اسيرة قدرك

بارت 64

اسيرة قدرك..
بقلمي رسل..
البارت الرابع والستون..
واتباد rasolaa7

أحبكِ
‏ويكفي أن يصل صوتي إليك
‏يكفي أن ألمسُك بنبرة
‏أن نتعانق بتنهيدة
‏وندع مخاوفنا معًا
‏بضحكتُك الزاهية..

-ثاني يوم كعدت لكيته ماكو حسيت نفسي مالي خلك دزلي رسالة حضري نفسج العصر
نروح لعرس صديقي بالقاعة وراح اجيبلج فستان ويايه تلبسينه..

-كملت شغلي للظهر اجه وجان شايل القاط
الي كاوي وعلاليك ( اكياس) انطانياهم.. طلعي ملابسج كدريهم خلي اشوفهم عليج..

-فتحت العلاكة واشوف جايبلي فستان لونه رصاصي على بنفسجي اللون غريب وحلو
وحذاء وجنطة وياهم فرحت بيهم رحت عليه
يشوفهم هو عينه عليه ومبتسم.. غير تخبلين
من فدوه لهالوجه الحلو مثل ما تصورتج بيهن..

-ليش كلفت نفسك عندي هواي جان لبست
منهن هو باسني.. مايغلا عليج حبيبتي..

-بعد الغدة تحضرنا دخلت سبحت ومكيجت شيء هادئ وخفيف ما اريده يحجي عليه بدلت و
لفيت حجابي وطلعنا للعرس والطريق كله
كل شوي ويلتفت عليه.. شدعوه هيج حليوه
لوما الي ابالي فلا اطلعج هيج حجاها وشغل
اغنيه..

-استغربت شنو الي اباله من سالته هو كال
هيج ماكو شيء..

-سكتت وصلنا وهناك لكيت ام مهاب وسماح ومهاب موجودين هم بينهم علاقة اهل مو بس صداقة سلمت عليهم وسماح بثكل ولا حتى باركتلها وكانو شخص غريب كلبي مات من ناحيتها..

-مهرة وريا اجني عليه حضنتهم وابوس بيهم
حبيباتي اشتاقيت الهن بس ابوهن اصر الا
بيت جدهم يشوفوهن وهم علمود سماح..

-الحفلة جانت حلوة من خلص العرس اسر
صاح على مهاب ومن اجه هو كاله.. اخذهم للبيت وشوي وأمر على البنات لان اريد اروح للفندق وياهم..

-مهاب اخذهم واني صعدت ويا اسر قبل
لا يحرك حجيت ويا.. خلي البنات يجون ويانا كافي عاد اخاف يضوجن خطية و هم مابيها داعي لو راجعين مو احسن..

-هو ولا كانو احجي طلع وياهم للزفة
من وصلنا هو راح للصندوق مال السيارة طلع علاكة ما عرفت شنو بيها بعدها تقدم وبارك
لصديقة من دخلوا هم لغرفتهم هو اخذ ايدي
ودخلنا بغرفة ثانيه..

-شكو اسر غير تفهمني؟!..

-اليوم شنو؟!..

-خميس حجيتها هو ضرب كصته خفيف
صدك توني عرفت..

-اليوم عيد زواجنا يا المطفية وهسه تعالي وياي
دخلت للغرفة هادئه ومخلي كيكة وشويه تزيين اجواء حلوة ورومنسية..

-اليوم اريد نعيد ليلة عرسنا باسني و انطاني
سيت نوم روحي لبسي وتعالي..

-رحت بدلت والفرحة الي بداخلي ماتنوصف
ما متوقعه هالشيء من اسر واصلا حتى عيد
زواج وهالسوالف مو ابالي لان خلصتها مشاكل و ما محتفلة اخذني لحضنه وضعت بين غزله
ولهفته جانت ليله احلى حتى من ليلة عرسنا
راسي على صدره رفع نفسه شوي ومد ايده
على العلاكه باس راسي وانطاني ورقة..