اسيرة قدرك

النهاية القسم الاول

اسيرة قدرك..
بقلمي رسل..
النهاية القسم الاول..
واتباد rasolaa7

لا تنسون التصويت وتعليقاتكم على الفقرات حبايبي
+اضافه الحساب♥️

يكول الها..

انا المسودن بيج وترديني اعوفج!..

-الحياة يوم الك ويوم عليك
يوم تضحك بيها ويوم تنزل دمعتك
وها هي حياتي محورها يوم بيوم
وموقف بموقف
دقات قلبي الضعيفة تود ان ترسل لي برساله محتواها
لنحارب هي حياة وليست جنة
لنحارب هي ايام وليست كل ايامنا متشابهه
لنحارب بدقات قلب ضعيفه وبروح متعبه
لنحارب فالحياة تسحق الضعيف..

ريا..من بعد ما رجعت ويا لبيتنا حياتي وايامي حلوت هواي حلوت جنت طايره مثل الفراشة الخفيفه رغم المرض بس النفسية من تتحسن حتى الجسد يرتاح..

-فترة عشتها بحب ودلال جان عالم ثاني جان حلم حلو حلو حيل لدرجة جنت بغيبوبة وفزيت منها بالواقع الاليم..

-الواقع الاليم الي اجراسه دكت ناقوس الخطر
براسي وذكرتني بماساة مرض قلبي..

-بهاي الايام كلبي ضعف لدرجة صار النفس يصعب عليه صدري يوجعني اتذكر الماضي وعذابي واكعد ابجي على حالي..

-البيت هملته الشغل ايدي صارت ما تاخذ عليه البيت شنو يحتاج من تنضيف طبخ صار من مسؤولية اسر
والبنات يتساعدون عليه..

-اما اسر صار هوس بي يسأل من طبيب لطبيب وحاير بيه اشوفه دوم حاير وتعبان نظراته عليه بقلق يطب يطلع شلونج شيوجعج شنو تحسين؟!..

-راجع بيه هواي اطباء والنتيجة وحدة ماكو فايدة تعبت
كلش تركت بيتي وهملت كل شيء فترة المرض دكني
وبس نايمه ببيت اهلي وهو يلوب عليه..

-كم يوم وتحسنت شوي رجعت للبيت والگا مثل الطفل لينتظر امه حضني وما يقبل ابتعد ما يعرف يعبر عن فرحته يبوس يحضن فرحان.. شلون صار كلبج يبعد
كليبي؟!..

-الحمدلله..

-باس كلبي ريت ينزاح كل تعب منه ما بيج غير العافية يا عافيتي..

-بالليل متعود يحجيلي شنو يصير بيومه وبالدوام شنو يشوفون وشنو شغلهم يحب دائماً انصحه واشاركه لو يحير بشغله ويجي.. ريا كليبي شتصرف وشنو حلها؟!..

-ونكعد نتفاهم ونتناقش وهو يسمع مني بحيث صار يشاركني الصغيره والكبيرة واني اصفن واردد الحمدلله الي تغير الحمدلله على هاي اللمة والطمأنينة جو جنت اتمناه حياة بعيدة عن المشاكل وتحقق فعلا..