اسيرة قدرك

البارت 73

اسيرة قدرك..
بقلمي رسل..
البارت الثالث والسبعون..
واتباد rasolaa7

لساع
أشوغن للـ سما يوجعني جرح البارحه
ولـ خاطرك گمت الفجـر لله
وگلتله مسامحه..

-هي اخذت موبايلها اتصلت على طبيب وياها
يداوم هناك اسمعها تحجي ويا وانطته اسم مهاب كامل واني اباوعلها بخوف ياربي ماكو شي سمعتها كالتله انتظرك دكتور وسدته واني
كلبي يلوب صح قسيت ويا سمر بس موبيدي
كلبي وجعني عليه..

-ها سرى شكال؟!.. هي صاحت شبيج يمعودة
غير يسال عنا ويرجع يتصل..

-بقيت انتظر على نار تقريبا نص ساعة ودك عليها تحجي واني واكفة على راسها واسمعه
يكلها.. اي لكيت المريض واشرفت على حالته تعبان وكاتبيله منام بالمستشفى لحد ميستقر وضعه..

-بقيت اكل بروحي اروح اشوفه لو لا شلون بيه ياربي حرب بين عقلي وكلبي ضليت مترددة
هي كالت نورهان تريدين نصيحتي؟!..

-هزيت راسي باي كالت.. روحيله وشوفي حتى اذا من بعيد لا سامح الله يصير بي شيء
وتتندمين وحرام ترى تمرض عليج صح ذنبه
ما ينغفر بس الله بعظمته يسامح منو احنا
حتى ما نسامح حاولي..

-عافتني وطلعت وخلتني بنار التفكير يارب شلون اروح لو لا بقيت كاعدة وتفكير شل عقلي طلعت اكلت لكمة لخاطر الروحين الي بطني تالي
من بعد تفكير قررت الصبح اروح ويا سرى
اشوفه وبحجة انو عندي حالة مرضية حتى
اذا يشوفوني ما يكولون جايه علموده..

-بهاي الليلة كوه كدرت انام وكل ليلة هذا
حالي من وره حالتي وحملي الي بصعوبة
احاول اخفي باللبس العريض واتهرب منهم
احس روحي مسوية جريمة ومنا زودها
عليه مهاب بالتفكير بشوفته..

-الصبح لبست لبس فضفاض و طلعت لسرى
هي باوعت عليه ها وين؟!..

-وياج اخذيني رجلي مأذيتني اشوف علاج لهل كيس اني حجيت هيج وهاي ضحكت بصوت.. لا وداعتج علمود استاذ مهاب بس خوش جذبه
امشي اخذج نشوف مهاب اقصد الكيس..

-اسكتي كافي راح ابتلي بيج.. طلعنا
اتصلت على صديقتي واعتذرت منها اليوم ما اجي  للروضة..

-وصلنا للمستشفى واحس كلبي يدك بقوه
سرى..خلي تمر ساعة اكثر وعود سوي نفسج دورين على دكتور بالطوارئ او اي شيء يلا نروح مو راسا عفيه..

-هي كاتمة ضحكتها..امشي ومعليج خليها
عليه..

-مر ساعتين واني منتظرة يمها بين ما  كملت شغلها من كملت.. يلا كومي..