اسيرة قدرك

البارت العاشر

اسيرة_قدرك..
بقلمي رسل..
البارت العاشر..

لا أؤمن بالصدفة فأنت لـي قدر..

-هو التفت عليه من شافني طفر
على حيله صاح ريا شبيج..

-ما كدرت احجي كل الي احتاجه بس هوا
هوا يدخل لريتي خله ايده على صدري
فرك صدري بقوة ركض جاب مي غسل
وجهي واني احس روحي نسحلت تعبانه
و مخنوكه..

-يفتر يدور على عباتي.. ريا حبيبتي اصبري
هسه راح اخذج للمستشفى شنو شتحسين
لخاطر الله شبيج اباوع عليه خطيه نخبص كلش..

-كوه نطقت وكتله مخنوكه مخنوكه..

-لبسني العباية و سندني اخذني للمستشفى
كالوا ما بيها شيء مجرد  تعب و اجهاد..

-رجعنا للبيت باس راسي ها هسه شلونج؟!..

-هواي احسن والله قبل شوي اريد بس اتنفس
ما اكدر كلت متت هاي هي..

-لا لا اسم الله عليج نامي ارتاحي حتى البنات
راح اخذهن يم سماح..

-خليت راسي على المخدة وهو اخذ البنات
وطلع خليت ايدي على صدري شصار بيه
هيج الهوا عزيز بحيث انتهيت غفيت بوسط
التفكير بدون ما ادري بروحي من التعب..

-الصبح كعدت جسمي مكسر اريد اكوم
ما اكدر اجتني نور وجبرتني اكل شوي
ورجعت للغرفة كالت اسر قبل لا يطلع وصانا
عليج وكالهن مريضه ابد لا تخلوها تشتغل..

-للعصر وهي يمي ابد ما عافتني وخواتها
مدري شعجب ما حجن ولا كالن كومي
اشتغلي..

-دخل هو جنه كاعدين اني وبناتي..

-شلونه الحلو اليوم.. حجاها بابتسامه ودنك
يبوس بالبنات..

-بعدها تقرب مني كعد بمستواي اخذني لحضنه
وباسني.. شلون صرتي؟!.. ليش هيج
الوجه الحلو ذبلان..

-ابتعد عني فتح علاكه طلع منها لفات و عصير
و نستله انطه النستلة المهرة خله الاكل يمي
جبرني اكل ما ابتعد الا لما شبعت..

-تمدد يمنا لعب ويه مهرة الى ان نام اني هم
لكيتها فرصة هو موجود ما طلعت يمهم
شكد حلو يوم كامل ما انغثيت بي ابد
ولا واحد سمعني منهم كلمة دعيت كون دوم
هيج والله ما عندي شيء وياهم بس هم يكرهوني
ما اعرف ليش عمتي حاقدة عليه شلون
ابنها اخذ غريبة راح يصير شكد اني يمهم
وخلفت وهي بعدها معتبرتني غريبة..

-للمغرب و رجعت عليه الحالة مالت البارحة
اختنكت كلش الله لا يراويها لاحد اريد بس
اتنفس ضليت الوب افتريت الغرفة مدري كم
مرة عبالك انازع..

-ما كعدته خطية تعبان و البارحة هبطته هم
لليل انتهيت كلش تخربطت حار بيه..

-لج بس كولي شبيج ريا شنو اليوجعج
مو دمرتيني والله.. هو يسألني واني
والله ما اعرف غير بس من يجي الليل اختنك
يصير هذا الهوا حسرة عليه..