة في ذاكرته للأبد کندبة
لا يمكن شفائها أو تجاوز بشاعتها..

-مخليه اذاني و فكري كله يم بابا واني اسمعه يكول لأمي..

-هذا جارنا حاجاني يريد مره من عدنا لصديقة
وكال حجي جايك لان ما الكه احسن من اخلاق
بناتك و تربيتهن..

-بابا يسولف ويا امي وجان يصيح عمر..

-اي حجي انطيهم ريا وخلي تبطل من المدرسة
هم شعدها اداوم..

-نصدمت بي وبكلامه اعرف بي تعامله مو
كلش وياي بس مو توصل بي لهالدرجة
صحت بي واني احس جسمي كله يرجف من
القهر..

-ليش ليش هيج تحجي
ليش تريد تبطلني و تزوجني
مو خواتي كلهن خريجات مو سناء موظفة
و تشتغل حرام عليك شبيك وياي عمر شبيك؟!..

عمر.. اسكتي لج لا اجي اموتج هنا والله و لا صوت اسمعلج اذا خوش ولد ليش ما ننطيج..

-بجيت بقهر من بعدما سمعت كلام بابا وهو
يأيد عمر

-تزوجي بابا ترى مواول وحدة تزوج بهذا العمر
تعبت من عيشتجن والحال مو مثل قبل يا بوي..

-ضحكت ضحكة قهر ليش انت شمنطيني
غير الربع دينار اشو اخواني كلهم تحبهم
و سناء ما تنام الا بحضنك ليش بس اني تعاجزتوا
مني بابا والله تحسسوني مو بتكم اني ليش
هيج تتعاملون وياي..

-كل كلامي ويا ودموعي ما شفعت الي يمهم
وصار الي هم يردونه غصب عني سكتوني و غصبوني وره كم يوم اجونا نسوان يشوفني جانت ام الولد و عمته و خواته جايين..

-امه نظراتها تخوف وما قابله الي عرفته
من اخته هي ما قابله على هذا الزواج لان
ابنها هو الي اختار المرة مو هي اتفقت ويه امي
و راحوا..

-حالي ما اعرف اوصفه ما اعرف ابجي على
حالي و اهلي الي رخصوني لو افرح و اتزوج
واخلص واخلصهم مني..

-الدراسة ما انقهرت عليها لان جنت مو شاطرة
و هم تعبت بيها وابوي ما ينطيني غير الربع
من اروح للمدرسة يعني بأختصار ما احبها
للدراسة..

-اجه يوم المشية و اني لهسه ما شفت الي يريد
ياخذني بس الي عرفت عنه هو خريج
وشغله ويا سفير ****..

-و بهذا اليوم نصدمت من شفته جان مبين اكبر
مني و ضخم و اسمر شكله خوفني منه
ومبينه صغيره عليه ياربي كل عمري جان
بوقتها 16 سنه..

-امي ما جانت راضية ولا اخوي الصغير
اخوي من شافه كال لا تقبلين ريا لا تتزوجين
وامي ايدته..

-لا هذا هو خلي اخلصكم من همي مو بابا
تعب مني خلي يخلص من ريا..

-هم بجوا واني كعدت ابجي وياهم بس شيفيد
بعد اذا بابا موافق عليهم طلعت امي يم
النسوان وشوي ودزوا عليه دخلت واني
ضايعة و مقهورة و احس روحي بغير
عالم نصدمت من شفت خواته 8 خوات
هاي شلون اعيش وياهم 4 منهن كبار كلش
عبالك عجايز
كاعدات رجل على رجل و ما عاجبهن الوضع..