اسيرة قدرك

البارت 39

اسيرة_قدرك..
بقلمي رسل..
البارت التاسع والثلاثون..
واتباد rasolaa7

تريد تعرف شنهو هن اليوجعني
انت
والدنيا
وشتا الله
وخبصة الوادم
وحظي
والضياع الماد رجله بوجه عمري
والاماني المدري ياهو الباك بيهن
والليالي التاخذ من الحيل من تريد تكضي
والضوه الما يشتهيني
والهوا الما يعتنيني
والسما الطفت ضواها من طفه وجهك بعيني
هن ذني اليوجعني..

-كملتهن و خليت راسي على المخدة عيوني
يحركني من البجي وقررت والله لو صدك
يطلع ويروح يلمسها بعد يحلم يطخني..

-اتصلت بيه نورهان تسأل من سمعت صوتي
حجت بقلق.. ريا شبيج منو وياج؟!..

-منو وياج كلمتين بسيطة كلش بس محد مسمعهن
الي واذا صدفت وسمعتهن تتكسر العبرة بداخلي
بجيت.. نورهان اسر يريد يروح يم غيري
يريد يخون
لج كلبي يوجعني شوكت ارتاح احجي شوكت
ليش هيج كلها ضدي و بكل مشكلة ما ينتقمون
غير بس مني تخيلي يريد يروح يم**** بس
حتى يحرك كلبي..

-بجيت و شكيت حالي الها هي خطية انقهرت
عليه ليش ترضين بهالشيء؟!..

-مو بيدي اذا ابوج واخوج يرجعوني عليه
وهو يتفنن بعذابي ما تكليلي شتحمل بعد..

-ضلت تهدي بيه شويه وسدته خطية هي اعرفها
من تتصل بيه يعني تسال عن مهاب بس
من شكيت الها حتى ما حجت شنو تريد..

-حسيت عليه يفتح بالباب بسرعة مثلت النوم
تقرب مني شال شعري يشم بي رجع خله
راسه بركبتي هنا ما تحملت لا قربه و لا
الي جاي يسوي نزلت دمعتي دفعته وكمت..

-كتلك لا تتقرب مني ما دام تريد تروح الها
لا تتقرب ولا تطخني..

-هو تنهد.. انتي ريا انتي الي وصلتيتي
لهالمواصيل ..

-انت شكد تفرق
ولا تعرف حق الله
و بعينك تشوف ومع هذا هيج تحجي
عمري كله ما راح اسامحك تعرف ليش
اني راح اكلك لان فصلت هواي ناس عليه
واخرها وصلت وياك تفضل بنت الشارع عليه..

-ليش بشنو مقصرة وياك تذكر شلون جنت
تعاملني طفلة اخذتني و شفت ضيم وياكم
وكم مرة اهلك يعيلون بيه وانت توكف وياهم
ضدي ومع هذا تحملتك وكلت يجي يوم
و يحبني و يقدرني واجه هذا اليوم وتالي
شنو رجعت اسر القديم..

-ارتجيت على الحايط و بقيت على هاي كعدتي
ابجي هو كل شوي و يتنهد كام.. ضلي بهذا
عنادج لا تتنازلين هيج احسلج..

-اخذ الخاولي و طب للحمام واني على كعدتي
بس ابجي فوكاها يكلي ما تتنازلين ليش هو
منو المفروض يتنازل يعني لو اتقرب الج
واروح لو تسكتين و تتحملين..