اسيرة قدرك

البارت 41

اسيرة_قدرك..
بقلمي  رسل..
البارت الواحد والاربعون..
واتباد rasolaa7

احسك ضل يرافكني
يضحكني ويبجيني
يسكتني ويحجيني
اروح لوين من دونك..

- قرب أنفاسه ع ركبتي وريحة الشرب تكتل
باسني.. باجر ملتحق واريدج يمي حقيرة تعاند يحجي بس كلش ثكيل نزع قميصه صار فوكايه ضل يبوس بركبتي ويبوس ايدي اخاف شلون
اوخر منه هو ابتعد راح صب نص كلاص
واجه يمي سحب ثوبي وذبه كله على صدري
ورجع يبوس بيه و بقرف لان جان مستلذ
بالي يسوي وفاقد لكل شعور بسبب السم الي
شربه اني هنا احس الدنيا ضاكت بيه دفعته بغضب وكمت وهو يركض وراي..

-ركضت واتلفت من الخوف عيشتيش هاي
يربي الي خلصتها بس قهر وقلق ما عندي
غير ام مهاب الي تخلصني منه دكيت الباب عليها
وكعدتها واني خجلانه منهم هي طلعت باوعتلي
بقلق..

-قبل لا تحجي لزمت ايدها.. فدوه خلصيني
من اخوج اتخبل عليه جنت احجي برجفه وابجي..

-هي صاحت.. شبي ولج..

-بهاي الاثناء هو اجه وراي ويصيح باسمي
تنهدت بقهر فضحنا بهالليل والله حتى خجلت من بيت حماتي طلع مهاب من غرفته واخذه ضل
حاير بي دخله جوه الدوش ورجع سواله كهوه
مرة..

-هو اختنك كلش صاح بيهم.. نفسي ضاك
اريد هوه..

-اخذه مهاب فوك السطح واني رجعت للغرفة
شلت الجرجف و الملابس ولميت الهوسة
والقذارة رجعت مسحتها و عطرتها لان
لعبت نفسي منها كلش وصلت ويا الحال يجيب
الشرب لغرفة النوم تنهدت بقهر..

-ياربي اهدي لنفسه وعليه تعبت هواي
وحاولت ويا وانت اعلم بالحال بعد ما اعرف
شحجي لو شدعي..

-شوي واسمع صوته يتقيأ صعدت واشوفه
يلوب من معدته ام مهاب انطته علاج مال
معدة.. كله من هذا القرف والسم..

-نزلت وشوي واجت ام مهاب.. كومي يريدج
تفركين راسه يوجعه..

-كوليله نامت ما اريد اروح.. حجيتها هي حجت
بغضب.. هاي المرة زودتيها عيب عليج
رجلج باجر ملتحق و خطر وانتي حايرة بالزعل
هسه هو شطالب منج غير راسه يوجعه..

-حجيت بقهر.. حتى انتي صرتي ضدي حقج
تحجين هيج ما شفتي شلون يعاملني مثل
بنت الليل لا و الشرب يدخله للغرفة لهسه
رجفه جسمي منه خاف لا يجرم بيه وهو
ما يدري بحاله تالي تكليلي روحي يمه..

-اني مو ضدج ريا وتدرين بيه ما ارضه واحد
يزعلج بس ما يهون عليه اخوية تعبان و يحبج
و يريدج وانتي معاندة..