اسيرة قدرك

البارت الرابع

اسيرة_قدرك..
بقلمي رسل..
البارت الرابع..
واتباد @rasolaa

وحدك
خيط شمعه ولاحها النسيان
تتفت رماد اوهام من تنجاس
مامشً ناس..

-الموبايل بيدي كل دكه منه احسها تدك بكلبي
من الخوف انتهت الرنه الدموع تجمعت بعيني
واني اشوف المكتوب 5 مكالمات يربي هاي
المكالمة الخامسة حرك الجهاز عليه
ما عندي لا الجرأة
و لا الاستعداد
و لا الكلام المناسب لمواجهته
يعني مثلا اذا رفعت الخط شنو احجي
انتهيت اني يا ربي انتهيت خلصت طاقتي
حياتيش هاي الي كلها خوف و قلق و حرك
اعصاب..

-اخر شيء من ايس بعدما حرك الجهاز حرك
بالمكالمات وصلتني منه رسالة..

-متجاوبين مو ريا دحضري روحج اطلكج ما تبقين على ذمتي الي تطلع من بيتي
بدون علم رجلها ما تصيرلي مرة..

-شبعت بجي يومين بقيت يم اهلي اني منتهيه
بعد هاليومين هو اتصل على ابوي اجاني
ابوي يرعد شلون تبوكين الرجال وين الفلوس احجي..

-يا فلوس بابا شنو بايكته شنو هالحجي
جذاب والله جذاب لا تكول صدكته بابا
كافي لخاطر الله كافي مو مللتوني..

-لج يكول بتك بت الفكرالحرامية  بايكه فلوسي 600 الف مشيولات منه ريا
وين راحن فلوس الرجال لعد..

-تنهدت بقهر كتله جذاب و مفتري غير
المية ما اخذت منه والله..

-تركتهم و كعدت وحدي تعبانه و بس افكر
تذكرت من طلعنا اني و اختي ما اعرف
الي سويته صح غلط بس الي اعرفه نهزمت
خوف منه يمكن لو باقيه جان رجع خلص عليه..

-عشر ايام كعدت بيت اهلي و داخلي ما مرتاح بهاي الايام سمعت اشكال الكلام
من اهلي كوه عليهم متحمليني ثكيلة
ثكيلة عليهم بشكل..

الى ان اتصل على ابوي و بلغه انو بنتك
خلي تحضر روحها جاي عليها اخذها للمحكمة نطلك..

-هنا حسيت الكون ضاق بيه ما اريد اتطلك
وين اعيش بنتي يحرموني منها اعرفهم والله
اعرفهم اني الي عشت وياهم و اكتشفت
شنو من ناس هم..

-اخذت جهاز بابا و دكيت عليه و يه كل رنه
دموعي تنزل هواي دكيت وهو ما يجاوب بفيت ادك الى ان  رفع خط بس كلت الو نزل عليه غلط ضغطت على نفسي و حبست
همومي بداخلي من بعد سكوت دام هواي
مني جنت بس اسمع نطقت بالكلمة
الي دست هواي على نفسي يلا حجيتها
بس مستحيل ابقى يم اهلي عشر ايام
ما تحملوني يمكن اذا اطلك الله الي يعلم
شيصير بيه و على منو يشمروني..

-بس اني ما اريد اطلك ولا اريد ابتعد
عن بنتي فدوه اسر والله جنت خايفة
منك و طلعت من البيت..

-انت انت هددتني و كتلي انهيج
من ارجع خفت منك هواي وطلعت
جنت احجي وابجي هو بس يسمع